- ربطتنى بهم صداقة ... وإكتشفت أنهم أحلى بنى البشر... وتسمو بهم حضارتهم الضاربة فى جذور التاريخ .... - ردود أفعالهم التى تؤخذ عليهم ... نابعة من وضوحهم فى التعامل المكشوف .. والمكشوف جدا وحبهم للحق .... - عندما يصل الحلفاوى الى مرحلة الفوران ... تأكد تماما إنه على حق ... وبعدها يجب أن نكون نزيهين فى أن نقبل كل ما يبدر منه ما دام أخطأنا فى حقه. - فيهم حنية نابعة من أعماق قلوبهم بأن توصى الأم أبنها على صديقه قبل أن توصيه على نفسه ....
كان صديقى حلفاويا .. لا نفترق أبدا ... وشاءت الظروف بأن تجد لنا متسعا لحضور حفل زواج أخيه فى مدينة عطبرة .... وكنا نتصفح الصور التى تم إلتقاطها خلال المناسبة ... وكان والده رجلا يتمنى كل الرجال أن يكونو مثله ... قال لى وأنا أتصفح إلبوم الصور ....(( يا إبنى ما تتعبش روحك ... أنظر للصورة ... محل تلقى نقطة سوداء دا أنت .... لأنى كنت الشخص الوحيد الأسود بينهم ...
ومن تجليّات الحلفاويين ... كان منهم صاحب مكتبة قال إذا أردت أن تحببك الفتاة ... فأنظر إلى عينها الشمال عندما تحادثها ....
Post: #3 Title: Re: الحلفاويين ... وتجليّاتهم Author: Mahir Mohammed Salih Date: 06-14-2008, 09:53 AM Parent: #1
Quote:
- ربطتنى بهم صداقة ... وإكتشفت أنهم أحلى بنى البشر... وتسمو بهم حضارتهم الضاربة فى جذور التاريخ .... - ردود أفعالهم التى تؤخذ عليهم ... نابعة من وضوحهم فى التعامل المكشوف .. والمكشوف جدا وحبهم للحق .... - عندما يصل الحلفاوى الى مرحلة الفوران ... تأكد تماما إنه على حق ... وبعدها يجب أن نكون نزيهين فى أن نقبل كل ما يبدر منه ما دام أخطأنا فى حقه. - فيهم حنية نابعة من أعماق قلوبهم بأن توصى الأم أبنها على صديقه قبل أن توصيه على نفسه ....
هم كذلك ،، فشكراَ لك ،،
ماهر
Post: #4 Title: Re: الحلفاويين ... وتجليّاتهم Author: خالد عبد الله محمود Date: 06-14-2008, 10:33 AM Parent: #1
الأخ الرشيد
Quote: ربطتنى بهم صداقة ... وإكتشفت أنهم أحلى بنى البشر
تعرف الما عندو صاحب حلفاوي دي نص عمرو ضايع!!! ياخ الناس ديل ظراف لدرجة ما تتخيلها كبيرهم على صغيرهم. صاحبي الروح بالروح لمن كنا في الجامعة إسمو عادل حلفاوي قاديني ليك السنة كلها ( أنا كنت أشطر زول في حلفا) في أي مناسبة فاكيها فيني بعدين مرة بحكي لي قال لي لمن كنا في المدرسة الأستاذ سألنا متي ولد الرسول (ص) و أنا ماعرفت؟ قلت ليهو يا عادل أنت كنت أشطر زول و ما عرفت أبلد زول حيكون كيف؟؟ قال لي أبلد زول ده الرسول ده منو زاتو ما بعرفو؟؟
كنا أمام كلية الاقتصاد بجامعة الخرطوم ... وكانت المطرة صابة بشكل كثيف ... وأخونا خالد الحلفاوى داير ليهو بس كرسة كدة للموية المدفقة من السماء حسب كلامو عشان ياخد جكة للداخلية لأنهم حسب كلام خالد إنو الحلفاويين ما بحبو المطرة .... ونحنا فى الوقفة ديك جاء واحد مربو ليهو دقن طويييييييييييلة .... أخونا خالد قام قال للراجل ومشيرا الى السماء (( يا خى ما تلكم أهلك ديل قول ليهو خلاص وقفوا غرقتونا)....(إستغفر الله العظيم).. الراجل كان أنصارى سنة
Quote: تعرف الما عندو صاحب حلفاوي دي نص عمرو ضايع!!! ياخ الناس ديل ظراف لدرجة ما تتخيلها كبيرهم على صغيرهم. صاحبي الروح بالروح لمن كنا في الجامعة إسمو عادل حلفاوي قاديني ليك السنة كلها ( أنا كنت أشطر زول في حلفا) في أي مناسبة فاكيها فيني بعدين مرة بحكي لي قال لي لمن كنا في المدرسة الأستاذ سألنا متي ولد الرسول (ص) و أنا ماعرفت؟ قلت ليهو يا عادل أنت كنت أشطر زول و ما عرفت أبلد زول حيكون كيف؟؟ قال لي أبلد زول ده الرسول ده منو زاتو ما بعرفو؟؟
عارف يا أبو بكر ... فى حلفا القديمة أخونا واحد حلفاوى قادى الحيطة بتاعتو على مقاس علبة لبن الفورموست الصغيرة ... وعامل العلبة نفسها غطاء للفتحة دى .... قلنا ليهو يا راجل دا شنو ؟؟؟؟ قام قال لينا دى النشرة الجوية ..... وما فهمنا حاجة .... فى الصباح قام نزع العلبة من الفتحة أيّاها ودخل يدو فى الفتحة الى الخارج ... وسحب يدو الى الداخل بصورة سريعة ... قلنا ليهو اها فى شنو؟؟؟ قام قال اليوم ملوحة ونوم .... وقمنا بعد الساعة عشرة طالعين لقينا الجو ملقم ببرد تقيل ... جينا راجعين ... قال نشرتى الجوية بتاعة تمانية دى ما بتجلى ... وكانت الملوحة والنوم... لأنو البرد أبو تراب كان ما بتمشى ولا بتحمل... وحرارة الصيف ديك كمان كتاب آخر
Post: #9 Title: Re: الحلفاويين ... وتجليّاتهم Author: فيصل محمد خليل Date: 06-14-2008, 04:27 PM Parent: #8
قلت لصحبى الحلفاوى ... الحاصل فى السودان دا شنو يا راجل؟ قال لى والله نحنا أهل الدار وجونا الجماعة ضيوف وعملو عكة وما عارفين نقيف مع منو؟؟؟ يقصد بأنهم أصل السودان ... والجماعة العاملين مشاكل ديل كلهم جو ورا وعاملين غلبة
وقام قال لى الأسطوانة المقابلنى بيها كل صباح .... قلت ليهو يا زول انا ما مغالطك ... شوف الناس التانين العندهم راى انا غايتو معترف وحقو يا فيصل تقوم تشيل الأسطوانة دى :
حين خطّ المجد في الأرض دروبا عزم ترهاقا و إيمان العروبة عربا نحن حملناها و نوبا ********* نحن في الشدة بأس يتجلى و على الود نلم الشمل أهلا ليس في شرعتنا عبد و مولى
Post: #13 Title: Re: الحلفاويين ... وتجليّاتهم Author: محمد عثمان محمد طه Date: 06-15-2008, 04:34 PM Parent: #1
Quote: - ربطتنى بهم صداقة ... وإكتشفت أنهم أحلى بنى البشر... وتسمو بهم حضارتهم الضاربة فى جذور التاريخ .... - ردود أفعالهم التى تؤخذ عليهم ... نابعة من وضوحهم فى التعامل المكشوف .. والمكشوف جدا وحبهم للحق .... - عندما يصل الحلفاوى الى مرحلة الفوران ... تأكد تماما إنه على حق ... وبعدها يجب أن نكون نزيهين فى أن نقبل كل ما يبدر منه ما دام أخطأنا فى حقه. - فيهم حنية نابعة من أعماق قلوبهم بأن توصى الأم أبنها على صديقه قبل أن توصيه على نفسه ...
وأقول ليك أظنك تتفق معى بأن المشاريع القومية ضرورية .... والقتل والتشريد مرفوض ... وهناك حلول وسط تعالج مشاكل الوطن والمواطن ولا بد من حل .... والمصحلة العامة مقدمة على المصلحة الفردية طبعا. وأظنك تتفق معى
Post: #17 Title: Re: الحلفاويين ... وتجليّاتهم Author: فيصل محمد خليل Date: 06-16-2008, 07:42 AM Parent: #16
لأنى مضطر ولعلاقتى الطيبة بهم .... أنا مستعجل لقصة العلبة دى ....
وبعدين على وزن أهلنا (.....) طبعا بحبو الأرنب شديد .... أنصارى السنة قال ليهم يا جماعة أصطياد الأرنب دا حرام قطعى .....إلا إذا كنت مضطرا فأن الحال يختلف ..... واحد من الجماعة قام قال لأنصارى السنة البوعظ فيهم .... يا شيخنا كلامك كلو صاح ... لكن أنا لما أشوف الأرنب دى جارية والغبار كاتح وراها .... والله بتضطر أضرار شديد خلاص ...
الحلفاويين كمان قالو لما يشوفو العلبة دى كلهم برجفو ... يكون ياربى فيها شنو ؟؟؟ التقول فيها قرنيت لكن بكون وراها سر .... عشان كدا أنا راجيك ومضطر أضطرار شديد خلاص يا فيصل عشان تحكى لى قصة العلبة قبل وقتها يجى أو قبل ما تمشى الشغل ...حتى
Post: #20 Title: Re: الحلفاويين ... وتجليّاتهم Author: Deng Date: 06-17-2008, 03:53 AM Parent: #1
Quote: وأقول ليك أظنك تتفق معى بأن المشاريع القومية ضرورية .... والقتل والتشريد مرفوض ... وهناك حلول وسط تعالج مشاكل الوطن والمواطن ولا بد من حل .... والمصحلة العامة مقدمة على المصلحة الفردية طبعا. وأظنك تتفق معى
البصيلي.
شفته أنت سقطت في أول إمتحان كيف؟
لو بهمك أمر الحلفاوين فعلا فعليك بمساندتهم ومساندة خياراتهم وأنا وأنت وحكومة السودان لسنا مؤهلين لكي نحدد نوع التنمية التي يحتاجها الحلفاوين أو غيرهم في السودان. أصحا للون يا البصيلي. الموقف اليوم لا يوجد به أي رمادية.
دينق.
Post: #21 Title: Re: الحلفاويين ... وتجليّاتهم Author: فيصل محمد خليل Date: 06-17-2008, 05:32 AM Parent: #20
سلامي لصديقي المشاكس دينق
وتحية لك
نرجع لحكاية العلبة
يقال ان الحلفاويين اخلاقهم في دينهم
وجنهم سب الدين
ففي اتنين منهم نوا يمشوا الحج
لكن عارفين نفسهم زهجيه لو واحد دفرهم و لا عفصهم اثناء
الطواف حيسبوا الدين و بالتالي حجتم باظت
فما كان منهم الا وجود حل لهذه المعضلة.
واحد فيهم قال للتاني تعرف يا محمد صالح
احسن حاجة نكتب في ورق كذا مرة انعل دينك
و نخطو في علبة و اي واحد يعفصنا و لا يزهجنا نديهوا
واحد من العلبة.
فمن قولت تيت راح عافصين ليك محمد صالح
محمد صالح قال لصحبوا اديهو واحد من العلبة
و في مرة من ذات المرارير عفصوا ليك محمد صالح عفصة شديدة
والله يا فيصل انتو ناس طيبين .... لكن مصايب وكوارث فى ذات الوقت .... واحد أتصل على من السعودية قال لى ليه تكتب بوست وأسمى ما يظهر .... قلت ليهو نسيتك.... قام قال لى (( خُد من علبة فيصل )) جبت لى الهبوب بعلبك دى ....
عمتى حياة .. شقيقة والدي سافرت مع والدها رحمة الله عليه الى مصر وكان ذلك ايام حكم الانجليز .. وكان عمرها انذاك عشر سنوات فسألها زوج عمتها : يا حياة في السودان في انجليز ؟؟!!
حلفاوى قالو ليهو بكره عيد الحب قال ليهم ده بصلوهو كم ركعه
حلفاوى جاء رئيس مجموعه فى بعثة الحج قال لى جماعتو إذا بقيتو نشيطين ورميتو الجمرات دى سريع العيد إنشاء الله فى الخرطوم
حلفاوى قال لى صاحبو ماسمعت محمد صالح ماجاهو اللوترى صاحبو قال ليهو اوعه يكون عوقو
فواحد قابل ليهو حلفاوي وقال ليهو رمضان سخن فرد الحلفاوي وقال ليهو : ما من صالحو
واحد من أخوانا الجماعة عارفنه بتجرس من رمضان أول ما ثبت رمضان مشوا عليه أها يا محمد صالح رمضان ثبت بتصوموا ؟ محمد صالح : أهنا رمضان بنصوموا إلا نجهجهه بالسفر
واحد مسيحي قابل حلفاوي قال ليهو ان عايز ادخل الاسلام فرد عليهو الحلفاوي وعشان ايه؟ فقال المسيحي عشان انتو في الاسلام عندكم الطلاق وانا عندي مشاكل مع المرا وعايز اطلقها فالحلفاوي عاين ليهو مسافه وقال ليهو والله الاسلام دا فيهو شهر اسمه رمضان احسن ليك المرا مية مره.
قال بنيتو بتسألو كثيرا جدا ... لحدما يزهج وما يطيق نفسو .... أها مرة من المرات قال جاى البيت ومستعجل عشان يلملم شنطتو فى سفرة قصيرة ... البنية جات جارية وراهو ... يا بوى يا بوى ... يا بوى .... قال نهرها بشدة وقال ليها أها مالك ؟؟؟؟ قالت ليهو انتا ماشى وين .... أها قال أحسن يديها كلمة عشان تانى ما تسألو أبدا ويورها أنو زهجان من سؤالا الكثير دا....فقام قال ليها بنهرة ... أنا ماشى السماء ..... نظرت ليهو ببراءة وقالت ليهو .... لكن يا أبوى ما بتقع !!!! صاحبك قال طار ووقع من الضحك ...
أها أبو قطاطى دا كان قريبك ... تكونى عمتك دى وارثة منهم شئ
سلامات يا سمرية رغم ما في الاجابة من براءة، وخفة دم ـ إن شئتِ ـ ولكن داهمني واستغرقني إحساس طاغٍ بعمق هذا السؤال العفوي. لو كانت عمتك لا تزال طفلة لقلت لك إنني أتوقع لها شخصية مختلفة، ومواهبَ وملكاتٍ خاصة.
Quote: ناس ولا كتابة ؟؟!!
ياخي أنا عاجبني السؤال دا ... جداً يعني. --------------------------------------------------- أخانا الرشيد البصيلى شكراً على البوست الجميل، أحبابنا الحلفاويين نسيج وحدهم. عرفتهم عن قرب في المغرب، وسكنا معا سنوات طوالا. التحية للأخوة محمود عبد المنعم صالح وسمير محمد عبد القادر. والتحية لحمو وعبد الله سليمان وبكري أيوب وفيصل أيوب و... الكثيرين الذين تسللوا من ثقوب الذاكرة. أحد الذين أفتتح بهم يومي في المسنجر حلفاوي جميييييييييل اسمه حاتم إبراهيم (وفي رواية Hatim Ibrahim). عضو هذا البورد. مجرد التخاطب معه متعه. ومعه لا احتاج لاستخدام الSmileys. ا
Quote: قال لى وأنا أتصفح إلبوم الصور ....(( يا إبنى ما تتعبش روحك ... أنظر للصورة ... محل تلقى نقطة سوداء دا أنت .... لأنى كنت الشخص الوحيد الأسود بينهم ...
كنت عاوزين نسافر الى حلفا لزواج , الوالد ربنا يديه الصحة و العافية رجل بتاع نكتة
نظر الى المسافرين من الاهل و قال الى زوج عمتى " يا فلان انت خليك هنا لحدى ما نرجع , بمعنى ما تسافر معنا لشدة سواد لون بشرته"
الكل سافر بما فيهم زوج عمتى و لما رجعا الى "السودان"الخرطومو على مسمع من الجميع بادرنا الوالد قائلا
كنت اعتقد ان كل ما يقال عن الحلفاويين هو مجرد قصص و حكاوى لا علاقة لها بواقع حياتهم اليومية لكن فى خلال 18 السنة الماضة ايقنت ان كل ما يقال عنهم حقيقة مجردة وواقع فى حياتهم اليومية
بعد زواجى سافرت الى حلفا للزيارة و كنت فى منزل عم زوجتى و اول الصباح جلسنا لشاى الصباح و بادرنى قائلا:
خد سجارة يا طيب ؟ فرديت لا يا عمى ان ما بدخن و قتها الشاى وصل طيب تشرب سكر قدر ايه ؟ فقلت له و الله انا ما بشرب شاى!! طيب نعمل لك قهوة؟ لا شكرا انا برضو ما بشرب قهوة! و الاستغراب على وجهه طيب ماشى ما فى مشكلة يا ابنى تشرب بنقو؟ لا لا يا عمى! بنقو ؟ فنظر الى بحنق و غضب و قال: ايه ده يا اخوانا والله لو كنا نعرف انك شيخ ما كان زوجناك بنتتا
Quote: خد سجارة يا طيب ؟ فرديت لا يا عمى ان ما بدخن و قتها الشاى وصل طيب تشرب سكر قدر ايه ؟ فقلت له و الله انا ما بشرب شاى!! طيب نعمل لك قهوة؟ لا شكرا انا برضو ما بشرب قهوة! و الاستغراب على وجهه طيب ماشى ما فى مشكلة يا ابنى تشرب بنقو؟ لا لا يا عمى! بنقو ؟
انا بكتب فى هذا البوست بكل بساطة و عفوية و كما عنونت انت البوست "تجليات"
فاذا راى البعض غير ذلك فهذا امر اخر
اما اذا رات "الادارة " الباشمهندس بكرى
ان يذهب هذا البوست الى الخور فانت حر و انا برة
والله يا قريمان شكل البوست دا ماشى مميل على الخور .....
لكن بدورلو تكالات ....
وان نط الخور بغادى تانى حاجة واحدة ما بجيهو ...
يا قريمان قالو فى واحد ماشى فى الطريق وسايق حمارو .... لقى ليهو واحد تانى من الجماعة ماشى كدارى.... اها الماشى كدارى قال لصاحب الحمار ياخى ما تقدمنى معاك لقدام .... أها الجماعة أتردفو فى الحمار ولما غابت الشمس ... صاحبك متلقى الدعم شال الأبريق وقام ماشى فى أتجاه الحمار المربوط ... صاحب الحمار لانو شاكى فى تصرفات الراجل ... قام قال ليهو ... يا زول انتا ماشى وين ؟؟ صاحبنا قال ليهو نان شايل الأبريق أكون ماشى وين .... صاحب الحمار قال ليهو نان فى القبل الأربعة (( الإتجاهات)) ما لقيت إلا إتجاه حمارى ...عاين هسى جفلت الحمار .... صاحبنا قال ليهو حمارك دا يا خوى يكون شافلو عارض .... صاحب الحمار قال ليهو : نان عارضا بلاك فى !!!!
فأنت يا خوى ما تطفر الى البوست ...... مافى زول بلاك بوديهو الخور ....بس انا خايف من تجليات فيصل ....
شايفك زغت من سؤالى عن اسمك!!! و عملت لى فيها من .....
Quote: ما لقيت إلا إتجاه حمارى ...عاين هسى جفلت الحمار .... صاحبنا قال ليهو حمارك دا يا خوى يكون شافلو عارض .... صاحب الحمار قال ليهو : نان عارضا بلاك فى !!!!
رجل و زوجته فى طريقهما الى قرية تبعد من قريتهم شئيا ما و فى الطريق التقيا رجلا ضرير فاركباه حمارتهما " أنثى الحمار" الى ان وصلا الى القرية عرف الرجل الضرير عن المراءة الكثير اضافة الى اوصاف الحمارة
و فى القرية "اتسلبط" الرجل فى ان الحمارة له و كذلك المراءة
و فى راسه "خطته" ان ينال احدهن
وذهبا الى الاحتكام الى شيخ القرية فطلب منهم المبيت عنده حتى الصباح على ان ينظر فى القضية
ارسل الشيخ احد رجاله للمبيت مع الضرير دون ان يشعره
و فى الليل لم يحس صاحبنا الضرير باحد بالقرب منه فاصبح يردد الاتى:
Quote: شايفك زغت من سؤالى عن اسمك!!! و عملت لى فيها من .....
أزوغ وين يا قريمان .... الزمن دا تانى فيهو زوغة ... أصحابك الأمريكان حاليا فى المرحلة النهائية من كتاب CIA world Facts Book وهذه المرحلة تضم القبائل فى العالم بالتفصيل الأسرى .... يعنى سيك سيك معلق فينا وفيك .....
أنا يا حبيبنا قريمان من منتصف السودان تماما ..... شفت كلمة تماما دى .... هى فعلا تماما .... من قرية كجمر بشمال كردفان من اسرة عائلة البصيلى والأب الأكبر كان تاجرا فى زمن الأنجليز... عملت الأسرة بالتجارة .... وربما فى واحدة من الزوغات الى مصر مر بهناك وعرس ليهو واحدة ونكون مانا جايبين خبر .....أسرة البصيلى أسرة صغيرة جدا ومحصورة ... من قبيلة الزغاوة .... أنظر الرابط التالى : الزغاوة هم سكان منتصف السودان ... توجد وثائق.
حتجى تقول لي أهلك مالم عاملين غلبة؟؟؟؟ ... وطبعا دا السؤال البديهى اى زول بتونس معاى بفتكرنى محسى وبعد شوية لما يعرف انى من ابناء الزغاوة .... يقوم يقول لى طيب أهلك مالم عاملين غلبة ؟؟؟...يمكن أتكررت أكثر من 13 مرة ..
وواحد من أصحابى طيلة الفترة يكون ما عارفنى جاى من وين ... و بيتى يستقبل كل الطيف بدون فرز ونقوم بالواجب كما هو من باب الأسلام و الأخوّه والقومية السودانية اللورثناها من عميد الاسرة ... والونسة جرت عقب الأحداث الأخيرة فى أم درمان ... قام قال لى والله الزغاوة ديل فيهم حاجة غربية وطبعا كان مركز على التلفزيون ....
قلت ليهو فيهم شنو الغريب ؟؟؟... قال لى مشيت مختلف بلد المهجر الناس ديل طيبين ويخدموك وهم قاعدين وواقفين ....ويكونو فى أول الصفوف ... لكن فى المرة الأخيرة دى بالغو فيها ... الله يكفينا شرهم ديل .... قمت قلت ليهو انا زغاوى ..... قال لى يعنى أشيل شنطتى وأفوت ؟؟؟؟....قلت ليهو ليه ؟؟؟...قال لى معليش ... قلت ليهو الفهم يكون اكبر من كدا ... انا ما بغير فهمك فى قبيلة الزغاوة ... وأحترم رأى الآخرين ...
وقلت له عربتى الخاصة بى هذه ... حملت فيها الكثيرين الذين سمعت منهم أبلغ الإساءات بصورة تعميمية لكن فى النهاية لابد من أحترام وجهة نظر الغير مهما يكن ... والرجالة طولة بال ...وأخوك ان عمل ليك الشينة سويلو السمحة وخليهو ....وعمل الخير ربنا ما بضيعو ... بالتأكيد ....بالتأكيد ... لكن السودان لا نريده كما نراه اليوم .... لا نريد القبلية ولا العنصرية ولا الجهوية ... والله سبحانه تعالى بالتأكيد له تدبير لهذا الوطن .... والألم يعتصرنا ...حيال مستقبل الجيل الجديد فى هذه البلد
وأن شاء الله يا قريمان أكون قد توفقت فى عكس ما تريد أن تعرفه اخى العزيز ....
Quote: كنت عاوزين نسافر الى حلفا لزواج , الوالد ربنا يديه الصحة و العافية رجل بتاع نكتة
نظر الى المسافرين من الاهل و قال الى زوج عمتى " يا فلان انت خليك هنا لحدى ما نرجع , بمعنى ما تسافر معنا لشدة سواد لون بشرته"
الكل سافر بما فيهم زوج عمتى و لما رجعا الى "السودان"الخرطومو على مسمع من الجميع بادرنا الوالد قائلا
يا الطيب عمك ابو القاسم طلع خواجة
كيف باابوى؟
يا الطيب ناسك ديل كلهم طالعين فحم
كلامك دا مو بعيد ....فى جنوب غرب بكين توجد مدينة كبيرة جدا للاثاث ... ومشينا نحنا مجموعة من السودانيين لمعرض كبير جدا .... الصينيين لما شافونا نادو على واحد منهم وطوالى كب عليهو التهانى والتبريكات بأنو اليوم دا هو ملك ..... والسبب أنو هو داكن حبة كدا .... والجماعة شايلين حالو بيها ...
اما بتاعة الصورة دى .... دى حدثت فى عطبرة .... كنا حينها فى مناسبة وكنت قد أتينا لتوها من الفاضلاب بغرب عطبرة على الضفة الغربية .... ومجرد ما مسكت الإلبوم عاينت صاحبك يعاين لى وبضحك أتاريهوعندو راى وقام بعد داك فكاها ....
Post: #39 Title: Re: الحلفاويين ... وتجليّاتهم Author: فيصل محمد خليل Date: 06-18-2008, 08:07 AM Parent: #38
Post: #41 Title: Re: الحلفاويين ... وتجليّاتهم Author: فيصل محمد خليل Date: 06-18-2008, 08:28 AM Parent: #39
مظاهـرة عـملوها ناس انصار السنة ضـد الـملحدين ، وسارت المظاهرة وطافت شوارع امدرمان ، واحـد من انصار سـنة ( من إندينا ) قال للـجماعة شـيلوني داير اهـتف،. شالوه فوق الأكتاف راح يـهتـف وهـو بهـز بكتاب القرأن:
... انعـل ديـنكـم ياشـيوعييـن!!!...
Post: #46 Title: Re: الحلفاويين ... وتجليّاتهم Author: خالد حاكم Date: 06-18-2008, 01:18 PM Parent: #43
حلفاوى سمع انو ولدو قبلوهو فى جامعة القران الكريم قال مش ممكن , الولد ده يعود السنة تانى عشان يدخل جامعة تانية الناس سالوه ليه يعيد السنة , مالها جامعة القران الكريم؟ يمشى يقرا كتاب واحد اربعة سنوات
تحياتى الأخ فيصل ..... قلت لى بكرى سيد أحمد شخصيا .... والله بكرى من المشاهير ... مش الموقع ...بتاع المشاهير ...لا لا هو من المشاهير فى ألمانيا .... وبعدين فى ناس كتار مشو البلد ديك وأول حاجة بلاقو صاحبك بكرى سيد أحمد ... والراجل حّلال عُقد .. وسمعنابو كتير جدا ... وإن الظروف ودتنى هناك أول حاجة اشوف بيتو وين ... عشان أعملو وجع وش....
بكرى سيد أحمد ....
تحياتى أخى العزيز .... وأخوك فيصل قال انا عندى عرق .... وصاحبك الظاهر عليهو فكر فى الموضوع دا بعد ما رديت على صاحبك قريمان فى علاقتى بالبصاولة بالقرب من حلفا .... فأوضحت للراجل وجيتو من الآخر بعدها فيصل الظاهر عليهو بقى شايفنى كلاشات كلاشات .... يا زول انا زول مسكين ... الغنماية تاكل عشاى ....قرب تعال ما تبتعد .... بس بينى وبينك كدا صاحبك ماك مايكل قال فى علاقة بين الزغاوة والحلفاويين لكن ما عارفا وحأعمل ليك إسكنر للموضوع دا وأجيب ليك من The Royal institue of North Irland and Great Britian
الزول دا قال فى رابط أجتماعى قديم بين الزغاوة و النوبيين و الأدروبات ... وانا كان عندى الكتاب لكن بجيبو ليك بالكامل ... software
لمان كان صغير كان شغال شنو فابنك شاكر ما عرف الاجابة
فقام جدي قال للمدرس و هو ابني شاكر من دور سيدنا محمد?
واضح بشدة يا فيصل .... صاحبى خالد الحلفاوى قال لى والله لو ما التربية الإسلامية أكان جيت أول السودان...صاحبك مباصيها يا الله الله ... وبكون بشف من صاحبو ..... قال لى شفيت من جارى لكن ما كتير ... وواحد قال لى خالد كان زى الرادار وعيونو بعملو Zooming فى ورق الجماعة البعاد منو .... يعنى مشهور بالكحل ( الحاء مكسورة ولام ساكنة))
Post: #52 Title: Re: الحلفاويين ... وتجليّاتهم Author: فيصل محمد خليل Date: 06-19-2008, 10:30 PM Parent: #51
الرشيد
انا مسافر برجع يوم الاحد
البوست خلي فوق دائمآ
متعودة
Post: #53 Title: Re: الحلفاويين ... وتجليّاتهم Author: عبد الوهاب المحسى Date: 06-20-2008, 00:43 AM Parent: #1
قلت انت من منطقة كجمر ولا تدرى ان كجمر منطقة نوبيه ؟؟
الزغاوة ليست قبيله ..
انما عدة قبائل جمعتهم اللغه .. او المنطقه .. ومن بينهم الكثيرين ترجع اصولهم الى النوبيين ...
احمد تقد كبير مفاوضى حركة العدل والمساواه زغاوى الجهه من اصول نوبيه ..
اركو منى .. هو اركمانى .. الملك النوبى العظيم ..
قبائل
التنجر ..
البرقد ..
البرتى ...
قبائل نوبيه بدارفور ..
مناطق جبل حرازه ..
شمال كردفان... حمرة الوز ...
كاجا كتول هى مناطق يقطنها نوبيون حتى الآن ...
ولكن تم استعرابهم ...
الدواليب .. شمال كردفان .. نوبيون اقحاح فى تلك المناطق ..
محس الميدوب بدارفور ... سقط منهم 16 شهيدا فى احداث 10 مايو المنصرم ...
شاركوا مع حركة العدل والمساواه بقيادة الدكتور خليل ابراهيم .
الاستعراب الذى فرض على النوبه/السودان بعد سقوط سوبا هو السبب فى ان تنسى قبائل كثيره اصولها النوبيه/الكوشيه ..
الصحوة الكبرى قادمه والذى انبثق فجرها بقيام الحركة الشعبيه لتحرير السودان عام 1983..
الاستلاب الذى تم للكثيرين زائل لا محاله ..
وستزحف شعوب النوبه وكوش من كل صوب وحدب على المركز الظالم لاقامة سلطة العداله السياسيه والاقتصاديه والاجتماعيه ..
Quote: قلت انت من منطقة كجمر ولا تدرى ان كجمر منطقة نوبيه ؟؟
الزغاوة ليست قبيله ..
انما عدة قبائل جمعتهم اللغه .. او المنطقه .. ومن بينهم الكثيرين ترجع اصولهم الى النوبيين ...
احمد تقد كبير مفاوضى حركة العدل والمساواه زغاوى الجهه من اصول نوبيه ..
اركو منى .. هو اركمانى .. الملك النوبى العظيم ..
قبائل
التنجر ..
البرقد ..
البرتى ...
قبائل نوبيه بدارفور ..
مناطق جبل حرازه ..
شمال كردفان... حمرة الوز ...
كاجا كتول هى مناطق يقطنها نوبيون حتى الآن ...
ولكن تم استعرابهم ...
الدواليب .. شمال كردفان .. نوبيون اقحاح فى تلك المناطق ..
أخى المحسى شكرا على معلوماتك الضافية .... هل لديك اى كتابات لأجانب عن هذه العلاقة بين قبيلة الزغاوة والنوبة ....الحقيقة كان لدى كتاب عن قبيلة الزغاوة كتبه عدد من الأنجليز بما فيهم ماكمايكل لمؤسسة جستور بالمعهد الملكى لشمال ايرلندا وبريطانيا العظمى والأن فى انتظاره ... الكتاب تناول باسهاب قبيلة الزغاوة والنوبة و الهندندوة .... وبأن النوبة تمددو شرقا وتصاهرو مع قبائل الشرق وتمددوا فى جنوب الصحراء الى شمال كردفان ....كما كانت ارض النوبة حينذاك أرض حضارة وحضر وجاذبة لرؤوس الممالك والعشائر.... بتجارتها الرائجة مع الأمصار ... وممالك جنوب البحر الابيض ... وسنبحث
إذا كان لديك اى خلفية عن كتابات اجنبية فمدنى بالروابط يا أخى العزيز .. ..
الـمقالة الأولـي: -------------------- تعالو نتكلم نوبى .... مش دى بلدنا برضه ؟ اهل النوبه عندهم لغة خاصة بيهم. --------------------------
الـمصدر: الواحة المصريّة. 26-11-2007 هوبسان-(الكاتب): -------------------- اهل النوبه عندهم لغة خاصة بيهم....
لغه لا تكتب ...لان فيها حروف لا يمكن كتابتها.مخارج مش موجوده.
أهل النوبه عندهم لهجات في لغتهم... ومش بيعلموا اي حد اللغة دي.
وكانت من ضمن استراتيجية حرب اكتوبر ارسال الشفرات باللغه النوبيه.
طبعا اهل النوب لهم تاريخ طويل في مصر من ايام الفراعنه ومنهم حكام مصر.
انا هتكلم عن لغتهم وازاي بيستخدموها: --------------------------------------
مثلا لو انت واقف جنب اتنين نوبيين هتسمع الكلمة دي ارا أوك سكاناب = دي معناها الل جنبنا بينصت علينا ).. طبعا انت هتكون واقف ومش فاهم وهيبدأوا يتكلموا بلغتهم علشان متفهمش !!!
لو شافوا بنت حلوة في الشارع ( تكت دايبو = بنت حلوه ).
لما بيشتروا او يبيعوا ( انجال = جنيه ).
ويا سلام بقي لو عايزين يعملوا فيك حركة ويقولوا ( جهارابو = حرامي )هتلاقي أمة مسكاك وهاتك يا ضرب !!!!
وهتتحول ل ( أولية = خناقه ).
بس لو شوفت بنت نوبيه ابقي قولها ( إك دولي = بحبك )... واستحمل اللي هيجرالك !!!!
في حاجتين اغرب من الخيال في اهل النوبه: -------------------------------------- كلمة لاء وايوه .بينطقوهم بشكل لا يمكن كتابته. واحده زي اخراج الصوت من جانب الفم وتحريك الخد!!!!. انا اعرف اعملها بس مستحيل اكتبها!!!
والتانيه هي الصاق اللسان بالحلق.ودي بيعملوها البنات ولما بيكتبوها تقريبا بيكتبوها كده ( توء )..بس للامانه هي مختلفه حبه !!! ومش هينفع اكتبها.
لا ننسي ان من اهل النوبه العبقري الفنان أحمد منيب استاذ الاساتذه في الغناء النوبي..واللي محمد منير مستمد شهرته من اغانيه.
ملحوظة : الكلمات كلها تقريبا باللهجه البشاريه نوع من انواع اللهجات.
مـثل نوبي: (قرد اباجي انوركي رقصيكم) لو القرد شاف مؤخرته مكنش جاله نفس يرقص. الدلاله:العنتظة على الفاضى!!!
نـوبي ( الكاتب ): ------------------ اللغة النوبية كانت تكتب و تقرأ و لكن حروفها تعرضت للإهمال مع أفول نجم الممالك النوبية إلى أن أعاد إكتشافها الباحث الدكتور محمد خليل مختار كبارة و هو نوبي من أبو سمبل .. هذه الحروف يعرفها فقط عدد قليل من المهتمين بها (أنا ما بعرفهاش ).
و مقولة أن النوبيين مابيحبوش حد يعرف لغتهم مردود عليها دى مدوّنة رحّال النوبة القرشاوي و هي مدونة لشاب نوبي يقوم بمحاولة لتعليم مفردات اللغة النوبية .. المدونة مفتوحة للجميع و إن كانت موجهة في الأصل للنوبيين . النوبيون .
و هم بترتيب موطنهم في النوبة المصرية (الغريقة) من الشمال إلى الجنوب : -----------------------------------------------------------------
ــ قبائل الكنوز أو الماتّوكية و يتكلمون اللغة النوبية باللهجة الماتوكية . ــ قبائل العرب و يتكلمون اللغة العربية .(ينحدرون من من أصول عربية قادمة من شبه الجزيرة العربية) ــ الفاديجا أو الفاديكا و يتكلمون اللغة النوبية بلهجة الفاديجا .
و تنقسم النوبة السودانية الي قسمين و هما بالترتيب من الشمال الي الجنوب: ---------------------------------------------------------------- ــ قبائل المحس و يتكلمون اللغة النوبية باللهجة المحسية التي تتطابق و لهجة الفاديجا الملاصقة لهم (قبائل الفاديكا أقصى جنوب مصر و قبائل المحس أقصى شمال السودان ).
ــ قبائل الدناقلة و يتكلمون اللغة النوبية بلهجة الدناقلة و تطابق مع لهجة الماتّوكية و هو أمر غير مفهوم حيث أن مجموعة القبائل الماتوكية تسكن أول بلاد النوبة و مجموعة قبائل الدناقلة تسكن آخر بلاد النوبة و يفصلهما مجموعات قبائل العرب و الفاديكا و المحس .و مع هذا فلهجتهم واحدة .
أما مجموعة قبائل جبال النوبة فهي مجموعة قبائل لا تمت بصلة لمجموعة النوبة الواقعة عل أمتداد المسافة من جنوب مصر إلى شمال السودان حتى أن العلماء يسمون نوبة مصر و السودان "النوبة النيلية" و يطلقون على الأخرى "النوبة الجبلية" .
غرق النوبة القديمة: ------------------------ مسلسل غرق القرى النوبية بدأ عام 1902 مع بناء خزان أسوان و أتى على آخر قرية فيها عام 1964 عند الشروع في بناء السد العالي , شهدت الحلقات الأولى منه إنتقال القرى إلى أعلى في كل مرة يرتفع فيها منسوب المياه في البحيرة مع كل تعلية لخزان أسوان إلى أن كان البدء في بناء السد العالي و الذي استتبعه غرق كامل القرى النوبية و تهجير أهلها إلى منطقة كوم أمبو التي تقع على بعد 40 كلم شمال مدينة أسوان .
و تجدر الإشارة هنا إلى أن النوبة القديمة كانت تمتد على مسافة 360 كلم و كانت قراها تقع مباشرة علي جانبي النيل شرقا و غربا من الشلال الأول و حتى الحدود المصرية السودانية ( حيث تبدأ النوبة السودانية) .
منطقة كوم أمبو تمتد علي النيل لمسافة 45 كلم فقط و المنطقة التي خصصت للنوبيين فيها تقع في الظهير الصحراوي بعيدا عن النيل في الصحراء الشرقية !
خلال السنوات الأخيرة وصل منسوب النيل في بحيرة ناصر (السد العالي) إلى مستوى الثبات عند إرتفاع 180متر فوق مستوى البحر و حسب ماهو مخطط تم تجربة تحويل كميات المياه التي تخطت هذا المنسوب إلي مفيض توشكى و تم الإطمئنان إلى سلامة هذا الإجراء و بناء عليه بدأ التخطيط لإستغلال الأراضي الواقعة اعلى النوبة القديمة و هو الأمر الذي تسبب في عودة الحديث عن المشكلة النوبية لقيام بعض الجمعيات النوبية بالمطالبة بعودة النوبيين إلى النوبة القديمة في الوقت الذي تفكر فيه الدولة بإستغلال هذه الأراضي بشكل مخالف لرؤية النوبيين و إعتقادهم بأن لهم الأولوية في الأراضي .. و المشكلة مستمرة .
Post: #56 Title: Re: الحلفاويين ... وتجليّاتهم Author: عبد الوهاب المحسى Date: 06-21-2008, 03:32 PM Parent: #1
لحين العوده ببعض المراجع اليكم هذا الرابط المهم فى هذه اللحظات :
أخى العزيز عبد الوهاب المحسى .... ماهى علاقة المحس بالحلفاويين ؟
Post: #58 Title: Re: الحلفاويين ... وتجليّاتهم Author: خالد حاكم Date: 06-22-2008, 09:34 AM Parent: #57
الاخ الرشيد الشعب النوبى يتكون من المجموعات التالية:- من الشمال الى الجنوب 1- الكنوز 2- الفديجا 3- المحس 4- الدنقالة 5- مجموعات جبال النوبة فى كردفان 6- الميدوب فى شمال دارفور 7- البرقد فى جنوب دارفور
والحلفاويين جزء من مجموعة ( الفديجا) وهم منسوبون لمنطقة وادى حلفا الذى يعيشون فيها
Quote: الاخ الرشيد الشعب النوبى يتكون من المجموعات التالية:- من الشمال الى الجنوب 1- الكنوز 2- الفديجا 3- المحس 4- الدنقالة 5- مجموعات جبال النوبة فى كردفان 6- الميدوب فى شمال دارفور 7- البرقد فى جنوب دارفور
والحلفاويين جزء من مجموعة ( الفديجا) وهم منسوبون لمنطقة وادى حلفا الذى يعيشون فيها
شكرا أخى العزيز خالد حاكم .... على المعومات الضافية ... وبالتأكيدهذه إضافة حقيقية بالنسبة لى وشكرا مرة أخرى
ارا أوك سكاناب = دي معناها الل جنبنا بينصت علينا ).. طبعا انت هتكون واقف ومش فاهم وهيبدأوا يتكلموا بلغتهم علشان متفهمش !!!