Post: #1 Title: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: عصام الجيلي Date: 06-11-2008, 11:22 PM
بينما أنا أتصفح في سودانيز أون لاين ... رن هاتفي الجوال فإذا بها مكالمة خارجية صاحبها لم ينتظر طويلاً وفي محتواها أنا من دولة السنغال الإسلامية المطلوب منك بقرتين وثلاث خرفان وأنا لا أحتاج لجلدهما ولسانهما ... "صدقة" قلت له ليس لديّ بقر ولا خرفان قال لي عليك دفع مبلغ خمسة آلاف ريال وأنا الآن موجود في الخلوة فقلت له ليس لدي خمسة آلاف ريال .. قال 2500 وخمسمائة ريال وأنا أسمي محمد مصطفي ديام وغداً تحول الفلوس عن طريق بنك السعودي البريطاني ... وأرجو الإتصال بعد 10 دقائق وإنتهت المكالمة علي أمل أن أرجع له بعد الـ 10 دقائق
Post: #2 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: كمال علي الزين Date: 06-11-2008, 11:29 PM Parent: #1
Quote: بينما أنا أتصفح في سودانيز أون لاين ... رن هاتفي الجوال
Post: #3 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: عصام الجيلي Date: 06-11-2008, 11:34 PM Parent: #1
لم أرجع له بعد العشرة دقائق ولكن إتصل بي وقال لي أنا أريد أن أساعدك لوجه الله تعالي عليه يرجي تحويل المبلغ ومعاودة الإتصال بي غداًًً إنشاء الله ...
؟؟؟؟؟؟؟؟؟؟؟
أرجو تفسير ماحدث يا إخوان
Post: #5 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: كمال علي الزين Date: 06-11-2008, 11:37 PM Parent: #3
لم أرجع له بعد العشرة دقائق ولكن إتصل بي وقال لي أنا أريد أن أساعدك لوجه الله تعالي عليه يرجي تحويل المبلغ ومعاودة الإتصال بي غداًًً إنشاء الله ...
لا والله فيهو الخير
Post: #4 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: Tragie Mustafa Date: 06-11-2008, 11:35 PM Parent: #1
عاصم سلامات باين بتوع الايميلات انتقلوا للتفلونات.اها يا اخوي قول لي تلفونك ده لقاه وين؟؟؟ تكون كنت كاتبه زي؟؟؟
ثانيا:الزول لهجته شنو؟؟؟
Post: #6 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: Magdi Ahmed Elsheikh Date: 06-11-2008, 11:52 PM Parent: #4
Post: #10 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: عصام الجيلي Date: 06-12-2008, 00:06 AM Parent: #6
دكتور مجدي .. تحياتي
Quote: رسل ليهو البقرتين والخرفان بسودانير
تسّود حالو البقرتين يجيبوهن ليه من وين حرّم من ماجيت البلد دي ماشفت لي بقرة حائمة .. بس تعرف إلاّ أتصل السودان يشحنوهن ليه من هناك أو أرسل ليه الـ 2500 يشتريهن بطريقتو
والزول دا لو حلّ عن سماي الخرفان ماكتار عليكم
Post: #15 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: عصام الجيلي Date: 06-12-2008, 00:36 AM Parent: #10
جزء من المكالمة ولو فهمتو حاجة أرجعوا وقولوا لي
Post: #7 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: Marouf Sanad Date: 06-11-2008, 11:53 PM Parent: #4
يا عصام
الزول دا كان ضرب ليك تاني اديهو تلفوني الفي البروفايل
قول ليهو في زول متبرع ليك بي سخل أحوص وجدادة ضكرية
Post: #11 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: عصام الجيلي Date: 06-12-2008, 00:13 AM Parent: #7
الزول دا يا سند أحسن نحول ليه القروش ونكافي شره خيره الزول دا لو إندرع فيك والله يحلك منو الحلّ بله ... بعدين تلفونك دا أحسن تشيلو من البروفايل .. يقوم يجيب ليك هوي كمان وتبقي في تولا وهي أكان بقت علي السخل والجدادة هين .. زولك داخل علي طمع
Post: #12 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: ود محجوب Date: 06-12-2008, 00:13 AM Parent: #7
ولا يهمك يا عصام
ديل البقرتين
وديل الخرفان أعزل الدايرو
والموضوع دا ما عاوز نقاش
اسرع بارسالها
Post: #13 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: عصام الجيلي Date: 06-12-2008, 00:24 AM Parent: #12
ود محجوب ياعمك .. أحيّ فيك الجهوزية ... تم الإرسال وجاري تنفيذ الطلب ... وبعد تنفيذ الطلب أبشر بحق بقراتك وخروفاتك وبالعملة الصعبة كمان
Post: #8 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: عصام الجيلي Date: 06-11-2008, 11:54 PM Parent: #4
العزيزة تراجي مصطفي ... والله العظيم... والله علي ما أقول شهيد هذا ماحصل معي الشئ التاني بالنسبة للهجة ... لهجة عربية ركيكة جداً لدرجة أن فهمها يصعب وبالنسبة للتلفون إلاّ كان شالوا من البروفايل بس تعرفي كنت كاتبوا لكن مسحتو ... مامنو فايدة بجيب المشاكل كنا مشركين بيه لكين وكت جابت ليها شيوخ وخلاوي وطلبات الشرك ذاتو خليناه
ــــــــــــــــــــــ كمال ود الزين .. باين عليها وماسورة "كبشرة" أضحك سااااي إنشاء الله يتصل عليك ... وأنا كان إتصل علي تاني مرة حرّم غير تلفونك ماشايف
Post: #9 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: كمال علي الزين Date: 06-12-2008, 00:04 AM Parent: #8
Quote: كمال ود الزين .. باين عليها وماسورة "كبشرة" أضحك سااااي إنشاء الله يتصل عليك ... وأنا كان إتصل علي تاني مرة حرّم غير تلفونك ماشايف
خليهو يتصل علي إمكن الزول عاوز يديك وإنتا ماقادر تتفاهم معاهو , أنا بطلعا منو براحة كده (خمسة ألف ريال )
مابطالة
Post: #14 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: عصام الجيلي Date: 06-12-2008, 00:27 AM Parent: #9
(
Quote: خمسة ألف ريال )
أكان كدا أأكمال شوق البل علي الحنتوت وشوق العاقر علي الولود حسادة بس
كمال أكيد تكون مافهمت المثل دا .. شوق البِلْ علي الحنتوت وشوق العاقر علي الولود البِِل أأود الزين جمع إبِل - ناقة - جمل - بعير - عااااااااع
التعديل لتوضيح المثل
Post: #16 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: سيف النصر محي الدين محمد أحمد Date: 06-12-2008, 03:45 AM Parent: #14
الأخ عصام سلامات
الجماعة البتصلوا من السنغال ديل على ارقام في السعودية باقي ليهم يمكن زي تلاتة و للا اربعة ارقام و يكونوا اتصلوا على الناس الفي السعودية جت.. و بعدين ما تتخيل أنو الناس كلهم ما بيصدقوا الخزعبلات دي ..في ناس كتير بيرسلوا المطلوب حتى قبل العشر دقايق الأولى ما تنتهي..
Post: #18 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: عصام الجيلي Date: 06-12-2008, 08:26 AM Parent: #16
عمك سيف النصر .. صباح الخير
Quote: في ناس كتير بيرسلوا المطلوب حتى قبل العشر دقايق الأولى ما تنتهي
علي منو دي لكين ... قول ليه تلقاه عند الغافل علي الدين زولك قشت عينو من النوم تاني دق علي
Post: #17 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: الزوول Date: 06-12-2008, 05:14 AM Parent: #1
السلام عليكم عصام الجيلي اول شىء حبابك عشرة تعرف لو حبيت تحولو على ما عندي مانع اصلي اليومين ديل فاضي وكمان أخوك تخصص عينات زي دي آخر مرة كنت في السودان اتشبك فيني واحد مصر انو أنا فلان الفلاني العايز منو قروش وزايغ منو حاولت اقنعوا انو الرقم غلط أصر انو انا الزول المطلوب قدر ما حاولت معاه مافي فايدة اخر شىء بقيت لما يضرب أقعد اتونس معاهو وادردقو في الكلام وادخل معاهو في تفاصيل ما انزل الله بها من سلطان غايتو زولي لما اتاكد انو انا ما الزوول المطلوب كان صرف قدر الدين العايزو مرتين اسكراتش ساي ......... وما الناس إلا هالك وأبن هالك *** وذو نسب في الهالكين عريق
Post: #19 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: عصام الجيلي Date: 06-12-2008, 09:39 AM Parent: #17
Quote: كان صرف قدر الدين العايزو مرتين اسكراتش ساي
تلقاكم في النهاية بقيتو أصحاب
Quote: تعرف لو حبيت تحولو على ما عندي مانع
يازول جيب لي تلفونك بس وليك علي أكان ماخليتو يتصل عليك ...
ـــــــــــــــــ أسمعني الزول اللتشبك فيك دا يحول لود الزين
Post: #20 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: amir jabir Date: 06-12-2008, 09:48 AM Parent: #19
Quote: انته ناس السنغال ديل قايلين السودانين كلهم كيزان وهم ولا شنو؟؟
بيني وبينك ظنيتو علي قول المثل المرعفيب بعرف جعار رفيقو
Post: #22 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: قرشـــو Date: 06-12-2008, 10:50 AM Parent: #1
الاخ عصام
لك التحية
لى قريب فى مدينة الدمام حدث له نفس الشىء بس مع فرق انه من اول وهلة خاطبه باسمه وملكه معلومات عن نفسه وبالمناسبة بعد هذه المقدمة سيكون هنالك تهديد
ولذا انصحك بعدم الرد نهائى ....
ديل عالم دجالين بس
Post: #23 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: عصام الجيلي Date: 06-12-2008, 11:31 AM Parent: #22
قرشو ... ياعمك
Quote: سيكون هنالك تهديد
مالك داير تخوفنا الكلام دا صحيح
Quote: ولذا انصحك بعدم الرد نهائى ....
بعد شنو ياعمك
Post: #24 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: عصام الجيلي Date: 06-12-2008, 05:36 PM Parent: #23
يا أخوانا فكونا من الزول دا .. نسيت الجوال في البيت رجعت لقيت 15 مكالمة من نفس الشخص أحد يقول خير ويشتري الجوال ويفكنا ..
Post: #25 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: Magdi Ahmed Elsheikh Date: 06-12-2008, 11:28 PM Parent: #24
ياعصام ....
زولك ده كارب ...
شايف جاب ليك صورة بقرتين في المنبر
شوف ليك طريقة تحلك
Post: #26 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: Magdi Ahmed Elsheikh Date: 06-13-2008, 00:09 AM Parent: #25
الاخ عصام....
زولك اتصل قبيل وفتحت ليهو....
والمسكين يكون خسر ليهو مبلغ من المال لانو حولتوا للانصر ماشين
كدي شوف الباقين كويسين والا اتلحسو
Post: #27 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: Magdi Ahmed Elsheikh Date: 06-13-2008, 00:49 AM Parent: #26
:نداء هااااااااااااام
يابورداب اعملوا حسابكم من هذه المكالمات المشبوها.....
لا تردوا ...
وغيروا تلفوناتكم....
غيروا اسمائكم...
غيروا كمبيوتراتكم...
وشكلها مؤامرة مشبوها...
واكيد هي مكالمات تجسسيه.....
صنفره
كل الاحتمالات وارده في هذا الزمان الكالح:.... :
Post: #28 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: عصام الجيلي Date: 06-13-2008, 01:06 AM Parent: #26
Post: #29 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: Magdi Ahmed Elsheikh Date: 06-13-2008, 01:11 AM Parent: #28
Post: #30 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: كمال علي الزين Date: 06-13-2008, 01:34 AM Parent: #29
Quote: يكون ساقو
الموضوع بقى جد , اتصل علي كذا مرة
Post: #31 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: عصام الجيلي Date: 06-13-2008, 01:55 AM Parent: #30
Quote: اتصل علي كذا مرة
أنا عارف ياعمك ماسورة ياعمك ماسورة
Post: #32 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: Magdi Ahmed Elsheikh Date: 06-13-2008, 01:55 AM Parent: #30
هيييييييييييييييع
قطع شك دي مخابرات لرصد وتسجيل حركة الاعضاء...
قول لي كيف...
يتصل علي الرقم....
الرقم يرد...
يكون كده اخد كود...
ويتبرمج...
وبعداك كل مكالمه مسجله...
والله المعين
Post: #33 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: Sabah Hussein Date: 06-13-2008, 02:40 AM Parent: #32
Post: #34 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: Magdi Ahmed Elsheikh Date: 06-13-2008, 01:04 PM Parent: #33
Post: #36 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: عصام الجيلي Date: 06-13-2008, 02:56 PM Parent: #33
Quote: يازول هووى يمكن دا سيدنا الخضر عليه السلام
يمكن ... دا التلفون ياصباح "0022777176145" كدي شوفيه ياهو سيدنا الخدر ولا واحد تاني
Quote: رسل ليهو .عشان يفتحا عليك.و علينا.
أنا ماعندي رصيد أكان عندك رصيد دقي عليه
Post: #35 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: محمد عبد الماجد الصايم Date: 06-13-2008, 01:28 PM Parent: #1
يا عمك
الزول دا ما قال ليك حاجة عني؟؟؟
دقسته يا فارة
Post: #37 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: عصام الجيلي Date: 06-13-2008, 03:38 PM Parent: #35
Quote: الزول دا ما قال ليك حاجة عني؟؟؟
إنت مستعجل مالك ياعمك لوك الصبر أكيد الكلام ح يجيلك لحدي عندك ومباشرةً وفيس تو فيس
Quote: دقسته يا فارة
خليك فاكر ياعمك ولو ماإتصل عليك ما أكتب حرف هنا تاني
Post: #38 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: حسين عوضاى Date: 06-13-2008, 07:23 PM Parent: #37
Post: #39 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: عادل سهل Date: 06-13-2008, 08:21 PM Parent: #1
عصام أنسى يا عمك
الفلم دا خشيناه كثير والبطل ما ح يموت
رد على التلفون فى أى وقت
وبتأكد ما منك فايدة وبفتش غيرك
دى المرحلة البتجى بعد الرسائل البريدية والإلكترونية
بس نحن ما عرفناها لمن حولنا رسوم التحويل المطلوبة
فى نهاية التسعينات
أنسى وعش بخير . . .
Post: #40 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: Eng. Mohammed al sayed Date: 06-13-2008, 10:15 PM Parent: #39
Quote: الاخ عصام
لك التحية
لى قريب فى مدينة الدمام حدث له نفس الشىء بس مع فرق انه من اول وهلة خاطبه باسمه وملكه معلومات عن نفسه وبالمناسبة بعد هذه المقدمة سيكون هنالك تهديد
ولذا انصحك بعدم الرد نهائى ....
ديل عالم دجالين بس
بس مع فرق انه من اول وهلة خاطبه بإسمه دي بتعني ليكم شنوا أنا أصدقك ياقرشو لسبب بسيط تلفوني لا أحد يعرفه لان الشريحة جديدة بعد عودتي من الاجازة الطويلة وهي ليست بإسمي(يعني كرت ولسة ماسجلتها) إتصل علي الرقم الذي يبدأ بالمفتاح المذكور أعلاه 0022 (مس كول) إتصلت عليه فبدأ يذكرني بالخير ويذكر معلومات عني وأنني من الدمام وقبل أن يكمل قطع الإتصال لأنني كنت داخل محل النت والشبكة رديئة بداخل المبني. عاود الإتصال(يعني مامس كول المرة دي) فذكرت له بأنه ليس لدي رصيد قال لي بأن اتصل به حال أن اشحن وتكررت المس كول ولم أرد علي أساس أن يقتنع بأن العبد لله ماعندو حق الإتصال العالمي. ولكن تلتها إتصالات كاملة وليس مس كول وظل سؤال : من أين جاء بمعلومات عني ومن أين جاء برقم الشريحة الحديثة غير المسجلة بإسمي ؟ لم أجد إجابة مطوع المكتب ذكر لي بأن قرينه (قرين الشخص المتصل )حال المكالمة كان يخاطب قريني ماتقول لي أنا مهندس لأنوا مطوع المكتب دا هو إمام المسجد (متفقه في الدين) ومهندس متخصص وهو الآي تي بتاع الشركة يعني بالجانبين سكتني غير التالته إنوا يكبرني سناً وصيته كانت ماترد ولأنوا أنا عجزت عن حل المعضله بنقل ليك رأيه إنوا ماترد حتي لو كان هو المتصل.
قال قرين قال يعني هسع قريني دا معاي ولا ضدي غايتوا هو بدأ يديهو معلومات عني (كفشتوا ياقول المصريين) وكان ما الشبكة كان التحويل تم أها سؤالي ليك إنت قرينك معاك ولا ضدك طبعا بتعرف الإجابه من المعلومات البتذكر عنك في المكالمة إذا صحيحة معناها قرينك مع الجماعة التانيين وإذا كضب - أبشر - قرينك بكون لاعب معانا معانا
زمان صاحبي جمال (صاحبي دا مابتعرفوا)قال لو بتكره زول قول ليهوا إن شاء الله يجيك وجع ضرس هسع .. لو بتكره زول أدي رقموا لي زولك دا
نسيت اسلم سلاموو عليكوم
Post: #41 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: Elawad Eltayeb Date: 06-14-2008, 04:56 PM Parent: #40
Quote: رسل ليهو البقرتين والخرفان بسودانير :
لييه هو قال عايزم "مشويات"
Post: #42 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: عصام الجيلي Date: 06-14-2008, 11:00 PM Parent: #41
العمدة عادل سهل ..
Quote: الفلم دا خشيناه كثير والبطل ما ح يموت
دي كانت أهم مافي الفلم وفي البوست ذاتو .. شكراً لك عزيزي عادل وماعدمناك ــــــــــــــــــــــــــــــــــ الباشمهندس ود السيد .. بيني وبينك إسمك الأول صعب علي بالحيل ماعرفتو أنقليش ولا أنقلاند ولا إنجي ... المهم شكراً للتوضيح والطمانينة التي منحتني إياها كلماتك وشكراً لانك
Quote: كفشتوا
وبالنسبة لسؤالك
Quote: أها سؤالي ليك إنت قرينك معاك ولا ضدك
الإجابة
Quote: لاعب معانا معانا
لانو
Quote: كضب
ــــــــــــــــــــــــــــــــــ الأستاذ ... العوض الطيب .. شكراً لمرورك
Quote: لييه هو قال عايزم "مشويات"
زولك دا كان ماأخاف الكضب شكلو جحمان عديل كدا لانو مسكولاتو اصلا ما وقفت .. وأضطراني أخلي جوالي في الصامت ع طول
Post: #43 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: Sabah Hussein Date: 06-14-2008, 11:25 PM Parent: #42
يعنى طلع قرين.
لمن قرينك ماليهو حق.
قال ليك بقرتين المفترى.
الحمد لله قرينى برسلو يجيب لى القروش.
مابشيل ولا تعريفه حمرا منها.
Post: #44 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: ابوحراز Date: 06-15-2008, 08:29 AM Parent: #43
يا أخي افريقيا الخضراء والجائعة في نفس الوقت لديها مشكلتين حكامها ومشعوذييها حتى ان كثيراً من حكامها يؤمنون بالشعوذة والدجل والسحرة وهذا سبب تخلفنا الى يوم الدين سمعت طبعاً مرة بالنكتة اللذيذة جداً واحد ساحر سوداني قال عاوز عتوت أزرق !!! بالله عليك الله في نادي الهلال الزول حايلقى تيس او عتوت أزرق والمشكلة هؤلاء المعتوهين مازالوا يمارسون عملهم في وضح النهار ولامحاسبة لمثل هؤلاء الذين أكلوا اموال الشعب بالباطل الا ترى بنفسك هؤلاء الذين يقولون أنهم يحولون القروش الى دولارات ورغم انهم لو استطاعوا ذلك لعملوها بانفسهم ولنفسهم والمشكلة أولئك الجهلة الذين يذهبون اليهم شاهدت أحدهم العام الماضي بالحصاحيصا والناس يتجمهرون حوله لديه علاج لكل الأمراض واشغل الناس عن أعمالهم بائع الليمون توقف واصحاب الكارو توقفوا وكذلك الجزارين حتى بعض افراد الشرطة يتفرجون على هذا الحمار ولو كانت لي سلطات وصلاحيات لبصقت عليه وحملته معي الى حيث يجد الجزاء الرادع
يا أخي الى متى نغزو الفضاء والى متى نعالج الملاريا والبلهارسيا والايدز متى نشيد الطرق ونربط افريقيا مع بعضها متى نبني منازلنا كبقية خلق الله ونوفر المدارس والرعاية الصحية للأمهات والأطفال العالم يتقدم عشرات الخطوات للأمام ونحن نرجع مئات الخطوات للوراء هل تعلم ان افريقيا كلها ليس لديها قمر اصطناعي بل كل هذه الفضائيات التي تشاهدها قد قامت بتأجير مساحة لها في اقمار الله الهائمة نحن الآن ندار من الفضاء ولانعرف ذلك
قبل اسبوعين قابلت أحدهم بجده يحمل أدوية عشبية جنسية يقول أنها اقوى من الفياغرا والغريبة أنه يصطاد السودانيين وكأنهم بحاجة الى فياغرا قلت له ماعندك حظ فقد انتهت كل قروشي بباب شريف والقنصلية السودانية اتمنى أن نكون أكثر وعيا من أجل أن تنهض افريقا وشعبها
Post: #45 Title: Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين Author: ابراهيم محمد الحسن Date: 06-15-2008, 08:52 AM Parent: #44
