كاس امم اوروبا:اتمنى ان تسحق البرتغال المانيا الليلة والسنة الجاية ان شاءالله!!

قولوو اميين..

و الله هو جنس سحق

Quote: و الله هو جنس سحق

النورس الحزين: قلت البرتغال سحقوالالمان في الاداء الكروي والمهارات الفنية العالية والتكتيك والذي منو! طبعا معروف فالكرة البرتغالية شبيهة بالكرة البرازيلية وللا اتا شايف كييييف؟

قالوا الماكينات سحقت (حناكيش) البرتغال..








اللهم لا شماته

ألمانيا 3 - البرتغال 2

Quote: ألمانيا 3 - البرتغال 2

الاخ محمد يس ود الخليفة، اتفرج هنا في اهداف البرتغاليين عليك الله، واديني رايك في الهدف الثاني خسوسا..هييع يالبرتغال هييييع.

Quote: قالوا الماكينات سحقت (حناكيش) البرتغال..

الاخ الواثق شايفك مبسوووط من النتيجة وكده!!! ثم من قال لك انو لاعبيي البرتغال حناكيش؟ اتا قصدك معلمين على كل حال اتوقع ان تطير المانيا من البطولة على يد تركيا في الفاينال.. دعواتك مع اخوانا الاتراك يطردوا لينا الماكينات دييل...

Quote: اللهم لا شماته

لكن نان الشماتة دي كيف كان ما كده؟؟؟؟؟ (وجه مستغرق في الابتسامات المتراكمة..)

الحبيب / الدقم
مساء جميل

والجاتك في برتغالك سامحتك
المانيا ---- ايطاليا
البرازيل --- هولندا
هذه فرق بطولات عندما تصل
لهذه المراحل فهزيمتها تكون من
الصعوبة بمكان ,
كل امم اوروبا وانت بالف خير
تحياتي
هارون دياب

يا هارون..

متين هولندا كانت فريق بطولات ياخي؟؟؟


قول بتريدهم ساي بس

الحبيب / الواثق
صباح الخير

Quote: يا هارون.. متين هولندا كانت فريق بطولات ياخي؟؟؟ قول بتريدهم ساي بس

يااخي الجماعة ديل اصحاب الكرة الشاملة
وبعدين ابطال اوربا عام 1988م
وبيني وبينك بريدهم شدييييييييييد .
واتمني فوزهم باذن الله .
اسمع ...
ريدتي ليهم دي عرفتها كيف ياعمك ....؟

احترامي وتقديري
هارون دياب

الشكر لكل من مر من هنا

Quote: مساء جميل والجاتك في برتغالك سامحتك المانيا ---- ايطاليا البرازيل --- هولندا هذه فرق بطولات عندما تصل لهذه المراحل فهزيمتها تكون من الصعوبة بمكان , كل امم اوروبا وانت بالف خير تحياتي هارون دياب

الحبيب دياب عوافي: هزيمة البرتغال صعبة خصوصاوانها كانت مرشحة للفوز بالكاس وزين الدين زيدان زاتوا قال كدة، لكن الكرة مدورة، و برضك ماتنسى ان البرتغاليين قدموا عرض قوي جدا، لكن اهو الحظ العاثر فقط غطس حجرهم، بالنسبة للفرق الاربعة التي ذكرتهم صحيح انها فرق قوية لكن ماتنسي ان تركيا قداتعبت البرازيل في كاس العالم ما قبل الاخير مضاف الى ذلك ان البرازيليين يخشون من الفرق الجنوب امريكية مثل الاكوادور على كل حال اتوقع ان المانيا تطير من كاس امم اوروبا وذلك بهزيمتها من تركيافي حال حسم الاتراك مباراتهم مع الكروات عشت.

بي صراحة البرتغال إتنشلت

هدف ألمانيا الثاني من تسلل واضح..

والهدف الثالث فيه فاول .. فلقد دفع بليك مدافع البرتغال بكلتا يديه

وأزاحه من أمامه قبل أن يسدد الضربة الرأسية..

التحكيم في هذه البطولة كارثة وغير نتائج الكثير من المباريات..

معلييييش يا أخوانا أنا ألمانياوي والكورة أءأوان.. قولو مبرووك!!!

لي يا محمد الدقم يا ا خوي تف من خشمك
اتمني فوز المانيا ولو لم يخرج اشفاين اشتايقر لما احرزت البرتقال الهدف التاني
. اولادنا فوق المانيا فوق
سامي ولدي راهن كل اولاد الفصل علي فوز المانيا فكان له ولها النصر .

غايتو تركيا دي ما بعرفها البجيبها هنا شنو
يا ا خي كراوشيا افضل منها .
اتوقع ان تكون النهايه بين ايطاليا واسبانيا

Quote: غايتو تركيا دي ما بعرفها البجيبها هنا شنو

تركيا مكانها الطبيعي اللعب في اوروبا، ليس لان بها لاعبين محترفين مثل اميري ونيهاوغيرهم، بل ان كرة القدم التركية اثبتت وبما لا يدع مجالا للشك انهم قوم شرساء ولعلك تذكرين خاله دومه كيف جنن حسن شاش دفاعات منتخب البرازيل في كاس العالم عام الفين واتنين ان لم تخني الذاكرة، امهلي بس وان شاءالله سوف تتمعين بعلب وحماس واداء حديدي لتركياامام الاسموهم شنو ديل كرواتيا.

Quote: يا ا خي كراوشيا افضل منها .

الكروات عندهم كرة جميلة ولعب جيد، بس كمان يا خالتي ما في ايتها مقارنة بينهم وبين الاتراك نهاااااي مافي مقارنة، ثم اني اجزم لو لا المجموعة التي لعبت معهم كرواتيا في تصفيات كاس امم اوروبا كانت ضعيفة، ما كان شافوا سويسرا دي الا كان سياحة بس.

Quote: اتوقع ان تكون النهايه بين ايطاليا واسبانيا

يعني المانيا حا تطير؟ ما الدايرنو نحنا ذاتو، انو المانيا دي تطير، وتركيا ترجع وتحتفل بالكاس في جلطاسراي وفنار باش، واسطمنبول وانقرا بس دعواتك لتركيا.

Quote: لي يا محمد الدقم يا ا خوي تف من خشمك اتمني فوز المانيا ولو لم يخرج اشفاين اشتايقر لما احرزت البرتقال الهدف التاني . اولادنا فوق المانيا فوق سامي ولدي راهن كل اولاد الفصل علي فوز المانيا فكان له ولها النصر .

الخاله دوما اتي بتشجعي المانيا؟ وانا قايلك بتشجعي البرتغال!! معليش من باب الامانة الالمان ما ساهلين لكن البرتغال برضو قوييين الحظ العاثر خذلهم هذه المرة وكونهم فازو باللقب من قبل، دا في حد ذاتو شكل (بتشديد الكاف( عليهم ضغط نفسي وادت الى الهزيمة بس كان لعبهم قوي واستطاعو تغيير النتيجة بسرعة الى هدفين مقابل ثلاثة، وزي ما قال اخونا ملامح هدف بلاك كان نتيجة دفعه لمدافع البرتقال والحكم عامل فيها ماشايف، سامي ولدك بعد ما تسلمي لي عليهو انصحيه يراجع خياراتو الكروية ويشجع ناس كرستيانو وناني والاحمر كلو، لانو البرتغاليين بلعبوا باسلوب ممتع وشيق، وليس كلاسيكي قديم اكل عليه الدهر وشبع.

Quote: بي صراحة البرتغال إتنشلت هدف ألمانيا الثاني من تسلل واضح.. والهدف الثالث فيه فاول .. فلقد دفع بليك مدافع البرتغال بكلتا يديه وأزاحه من أمامه قبل أن يسدد الضربة الرأسية.. التحكيم في هذه البطولة كارثة وغير نتائج الكثير من المباريات..

ملامح ما قلتا الا الحقيقة، الحكم بالغ تب في الهدف الثاني، اكان المباراة دي ما في اوروبا كان قلنا الحكم باع المباراة، ولكن بالرغم من ذلك قدم المنتخب البرتغالي اداء قوي وظل يهدد مرمي الالمان اكثر من مرة خصوصا كرستيانو رودنالدو الزول ضييع كُترة اهداف، الله يسامحوا، بسيطة كدا.. كدا.. المانيا طالعة والاتراك ناوييين نية سوداء على الالمان. بس تحليلك عجبني شديد اخ ملامح.

يامحمود سلامات

Quote: اتمنى ان تسحق البرتغال المانيا الليلة والسنة الجاية ان شاءالله!! Quote: قولوو اميين..

يازول البرتغالين الضحك شرطهم

ـــــــــــ
انشالله بعد 20 سنه تتحقق امنيتك دي

كع: بلاك العاجبكم دا جاء لعب في تشيلسي وللان ما قادر يفهم استايل الكرة الانكليزية، وكثير من المحللين الرياضيين الانكليز قالوا ان وجود بلاك في تشيلسي غطلة جوزيه مورينو، على الاقل اللاعب درغوبا جاب حقو واثبتو وجودو عكس بلاك( م) دا، على كل حال البرتغالين عملوا عليهم والكرة مدورة وموعدنا العام القادم ان شاءالله، والمانيا حدها المبارة الجاية لتحديد المركزالثالث والرابع.. وشوف بدع الاتراك مع الكروات حا يكون كيف، بالمناسبة لييه مدرب المانيا قاعد براهو بره يشاهد المباراة مع الجمهور؟؟

أخ محمود جيتك تاني

يا حبيب الغلب البرتغال هى البرتغال

جماعتك جو ضامنين النتيجة فى جيبهم ناسيين انو دى مباراة اكون او لا اكون يعنى أى تراخى بوديك التوج
نص العالم كان ضامن فوز البرتغال و هذا هو سبب الهزيمة

الغرور يا عزيزى قاتل الله الغرور

الاخ النورس: عشرات حبابك سلامات، البوست بوستيك ونحنا ضيوفك، كلامك زي الفيهو حقيقة كده، في ثقة زايدة عند جماعتنا البرتغال وليس غرور، واخد بالك، وشخصيا سالت نفسي كثيرا، انو مدرب البرتغال دا، مالوا ماقاعد ينطط ويصرخ في مباراته مع الالمان ديل زي المباراة الافتتاحية والتي بعدها؟ يكون ياربي لانو مسافر لندن كي يدرب تشيلسي؟ بس ما تنسى انو الولاد لعبت التسعين دقيقة صاح، والحظ حرد، المرة الجاية ان شاءالله التعويض، بس تركيا ان هزمت كرواتيا، دا يعني ان المانيا وضعهم حا يكون يحسدون عليهم وكده، اشكرك وابقى طل تاني مزيدا من التحليل..

وخرجت كرواتيا كالعادة والاتراك قلبو الطاولة في اربعين ثانية .

تعال يا محمود الدقم يا ولدي مالك شايلها مع الالمان قو يه كدي؟؟؟
النبي عشان سامي ولدي شجعهم عشان يغلبوا تركيا
يا حليلو
يوم تلعب المانيا بيصحي من النوم الساعه تلاته الا ربع صباحا عشان يشجع بلده والساعه 7 ونص لازم يكون في المدر سه .
لكين الاسبان يستاهلوا عشان نفضوا الايطاليين .
غايتوا المفاجات كثيره بالذات خروج هولنده بواسطه روسيا

استاذة دومه سلام وتحية كبيرة للابن سامي والذي يبدو انه يعشق المانيا عشق كبير، بلا شك منتخب المانيا مرشح بشكل قوي للفوز بالبطولة، ولكن كما ترين هولندا التي تم ترشيحها الان هي خارج المنافسة وكذلك البرتغال وكرواتيا، وقبلها فرنسا، لكن تبقى حظوظ المنتخب الالماني كبيرة بالفوز باللقب، حيث ان المقارنة بين استايل الكرة الالمانية والتركية يصعب، ولا ندري ما هو راي المستطيل الاخضر؟ لك الشكر ونتمني من سامي ان يكون ذخرا لوطنه واهله.