Post: #1
Title: عاجل للأخ محمـد حامـد جمعـة!
Author: Abureesh
Date: 06-12-2008, 08:30 PM
Parent: #0
Quote: وضع محرج جدا الرجاء عمل ما بوسعكم لانقاذ
1- هارون محمد درجة
2- عمر عيسي محمد
هم في حالة حرجة جدا بدون علاج |
محمـد،
الرجاء التحرك بسـرعـة لدى كل المسـولين لإنقاذ هـؤلاء المساكين.
|
Post: #2
Title: Re: عاجل للأخ محمـد حامـد جمعـة!
Author: عبدالرحمن عبدالله أبوشيبة
Date: 06-12-2008, 08:54 PM
أبو الريش
ما فاهمين حاجة ،، الحاصل شنو ؟؟؟؟؟؟؟؟
|
Post: #3
Title: Re: عاجل للأخ محمـد حامـد جمعـة!
Author: Abureesh
Date: 06-12-2008, 08:59 PM
Parent: #2
أهلا يا ود أبوى..
إنت زاتك مطلوب.. الأولاد ديل قالوا ممسوكين فى أحداث واللا إعتقالات ما عارف.. المهم محتاجين لعلاج سريـع
ووضعهـم كما نقل لنا حرج للغاية، والعلاج يتطلب 4000 دولار.. المفروض الحكومـة تعالجهـم تحت بند الطوارئ
لأن حياتهم فى خطـر.
يا عبدالرحمن أنا برضو أمسكك الأمانـة دى هسـى.. وبالليل دا إتصل بكل من تعرف فى الخرطوم عشـان يتحركوا
بسـرعـة.
عارف محمـد حامـد جمعـة زول جعلى وما بقصـر.
|
Post: #4
Title: Re: عاجل للأخ محمـد حامـد جمعـة!
Author: osman righeem
Date: 06-13-2008, 01:45 AM
يعني يفلق و يداوي
|
Post: #5
Title: Re: عاجل للأخ محمـد حامـد جمعـة!
Author: Bashasha
Date: 06-13-2008, 02:36 AM
ابو الريش المعجب بالبشير، بتقول علي الامننجي جمعة، الاخ او كمان شكرا؟
|
Post: #6
Title: Re: عاجل للأخ محمـد حامـد جمعـة!
Author: Tragie Mustafa
Date: 06-13-2008, 02:43 AM
Parent: #5
ابو الريش
انت وقت ما عارف ما تعرف الاول بعدين تشحذ باسمهم ود جمعه ولا اي جن آخر؟؟؟
Quote: أهلا يا ود أبوى..
إنت زاتك مطلوب.. الأولاد ديل قالوا ممسوكين فى أحداث واللا إعتقالات ما عارف.. المهم محتاجين لعلاج سريـع
ووضعهـم كما نقل لنا حرج للغاية، والعلاج يتطلب 4000 دولار.. المفروض الحكومـة تعالجهـم تحت بند الطوارئ
لأن حياتهم فى خطـر.
يا عبدالرحمن أنا برضو أمسكك الأمانـة دى هسـى.. وبالليل دا إتصل بكل من تعرف فى الخرطوم عشـان يتحركوا
بسـرعـة.
عارف محمـد حامـد جمعـة زول جعلى وما بقصـر |
هو ود جمعه واخونا هم الكسروهم تقول له
انت اخو اخوان وجعلي؟؟!!
اها لعلمك الراجل تعايشي ومابيتفكر الجعلين بيفوتوه شجاعة ولا مرؤة ولا كرم
فكيف تصادر هويته بهذه البساطة!!
غايتو يا ناس الصين منكم خوف!!
اها لعلمك لاشابين ديل ما بيقبلوا كلامك ده
فآخير ترفع يديك عنهم,ولعلمك شحذ الآخرين باسمهم ولكن ليسوا هم.
|
Post: #7
Title: Re: عاجل للأخ محمـد حامـد جمعـة!
Author: Bashasha
Date: 06-13-2008, 03:07 AM
سقوط القناع عن جمهوري اخر!
والطريف هو لي روحو مهمش من الشرق المنكوب بالوهابية والجمهوريين المطبعين مع الكيزان!
يا حليلك يا دكتور ادروب!
|
Post: #8
Title: Re: عاجل للأخ محمـد حامـد جمعـة!
Author: Abureesh
Date: 06-13-2008, 06:32 AM
Parent: #7
الأخ عثمان رغيـم،
ما أظن محمد جمعـة فلق ليه زول، لو عارف ممكن تقول..
الزول عند ناس فى الحكومـة وممكن يسـاعـد.. وهو شخصيا هميم بمسـاعـدة الناس.. نختلف مع
فكره ومبادئه وناسـو زاتهـم دا ما موضوعنـا فى الحالة دى بالذات.
هل تعلم أن كل الجمعيات الخيريـة ممنوعـة من العمل السياسى؟ لو داير تسـاعـد ناس أبعـد
من السياسـة.
هـؤلاء الشباب حسب ما بلغنا عنهـم، فى خطر كبير، والحكومة الجاهلـة لا تعرف واجبهـا تجاه
من تسببت فى اذاهم، فهل ننتظـر فيلق الأخ محمـد سليمان بعـد شهـر؟
|
Post: #10
Title: Re: عاجل للأخ محمـد حامـد جمعـة!
Author: osman righeem
Date: 06-13-2008, 07:22 AM
Parent: #8
اخونا ابو الريش
جمعتك مباركة
والله انالا يعنيني محمد حامد في الموضوع لكن المشكلة هي موضوع نظام يكرس في الجهوية والقبلية و التشرزم وتعميق جراح الوطن بالعنف و الانفلات الامني. و ما حدث لطلاب دارفور واقعة و ممارسة ترسل اشارت توضح ان القادم قاتم و كريه
ثم ثانيا لماذا تناشده و هو في الخرطوم وعلي رأس مركز اخباري و ملم بكل المعلومات وان كان كما تقول فلن ينتظر رجاء أو استجداء
Quote: هـؤلاء الشباب حسب ما بلغنا عنهـم، فى خطر كبير، والحكومة الجاهلـة لا تعرف واجبهـا تجاه
من تسببت فى اذاهم، فهل ننتظـر فيلق الأخ محمـد سليمان بعـد شهـر؟ |
27 من الطلاب اصابهم اذي جسدي و معنوي و مازال اربعة منهم بالحوادث و هم من يعانون من الكسور و هؤلاء الذين تم قذفهم من الطابق العلوي من الداخلية. و سوف تندمل الجراح و لكن الجروح المعنوية كيف تعالج وهذه لا يعالجها بالتأكيد شباب و شيوخ المؤتمر الوطني.
وهنالك في الخرطوم من هبوا لاجل مداواة الجراح بدون تهمة تحقيق كسب سياسي و هذه فرصة لنشكر د. امجد و د. شذي وكثيرين غيرهم
ومن هنا جاء قولي يفلق و يداوي
و الي الامام من اجل السودان الحر الواحد الموحد
|
Post: #9
Title: Re: عاجل للأخ محمـد حامـد جمعـة!
Author: Al-Shaygi
Date: 06-13-2008, 07:13 AM
Quote: هو ود جمعه واخونا هم الكسروهم تقول له
انت اخو اخوان وجعلي؟؟!!
اها لعلمك الراجل تعايشي ومابيتفكر الجعلين بيفوتوه شجاعة ولا مرؤة ولا كرم
فكيف تصادر هويته بهذه البساطة!!
غايتو يا ناس الصين منكم خوف!!
اها لعلمك لاشابين ديل ما بيقبلوا كلامك ده
فآخير ترفع يديك عنهم,ولعلمك شحذ الآخرين باسمهم ولكن ليسوا هم.
|
والله يا أخوانا الجهل ونضال قريعتي راحت مصيبة.
الزول يقول ليك حالتهم خطره ويحتاجون للعلاج السريع.
نخليهم لامن يفطسوا لا قدر الله أو تحصل ليهم عاهات لا يمكن علاجها عشان حضرتك مرطبه في كندا ونصيحة وشبعانة ولكن عندك شوية حسابات وردحي لازمن تكمليهم وبعدين نعالجهم.؟؟؟
بصرف النظر عن من هم ومن الذي وضعهم في هذا الوضع فالأمر يتعلق بحالة طارئة راهنة وأعتقد أنه من الأولويات أن نعمل على علاجهم ثم نعود للخلاف والتلاوم ومنو السبب ومنو ومنو؟؟؟؟
والله لو الشيطان في هذه الحالة ممكن يساعد في سرعة علاجهم نقبل بيه وبعد ما يسلموا من الخطر بعد داك نمشي نشاكل الشيطان ولا الجن الأزرق زاتو.
قبل ما أفوت عندي ليك سؤال:
إذا كان أحد هؤلاء (لاقدر الله) أبنك أو قريبك هل ستكتبي كلامك ده ؟؟؟
ولا راح تجري تمسكي في رجلين محمد حامد وتترجيه أنه يعمل حاجة لإنقاذه إن كان بمقدورة؟؟؟
تراجي: (النار بتحرق الواطيها) مش البتفرج عليها من وراء شاشات التلفاز أو عبر الفضاء الإسفيري.
ما تنسي تسلمي لي على صاحبك المناضل،،، ما تقولي لي ياتو فيهم؟؟؟؟
الشايقي
http://alkatwah.com
www.Alshaygi.dubaimlm.com
.
|
|