محمد حسبو .. حمدلله ع السلامة

أجريت عملية جراحية يوم الأربعاء الماضي لعضو البورد محمد حسبو

حمدلله ع السلامة يا حسبو .. وكفارة ياخ

الف حمدلله على السلامة محمد



ميرسي نهال

حسبو ..يعاين لي.. شتت قصبو ..يعاين لي ..
حمد لله على السلامة يا محمد حسبو ..
وهاك المقطع ده هدية ..وإعتبروا باقة ورد جاتك في المستشفى :
حمارتو عارت.. يعاين لي ..
فنيلتو طارت ..يعاين لي..

ويا حسبووووووووووو..الشتت قصبو ..


الف سلامة ليك مرة تانية ..

الف الف حمد لله على السلامة

يا جماعة سحروكم ولا شنو


هس البشير دفع الله برضو عيان ..

الف سلامة والله ربنا يقومك بالسلامة ياااارب


مودتي


شكرا نهول

Quote: حمدلله ع السلامة يا حسبو

محمد حسبو

سلامتك ياخي

أتمني أن تكون أتعافيت وأتشافيت

قوووم لأهلك وصحبك

نحن في إنتظار حوامتك تاني


لك ودي

أبوعبيدة

سلامات محمد حســـــبو

حسبو ممكن لو شاف البوست دا يمرض من تاني .. الناس تحمد ليه السلامة !!
دا عايز ليه ناس تشاكله تنبزه كدا ببقى كويس

كمان لو بقت فيها ورود لي عنده يا عمر الفاروق ببقى محتاج لي عملية تانية

محمد حسبو

يأخي بعد الشر عليك



نهال

تسلمي

Quote: حمدلله ع السلامة يا حسبو .. وكفارة ياخ

غلطانة العملية ..
ألف لا بأس على العملية المسكينة ..
الوداها لحسبو شنو ؟؟؟
تستاهل .




.....
غايتو يا نهال شيلي شيلتك ..
الزول ده ح يضاربك على البوست ده .

محمد حسبو

كفارة يا زميل

انا كنت عارف زيارة معتز دي ح تجيب كارثة

لكن ما كنت قايلة عملية ليك .. كفارة وسلامتك

بدون زهور

الف سلامة يامحمد حسبو..

اجر وعافية انشاءالله يااخوى

الف حمد لله علي السلامه للصديق محمد حسبو
ونتمي ان يبلغ تمام الصحه والعافيه

محمد حسبو

"حمد لله على السلامة"

..
..

نهال

بعد ما تشيلى شيلتك
"الامانة بطرفى لحين يجيكم زول تانى"
!!

..
..

المجــــد عـوفى إذا عـــوفـيت...يازمـيل
اسـتغـل رقـدة السرير دى وكـــــرب القراءة...

ناجي

بعد ما "أشيل شيلتي " لو ربنا أحيانا
الزول أو الزولة التانية جاية متين ؟ مش المفروض بكرة ؟

لن نقبل أي تأخير .. كفاية عليكم 6 شهور كفاية خالص

الف حمد الله على السلامة ياحسبو












----------
نهال ازيك لكن ماوريتينا عملية شنو؟
ده نظام شمارات وكدى

Quote: الزول أو الزولة التانية جاية متين ؟ مش المفروض بكرة ؟ لن نقبل أي تأخير .. كفاية عليكم 6 شهور كفاية خالص

6 شهور ,,,6 مرات,,!!بس
وكفاية علينا زاتو ,,,الستة مرات ديل

"تلفونا مقفول ومعناها هى اسى معاكم ,,,وضاعت الأمانة فى خبر كان"
...
...

Quote: غلطانة العملية .. ألف لا بأس على العملية المسكينة .. الوداها لحسبو شنو ؟؟؟ تستاهل

يا صاحب اول ما قريت الخبر قلت في سري : العملية طقاها محمد حسبو ....

نوع حسبو ده ما بروق و يهمد الا كده ...

انا كنت عارف زيارة معتز دي ح تجيب كارثة

يا عبدالعظيم شوف لينا معتز ده ، عندى ليهو كم زول يمشي يزورهم لى ...

ألف حمدلله على السلامة لمحمد حسبو و مرقت من الشر

شكرا يا نهال .....

ألف سلامة وأجر وعافية ..

شفتا يا حسبو
الحركات دي ما ظريفة خالص
فبلاي عليك ما تقعد تعيا و تسوي لينا في عملبات و تبوظ لينا اعصابنا من اسي
سلامتك ياخ

كفارة وسلامتك

أتمنى لك موفور الصحة والعافية

بختك يا حسب
شايفك بين نهالين
نهال كرار
نهال الطيب

انا لو ضمنت وضع هكذا
بعمل عمليتين بدل واحدة

اوع يكون معتز شم فقع مرارتك
بالمعلومات المحبطة

ماتشوف شر

(*)

ألف حمدلله على السلامة يا(حسبو) ..

حسبو
الف حمدآ لله على السلامه
وماتشوف شر

والجاتك في (نخرينك ) سامحتك

نتواصل

.

Quote: اوع يكون معتز شم فقع مرارتك بالمعلومات المحبطة

هههههههههههههههههههههها

والله فقعتها إنت يا بركات .

حسبو العزيز تسلم

سلامات ياحسبو ...


شكرا الأستاذ نهال

Quote: شكرا الأستاذ نهال

حسبو سلامات وكفارة البيك يزول

شرك مقسم فوق الدقشم

الدقشم العارفن انت !!! كتار

من هسي ما تشبك فيني وتقول الدقشم ده اسمو منو ؟؟؟

شكرا نهال و تسلمي يار ب

برنس حسبو ، عوافى وسلامات ياراجل .

الحاصل شنو؟
عملية عديل ؟
وجراحية كمان، عوافى ياشاب ، قت تقطع دابر الوجع وتريح بالك ، وإستصالو شنو الهنود ؟ مايكونو شالو المساخة وقوة العين ،
ولا دي ماتابعة للاعضاء ، تابعة لتربية الامتداد وإجتماعات الجبهة الديمقراطية وقراية الجامعة ام سليقة .
والله العيب ماخاتيكم لكن، كان تدونا خبر ، اقلاها كنا نساعدكم بالدعوات الطيبات ونقسم ليكم من صلاحنا وصلاتنا بالسماوات العُلى ...

المهم ، الف سلامة ، ونشوفك بعافية تعافر وتقرا وتكتب علماني زي الورد ، ساحاول الإتصال بجانبك في اقرب فرصة .

وحمدله ع السلامة يابطل .

يا جمع

لو في زول عندو تلفون حسبو يلزو في الماسنجر و شكرا مقدما

المعلومات الناقصة دي غلط يا نهال ..
العملية شنو هي ؟؟
ما تكون في ( الجيوب ) .. !!!
أهم زول الجيوب ..

حسبو من غير جيوب كيف يعني ؟؟

الف سلامة للاخ محمد حسبو ..ومايشوف شر ..
بس زى ماقال عماد برلمونا دا عمل عملية
شنو ؟..صراحة الحكاية كدا عايمة ..لمزيدا
من الاطمئنان وكدا كلمونا ...

عوفيت يا محمد حسبو

وعوفى بدنك وعقلك وقلمك

وحمدالله على السلامه

ود حسبو....
ملا الدنيا دون ان يمهلنا كيف؟؟!!!...هو من ذلك النوع الذى لايدل على مافيه من جديد بقدر دلالته على مايعقبه من عمق؛ هو لدى الخوض فى تفاصيلة تنغيم للاحساس والفكره ؛انتهاء فى حاسة سحريه جميله ؛ استغراق فى متعة تنغيم محفوفه بالنشوه؛ لقد خاطبنا الرجل ونحن غرقى فى وحل التقليد البليد واقفون فى مستنقع الذكرى المكرره.. عالج احساسنا بلغة الانهار والظلال والكرامه وشى من وهج الصبابه الوطنيه ..حركها باتجاه النسمه الاتيه من بسمه فجريه متفائلة ؛حاور عقولنا بلزمية وعى ممنوع من الانفرت والافراط ؛فكان شموس الرؤيه وغفوة الرؤيا وظلال الاستجارة؛ وكنا نتهافت لجموح المد ؛نتوارى من شرحا حاسد اذا حسد....
سلاماتك يادفعة ، ماقلنا ليك كبرت وماصدقتنا لكن اهو زي مابقولوا خير وبكرة ولا حاجة كده ..
تشكرى كتير العزيزة نهال [بخيته]..

ومابان عليك سفر العمر يا ابوحميد..

الصديق محمد حسبو .... كفارة
حمدلله السلامة ، كن بخير وعافية دوما
محمد جميل

أسوأ ما يمكن أن يحدث لبني آدم .....

إنو يبدا إجازتو في أول يوم بمرافقة أخينا حسبو في المستشفى !! (لعبد العظيم)

أجمل ما يمكن أن يحدث لإنسان ....

إنو تقعد يومين مع حسبو وهو (طامي خشمو) وما قادر يتكلم !! (لأبو ساندرا)



أما.... أسوأ ما يمكن أن يحصل ل human being

إنو تقعد يومين بعديهم مع حسبو وهو بيحاول يعوض إسهال الكلام !!

أما (للجميع) , وخصوصاً المرجفين في الأسافير.......

العملية العملها حسبو دي جيوب أنفية !!!

والله العظيم جيوب أنفية !!!

ونحن نشجب أي محاولة لإظهار العملية إنها ما جيوب أنفية !!!

كما أنني كتوم على الأسرار, ولن أبوح (لكم/ لكنَ !!) ما قاله حسبو أثناء التخدير !!



عصام جبر الله ...... عفيتك لي الله !!

.

معتز شم صدقتك والله

خلص إجازتك دي بي سرعة و تعال

( ناسنا ) بيسألوا منك و الله ..

و حسبو صاحبنا دا خليهو

بيجي السودان وبراهو بيحكي

حاكم هو زول بيحب الحكي شديد

و بيورينا الكان حاصل شنو .

( جيوب أنفية ولا جيوب خلفية )

ما مهم ، المهم سلامة حسبو .

.

Quote: .يا زهرة طالت بالفرح بتراقص أنوار المساءءءء .

هو الكلام السمح و الغناء دا لي منو

أوع يكون لي حسبو صحبي البعرفو أنا كويس دا


يا تروتسكي ياخي إنعل ........

لكن قدر دا

يكون في معلومك و غيرك أيضاً

أغنية ( سفر العمر ) دي حقتي أنا براي و بس ،

من الليلة و لي قدام تاني ما أشوفك جبتا طاريها.....

ــــــــــــــــــــــــــ

أكون صريح معاك يا معتز

قلبت ليلي شجن


______________________

ودي

كرفس

.

و حسبو اليشوف طاريهو

سلامتك يا حسبو..
تقوم بالسلامة..



___
نهال سلامات..

كفارة أخ حسبو ... وأتمناك
عاجل الشفاء ... وكل الصحة.

ألف حمدلا على السلامة محمد حسبو
ونتمنى العودة لمواصلة دورك التنويري

الف سلام حسبو
والمساعدة اجماعة
لو فى امكانية لتلفونو فى الماسنجر

سلامة محمد حسبو

متعه الله بكمالات الصحة والعافية

الاخ محمد حسب الرسول سلامات
انشالله اجر وكفارة ...
والف حمدلله علي السلامه

ألف حمدلا على السلامة محمد حسبو

حسبو،
سلامتك يا جميل،
و شرّك مقسّم..

لا عدمتكم و لا عدمتكن

و الله رغم تحذيراتي المُسبقة للمطّلعين على أمر العمليّة دا من الإفشاء، لكن ياها عسى أن تكرهوا شيئا و هو خيرٌ لكم، فعصيان نهال للتوجيهات أسفر عن معاني ما كنتُ أضعها في الحسبان، أي و الله، معاودتكم أسعدتني شديد، و لا أظن شيئا يسعد الإنسان أكثر من اعتراف الآخرين به و قبولهم إيّاه، خصوصا لو كان مسلكه منفِّرا مثلي و قنعان من المُحاننة، دا حتّى بعض الأصدقاء الذين ابتُليتُ برفقتهم طيلة حياتي و ما كنت قايل فيهم فايدة أهو وجدت فيهم نفعا و مؤازرة.

فشكراً يا نهال للفتك الأنظار إلى معاناتي –مش ياها كدا؟-، و ما بيناتنا، ما بقصِّر معاك في عمليّتك الوشيكة.

شكراً يا راوية يا عبّاسي، و كنت جاييك بهناك بي صورة ماما زينب، مافات شيء، هاكها يا ستي





ماما دوما 24 ربيعاً (الخرطوم بحري في 15 ديسمبر 2007)
.

جاني و الله بوكيه ورد يا عُمَر لكن اتلحس بعد 3 أيام، ما عارفو سكند هاند عقاب عُمر وللا أصلو الزهور عمرها قصير. فان باستن بالغ بيني و بينك.

شكراً يا إنعام و يا عبد الله الحبيب و سلامتو للبشير دفع الله

يا أبوعبيدة أنا قمت و حُمت، و لأنو فيما يبدو جو الخليج دا ما نفع معاي، أظن بعد دا باقي الحوامة نشوف ليهو أرض تانية.

ميرسي معتصم الجمّام و كل سنة و أنت طيبة تاني يا نهال، و خطوة عزيزة يا كمال عبّاس، شكراً لاهتمامك

و الله يا عماد عبد الله العمليّة هي الاتشربكت فيني، تفاديتها بكل سبيل، قلنا نقصر المشاكل و نجنح للسلم و هي تشيل و تكتح بالتراب.

معتز شم يا عبد العظيم كان هو الحل المتاح كمرافق، و جاء من السماء ليترالي، يعني طيارتو جات بي جاي و سقناه المستشفى مبيت طوالي، فيه مواصفات مرافق ما بطالة، راجع فيلم فورست جمب لمزيد من التفاصيل..
الزهور على الفيسبوك لو سمحت.

سلام يا أميرة و تحيات معاك لي خضر حسين قامة الوعي و الاختلاف، ردّ الله غربته هو و طيورنا التانية، ناس بكري صالح الذي يستحق اللوم بلا شك، و محمّد إي سيليمان كمان، و الله يا سيليمان شمتت فيك للحظات، لأنو متذكّر لما حضرتك جبت المثل بتاع البروفسير محجوب عبيد طه عندما تضجّر بعضهم من عمايلك في المنبر، كأنّك كنت تُقارن وجودك في المنبر بوجوده في الجامعة، قال إيه؟ جاء طلّاب يشتكوا لمدير الجامعة أنّهم لا يفهمون من البروف، فرد المدير قائلا: البروف دا هنا عشان نقول هو هنا مش عشان انتو تفهموا. أها يا حضرة البروف، فصلوك و بقينا نكوس ليك الواسطات، اللهم لا شماتة. و توحّشناك بزّاف كما يقول صديقك الأديب عبد المُحسن محمّد خالد.

تسلم يا عمر بوب و ليك معزّة شديدة، و يا ناجي يا ملك ياخ مالك حاكيها مع وائل طه دا، و الله نهال دي فعلا أستاذ.

فعلا يا محمّد النعيم، لمّيت في كتاب بتاع واحد سوري معاه دكتوارة في الهندسة المدنية اسمه محمّد شحرور –كان مجهولا بالنسبة لي- و الكتاب بعنوان : "الكتاب و القرآن" دلّني عليه صاحبنا هنا د. بكري الشهير بالسِحلي، الرجل فعلا بذل جهداً يُثنى عليه، و ليت ما كتبه يجد اهتماما، لما فيه من محاولة تنويرية يحتاج مثلها الفكر الإسلامي تصدّت لأسس فكريّة مهمة في الفلسفة الإسلاميّة أصابت أم لم تُصِب، فأرجو أنو دي تكون فيها بعض الدعاية للكتاب و لمثله، يمكن يخفّف من الاحتقان الحاصل دا.

العملية يا إشراقة شي كدا تبع الجيوب الأنفيّة، بس العبرة هي أنو الانترنت دا بقى فيه خبر أي طب ينشده البني آدم، الواحد تاني بعد الدكتور يشخِّص ليه اتخيّل لي أحسن يجي براه يقرأ عن مرضه، بيساعد نفسه و يساعد الطبيب الرسمي.

العملية اسمها اختصارا هو FESS
Functional Endoscopic Sinus Surgery
و البوصوفوها ليه بيلقى عنها طن معلومات في روابط مثل هذا

http://www.aafp.org/afp/980901ap/slack.html

و دا برضو
http://www.cochrane.org/reviews/en/ab004458.html

شفتي كيف؟
.

حسبو سلامات ياخي وكفاره

....الف لاباس عليك ... يابطل.... والف اخري حمدا للسلامه...

عملو ليك فيسس
بلاي يا حسبو

ما قصرو لكن الجماعة

محمد حسبو، عوافي يا رجل والف لا باس عليك.

عبد الخالق السر

Quote: و الله نهال دي فعلا أستاذ

يا معتز .. الأسرار الإتفتت وقت التخدير مع الصور ممكن تعمل ليك بزنزس كويس
في ناس مستعدة تدفع بالدولار

نزلها نزلها ولا تأخذنك به شفقه

خالص التحايا
عزيزي
معاوية كرفس

اول شى اللمة دي ناقصة خضر وحاتك ، لكن بكرى يديهو العافية بس..
الشى التاني اقول ليك يازول حسبو شنو هو انا ذاتى حسيت بانى متناقض مع نفسي ، عليك دينك حسبو شنو الزول ده حقو يشغلوا ليهو جلالة جيش وكده لكن تقول شنو ربك حكتو بالغة..
هي ذاته نهال دي كما ماعندها موضوع وغبيانها عاملها ليها بوست قدر الليله وبكرة ..
الاغنية ليك وعليك ، وشيلها مني عربون تحت الحساب ...
يافردة انعل ساي هو فضل فيها شي عليك دينك...
وهو زي ماقلت الشجن اتقلب ..انه تسسلل الرغبة من الثقب الذى تحدثة فى المناسبة فى عواطفنا ؛ فثمة موقف للتمكن وثمة خطة للازدهار مثلما هنالك فكرة للاستعراض ويكون بعدها التواتر او الانزلاق عندما يتعلق الامر بنُطفة..يا كرفس...
يديك العافية سيدي كتير كتير ..

التحايا النواضر..

الرفيق جبر الله
أهو العمليّة كانت فرصة كويسة عشان نسمع صوتك، و يكون لينا الشرف.

عزاز شامي و في ذلك فليتنافس المُتنافسون، و أذكر بالخير أصحابي مُحسن و دكين و آخرين، خطوة عزيزة و نجيك في السمح.

سلّمك الله يا مُجاهد عبد الله

ما تبوّظ أعصابك ساي يا أمجد، فأنا أنصح منّك، و العمرات البنعملا دي عشان تدينا كفاءة أعلى بس، ترف ساي يعني زي عمليات التجميل كدا، قالوا مع الفيسس دي بيدوك تلاتين سنة ضمان، أقعدوا لي أنتو بي إسبيرات الشركة كدا لامن المكنة تعضي و تكوسوا السكند.

أبو خالد أخوي، كتّر خيركـ و بشيّع ليك إيميل قريب.

أبو ساندرا ياخ بطِّل مسخرة، و الله العملية دي حارة حرورية ما بتفرز معاها الوضع، بين نهالين أم في السبعة الشهب.
عايز تتمسكن لي؟ و تعمل فيها مُعدم قدام المدام؟ أنت بس أعمل عمليّتك و اتوكل على الله
الأخبار السيئة يا أبا ساندرا لا تنتظر لا معتز لا و غيره، و لا تتّخذ سببا، الأخبار السيئة تسافر سريعا كما جاء في القول الأفرنجي..

تحيّاتي يا كمال يا جنابو، و قيل جنابة الحبشيّة.

النخرين سالمات يا مهدي لا تعمل لينا إشاعات ساي، ياهن الحيلتنا، ما تضرب لينا عاصمة وشّنا ساي.

كرفس صاحبي و زميل الشقاء، ميرسي أوي على الأغنية، و فعلا ما بان علي سفر العمر، و أنت برضو ما بان عليك سفر التشيك، مشيت و جيت زي ما أنت، دا حتى دخل عليك بالساحق، و رماك في دودير الكلاكلات، بدل ما كنت عزيز قوم، و أي قوم؟

تسلم يا وائل طه يا دفعة، و صديقي القديم، شوف نحنا بقينا في العمليات و قطع الغيار، و إنت في أمان الله تدلي بتصريحاتكـ للصحف اليوميّة، أريتنا كان قعدنا معاك.

تشابه الدقشم يا منى، حتى قلنا ليته سَكَت. و العملية دي حارة يا زولة، ما تستعجلي عليها ساي.

برنس إبراهيم، هسة ما فات شي على السموات، العملية استعننا عليها بالكتمان لأنها ما بتستحمل جهجهة، أنت شايلين صلاتكـ للحاجات غير المصيرية، عشان كان صلاتك دي جابت نتيجة عكسيّة، تقع في النوافل و الفنكهات ساي.
و أدع لنا سمواتك كمان تنصر لينا العلمانيّة برضو، أصلها علمانية تحالف الهاربين دي بقت تستأذن و تتضارى وراء الوسطيّات، علمانيّة لا تعارض الدستور الإسلامي و لا تسترجعه "أي لا تصنِّفه رجعيّا" كما افترى عبد الله علي إبراهيم في شأن دعوة عبد الخالق "طيّب الله ثراه" و عبد الله في ذلك ما طغى كثيرا فقد سبقه بعض أعضاء حزب عبد الخالق بزعم أنّ علمانيّتهم إنّما هي ضربٌ من عقلانيّة الوسطيّة الإسلاميّة، لنا في هذا الأمر كلام من زاوية أخرى، هي أدخل في علم نفس النعام، سيكولوجيا الهاربين بدلا عن تحالفهم.

الحبيب محمّد عبد الرحمن، دائما عند حُسن الظن، و ناس التراضي مع المؤتمر الوطني ديل ما تصوتولهم، قواعد الحزبين الدايرينّها تتواصل و تتحاب بموجب الاتفاق دي مش ياها تشملك أنت و عمّار باشري؟ عاد كيفن؟
يا زول إمامكم دا ما داير ياخد ليهو جمّة؟ قولوا ليهو يبقى آية الله أو مرشد الحزب أو أي شي شَرَفي ياخ زي العاملينهم في النموذج الإيراني دا، هو ما شايف في الفكر الشيعي دا غير الإمامة لامن تقوم القيامة؟
و الله مرات بتخيل الأحزاب حقتنا دي أعظم من أمريكا، و بشوف ليك أمريكا دي هاملة ساي، كل كم سنة مُعتليها رئيس جديد، لامن دايرين كانوا يمريسوا عليهم امرأة أو عبد أسود رأسه كالزبيبة أو كما قيل، بينما أحزابنا –حالتها قاعدة في المعارضة كمان- شايفة المسئولية بتاعتها لا يقوى عليها لا الجبال لا الأجيال، بس يظل يحملها الإنسان المُعيّن و المنصّب فيها من القرن الماضي الظلوم الغرور الواحد الأحد الذي لا بديل له حتى تأكل دابة الأرض منسأته فنتبيّن موته.
و الله حقو نمش نجازف في أمريكا الهاملة دي
.

كفارة يا محمد حسبو. أتمنى لك عاجل الشفاء. لم أر هذا البوست إلا قبل دقائق.

ألف حمد الله على السلامة يا حسبو

شكراً نهال

يا شقيقي في زينب
ياخي إنت بعد صورتك مع ماما زينب هذه الإنسان دخلت تاريخ المحنَّة من أوسع أحضانه، أكان مشيت بعديها علي الموت دربك أخضر، وأكان قعدت هنا ياهو بتواصلو أحمر، لو ما خطرت ليك تفاكير تانية زي صاحبنا الإمام الصادق المهدي. كلامك لصديقك محمّد عبد الرحمن دا، حقّو تعمل ليهو كوبي وبيست في جضيماتك ديل بخصوص حزبكم -صاحبنا- أوّلاً، وكان لاقاني صاحبي خالد عويس تاني بعمل ليهو كوبي وبيست في جضيماتو السمان ديل تانياً. لأنّه وَعَد بأنّ هذا التراضي إن كانت نتائجه المرتجاة هي تحالف (دولة الكيزان) مع (جماهير الأمة) لضرب تحالف القوّة الوطنية الأخرى في الانتخابات القادمة، فإنّه سيستقيل من الحزب، أنا قانص ليه بالكلام دا إن بقيت حي للزمن داك، وإن لم ينفذ هذا الوعد فسأستقيل أنا من اعتماد "وعوده" في الحياة مرة ثانية.
أشاطرك افتقاد الرفيق الفنّان خضر حسين صاحب المياه الموزونة لدرجة تدينا كهرباء تدوّر الماكينات. ولا أشاطرك الشماتة في سليمان لأنّو على الأقل ياخ لداحتو ديك تسندها رَقَشَة ذكاء، وإن هي رَقَشَة غير أمينة، وغير عاقلة ذاتو، بس برضو أحسن من لداحة البورد في هذه الأيام التي يسندها غباء "أصلي" وبياخة لا تُكال حتى بالنعاس.
أسفار الرؤية يا حسبو أصبحت أثفل مما يحمله ظهر نبي، والشأن العام أصبح أثقل مما يحمله ظهر سياسي واحد له في إصلاح الحياة تأمُّل وسماحة فأل، وما هذا بإعذار للصادق المهدي، إن هي إلا أكمة محبّة بوسعه أن يصعد عليها ليرى كيف نحن يهمّنا حاله مثل أنفسنا! وما هو بكلام عاطفي من عندي، فحاله من حالنا بحسبة المصلحة والسياسة ذاتها وتدوير الأمور. والعدو واحد والله واحد.
واحشنا بزّاف يا حكيم

---إزيّكات---
- إزيّك يا نهال ست المضيفة.
- إزيّك يا أشرف الحلبي.
- إزيّك يا عمر الفاروق، بعدين ياخي حسبو دا شتّت قصبو زمان، وينك إنت؟
- إزيّك يا رفيق عصام.
- إزيّك يا دكتورة إشراقة.
- إزيّك يا أي زول هنا ويا أيتها زولة.

العوافي يا الزين ولد الزين، و ليك مدّة ما مبيّن و ما شفت ليك كتابة، وللا أنا الغبيان؟

يا تروتسكي ياخ ماذا أبقيت لنعيي؟ وللا عايز تكلفتني بالحياة؟.
فألك طيّب، أريتني بي معناه، و الربيع يا دابو زار بي جيّتك يا حبيب.

و مرحبا بسيّدي الشاعر و المثقّف محمّد جميل، و يا محمّد كلام الكتاب و القرآن داك فيهو حاجات مما يليك، فياريت يكون لينا حولها ونسة، و قد أعجبتني "سيرة المحو" و ياهو دا الشعر.

كتّر ألف خيرك يا ياسر طيفور

يا سلام، يا سلام
حيدر قاسم، شكرا على الحضور و على الدرس المتين في أدب الخلاف السياسي دا، هسة كدا أقع وين بي قلّة أدبي القدّمتها معاك؟ غايتو يا حيدر الشَرَش الذي بَدَر منّي بحقّك، هسة كلّه في جلدي..

و انتهز الفرصة يا أستاذ صلاح شعيب لتحيّتك تحية لا تبلى، و أشكرك كمان على حُسن ظنّكـ، و مبروك لي أسيل و لو بعد حين (وجه متلوِّم)

محمّد سيد أحمد، على مواعيدنا، و في الانتظار

شكرا يا حيدر حسن، أهو ارتحنا من بكري صاحبناو من ألقابه الطلقيت ديك، شاعر و مبدع الخ، هذا الفصل الذي جرى له هو جزاء من يستهين بالإبداع بلا شك.

جاري عبد الله كع، حسب الرسول دي لي منها زمن، و الله أبوي ذاتو يكون لي هسة ما بيتلفت بيها، ريحتها أوراق رسميّة أوراق رسميّة كدا، محمّد حسب الرسول هاشم، ماشي الحلّة متين يا كع؟

عبد المنعم إبراهيم، شفت البقت علي؟ أهو بعد سرقتك لي روايتك ديك من بروفايل سيليمان، جيت أنا اتُهمت بسرقة عنوان كتابي في الفورأول من بروفايله برضو، بروفايل مُلهم عاد، و فيهو أسرار مكنونة ياهم الزيّنا ديل خُلِقوا عشان يجوا كل مرّة يستخرجوها للناس استخراجا.

إنت الأجمل يا سموأل، و موعدنا لماذا نقاوم سلطة الجبهة الإسلاميّة؟

تلفوني بطرفكم يا عمرو و لن نعفيك من المُكالمة.

حلولي، شكرا يا رفيق، شكرا

و تشرفنا يا عبد الخالق السر، تشرفنا يا ناس ملبورن، و طاريك بالخير و الله مع الأصدقاء البيناتنا، لعلّهم حدّثوك

- الدكتور بشرى الفاضل،
لا تسعني الأضافرين، دا كرم و تسامي كتير منّك، و هذا بعض فائدة خصومة العقلاء، إن جاز تسمية ما تقاذفناه خصومةً، فأقبل يا أخي اعتذاري عن ذلك الأسلوب المعوج في النقد، و استنكاري له، فما كان يصح أن يجري الاختلاف بيننا ذلك المجرى، و كلانا ملومٌ بمقدار، فياخ العفو عما مضى و هذي يدي.. بيضاء من غير سوء وللا سوداء من غير سوء؟ ياتو فيهن أنسب لي الحالة السودانيّة؟.

و سلاماً يا أشرف الحلبي، و خيرك سابق.

أخيلوس بن البتولا
يا قولك، بقينا نستجدي الحنان بتقطيع لحمنا ذاتو، شي بي حراق الوش و شي بي عملية جراحيّة، أها و قد استنفذنا هاتين الحيلتين، ما الذي قد يُدر الحنان من بعد؟

كلامي عن الصادق المهدي لاصق في جضومنا أصله، بل و فينا شناته أشد، بس البيقنع الديك منو؟ يا زول نحنا عندنا ناس دايرين يجدّدوا البيعة لي المشيخة الحالية تاني، و ناس مننا عديل ما بيخجلوا يقولوا نحنا صغار و ما بنحمل لباس التوب، خلوهو للقدرو، و كلامات كتيرة تدي ربّك العجب.

و استنتاجك بخصوص طه الضرير دايرلو تفاكر، نسبة الهمباتة للخوارج بجامع المكانة الاجتماعية كمقابل لتقفي تفكيرهم في تراث صعاليك العرب، آل عروة بن الورد، و الذي له برضو ما يدعمه، من ناحية الثقافة نفسها، ما نسميه في الماركسية بالبنية الفوقية، شايفك بقيت بتاع بنى تحتية ساي، ربنا يكرم السامعين، المهم، بتدبّر فيه، و أنا بستفيد من القراءة أكتر، و يمكن يكون في درب تالت للهمبتة، بين بين.

بخصوص زينب، هاك لحن الختام.






و أنا بقول ليك يا أخوي،
إن ما أدركت هذا الحنان، فموتُك -من دونه- أحمر
.

جسبحــو ..
سلامات ياخ .. وربنا يواليك بالعافيـة ..

إن شاء الله الصحة بمب ..؟

ياولدي انا مامجبور عليك اشوي شنو عاد، ماتربية ديش وكده ، تعرف ابوحميد ماقادر اتخيلك عسكري ولا ضابط ، غايتو كويس ود الفار ماطلع حفار كان عملت لينا مقاصل في باب المدينة لوووول..
بعدين ماتقعد تحندك فينا بى صورك المزيفة دي ، عندنا زيها بالكوم..ابعد من ماما دوما دي ماتقوم تعاديها ساي..
الشى الاخر ياجن انت تلفوني فيهو مشكلة لذا مقطوع من العالم لكن قلبنا معاك..
كذلك (R) بسلم عليك وماعارف اتصل عليك ولا لا ، لانو زي ماوريتك تلفوني فيهو مشكلة عشان اديهو الرقم،وحنتلاقى قريب لانو الزول ده مسافر والباقي خليهو مفاجات...

وطولت منك انا انت كيف امسيت؟!؟
التحايا النواضر..