Post: #1
Title: الصورة الخايف عليها ... بس!!!
Author: عبود عبد الرحيم
Date: 06-18-2008, 04:23 PM
قال لي : لماذا لا تضع صورتك الشخصية ؟ ولا خايف عليها ؟؟
قلت له : ليس لدي مانع .. فأنا كتبت كل معلوماتي في الملف الشخصي .. وليس لدي ما أخفيه.
قال لي : نريد صورتك لاكمال الرؤية ... واسمح لابنك باخذ قسطا من الراحة.
قلت له : ربما تتسبب الصورة في ابتعاد بعض البورداب ... أصلها صورة (شينة)
قال لي : ان كانت كذلك وطلب (بعض) البورداب اخفائها .. فأفعل
قلت له : اذا اليك الصورة في البروفايل ..!!!
|
Post: #2
Title: Re: الصورة الخايف عليها ... بس!!!
Author: عبود عبد الرحيم
Date: 06-18-2008, 04:27 PM
Parent: #1
أول تعليق ...
تلقيته من خارج عضوية المنبر ومن خلال اتصال هاتفي ...
اثني علي الفكرة وطالب ان يضع كل عضو صورته في البروفايل ...
لاحظت انه لم يعلق علي الصورة في حد ذاتها ... (اكلتها علي اللباد)!!!
|
Post: #3
Title: Re: الصورة الخايف عليها ... بس!!!
Author: العوض المسلمي
Date: 06-18-2008, 04:28 PM
Parent: #1
العزيز عبود سلام
البركه فيكم
وعودا حميدا
ولله ما اعطي ولله ما ابقي
وانا لله وانا اليه راجعون
--------------------------------------------------------------
طيب خت صورتك براك وريح الشاب ده شويه 
|
Post: #4
Title: Re: الصورة الخايف عليها ... بس!!!
Author: عبود عبد الرحيم
Date: 06-18-2008, 04:33 PM
Parent: #3
تحياتي يا العوض أخوي ...
| Quote: طيب خت صورتك براك وريح الشاب ده شويه |
كان ممكن ... لكن ما بعرف ألبس العمة زيك ...
مع تحياتي للاخ عبد الفتاح أبوشيمة ...
ــــ
انت شوف لينا خبر (الجماعة) ديل شنو ؟؟؟( سمح) ؟؟ 
|
Post: #5
Title: Re: الصورة الخايف عليها ... بس!!!
Author: العوض المسلمي
Date: 06-18-2008, 04:40 PM
Parent: #4
عبود سلام
| Quote: كان ممكن ... لكن ما بعرف ألبس العمة زيك ... |
ساهله بس انت كيف تقتنع انك تلبس عمه ؟
| Quote: انت شوف لينا خبر (الجماعة) ديل شنو ؟؟؟( سمح) ؟؟ |
عبود
قلت لي ناس الجزيره ديل مفبركين الخبر ؟بالله؟
__________________________________________________
يعني متاكد من انه ده تسجيل قديم ؟
|
Post: #6
Title: Re: الصورة الخايف عليها ... بس!!!
Author: عبود عبد الرحيم
Date: 06-18-2008, 04:52 PM
Parent: #5
شايف سارة عيسي عاملة ليك مولد بهنااااك في موضوع أبوخليل !!!
| Quote: يعني متاكد من انه ده تسجيل قديم ؟ |
هذه شكوك مني ...
واحتفظ بالرأي النهائي حتي اتحصل علي شهادة (الخبير) خالد أبو أحمد
|
Post: #7
Title: Re: الصورة الخايف عليها ... بس!!!
Author: عبدالفتاح أبوشيمة
Date: 06-18-2008, 09:00 PM
Parent: #4
Quote: كان ممكن ... لكن ما بعرف ألبس العمة زيك ...
مع تحياتي للاخ عبد الفتاح أبوشيمة ...
|
الله يحيّيك في كل سعادة وهناء
والله صورتك سمحة بالحيل
وبرجع تاني أقول ليك يا ولدي
سكرتير دي حاجة كبيرة عندنا
لكن طلعت فعلاً من الجيل اللي ما اتعلم لبس العمة
لكن وصيتي ما تشيل صورة الولد؛
خلّيه يواجه الناس
ويبقى ضكران زي أبوه الله يحفظه ليك؛ وكمان بالمرّة؛ حيتشجّع ويبقى صحفي شجاع
أما ناس البورد ديل كضّابين ساي
كتيرين متغطغطين؛ صايباهم الفوبيا
برّة ساي ؛ لما يجوا جوة
ما بسووا سواتهم
بوستيك فكرتو جميلة
بس الولد دا يتعلم لبس العمة؛ حتى لو دخلتو درس خصوصي
فوق
لكن العوض دا خليه ساي ما عمدة عديل بي عمّته دي يا أخي ما تخليه يديك فيها درس.
|
Post: #9
Title: Re: الصورة الخايف عليها ... بس!!!
Author: عبود عبد الرحيم
Date: 06-19-2008, 12:08 PM
Parent: #7
اخي عبد الفتاح ...
شكرا كثيرا علي النصائح والاراء ..
أمس قلت لابني (محمد) رأيك شنو تلبس عمة ؟؟ قال لي : يا ابوي لكن ما بتقع من رأسي ؟؟!!
يعني ياأبو شيمة نخليهو يكبر شوية .. وأوعدك يتعلم لبس العمة أحسن من ابوه ...!!!
وبعدين أقول ليك ..
كنت مشاركا في دورة تدريبية صحفية بالقاهرة نهاية عام 2004 ويوم التخريج واستلام الشهادات قلت احسن اظهر بالزي الوطني ... طلعت الجلابية المكوية ووضعت الطاقية والشال علي الكتف ... لكن قلت الحكاية ناقصة (العمة) قدر ما فتشت ما لقيت العمة في الحقيبة ... قمت عملت الشال (عمة) واستلمت بيها شهادة التخرج ... هذا الزي الوطني لفت انتباه زملائي الافارقة الذين شاركوا في الدورة التدريبية وطالبوا بالجلابية والطاقية والشال ... لم أتمكن من كسفهم او كسر خاطرهم وكانت اصلا جلابتين واحدة أخذها زميل من ناميبيا والاخري أخذها زميل من بورندي ....
وقريبا سأنشر لك الصورة بالعمة (الشال) !!!! لكن سيكون واضحا أنني أحتاج الي درس ارتداء (العمة) !!!
|
Post: #8
Title: Re: الصورة الخايف عليها ... بس!!!
Author: ombadda
Date: 06-18-2008, 10:14 PM
Parent: #1
تحية طيبة
ماعارف لكن صورة عبود(أو ابن عبود) فى البروفايل القديم معبرة لأبعد الحدود وتعبر
بالفعل عن الدوامة التى نعيشها منذ العاشر من مايو-خليل ظهر وخليل ما ظهر-
بالمناسبة لم أقرأ لك من قبل العاشر من مايو
|
Post: #10
Title: Re: الصورة الخايف عليها ... بس!!!
Author: عبود عبد الرحيم
Date: 06-19-2008, 12:16 PM
Parent: #8
الاخ أمبدة ..
Quote: تحية طيبة
ماعارف لكن صورة عبود(أو ابن عبود) فى البروفايل القديم معبرة لأبعد الحدود وتعبر
بالفعل عن الدوامة التى نعيشها منذ العاشر من مايو-خليل ظهر وخليل ما ظهر- |
شكرا لك لاثراء هذا البوست بمداخلتك ... واحترم رايك كثيرا ...حول الصورة ..
| Quote: بالمناسبة لم أقرأ لك من قبل العاشر من مايو |
وطبعا انت من(البدريين) في هذا المنبر ... ونحن من (اللاحقين) لكم وعند وقوع احداث العاشر من مايو كان اشتراكي في (البيت السوداني الكبير ده) لم يتجاوز أشهر معدودة لذلك لك العذر ان كنت لم تقرأ لي مشاركة قبل العاشر من مايو ..
:
:
:
مع مودتي
|
Post: #11
Title: Re: الصورة الخايف عليها ... بس!!!
Author: كمال ادريس
Date: 06-19-2008, 01:55 PM
Parent: #1
صورتك الخايف عليها برضو مابتشبه اسامة الخليفة مذيع التلفزيون القومي.
|
Post: #12
Title: Re: الصورة الخايف عليها ... بس!!!
Author: عبود عبد الرحيم
Date: 06-19-2008, 02:02 PM
Parent: #11
| Quote: صورتك الخايف عليها برضو مابتشبه اسامة الخليفة مذيع التلفزيون القومي. |
عارف يا كمال ...
اصلهم ديل ناس كاميرات ...
ونحن ناس اقلام بس ..ما مهمة الصورة !!!
 
|
Post: #13
Title: Re: الصورة الخايف عليها ... بس!!!
Author: Adam D.El-Asha
Date: 06-19-2008, 02:34 PM
Parent: #1
أخوي عبود
لك التحية والتقدير ...والله العظيم الصورة رائعة وخاصة الابنةالصغير ..ربنا يحفظه
آدم العشا
|
|