عليك بالسلك الحربي اولا" يعني تخش الكلية الحربية وبعد داك يمكن تمسك الحبال كلها وتوزع لمن تشاء الذكورمنهم والاناث لكن ياربي بي اسمك ده ح يقبلوك في حته تاني
بس وصيتي ليك امسك في حبل الله احسن ليك من اللف واللولوة بتاع ا لحبال
انا داير اشتغل سفير عشان امشي اعرس لأولاد اهلي .. في دقسة كدا تقدم لينا واحد خاطب بت عما لينا .. اها يا معلم والله تمام .. أصلك وفصلك واهلك من وين .. قال لينا عمي سفير .. وطوالي الفاتحة .. واهلا وسهلا .. وبالله السفير هو وين حاليا .. والسفير عامل شنو بالله .. والسفير صاحي ولا نايم .. والله تمام .. وعندك شغل .. والله السفير ما بقصر معانا بحول لينا مع واحد في عمارة البركة .. وبيتكم وين .. اي نعم ايجار .. بس السفير ببني ليهو في عمارة وبحبني شديد قال دايرني اقعد جنبه اها انشاء الله انت و البت قدرتو تفهموا بعض .. والله السفير بحب العقلية المنفتحة ..
.. ..
طيب يا ابو الشباب .. السفير مرتو ما بتلد ولا داير يدبل ساي كدا ..
Post: #15 Title: Re: عائز اشتغل في الحبل الدبلوماسي Author: khaleel Date: 06-17-2008, 10:54 AM Parent: #12
خليل سلامات ذكرتنى موقف طريف كنت مع واحده صديقتى عمانية تعمل موظفة فى غرفة تجارة وصناعة عمان
وكنا نتصفح فى بعض المجلات الخاصة بالغرفة واحينا تاتيهم مراسلات من بعض الدول فى اثناء تصفحنا لقينا مجلة من تونس مكتوب عليها(( حجرة تجارة وصناعة صفاقص)) قعدنا ساعة نضحك فى كلمة حجرة ونحن بنعتبرها كلمة عادية نتداولا فى الحياة العامة مع انه المعنيين واحد زى حكاية السلك والحبل
Post: #14 Title: Re: عائز اشتغل في الحبل الدبلوماسي Author: هاشم أحمد خلف الله Date: 06-16-2008, 01:30 PM Parent: #13
خليل وديني انت احلي زول في المنبر ده كلو
حبل دبلوماسي عديل كده ؟؟ خلي بالك السلك بلطش
خاصة لو كان ضغط عالي ومنبرنا ده يا مافيهو بلاوي
اخير ليك الحبل لا بكهربك ولا .... كده بس
وبعدين يا الحبيب مافي زول بقول عايز اشتغل
الدبلوماسي ده بلاقي نفسو شغال براهو دبلوماسي
حتي لو ما درس جامعة ظاتوووووو وينك انت يا الفالح
آل عايز يشتغل آل ابقي قابلني لو إشتغلت
Post: #17 Title: Re: عائز اشتغل في الحبل الدبلوماسي Author: khaleel Date: 06-17-2008, 11:03 AM Parent: #14
Quote: الدبلوماسي ده بلاقي نفسو شغال براهو دبلوماسي
صديقي هاشم
فعلا كلامك صاح
ايام كان الموتمر الوطني قبل الانشقاق
الترابي قال مصطفي عثمان اسماعيل دها دبلوماسي بالفطرة
عقبالي يا رب
Post: #16 Title: Re: عائز اشتغل في الحبل الدبلوماسي Author: khaleel Date: 06-17-2008, 10:57 AM Parent: #13
Quote: مكتوب عليها(( حجرة تجارة وصناعة صفاقص))
سومة
عارفة لما كنت سفير في تونس التوانسة بقولو (برشا)
وانا كنت فاكرة من الانبراشة ولكنها طلعت معناها كتير
ومن تعلم لغة قوم امن مكرهم
Post: #18 Title: Re: عائز اشتغل في الحبل الدبلوماسي Author: khaleel Date: 06-17-2008, 11:57 AM Parent: #16
Post: #32 Title: Re: عائز اشتغل في الحبل الدبلوماسي Author: عواطف ادريس اسماعيل Date: 06-18-2008, 07:23 AM Parent: #31
خلو ..
سلامات لكن ما ضحكتني ..
عارف الحبل الدبلوماسي دي ذكرتني بي حبل الغسيل البتشرن فيه جكسات جامعة الخرطوم زمان لما كانت
جامعة يعني قبل ما تنتكس وتبقى روضة .. حتى في شاعر حلمنتيشي قال ..
يا الغسلتنا وشريتنا..
لما نشفنا ليه ما كويتنا ..
ياالفي كانون هواك حميتنا..
لامن زيتنا فاح شميتنا ..
سعادة سفير السودان لدى جزر الواغ واغ ... لك ودي
Post: #33 Title: Re: عائز اشتغل في الحبل الدبلوماسي Author: الفاتح ميرغني Date: 06-18-2008, 07:45 AM Parent: #32
خليل زي ما قالت ليك الاخت عزاز
Quote: المشرورين فيهو أحسن منك في شنو؟
غطيت المؤتمر الصحفي للرئيس عمر البشير خلال مشاركته في مؤتمر طوكيو الدولي الرابع للتنمية في افريقيا. أول مرة اشوف لي مترجم رئيس جمهورية- سفير بدرجة مستشار في القصر- في مؤتمر صحفي بصلحوا الحضور، وبذكر المؤنث وبأنث المذكر، وما بيعرف الفرق بين اللواء والكتيبة لدرجة تدخل الرئيس بإنجليزيته الضعيفة أكثر من مرة لتصحيحه.
ياخي أنا بقول ليك مبروك مقدمابس عليك الله سوق معاك صاحبي حيدر ده
Post: #34 Title: Re: عائز اشتغل في الحبل الدبلوماسي Author: حيدر حسن ميرغني Date: 06-18-2008, 08:03 AM Parent: #33
Quote: خلاص يا حيدر سفير في سيريلانكا مقيما في المالديف
يافردة
غايتو الا يدوك جزيرة هدية
تخيَل المطار فى جزيرة لوحدها
وكذلك الفنادق والمنتجعات فى جزر
وطالما جبت سيرة المكان العاجبني ده ... اهديك اللنك ده