الى دومـة وكل من لف لفهـا.. مبروك نجاح سـوزانـا.

Post: #1
Title: الى دومـة وكل من لف لفهـا.. مبروك نجاح سـوزانـا.
Author: Abureesh
Date: 06-15-2008, 11:25 AM
Parent: #0

نجيكم وما تورونـا تلفوا كيف، عشـان نلف زيكم؟
غتاتة..

الف مبروك للنجاح المميـز للإبنـة سـوزانـا، وعقبال للإبن سـامى.

Post: #2
Title: Re: الى دومـة وكل من لف لفهـا.. مبروك نجاح سـوزانـا.
Author: doma
Date: 06-15-2008, 12:04 PM
Parent: #1

الاخ العزيز ابو الريش
شكرا علي التهنئه لبنتك سوزانه وعقبال فاطمه واخوانها
النتيجه ظهرت يوم الخميس 12 يونيو . في الاشهر السته الاخيره ما كنت قادره اتنفس ملء رئيتي .
غايتو تاني عندي فرقه ثلاث سنوات والدور يكون علي سامي .
الف شكر سيدي انا
وعقبال كل بناتنا واولادنا الممتحنين

Post: #3
Title: Re: الى دومـة وكل من لف لفهـا.. مبروك نجاح سـوزانـا.
Author: Abureesh
Date: 06-15-2008, 10:35 PM
Parent: #2

Quote: في الاشهر السته الاخيره ما كنت قادره اتنفس ملء رئيتي .

واضح واضح كان، من اللفتين الجبتيهم لينا ديلك.. تانى إلا طرقـة، لفـة ما تنفع.

لو قاعدين لحد نص سبعـة حنشوفكم إن شـاء الله.

Post: #4
Title: Re: الى دومـة وكل من لف لفهـا.. مبروك نجاح سـوزانـا.
Author: الطيب بشير
Date: 06-16-2008, 05:35 AM
Parent: #3

Hello dear Doma and Aba Abarreesh

Quote: الف مبروك للنجاح المميـز للإبنـة سـوزانـا، وعقبال للإبن سـامى.

Congrats

Post: #5
Title: Re: الى دومـة وكل من لف لفهـا.. مبروك نجاح سـوزانـا.
Author: doma
Date: 06-16-2008, 06:30 AM
Parent: #3

Quote: لو قاعدين لحد نص سبعـة حنشوفكم إن شـاء الله.

مما عندنا حظ
نص سيعه بنكون في المانيا

Post: #6
Title: Re: الى دومـة وكل من لف لفهـا.. مبروك نجاح سـوزانـا.
Author: Abureesh
Date: 06-16-2008, 07:59 AM
Parent: #5

Quote: نص سيعه بنكون في المانيا

واللاى يا معلم أى ملف تلف نلف وراك.. أوع تكتـر معانا.

Post: #7
Title: Re: الى دومـة وكل من لف لفهـا.. مبروك نجاح سـوزانـا.
Author: Omar Bob
Date: 06-16-2008, 09:07 AM
Parent: #6

سلامات يا ابو الريش
والف مبروك لسوزانا ومزيدا من النجاح
ومعليش يا استاذه دوما فاتتنا التهنئه في البوست الاول
لكن البوست ده مناسب جدا بما اني من لف لفك وكده

Post: #9
Title: Re: الى دومـة وكل من لف لفهـا.. مبروك نجاح سـوزانـا.
Author: doma
Date: 06-16-2008, 11:02 AM
Parent: #7

الاعزاء
ابو موحي تحياتي لام بشير
الزول الظريف عمر بوب
ابو رزانه العاجبانه
شاكرين للتهنئه .
وعقبال العندكم .

Post: #11
Title: Re: الى دومـة وكل من لف لفهـا.. مبروك نجاح سـوزانـا.
Author: doma
Date: 06-16-2008, 11:15 AM
Parent: #6

لكين يا معلم انت ما قلت الجماعه بجوا اول سبعه ودا كان الاتفاق
نحن حجزنا يوم 14 سبعه عشان مفروض نرتب امور البنيه المفارقانا .

Post: #8
Title: Re: الى دومـة وكل من لف لفهـا.. مبروك نجاح سـوزانـا.
Author: الرشيد البصيلى
Date: 06-16-2008, 09:52 AM
Parent: #5

.
.
.
ويييييييييين يا حكومة .... الخواجية عملتا ..... والله عافى منها .... وبعدين عندى ليك نكتة ...فى واحد شاف ليهو خواجيات وبعدين قام سأل قال : والله الناس ديل إيونو كلو كلو خدُر خدُر , مالو إيونو كدا.....قالو ليهو دى عيون الناس البصلحو العربات واللوارى وكدا ....أها قال بنقنقة كدا ... وهمهم ....سبحان الله ....يكونو أداف لئيونو دا هاجة ولا كدى أشان يشوف كويس ... يصلح أربات تمشى سريئ ولا شنو ؟؟؟

تخريمة
وبعدين تحكى النكتة دى لسوزانا لحدى ما نخرم عليكم بهناك ... والزولا دى ماها ساهلا .... وأكيد بتكون نايمالا فوق راى ...... بس قولى ليها الرشيد دايرو لساتك لعربيتو بتزحلقن تزحلق ... يمكن تقول ليك ساهلا ... مو بعيد ...عند الله وعندكم ...

وعقبال للعبد لله سامى .... وأن شاء الله تكونى انسترتى معاهو فى الأمانة الليلتى .

..

Post: #10
Title: Re: الى دومـة وكل من لف لفهـا.. مبروك نجاح سـوزانـا.
Author: doma
Date: 06-16-2008, 11:09 AM
Parent: #8

لول الزوله رايها قالت عايزه تقرا طب عشان تعالج اطفالنا الافارقه
بتي مركبه مكنه بشاشا وتراجي .
بخصوص العبد سامي للان ما سلمتوا الوصيه
لكين بناخد عليها فوائد 50 في الميه

Post: #12
Title: Re: الى دومـة وكل من لف لفهـا.. مبروك نجاح سـوزانـا.
Author: Abureesh
Date: 06-16-2008, 12:36 PM
Parent: #10

Quote: نحن حجزنا يوم 14 سبعه عشان مفروض نرتب امور البنيه المفارقانا .

خلاص خشينـا فى الإشـتوديـوم كوليق والرفرات.. ثقتنا فيها كبيرة وإن شاء الله من نجاح لنجاح.
14 سبعـة.. طيب.. إن شـاء الله نشوفكم قبال التاريخ دا.. والقراصـة القاطعاهـا من راسك دى حنأكلها تانى.

Post: #13
Title: Re: الى دومـة وكل من لف لفهـا.. مبروك نجاح سـوزانـا.
Author: Raja
Date: 06-16-2008, 07:39 PM
Parent: #12

ألف مبروك للأميرة سوزانا النجاح البيملأ العين ويسر القلب

دوما يا حبيبة إن شا الله تشوفي نجاحهم وسمحهم.. هم واولادهم وأولاد أولادهم.. وباركي للحاج دوم كمان

شكرا أبو الريش.. وتسلم

Post: #15
Title: Re: الى دومـة وكل من لف لفهـا.. مبروك نجاح سـوزانـا.
Author: doma
Date: 06-17-2008, 02:57 AM
Parent: #13

رجويه الحببيه شاكره للتهنئه
وبلغت حاج دوم تهنئتك
وبشكرك كثيرا
يا راقيه

Post: #14
Title: Re: الى دومـة وكل من لف لفهـا.. مبروك نجاح سـوزانـا.
Author: doma
Date: 06-17-2008, 02:55 AM
Parent: #12

Quote: والقراصـة القاطعاهـا من راسك دى حنأكلها تانى.

لووووول بقيت فنانه فيها تصدق؟؟؟

اسال الرشيد البصيلي

Post: #16
Title: Re: الى دومـة وكل من لف لفهـا.. مبروك نجاح سـوزانـا.
Author: حيدر حسن ميرغني
Date: 06-17-2008, 03:49 AM
Parent: #14

Quote: بتي مركبه مكنه بشاشا وتراجي

ام ضراع 2 يعني؟

__
مبروك النجاح

Post: #17
Title: Re: الى دومـة وكل من لف لفهـا.. مبروك نجاح سـوزانـا.
Author: doma
Date: 06-17-2008, 03:53 AM
Parent: #16

Quote: ام ضراع 2 يعني؟

لو وووووول غايتوا بس من غير ضرعات خالتها تراجي
شاكره تهنئيك يا حيدر عقبال عندكم

Post: #18
Title: Re: الى دومـة وكل من لف لفهـا.. مبروك نجاح سـوزانـا.
Author: Abureesh
Date: 06-17-2008, 06:34 AM
Parent: #17

Quote: لووووول بقيت فنانه فيها تصدق؟؟؟

ياخ والله انتى زولة عجيبـة خلاص..

يقولوا ليك خالـة ما تزعلى.. ينادوك حبوبة تفرحى.. يقولوا ليك
قاطعة القراصـة من راسك ساى تقولى الأن بقيتى فيها فنانة (إعتذار مهذب)!!!

Post: #19
Title: Re: الى دومـة وكل من لف لفهـا.. مبروك نجاح سـوزانـا.
Author: الرشيد البصيلى
Date: 06-17-2008, 01:35 PM
Parent: #14

Quote: Quote: والقراصـة القاطعاهـا من راسك دى حنأكلها تانى.

لووووول بقيت فنانه فيها تصدق؟؟؟

اسال الرشيد البصيلي

والله بينى وبينك قراصتك كاربة جنس كربة .... وانا بدور لى منها حُرف بالملاح الأبيض ... أما الأخ سامى والله تلومتى فى حقه ... الفوائد ساهلة بس انتى ادى الزول حقو قبال هو كمان ما يطلب عليها فوائد تبقو لى انتى وولدك زى المنشار طالعين تاكلو نازلين تاكلو .... وبعدين الخواجات بحسبوها صاح ... والزول الشويطين دا أكان قام بالنكاسات بودينا كلنا الأفارقة انا وانتى التوج .... أحسن تتخارجى منو بسلامتك .....

....

تخريمة

الجماعة داقاهم ليك مطرة ومكوفرين تب ... أها وهم ماشين مرولم ببيت واحد من الجماعة القاعدين فى الخلا مع البهايم ... اها الراجل قام قال ليهم : لا هول ولا قوة إلا بالله ... المترة دا ما تأباكم شديد وانت اكيد جئانين ... قالو ليهو والله جئانين .... قال ليهم تيب اقعدو دايرة .... الجماعة قعدو دايرة .... قال ليهم كنجلو إدين (( يعنى يجهزو ايديهم )) الجماعة جهزوا ...وكنجلو يدينهم وجاهزين راجين العصيدة الحارة عشان يدورو .... قام عاين ليهم بسخرية وقال ليهم .... هع والله لو لقيتو عصيدة حارة تتعبوها جنس تعب .... وهو ما عندو ولا حاجة .... والجماعة اخلاقهم جات فى نخرتم ...

نحنا لما نجيك ما تعملى جنس العملة دى .... وما عهدناك .... جهزيها وقوزيها ونحن بكواريقنا جاهزين ...

Post: #20
Title: Re: الى دومـة وكل من لف لفهـا.. مبروك نجاح سـوزانـا.
Author: Abureesh
Date: 06-17-2008, 03:31 PM
Parent: #19

Quote: والله بينى وبينك قراصتك كاربة جنس كربة

Wo zhi dao

فعلا يا الرشيـد.. خصوصـا فى رمضـان.

Post: #21
Title: Re: الى دومـة وكل من لف لفهـا.. مبروك نجاح سـوزانـا.
Author: doma
Date: 06-18-2008, 03:50 AM
Parent: #20

Quote: ياخ والله انتى زولة عجيبـة خلاص..

يقولوا ليك خالـة ما تزعلى.. ينادوك حبوبة تفرحى.. يقولوا ليك
قاطعة القراصـة من راسك ساى تقولى الأن بقيتى فيها فنانة (إعتذار مهذب)!!!

لوووووول العزيز ابو الريش

تصدق بالجد قاطعاها من راسي انت عارف ياابو الريش انا اتعلمت( اوقد الدوكه )وعمري عشره سنين واعوس كسره يقدموها لاجعص ضيف بعين قويه وبالتدريج بقيت اعوس كسره متل ورق السجايروبارعه في عمل جميع المفاريك من ورق , خدره ,سبروق , باميه ناس الخرتوم ولا ام بقبق اللت اهلي . العصيده وتعرف عندنا باللقمه وحتي قبه قريتنا يرقد فيها رجل من اهلي الرازقيه يسمي الشيخ صالح جبل اللقمه . اما القراصه هي من موروثات الوالده وبياكلوها بالمفروك وبالتقليه ولا تصنع في بيتنا الا ناكلها مجامله لاهل امي ان قدموها لنا ونفضل عليها العصيده او الكسره ولو بمويه وملح . ثم تعلمنا اكلها بالتركين مع اهلنا الدناقله ويالها من وجبه شهيه . لكين طبعا تلك قراصه اصل بلادها وقمحها بلدي مدقق في الطاحونه بي قشرتو وبرموها فوق الدوكه .
تبدل الزمان وفارقت دوكتي والتكل ومرقتها في بلد الفرنجه وغير الفرنجه التقيت قبل اربعه سنوات شباب من السودان بالمانيا في نفس المدينه التي اسكنها المهم خبرتني ابنتي اولا انها تعرف ابنه احد السودانيين بنفس المدرسه وتحدثت اليه في التلفون وفي احد االمرات احضر ابنته الينا فاستقبلته عند الباب وكعادتي سالته انت من وين في السودان ؟؟؟
فاخبرني فذكرت له اسما معينا فقال لي انه جده لوالدته .
فصرخت هي انت فلان ود فلانه وينو شعرك ؟؟؟؟
وحقيقه لما كان طفل كان عنده شعر يتدلي علي كتفيه ولونه اشقر .
المهم طبعا خلاص بقينا اهل ووشاركت في مناسباتهم وجاءت مجموعه اخري وبرضو سالت وكان من بينهم طبيب بعرف ابوه وامه معرفه حقه من يلدنا وكدا
. يوم قلت ليهم انا بعمل الملاح وواحد منهم قال برمي القراصه .
المهم قلت ليهم القراصه بترموها كيف قالوا مش عند ك طوه تيفال
قلت ليهم بالحيل في
وبس جابو الدقيق من الدكان وقفت شفتهم عجنوه كيف ورموه كيف
واصلوا انا بس اشوف اي شئ مره خلاص بس كربون .
شكرا لابنا ء بحري الشعبيه والمزاد والصبابي بمدينتنا ( سا نت انقربرت ) فقد جعلوا ايامي بالمدينه جميله لا تنسي
والشكر موصول لاخينا الجميل الكريم جدا بساربروكن
لهم التحيه جميعا من خالتهم دومه .

Post: #23
Title: Re: الى دومـة وكل من لف لفهـا.. مبروك نجاح سـوزانـا.
Author: الرشيد البصيلى
Date: 06-18-2008, 06:36 AM
Parent: #20

يا أبو الريش كيف ... شفتك زقلت ليك كلمة جميلة بالصينى وهاك دى انتا ودوما

Doma是一名非常出色的厨师，我希望她能有很好的将来，享有很多好吃可口的美食。
你了解的。好不好？

أو قول لدوما شيلى الكلمة دى ووديها لأقرب صينى جنبك عشان يوريك الفيها دى شنو ....

شفتو القنابل دى كيف؟

السنة دى دوما قراصة رمضان دى بتجى طابقاها ليك من بون .....قولى لى دى قراصة ولا كلاش

Post: #22
Title: Re: الى دومـة وكل من لف لفهـا.. مبروك نجاح سـوزانـا.
Author: الزوول
Date: 06-18-2008, 05:14 AM
Parent: #1

السلام عليكم
طبعاً زي ما انت عارفة يا دوما
ناس الأم بيسموا على بتهم وينسوا ليك الراجل ويشبكوهم ليك أولاد زينب نجحوا ، ولاد بت الفحل عملوا
وكذلك جانب الراجل
وقياساً على ذلك
فتحياتنا وتهانينا بالله لبتنا سوزانا بت الفحل
بس بيني وبينك ماها راكبي ضمة ضمة
.........
تخريمة
ازيك يا أبو الريش
...........
وما الناس إلا هالك وأبن هالك *** وذو نسب في الهالكين عريق

Post: #24
Title: Re: الى دومـة وكل من لف لفهـا.. مبروك نجاح سـوزانـا.
Author: رأفت ميلاد
Date: 06-18-2008, 06:53 AM
Parent: #22

Quote: Doma是一名非常出色的厨师，我希望她能有很好的将来，享有很多好吃可口的美食。
你了解的。好不好？
Doma is a very good cook, I hope she can have a good future, enjoy the many delicious appetizers food.
You know. OK » البصيلى نحن ناقشن كل حاجة .. أنا من مدنى مركب مكنة ديامى

مبروك تانى لسوزانا يا دوما

وصلتى البلد ؟؟

Post: #25
Title: Re: الى دومـة وكل من لف لفهـا.. مبروك نجاح سـوزانـا.
Author: Abureesh
Date: 06-18-2008, 08:01 AM
Parent: #24

Doma是一名非常出色的厨师，我希望她能有很好的将来，享有很多好吃可口的美食"。
你了解的。好不好？"

杜马 = Doma

Post: #26
Title: Re: الى دومـة وكل من لف لفهـا.. مبروك نجاح سـوزانـا.
Author: الزوول
Date: 06-18-2008, 08:23 AM
Parent: #25

السلام عليكم

祝贺suzana ，我希望如果你的母亲，教导您如何使gora9a

...........
وما الناس إلا هالك وأبن هالك *** وذو نسب في الهالكين عريق

Post: #27
Title: Re: الى دومـة وكل من لف لفهـا.. مبروك نجاح سـوزانـا.
Author: رأفت ميلاد
Date: 06-18-2008, 08:38 AM
Parent: #26

أبو الريش سلام
ياخى نقعد نباريكم بالقوقل ونسيب القراية

تعرف زمان منتخب مدنى فاز بكاس السودان ومشوا الصين .. لما رجعوا قلنا ليهم الصين كيف .. كان فى لاعب إسمو سنطه ظريف جدآ .. قال لى تقعد فى القهوة الجرسون يكورك "وجهز لينا 7ألف قهوة و15ألف شاى و900 شيشة" ده فى الطلب الواحد

أها إنشاءالله دومة تجيب ليكم معاها تركين

Post: #28
Title: Re: الى دومـة وكل من لف لفهـا.. مبروك نجاح سـوزانـا.
Author: محمدين محمد اسحق
Date: 06-18-2008, 09:02 AM
Parent: #27

ابو الريش شكرأ علي نقل الخبر السعيد ..

--------------

خالة دوما.. الف الف مبروك بنجاح سوزانا..
و الله يجعل ايامكم كلها افراح ..

Post: #30
Title: Re: الى دومـة وكل من لف لفهـا.. مبروك نجاح سـوزانـا.
Author: doma
Date: 06-19-2008, 04:27 AM
Parent: #28

الناس السمحين وليداتي واخواني المركبين مكنات صينيه
كدي انتظروني النسالم الناس الجونا مهنئين واجي اشوف العواسه بالصيني دي
االاحباء ابنائي الزينين
محمدين محمد اسحاق
والزول
شاكره تهنئتكم
لاختكم سوزانه
وعقبال عندكم في السمح والزين .

Post: #29
Title: Re: الى دومـة وكل من لف لفهـا.. مبروك نجاح سـوزانـا.
Author: الرشيد البصيلى
Date: 06-19-2008, 02:21 AM
Parent: #24

والله يا رأفت ميلاد لقيتك مصيبة ... نان قلنا نقبض الجو على العبد لله دوما .... عايزين نخليها تسوسق بالروشتة دى لحدى ما نفسا يقوم مع أخوانا الصينيين .... تجى انتا تفرتقا لى فى راسى ....غايتو ما علمتا فوقى فايدة .... وأتاريها حوا والدة ....

تحياتى مرة أخرى الأخ رأفت ميلاد

Post: #31
Title: Re: الى دومـة وكل من لف لفهـا.. مبروك نجاح سـوزانـا.
Author: doma
Date: 06-19-2008, 04:45 AM
Parent: #29

Quote: 名非常出色的厨师，我希望她能有很好的将来，享有很多好吃可口的美食。
你了解的。好不好

عاد يا الرشيد
اهلك ديل قدر كتابتهم
غايتوا بشوف حلل كثيره وكفاتير الشاهي والصحانه تتطاقش وانت وابو الريش محضرين الكواريق .
النبي دي امنيه تتمناها لامك طول عمر ي في التكل
مقابله النيران شوت وشي

ما ترقيني شويه يا ولدي تلقي لي وظيفه غير الطبيخ دا . ولا نزلوني المعاش
غايتوا امي زمان كان بتقول الحماره تلد ترتاح.
الا ولاد تنا دي بري منها
نحفت لما نقع كركرب .
زمان كنت بحلم قلت يكبر ولدي يا يمه ويقول كدي يعرس وامش لي بيته عاد العروس تتكبكب فيني واخر راحات بس ما علي غير طق الحنك واكل واجقم اربي لي كضيمات .
الولد عرس الا ما بنقدر نفتو

Post: #32
Title: Re: الى دومـة وكل من لف لفهـا.. مبروك نجاح سـوزانـا.
Author: الرشيد البصيلى
Date: 06-19-2008, 05:41 AM
Parent: #31

العبد لله دومة ... الطريق من التكل الى المطبخ .... دراسة مقارنة .