Post: #1
Title: مسلمين عينهم قوية!!
Author: Ashraf el-Halabi
Date: 06-20-2008, 10:27 AM
Parent: #0
| Quote: "اللهم احرق الكفار وذلهم فى الدنيا والاخره واجعلهم خالدين فى جنهم" |
| Quote: "اللهم احصهم عددا واقتلهم بددا ولا تغادر منهم احدا" |
| Quote: " اللهم أورثنا ديارهم واجعل نسائهم وأموالهم غنيمة لنا يا رب العالمين" |
| Quote: "اللهم رمل نسائهم، اللهم يتم أطفالهم ونكس اللهم أعلامهم" |
دي عينة مجهرية من دعوات المسلمين على الكفار عقب الصلاة
هل فكروا يعتذروا للناس ديل!؟
أها لما يجي واحد من الكفار ديل ويرفض يتصور مع مسلمة يطالب بالاعتذار !!
عجبي!!
|
Post: #2
Title: Re: مسلمين عينهم قوية!!
Author: العوض المسلمي
Date: 06-20-2008, 03:16 PM
Parent: #1
اشرف
اولا هل انت مسلم ؟
السؤال سببه حتي استطيع ان ارد عليك لابد من معرفة ديانتك
واذا كنت مسلم فهل ترفض هذا الدعاء؟
وان كنت غير ذلك فماذا تري ؟
دعنا نفتح نافذه للنقاش دون غضب او اساءه
وليكن الاحترام بيننا هو الذي يسود
|
Post: #11
Title: Re: مسلمين عينهم قوية!!
Author: Ashraf el-Halabi
Date: 06-21-2008, 07:16 AM
Parent: #2
مسلمي سلامات
نعم أنا مسلم والحمد لله
من ناحية الدعاء نعم أرفضه على إطلاقه كدا ساكت
يعني ما ممكن يكون مرتب يصرفه لينا الإمام خمس مرات في اليوم بي سبب ومن غير!!
ليك الاحترام ومرحب بيك
|
Post: #3
Title: Re: مسلمين عينهم قوية!!
Author: Elawad
Date: 06-20-2008, 04:06 PM
Parent: #1
عزيزي أشرف
عهدتك أكثر موضوعية... هل أنت جاد في تساؤلك؟
|
Post: #4
Title: Re: مسلمين عينهم قوية!!
Author: Nagi Ahmed
Date: 06-20-2008, 04:26 PM
Parent: #3
العوض المسلمي
الناس ممكن تدعو بطريقة احسن ليه طوالي عايزين ننقتل و نكره و نعود قلوبنا على الكره ياخي ما ممكن ندعو انه اللهم اعم السلام في العالم اللهم اهدي عبادك الاخرين الى الاسلام باللتي هي احسن و هي الكلمة
ليه عايزين تقتلو الناس و تيتموا الاطفال يا خي الناس العايزين تقتلوهم ديل ادوهم فرصة يكملو حياتهم من غير خوف و بعد داك لو ما اسلمو اتاكد انه الخالق اقدر مني و منك و من امام الجامع البيدعو دا على محاسبة كل العباد
|
Post: #10
Title: Re: مسلمين عينهم قوية!!
Author: العوض المسلمي
Date: 06-20-2008, 10:06 PM
Parent: #4
اخي ناجي سلام
Quote: العوض المسلمي
الناس ممكن تدعو بطريقة احسن ليه طوالي عايزين ننقتل و نكره و نعود قلوبنا على الكره ياخي ما ممكن ندعو انه اللهم اعم السلام في العالم اللهم اهدي عبادك الاخرين الى الاسلام باللتي هي احسن و هي الكلمة
ليه عايزين تقتلو الناس و تيتموا الاطفال يا خي الناس العايزين تقتلوهم ديل ادوهم فرصة يكملو حياتهم من غير خوف و بعد داك لو ما اسلمو اتاكد انه الخالق اقدر مني و منك و من امام الجامع البيدعو دا على محاسبة كل العباد |
اتفق معك ولم اقل بغير ذلك
|
Post: #12
Title: Re: مسلمين عينهم قوية!!
Author: Ashraf el-Halabi
Date: 06-21-2008, 07:33 AM
Parent: #3
عزيزي Elawad
يا زول جهجهتني بي سؤالك دا!!
قدر ما راجعت أنا جلطت وين ما عرفت!!
خصوصاً وأنا، سواء كنت متفق أو مختلف مع وجهة نظرك، عموماً أقدر رأيك جداً لأنك حسب رأيي من القلة البعيدة عن التشنج وحظ النفس في إبداء الرأي في البورد
كدي ألخص ليك فكرتي:
احنا لما ما بنحترم معتقد الآخر ليه بنطالبه باحترام معتقدنا!؟.
|
Post: #13
Title: Re: مسلمين عينهم قوية!!
Author: Ashraf el-Halabi
Date: 06-21-2008, 07:43 AM
Parent: #12
ناجي سلامات
في أئمة بيدعوا على الكفار بالشر أكتر مما بيدعوا لأنفسهم بالخير!!
ياخي لمن يحسسوك إنو الجنة دي آخر فردة في بص في خط ميت، يعني لو ما عفصت القدامك ما حا تصل!!
أتفق معاك تماماً
|
Post: #5
Title: Re: مسلمين عينهم قوية!!
Author: Zakaria Joseph
Date: 06-20-2008, 04:28 PM
Parent: #1
اشرف
سلامات
هل تزكر لمن رفضت مراسلة تلفزيونية لبنانية مصافحة عمرو موسى? قامت الدنيا فى هذا المنبر بين المستنكرين لسلوكها و متعاطفين معها. انا wasاحدى الذين تعاطفوا معها حيث اعتبرت الحادثة حينها بانها نتجت عن عدم التنسيق البرتكولى. نحن الكفار فى الجنوب نعرف تماما ماذا كان يفعله ائمة المساجد ابان الحرب الاهلية حيث اباحوا اغتصاب امهاتنا و اخواتنا و ممتلكاتنا و الغريب ان السيد A.الحى ما زال يفعله على شاشة التلفزيون (القومى). البنات ديل ارادن استخدام الإعلام من اجل political statement و احراج السيد اوباما. ماذا سيحدث اذا قام السيد اوباما بمصافحة احدهن و قامت بالاحتجاج فى الاعلام بان السيد اوباما لم يرعى حقها الدينى بعدم مصافحة الذكور الغير relatives?
|
Post: #6
Title: Re: مسلمين عينهم قوية!!
Author: عوض محمد احمد
Date: 06-20-2008, 04:46 PM
Parent: #5
دعكم من حديث ائمة الجوامع الذى يمكن الاحتجاج عليه بانهم لا يمثلون الا انفسهم:لكن ماذا عن ابة السيف الواردة فى القران؟
|
Post: #7
Title: Re: مسلمين عينهم قوية!!
Author: عوض محمد احمد
Date: 06-20-2008, 04:46 PM
Parent: #5
دعكم من حديث ائمة الجوامع الذى يمكن الاحتجاج عليه بانهم لا يمثلون الا انفسهم:لكن ماذا عن ابة السيف الواردة فى القران؟
|
Post: #14
Title: Re: مسلمين عينهم قوية!!
Author: Ashraf el-Halabi
Date: 06-21-2008, 08:02 AM
Parent: #5
زكريا حبابك
نعم كما تفضلت حكاية المذيعة كانت عدم تنسيق لا أكثر
أما بخصوص التجاوزات التمت أثناء الحرب الأهلية، أرجو لو عندك قدرة على توثيقها هنا في سودانيز أون لاين تكون عملت خير، وأهي تكون مادة تساهم في تجنيب الأجيال الجاية شرور كتيرة.
أختلف معاك في تقديرك لنية البنات في حكاية اوباما
في تقديري المسألة أبسط من كدا بكتير
الشابات ديل زي كتير مننا عندهن تقدير كبير للمهمش زيهن الجايي يحكم أكبر دولة في العالم دا، ولما حصل الحصل انصدمن، ومعاهن حق يطالبنه بالاعتذار
لكن ناس "اللهم اجعل نسائهم غنيمة لنا" ديل ما عندهم أي حق يطالبوا بالاعتذار
لك تقديري
|
Post: #8
Title: Re: مسلمين عينهم قوية!!
Author: Ashraf el-Halabi
Date: 06-20-2008, 05:57 PM
Parent: #1
الكرام:
العوض المسلمي
Elawad
ناجي أحمد
زكريا جوزيف
عوض محمد أحمد
ماشي على الشغل وبجيكم نهاية اليوم
شاكر مروركم الكريم
|
Post: #9
Title: Re: مسلمين عينهم قوية!!
Author: amir jabir
Date: 06-20-2008, 07:02 PM
Parent: #8
| Quote: نحن الكفار فى الجنوب نعرف |
ابو زيك سلامات يازول والله انا فى اشد حالات الغضب لكن ضحكتة ضحك لمن قريت الكلام دة
جايكم راجع يااشرف
|
Post: #15
Title: Re: مسلمين عينهم قوية!!
Author: Ashraf el-Halabi
Date: 06-21-2008, 08:15 AM
Parent: #8
عوض محمد أحمد سلامات
يا زول مالك عاوز تجيب لينا الهوا!!
يا باعويض لو مشينا لي مسألة النصوص دي حا نطلع في حتة تانية خالص
كدي في الأول نحل حكاية كيلنا بمكيالين دي
لك تقديري
|
Post: #16
Title: Re: مسلمين عينهم قوية!!
Author: Ashraf el-Halabi
Date: 06-21-2008, 08:18 AM
Parent: #1
عامر جابر سلامات
وفي رجاك
|
Post: #17
Title: Re: مسلمين عينهم قوية!!
Author: Elawad
Date: 06-22-2008, 07:30 PM
Parent: #1
الأخ العزيز أشرف
تحياتي... و شكرا ليك أولا على كلماتك اللطيفة و على العشم. و أنا برضو من عشمي قلت ليك كلامي. طيب أنا أقول ليك وجهة نظري على قدر ما صليت في المساجد الدعوات الجبتها دي ما متداولة في المساجد بالصورة الواحد ممكن يفهمها لما يقرا كلامك و حتى لم بتتقال بتكون مربوطة بحاجات معبنة زي (اللهم من أراد بالإسلام كيدا...). عشان كدا شعرت بإنو تعميمك و تسميتك ليها بدعوات المسلمين ما كان عادل. بعدين أنا شايف البنات ديل مجرد أمريكيات مسلمات تمت معاملتهم بطريقة ما المفروض يتعاملن بيها... دا كل الموضوع في رأيي. طبعا بعداك ممكن يكون في نقاش حول مدى استيعاب الإسلم و تسامحه مع الأديان و الحضارات التانية و نشوف كيف في دول دخلها الإسلام من أكتر من ألف سنة ما زالت هناك مجموعات غير مسلمة و نقارن دا بالحصل للمسلمين و اليهود بعد سقوط الأندلس مثلا و لا بالمقارنة بين وضع اليهود في أوربا و وضعهم في ظل دولة الخلافة العثمانية. ولا حتة مقارنة السنين و الطريقة الانتشر بيها الإسلام في السودان و الطريقة الاتعاملو بيها السكان الأصليين في كندا برعاية و إشراف الكنيسة أو الشي الحصل لضحايا الرق الأفارقة في أمريكا.
|
Post: #18
Title: Re: مسلمين عينهم قوية!!
Author: Ashraf el-Halabi
Date: 06-23-2008, 07:16 AM
Parent: #17
الأخ العوض سلامات
يا زول أنا صليت في جوامع الإمام أساساً بكون عامل الدعاء مضاد للكفار، يعني أيام الامتحانات قدر ما نحرس الإمام دا يدينا دعوة نجاح تصادف ساعة استجابة نلقا محق الدعا كله في اليهود والنصارى وأعداء الإسلام. عندي زميل كان ما بقول "آمين" بعد الدعوات المضادة دي.
بعدين حتى لو الدعاء دا جا بعد " اللهم من أراد بالإسلام ...." يبقى دعاء تدميري استباقي يعني!!. ياخي ما كدي مرة نجرب ندعوا ليهم بالهداية!!
عارف يا العوض أنا شايف لو ناس الدعاء ديل مسكوا في "اللهم إنا نعوذ بك من شرور أنفسنا..." دي بس كان فلحنا، ياخي هسة البعملوه فينا حكامنا المسلمين باسم الله دا الكفار سبقوهم عليه؟
بالنسبة لشيماء زي ما قلت لزكريا فوق والله أنا معاها للطيش، وأريتا تعصر أوباما دا لما يجيب الزيت لأنو دا حقها كمواطنة أمريكية، أنا مشكلتي كلها مع ناس "آآآآآمين" لما الإمام يقول "اللهم أورثنا ديارهم واجعل نسائهم و..." كدي خش النت وأعمل بحث تلقاهم كلهم مستنكرين فعلة أوباما دي، أها ديل أنا شايف ما عندهم أي حق يطالبوا الكافر دا بالاعتذار، بس يمشوا يواصلوا حرب الدعا بتاعتم دي.
والعشم في محله يا زول
|
|