Post: #1
Title: عضو جديد.......
Author: عصام ابوعكر
Date: 06-16-2008, 06:28 AM
Parent: #0
السلام عليكم جميعا.....
الشكر الجزيل للباشمهندس بكري ابوبكر .ولخريجي المؤتمر وابوكدوك
وشكر خاص لابراهيم محمد الحسن وانشاء الله نكون عند حسن ظن الجميع..
|
Post: #2
Title: Re: عضو جديد.......
Author: Magdi Ahmed Elsheikh
Date: 06-16-2008, 06:29 AM
Parent: #1
عصااااااااااام
اهلا ومرحبا بك
|
Post: #3
Title: Re: عضو جديد.......
Author: عصام ابوعكر
Date: 06-16-2008, 06:34 AM
Parent: #2
تسلم وتدوم يادكتره...
|
Post: #4
Title: Re: عضو جديد.......
Author: عمر الفاروق
Date: 06-16-2008, 08:21 AM
Parent: #1
الكلام ده وييين لي ناس مختار ابو عكر ..؟
مرحب بيك اخ عصام وما عارف ده تشابه اسماء ولا عندك بيهو علاقة خصوصا لمن قلت ابوكدوك والمؤتمر ..
|
Post: #5
Title: Re: عضو جديد.......
Author: tmbis
Date: 06-16-2008, 08:39 AM
Parent: #4
| Quote: ولخريجي المؤتمر وابوكدوك |
سلامات يا عصام ابوعكــر ..
كلامي زي كلام عمر الفاروق دا .. وازيد عليهو ... ايمن ابوعكـر ببقى ليك شنـو..؟ انا بتكلم ليك بذاكرة مدرسة الرشاد الابتدائية .. وحي الموردة وحي الضباط
مرحب بيك
|
Post: #7
Title: Re: عضو جديد.......
Author: كمال علي الزين
Date: 06-16-2008, 09:23 AM
Parent: #4
مرحب بيك اخ عصام
|
Post: #6
Title: Re: عضو جديد.......
Author: قرشـــو
Date: 06-16-2008, 09:21 AM
Parent: #1
اهلا يا دكتور عصام
ونورت البورد
لكن تعرف اسم ابوعكر ده شكلو حايجيب ناس حى الضباط كلهم وبانت والموردة ...
وانا كمان بسأل ناس ابوعكر الفى محطة عابدين شرف ولا ناس ثانين ؟؟؟؟
الف مرحب بيك يا سيدى
وارجو ان تكون اضافة طيبة للمنبر
|
Post: #8
Title: Re: عضو جديد.......
Author: rosemen osman
Date: 06-16-2008, 09:26 AM
Parent: #6
you welcom Esam
|
Post: #9
Title: Re: عضو جديد.......
Author: عادل التجانى
Date: 06-16-2008, 09:36 AM
مرحباً أخونا عصام
نورت المنبر
|
Post: #11
Title: Re: عضو جديد.......
Author: عصام ابوعكر
Date: 06-16-2008, 09:54 AM
Parent: #6
الاخوان
عمر الفاروق.....
تمبس....
قرشو....
كمال علي الزين.....
مشكوريين علي المروروياعمر مختار وعبدالقادر مصطفي ابوعكر
اولاد عمي .وانا من ناس ابوعكر واعوذ بالله من كلمه انا
الهم سكان بانت شرق محطه د/ عابدين شرف.
وياتمبس ايمن ابوعكر درس الرشاد من آل ابوعكر مامتذكره
ممكن تقصد عمر. عثمان. علي .
|
Post: #10
Title: Re: عضو جديد.......
Author: ALGARADABI
Date: 06-16-2008, 09:45 AM
Parent: #1
الاخ عصام نرحب بيك
ونتمني لك طيب الاقامة
في أولاد أبوعكر في تلفزيون دبي ، انشاالله تكون واحد منهم عشان الملح في تصوير مناسبات بورداب الامارات
|
Post: #12
Title: Re: عضو جديد.......
Author: ناذر محمد الخليفة
Date: 06-16-2008, 10:17 AM
Parent: #1
سلام يا عصام ..
مرحب بيك ونورت المنبر ..
صنفرة :
Quote: الكلام ده وييين لي ناس مختار ابو عكر ..؟
|
من وين بتعرف ناس مختار وعبد القادر أبو عكر يا عمر الفاروق ؟!
|
Post: #14
Title: Re: عضو جديد.......
Author: حسين محي الدين
Date: 06-16-2008, 10:26 AM
Parent: #12
حبابك ألف يا عصام ..
منوّر
|
Post: #13
Title: Re: عضو جديد.......
Author: ناجي عز الدين الصديق
Date: 06-16-2008, 10:25 AM
Parent: #1
الأخ العزيز / عصام أبو عكر
تحية طيبة
حبابك عشرة ومرحب بيك
بين اهلك واصحابك
واتمنى أن تكون إضافة
جديدة تعطر سماء هذا المنبر
ومرحب بيك مرة تانية
وإلى الملتقى
|
Post: #15
Title: Re: عضو جديد.......
Author: عمر الفاروق
Date: 06-16-2008, 10:29 AM
Parent: #1
| Quote: من وين بتعرف ناس مختار وعبد القادر أبو عكر يا عمر الفاروق ؟! |
شوف يا ناذر ..تغني لي سيف الجامعة تقعد مع تسابيح تكون تاجر ومرطب دي ما شغلتي وبقبلا منك لكن تتسلبط لي في ناس مختار ابو عكر بضاربك عدييييل 
مختار صديق للزمن الجميل في مدرسة المؤتمر وكان واحد من ألذ وأظرف وألطف طلاب المدرسة كمية من الشغب والضحك ماااااااا عادي ..
تزاملنا في الكورة في الروابط ومختار ابو عكر بي وجاهتو دي كلها لكن كان أعنف مدافع في الرابطة كان طار فيك جوز إلا تطير انت
طالت الفترة وما اتقابلنا لكن كل اخبار مختار معاي وطوالي سائل منو والله بس هو بيكون خلاص مسحنا ..
قدورة اخوهو اكبر مننا شويتين لكن فجأة كده بقا حكم في الرابطة ..
بالمناسبة لو طلعت من بيت ناس ابو عكر ده ومشيت في اتجاه الشمال طواااااااااااالي لحدي خور ابو عنجة بيقفلك بيتنا ..
اها تعال قول لي مختار ود خالتي عشان اديك بونية في كيانك
|
Post: #16
Title: Re: عضو جديد.......
Author: Abdel Aati
Date: 06-16-2008, 10:31 AM
Parent: #15
سلام عصامومرحب بيك
هل انت من اقارب المرحوم صديقي كمال ابو عكر ؟؟
وصديقي ماهر ابو عكر؟
|
Post: #17
Title: Re: عضو جديد.......
Author: منى على الحسن
Date: 06-16-2008, 10:39 AM
Parent: #1
السلام عليكم ورحمة الله
الف الف مرحب بيك أخ عصام
نورت المنبر
|
Post: #18
Title: Re: عضو جديد.......
Author: طارق جبريل
Date: 06-16-2008, 10:42 AM
Parent: #1
الف الف الف مرحب
|
Post: #19
Title: Re: عضو جديد.......
Author: ناذر محمد الخليفة
Date: 06-16-2008, 10:45 AM
Parent: #1
كيفك يا عمر ..
مختار لأبوعكر وعبد القادر أبوعكر دفعتي في الدراسة بالهند إتعرفت عليهم هناك وبقت بيناتنا معرفة وصداقة على مستوى عائلي .. مختار البتقول عليهو وجيه دا هسي بقا عندو صلعة كبييرة ووشو بقى يبدا من نص راسو ، يعني في الوضو مرفوع عنو مسح الراس ، عبد القادر فعلا لما جانا الهند جا جاهز بي كروتو الصفرا والحمرا وكان فعلا حكم درجة أولى عندنا مش رابطة ...
مشكلتم الغتنين مورداب .. مش الإتنين .. أبوهم وأمهم وكل أهل بيتم مورداب للطيش ..
عبد القادر جا قبل سنتين وإتزوج .. طبعا هو مغترب في دبي ومختار برضو ..
بيتم الفي الموردة يا إما إتجدعنا فيهو ، ناس الحلة أتخايلي كانو مسمين البيت (السفارة) ..
تقول لي شنو وتقول لي منو !
|
Post: #21
Title: Re: عضو جديد.......
Author: عمر الفاروق
Date: 06-16-2008, 10:58 AM
Parent: #19
تعرف يا ابو النيز :
مختار ده كان ساحر عذارى وواهم جكس بس الدنيا فونيا والزمن كباس على قول اخوانا المصريين
اسة قالوا لي مختار عندو دقن طن ..
طيب يا رمة مالي ما كنت بلاقيك في الشارع داك ؟ شكلك كنت حاتل في داخلية معهد الموسيقى طوااالي..
|
Post: #20
Title: Re: عضو جديد.......
Author: عبدالله كع
Date: 06-16-2008, 10:58 AM
Parent: #1
ايها العضو الجديد
مليون مرحب بيك
ــــــــــــ
دربك اخضر ياعصام
|
Post: #23
Title: Re: عضو جديد.......
Author: tmbis
Date: 06-16-2008, 11:14 AM
Parent: #20
Quote: تعرف يا ابو النيز :
مختار ده كان ساحر عذارى وواهم جكس بس الدنيا فونيا والزمن كباس على قول اخوانا المصريين
اسة قالوا لي مختار عندو دقن طن ..
طيب يا رمة مالي ما كنت بلاقيك في الشارع داك ؟ شكلك كنت حاتل في داخلية معهد الموسيقى طوااالي.. |
يا عمر والله الواحد بقى زي المغترب في امريكـا ياخي كلامكم دا غلبني خالص ..
عصام قلت ليهو ايمن ابوعكــر وهو زول رسام جدا الدفعة القدامي بي سنتين ودرس كلية الفنون الجميلة .. عصام طلع لي الموضوع اخماس في اسداس ..
حسع دجي حنكك انت وناذر دا شايفو رهاب .. رهاب .. داخلية بانت دي كنت ساكن فيها عديل كدا ولما اجي طالع من الداخلية بيت ناس ابوعكر بيقع لي في يدي اليمين ومع اللفة يمين في الامية بتاعت الكهرباء .. وزمان كان في الحتة دي محمد وياسر الجنيد ولي قدام شوية على ايدك اليسار بيت ناس عماد ضلمـة .. وماشي لي الشمال بيت ناس التكي الله يرحمو وياسر الربع وفتحي الربع .. الميدان دا تحديدا كنا بنلعب فيهو الدورات الرمضانية .. ومدربنا كان (نادر ابو دقن)..
حاولو وصفو لي شوية يا شباب ..
يا عمر حاول دخلني في السستم .. قبال ما اشوت اللقب حقي بتاع المنطقة ديك .. الشهرة متاعب طبعا
|
Post: #26
Title: Re: عضو جديد.......
Author: عصام ابوعكر
Date: 06-16-2008, 12:11 PM
Parent: #23
ياتمبس سلام
ايمن عبدالله الرسام دي ابن خاله ابناء عمي محمد ابوعكر وساكن جنب الرشاد.
وهو الان شغال في تلفزيون السودان الان.
اما بيتنا في نفس مربوع محمد وياسر وجمال الجنيد جارهم الحيطه بالحيطه
واخواني هشام وحسام(لجه) يمكن تكون بتعرفهم . عماد ضلمه دربنا في الهدف.
اسمع اقول ليك قول لقبك خلينا نلعب علي المكشوف ولارائك شنووووو؟
تحياتي...
|
Post: #22
Title: Re: عضو جديد.......
Author: طلحة عبدالله
Date: 06-16-2008, 11:06 AM
Parent: #1
مرحب حباب عصام ابو عكر
|
Post: #24
Title: Re: عضو جديد.......
Author: عصام ابوعكر
Date: 06-16-2008, 11:54 AM
Parent: #22
الاخوان والاخوات الاعزاء.
الف شكر علي الترحيب الحار. ونردها ليكم في الافراح...
مرحب يادكتوه روزمين ويااخت مني .
اهلا بيكم عادل التجاني وناجي وحسين محي الدين وطارق وعبدالله كع
وطلحه عبدالله ولكم تحياتي .....
ياقردابي ايوه من جماعه التلفزيون وحاضريين للاخوان..
الاخ عادل المرحوم كمال قاسم ابوعكر ابن عمي وماهر معاويه ابوعكر
ابن عمي هو في هولندا لكن اخباره مقطوعه من مده ..
الاخ ناذر محمد كلنا مورداب علي السكين .....
وياعمر الفاروق نحنا اولاد حله بس انا اكبر منكم شويه مش كتير
ولعبت في رابطه ابوعنجه فريق الهدف ...
تحياتي لكم جميعا ونتواصل.....
|
Post: #25
Title: Re: عضو جديد.......
Author: ممدوح عثمان
Date: 06-16-2008, 12:05 PM
Parent: #24
الأخ العزيز عصام ابوعكر
ألف مرحب بيك في حوش كل السودانيين
|
Post: #27
Title: Re: عضو جديد.......
Author: عصام ابوعكر
Date: 06-16-2008, 12:16 PM
Parent: #25
التحيه والسلام ليكم يااهل الحوش
|
Post: #28
Title: Re: عضو جديد.......
Author: الفاضل يسن عثمان
Date: 06-16-2008, 12:27 PM
Parent: #27
الاخ عصام
مرحب حبابك ، حللت اهلا و شرفت سهلا
|
Post: #29
Title: Re: عضو جديد.......
Author: tmbis
Date: 06-16-2008, 12:58 PM
Parent: #28
Quote: ياتمبس سلام
ايمن عبدالله الرسام دي ابن خاله ابناء عمي محمد ابوعكر وساكن جنب الرشاد.
وهو الان شغال في تلفزيون السودان الان.
اما بيتنا في نفس مربوع محمد وياسر وجمال الجنيد جارهم الحيطه بالحيطه
واخواني هشام وحسام(لجه) يمكن تكون بتعرفهم . عماد ضلمه دربنا في الهدف.
اسمع اقول ليك قول لقبك خلينا نلعب علي المكشوف ولارائك شنووووو؟
تحياتي... |
. والله مفترض يا عصام كان نلجا لي خالد الجزولي علشان يفكنا من الورطة دي .. ياسر الجنيد فردتي شديد وآخر عهدي بيهو درس جامعة الخرطوم كلية الهندسة .. يوم انا داخل علي الجامعة هو مارق منها والكلام دا في ىواخر التسعينات وحسع دي ما عارفو وين .. الظاهر لي رحلو ..
نادر اب دقن اظنك عرفتو .. اخو ناس مجتبى .. مجتبى طبعا معاي في الرياض هنا دا .. وصديق رمزززه الكان بلعب في المنتصر مع ناس منتصر تبشه ..
شكلك كدا لعبته في الهدف مع دفعتي ناصر ادم السيد والسر كبس .. وديل الاتنين لعبو معاي في قلب الأسد بعدما مشينا من رابطة ابوعنجة ..
مفترض تكون قريت الرشاد الابتدائية كنا في تيم المدرسة مع الصادق ويووو .. ومحمد صالح حجار وعصمت عبد الرحمن .. عصمت طبعا اخو محمد عبد الرحمن ابو بلطه .. في ميدان بانت قدامكم .. بعداك تميته تنس طاولة في القصر . مع محمد حريقة .. وناس خالد القرووود وباقي الشباب في حلة ناس ابصينية ..
اللقب طبعا الوكت داك كان .. علاءالدين بطه ولحدي الآن ماشي
طبعا كنت بلعب في البواسل لو متذكر
|
Post: #31
Title: Re: عضو جديد.......
Author: عمر صديق
Date: 06-16-2008, 01:22 PM
Parent: #29
مرحب بالاخ عصام
ونامل ان يجود عليك الاخ تمبس بواحدة من امثال هذه الاسماء لابناء حيكم العريق
|
Post: #33
Title: Re: عضو جديد.......
Author: عادل سهل
Date: 06-16-2008, 01:41 PM
Parent: #29
| Quote: اللقب طبعا الوكت داك كان .. علاءالدين بطه ولحدي الآن ماشي |
طيب بالله ياعلاء الدين بالمرة كمل لينا قصة تمبس دى ، أوع يكون المرحلة البتجى بعد البطة.
اسع دا وقت تقول فيه لقبك دا مع ناس تراجى الحايمين ديل
نحن بنسلم عليك ياتمبس وما بنعرف للوشوش.
|
Post: #30
Title: Re: عضو جديد.......
Author: ismeil abbas
Date: 06-16-2008, 01:19 PM
Parent: #1
مرحبآ بك .اخ/عصام أبوعكر...........
إتشبحوك ناس ام درمان..أصلهم حنينين وبحبوا الصداقة وألأخاء.........ما تطلع من تمبس.وعمر ألفاروق إلا يجيك ناذر الخليفة. من هنا ناس حلويين طعم الحب.
مودتى..........
إسماعيل محمد احمد عباس...
|
Post: #43
Title: Re: عضو جديد.......
Author: tmbis
Date: 06-17-2008, 08:01 AM
Parent: #30
| Quote: ونامل ان يجود عليك الاخ تمبس بواحدة من امثال هذه الاسماء لابناء حيكم العريق |
يا عمر صديق .. كيفنك
والله الاسماء العجيبة دي كتيرة خلاص .. وممكن نصرف من غير مقابل .. تعرف حلتنا دي اكتر حله فيها اسامي غريبة .. والاغرب من كدا بتلقى الاسم مستنسخ .. يعني بتلقى منو نسختين واحيانا تلاتة ..
Quote: طيب بالله ياعلاء الدين بالمرة كمل لينا قصة تمبس دى ، أوع يكون المرحلة البتجى بعد البطة.
اسع دا وقت تقول فيه لقبك دا مع ناس تراجى الحايمين ديل
نحن بنسلم عليك ياتمبس وما بنعرف للوشوش |
الله يسلمك يا عادل وتسلم من كل شر إن شا الله .. سلامك سمح حتى من غير وشوش ..
تصدق فعلا مسالة التمبسة دي جات بعد مرحلة البطننه .. لانو بطه دي هي نفسها متمرحله شفت كيف اشتقت من اسم قريب ليها سماني ليهو جارنا لانو كانت علاقتي ممتازة جدا بالواطـه والتراب لانو ادركت من فترة طويلة اننا من تراب ولي التراب المهم فترة البطة دي بعد الملامح اتغيرت شوية وبقى فيها جري وطيران ونطيط .. إلخ تمبس دي عايزه ليها بوست براهو كان الله هون.. | Quote: إتشبحوك ناس ام درمان..أصلهم حنينين وبحبوا الصداقة وألأخاء.........ما تطلع من تمبس.وعمر ألفاروق إلا يجيك ناذر الخليفة. من هنا ناس حلويين طعم الحب. |
يا اسماعيل .. والله انا من ما لقيت ليك ابوعكـــر راسي اشتغل طوالي والحلة اتكومت لي قدامي .. لما لقيت اسم عمر الفاروق رادي قلت بس خلاص .. الواحد ح يلقى ليهو حاجة واقعه جوه البوست دا .. عمر وعاصم طلعو معرفة .. وناذر قاعد يجي يتضهب هناك وشارع ناس عاصم دا شارعي عديل وفيهو ذكريات جميلة جدا لايام الطفولة .. البوست دا عندنا فوقو النص وطبعا عارف زي ما قال ليك عمر الفاروق .. ناس امدرمان الواحد من ما يشم ليهو حاجة من امدرمان .. بيسرح طوالي ..
يا ابوعكـــر .. معليش اسمح لينا البوست دا ما بنفكو ليك بالساهـل .. احتمال نجيب لينا (كورة شراب) عديل هنا
|
Post: #47
Title: Re: عضو جديد.......
Author: عصام ابوعكر
Date: 06-17-2008, 02:45 PM
Parent: #43
هلا بيك ياتمبس ويا عمر الفاروق في بيتكم.
خالد الجزولي(قلل)صديقي العزيز لعب معي في فريف الهدف.
ياسرالجنيددفعتي في ابوكدوك والمؤتمر وهو الان يحمل الجواز البريطاني
ومشرف تغيير شبكه المياه بتاعه الثورات الان .
نادر ابودقن كوتش الشارقه .
مجتبي ابوالسيد اخ عزيز .
لعب معي في الهدف امير ودالحبشيه عوض كبس زهير الجاك احمد الطيار
حماده احمد الحنان اديك زياده وللمعلوميه انا كنت حارس المرمي ودائما بنغلب
البواسل والقراقير متذكر طبعا...
وياعلاء الدين كان معاكم الواثق محمد الحسن بتذكر.
والله زمان الرابطه الان انتهت نهايه بطل .
الفاروق ناس ابوعكر ذيهم وذي كل اهل امدرمان بنحب المعارف والاخوان
ومابنبيع بالساهل اخوان نعجبك وخلونا متواصليين ياشباب...
|
Post: #32
Title: Re: عضو جديد.......
Author: عادل سهل
Date: 06-16-2008, 01:30 PM
Parent: #1
مرحب بيك يا عصام
| Quote: وانشاء الله نكون عند حسن ظن الجميع.. |
دى مأظنها تحصل فى البورد دا لكن تانى أهلاً ومرحباً
وليطيب مقامك بالمنبر
شيخ العرب
|
Post: #34
Title: Re: عضو جديد.......
Author: حسن زمراوي
Date: 06-16-2008, 03:39 PM
Parent: #32
الأخ/ عصام أبوعكر
السلام عليكم ورحمة الله وبركاته
مبروك العضوية، وإن شاء الله نستفيد منك الكثير.
أرجو منك مراسلتي على البريد الإلكتروني لرابطة خريجي مدرسة أبي كدوك النموذجية
ويكون أفضل لو أرسلت لي رقم تلفونك.
والسلام عليكم ورحمة الله وبركاته
أخوك/
حسن زمراوي
شيكاغو - أمريكا
|
Post: #35
Title: Re: عضو جديد.......
Author: بابكر التوم
Date: 06-16-2008, 04:14 PM
Parent: #34
الف مرحب الاخ ابوعكر
نورت المنبر
|
Post: #36
Title: Re: عضو جديد.......
Author: شهاب الفاتح عثمان
Date: 06-16-2008, 04:22 PM
Parent: #1
Quote: .. داخلية بانت دي كنت ساكن فيها عديل كدا ولما اجي طالع من الداخلية بيت ناس ابوعكر بيقع لي
في يدي اليمين ومع اللفة يمين في الامية بتاعت الكهرباء .. وزمان كان في الحتة دي محمد وياسر الجنيد ولي قدام
شوية على ايدك اليسار بيت ناس عماد ضلمـة .. وماشي لي الشمال بيت ناس التكي الله يرحمو وياسر الربع وفتحي الربع
.. الميدان دا تحديدا كنا بنلعب فيهو الدورات الرمضانية .. |
عـصــام حبابك ونـورت المنبر ..
عارفين يا شباب الداخليه كانت فاتحه في ميدان بانت شرق وسـوق بانت ..
ولا ننسى الاشــاده بسمك الشيخ .. والمحـل متواصل في انتاج فاخر راقي السمك المشوي ..
والفاخر دي عائده على المـذاق ..
يمين الداخليه وحتى سينمــا بانت والمنطـقه شرق السينمـا دي اهل واحباب ..
ودنيا من الروائع ..
شباب شكــرا لهذا الشجــن
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
|
Post: #37
Title: Re: عضو جديد.......
Author: عبدالفتاح أبوشيمة
Date: 06-16-2008, 05:59 PM
Parent: #1
| Quote: وانشاء الله نكون عند حسن ظن الجميع.. |
حبــــــــــــابـــــــــــ1000 ــــــــــابك؛ وتاني ألف.
ذكرتونا أيام وسنين خلت؛
أصلي سكنت في الموردة وبانت
بس المدة طالت.
حسن الظن دا دايماً متوفر؛
جديد برضو زيّك إن شاء الله يكون قدمك خير.
|
Post: #38
Title: Re: عضو جديد.......
Author: عمر الفاروق
Date: 06-16-2008, 06:45 PM
Parent: #1
يا تمبس:
| Quote: يا عمر حاول دخلني في السستم .. قبال ما اشوت اللقب حقي بتاع المنطقة ديك .. الشهرة متاعب طبعا |
والله يا علاء الدين انت شكلك النوع اللمن يمشي السودان إجازة حا يقول للشباب مالكم عملتوا دقن
بعدين يا قريبك انت كنت بتقيف في عراضات ميدان بانت دي كيف ؟ العراضة دي كبيييييرة جداً يا عمك ..
غايتو يا علاء الدين لو كنت بتمشي الداخلية عشان تقعد مع أخوك تكونوا انت وعمر اخوك باااالغتوا ..ياخ بيتكم من الداخلية 500 متر غايتو بس تكونوا ظلمتوا ليكم عازفين جايين من أربجي ولا من اللعوتة
اخونا عصام معليش شلنا منك البوست ده بي حركات اولاد امدرمان البيدخلوا البيوت بدون إحم ولا دستور ومافي زول غريب وكل الناس أهل ..
البوست شكلوا حا يبقا ونسة جميلة ترفع ضغط أولاد الخرطوم والقرى المجاورة الما بحبو ونسة اولاد امدرمان ..
دكين معانا ما تغشانا ..
|
Post: #39
Title: Re: عضو جديد.......
Author: محمد عبدالرحمن
Date: 06-16-2008, 06:54 PM
Parent: #38
عصام ابوعكر ..حبابك والله ..البورد نور ..
شفت عمر الفاروق دا عشان يتفك منك ماكل مرة
يجيك ناطى ..اهتم بيهو شوية ..افرد ليهو مداخلة
براهو ..وقول ليهو عرفتك وناس ابوعكر كلهم
بعرفوك ..وكمان لو قلت ليهو (هو فى زول مابعرف
عمر باجيو) بتكون ريحتو فى (كنكوجو) على قولو ..
عشان يتفك منك (اوليهو اهتمامك وامنحو المزيد) ..
قال عازفين جايين من اربجى ..
|
Post: #40
Title: Re: عضو جديد.......
Author: ASHRAF TAHA
Date: 06-16-2008, 07:06 PM
Parent: #1
عصام أبو عكر مرحبتين
إنت شغال في تلفزيون دبي ولا قريبك؟
أكيد قريب صديقي معاوية أبو عكر زميل الدراسة في جمال عبد الناصر والفرع والذي أنقطعت أخباره عني
قرابة العشرة سنين آخر إتصال بينا كان بالنرويج
تحياتي
|
Post: #41
Title: Re: عضو جديد.......
Author: خالد علي محجوب المنسي
Date: 06-16-2008, 07:10 PM
Parent: #40
مرحب حبابك عشرة أخي عصام
تحياتي ومودتي
|
Post: #42
Title: Re: عضو جديد.......
Author: عمر الفاروق
Date: 06-16-2008, 07:37 PM
Parent: #1
عصام ابو عمر :
ياخ الناس الجات هنا دي كلللها ما جات ترحب بيك اي زول بيجي يسلم عليك ويسألك من زول من ناس ابو عكر ..إنت أسرة ابو عكر بيعرفوا الناس وبعد داك بيزوغو منهم ولا الحنك شنو ؟
يعني يا قريبك لو كان كتبت مثلا عصام اب جلمبو كان بوست ترحيبك ده تلقا فيهو اتنين تلاتة
تخريمة :
| Quote: قال عازفين جايين من اربجى .. |
والله صحي إنتو المزيكا عرفتوها وين يا ناس التلاجة أوووقدت ..بيجيني احساس يا محمد عبد الرحمن انتو النوع البيكون حفلاتكم بي اورغن بيشتغل بي اربعة حجار بطارية ايفريدي الصغااار ديلك والاورغن يكون قدر الصيرة بيتعزف بي اصبع واحد يعزفوا ليكم لحن عالم السينما وتمشوا تنوموا..
قال عازفين قال ..
اها عملت لي شنو في موضوع المقاسات انت وصحبك ؟
|
Post: #44
Title: Re: عضو جديد.......
Author: ناذر محمد الخليفة
Date: 06-17-2008, 08:03 AM
Parent: #1
والله يا عمر الفاروق ذكرتني مازن باخ !!
| Quote: ياخ الناس الجات هنا دي كلللها ما جات ترحب بيك اي زول بيجي يسلم عليك ويسألك من زول من ناس ابو عكر |
يا عصام داير أسألك من مازن أبو عكر ود عم ناس مختار وعبد القادر ؟!!
لي سنين ما شفتو ؟ أخر مرة قابلتو في أبو ظبي سنة 2001 وإتخايل لي كان بيقرا في جامعة عجمان ..
وين الزول دا بالله :
|
Post: #45
Title: Re: عضو جديد.......
Author: عصام ابوعكر
Date: 06-17-2008, 02:15 PM
Parent: #44
سلام علي جميع الاخوان..
الاخ الفاضل الف تحيه وسلام...
مرحب بيك عمر صديق والله الالقاب كثيره وتاركينها لليوم الاسود..:D
مرحب بيك اخ عادل وحسن الظن في الجميع متوفر عندي بكثره المهم هم :no:
هلا بك اسماعيل ناس امدرمان حلوين وحلوين وكمان حلوين ..
اخي زمراوي لك السلام والتحيه ومشكور علي الدعم والترحيب
وحاارسل لك رقمي..
مرحب بيك اخ بابكر.
مرحب شهاب عشت ايام جميله في امدرمان اكيد حاتلف وترجع
وخصوصااكلت من سمك عمنا الشيخ الله يرحمه..
اخ عبدالفتاح سلام عليك وانشاء الله الشباب ماقصروا معاك؟
محمد عبدالرحمن عمر الفاروق اخ عزيز خليه ياخت راحته
لك التحيه....
اخي اشرف طه محمد معاويه ابن عمي وهو الي الان في النرويج
تزوج وعنده ولدين من دفعتكم مزمل الباهي اكيد متذكره..
الف مرحب بيك اخ خالد...
|
Post: #46
Title: Re: عضو جديد.......
Author: محمد عبدالرحمن
Date: 06-17-2008, 02:37 PM
Parent: #45
Quote: محمد عبدالرحمن عمر الفاروق اخ عزيز خليه ياخت راحته
لك التحيه.... |
طيب كلمو قول ليهو انا عرفتك من صورتك ..
وهل يخفى القمر ..ومتذكرك لما كنت
بتقطعا فى ميدان الرابطة ..وقول ليهو
كمان بتذكرك لما كنت (فردة كورس) مع
ترباس ...
كتر ليهو من زى دا انت عارف هنا الكلام
بلاش ..بكرى البدفع ..كلنا (وحاة الله) نكتب
ملح ساكت ..ريحو الله يريحك 
|
Post: #48
Title: Re: عضو جديد.......
Author: عصام ابوعكر
Date: 06-17-2008, 02:57 PM
Parent: #44
سلام..
ياناذر مازن واخوه مؤيد الاثنيين موجودين باابوظبي.
|
Post: #49
Title: Re: عضو جديد.......
Author: خالد حامد الجزولي
Date: 06-17-2008, 06:22 PM
Parent: #48
معليش مستعجل الآن وح امشي
واجي ادور ليكم البوست دا بعدين
|
Post: #50
Title: Re: عضو جديد.......
Author: عصام ابوعكر
Date: 06-18-2008, 07:47 AM
Parent: #49
ابوالجزل منتظرك انشاء الله علاء الدين بطه يكون اتصل بيك
سلامي لجميع الاخوان بالسعوديه .
بالمناسبه اليوم زواج مجاهد محمد دياب ....
|
Post: #51
Title: Re: عضو جديد.......
Author: خالد حامد الجزولي
Date: 06-18-2008, 09:19 AM
Parent: #50
أخي عصام عكر
أخي علاء
تحياتي
ياخي علاء الدين بطة دا لمن بدت الرابطة وانضم لنا فريق البواسل
كان حارس المرمى بتاعهم الأول طبعاً الواثق وجاء بعده ناجي عباس التوم
( ناجي الشين ) ثم بعدهم علاء الدين بطة وهو كان صغير جداً في حجمه بالنسبة للمرمى
والعراضات الكبيرة بتاعت قلب الأسد ديك كان حاجة صغيرة لا تذكر ولكن
بصراحة كان مستواه كبير وأهم شيْ كان ( قلبه حار ) ما عارف لحدي الآن
ولا الغربة دي بردته ليه وكان له أخوه باك فاشل اسمه عماد جحا
وعماد دا دفعتنا نحن في الرشاد الإبتدائية ، وطبعاً أخوك كان متخصص
في البواسل وكنت دائماً ما أحرز فيهم أهداف خاصة من الكرات المرتدة
التي تأتي من ضربات ركنية فيشتتها الدفاع أو الحارس.
أما عصام أبو عكر يا تمبس
فهو كان حارس المرمى بفريق الهدف وهم من وضعوا اللبنات الأساسية لرابطة أبو عنجة
وكان هو الحارس الأساسي وكان الإحتياطي بتاعه فردته هشام كنش وود حسن العبد الكبير
ود الفضيلاب وكان في الدفاع أمير ود الحبشية وآدم الشيخ سليم (صاح صاح) وسليمان عمنجييو
وعبد المنعم السر (صيرة) وفي وسط الملعب كان شخصي خالد الجزولي ودكتور معاذ مدني وأحمد الحنان
وعمر حسيب وحمادة ود عزيزة (محمد حسن) ود. سيد آدم وفي الهجوم المرحوم موسى ود ناس سوميت ورمضان ومدثر بريمة وأحمد الطيار وعادل السني وطبعاإنت الوكت داك كنت باللباس لأنه كان بيلعب في البواسل
ناجي الشين والواثق في المرمى وأذكر من لاعبي البواسل الآخرين خالد عبد الحميد رجب(اللول) وخالد محمد بدوي بشير ومجدي عمو والزيات وعماد منصور يونس (جحا) وقاسم أبو راس وأحمد كمش
وناس هيثم سلمان وحموري أبو عنجة كانوا احتياطي
ديل المتذكرهم ما عارف الذاكرة لسه كويسة ولا خربة.
عصام
تمبس أخوانه الكبار يمكن تكون تعرفههم أو أكيد يا عصام تعرفهم واحد اسمه عمر منصور وهو عازف كمان ماهر كان يعزف مع محمد وردي وفردة عمر فتح الله مشوا مع وردي كندا وكبوا الزوغة ومن ديك وعيك عمر فتح الله رجع مره على ما أظن لكن عمر منصور لا ، أخوه الثاني أكيد بتعرفه وهو عبد الفتاح منصور حارس مرمى قلب الأسد السابق احتياطي الحارس قرماج .. أهاااااا كفاية
أرجو بعدكده تكونوا عرفتم بعض .
يلا سلام
نسيت لذا لزم التعديل
مبروك مقدماً للابن مجاهد وتحياتي لوالده
الأخ/ محمد والوالدة عفاف تايوتا
تحية لفتح وهشام وأولادهم
|
Post: #52
Title: Re: عضو جديد.......
Author: حسن زمراوي
Date: 06-18-2008, 06:32 PM
Parent: #51
الأخ عصام:
السلام عليكم ورحمة الله وبركاته
أنا في إنتظار رقم هاتفك،
أريدك أن أتحدث إليك في موضوع ضروري بخصوص رابطة خريجي مدرسة أبي كدوك النموذجية.
والسلام عليكم ورحمة الله وبركاته
|
Post: #53
Title: Re: عضو جديد.......
Author: Hamza Abdelghani
Date: 06-18-2008, 06:35 PM
Parent: #52
مرحب بيك اخ عصام
|
Post: #54
Title: Re: عضو جديد.......
Author: عصام ابوعكر
Date: 06-20-2008, 01:08 PM
Parent: #53
وبيك يااخ حمزه ...
لك الشكر.
|
Post: #55
Title: Re: عضو جديد.......
Author: خالد حامد الجزولي
Date: 06-21-2008, 05:00 PM
Parent: #1
أخ/ قسيط
جانا شمار
قالوا نازل السودان
صحيح ....
|
Post: #56
Title: Re: عضو جديد.......
Author: عصام ابوعكر
Date: 06-22-2008, 01:20 PM
Parent: #55
والله شمارك قوي ياقلل انشاء الله اول شهر يوليو
انت كيف مانازل ؟ زمان ماشفناك
|
Post: #57
Title: Re: عضو جديد.......
Author: عصام ابوعكر
Date: 06-22-2008, 01:50 PM
Parent: #56
بوست المدينه الرياضه النزل ينفع كفاره
ولا لسع .المورده فوق
|
Post: #58
Title: Re: عضو جديد.......
Author: الزنجي
Date: 06-22-2008, 01:56 PM
Parent: #1
أهلا بك أملا متقدا و ضاءا بين أهلك و عشيرتك ، و نحن نعبر لك عن فرحتنا بقدوووومك فإطلالتك البهية هى التى تخلق فينا الأمل ، فمرحبا بك يا عزيزى ، و ننتظر مساهماتك النيرة .
و لك الود
|
Post: #59
Title: Re: عضو جديد.......
Author: خالد حامد الجزولي
Date: 06-22-2008, 04:42 PM
Parent: #58
29/6/2008 إن شاء الله
|
Post: #60
Title: Re: عضو جديد.......
Author: محمد حسين آدم
Date: 06-22-2008, 05:09 PM
Parent: #59
wellcome
|
Post: #61
Title: Re: عضو جديد.......
Author: عصام ابوعكر
Date: 06-24-2008, 01:46 PM
Parent: #60
سلام.....
قلل انشاء الله تكون مسافر بخطوط غير السودانيه لانه وقفوها
كم يوم للصيانه اعتقد .
مرحب بكم اخ الزنجي والاخ محمد حسين ادم ....
|
Post: #62
Title: Re: عضو جديد.......
Author: خالد حامد الجزولي
Date: 06-24-2008, 03:32 PM
Parent: #61
قسيط
نحن طبعاً ناس وطنيين وكدة
وغير ناقلنا الوطني ما بنركب
طبعاً تشجيعاً له
أخوك مسافر بالسودانية
وطبعاً رجعوها للعمل
هاك الرابط دا دق عليه
السماح لســودانير باستئناف سفرياتها اعتباراً من اليوم
ولم يطبقوا عليها نظام الحظر المقترح
رينا يسهل الأمور
وأدعوا لينا ربنا يوصلنا بالسلامة
بالمناسبة أخوك أمبارح كان مكة
نظام عمرة وكدة رينا يتقبل
تحياتي
جزل
|
Post: #63
Title: Re: عضو جديد.......
Author: عصام ابوعكر
Date: 06-24-2008, 04:01 PM
Parent: #62
سلام
عمره مقبوله انشاء الله
ونشوفك في الحله قريبا انشاء الله .
|
Post: #64
Title: Re: عضو جديد.......
Author: عبد الناصر الخطيب
Date: 06-24-2008, 08:15 PM
Parent: #1
المكرم / عصام أبو عكر
Quote: السلام عليكم جميعا.....
الشكر الجزيل للباشمهندس بكري ابوبكر .ولخريجي المؤتمر وابوكدوك وشكر خاص لابراهيم محمد الحسن وانشاء الله نكون عند حسن ظن الجميع.... |
تحية واحتراما ,,,
--------------------------------------------------
البواسل والهدف وشباب بانت شرق
لو الذاكرة لسه بخير بكون كلامك ده عن رأبطة أبوعنجة حتى منتصف ثمنينات القرن الفات
ما لعبته كورة لكين أخوي الهادي أظنوا وقف حارس مرمي لفريق الحي الزمن داك
أكيد أنت من أل أبوعكر البحد بيوتهم الشارع الفي ناصيتوا أل النتيفة وماشي على سوق بانت و
ماخدين كل المربوع لحدي الشارع الفي ناصيتوا دكان عمر أبو شره وفعلا ده الشارع المن شارع الاربعين مدخلوا عيادة د. عابدين شرف ويمشي لحدي خور ابو عنجة يعني الحله الفيها أل الربع وأل بحر( زمان ) وأل بدري وأل النتيفة والمحامي ربيع حسن التوم
لك مني تحية أمدرمانية خالصة
ومرحب بيك في المنبر
------
تقديري
|
Post: #65
Title: Re: عضو جديد.......
Author: عصام ابوعكر
Date: 06-25-2008, 09:19 AM
Parent: #64
مرحبا بك يااخ عبدالناصر
وصفت حلتنا كانك منها ولا انت منها فعلا كل القلتهم ديل جيرانا واهلنا .
| Quote: ما لعبته كورة لكين أخوي الهادي أظنوا وقف حارس مرمي لفريق الحي الزمن داك |
كان في الحي كذا فريق في اي فريق كان بيلعب ؟
لك مني تحيه امدرمانيه موردابيه خالصه...
|
Post: #66
Title: Re: عضو جديد.......
Author: خالد حامد الجزولي
Date: 06-25-2008, 09:58 AM
Parent: #1
عكر
تحياتي
هاك الخبر الجديد دا
تكوين مجلس إدارة جديد لنادي الموردة
أصدر السيد/ هاشم هارون رئيس المجلس الأعلى للشباب والرياضة
بولاية الخرطوم قراراً عين بموجبه الآتية اسماؤهم لمجلس إدارة
نادي الموردة وهم:-
الرشيد ميرغني رئيسياً
عز الدين ميرغني نائباً للرئيس
عز الدين الصبابي سكرتيراً
النجومي بشرى نائباً للسكرتير
السر وقيع الله أميناً للمال
نصر الدين النور مطر نائباً لأمين المال
مجدي الزومة عضوا
التاج عوض عضواً
ياسر أحمد جبريل عضواً
والخبر كلو طبعاً في ياسر أحمد جبريل طبعاً ياسر صيصة أخو هشام كنش
تتخيل بالله الأولاد الخليناهم صغار وسافرنا ، طبعاً هو قى تبع الجماعة
عشان كدة عينوه ، وطبعاً هو مكسب للحلة ولرابطة المشجعين وجود أحد
أبناء الحلة في مجلس الإدارة.
انتهى
تحياتي
|
Post: #67
Title: Re: عضو جديد.......
Author: عصام ابوعكر
Date: 06-25-2008, 10:10 AM
Parent: #66
ابوالجزل
اخبارك ذي الليل واهم شئ مدام معاهم الصبابي انشاء الله مافي عوجه .
في الاجازه نشوف قصه ياسر صيصه دي شنو .
سلام....
|
Post: #68
Title: Re: عضو جديد.......
Author: العوض المسلمي
Date: 06-25-2008, 01:12 PM
Parent: #1
اخي عصام سلام
نزلت اهلا وحللت سهلا
حبابك وشرفت
وانشاء الله تجد ما يسرك معنا
|
|