|
*** فات الفوات ***
|
وبقيت ممحنة فى الحلق الطقطق الوجع السكات صارى النضم حفنة وهم جوة الحشا .. والباقى مات كومين رماد مكشوحة فى الدرب البساسق لى الممات ..و فات الفوات فات الفوات لى زول غرق نص النهار كسر المرق لى جد ضرير يتم بسيمات الصغار شلهت بيوت فرشت بكاها للكبار والعصافير النفير كيفن تطير ركت تنقر فى الحجار كتح عشيشاتها الغبار دمدم شديراتها الدمار والشكوى سارجة النيل مسار نص النهار... شال الصفار لون الخدار حتحت صفيقات الجروف والموجه تردح فى الخلا مكسورة خاتر ومكسرا النيل تعب ..شد الضهر لليل شكا .. لامن بكا واليوم طويل ..فاقد الدليل وفضلت ابحلق فى الخلق مشدوهه بى شيتا كتر نضما كتر .. والصف طويل .. والزمن ممحوق قليل لا ضل ضحى ونومة ضهر لا كوم نجوم لاضى قمر شليل وين راح ..ودع ختر لا يوم طويل وتعب سفر والجهال تحت الشدر حتى الحراز فقد المطر وفضلت ابحلق فى القريب حتى البعيد .. مد البصر الكل ملجم من طرف الا من شيتا كتر نضما كتر نشف الكلام وسط الحلق جف العرق نشف جريدنا والورق والجوف فتر والجاى حار و طعمو مر اسماء الجنيد / مسقط 15/6/2008
|
|
|
|
|
|
|
|
Re: *** فات الفوات *** (Re: ismeil abbas)
|
سوما
Quote: لا ضل ضحى ونومة ضهر لا كوم نجوم لاضى قمر |
فات الفوات ... و لْيفوت كل شي .. إلا ضل الضحى و نومة الضهر و كوم النجوم و ضوء القمر ( و بال رايق و فاضي من الهموم ) ...
أما بعد :
لا فض فوك
مشتاقون و تحياتي للأسرة
| |
|
|
|
|
|
|
Re: *** فات الفوات *** (Re: soma)
|
Quote: فات الفوات ... و لْيفوت كل شي .. إلا ضل الضحى و نومة الضهر و كوم النجوم و ضوء القمر ( و بال رايق و فاضي من الهموم ) ...
أما بعد :
لا فض فوك
مشتاقون و تحياتي للأسرة |
ابو جهينة يا ضل البيوت والشوق الجارى عليك فرش الدرب نوار وفرهد بيوتنا خدار بى طلتك برجع الفات تلقائيا ونفرح بى طلتك قبل الجاى تسلم يا سقف الاهل شكرا رويانة طل
| |
|
|
|
|
|
|
Re: *** فات الفوات *** (Re: soma)
|
وبقيت اتاوق من بعيد افتش الدرب العتيق الكل مقبل من طريق حتى الفريق فرتق بيتو عرق .. عرق اتشلع السقف المرق ... يالمة فتشى فى الزحام يا غيمة جمعى المطر الغمام وياامة لملمى سمح الكلام
| |
|
|
|
|
|
|
Re: *** فات الفوات *** (Re: soma)
|
يا عافية اغشيى الدغش خشم البيوت.. قبال نفوت ادى الصغار لمسة شفا واتصبرى ادى الكبار دفة حنان و كملى المشوار عشا لمينا بى نية الدفا وغطينا ياعافية الوفــــــــــا
| |
|
|
|
|
|
|
Re: *** فات الفوات *** (Re: soma)
|
يا مطر اهدى الدعاش رشة صباح واهدى الفريق غيمة ضهر تغرق مطاميرنا العصر الموجة ترقص فى البحر والفرحة تكبر فى الحكر يا يمة جاى يا خالة جاى ويااااا مطر اهدينا افراحنا البكر
| |
|
|
|
|
|
|
Re: *** فات الفوات *** (Re: soma)
|
Quote: مطر اهدى الدعاش رشة صباح واهدى الفريق غيمة ضهر تغرق مطاميرنا العصر الموجة ترقص فى البحر والفرحة تكبر فى الحكر يا يمة جاى يا خالة جاى ويااااا مطر اهدينا افراحنا البكر |
الاخت سوما ....
تباريخ خريفية
اعتقد انها للشاعر (هاشم صديق) رغم انى غير متأكده من شاعرها ولكن اعجبتنى كلماتها .. فقط اهديك ياسوما تلك الكلمات ... ولكل المرور الكرام وليبقى شاعرها ... هو الشخص الجميل الذى كتبها لنا ...
فيها يقول
خوفى من حزن الدعاش وش المرايا موت حنين الاندهاش ..... خوفى من مطراً نزيف صوم البذور من رشفه من مطر الخريف وتضيعي في رمل الزمان واركب أنا سفر الطناش خوفي من هبة نسيم يعلن على الدنيا الخريف عارف انا وفاهم انا جنس العلاقة بين سحابو وذكريات زمن النزيف ............ هل كان وحل ولا انقطاع شريان حنين قبال يصل يمكن صيام من جمره في برد القبل او السلالم للسقوف المافي حضنا مال عليها ولا امل فيها انتكل ولا انتحار نفس الكلام نص النهار والوحشة في حضن العسل ام انكسارات المسافة بين رمالك والخريف والرجة في وهم السكون والخجة فى السفر العنيف
شجن الدعاش حزن الحقائب والرصيف جن القطارات لا بتسافر لابتقيف حلم الجعان وكتين يسبح للرغيف بلل المناديل من مسامات الحنين ورد المناسج بى ابر كفا شفيف المحبة تستقيل من فيضا تبقى رماد وحبه المحكات الدواير المحاور الخناجر والنزيف ...... خوفى من حزن الدعاش وش المرايا موت حنين الاندهاش خوفى من مطرا عنيف يعمى العيون والرؤيا تقصر في الغباش
لك خالص الود سوما ...
| |
|
|
|
|
|
|
Re: *** فات الفوات *** (Re: soma)
|
ألأخت/سوما
Quote: نشف الكلام وسط الحلق جف العرق نشف جريدنا والورق والجوف فتر والجاى حار و طعمو مر
|
نسأل الله أن يجعل القادم بارد وشكلو يسر..
متين نرتاح...
شليل وينو اكلو التمساح
وبقت الجراح....مضروبة بى أخطر سلاح
الفقر.والحزن والجفا ف وموت البهائم مراح مراح..
مودتى... إسماعيل محمد احمد عباس..........
| |
|
|
|
|
|
|
Re: *** فات الفوات *** (Re: حمزاوي)
|
Quote: وبقيت ممحن في الكلام الحلو ده لك تحياتي |
العزيز شوقى سليمان مااصلو طلتك بتمحن حروفنا وتدهشا كيفن ترص سمح النضم لى زول غشاها وفرفشا طلتك لينا جابت خريفنا باكرية اهديك كل المعانى فى الحروف شكرا نديانة من ورق الجروف
| |
|
|
|
|
|
|
Re: *** فات الفوات *** (Re: soma)
|
Quote: أن في الصمت كلاماً ولا نعتبرها كلام ذا غصة |
بين خبايا الشوق مساحة للصخب والفرح الخرافى وبى طلتك يا خال تتجمع كل الصفات السمحة وتنجلى الغمه وتتلاشى العبرات ويا هلا ومرحبا بى زمن المسرات وحباب الخال طويل البال شكرا الخال حمزاوى شكرا رقصة نوبية
| |
|
|
|
|
|
|
Re: *** فات الفوات *** (Re: soma)
|
Quote: وبقيت ممحنة فى الحلق الطقطق الوجع السكات صارى النضم حفنة وهم جوة الحشا .. والباقى مات كومين رماد مكشوحة فى الدرب البساسق لى الممات ..و فات الفوات فات الفوات لى زول غرق نص النهار كسر المرق لى جد ضرير يتم بسيمات الصغار شلهت بيوت فرشت بكاها للكبار والعصافير النفير كيفن تطير ركت تنقر فى الحجار كتح عشيشاتها الغبار دمدم شديراتها الدمار والشكوى سارجة النيل مسار نص النهار... شال الصفار لون الخدار حتحت صفيقات الجروف والموجه تردح فى الخلا مكسورة خاتر ومكسرا النيل تعب ..شد الضهر لليل شكا .. لامن بكا واليوم طويل ..فاقد الدليل وفضلت ابحلق فى الخلق مشدوهه بى شيتا كتر نضما كتر .. والصف طويل .. والزمن ممحوق قليل لا ضل ضحى ونومة ضهر لا كوم نجوم لاضى قمر شليل وين راح ..ودع ختر لا يوم طويل وتعب سفر والجهال تحت الشدر حتى الحراز فقد المطر وفضلت ابحلق فى القريب حتى البعيد .. مد البصر الكل ملجم من طرف الا من شيتا كتر نضما كتر نشف الكلام وسط الحلق جف العرق نشف جريدنا والورق والجوف فتر والجاى حار و طعمو مر |
إنتقائية مميزة أبرزت أن الحرف لا يقل حدة فى النفاذ فجاء معبرا يتلقفه الاحساس قبل العين ...
Quote: يالمة فتشى فى الزحام يا غيمة جمعى المطر الغمام وياامة لملمى سمح الكلام |
دعوة ليتها تجد من يلفها برفق ويضعها فى الخاطر ...
سلمتى يا ام رامى
| |
|
|
|
|
|
|
Re: *** فات الفوات *** (Re: الفاتح الجنيد)
|
Quote: إنتقائية مميزة أبرزت أن الحرف لا يقل حدة فى النفاذ فجاء معبرا يتلقفه الاحساس قبل العين ...
|
انت كمان خلي لينا كلام نقولو لسوما دي .. شنو الاحتكار ده ؟؟؟
تسلمي والله يا سوما وبالجد كلام رجعنا لوراء كتييييييييييييييير ..
ضل الضحى وعنقريب هبابي وشاي احمر كبابيه مبخرة بمستكة ..
كلامك زي المسك يا بت الاصول ..
| |
|
|
|
|
|
|
Re: *** فات الفوات *** (Re: soma)
|
ياسلام شوقنا ليكم بحر دميرة كلامك سمح سماحة فايته الحد نرجو الا تغيبى طويلا ونتابع حروفك وبوستاتك بكل اعجاب وقابلت كثيرا من الاحبة يسالون عنكم باستمرار خاصة العم الصادق المبارك شفاه الله سمع انكم فى الرياض وقام يفتش ليكم حتى الساعات الاولى من الصباح حتى علم انها مزحة من زول ممسوخ . تحياتى عبرك لى الحبيب ود البلد الاصيل رفيق الدرب ابو رامى ام الصادق ما عندها خبر بهذا الابداع بتحلق سريع بعد ان يصلها الخبر السمح ننتظر عمرتكم الصيفية دام ودكم
| |
|
|
|
|
|
|
Re: *** فات الفوات *** (Re: مهدى الصادق السيد)
|
Quote: ياسلام شوقنا ليكم بحر دميرة كلامك سمح سماحة فايته الحد نرجو الا تغيبى طويلا ونتابع حروفك وبوستاتك بكل اعجاب وقابلت كثيرا من الاحبة يسالون عنكم باستمرار خاصة العم الصادق المبارك شفاه الله سمع انكم فى الرياض وقام يفتش ليكم حتى الساعات الاولى من الصباح حتى علم انها مزحة من زول ممسوخ . تحياتى عبرك لى الحبيب ود البلد الاصيل رفيق الدرب ابو رامى ام الصادق ما عندها خبر بهذا الابداع بتحلق سريع بعد ان يصلها الخبر السمح ننتظر عمرتكم الصيفية دام ودكم |
يا سلام على ندواة الحروف وصدق الكلمة المارقة من الجوف لكن ما غريبة كونها تجى من ابو الصادق اخوى مهدى ود القبائل اب خيرا كتير مو مايل لملمت كل المعانى السمحة وجمعت كل الخصال ربى يديكم الصحة انت وام الصادق والوليدات الحنان تحية لكم منبعها القلب .. والشوق دافر تحية خاصة لامنا الحنينة وابقوا عليها عشرة التحية والتقدير والامنيات الطيبة لعمنا الصادق المبارك يا ليت تتكرر لمتنا السمحة بى وجودكم وطيبة قلوبكم شكرا للطلة السمحة يا دخرينا تسلم ابو الصادق
| |
|
|
|
|
|
|
Re: *** فات الفوات *** (Re: soma)
|
الشاعرة سوما تحية طيبة
Quote: والعصافير النفير كيفن تطير ركت تنقر فى الحجار كتح عشيشاتها الغبار دمدم شديراتها الدمار والشكوى سارجة النيل مسار نص النهار... شال الصفار لون الخدار حتحت صفيقات الجروف والموجه تردح فى الخلا مكسورة خاتر ومكسرا النيل تعب ..شد الضهر لليل شكا .. لامن بكا واليوم طويل ..فاقد الدليل |
Quote: والعصافير النفير كيفن تطير ركت تنقر فى الحجار كتح عشيشاتها الغبار دمدم شديراتها الدمار والشكوى سارجة النيل مسار نص النهار... شال الصفار لون الخدار حتحت صفيقات الجروف والموجه تردح فى الخلا مكسورة خاتر ومكسرا النيل تعب ..شد الضهر لليل شكا .. لامن بكا واليوم طويل ..فاقد الدليل |
كلمات مباشرة ومعبِّرة عن حالنا المايل ، والغربان لا تمل النعيق ....
لا لم يفت الفوات طالما كان هنالك من يذكِّر الجميع بسماحتنا لعل وعسى .
| |
|
|
|
|
|
|
Re: *** فات الفوات *** (Re: أبوبكر أبوالقاسم)
|
Quote: لا لم يفت الفوات طالما كان هنالك من يذكِّر الجميع بسماحتنا لعل وعسى . |
ابو بكر يا جميل .. سلامات
اديتنى احساس الامل والانتعاش وبشارة الخير.. ربى يسعدك وين ما تقبل طلتك براها فرحة كبيره شكرا لا تكفى يا نبيل ياالصفقة والوش السمح ياخضرة يوم يحكيها نيل
| |
|
|
|
|
|
|
Re: *** فات الفوات *** (Re: soma)
|
Quote: وليبقى شاعرها ... هو الشخص الجميل الذى كتبها لنا ... |
ناهد الحبيبة وتبقى انتى الاجمل دوما بطلتك الحنينة والاهداء الجميل زيك سلتمى يا غالية.. ويسلم الكلام المدوزن ورائع
| |
|
|
|
|
|
|
Re: *** فات الفوات *** (Re: soma)
|
Quote: نسأل الله أن يجعل القادم بارد وشكلو يسر..
متين نرتاح...
شليل وينو اكلو التمساح
وبقت الجراح....مضروبة بى أخطر سلاح
الفقر.والحزن والجفا ف وموت البهائم مراح مراح..
مودتى... إسماعيل محمد احمد عباس.......... |
العزيز اسماعيل عباس كلامك مدوزن وموزون واحساسك دائما عالى يا اصيل مداخلتك عندى مميزه . اردد معاك الفال السمح والامنيات بالجاى اسمح وانقى شكرا على الاطلالة التانية شكرا نيلين
| |
|
|
|
|
|
|
Re: *** فات الفوات *** (Re: soma)
|
Quote: دعوة ليتها تجد من يلفها برفق ويضعها فى الخاطر ...
سلمتى يا ام رامى |
وسلمت انت يا ابو رامى على التعبير البليغ الطلة فرحت كل الدواخل ابتهلت الاحاسيس فى صمت ليتك تعود من تانى لك التحية بعمق الاحساس الجوة
*** بدون تعليق يا علاء حيمورة
| |
|
|
|
|
|
|
Re: *** فات الفوات *** (Re: soma)
|
Quote: انت كمان خلي لينا كلام نقولو لسوما دي .. شنو الاحتكار ده ؟؟؟ |
طبعا يا علاء ضحكت ناس البيت كلهم
Quote: تسلمي والله يا سوما وبالجد كلام رجعنا لوراء كتييييييييييييييير ..
ضل الضحى وعنقريب هبابي وشاي احمر كبابيه مبخرة بمستكة ..
كلامك زي المسك يا بت الاصول .. |
تسلم يا انت يا ود القبائل اب خيرا ديمه جارى وسايل انت لانك من اللمة وبطن الاهل احساس دائما حنين زيهم ربى يسعدك ديمة يا ود حيمورة تحياتى عبرك لكل الاهل شكرا لمة سمحة زى لمتنا المعاكم فى الرياض
| |
|
|
|
|
|
|
Re: *** فات الفوات *** (Re: soma)
|
المرهفه سوما
تحيات عاطرات جميل كلامك كعهدنا به و بك تبللين جفاف أيامنا و ترطبين هجير الغربه الذى نكابد ، تحياتى عبرك لأبو رامى و تمنياتى الطيبات .
| |
|
|
|
|
|
|
Re: *** فات الفوات *** (Re: soma)
|
Quote: يا مطر اهدى الدعاش رشة صباح واهدى الفريق غيمة ضهر تغرق مطاميرنا العصر الموجة ترقص فى البحر والفرحة تكبر فى الحكر يا يمة جاى يا خالة جاى ويااااا مطر اهدينا افراحنا البكر |
يسلم حرفك ثومه حبيبه والله يجيبك يافرح الله يجبيك الله عليك حبيبه الله عليك انتى انسانه جميله جدا تسلمى يارب من كل شــر ...
| |
|
|
|
|
|
|
Re: *** فات الفوات *** (Re: Mohamed Suleiman)
|
Quote: المرهفه سوما
تحيات عاطرات جميل كلامك كعهدنا به و بك تبللين جفاف أيامنا و ترطبين هجير الغربه الذى نكابد ، تحياتى عبرك لأبو رامى و تمنياتى الطيبات . |
مصدق الانسان الفنان جميل مرورك .. والاجمل تعبيرك الندى احساس الفنان دائما مميز وتعبيرك انت يا مصدق بدينى احساس الهدوء والراحة تسلم اخى العزيز سلامك للاسره وصل والاسره بدورها ترسل ليك اطنان من السلام والود شكرا جميلة زى لوحاتك المعبرة
| |
|
|
|
|
|
|
Re: *** فات الفوات *** (Re: soma)
|
Quote: يسلم حرفك ثومه حبيبه والله يجيبك يافرح الله يجبيك الله عليك حبيبه الله عليك انتى انسانه جميله جدا تسلمى يارب من كل شــر ... |
تسلمى انتى يا ماجدة الحنينة من كل بلا ان شاء الله لانك جميلة بتشوفى كل الحواليك روعة واصل الروعة نابع من بين طياتك جمال روحك بنعكس على الجميع خليك قريبه وما تبعدى قربك محنة وشوقك حنين شكرا مجود شكرا نيلين
| |
|
|
|
|
|
|
Re: *** فات الفوات *** (Re: khaleel)
|
Quote: سومة
ما تخليها فات الاوان
بتكون اجمل |
خليل يا جميل ..يا جميل هو فى احلا منها ؟؟ اختيار موفق فى زمن وجيز تسلم خليل على الاهداء الجميل
| |
|
|
|
|
|
|
Re: *** فات الفوات *** (Re: لؤى)
|
Quote: سوما العزيزة مساء الخير
الأخ خليل قرأ أفكاري تماماً ولو لا مُداخلته لكتبت لكِ ما كتب ودعيني أهديك ما أهداك بالصُّوت عساها تكون خلفيّة تناسب جمال حروفك الزّاهية |
مساك الله بى خيرو يا لؤى تسلم يا ضى شبابيكنا ويسلم ذوقك وحسك العالى
خليل ما قصر والله كتر خيرو وانت معروف باللحن الجميل ونحن علينا الاستماع بمزااااااااج شكرا نغم طروب
| |
|
|
|
|
|
|
Re: *** فات الفوات *** (Re: soma)
|
انا غايتو بطرب لردودك
لحنها مميز .. كماتها معتقة .. بحس بيك وقتها انتي زاتك مرتبة ..
ما تحرمينا من النصوص والردود
تسلم الاصالة ..
| |
|
|
|
|
|
|
Re: *** فات الفوات *** (Re: soma)
|
Quote: حتى الحراز فقد المطر وفضلت ابحلق فى القريب حتى البعيد .. مد البصر الكل ملجم من طرف |
يا سلاااام تسجيل حضور فى واحة الشعر الجميل
شكرا سوما...
| |
|
|
|
|
|
|
Re: *** فات الفوات *** (Re: محمد عثمان)
|
Quote: انا غايتو بطرب لردودك
لحنها مميز .. كماتها معتقة .. بحس بيك وقتها انتي زاتك مرتبة ..
ما تحرمينا من النصوص والردود
تسلم الاصالة .. |
وانا يعلم الله طلتك بتسر بالى يعجبك جديد وليداتك زى ما بقولو اهلنا صراحة يا علاء يا خوى انا بحب مفردات اهلنا البسيطة تحسها تنفذ للدواخل دون استئذان بحاول اجمعها من صغرى وبحسها جوه فى ضلوعى بعجبنى لما نجى اجازه وتحضنى خالة ولا عمه ولا جارة من حلتنا تعصرنى عليها جوه وتسلم يا حليكم يا مصارينى انتو جيتو ؟؟ والله يا علاء الكلام ده جد بحسو اكتر من انى اسمعو تسلم يا ود القبائل كتر خيرك على طلاتك السمحة فى الصباح الجميل ده بقول ليك شاحده الله ربى يرضيك لما يكفيك والسعاده تبراك وين ما تقبل والعافية تدمدمك وتبقالك هدم يا ود العم وشكرا محنة حبوبات
| |
|
|
|
|
|
|
Re: *** فات الفوات *** (Re: soma)
|
Quote: يا سلاااام تسجيل حضور فى واحة الشعر الجميل
شكرا سوما... |
هلا بيك اخوى محمد عثمان وين الغيبة .. بعدك الزمان ان شاء الله طيب وفى امن وامان حضورك يسعدنى ويشرفنى جدا تسلم يا كريم على الحضور الجميل
| |
|
|
|
|
|
|
Re: *** فات الفوات *** (Re: soma)
|
الحبيبة سوما
...
نفسي فى داخلك اعاين أروي روحي واشوف منابعك
..
انشاءالله مايكون فات الفوات؟؟
..
ليك الحب .. بقدر احساسك وانفاسك
| |
|
|
|
|
|
|
Re: *** فات الفوات *** (Re: soma)
|
استاذة / اسماء الجنيدابية التحايا
Quote: *** فات الفوات *** |
وكيف يفوت الفوات مادام هناك من يصر ان يزرع كل يوم في دواخلنا الامل....... ويبدع الجديد ...الجميل انتقائية رائعة للكلام وتدفق مريح للحروف....... وملكة شعرية تستحق الانحناء ------ كل الاحترام والتقدير هارون دياب
| |
|
|
|
|
|
|
Re: *** فات الفوات *** (Re: haroon diyab)
|
Quote: الحبيبة سوما
... نفسي فى داخلك اعاين أروي روحي واشوف منابعك
.. انشاءالله مايكون فات الفوات؟؟
.. ليك الحب .. بقدر احساسك وانفاسك |
اسوية الحنينة ونفسى فى ضمة يمة تخم روياحتنا سوا وفيها شمة تتعتق الانفاس محنة نروى المشاعر بالحنان ونوكر الاحساس لى جوة وليك انتى يا غالية الود بقدر معزتك فى القليب شكرا ريدة معتقة
| |
|
|
|
|
|
|
Re: *** فات الفوات *** (Re: عبود عبد الرحيم)
|
Quote: وكيف يفوت الفوات مادام هناك من يصر ان يزرع كل يوم في دواخلنا الامل....... ويبدع الجديد ...الجميل انتقائية رائعة للكلام وتدفق مريح للحروف....... وملكة شعرية تستحق الانحناء ------ كل الاحترام والتقدير هارون دياب |
اخى هارون سلام معتق بى نفس اهلنا الهناك الامل بريقو شالع من بين طيات حروفك النيرة اضئت كل دروبى بمعانيك الثرة وجعلت من يومى كرنفالات فرح وسرور التحية والانحناءة لك اخى الحنين وشكرا غيمة ومطرتين
| |
|
|
|
|
|
|
Re: *** فات الفوات *** (Re: عبود عبد الرحيم)
|
Quote: الاستاذه أسماء الجنيد تحياتنا ... مزيدا من الابداع والامتاع ... |
عبود عبد الرحيم حبابك واليوم السعيد اللينا جابك لك التحية والتقدير قدر فرحى بطلتك السمحة الابداع لا يكتمل الا بى وجودكم شكرا لا تكفى على الاطراء والتحية الندية شكرا قطرات الندى
| |
|
|
|
|
|
|
Re: *** فات الفوات *** (Re: soma)
|
Quote: والعصافير النفير كيفن تطير ركت تنقر فى الحجار كتح عشيشاتها الغبار دمدم شديراتها الدمار والشكوى سارجة النيل مسار نص النهار...
|
التحية لكي وانتي تسبحي في بحور الشعر
ابومصطفى
| |
|
|
|
|
|
|
Re: *** فات الفوات *** (Re: keiga2000)
|
Quote: وبقيت ممحنة فى الحلق الطقطق الوجع السكات صارى النضم حفنة وهم جوة الحشا .. والباقى مات كومين رماد مكشوحة فى الدرب البساسق لى الممات ..و فات الفوات فات الفوات لى زول غرق نص النهار كسر المرق لى جد ضرير يتم بسيمات الصغار شلهت بيوت فرشت بكاها للكبار والعصافير النفير كيفن تطير ركت تنقر فى الحجار كتح عشيشاتها الغبار دمدم شديراتها الدمار والشكوى سارجة النيل مسار نص النهار... شال الصفار لون الخدار حتحت صفيقات الجروف والموجه تردح فى الخلا مكسورة خاتر ومكسرا النيل تعب ..شد الضهر لليل شكا .. لامن بكا واليوم طويل ..فاقد الدليل وفضلت ابحلق فى الخلق مشدوهه بى شيتا كتر نضما كتر .. والصف طويل .. والزمن ممحوق قليل لا ضل ضحى ونومة ضهر لا كوم نجوم لاضى قمر شليل وين راح ..ودع ختر لا يوم طويل وتعب سفر والجهال تحت الشدر حتى الحراز فقد المطر وفضلت ابحلق فى القريب حتى البعيد .. مد البصر الكل ملجم من طرف الا من شيتا كتر نضما كتر نشف الكلام وسط الحلق جف العرق نشف جريدنا والورق والجوف فتر والجاى حار و طعمو مر اسماء الجنيد / مسقط 15/6/2008 |
Quote: والعصافير النفير كيفن تطير ركت تنقر فى الحجار كتح عشيشاتها الغبار دمدم شديراتها الدمار |
الأخت الفاضلة / أسماء الجنيد ( سوما دهل البنيات ) تحياتنا طيبات سلام تطلي علينا بإبداع جديد مولده حزين ( فات الفوات ) ويا الحزن المعشعش فينا من بطون أماتنا قبل طلوعنا نستنشق أول نسمة هواء. صار طبعنا الحزن ونعشقة حد الثمالة.. تطربنا الكلمات الحزينة نذوب فيها وحتى لو تغمرنا السعادة. نهيم فيها ( الكلمة الحزينة ) هل هو طبعنا أم قدرنا أم ماذا ؟؟ قال القدال الحزن المالح عطّن فرح الحلّه في ليلة الدخلة الحزن المالح قطع الخرزة وقلع الرشمة
تحياتنا طيبات لك ومودتنا
خالد
| |
|
|
|
|
|
|
Re: *** فات الفوات *** (Re: خالد علي محجوب المنسي)
|
التحية لكي وانتي تسبحي في بحور الشعر
ابومصطفى
سلام ابو مصطفى كيفنك وكل الاهل ان شاء الله طيبين وتامين وسالمين لك التحية انت اخى ممتده قدر المسافات البينا وقدر معزتك الغالية يا ود ملوك النيل تسلم على الاضافة الجميلة والاحساس العالى شكرا غنوات
| |
|
|
|
|
|
|
Re: *** فات الفوات *** (Re: soma)
|
لأخت الفاضلة / أسماء الجنيد ( سوما دهل البنيات ) تحياتنا طيبات سلام تطلي علينا بإبداع جديد مولده حزين ( فات الفوات ) ويا الحزن المعشعش فينا من بطون أماتنا قبل طلوعنا نستنشق أول نسمة هواء. صار طبعنا الحزن ونعشقة حد الثمالة.. تطربنا الكلمات الحزينة نذوب فيها وحتى لو تغمرنا السعادة. نهيم فيها ( الكلمة الحزينة ) هل هو طبعنا أم قدرنا أم ماذا ؟؟ قال القدال الحزن المالح عطّن فرح الحلّه في ليلة الدخلة الحزن المالح قطع الخرزة وقلع الرشمة
حباب اخوى ود المنسى طلتك ميلاد جديد وامل باكر الاحساس بالحزن والشجن اخوى خالد موكر فينا حد النخاع غرقانين دموع وموشحين حزن ومخنوقين عبرات والبسمه تعلو الوجوه النيره احساس ممزوج بطعم الشهد ومرارة الفراق والرحيل القدر مكتوب علينا نتلذذ طعم العذاب والالم بعادنا وسفرنا وهجرتنا القسرية هى نقطة البداية الذكريات الجميلة حين تمر بمخيلتك وانت بعيد عن الاهل والاحباب والصحاب الا من مهاتفات لا فيها ضمة ولا ريحة من يمة احساس حزين موشح بالحرمان تحس انك لا فرق بينك وبين ابنك الرضيع الذى يعلو صراخه كل ما حن او اشتاق لثدى امه.. نحن نحتاجهم .. لحظة حزن لحظة فرح فى بداية كل يوم فى كل ذكرى جميلة فى رمضان وذكريات الاحبة والجلسة فى الديوان فى صباح العيد ومطايبة الاهل فى الفريق فى كتير من حياتنا اليوميه اصبحنا نشتاق الحزن الذى ادمناه لانه هو ملاذنا اخى خالد والواحة التى نفرغ فيها دموعنا فى كل لحظه حزينة اهديك وكل المتداخلين باقى الفرح الفضل والجاى شكرا خالد قدر صفاء كل القلوب ودعواتى ربى يفرحك ديمة
| |
|
|
|
|
|
|
Re: *** فات الفوات *** (Re: soma)
|
عز المطر الهاطل جوووووووووووو ندهتك وانت هناك في الجوف بتلالي تعالي نزيد المطر الهاطل
ونكتب اجمل كلمة اتقالت بين اتنين
| |
|
|
|
|
|
|
Re: *** فات الفوات *** (Re: د.محمد حسن)
|
Quote: عز المطر الهاطل جوووووووووووو |
وساعة البرق البشلع ضوو وحين الغيمه تضلل فوقنا الجو سمانا تقطر .. وتنزف شوووو فى ديك الساعة يغازل القيف السيل الجارف ويركع تحتو الشدر الوارف يلثم خد الزهر العامر طل يقالد الفرع التانى نديدو ويسرح بينهم ضل
| |
|
|
|
|
|
|
Re: *** فات الفوات *** (Re: معتصم دفع الله)
|
يا سلااااااااااااام .. ( مارقة من الجوف ) .. على الكلام السمح وطاعم ..
الشوق بالكوم يا سوما ..
ويا سلام على طلة ود امى الحنين الشوق قمر دورين وفال سمحين طلتك الاسمح معتصم الحنين شوفتك براها فرحة كبيرة بركة الطليت واطمانينا عليك
ياخوى مالك الداسيك شنو ؟؟ كدى قول لى قبال ما اتصل بى ناس شتات وتمبس وابو وجيدة ويدونى الشمار الحار
شكرا معتصم شكرا قدر فرحنا بسمحك وجديدك
| |
|
|
|
|
|
|
Re: *** فات الفوات *** (Re: soma)
|
أسماء الجنيد الفنانه ,, مساك طيب ,,
الحلق طقطق وجع السكات والهم جو الحشا وكومين رماد وغرق نصة نهار وبيوت فرشت بكاها حتى النيل تعبتيهو لمن إشتكى !!
شنو الحكايه ياأسماْء ؟ يعنى لو ما كانت أمك معاك كنتى سويتى شنو ؟ إنشاء الله الجاى يبقى حلو وطعمو سكر ,,
تحياتى ,,
| |
|
|
|
|
|
|
Re: *** فات الفوات *** (Re: كمال سالم)
|
Quote: سوما يا نسمة دعاش مليان محنة وطيبة في الزمن الغباش..
لك التحية وأنتي تمنحينا دفء الحروف النبيلة
محبتي.. |
الحبيبة صفاء ... صافيةمعانى و سريرة.. وشايلة جواك المحنة كتيرة شوفتك شفا ..وفى حروفك وفا والشوق الجارى عليك محنتو نابعه بين يديك تسلمى يا غالية على الطلة الندية اهديتينى كل الورود النرجسية جد مشتاقين.. وين الغيبة ابقى طمنينا ومن طلاتك ما تحرمينا تحيات طيبات لك وللاسرة الكريمة وشكرا يمة غرقانة محنة
| |
|
|
|
|
|
|
Re: *** فات الفوات *** (Re: soma)
|
Quote: أسماء الجنيد الفنانه ,, مساك طيب ,,
الحلق طقطق وجع السكات والهم جو الحشا وكومين رماد وغرق نصة نهار وبيوت فرشت بكاها حتى النيل تعبتيهو لمن إشتكى !!
شنو الحكايه ياأسماْء ؟ يعنى لو ما كانت أمك معاك كنتى سويتى شنو ؟ إنشاء الله الجاى يبقى حلو وطعمو سكر ,,
تحياتى , ,[/ QUOTE]
ا حليلك يا كمال يا خوى .. والله انت حنين جنس محنة لسه متذكر انه امى معاى.. كيفنك انت وان شاء الله طيب آ نعم امى معاى ..لكن ياخوى الاحساس بالحاصل هناك مافى شىء بوقوفو بجى دافق براه انا زاتى البكتبو ما بقدر اوقفو ..ده شىء جوانى من الحقيقة الصعبة لكن دعوتك سمحة بالحيل ان شاء الله الجاى يبقى فعلا حلو وطعمو سكر زى ما قلت والله يحليها على الجميع ان شاء الله.. شكرا اخوى كمال على طلتك السمحة طلتك الحنينة وطاعمه شكرا سكر الجنيد
| |
|
|
|
|
|
|
Re: *** فات الفوات *** (Re: soma)
|
Quote: سوما !!!
فات الأوان ويا ريتو فات قبل الفوات ...
ما أروعك |
عطوف بت الطين والجروف ما اروعك انتى يا ست الحروف يا ريت ما بتنفع يا عطوفة دعواتنا ربنا يلم السمح الفضل ويجمع الشتات
| |
|
|
|
|
|
|
Re: *** فات الفوات *** (Re: خالد علي محجوب المنسي)
|
Quote: همس .. ورقة.. وعذوبة تتدفق في حنية كـأنما ملمس المخمل.. ملونة بأطياف الجمال.. لها شذا بضوع الخزامى ..أتابع
|
ابوبكر الشوق فى القليب محكر.. حبابك يا ضى خشم البيوت الكلام الجاى منك راوى من طين البحر والحنين الفى حروفك جارى زى سلا دفر غرقتنى يعلم الله برقة حديثك العذب تسلم انت وتسلم ايامك يا الدخرى تسعدنا الطلة وتدوم سعادتنا بمتابعتك يا ملك شكرا مارقة من الجوف ومعتقة بسمح الحروف
| |
|
|
|
|
|
|
Re: *** فات الفوات *** (Re: خالد علي محجوب المنسي)
|
Quote: سوما دهب البنيات سلااام وسلام أمني النفس أن تعلو مداخلاتنا قولة سلاام وتحية طيبة رغم عابوا علي ذلك .. في هذا الزمن الذي أنقلبت فيه كل موازين القيم والخُلق ( لا أعنيك يا أصيلة لكن حبيت التنويه فقط )
سومة بقول تاني سلاااام وتحية طيبة
|
حباب السلام .. وحباب سيد النضم التمام حاشاك العيب يا الخزين يا الديمه مالى العين خالد اخوى الزمن مقلوب والوجع بقى قدر مكتوب لكن اخى يجب الصمود .. فى وجه الفاققيع التى مهما انتفخت وحلقت فى السماء سراعا ما تتساقط كذرات صغيره تختفى فى الهواء ويبقى العقل الراجح والحقيقة الحكيمه باقيه رمزا لذاتها فلا تتاثر مهما حصل .. يوجد شواذ فى كل شىء يكفى من يعرفونك باصلك وفصلك مهما كانوا قلة .. التحية لك بقدر مكانتك فى القلوب يا خزائن فرحنا..
Quote: ما اروع ماقلتي.. جملة نرسمها بماء الذهب ونعلقها في صدورنا وشاح. تبصرنا نلتمس السبيل ..
الناس الحادّا علي الما مات الحي ومكفن الصبر جميل
والقلب الجريح الديمة ينزف في دِماهو أشرح ليّا بس وريني إيه ذنبو الجناهو
وأرمي الدمعة فوق الدمعتين يا عين وبعد الليلة حابساها الدموع لي مين
ياحزننا المعشعش فينا من قُبل يلدونا نرسم على جبينك بسمه ( كما قلتي ) ونصب أعيننا المقولة التي تقول
دنيا صغيرة ياعبدالرحمن غرارة أخرها كوم تراب وتحتو الجسم بنضارّه شن فايدة غنانا لصيدها واثاره مادام بكرة نرحل وتنقطع أخباره
وتبقى هي كلمة طيبة تجمعنا
تحياتي ومودتي سومة |
اخى خالد اقف عاجزه تماما مهما اتقنت التعبير ان اعقب على كلامك الدهب .. احلف صادقة لقد اوجزت ووفيت وكفيت لك الانحناءة .... اخى خالد احيانا تضيق العبارة اهديك الدهشة شكرا مطامير فرح
| |
|
|
|
|
|
|
| |