Post: #1
Title: عضو جديد
Author: محمد الشيخ أرباب
Date: 06-18-2008, 08:18 AM
يا مشرع الحلم الفسيح
أنا بينى مابينك جزر
تترامى .. والموج اللّديح
القدرة والزاد الشحيح
كملتو .. ما كِمل الصبر
نتلاقى فى الزمن المريح
ميعادنا فى وش الفجر
يا مشرع الحلم الفسيح
يا بعض منى .. وفينى ساكن
أنا أصلى منك ومشتهيك
و بيناتنا ليل الغربة ... داكِنْ
هبّة هبوبك..
أفتح شبابيك المساكن
وسـِّع دروبك ..
ولـِّع مصابيح الأماكن
يا مشرع الحلم الفسيح
اخيرا وافق المهندس بكري ان نكون بينكم له الشكر الجزيل. والشكر موصول الى السادة
- السماني مبارك ( اساسي)
-ماضي ابو العزائم
- محمد ابو العزائم
- هارون دياب
-محمد ادريس
-خالد العبيد
-محمد مكي
- احمد العمار
لدعمهم لنا لدخول المنبر
تحياتي وودي لكم
|
Post: #3
Title: Re: عضو جديد
Author: محمد الشيخ أرباب
Date: 06-18-2008, 08:38 AM
Parent: #2
شكرا اخي مجدي على الترحاب.
كلمة رسوم وضرائب وكل الكلمات البتخلي الواحد يتحسس جيبه دي بتخلي البوست بتاعك فاضي.
تحياتي
|
Post: #7
Title: Re: عضو جديد
Author: كمال علي الزين
Date: 06-18-2008, 08:59 AM
Parent: #3
مرحبا بك
|
Post: #10
Title: Re: عضو جديد
Author: محمد الشيخ أرباب
Date: 06-18-2008, 09:08 AM
Parent: #7
شكرا الاخ كمال على الزين على الترحيب
تحياتي لك
|
Post: #4
Title: Re: عضو جديد
Author: محمد أبوالعزائم أبوالريش
Date: 06-18-2008, 08:51 AM
Parent: #1
حبابك عشرة .... وتعال داخل
طبعاً إتفاجأت بيك في بوست بُرّي ... عشان كدة جيت جاري ..
نوّرت المنبر ..
ويالاّ همّتك ومشاركاتك القيّمة
|
Post: #5
Title: Re: عضو جديد
Author: محمد الشيخ أرباب
Date: 06-18-2008, 08:54 AM
Parent: #4
محمد ابو العزائم
كيف حالك
يا دوب انا دحلت صباح اليوم في المنبر وطبعا ده بمجهودكم المقدر
تحياتي لك
|
Post: #6
Title: Re: عضو جديد
Author: اساسي
Date: 06-18-2008, 08:58 AM
Parent: #5
ود الشيخ
تزينت المساحات بأعذب عبارات الود والترحيب
ومشاعر الأخوة ...
كفوفنا ممدودة لكفوفـك لنخضبها جميعا بالتكاتف في سبيـل زرع بذور
الأخلاقيـات الراقيـة ولا نلبـث أن نجني منهـا
إن شاء الله ثمرا صالحا ..
ونتشـارك
كاسرة واحدة لتثقيف بعضنا البعض في كل المجالات
وننتظر الابداع مع نسمات الليل
وسكونه
واشراقات الصباح
لتصل همسات قلمك الي قلوبنا
وعقولنا
ننتظر بوح قلمك
تحيـــاتي
|
Post: #8
Title: Re: عضو جديد
Author: Saifeldin Gibreel
Date: 06-18-2008, 09:03 AM
Parent: #6
محمد الشيخ ارباب.... الف مليون مرحب بيك...ناس الجريف غرب وبري اهل....
|
Post: #13
Title: Re: عضو جديد
Author: محمد الشيخ أرباب
Date: 06-18-2008, 09:18 AM
Parent: #8
الاخ سيف الدين جبريل
شكرا على الترحيب
نعم الجريف وبري اهل. جيران حتى اذا كانت اصولهم مختلفة يصبحوا اهل بالتصاهر
تحياتي
|
Post: #11
Title: Re: عضو جديد
Author: محمد الشيخ أرباب
Date: 06-18-2008, 09:12 AM
Parent: #6
اساسي الاساسي
شكرا على عبارات الترحاب الجميلة
تحياتي وودي لك
|
Post: #9
Title: Re: عضو جديد
Author: شهاب الفاتح عثمان
Date: 06-18-2008, 09:06 AM
Parent: #1
حبابك .
حبابك .
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كـوالالمبور
|
Post: #14
Title: Re: عضو جديد
Author: محمد الشيخ أرباب
Date: 06-18-2008, 09:21 AM
Parent: #9
دكتور شهاب
التحايا النواضر
شكرا علي الترحيب وباقات الورد
تحياتي
|
Post: #12
Title: Re: عضو جديد
Author: الزنجي
Date: 06-18-2008, 09:17 AM
Parent: #1
ألف مرحب أخونا محمد . .
حرفك يبشّر بطاعم المقال.
الدار دارك . .
فاقدل.
|
Post: #15
Title: Re: عضو جديد
Author: محمد الشيخ أرباب
Date: 06-18-2008, 09:26 AM
Parent: #12
الاخ الزنجي
الحرف في معيتكم يسير ويسهل تطويعه
تحياتي وودي لك
|
Post: #17
Title: Re: عضو جديد
Author: عبدالغني كرم الله بشير
Date: 06-18-2008, 09:42 AM
Parent: #15
مليون مرحب بابن البراري العزيز، ..
محمد الشيخ كيفنكم..
طلعنا معارف، من حيث المكان والذكرى...
ياخي مكتبة الملتقي في محطة وسوق اربعة علمتنا القراية، من تختخ لنجيب والطيب صالح، والكورة، وفيتكور هوجو..
وقصي ده صاحبي شديد، قالوا تزوج؟...
ولوي، أعمق المحبة لهم، اقصد لؤي حامد..
والله سعداء بك، وشايف ناس البراري الايام اصابهم حنين، بعد أن توغلت الاحياء الراقية حولهم، كالأسورة حول المعصم، وهسي شايف عمارة جنوب بري الشريف، طويييييييييييييلة، تشوفها من امضبان، قالو بتاعت الاتصال، دي حا تخلي ناس بري يشوفو شمس الفجر الساعة 11.3. ظهرا، وتغيب 2.3. بسبب الابراج الغربية كمان، شفتك حصار ناطحات السحاب، ياخي السودان ده ماواسع، ليه الامتداد ما يكون أفقي، عشان العلاقة مع الطبيعة شئ أصلي وأزلي، وشاعري، وصحي، يقلب وجهه في السماء، والغروب كالشروق، يحمل بسطوره أرق شعر كتب على سرير الأفق..
ياخي بري دي سمحة، وناصر، وابوحشيش، وكوريا، وطبعا المحس، حتى بيت عبدالله الطيب وزجته التي اصرت أن تسكن بري، بس ياريت يكف ازعاج نادي الشرطة، والذي يجوار المقابر، في سوريالية عجيبة، لا تفهمها إلا في بري، وزي ماقلت عبقرينا معاوية نور، معجب ببري حلاوة وطلاوة..
والله ياود الشيخ سعداء، وخلاص تب نتلاقى في إجازة العيد لو مد الله في العمر، وجماع ده علمني القراية،تصور هو ابن اختي، وأكبر مني، يعني الخال أصغر من ابن أخته، وجماع ده زول قراااااااااااااااااااي، شديد..
عفيفي، لمن ابوه جاء من الحج، لطخ البيت كلو باللون بالاحمر، حج مبرور بالأحمر، وسعي مشكور بالأحمر، وياداخل هذه الدار صلي على النبي المختار برضو،، الناس قالو ليها (ياخي ابوك ده جاي من مكة، ولا من موسكو)..
أول مرة اشاهد محمد الأمين الموسيقار العظيم والفنان الكبير في مربع واحد، في حفلة عند ناس نصرالدين حسب الله، لو بتعرفهم، واتذكر انو ا لحفلة انتهت بشكلة، لأنو في بت حلوة، كانت تلبس زي لون ذهبي، وفي واحد برابي متيم ظل يصرخ (أحب البنسون، أموت في البينسون)، وكنا نظنها سجارة، ....
واتحرمنا من ود الأمين، موقتا..
يوم الجمعة من امتع الايام حين أرى احتفالات الاخوة الجنوبين في نادي بري، تخيل يوم الجمعة لأناس مسيحيين، والله ده كان في السودان، في اللاذقية ضجة ما بين احمد والمسيح..
كيف حالك، ومرحب بيك، والبيت بيتك..
اخوك ابدا عبدالغني
|
Post: #20
Title: Re: عضو جديد
Author: محمد الشيخ أرباب
Date: 06-18-2008, 10:06 AM
Parent: #17
الاخ عبد الغني
كيف حالك واحوالك
ياخي جماع ود اختك ده عندو مقدرة على الاطلاع غريبة.
يا عبد الغني بري دي كانت نموذج مصغر للتعايش السلمي بعيدا عن كل ما يشرخ النسيج الاجتماعي
مكتبة الملتقي مكتبة عريقة في سوق اربعة وكانت لنا معها ذكريات ما يذكر اسم مكتبة الملتقي الا ويخطر على بالي عبدالفتاح اسماعيل وكذلك محمود درويش وسميح القاسم ومراسلاتهم عبر مجلة اليوم
السابع الناطقة باسم اتحاد الكتاب الفلسطينيين.
لك التحية والود
|
Post: #16
Title: Re: عضو جديد
Author: طارق جبريل
Date: 06-18-2008, 09:39 AM
Parent: #1
الف الف الف مرحب
|
Post: #21
Title: Re: عضو جديد
Author: محمد الشيخ أرباب
Date: 06-18-2008, 10:09 AM
Parent: #16
اخونا طارق جبريل
شكرا على الترحيب
تحياتي
|
Post: #18
Title: Re: عضو جديد
Author: hani babiker
Date: 06-18-2008, 09:43 AM
Parent: #1
مرحبتين حبابك
|
Post: #19
Title: Re: عضو جديد
Author: ماضي ابو العزائم
Date: 06-18-2008, 09:58 AM
Parent: #18
باب السنط اتفتح و شكرا لبكرى ابوبكر على الكلكال
مرحب بيك محمد ود الشيخ
|
Post: #24
Title: Re: عضو جديد
Author: محمد الشيخ أرباب
Date: 06-18-2008, 10:13 AM
Parent: #19
الاخ ماضي
لك التحية والشكر على المجهود المقدر
تحياتي
|
Post: #23
Title: Re: عضو جديد
Author: محمد الشيخ أرباب
Date: 06-18-2008, 10:11 AM
Parent: #18
تشكر اخونا هاني على الترحيب
تحياتي
|
Post: #22
Title: Re: عضو جديد
Author: haroon diyab
Date: 06-18-2008, 10:09 AM
Parent: #1
الارباب
سلام
عاطر التحايا
هارون دياب
|
Post: #25
Title: Re: عضو جديد
Author: محمد الشيخ أرباب
Date: 06-18-2008, 10:15 AM
Parent: #22
الزول الجميل هارون دياب
شكرا على الترحيب الجميل
تحياتي وودي لك
|
Post: #26
Title: Re: عضو جديد
Author: احمد العمار
Date: 06-18-2008, 04:28 PM
Parent: #1
الف مرحب بك الاخ / محمد
اضافة جميلة واكيد مفيدة جدا
نتمنى لك اقامة طيبة بين اهلك
واخوانك فى هذا المكان الجميل
أحمد العمار
|
Post: #27
Title: Re: عضو جديد
Author: adam alamar
Date: 06-18-2008, 09:45 PM
Parent: #26
الف مرحب بالقادمالجديد
و ان شاء الله اضافة قوية جدا
كما كانت البداية قوية
مرحب بك رغم اني جديد لنج زيل
لكن صبقتك بخطوات قليلة
لك الود
ادم العمار
|
Post: #29
Title: Re: عضو جديد
Author: محمد الشيخ أرباب
Date: 06-19-2008, 11:23 AM
Parent: #27
ادم العمار
تحايا عطرة لك وتشكر على الترحاب
لك الود
|
Post: #28
Title: Re: عضو جديد
Author: محمد الشيخ أرباب
Date: 06-19-2008, 11:11 AM
Parent: #26
احمد العمار سلام
يطيب المقام في معيتكم
تحياتي وودي لك
|
|
