شاحنة مواد بترولية تنهار علي كبري شمبات وتعرضه للخطر مساء اليوم (صور)

أنهارت شاحنة مواد بترولية قادمة من بحري تجاه أمدرمان علي كبري شمبات وإغلقت المسار القادم من بحري لعدة ساعات منذ العصر وحتي قبل قليل ، قامت الشرطة بأحضار ونش ضخم لجر التانكر خارج الكبري حيث استغرق ذلك وقتاً طويلاً ،، وكان مرور العربات علي المسار الآخر ،، بالتناوب بين العربات القادمة من بحري وتلك القادمة من أمدرمان ،

لو كانت مليانه و اتحرقت (لا قدر الله) كان رمت الكبرى

لم أعرف شئ عن حمولتها ولكن يبدو بأنها محملة بجاز ،، لأنه شايف قليل منه تحتها
وبعد رجوعي من بحري مساء ، شاهدت عربتين من المطافئ في بداية الكبري ناحية أمدرمان
علي بعد أمنار منها ،، وعلي العموم ربك ستر

الكبري وتبدو الحركة في المسارين تجاه أمدرمان

بلد ما فيها اى استعداد لاى طارئ


ملعون ابوك يا حكومة


لا يوجد فى دائرة المرور قسم خاص بى الكنترول السنوى لى السيارات والشاحنات من هذا النوع


هل توجد رقابة دورية او سنوية تحدد صلاحية السيارة الصالحة لى الاستعمال . اذا لم توجد

يجب على دائرة المرور ان تقوم برقابة صارمة على الشاحينات منتهية الصلاحية واخراجة من العمل

رئفة بسلامة المواطنين وسلامة الطرق(حادث مثل هذا مدير المرور بكون شتت قبل ما يجى الاعلام

ناهيك من حساب الجهات القانونية نشوف ماذا يقول مدير مرور الخرطوم

حادث الطائرة لم يلقن الجهات المختلفة الدرس الكافي للتعلم أصول التعامل مع الكوارث

أولاً لم أعرف هل يحمل هذا التانكر مواد بترولية أما لا وكما ذكرت أعلاه ارجح أن به

مواد بترولية لأن الونش عاني في تحريكه ، ومعروف أن المواد البترولية مصدرها مدينة بحري

1/ لاحظت تأخر المطافئ في الحضور ، ونحمد الله لم تنشب نيران حتي إنتهاء الأزمة .
2/ عملية تحريك التانكر مستمرة أثناء مرور الناس والعربات بالقرب منها في المسار الآخر
وهذا يعرض حياتهم للخطر ، وكان أحري بالشرطة قفل كل الشوارع المؤدية للكبري وتحويل الحركة للخرطوم وهنا تظهر الحوجة لكبري آخر يربط بين بحري وأمدرمان ،
3/ علي طول الحاجز الحديدي بين المسارين لا توجد مخارج طوارئ للعربات ، فظلت العربات التي كانت تسير خلف التانكر متوقفة في مكانها لفترة طويلة . وكان يمكن استخدام هذه المخارج للوصول للمسار الآخر وتفريغ الكبري بالسرعة المطلوبة ، وإذا ما حدث حريق في التانكر وخلفه الكمية الهائلة من العربات التي رأيتها لناهزت كارثة اليوم كارثة طائرة سودانير المحترقة .

Quote: 2/ عملية تحريك التانكر مستمرة أثناء مرور الناس والعربات بالقرب منها في المسار الآخر وهذا يعرض حياتهم للخطر ، وكان أحري بالشرطة قفل كل الشوارع المؤدية للكبري وتحويل الحركة للخرطوم وهنا تظهر الحوجة لكبري آخر يربط بين بحري وأمدرمان ،

الاخ ذهير سلام فى اى بلد الشارع هذا بتم قفلة من صينة اذهرى ومن صنية المظلات لا يوجد احد غير


الاشخاص المكلفين بهذا العمل ( بلد كل شيئ فيها يتم بطريقة غير مسؤلة اصلا لا يوجد هناك مسؤل

زهير

"قول الحمد لله أنو الترلة دى "كانت مصرة تحك مع الحاجز "


وماإنحرفت على العربات القريبة وما إنفجرت
"الله لطف وقدر"


"لانو كان ح تكون أسؤ حالة" وتانى ما كان مشيت أمدرمان
أصلا

..
..








الحمد لله

آدم عمر والله لو شفت عملية التحريك كنت تبكي علي هذه البلد
وعلي العساكر المساكين الواقفين جنبها ديل ،، أي حاجة واقعة في راسهم
أما التانكر فهو مهترش وتعبان وروحه طالعة ويكون شغال أقل حاجة 30 سنة
وانا ما عارف حصل ليهو شنو لكن يبدو براهو جا واقع كده من التعب والفتر
وكترت المساسقة بين الكباري والبلاد

الملك أخوي كان ننتظر كبري الحلفايا

ولا نقطعها عوم ،

الكبري ده ذاتو الله يستر عليهو ، كل يوم يحفروا فيهو

ويزيدوا لي حاجة هنا ولمبة هناك عذبوا ياخي عذاب

لمن يجي واقع فينا من كترة الحفير والحوادث الزي دي

بلد ما فيها اى استعداد لاى طارئ

ربنا عالم بحال بلدنا المائل
لذلك فهو كثير اللطف بنا..
لو شب حريق من هذه الشاحنة لمات آلاف الناس..
ربنا قدر ولطف وحمد لله على السلامة..

أرجو ألا يأتي عمنا فرانكلي ويتهم حركة العدل والمساواة

الأخ خالد العطا

البلد دي ما فيها system وما فيها استعداد لأي حاجة ونحن ناس ما بنتعظ من التجارب المرينا بيها

ولازم الدفاع المدني يكون في المستوي اليخليوهو قادر علي مواجهة أي كارثة ، ومن نعم الله علي البلد

دي إنه ما فيها كوارث زي ما بنشوف في دول العالم التانية زي الزلازل والبراكين وغيرها من الكوارث

الكتيرة وقدر القاعدة تجينا دي قاعد تطلع روحنا .....

كمان ما ننسي إنه ربنا أبتلانا بكوارث تانية ودي من صنع ايدينا ،،، زي الحروب المدورة في البلد شمالها وجنوبها وغربها وشرقها ،، زي نار الشيطان يطفوها هنا تولع هناك

غايتو في بادرة أمل قامت بيها د. تابيتا بطرس ، قالت إنها حا تعمل مستشفي طوارئ مجهز بالكامل ودي خطوة في الطريق الصحيح ،،، وربنا ينعم علي ناس الدفاع المدني كمان بميزانية يكون عندهم طيارات وأجهزة ومعدات حديثة ...

والله يا ود البشير بمجرد كتابتي للخبر ده
اتوقعت إنه يكون في تعليق زي ده

اللهم احفظ السودان والسودانيين من اهمال حكوماتهم اما الاقدار فانت لطيفا بنا وبهم يارب

شي مؤسف والله

لكن من المضحك اني تفكيري لم يدم في هذا الحادث طويلا .

بل تمعنت في الكبري في حد ذاته.. بالله متين بقى كده؟

درابزين في النص وبالجمبات..و بالله الحفره الفي بيت المال صلحوها ولا لسه؟

اخوك ليه سبعه سنه من السودان.

يا وليد مساء الخير

يبدو أن شارع الزعيم الأزهري قد غلب الناس كلها ،، كلما يتم سفلتته ،،، يعود تاني لحالته القديمة

ومعروف أن الارض في تلك المنطقة محتاجة لكثير من المعالجات ،، حتي يثبت الاسفلت ،، وخاصة أن الطريق معروف بمرور الشاحنات ثقيلة الوزن ،، يعني عليه حمولة زائدة ،، ولكن حسب علمي هذه المعالجة مكلفة جداً ، والبلد ما فيها قروش ، وقالوا لينا ما تسألوا من القروش دي مشت وين ،، عشان كده نحن ما قاعدين نسأل ، لمن نجي في الحتة نقوم نلف يهناك ،،، لكن عشان خاطرك حا أحاول أن أصورها ليك وأي حتة تانية مشتاق ليها في السودان الشقيق كلمني وانا أصورها ليك


لك الود

Quote: السودان الشقيق

انا والله منت قايلك سوداني

الاخ من وين؟

سبحان الله ..

قبل ما اخش البوست ده كنت متأكد انو السبب الحكومة ...

وطلع ظني صحيح سبحان الله ...!!




-- ( نعيب حكوماتنا والعيب فينا وما لحكوماتنا عيب سوانا ) ----

من السودان الشقيق

Sobajo
واحد زهجان من الحكومة ، يوم صحي الصباح لقي الدنيا حر شديد
قال : الساعة سبعة صباحاً والشمس دي حار كيف ، بالله دي حكومة دي

أوعي نكون مقصودين بالنكتة أعلاه

لك الشكر علي المرور

مثل هذه الحوادث والتي عادة ما تغلق الكباري وتعطل حركة المرور بين المدن
مما يؤدي إلي خسائر مادية فادحة غير منظورة وقود مهدر وضياع زمن كبير من هؤلاء
المواطنين ضاع سدي ، في غير الإنتاج ،، وإذا علمنا أن المواطنين الذين يتعرضون
لمثل هذه المواقف بالآلاف ، إذا الخسارة المادية إذا ما قيست ستكون عظيمة

لا بد من التخطيط الجيد لحركة المرور في الخرطوم

اليوم وصلنا لمكاتبنا بعد جهد جهيد ،، ودون أن تنهار أي شاحنة علي أي كبري

زناتي ربنا يعينكم.

ويعلم الله انها دولة ماشة بالبركه
حوادث زي دي بدل الواحد بتلقاهم ممكن يكونوا عشرة في الاسبوع
لكن المعالجة و الحل بيدهوشك في العالم الاول وسررعة المقدرة على التحرك.



ربنا يصبركم يا زناتي.