Post: #26 Title: Re: انجليزي جركانات Author: حمد عبد الغفار عمر Date: 06-18-2008, 06:35 PM Parent: #6
خليل ازيك
[استاذ عبدالله حديدة
دا كان في حنتوب ؟ بالله ذكرني
واحدة حاجة مشت لحناكيش جابوا شاي قالوا ليها with or without يعني يسكر او بدون سكر قالت without جربت الشاي لقتو مر قالت ليها يا بتي كبي لي وزة وزتين في الشاي دا
طيب هاك دي أستاذ إنجليزي طلب من التلاميذ كتابة كمبوزيشن عن رحلة واحد منهم كتب الآتي the bus went into a deep sand the driver gave it number one it refuse to go then he gave it number two , it also refuse at the end he gave it number one again and the bus goes like the rose
خلل ازيك .. عندنا صاحبنا ( رضى الله عنه ) .. كان قاشر ( للجكس ) في ( المركز الثقافي الفرنسي ) بموضوع ( الهجرة الي كندا ) .. يوم واحدة سألتو .. انت يا ( رضى الله عنك ) .. ماشي ( كندا ) immigration
قال ليها .. لا لا والله ماشي ( مدينة ) في الشمال عندي عمتي فيها ..
خليل بوسطيك عجيب انجليزي المصريين ده براااااااااهو في الثانوي جه مدرستنا كبير مدرسي اللغة الانجليزية من الوزارة عشان يشوف مستوي الطلاب كتب ليهو كلمة فى السبورة و قال لإستاذ الانجليزي لو سمحت فهم الطلبة الكلمة دي Self-sufficiency ينطقوها كيف وليه الكلمة تتكون من شقين الإستاذ غلبه النطق وقال سيلف سفيشن شييييييييييييييش .
Quote: خليل بوسطيك عجيب انجليزي المصريين ده براااااااااهو في الثانوي جه مدرستنا كبير مدرسي اللغة الانجليزية من الوزارة عشان يشوف مستوي الطلاب كتب ليهو كلمة فى السبورة و قال لإستاذ الانجليزي لو سمحت فهم الطلبة الكلمة دي Self-sufficiency ينطقوها كيف وليه الكلمة تتكون من شقين الإستاذ غلبه النطق وقال سيلف سفيشن شييييييييييييييش .
ابو سيد
احد لاعبي الفريق القومي زمان لقي بوكس مكتوب عليهو (TOYOTA)
Quote: واحد سائق عربية وحائم جنب الاحفاد المهم ركب واحدة من بنات الاحفاد اتونس معاها وفكر الاقيها تاني قام قال ليها برنامجك كيف قالت ليهو السبت شغالة من سبعة لحداشر والاحد من تمانية لاتنين والاثنين (OFF قام قال ليها (OFF) من كم لي كم
الله يطري أيام الثانوي العالي بالخير واحد في المدرسة الصناعية داير يفتح موضوع مع بت الثانوي قال ليها : واقفين في صفحة كم في الدكشنري؟؟؟؟؟
Honorificabilitudinitatibus [Hono-rifica-bili-tudi-nita-tibus] is a word used by Costard in act five, scene one of William Shakespeare's Love's Labour's Lost.
ترجمتها للإنجليزية -لأنها كلمة لاتينية - :-
"the state of being able to achieve honours."
هذه الكلمة هي من لغة شكسبير شيخ الأدباء الإنجليز ...ولكنك يمكن أن تجد كلمات أطول منها في حقل الكيمياء أو صناعة الأدوية بما يصل ل 84 حرف أو أكثر .....أما الكلمة أعلاه فهي من الأدب الإنجليزي ......
وبعدين الإنجليزي ده حبلو غريييييق أعمل حسابك ...
إنجليزي المصريين ده خليهو ساكت من كترت القصص ما قادر اتذكر واحدة ... متصلبطين في حاجة ما يعرفوا ليها .... وبعد ده قليلين أدب ...
floccipaucinihilipilification is the act of describing something as worthless, or making something to be worthless by deprecation".
With 29 letters, it is the longest non-technical word in the first edition of the Oxford English Dictionary (OED), which presents it as "enumerated in a well-known rule from the Eton Latin Grammar". The OED dates its first use in literature at 1741 in William Shenstone's Works in Prose and Verse: "I loved him for nothing so much as his flocci-nauci-nihili-pili-fication of money".
طيب هاك دي أستاذ إنجليزي طلب من التلاميذ كتابة كمبوزيشن عن رحلة واحد منهم كتب الآتي the bus went into a deep sand the driver gave it number one it refuse to go then he gave it number two , it also refuse at the end he gave it number one again and the bus goes like the rose
أترجم واللا أخليك تحاول؟؟؟؟
لووووووووووووووووول والله الليلة كتلتونى بالضحك شكرا فضل كرار وحبابك فى حوش بكرى الالكترونى عذرا ما حصل لى الشرف والتقيتك او رحبت بيك حبابك فى نيمة خليل السمحة دى ذكرتونى ونسة ضل الضحى
Quote: هذه الكلمة هي من لغة شكسبير شيخ الأدباء الإنجليز ...ولكنك يمكن أن تجد كلمات أطول منها في حقل الكيمياء أو صناعة الأدوية بما يصل ل 84 حرف أو أكثر .....أما الكلمة أعلاه فهي من الأدب الإنجليزي ......
والله اسامة كلمتكم دي ما اعرفها الا شكسبير ذاتو
Post: #37 Title: Re: انجليزي جركانات Author: Osama Mohammed Date: 06-19-2008, 00:14 AM Parent: #1
أما من عمنا اكسفورد
هذه أطول كلمة إنجليزية بدون إضافات ..
Quote: The one most commonly cited is screeched (nine letters). However, one ought to mention also scratched, scrounged, scrunched, stretched, and the plural nouns straights and strengths (all with nine letters).
ولك جزيل الشكر والتقدير وأبقو زورونا في المنتدى الإنجليزي ...إن شاء الله أقرو بس ... عسى ولعل ...
اخوكم اسامة
Post: #38 Title: Re: انجليزي جركانات Author: عامر تيتاوى Date: 06-19-2008, 00:35 AM Parent: #37
خلو سلامات فى حاجة برضو اسمها انجليزى مطارات بت عم الجركانات ويت انجليست
Quote: إنجليزي المصريين ده خليهو ساكت من كترت القصص ما قادر اتذكر واحدة ... متصلبطين في حاجة ما يعرفوا ليها .... وبعد ده قليلين أدب ...
خليل تحياتي استاذ إنجليزي مصري شابك ليك التلاميذ He do & they does قام واح من الطلبة التفاتيح قال ليهو يا استاذ ما ممكن نقول they does وإنما they do الاستاذ المصري قال " منعارف بس does أحلى.
Quote: خلو سلامات فى حاجة برضو اسمها انجليزى مطارات بت عم الجركانات ويت انجليست
الصديق تيتا
بعض الجركانيين ناس الكتشينة بتكلموا انجليزي واحتمال اكونو ما درسوا انجليزي خالص
مثلا اسكوري كم
دخلت الزون
عندي داون واحد
Post: #44 Title: Re: انجليزي جركانات Author: عدلان أحمد عبدالعزيز Date: 06-19-2008, 05:10 AM Parent: #1
خلي وضيوفه..
هاكم ده..
Post: #45 Title: Re: انجليزي جركانات Author: Mutwali Malik Date: 06-19-2008, 06:12 AM Parent: #44
واحد مصري جركانات شغال مترجم في الكويت علي قولك ياخلي الفردة In the night of yesterday, Imet such areligus girl, she was sweet and egg الترجمة كالاتي في ليلة الامس قابلت حتة دين بت كانت حلوة وبيضاء
Post: #47 Title: Re: انجليزي جركانات Author: nazar hussien Date: 06-19-2008, 06:38 AM Parent: #45
non sleeping a lone
O' divider of love
The prophet above you
Heir's of god believer the prophet above you Apple's carrier the aprophet above you
O'Freire Damoure all perfume challenger دي:
سهر المنام لي وحدي يا قسيم الريد فوقك النبي
تركة الصلاح فوقك النبي
شايل التفاح فوقك النبي يا فرير دمور المسخ الارياح فوقك النبي
Quote: واحد مصري جركانات شغال مترجم في الكويت علي قولك ياخلي الفردة In the night of yesterday, Imet such areligus girl, she was sweet and egg الترجمة كالاتي في ليلة الامس قابلت حتة دين بت كانت حلوة وبيضاء
Post: #46 Title: أنجليزى جركانات Author: Mohiedin Sir El Khatim Date: 06-19-2008, 06:35 AM Parent: #1
أخى خليل
بوست حلو جدا ...
ويا أخى ... حليل زمن كنا بنضحك على إنجليزى العالمين لو كانو مصريين أو خليجيين أو غيرهم
كنا أحسن من يتحدث الإنجليزية بعد أهلها، و أحكى ليك حاجة بسيطة ...
مرة وجدت إعلان فى الصحف اليومية عن الدراسة عن بعد بجامعة لندن، وإتصلت عليهم بالتلفون عشان آخد معلومات،ردت على واحدة حلاة صوتها لما سرى، ويادوبك فتحت خشمى إعتذرت وقاطعتنى قالت لى: YOU ARE SUDANESE قلن ليها نعم لكن كيف عرفت .. فقالت لى من لهجتك عرفت إنك سودانى والله العظيم دة الحصل .. وقالت لى إنتو لغتكم مميزة إنتوأحسن من يتحدث الإنجليزية بعد البريطانيين. يا أخى دة عهد ولى وما أظنه يرجع تانى..
ويا أخوانا .. دى فرصة جميلة أنه نناقش موضوع التعريب فى الجامعات ...السلبيات والإيجابيات
خليل ليك التحية ... زمن الدارسة عندنا واحد ظريف كده اسمه سيف عنده علاقة مع واحده انجلو اندين ِANGLOINDIAN يا زول يوم اكان مبسوط معاها فقامت قالت ليه انت SACRIFICE قام جانا وقال والله المرة مبسوطة منى يمن قالت لي سيف ابركايز.
Quote: خليل ليك التحية ... زمن الدارسة عندنا واحد ظريف كده اسمه سيف عنده علاقة مع واحده انجلو اندين ِANGLOINDIAN يا زول يوم اكان مبسوط معاها فقامت قالت ليه انت SACRIFICE قام جانا وقال والله المرة مبسوطة منى يمن قالت لي سيف ابركايز.
تحياتي
الامين
سوداني نحيف جدا مشي اشتغل في العراق ومشي قابل المدير
المدير قال ليهو انت ضعيف البنية وزولنا مسطح
الشباب السودانين سالوهو (بالله انت ضعيف البنية دي اشتغلتها وين
خليل ( ويعز عليّ هذا الإسم لأنه إسم عمي العزيز عميد مهندس معاش خليل )
وأديك سر ...
بعد حضوري لأرض الإنجليزي ومهدها وإقامتي فيها ( ردحاًُ من الزمن ) والله ردحاً من الزمن دي عجبتني عجب - تعرف يا عمك عرفت ليك إنو الخواجات أسياد اللغة ديل
أبلد ناس في الإسبيلنق والقرامار spelling and Grammar
في المنطقة القاعد فيها دي بقولو she don't he don't والله ولا بتلفتوا
وحتى زوجتي المولودة هنا ومتربية هنا بتقول نفس الشئ
أنا حاولت أعمل فيها ( جاب الديب من ديلو ) لكن طلعت فارة ساكت ...
الناس ديل قواعدهم في الكتب ..بث..!!!!
وحتى لمن إشتغلت في السعودية ابلد ناس في العربي السعوديين... أنا خايف الموضوع ده يكون عادي ويكون الألمان ما بعرفوا ألماني ... والله بقوم جاري .عديييييييييييييييييييل
المه نحن طلعنا بي شكسبير ...وده المهم ...لمن أقول للخواجات ديل إسمو .. بسكتو وبعاينو ساااااااااااااكت ... قايلني واحد من النبلاء الضلو الطريق .... وإشتغلو أساتذة...
المهم ما تحكها شديد ....في فرقة في أي لغة .... حتى النوبية .. مسكاقنا .. مسكاقمي سرييناقمي..
مره يا خليل في السعودية جده مشيت على محل ميكانيكا بتاع واحد صاحبنا لقيتو فاكي مكنة سيارة عايز يركبها في محلها بعد ما عمرها ومعاهو جماعة يساعدوه. كان شابك الجماعة: لما أقول ليكم ريدي ميد ready made ترفعوا على طول.. فاهمين؟ أها قام قال ليهم ريدي ميد Ready made الجماعة بي وراهو Ready made قلت ليهو ياخي الكلمة دي جبتها من وين؟ قال لي: من لياقة القميص (قميص جاهز) ready made .
ياخي هو كريب نصاح؟؟؟؟؟؟؟؟؟؟؟ أجمل ما فيها روح اللغة زمان ضيعوا زمنا في القرامر والإسبلنلق ونسوا أهم حاجة ( الروح ) روح يا خليل الله يديك العافية
Post: #78 Title: Re: انجليزي جركانات Author: Mahir Mohammed Salih Date: 06-20-2008, 10:42 AM Parent: #1
1- واحد من عندياتنا كان يقرأ الـ Future فتور ،، والفتور لدينا هو الفطور .
2- المترجم الأول فى مستشفى خالد التخصصى للعيون ( وكان مصرياَ ) سؤل يوماَ لترجمة شىء فقال : أى دونتيكى نو ،، برهابس يس ،، وبرهابس نو : I dontiki no, prehaps yes prehaps no،، وذهب مثلاَ بعد ذلك وسط السودانيين .
Quote: رقبتي معسمةMY NAKE WITH SKY الاتجاه الاسلامي..ISLAMIC DIRECTION ركن نقاش= CORNER OF DISCUSSION قضايا الساعة=PROBLEMS OF THE HOURS
سعد محمد علي و خطاب اولاد مدني اللذيذين كانو بيحكو لينا عن نكات حموري و الذي تصدر من مدني نكات عنه قالوا مرة حموري سألوهو : يا حموري ما معني Electricity رد ليهم حموري: معناها المدينة المنورة
اخونا اسامة الخواض في مدرسة عطبرة الثانوية مشي للخواجة لمن لقاة أتاخر عن الحصة وعاوز يتظارف معاة ويسألوا لية اتاخرت قال لية - you myst come early الخواجة كان جاي جديد من بلدة وزهجان من عطبرة وسخانتها قام مسك لية في اسامة وجرجرة للناظر وقال لية دة منو دة البيقول لي must واصر ينجلد ونادوا الطلبة بعد الفطور وعملوا لية طابور مخصوص اخد فية اسامة الخواض عشرة جلدات كاربات
ابن خالي محمد عبد اللطيف وكنا دفعة في الكليات التكنولوجية في البرلم كانت معانا واحدة هندية اسمها شيفالي وطبعا نص سنة اولي ما كنا بنعرف الاستاذ بيقول في شنو ولا المادة ذاتها شنو وكانت شيفالي تقعد تسال الاستاذ سؤال الفاهم الحاصل شنو وكنا بنقعد انا ومحمد نعاين ليها ساكت مرة بتتكلم مع استاذ دالي كلام كبار كدة محمد قال لي بالله البت التقول البي بي سي قلت لية ما تنجة البت والله سنة اولي ما عدتها دسمسوها ليك من اول سنة three subjects +aggregate
Quote: مرة بتتكلم مع استاذ دالي كلام كبار كدة محمد قال لي بالله البت التقول البي بي سي قلت لية ما تنجة البت والله سنة اولي ما عدتها دسمسوها ليك من اول سنة three subjects +aggregate
الزبير
كانت هناك كلمات ساهلة في الاسبلنق معظم الجركانيين بكتبوها صاح زي
خلي احكليك الموقف الحصل معاي دة لقيت مرة اعلان في جريدة سعودية بتاعت اعلانات عن شخص مصري يطلب عمل بالساعة في مجال الترجمة قمت اتصلت علية وجبتة المكتب وسالتة انت اتعلمت الانجليزي وين قال لي انا درست في امريكا وهسي شغال مترجم في الشركة الفلانية وحقيقة هي شركة محترمة ومعروفة علي نطاق المملكة كلها علي هذا الاساس اتفقت معاة انو لمن نحتاجة بتصل علية واتفقنا علي اساس الصفحة A4 بسعر كذا ريال المهم يوم عندنا فايل كبير عبارة عن دراسة جدوي عن الشركة الطبية التابعة لنا مطلوب ترجمتها وارسالها لامريكا علي وجة السرعة المهم اتصلت علية في جوالة قال لي انا الان في مصر رسل لي المطلوب ترجمتة بالايميل وبترجمة ليك في 24 ساعة وبرسلة ليك راجع المهم كلمت الجماعة في المكتب رسلوة لية بعد يوم لقيت ليك الترجمة جات راجعة رسلتها القسم المختص قاموا رسلوها امريكا بعد شوية لقيت ليك مدير الشرق الاوسط في الشركة الامريكية بيتصل علي (اصولة مصرية ) وبيقول لي يا عم الترجم الدراسة دي مصري ولا اية قلت اه نعم لية قال لي انت ما قرأتها قلت لية والله قريت منها شوية برضوا لية قال لي اقراها وبعد داك اتصل علي قمت فتحت الصفحة الاولي لقيت ليك صاحبنا مترجم قسم الطواري ambulance section وحاتكم ما اتصلت علية لليوم دة عشان اناقشة في الموضوع دة بس ترجمناها تاني من اول وجديد ورسلناها لية
Quote: الامريكية بيتصل علي (اصولة مصرية ) وبيقول لي يا عم الترجم الدراسة دي مصري ولا اية قلت اه نعم لية قال لي انت ما قرأتها قلت لية والله قريت منها شوية برضوا لية قال لي اقراها وبعد داك اتصل علي قمت فتحت الصفحة الاولي لقيت ليك صاحبنا مترجم قسم الطواري ambulance section وحاتكم ما اتصلت علية لليوم دة عشان اناقشة في الموضوع دة بس ترجمناها تاني من اول وجديد ورسلناها لية
تعرف يا الزبير
طلع جيل جديد من المصريين ودرس في الجامعة الامريكية بضرب انجليزي زي الطلقة
اما ناس الجامعات المصرية انجليزهم مش جركاني قيراوني خالص
Post: #97 Title: Re: انجليزي جركانات Author: Mohd Ibrahim Date: 06-20-2008, 11:32 PM
اول ماخشيت الجامعة بالانقليزي الدراب بتاع الثانوي داك جيت اسجل في قروب بتاع واحد خواجة اسمو سايمون دخلت المكتب قت ليو بعوجة خشم'I want to write my name' طوالي رد علي 'o.k take a pen and write it' طبعا الزمن داك كلمة register'دي ولا اول القروب بتاعنا ما ناقشها
طبعاً في ناس كتار لو سمعوا الأسكتلنديين بتكلموا حا يفتكروا إنو ديل ما بتكلموا انجليزي...
الراجل الفوق ده من أ‘ظم الممثلين البريطانيين .. وهو اسمو ( ريكي فيلتون) وقصة الإسكتش الفوق ده قريب من كلامك:-
تقول القصة أنه في السبعينات كان هناك قسيس يحضر يقدم برنامج على الهواء برنامج يقدم في يوم الأحد كوعظ أو إرشاد لأخواننا المسيحين في يوم من الأيام وكان سخن شوية طلب موية في الإستديو قامو جابو ليهو الموية شربها كلها وكانت في قزازة بتاعت جن قال عاوز تاني جابوا ليهو من قزازة تانية وبرضو بتاعت جن ( بس للأسف كانت مخلوطة مخصوص لواحد شغال هناك بي جن جد جد ) عمك شرب وقدم البرنامج بنفس الحالة التي شخصها المبدع ريكي فلتون ...
لكن عودة لموضوع الأسكتلندين
أحد كبار السن عندما كان يتحدث معي قال لي أن لهجتي تشبه لهجة الشمال .... ويمكن أن تعرف هذا من خلال نطق بعض الكلمات وحروف المد في اللغة الإنجليزية ..... أذكر أن والدي ( رحمه الله ) كان يتحدث بلهجة أهل لندن وهو أيضاً ذكر لي أن معظم الذين درسوا من السودانيين في المملكة المتحدة إما درسوا في شمال إنجلترا أو أسكتلندا ..... ومعظم الخواجات الذين كانوا يعلمون الطلاب في السودان أيضاً من نفس المناطق التي ذكرتها ... وأخر دليل ( المعلمة التي طردوها قبل عدة أشهر كانت من ليفربول)
أجمل حاجة في اللهجة الأُسكتلندية إنك ممكن تقول حرف R كما تقوله في العربية ...... ولكنهم في بعض الأحيان لا ينطقون حرف T.......
Quote: حلوة الأنوماتوبيا دي anomatopic بس أفضل is بدل was لأنه لو كانت was ما كانت جات الدكتور، كانت طنشت
لوكانت is طيب كيف يكون انجليزي جركانات ولا ماكدا يالحبيب بتاع حنطور واقف في المحطة الوسطي زمن الترماي كان يصيح للركاب DONKEY ME RIDE YOU KHARTOUM PALCE PISTER TWO ولي عودة
Post: #115 Title: Re: انجليزي جركانات Author: عبد اللطيف عبد الحفيظ حمد Date: 06-25-2008, 10:08 AM Parent: #1
هاكم الجركانة دي: واحد جركانجي جاء في حتة شاف عرس، سأل الخواجة المعرس منو الخواجة قال له (I don't know) جاء باكر في نفس المكان لقى بكاء سأل الخواجة المات منو ؟ الخواجة قال له (I don't know) الجركانجي قال مسكين (I don't know) أمس عرس والليلة مات!!! ههههههههههههههههههههههههههههههههههههههههههههه
طبعاً في فرق بين الجركنجي والسوبر جركنجي السوبر جركنجي ده بكون ملقط له حبة لكن مو عارف يستعملها كيف مثال:
واحد جركانجي جاء فوق خواجة بشرف في سجارة سأل الخواجة: Are you drinking cigarette? رد الخواجة: No, I am smoking water.