Post: #1
Title: اليوم تفتح ابواب المدارس في ولاية الخرطوم
Author: العوض المسلمي
Date: 06-22-2008, 11:02 AM
Parent: #0
اليوم دقت اجراس المدارس بولاية الخرطوم
اعلانا لبداية العام الدراسي الجديد
وبداية المدارس يعني الكثير للاسر
فالقيام الصباح باكرا
وزيادة المصروفات وتوصيل التلاميذ للمدارس
انها تعني اعباء ما اثقلها
علي كل حال نقول لابنانا عاما سعيدا وتحصيلا ونجاحا يارب
وكل عام دراسي والاسر بالف خير
|
Post: #2
Title: Re: اليوم تفتح ابواب المدارس في ولاية الخرطوم
Author: عبود عبد الرحيم
Date: 06-22-2008, 02:16 PM
Parent: #1
اليوم نبدأ عاما جديدا من الاعمال الشاقة في متابعة دراسة الابناء ...
تعرف يا العوض أخوي ...
هذا العام يخطو (محمد) ابني خطواته نحو الصف الثاني أساس ...
علما بأن الجهد الاكبر والاعظم في العام الماضي قامت به (ام محمد) والحمد الله تخطي السنة الاولي بنجاح رغم ظروف المرض التي صاحبته خلال الشهر الذي ادي فيه الامتحان ...
و(محمد) يدخل هذا العام بتصميم كامل علي التفوق باذن الله ...
نسأل الله التوفيق لكل ابنائنا ... آمين
|
Post: #3
Title: Re: اليوم تفتح ابواب المدارس في ولاية الخرطوم
Author: عبدالفتاح أبوشيمة
Date: 06-22-2008, 02:34 PM
Parent: #1
Quote: اليوم دقت اجراس المدارس بولاية الخرطوم
اعلانا لبداية العام الدراسي الجديد
وبداية المدارس يعني الكثير للاسر
فالقيام الصباح باكرا
وزيادة المصروفات وتوصيل التلاميذ للمدارس
انها تعني اعباء ما اثقلها
علي كل حال نقول لابنانا عاما سعيدا وتحصيلا ونجاحا يارب
وكل عام دراسي والاسر بالف خير |
موضوعك دا جاني وأنا أصلاً متألم في غربة مؤقتة؛
إذ جاءني اتصال من الأهل
يلحّ في إرسال مبلغ 300000 جنيه بالقديم لطفلين بصدد تسجيلهم في مدرسة حكومية؛
مائة وخمسين ألف لكل؛
العوض ياخوي الاثنين ديل لما يمشوا الجامعة حيطلبوا منّي كم؟
مع العلم في حفل التخريج بتاع الروضة طلبوا نفس المبلغ للإثنين؛
رفقاً بالبشرية يا إدارات المدارس؛ حيقول ليك الإدارة في الوزارة ما فرضت شيء؛ إنما مجلس الآباء
هو الذي ...
والإنشاءات
وهلم جرّاً
يا العوض يا أب عمّة؛ كان عندي فكرة أفتح لي بوست بالمعنى دا؛
عشان كدا أحسن نسخّن ليك بوستيك المواكب دا؛ يمكن يسمعونا.
فوق
لعلمك الطفلين ديل حيتسجّلوا في أولى أساس مش في الثانوي وفي مدرسة حكومية داخل الحي؛
وتحت إشراف محليّات؛ يقع على عاتقها كل خدمات التعليم والصحة.
|
Post: #4
Title: Re: اليوم تفتح ابواب المدارس في ولاية الخرطوم
Author: عبود عبد الرحيم
Date: 06-22-2008, 02:50 PM
Parent: #3
Quote: إذ جاءني اتصال من الأهل
يلحّ في إرسال مبلغ 300000 جنيه بالقديم لطفلين بصدد تسجيلهم في مدرسة حكومية؛
مائة وخمسين ألف لكل؛ |
بس؟؟؟؟؟؟
يا أخوي عبد الفتاح أحمد الله علي انهم طلبوا المبلغ ده بس ..
يا أخوي وريني مدرستكم دي وين الما حصلت المليون دي ؟؟!!
|
Post: #5
Title: Re: اليوم تفتح ابواب المدارس في ولاية الخرطوم
Author: بابكر التوم
Date: 06-22-2008, 03:37 PM
العوض اخوى
سلامات
Quote: علي كل حال نقول لابنانا عاما سعيدا وتحصيلا ونجاحا يارب
وكل عام دراسي والاسر بالف خير |
الله يقدركم وكلوا يهون عشان اولادكم والسودان الجميل
|
|