الكُتَّاب الآتية أسماؤهم أصبحوا كُتَّاباً مشهورين عالمياً بسبب كتاباتهم هنا

الاخوات و الاخوة
سلام و تحية و كل عام و انتم بخير

فى قراتى اليومية لاحصايات الموقع وجدت ازدياد ملحوظ لعدد زوارنا الكرام الذين ياتون الينا من محركات البحث و خاصة محرك البحث الشهير قوقل ...انظر ادناه

لقد اصبحت اللغة العربية تشكل مصدرا مهما و كبيرا لمحركات البحث فمثلا اذا بحثت عن كلمة برطمانية فى محرك البحث قوقل يظهر لك

لقد اضفنا الى المكتبات مؤخرا خاصية جديدة عبر Meta Tag و هى ان تظهر مكتبة العضو/ة بدلا عن سودانيزاونلاين دوت كم فى محركات البحث لشهر كتابنا عالميا ...............

فاذا كنت من اصحاب المكتبات هذه
http://www.sudaneseonline.com/cgi-bin/sdb/2bb.cgi
فاحرص على تحديث مكتبتك بالجديد بعد كل ارشفة هنا
http://www.sudaneseonline.com/cgi-bin/sdb/2bb.cgi?board=280
وشكرا

تسلم يا بشمهندس بكري ابوبكر

والي الامام

برطمانية شمــــــــــــار


مشيت كتبت برطمانية فى قوقل ..طلع لى ده .....

اها نحن عالميين بلا شمار ...ههههههههههه

والغريبة لغاية نهاية البوست انا ما قلت الشمار ....


ده كان عرس خالد كودى وندى على ...ولا عرس هالة الاحمدى وحاتم الياس ...

كلهم شمارهم كان عندى بس الخرف طلع النوع المبكر ...

تحياتى يا بكرى ابوبكر ..

وانت وكت اصلك داير تبقينا عالميين ...بوست "اكوى يكتب من ابرنقفيلد" مالك غمرتو وطمرتو وما أديت الولد باسوير لى يوم الليلة ؟؟

يعنى الا نرسل ليكم هكر ونقول الزول اسمو نسرين سوركتى؟؟

كل عام وانتم بخير

البحث عن :

"أسياد الشي زاتا"

النتيجة :




تسلم يا بكري

هسه الكتاب الفوق ديل كلللللهم عايز تشهرهم عالميا؟!

أمال مكتبة معتز القريش وين

بوستات لمكتبتى

والله يا بكري ارغمتنا للدخول والبحث في المحركات .... غايتو انا كتبت البستله وظهرت لي ...

أرشيف الربع الأول للعام 2007م لمنتدى سودانيزاون لاين دوت كم
. 08-03 ... ( Re: SAMIR IBRAHIM) انت زول تحفه خلاص يا سمير. Quote: علي الطلاق حتي البستله ما حا تولع ...
sudaneseonline.com/cgi-bin/sdb/2bb.cgi?seq=msg&board=3&msg=1173112174 - 234k

يلا أبحثو لينا عن

جر جاو انتقو ارمو

انشاء الله يوديكم الكدرو

تحياتنا

هل تقصد : جر جاوا انتقوا ارمو


ممكن الواحد يفتح البوست و بعداك ...(( دا جر جاو انتقو ارمو )) ... جر جاو دى ما عرفتها لكن انتقو ارمو يعنى اقلعو وارميه بعيد. ...
<a href="http://www.sudaneseonline.com/cgi-bin/sdb/2bb.cgi?seq=print&board=13&msg=1189116131&rn=" target=_self>ممكن الواحد يفتح البوست و بعداك يخليهو و لا كيف؟ - 73k - نسخة مخبأة - صفحات مشابهة

الزير سالم !!سلامات تملأ الجر لامن يدفق ويا حلاة الموية في الجر يلا قول وراي جر جاو انتقو ارمو ...
<a href="http://www.sudaneseonline.com/cgi-bin/sdb/2bb.cgi?seq=print&board=77&msg=1133952062&rn=" target=_self>الزير سالم !! - 230k - نسخة مخبأة - صفحات مشابهة
[ مزيد من النتائج من www.sudaneseonline.com ]

شوفتو كيف
جابكم طوالي علينا بي جاي

Quote: هسه الكتاب الفوق ديل كلللللهم عايز تشهرهم عالميا؟! أمال مكتبة معتز القريش وين

معتز القريش مشهور بدون مكتبة يا أمونة
.
.
.
كويس انك بقيتي تهظري معاي
دا تقدم ملحوظ ..
بس أوعة بكرة تقولي لي بتكتح

المكتبات دى اكتر حاجة مصدعانى هنا وغالبنى البقولو
يا سيد الحوش كما يقال المكتبات دى كانت اجمل فكرة
وكلها قيمة وجميلة وايضا مراجع لكل الناس ولكن بقدرة قادر
فقدت معناها عندما اصبحت مكان لحفظ اعمال كل الناس حتى الغير مفيدين
اى زول عامل كمية بوستات الظاهر كتيرة جدا يعنى يمتلك وقت اكثر من غيرة
تظهر باسمة مكتبة حتى وان كانت لا تحمل اى شئى له فائدة لتؤرخ للمستقبل
وانحشر اسماء الكتاب والفنانين والنقاد وسط مكتبات اخرى حتى ان حزنت لهم.

البركاوي داك الطعمو حالي


طبعا ما بعرف في التقنية الحديثة دى


واحد يخش قوقل ويجيب الوصلة دي

وكنت اخاف ان اذكر إسمي بالكامل أن لا يفتكر الاخوة الاعضاء أنني]غير
سوداني

صرف فانا كما ذكرت من قبل من مواليد بانت

ونشأت في الثورة الحارة الثامنة ( الرياض )

ومنها إلي عوالم اخري

الاخوة الاهضاء

السلام عليكم ورحمة الله وبركاته


البركاوي نوع من انواع البلح ( التمر ) في شمال السودان

ويعتبر انقي واجمل واغلي انواع التمر في الشمالية


ويعتبر المصدر الاول للدخل القومي الشمالي


حيث يستدين كل اهل الشمال حتي سبتمبر بداية الحصاد


ثم تعود الحياة في يناير

مع العلم ليس لدي مكتبة في سودانييزاونلاين

مع العلم ليس لدي مكتبة في سودانييزاونلاين

Quote: بت الخير يجيكي الخير وصل جوابك الكاتباهو للولد الحتالي وكان الظن ترسل لي فيهو هين هينين من البركاوى داك الطعمو حالي وتكتحي فيهو حبات من نبق سدرتنا ديك بدل التسالي سؤالك يايمه عن حالي كان شفتيهو يغنيكي عن سؤالي انا اتوكرت في قلب البنادر ذى غريق شرقان مدلدل في الدوالي جاء شايلني حـر الجوف وانا اتحديت مجالا مو مجالي مصائب الجامعة يايمة اكبر من الشفتو ولا السمعتو في ايامي الخوالي قعاد الكرسي كان شفتيهو ورم سيقاني زى سيد الزلالي اقلب في الفاتر من صباحا بدرى لامن تمسي ما انسي انشغالي ده كلو عشان اجيب نمرا انافس بيها واستر بيها حالي

الشعــــــــــــــر الشــايقــــــــــــــــــي

يعني هسه لو عندي مكتبة كان- في ظل الشهرة الواسعة التي حققها الهلال- كان بقيت مشهور
اي زول ولا نادي أفريقي متافس يبحث عن الهلال في القوقل أجيهو طاير
الرجاء التكرم بمكتبة

توقيع : باحث عن الشهرة

شكرا بكري ابوبكر
شكرا جميلا
شكرا للتقدم والتكنولوجيا
وعلى خطاك نتقدم
على ابواب المعرفة الأسفيرية
عندي موقعين
سودانوي
اطفال السودان .. اصحاب اصحاب
ولولاك لما تشجعنا لأرتياد هذه الدروب المنيرة بالعلم
شكرا بكري

كل سنة وأنت طيب باشمهندس

أنت قايل حوشك دهـ هين والا لين

ودي فرصة نطلب منك التكرم بمكتبة

خالدة البدوي

اصلي دائماً حقي رايح خاصة اوقات

الارشفة تجي حاجات من وين تحول

دون رفع البوستات الخاصة بي

وإدراجها مع الاشفة الجديدة ،،

إلى الأمام يا ريس

الحقوووووووني ... قلت كدي نبدا بي أسمي وعيييييك
الحكاية جابت ليها آل زوجة كبسيبة وحمودي ...
كيف أحفظ حقوق اسمي يا أبوبكر ...كل يوم أدخل منتدى ألقي ليك كبسيبة

لكن شوفوا كبسيبة متربع جم منو....

بس اخ خ خ ندى القلعة دي ما كان يقربوها مني شوية كده

عمل رائع يعود فضله ليك ..
على فكرة ..لو قوقلت معظم اعضاء وكتاب سودانيز اون لاين .. بجوك مرصوصين ..
منتظرينك يا باشمهندس تجود لينا بمكتبة للتوثيق ولو انو موجدين في السيرش انجين

يا بكري ...

حاول عالج لينا صفحة تحميل الاغاني !!

الصفحة غير موجودة .. إختفت في ظروف غامضة ..!!

راسنا إنقطع والله !!!

ابن السودان البار بكري ابو بكر

لك التحية وانت تقدم هذا العمل الجليل من خلال منبر سودانيز اون لاين الذي أصبح في مقدمة وسائل الاعلام التي تشد عشرات الآلاف يوميامن القراء والمشاركين.

يكفي ان هذا المنبر أصبح من أهم وسائل الاعلام كمنبر توثيقي هام في كافة المجالات.


لكم الشكر والي الأمام دوما ودائما.

بكري ، عندي اقتراح ولماذا لا يتم ترتيب المكتبات ابجديا ،لسهولة البحث ، و ويمكنك الترتيب بحسب الاسم بالعربي ، او الانجليزي ، وبالنيك نيم ..................

مقدر تماما لما تبذله وشاكر جدا

mm

سيد الحوش
تحياتي

Quote: لقد اضفنا الى المكتبات مؤخرا خاصية جديدة عبر Meta Tag و هى ان تظهر مكتبة العضو/ة بدلا عن سودانيزاونلاين دوت كم فى محركات البحث لشهر كتابنا عالميا ...............

يديك العافية ....والي الامام دائما ....سودانيزاونلاين .
واقفين في الصف
هارون دياب

سلام يا اخ بكرى
هل ما زلت فى السودان
لم تظهر علينا فى الاجراس
انها برطمانية المهمشين

done

Quote: تسجيل الدخول Google بحث متقدم خيارات البحث: في الويب صفحات باللغة العربية ويب النتائج من 1 إلى 10 من حوالي 84 عن رقصة الكمبلا جبال النوبه. ( الوقت المستغرق 0.17 ) نوبة زيمباوىأما الرقص فهو من الممارسات المحببة عند جميع قبائل جبال النوبة بتواجدها الثر ... سحرت العالم بايقاعاتها وأدائها الجميل وطرقت أبواب العالمية , رقصة الكمبلا ... <a href="http://www.sudaneseonline.com/cgi-bin/sdb/2bb.cgi?seq=print&board=104&msg=1137439733&rn=" target=_self>نوبة زيمباوى - 25k - نسخة مخبأة - صفحات مشابهة المنبر العام لسودانيز أون لاين دوت كومإرتبطت الكمبلا بالعرف الإجتماعي والحياتي عند قبائل منطقة جبال النوبه في إثنين من ... يمثله في رقصة الكمبلا ضبط الإيقاعات التي تصدر عن الكشكوش وحركة ارجل ... صراع الطبيعه والإنسان في سِبِر و سِحِر الكمبلا - 110k - نسخة مخبأة - صفحات مشابهة مزيد من النتائج من www.sudaneseonline.com »

شئ مدهش ممتع ، جهد وزمن قمة الدقة
تسلم أيها الحبيب بكرى
بقينا عالميين من أوسع الأبواب
احكى ليكم الدهشة ذاتا!!و الشى حق نادر ذاتا يعنى غلاط وسلبطة ما فينا
صديق لم ألتقيه لعقد من الزمان كان المنبر العام لسودانيز اون لاين سبباً فى التواصل
عندما قرأ لى بوست :
الشوك و الحصاد
مع أنها قصة فلتت منى قبل ما أكمل العنوان بالتنوية لنوعية الموضوع ومضمونة ..شفت الكلام ده؟
والاّن أصبحنا نرفع الموضوع وقوقل مشكوراً يتكفل بالباقى
شكراً بكرى يا من حلقت بنا ركب الأسافير لنضعها رقعة تسد ثقب الأوزون
ودمتم

يا باش مهندس تستاهل الشهرة انت ومنبرك زائع الصيت ...والحبينا من زماااااااان


وأهي فرصة أشكرك فيها على قبولي في المنبر ....بدون" وساطة" أو "تذكية" ....موش؟



اتقبل خالص ودي

هذا الموقع اصبح مشهورا و من ثم عالميا، بسبب كتابة (هؤلاء) هنا, و ليس العكس!!

Quote: هذا الموقع اصبح مشهورا و من ثم عالميا، بسبب كتابة (هؤلاء) هنا, و ليس العكس!!

الابداع عمل متكامل، وفي رأي هنا أجتمعت كل من الموهبة + الموقع والشهرة ثالثتهما
ودي للجميع

انا اسمى مكتوب طيب...
هسه يا بكرى فرحان عامل بقيتنا مشهورين
وحاتك انا اتضررت من شهرتك المزعومه دى جنس ضرر!!!
كلما اكتب لى موضوع الاولاد يقوقلوه يودوه لى امهم..
ويومداك لقيت الشافعة الصغيرة عامله برنت اوت لى النيو لوك بتاعى
ومتفرجخه فى نص السرير وتشرح لى امها
وقالت ليها:
طبعا هسه ظاهرة صورته براهو وصورتها براها
لكن لو فتحتى البروفايل هو بجى طاير من قلبها وبعد شويه
هى تجى طالعه من قلبو!!
سجم رماد شهرتك يا بكرى،،،

ود الموج

Quote: هسه يا بكرى فرحان عامل بقيتنا مشهورين وحاتك انا اتضررت من شهرتك المزعومه دى جنس ضرر!!! كلما اكتب لى موضوع الاولاد يقوقلوه يودوه لى امهم.. ويومداك لقيت الشافعة الصغيرة عامله برنت اوت لى النيو لوك بتاعى ومتفرجخه فى نص السرير وتشرح لى امها وقالت ليها: طبعا هسه ظاهرة صورته براهو وصورتها براها لكن لو فتحتى البروفايل هو بجى طاير من قلبها وبعد شويه هى تجى طالعه من قلبو!! سجم رماد شهرتك يا بكرى،،،

الله يجازي محنك ضحكتنا - يعني هسع نحاسب؟

الأخ بكري طلبنا منكم مراراً رفع بوست مئوية ودحبوبة .. نرجو التوضيح ولكم الشكر .
الأخ بكري ما عدد البوستات المطلوبة للمكتبة وهل من شروط معينة لاقتناء مكتبة عبر سودانيز أون لاين ؟

يا بكري ياخ ارفع للراجل دا بوست مئوية ود حبوبة .. لو تكرّمت ..

وبرضو بلاي حاول إستجيب لي طلبو .. واعمل ليهو مكتبة في دياركم العامِرة ..

ولكم جزيل الشُكر ..

قلوبنا معكم يا حلاوي ..

يا بكور
انا ماشايف أي حاجة
لا محلي لا عالمي
لا ابو ساندرا
لا أبو البنات
لا أبو التومات
لا ود بركات

فورينا الحاصل شنو!

شكرا ليك بكري

بارتيادك للعالمية مع سودانيز اون لاين نحن فخورين بيك وبالموقع.

دمتم ودامت ابداعاتكم.

برطمانية صحتها مرطبانية استنادا الى برطمان والتى صحتها مرطبان!
الاشتقاق يعود الى رطب من رطوبة!
غايتو البرجع لقوقل مزلقان السودان حقو راح!
جنى

شكرا اخي بكري يا جميل

فتحتم افاقا للجميع لن ينسوه لكم ابد الدهر

حسن طه

الأستاذ بكري أبو بكر
حياك الله وانت ترتاد أبواب العالمية
بخطى ثابتة
وترفع أسم السودان عاليا
فلك التحية
وياريت نقدر نواكب
هذه القفزات
الأولمبية
ودمتم سالمين

سنة كده يا الطيب ود شيقوق واصبح مشهورا ...


مش المشاهير ابطال برضو ؟

علوية

Quote: سنة كده يا الطيب ود شيقوق واصبح مشهورا ...

افو افو انت دحين كايس للشهرة هنا ات اصلك من ولدوك مشهور شنق واقدل ساى ولا يهمك امشى على حجر ظلت لووووووووول

الاخ بكري ....

لك الشكر...

وما عملت لينا مكتبه لسع ياخوي..

ضاع اسمي فقلت افتش ليهو عند العم قوقل...

Quote: Web Images Maps News Shopping Gmail more ▼ Video Groups Books Scholar Finance Blogs YouTube Calendar Photos Documents Reader Sites even more » [email protected] | Web History | My Account | Sign out Google Advanced Search Preferences Web Results 1 - 10 of about 13,800 for magdi ahmed elsheikh. (0.32 seconds) Did you mean: magdi ahmed el sheikh المنبر العام لسودانيز أون لاين دوت كوم- [ Translate this page ]Magdi Ahmed Elsheikh . تاريخ التسجيل: 11-03-2008 مجموع المشاركات: 1692 ..... Re: منتدي الذكريات بكلية الطب ج الخرطوم زمان, Magdi Ahmed Elsheikh, 03-05-08, ... Re: منتدي الذكريات بكلية الطب ج الخرطوم زمان - 219k - Cached - Similar pages - Note this المنبر العام لسودانيز أون لاين دوت كوم- [ Translate this page ]15-05-2008, 07:11 م. Magdi Ahmed Elsheikh . تاريخ التسجيل: 11-03-2008 مجموع المشاركات: 1698 ... Magdi Ahmed Elsheikh, 15-05-08, 07:18 م ... صور عريس السودان الشهيد ابراهيم تاج الدين عجوبه..... - 225k - Cached - Similar pages - Note this More results from www.sudaneseonline.com »

وكذا كلية الطب..

Quote: Sign in Google Advanced Search Preferences Search: the web pages from Ireland Web Results 1 - 10 of about 20,300 for كلية الطب ج الخرطوم.‎ (0.31 seconds) Tip: Search for English results only. You can specify your search language in Preferences أكاديمية الفيحاء الثانوية الخاصة - السودان / الخرطوم بكلاريوس العلوم والعلوم الطبية الاساسية 1999م. ماجستير الاحياء الدقيقة –كلية الصيدلة ج. الخرطوم. 7 سنوات. فيصل سعيد عبدالرحمن. الفيزياء ... fayhaschools.net/ar/ustaz.htm - 151k - Cached - Similar pages منتدي الذكريات بكلية الطب ج الخرطوم زمان ومرحبا بك في منتدي ذكريات كلية الطب ج الخرطوم زمان.... سيرته الذاتيه تقول انه انسان سوداني غيور... من قادة مؤتمر الطلاب المستقلين في ج الخرطوم. ...<a href="http://www.sudaneseonline.com/cgi-bin/sdb/2bb.cgi?seq=print&board=160&msg=1206981322&rn=" target=_self>منتدي الذكريات بكلية الطب ج الخرطوم زمان - 977k - Cached - Similar pages أرشيف عام 2003م لمنتدى سودانيزاون لاين دوت كم ج/ اجازة نتيجة الامتحان النهائي للمتخرجين. هل يقوم المجلس الطبي بزيارات للتأكد من ... 5/ كلية الطب جامعة الخرطوم بها العدد التالي من الأساتذة: الجراحة ... تعليم الطب فى السودان - 48k - Cached - Similar pages More results from www.sudaneseonline.com » Untitled Document

والله عمك ده فات الجماعه عديل...

Quote: Web Results 1 - 1 of 1 for فارغات الغرقت في ود راجلا.‎ (0.32 seconds) المنبر العام لسودانيز أون لاين دوت كوم- [ Translate this page ]هي يا اخوانا شوفو فارغات الغرقت في ود راجلا انتي السألك منو ... خصمتك بالرسول يانقابى ياعجوز كان ماحكيت لينا قصة فارغات الغرقت فى ود راجلا ,, ... اضبط ود الصايم ورحلة البحث عن أمنة عبد الكريم - 150k - Cached

شكراُ يا ريس ومذيداُ من العالمية

مبروك للجميع
مع امنياتى بان امتلك مكتبه مع شرفاء المنبر

انا

Quote: انا اسمى مكتوب طيب... هسه يا بكرى فرحان عامل بقيتنا مشهورين وحاتك انا اتضررت من شهرتك المزعومه دى جنس ضرر!!! كلما اكتب لى موضوع الاولاد يقوقلوه يودوه لى امهم.. ويومداك لقيت الشافعة الصغيرة عامله برنت اوت لى النيو لوك بتاعى ومتفرجخه فى نص السرير وتشرح لى امها وقالت ليها: طبعا هسه ظاهرة صورته براهو وصورتها براها لكن لو فتحتى البروفايل هو بجى طاير من قلبها وبعد شويه هى تجى طالعه من قلبو!! سجم رماد شهرتك يا بكرى،،،

حقيقة ابحث عن مداخلاتك الخفيفة ففيها الكثير مما لا يشبه ما نعانيه هنا ولا تعانيه ربما هناك ... وكما قلت لك سابقا تعرف كيف تقتلع البسمة يا صديق الموج ولك التحية

ان شاء الله نشتهر ونبقى أشهر من علم بينين

لكين ما تبقى علينا شهرة صديق الموج