Post: #1
Title: مرحب هباني
Author: زهير الزناتي
Date: 06-18-2008, 07:21 PM
Parent: #0
الهادي إدريس هباني
سليل بحر ابيض ،،،،
خريج اسيوط
الاقتصادي اللامع
المثقف الحقيقي
المناضل الهادي
الرجل المهذب
خريج الجبهة الديمقراطية بمصر
مرحب به قلم جديد في سودانيز أون لاين ،،
من تصاريف القدر ان نرحب باستاذنا هباني ومعلمنا نحن تلاميذه في الجبهة الديمقراطية بمصر
درسنا علي يديه برنامج مرحلة الثورة الوطنية الديمقراطية ،،، فهباني من أكثر الذين يفهموا
البرنامج ويستطيع أن يوصله لكل الناس بكلام مبسط ومرتب ،،، في حلقات الدراسة داخل الجبهة الديمقراطية أو في الندوات الجماهيرية ،،،،
هباني من الذين يجمع عليهم الناس لتواضعه وتهذيبه وثقافته العالية ،،، وعلاقاته الحميمة مع
كل الناس ،،،،
بكل تأكيد هو مكسب حقيقي لقراء وأعضاء سودانيز أون لاين ،،، متحدثاً في السياسة والثقافة
والأدب والأقتصاد والحكي ،،،
لا ننسي فهو كان من قيادات الاعتصام الشهير الذي قام به آلاف الطلاب السودانيين عام 1986م
وأحتلوا فيه السفارة السودانية في القاهرة ،،، وأنتصرت فيه إرادة الطلاب وتم تحقيق كل مطالبهم
في ملحمة كبري شهدت وحدة طلابية تاريخية ،،،
وسمح القول في خشيم سيدو ،،، يا ريت يجي هباني ويحكي لينا
نرحب باستاذنا الهادي إدريس هباني
مرة أخري ،،،،،
|
Post: #2
Title: Re: مرحب هباني
Author: Shazaly Magzoub
Date: 06-18-2008, 07:34 PM
Parent: #1
زيناتي المبادر ...ابدا مايغشاك شر
تنادينا بي غادي للترحيب بود الناظر
لكن..لم تكن مصادفه ان يتزاحم الناس في الخروج لملاقات هباني فرادى وجماعات
فاليرحب به كل من يريد كما يحب فهو اهلا للترحيب .
|
Post: #3
Title: Re: مرحب هباني
Author: عبدالكريم الامين احمد
Date: 06-18-2008, 07:36 PM
Parent: #1
مرحب يازهير
والف مرحب بالاخ الجميل الهادي هباني
وحبابو الف في سودانيز انلاين,,
والعين باردة يا ناس مصر اليومين تسجليتاكم زي الورد
الهادي
وسناء
وياخ ما تتموا جميلكم وجيبو لينا جمال فارح نتونس معاهو شوية في الاسافير دي
|
Post: #4
Title: Re: مرحب هباني
Author: فيصل محمد خليل
Date: 06-18-2008, 07:43 PM
Parent: #3
نرحب باستاذنا الهادي إدريس هباني
|
Post: #6
Title: Re: مرحب هباني
Author: بهاء بكري
Date: 06-18-2008, 08:06 PM
Parent: #1
مرحب بهباني وشكرا يازهير
|
Post: #7
Title: Re: مرحب هباني
Author: الهادي هباني
Date: 06-18-2008, 09:38 PM
Parent: #6
دوبيت و مقاطع للزناتى ود البنايا
**********************
كسلا أم تقاق ،،،،،،،، من قمت بسمع بيكى ،،،،،
بمشى قدم قدوم ،،،،، لامن وصلت إليكى ،،،،،،
لو ما المرغنية و أهل البنايا الفيكى ،،،،،،،،، عربك بالخراب لكة و دبايوا و كيكى ،،،،،،
**********************
حبيت عشانك كسلا وخليت دياري عشانها ،،،،
واخترت ارض التاكا الشـــــــــاربه من ريحانها ،،،،،،
صوت السواقي الحاني ذكرني ماضي بعيد،،،،،،،،،
وعلى الرمــــــــــال آثارك طرتني ليلة عــيد،،،،،،،،
المني قلبك ينسا يرفس غــــــــــلاوة الريد،،،،،،
باقي الطريق بمشــــيهو خليني فيهو وحيد ،،،،،، والحب عذاب في كسلا
**********************
تمر المحنة زي ضل السحابة
حروف اسمك نغم يسقي الغلابة
حروف اسمك بشارة خير حبابة
حروف اسمك حليفة وغنا الصبابة
********************************
طار البلوم حيران ،،،،،،،،،،،،،،،،،،،،،،،،، بسأل عن الحبان
أتغيرت دنيانا ،،،،،،،،،،،،،،،،،،،،،،،،،،،،،، و اتفرقو الحبان
قالو الزمن دوار يا بسمة النوار ،،،،،،،،،،، ياريت تعود ايامنا ونكمل المشوار
**************************
أرض الحبايب يا أرض المحنه ،،،،،،،،،،،، في واديك ولدنا و ضقنا حنان أهلنا
فيك يا كسلا روحي و برضك لي حبيبه ،،،،،،،، خيراتك وفيره دوام أرضك خصيبه
فيك القاش مناظر و جبالك عجيبه ،،،،،،،،،،،،،،،، طال ما فيها روحي كيفن أقدر اسيبها
يا لحن السعاده حبك في فؤادي ،،،،،،،،،،،،،،،،،،،،، فيك توتيل زلال مكرام و السواقي
لي أهلك حنينه و اصلك ما بتعادي ،،،،،،،،،،،،،،،،،،،،،،،،،، تعطفي للبجيك من آخر بلادي
ترقد فيك جبال التاكا الأبيه ،،،،،،،،،،،،،،،،،،،،،،،،،،،،،، توكروف و الحلنقه و حي الميرغنيه
السوريبه روضه من رضوان هديه ،،،،،،،،،،،،،،،،،،،،، و القوازه زهره تتفتح نديه
أنا طال اشتياقي للترعه و نضاره ،،،،،،،،،،،،،،،،،،، و غرب القاش حليله الزاهي أخضراره
تلقي الكاره هادئه و البوليس جواره ،،،،،،،،،،،،،، و الختميه نايمه في أحضان جباله
في حلة جديد تلقى جمال بناتنا ،،،،،،،،،،،،،،،،، في بانت أملنا و أعذب أغنياتنا
يا مسقط رؤوسنا و مسكن أمهاتنا ،،،،، إن شاء الله في غير ك ما يحصل مماتنا
|
Post: #8
Title: Re: مرحب هباني
Author: عمر صديق
Date: 06-18-2008, 09:48 PM
Parent: #7
مرحب بالاخ الهادي هباني
مرحبا بالصعايدة
|
|