المذيعة تسابيح تمزق جواز سفرها لكتابة مهنتها (آنسة) والشرطة تتخذ ضدها اجراءات

قامت المذيعة تسابيح مبارك خاطر بتمزيق جواز سفرها امام افراد من شرطة الجوازات بعد تدوين المهنة على الجواز ( آنسة ) وليس ( مذيعة ) لعدم ايرادها ما يثبت .. وكانت تستعد للالتحاق باحدى الفضائيات السودانية بدبي .. وقامت الشرطة باتخاذ الاجراءات القانونية في مواجهتها ..

المصدر :صحيفة الدار

العزيز معتصم سلام وصباحك خير

نعم اخي انها مشكله عشت بعد فصولها
فقد اردت استخراج جواز لزوجتي وهي خريجه
ولكن ورغم ماعندها من شهادات اصر شرطي
الجوازات الا ان يكتب المهنه زوجه
وزوجه هي حاله اجتماعيه وليست مهنه
ليت الامر يجد معالجه من المسئولين

تصرف متهور من مذيعة او اى كان لان الامر لا يستحق كل هذا كان ممكن ببساطة شديدة وادب تطلب من المسؤل تغير المهنة وما اعتقد كان سوف يرفض لها طلبها




ممكن تحصل على اى شى فى الدنيا...فقط بأحترام الأخرين


تحياتي

تصرَف غريب من انسانة خليق بها ان تبعد عن كل مايسيئ لها ولمهنتها

لو كانت السلطات محقَة فى غضبها تجاه هذا التصرف لابد ان تعاقبها بما يليق بالجريمة

بالطبع سيتدخل الكثيرون فى الموضوع دفاعا عنها ويضيع حق الشرطة فى اتخاذ اي اجراء ضدها

بلد ماشية بالقلبة

Quote: قامت المذيعة تسابيح مبارك خاطر بتمزيق جواز سفرها امام افراد من شرطة الجوازات بعد تدوين المهنة على الجواز ( آنسة ) وليس ( مذيعة ) لعدم ايرادها ما يثبت .. وكانت تستعد للالتحاق باحدى الفضائيات السودانية بدبي .. وقامت الشرطة باتخاذ الاجراءات القانونية في مواجهتها ..

اوعى يا معتصم

تقول لى انو دى المذيعه التى تبرأ منها ابوها !!

العزيز علي محمد علي سلام

Quote: اوعى يا معتصم تقول لى انو دى المذيعه التى تبرأ منها ابوها !!

ياعلي اخوي الرجاء البعد عما يثير الفتن
ولتكن هي او غيرها فما يعنينا في هذا الموضوع نوع المشكله وليس شخصية
البنت صاحبة المشكله

Quote: تصرف متهور من مذيعة او اى كان لان الامر لا يستحق كل هذا كان ممكن ببساطة شديدة وادب تطلب من المسؤل تغير المهنة وما اعتقد كان سوف يرفض لها طلبها ممكن تحصل على اى شى فى الدنيا...فقط بأحترام الأخرين تحياتي

Quote: تصرَف غريب من انسانة خليق بها ان تبعد عن كل مايسيئ لها ولمهنتها لو كانت السلطات محقَة فى غضبها تجاه هذا التصرف لابد ان تعاقبها بما يليق بالجريمة بالطبع سيتدخل الكثيرون فى الموضوع دفاعا عنها ويضيع حق الشرطة فى اتخاذ اي اجراء ضدها بلد ماشية بالقلبة

Quote: الاخ معتصم ما عارف اقول شنو في(( قلة ادب)) مبالغة في الحتة دي يعني هي عينوها مذيعة عشان الشكل واعتقد القناة السودانية الفي دبي برضو عشان الشكل مافي مضمون ثقافي ولا فكري يدل على انها مذيعة ناهيك عن الاوراق للاثبات عشان تثور وتقطع الجواز وفي مثل بيقول الاختشو ماتواو في غيبوبة ,,ومن خلال متابعة برامج مساء جديد في قناة النيل الازرق نجد انو الانسة دي ( المذيعة) زي الجراب الخاوي وعاوزا ليهو حاوي عشان تبقى مذيعة وفعلا الحاوي هو الشكل.. وقيس على ذلك كتير من المذيعيين الموجودين على القنوات السودانية والتي اصبح عددها يقارب الخمس قنوات على ما اعتقد.. يا ناس الاعلام الهادف الصورة دي ما مقلوبة لانوالمعايير اختلت وانقلبت فا بلتالي الصورة عديلة في نظر الانقلابيين ومقلوبة في نظر الاعتداليين ... وهذا زمانك يا مهازل فامرحي ونططي ..

الاعزاء
هشام مدنى
حيدر حسن على
وابو طويلة
تحيات طيبات
ولصاحب البوست الاخ معتصم
ارجو ان تراجعوا موقفكم وتقفون الى جانب الحق
من يعطى الحق للشرطة ان تلغى مهنة انسان يعيش عليها
واستبدالها بنوع الجندر او الوضع الاجتماعى
قولوا لى بالله عليكم اين يمكن ان يحدث ذلك الا فى
سودان التعاسة الابدى؟
اجهزة فاسدة ونظام فاسد واغلب شعبه مقهور ومقلوب على امره
او متساير مع هذه الوضع الردئى
فقط استغربت عندما قرأت ان المداخلات الفوق دى من هشام مدنى
وحيدر حسن على وهى اقلام اكن لها احتراما كبيرا رغم الخلافات
الفكرية وربما هذه اول مرة اتداخل مع الاخ ابو طويلة
وسؤالى له من قل ادبه هى تسابيح ولا الشرطة التى تحاول الغاء
وجودها ومهنتها التى آمنتم جميعا عليها
يا اخوانا البت صاحبة قضية ومشكلة حقيقية
الم تطلعوا على ما كتبه الاخ العوض المسلمى
عندما قال:-

Quote: نعم اخي انها مشكله عشت بعد فصولها فقد اردت استخراج جواز لزوجتي وهي خريجه ولكن ورغم ماعندها من شهادات اصر شرطي الجوازات الا ان يكتب المهنه زوجه وزوجه هي حاله اجتماعيه وليست مهنه ليت الامر يجد معالجه من المسئولين

يا اخى ليس هنالك شئ اقدس من الانسان
وعندما لا يوجد دولة تحترم انسانها
فهى غير جديرة بالاحترام ايضا
فكونا بلا شرطة بلا...ين
ضياء ميرغنى

الاخ معتصم ما عارف اقول شنو في(( قلة ادب)) مبالغة في الحتة دي يعني هي عينوها مذيعة عشان الشكل واعتقد القناة السودانية الفي دبي برضو عشان الشكل مافي مضمون ثقافي ولا فكري يدل على انها مذيعة ناهيك عن الاوراق للاثبات عشان تثور وتقطع الجواز وفي مثل بيقول الاختشو ماتواو في غيبوبة ,,
ومن خلال متابعة برامج مساء جديد في قناة النيل الازرق نجد انو الانسة دي ( المذيعة) زي الجراب الخاوي وعاوزا ليهو حاوي عشان تبقى مذيعة وفعلا الحاوي هو الشكل..

وقيس على ذلك كتير من المذيعيين الموجودين على القنوات السودانية والتي اصبح عددها يقارب الخمس قنوات على ما اعتقد..

يا ناس الاعلام الهادف الصورة دي ما مقلوبة لانوالمعايير اختلت وانقلبت فا بلتالي الصورة عديلة في نظر الانقلابيين ومقلوبة في نظر الاعتداليين ... وهذا زمانك يا مهازل فامرحي ونططي ..

العزيز ابوطويله سلام

Quote: الاخ معتصم ما عارف اقول شنو في(( قلة ادب)) مبالغة في الحتة دي يعني هي عينوها مذيعة عشان الشكل واعتقد القناة السودانية الفي دبي برضو عشان الشكل مافي مضمون ثقافي ولا فكري يدل على انها مذيعة ناهيك عن الاوراق للاثبات عشان تثور وتقطع الجواز وفي مثل بيقول الاختشو ماتواو في غيبوبة ,, ومن خلال متابعة برامج مساء جديد في قناة النيل الازرق نجد انو الانسة دي ( المذيعة) زي الجراب الخاوي وعاوزا ليهو حاوي عشان تبقى مذيعة وفعلا الحاوي هو الشكل.. وقيس على ذلك كتير من المذيعيين الموجودين على القنوات السودانية والتي اصبح عددها يقارب الخمس قنوات على ما اعتقد.. يا ناس الاعلام الهادف الصورة دي ما مقلوبة لانوالمعايير اختلت وانقلبت فا بلتالي الصورة عديلة في نظر الانقلابيين ومقلوبة في نظر الاعتداليين ... وهذا زمانك يا مهازل فامرحي ونططي ..

لا يا ابوطويله ارجوك لاتسئ لاحد فقد تغيب عنك الكثير
من المعلومات عن من تذكرها الان ..........

يا جماعة انا ما عارف لكن طالما المصدر جريدة الدار أحسن تتريثو شوية قبل الحكم ليها ولا عليها

ديل ناس نفخو ديل غير اعراض الناس ماعندهم شغلة (والله يجازي الكان السبب)أسع في داعي؟؟

الأخوة الأعزاء

صباح الخير

أعلم تماماً رجاحة عقولكم

وعلو وطنيتكم

لكن أرجو أن نكون منصفين ورحيمين بعض الشىء

بغض النظر عن خطأ المسلك الذى لا نعلم مسببه الحقيقى

والذى ربما لو مر بنا نحن الراشدين لتصرفنا بصورة مشابهه أو مغايرة

لكن ألا ترون معى وتصوروا أن تكون بنت أحدكم

وتعرضت لعذاب مر وهى لم تتجاوز التاسعة عشرة

حياة فى ظل زوجين منفصلين ( والله أعلم بما مرت به فى هذا الجو )

وثم .. تجلدها الصحف الصفراء بل وتذبحها وهى لم تقو على مجابهة أضعف المشاكل

وتترصدها كأنها عدو الأمة

وتمارس عليها إغتيال الشخصية ..

أنتم لاتعلمون سادتى أن بعض الذئاب حينما تعجز عن الوصول للفرائس

تسعى للإنتقام بوسائل كثيرة حتى تصل لمرحلة تتمنى فيها الضحية لو لم تقاوم

إحتمالات كثيرة

والنت وما أدراك ما النت

كلهم لا يعرفونها و ومنهم من يصفها بأتفه الصفات وينعتها بأفحش الكلمات

أرجوكم سادتى لنكن عقلانيين

وألا نستفز من قبل المهووسين

لإنهاء مستقبل فتاة سودانية هى أقرب للطفلة منها للمرأة

وأدعوا لها بالحفظ والستر

وأدعو أنا لكم ولبناتكم وأخواتكم بالحفظ والستر

كامل تضامني مع الأخت المذيعة تسابيح في الهجمة الشرسة التى تتعرض لها من الصحف الصفراء و بعض مدعي الصحافة*




* ما قاصدك و الله يا معتصم ما تجي ناطي لي في حلقي ساكت

بالتأكيد تداخلت وفقا لقناعاتي الشخصية تجاه مصداقية ماينقله الاخ معتصم هنا من اخبار غض النظر عن موضوع الخبر

ولو كان (الفاعل) غير الشخصية المشار لاسمها فى البوست لفعلت نفس الشيئ ايضا

ليست لدى اية معرفة عن تفاصيل مشاكلها الخاصة

شكرا للكل ونتمنى لتسابيح كل الخير

البت دي عامله فيها هيام المغربي ولاشنو

اقول ليك قبل فترة وعلى ذمة صحيفة الدار نفسها كان موضوع ابيها الذي تبراء منها وقصة صدمها لشاب لاكن قصة الجواز دي كبيرة النشوف يعملوا ليها شنو

مره ابوها قال فى تسجيل صوتى منشور فى منتدى ساره منصور

قال
انو تفاجأ بيها فى حفل فى دبى فى ليلة راس السنه
وهى بنته وغير متزوجه ويجب ان تسافر باذن منه
وحينما حضرت حاول ان يقابلها وتهربت منه

وقصد ان ينتظرها بجانب السياره وحاول ان يتكلم معها
وصدته هى , وحينما احتد معها.. صاحت .. وحينما حضر الناس قالت

- امسكوا الراجل دا منى !!!!

على حسب رواية ابوها ...

الأخ على

Quote: مره ابوها قال فى تسجيل صوتى منشور فى منتدى ساره منصور قال انو تفاجأ بيها فى حفل فى دبى فى ليلة راس السنه وهى بنته وغير متزوجه ويجب ان تسافر باذن منه وحينما حضرت حاول ان يقابلها وتهربت منه وقصد ان ينتظرها بجانب السياره وحاول ان يتكلم معها وصدته هى , وحينما احتد معها.. صاحت .. وحينما حضر الناس قالت - امسكوا الراجل دا منى !!!! على حسب رواية ابوها ...

أعرض عن هذا و أستغفر لذنبك....

علاقة الأخت تسابيح بأبيها علاقة خاصة لا يحق لك بأي حال من الأحوال الخوض فيها حتى لو نقلاً عن جهة أخري.
عيب يا على ياخ أنت أكبر من كده و الله..


خالد

Quote: أعرض عن هذا و أستغفر لذنبك....

دا موش مفروض يحصل لمن اكون قزفتها او اتبليت عليها .. ياخالد

Quote: علاقة الأخت تسابيح بأبيها علاقة خاصة

ابدا ..

ماخاصه ولا حاجه
بل اصبحت قضيه عامه يوم ان كشف ابيها ما يدور داخل الاسره بينه
وبين ابنته وطليقته
واصبحت عامه يوم ان تحدث الاب عن علاقته بابنته
وقال ليها شنو وقالت ليهو شنو
وهو عمل شنو وهى كان ردة فعلها شنو

Quote: لا يحق لك بأي حال من الأحوال الخوض فيها حتى لو نقلاً عن جهة أخري.

انا لم اخوض
بل الخاض هو الاب وفى اكثر من مكان
والشعب السودانى كلو عارف الحاصل داخل هذه الاسره بفضل ابيها

Quote: عيب يا على ياخ أنت أكبر من كده و الله..

كنت بقبل النصيحه دى منك ياخالد
لو كنت صديقا لهذه الاسره وجيت هنا افشيت اسرارهم التى لا يعلمها غيرى
ولكنى نقلت كلام الاب كما سمعته .. استنكارا لتصرفات هذه البنت تجاه ابيها
وتجاه جواز بلدها

الأخ على

Quote: دا موش مفروض يحصل لمن اكون قزفتها او اتبليت عليها .. ياخالد

Quote: ماخاصه ولا حاجه بل اصبحت قضيه عامه يوم ان كشف ابيها ما يدور داخل الاسره بينه وبين ابنته وطليقته واصبحت عامه يوم ان تحدث الاب عن علاقته بابنته وقال ليها شنو وقالت ليهو شنو وهو عمل شنو وهى كان ردة فعلها شنو

Quote: انا لم اخوض بل الخاض هو الاب وفى اكثر من مكان والشعب السودانى كلو عارف الحاصل داخل هذه الاسره بفضل ابيها

على يا أخوي ده أنت و لا حسابك مهكر ...؟؟
دي أعذار شنو دي يا على ؟؟

* حتى لو ما أتبليت عليها... ( بإفتراض أن ما حدث صحيح رغم إنو لو قالوا ليك أثبت الكلام ده ما حتقدر مرجعك الوحيد صحيفة و منبر فاقدين للمصداقية)

* و حتى حديث والدها في الأمر أو حديث الشعب السوداني كلو لا يبيح نهش لحمها بهذه الصورة ..


يا على يا أخوي لا شئ في الدنيا يبيح الخوض في أعراض الناس ...



* خلى غلاط المريخاب ده و أعتذر للبت دي بالله ده أقل شي تعملو..


خالد

Quote: وعلى ذمة صحيفة الدار نفسها

ومتى كان لصحيفة (الدار) زمة..؟!!

العزيز معتصم
حقيقي تصرف ينم عن عنجهية وعدم وعي وتقدير للآخرين
ومهما يكن فإن هنالك من المساحات ما يضمن أن تنال ما تريده باحترام

يا اخ معتصم بالامس حزنا معكم لزميلكم المغتال واليوم نحزن لهذه الفتاة المتوثبة نحوو الشهرة والأصواء ، ونحزن أكثر لشرطتنا التي لا تششبه الشرطة في العالم !! لا خلقة ولا أخلاق !ّ

يعني البت دي عملت الغالبنا نعمله كلنا , انا شخصيا كل ما امشي السفارة اجدد جواز سفري بقاوم نفسي وبحاول اجتهد وابزل اقصي درجات ضبط النفس لعدم تمزيق الجواز .

Quote: ما قاصدك و الله يا معتصم ما تجي ناطي لي في حلقي ساكت

اخى خالد قالو الصقر ان وقع كترت البتبات عيب
انت ياخوى رميت كلمتك ما تبطبط ساى
تحياتى

الأخت أسماء
تحياتي

Quote: اخى خالد قالو الصقر ان وقع كترت البتبات عيب انت ياخوى رميت كلمتك ما تبطبط ساى تحياتى

عشان ما يجي بكرة يعمل بوست أسمو : ماجستير خالد عبد الله


الخواف ربي عيالو


ماجستير هشام آدم (1-10 )

Quote: مره ابوها قال فى تسجيل صوتى منشور فى منتدى ساره منصور قال انو تفاجأ بيها فى حفل فى دبى فى ليلة راس السنه وهى بنته وغير متزوجه ويجب ان تسافر باذن منه

إذا صح كلام والدها,,!!
"أغرب شئ فى طريقة سفر الأبناء إلزام "الأبن" الذكر بموافقة والده
فى حين عدم وجوب موافقة الاب للابنة الانثى,,!!!!!!!!!!"

...
وهذا الشئ شاهدته قبل أيام,,!
...

بالنسبة إلى الخبر
فالمصدر غير موثوق به,,!!









ربما لكثرة ما قامت به جريدة الدار من إيراد اخبار تخلو من الحقيقة أو تضخيمها
...
...
اما إذا حدث فالموضوع بائس من أساسه

انسه دى مهنة جديد ولا شنو؟؟ بوليس حاقد وناس الدار حاقدين

وكامل التضامن مع المذيعة تسابيح ..

حكومة السودان عندها مشكلة مع البنات والنساء

شكرا على الخبر معتصم

B]انا شخصيا اناشد الجميع النظرة للموضوع من زاوية واقعية و تربوية و نفسية و ليس بعقلية التور ان وقع تكتر سكاكينو . هذه الشابة المتوثبة في نظري تحتاج لمساندة نفسية من الأسرة الصغيرة و من محبيها و من الصحافة ورقية كانت ام الكترونية و اتفق انها تصرفت بطيش مع والدها و مع الغير و لكن يجب ان ننظر للحالة النفسية التي تعيش فيهاو كان من الممكن ان يتكاتف الجميع لرتق الفتق لا توسيعه بالاشاعات و الشمارات الغريبة و شيل الحال. هي فغعلا تحتاج لدكتور فيل سوداني يساعدها في الخروج مما هي فيه و تحتاج لأبويين مسئولين لتحمل المسئزولية التربوية كاملةو طالما كانت هي واضعه نفسها تحت الأضواء يجب أن تتحمل ايضا تبعات هذه الاضواء و لكن ليس بمثل نبش الحال الذي تقوم به الدار أو الصحفية التي عملت مقابلة مع والدها.
لماذا لا نلوم الوالدين الذين جعلا منها كبش فداء لخلافاتهما , فالخلافات موجودة في كل الأسر اين الأهل و الأقارب و الأجاويدو السودانين عموما؟ هل ترك السودانيون سماحة الخلق و اتجهوا لمطالعة توافه الصحف ومنشورات الغسيل ( انا ماعارف الناس بتقول غسيل قذر ليه؟ . اعتقد أن اي غسيل هو نظيف لأنك لا يمكن ان تنشر ملابسك اذا لم تتأكد من انك قد نظفتها من القذارة و الأوساخ).
منةهنا ونتيجة للظروف النفسية التي تعيشها هذه اليافعة يمكن ان تكون قد تصرفت هذا التصرف الخاطيء و كلنا خطاءون.(انا شخصيا قمت في لحظة غضب بتمزيق أوراق تخفيضات ضريبيةمن وفود الضرائب التي تجوب الابلدان امام سمع و بصر الكثيرين. و لكني لمت نفسي بعد الرجوع للبيت).
أعطوها فرصة مساندة و مناصحة(المناصحة الأصلية ما حقت الزمن دا) وقفو بجانبها وردوها لأسرتها و عملها و دعوها تعيش و تتطلع و تنجح و ستجدون ان شاء الله تسابيح أخرى.

انا أعلن مساندتي لهاو أدعو كل من لهم صلة قرابة أو صداقة أو مهنية التدخل لأنقاذ هذه الشابة.
ولا يفهم من ذلك اني اقف معها ضد والدها أو ضد القانون و لكن الصلح خير
مودتي للكل

انا لما مشيت افصل محمود ولدي من جوازي لجواز منفصل كنت حأعمل نفس الشي، بسبب معاملة واستفزاز الراجل البعمل لي المعامله.. ونصكم البتتكلموا هنا بتعملوها

Quote: يعني البت دي عملت الغالبنا نعمله كلنا , انا شخصيا كل ما امشي السفارة اجدد جواز سفري بقاوم نفسي وبحاول اجتهد وابزل اقصي درجات ضبط النفس لعدم تمزيق الجواز

انصفتها والله يا اساسي..

بنت الحسين

نسأل الله السلامة



التعديل الأول لحذف الرابط
التعديل التاني لإضافة الكلمات الآتية

أولاً الرابط كان فيه مشهد فيديو علي ذمة سارة منصور
تانياً قمت بحذف الرابط لشئ في نفسي أدركته بعد إنزال المشاركة بـ دقيقتين

ياخي الدار دي أسواء مطبوعة سودانية ..
يعني نظام شمارات ولفحي كلام ..



لا تظلموا تسابيح ..
أعطوها فرصة وساعدوها ..

يا جماعة الخير
الموضوع بسيط وواضح وارجوان لاتزيدو اكتر من العفصتوه ده
الموضوع كتابة المهنة على الجواز
وده من حق اي انسان في الدنيا
والمكان العايز تشتغل فيهو بربط بين البطاقة وبين المهنة العلى جوازك او ممكن اغيرها ليك في بلدو
الموضوع البوليس لازم اكون عندوا شهادات تثبت انها مذيعة يعني صحفية
طيب ما جابت الوثائق الازمة !! بسالكم
هي ما إثبات ؟؟؟ اي زول بعرف انها مذيعة
يعني كان ممكن اكتب ليها في الجواز ـ مذيعة
لكن لالازم شنكبه طيب ما لقى الأثبات !! اقول ليها ارجعي وجيبي باقي الشهادات
منو البديهو الحق ـــ اكتب ليها انسة
شرطت الجواز ـ غلط والغلط ما بتعالج بي غلط الف غلط منها
لكن للظروف الاره بيها والتوتر العام والأحباط عملت الغلط انها شرطت الجواز
الداخلية كلها مافي فيها مطيباتبها واحد اقول ليها تعالي اقعدي يا اخت
وجيبوا ليها موية باردة وكان واقفة تقعد وكيف عامله وونسة في الكورة وتتحل القضية
ولا تجينا هنا
نحن ناقصين
بعدين موضوع واضح ما تزيدو توم وشمار بي قصص انتهت ومشاكل خاصة جدا ممكن تحصل لي اي واحد قيكم
الرجاء استروا علينا بستر عليكم رحمن الدنيا ورحيمها
ابغدونا من الخاص

Quote: انا ماعارف الناس بتقول غسيل قذر ليه؟ . اعتقد أن اي غسيل هو نظيف لأنك لا يمكن ان تنشر ملابسك اذا لم تتأكد من انك قد نظفتها من القذارة و الأوساخ

إحتمال الغسيل يكون تم بموية وساخة

يا جماعة الخير ..
ما حدث لتسابيح أمر عادي
أنا كان لي تجرية سابقة مماثلة لتجربتها
حيث أصر ضابط الجوازات ألا يكتب مهنتي رغم أني أتيت بما يثبتها
وكتب لي مهنة اسمها " خريج "

هنأوني، فقد أصبحت بالوثائق صاحب أغرب مهنة من نوعها.. تو...صورة للمستند الرسمي

نيستا يا عمك ....

مـاورد بخصـوص (تســابيح ) غير صـحيح !!!

ح تخجل براك ولا محتاج مساعدة

لإنهاء مستقبل فتاة سودانية هى أقرب للطفلة منها للمرأة

وأدعوا لها بالحفظ والستر

وأدعو أنا لكم ولبناتكم وأخواتكم بالحفظ والستر ..

آمين..


تسجيل معلومات غير حقيقيه في جواز السفر عن عمد واصرار..أمر سخيف وقاهر..
تسجيل آنسه بدلا من مهنتها فيه قصد مادامت قد اعلنت عن مهنتها..وفيه اهانه لكل انسان ورغباته..
وخاصه المرأه التي تقهرها القوانين عند سفرها..وتلزمها بشروط محدده حتي تتمكن من السفر..

تمزيقها للوثيقه الرسميه حسب حديث الجريده ان صدق ..فيه تعدي علي سيادة الدوله وعدم احترام لها او عدم اعتراف بها..
(ولايدخل هذا هنا في الشكل السياسي)
ولا أدري مالذي أوصلها لهذه الدرجه..ولكن قطعا هو غضب شديد الذي يوصل الاخرين للتصرف بهذا الشكل

Quote: تصرف متهور من مذيعة او اى كان لان الامر لا يستحق كل هذا كان ممكن ببساطة شديدة وادب تطلب من المسؤل تغير المهنة وما اعتقد كان سوف يرفض لها طلبها ممكن تحصل على اى شى فى الدنيا...فقط بأحترام الأخرين تحياتي

ياجماعة تسابيح ضل فيل

والموضوع الآن في تصرفها بتمزيق الجواز بس

ومافي داعي الناس تدخل في تفاصيل تانيه تجيب ليكم ذنوب ساكت

والخبر ده برضو ممكن يكون ماصحيح

ما تفقد المصداقية ياخ بي مبارتك للدار دي


مـاورد بخصـوص (تســابيح ) غير صـحيح !!!

لا الوم نستا و الدار - في النهاية الطبيعة جبل - لكن الوم بشدة الإخوة الكرام
الجو شايلين سيوفهم مستبيحين دم وطنية البنية و اخلاقها و مؤهلاتها و خصوصية علاقنها مع ابوها
بناء على ايقونة
و عنوان مثير و عبارة "المصدر الدار"
واكتسبوا ما شاء لهم الله من ذنوب و خطايا
الله يهدينا اياكم و يجنبكم يوما تقرؤون فيه سيرتكم ومن تحبون تحت ايقونة خبر عاجل و مصدرها الدار

فتصبحوا على ما فعلتم نادمين

والله قصة المهنة دى انا عاوزة افتن فيها هنا

السودانيات فى الدوحة بكتبوا المهنة زوجة وهم بكونوا شغالات

علشان يزوغوا من الضرائب

Quote: نعم اخي انها مشكله عشت بعد فصولها فقد اردت استخراج جواز لزوجتي وهي خريجه ولكن ورغم ماعندها من شهادات اصر شرطي الجوازات الا ان يكتب المهنه زوجه وزوجه هي حاله اجتماعيه وليست مهنه ليت الامر يجد معالجه من المسئولين

العوض.

طيب الوزيرات في الحكومة بكتبوا ليهن شنوا في جوازاتهن؟

دي بلد ظالمة، ويجب أن نتفهم غضب هذا المذيعة.

يجب أن يتم حزف خانة المهنة في الجوازات السودانية، لأن هنالك كثير من الناس تتغير وظائفهم/هن. وعمر جوز السفر عشر سنوات وعملية تغير المهنة تحتاج الى وقت وجهد ومال لكي يتم تغيرها. ويجب أن لا ننسى بأن هنالك عدد كبير من خريجي الجامعات لا يعملون في مجال تخصصهم. فهنالك الطبيب الذي يعمل تاجر والمحامي الذي يعمل سائق تاكسي والمعلم الذي يعمل سمسار وهكذا. بالمناسبة. الجواز الامريكي لا يوجد به خانة للمهنة أو خانة للعنوان.


دينق.

Quote: لكن ألا ترون معى وتصوروا أن تكون بنت أحدكم وتعرضت لعذاب مر وهى لم تتجاوز التاسعة عشرة حياة فى ظل زوجين منفصلين ( والله أعلم بما مرت به فى هذا الجو ) وثم .. تجلدها الصحف الصفراء بل وتذبحها وهى لم تقو على مجابهة أضعف المشاكل وتترصدها كأنها عدو الأمة وتمارس عليها إغتيال الشخصية .. أنتم لاتعلمون سادتى أن بعض الذئاب حينما تعجز عن الوصول للفرائس تسعى للإنتقام بوسائل كثيرة حتى تصل لمرحلة تتمنى فيها الضحية لو لم تقاوم.

تعيش إنت ويدوم خيرك..أصيل ونبيل يابو السارة.

Quote: فى حين عدم وجوب موافقة الاب للابنة الانثى,,!!!!!!!!!!"

الملك..

الموافقة تتم باقرار فى المحكمة الشرعية يمضى عليه الوالد واتنين شهود

لكن بعد سل الروح..

اما بخصوص الجواز يفترض تحضر معك وثيقة تثبت المهنة.. من الجهة الشغال فيها

او يلصقو ليك انسة..زى الماحاصلة حاجة..

عندى تجربة مع قصة انسة الفى الجواز ..اتلصقت لى عادى ..

اساسى ؟؟؟

Quote: يعني البت دي عملت الغالبنا نعمله كلنا , انا شخصيا كل ما امشي السفارة اجدد جواز سفري بقاوم نفسي وبحاول اجتهد وابزل اقصي درجات ضبط النفس لعدم تمزيق الجواز .

كدت ان لا اتعرف عليك ,,,, والله لكن لقيت عينك كليلة جنس كلالة ...

مش قال وعين الرضا ........... والتانيه ديك تبدى المساوىء ؟؟















ــــــــــــــــــ

دا الشغل اساسينا ،،، هو ذاتو بتاع الجوازات دا غبى مفروض يخت الصورة محل المهنة !

حقو نتضامن مع اساسى فى محنته ياخ

الأخ/ دينق

لك وافر التحايا

أؤيد فكرتك بإلغاء المهنة من الجواز لأنها تشكل هاجس كبير للكثيرين ، قبل عدة سنوات كان الشخص إذا أراد تغيير المهنة يتم شطب المهنة السابقة وكتابة الجديدة تحتها فيصبح مظهر الجواز غير حضاري الآن إذا أردت تغيير مهنة يتعين عليك تغيير الجواز بأكمله وتسديد رسوم وإذا تغير وضعك ورغبت في تغيير المهنة تضطر العودة مرة أخرى لإصدار جواز جديد بالمهنة الجديدة وهكذا يضيع الكثير من الوقت في تغيير المهنة والجواز ، رأيك سديد لكن متى يستيقظ المختصين لدينا من نومهم العميق لدراسة مثل هذه الآراء ومن ثم تطبيقها لتحقيق المصلحة العامة .

الجواز هو رمز السيادة وتمزيقه يشكل إساءة للوطن ، إضافة إلى أن ذلك مخالفة يعاقب عليها القانون ولكن لا بد من معرفة تفاصيل هذه القصة حتى لا نظلم هذه الموهبة الشابة .

سيداتى آنساتى سادتى

أولا : المذيعة غلطانه كونها تقطع وثيقه سياديه !

ثانيا: شىء مؤسف أن يعمل أب على نشر غسيل أسرته الغذر على الناس ! أى نوع من الآباء هذا ؟

ثالثا: من هو ذلك الغبى الذى يفكر للجوازات ؟ ويوزع المهن على الناس حسب مزاجه ؟


ود المكى

Quote: قامت المذيعة تسابيح مبارك خاطر بتمزيق جواز سفرها امام افراد من شرطة الجوازات بعد تدوين المهنة على الجواز ( آنسة ) وليس ( مذيعة ) لعدم ايرادها ما يثبت .. وكانت تستعد للالتحاق باحدى الفضائيات السودانية بدبي .. وقامت الشرطة باتخاذ الاجراءات القانونية في مواجهتها .. المصدر :صحيفة الدار

هذة الانفعال لا تشبة روح المذيعة ان تصرفها لاتشبة تصرف انسانة مثقفة ان الشرطة هي الدولة لم ياتي الشرطي
بالقانون مستلجبا من بيتة بل انة القانون لك الحق بطعن الي حقك بطرق قانونية هذا هو حال السودان المثقف وجاهل
يتساوان عند الغضب ومن يشعر ان لة ظهر كبير لايعرف هذا شرطي ولا قاضي
اختي تسابيح لاتثبت فشلكي بغضب بل يوفقكي اللة برزانة المهنية ان مهنتكي مهنة نبيلة وروادها الجماهير اكسبي الجماهير
ستكسبي محبة الجماهير


ناصر جانو

ــــــــــــــــــــ لا أتعاطف مع المذيعة .......ولكن !

1. إذا كان ضابط الجوازات لم يكتب لها فى خانة المهنة (مذيعة ) لأنها لم تقدم له ما يؤيد

ذلك فإن إجراء ضابط الجوازات صحيح .

2. كتب لها ضابط الجوازات فى خانة المهنة ( آنسة ) ماذا قدمت له من مستندات إستند عليها

ليكتب تلك المهنة ؟

ودالمكى

Quote: لإنهاء مستقبل فتاة سودانية هى أقرب للطفلة منها للمرأة وأدعوا لها بالحفظ والستر وأدعو أنا لكم ولبناتكم وأخواتكم بالحفظ والستر .. آمين..

قوية والله قوية!!

دي شكلها جعلتينياية

والله أحسن مليون مرة من الناس القطعو جوازتم في المطارات والرموها في المراحيض علشان ما يرحلوهم أو يرجعوهم لبلدون



-----------------------------------------------
الحكاية دي لو حصلت.. نغلط القاضي
-----------------------------------------------



محمد السني حلل وأساسي عبر... وأنا معاهم الأثنين... الزولة زعلت وليها حق ... وإنفعلت من غير مايسمعوها وقطعت جوازها الجديد والناقص قدامهم في لحظة غضب.. وده غلط حصل في لحظة غضب أحسن حاجة نسامحها هي والزعلوها بالقانون اليابس... ديل ما ختوهو ولا عملوهو علشان يزعلوها بيهو


وتعالو ننسا الحكاية دي

سبحان الله
اللنك اتخت مرتين يا كافي البلا الناس ما عايزة تكلف نفسها تكلك
ولا سحل البنية والخوض في وطنيتها و علاقتها مع ابوها امتع و اسهل
طيب نجيب الجوة اللنك هنا - على الإقل تنتفي حجة ما قريناه

اورد الأخ محمد عكاشة مشكورا هنامـاورد بخصـوص (تســابيح ) غير صـحيح !!!

Quote: لا أحبذ الخوض فى هكذا موضوع.. لكن ماورد بخصوص الزميلة تسابيح غير صحيح بالوجه الذى تم ايراده فى الاخبار... وهو بتاريخ 29 مايو المنصرم قامت باستخراج جواز بدل التالف وعقب استخراجه اتلفت القديم وقد نبهتها ادارة الجوازات فى لطف الى تسرعها فى اتلافه وانتهى الامر.. هذا ماحدث مع ملاحظة التاريخ اعلاه..مع نص الخبر الوارد..

الله يسامحك يا نستا

تقديرا للضغوط الكبيرة التى يعانى منها الإخوة فى الجوازات ، فقد قررت إدارة ( موسوعة المهن الحرة )

تقديم خدمه مجانيه لهم لتسهيل عملية الإختيار العشوائى للمهن فى الجواز الإلكترونى الجديد ، وكالآتى :

مهن للرجال فقط
ــــــــــــــ
أعزب
معذب
متزوج
مزواج
زير نساء
فحل (ثلاث ورباع )
متيم
عريس
مطلق
مكتول كمد

مهن للنساء فقط
ــــــــــــــ
متزوجه
عانس
للخلف و العلف
آنسه (للراغبات فقط ) وما عايزين مشاكل .
بايركس (تكتب بايره أحياناً )
سيده
فاتها قطار الزواج
مطلقه
زيرة رجال (ثلاثة تجارب زيجات فاشله فأكثر )
أرمله
مدموزيل (تكتب لحاملات الجنسيات الأخرى )

ملحوظه
ــــــ
* يمكن إستبدال أى مهنه من قائمة الرجال بأُخرى من قائمة النساء ، والغكس صحيح ( مافى مشكله )

ود المكى

..
.

Quote: قامت المذيعة تسابيح مبارك خاطر

والله يا معتصم انا بغض النظر عن مصداقية الخبر وتكذيبو
الا اعجبنى ايراد اسمها كاملا
عشان عمك مبارك دا ..

فى ذمتك يا مبارك خاطر دى بت بنكروها وبسيئو ليها
ياخى وبجرحوها ساااى .. ؟؟

Quote: وقامت الشرطة باتخاذ الاجراءات القانونية في مواجهتها ..

شرطة ووين ؟؟ اسكتلانديارد ...؟؟؟
ديل شرطة عايزين ليهم مدخل ساااى
_____________

والله يا تسابيح انا اشهد ان المصور الاخد ليك الصورة دى
اكيد كميرتو كانت وسخانه وزاويتو غلط ..
يااخ انت .....!!!!

معقولة بس الواسطات في السودان اتعدمت يعني زولة مذيعة مشهورة الجواز مايجيها في محلهابعدين قصة تمزيق الجواز دي ما اظنها صحيحة البنية سميحة بس ادوها عين وعين الحسود ا نشاء الله فيها مرق عنقريب
اتمنى تتلم شمل الاسرة عشان في ناس كتار واقفين في الصف .

كتب اساسي

Quote: يعني البت دي عملت الغالبنا نعمله كلنا , انا شخصيا كل ما امشي السفارة اجدد جواز سفري بقاوم نفسي وبحاول اجتهد وابزل اقصي درجات ضبط النفس لعدم تمزيق الجواز .

كامل تضامنا معاك يا برلومنا اكيد ماكاتبين ليك المهنة زيهالكن الراعي واعي لوول يكه ( حقوق الطبع مصرح لها لي تمبس )

.Let them call you any thing just get the money and go back home

زاتووو