Post: #1
Title: من المضحكات...سوداني جده الرسول ولاعلاقة له بابي لهب!!!
Author: Shamael Elnoor
Date: 06-10-2008, 08:34 AM
والله يضحكني حد الموت ان يزعم سوداني (اسود اللون،،محمر العينين،،قرقدي الشعر) بان الرسول "ص" جدو لزم ويجيب ليك شجرة العائلة ويجر ليك قطر بتاع اسماء يعمل stop فى العباس
المحيرنى ان هذه الشجرة لم تظلل ابا لهب (مش هو عم الرسول) ولا انا ماقريت اسلامية
بعد دراسة الـ DNA التى تكرم احد الاعضاء بعرضها والتى اكدت اننا غير عرب ، رفعت قناة الجزيرة تقريرا عن اصل وفصل السودان ، وطلعنا ماااااااااااااااااعرب
لا جعلي يقول جدو الرسول لا عركي يقول نحن من الاشراف
والشرف افعال واخلاق وليس نسب
افارقة الدم والاصل والشكل والماعاجبو يشوف ليهو بلد عربي يتلم عليهو!!
|
Post: #2
Title: Re: من المضحكات...سوداني جده الرسول ولاعلاقة له بابي لهب!!!
Author: عبد الناصر الخطيب
Date: 06-10-2008, 08:45 AM
Parent: #1
المكرمه / شمائل النور
صباحك زين ,,,,
______________________________________________________________
( بوست ) موعود بمرور (الديوك العربية الاصيل)
للشجب .......
والادانه .....
والاستنكار....
-------------------
تقديري
|
Post: #3
Title: Re: من المضحكات...سوداني جده الرسول ولاعلاقة له بابي لهب!!!
Author: Shamael Elnoor
Date: 06-10-2008, 11:21 AM
Parent: #2
Quote: ( بوست ) موعود بمرور (الديوك العربية الاصيل)
للشجب .......
والادانه .....
والاستنكار....
|
عبد الناصر الخطيب ،، لك تحايا بطعم الهوية الافريقية
شجب
ادانة
استنكار
تخبط على هوية الغير
|
Post: #4
Title: Re: من المضحكات...سوداني جده الرسول ولاعلاقة له بابي لهب!!!
Author: حيدر حسن ميرغني
Date: 06-10-2008, 11:40 AM
Parent: #3
اختنا شمائل
سلامة الهوية
طريقة طرحك إقصائية لحد بعيد
لايستقيم أي إدعاء فى هذا الشأن إن لم يقم على نهج مدروس
__
لست ممن تمنوا ألا تقيدهم قريش باحساب الكرام و لا تميم
|
Post: #5
Title: Re: من المضحكات...سوداني جده الرسول ولاعلاقة له بابي لهب!!!
Author: khaleel
Date: 06-10-2008, 11:48 AM
Parent: #4
غايتو انا العباس قريبي
والمغالط اعمل فحص للعباس
انا ما بفحص
البينة لمن ادعي واليمين لمن انكر
|
Post: #6
Title: Re: من المضحكات...سوداني جده الرسول ولاعلاقة له بابي لهب!!!
Author: اسامة دفع الله ابوالحسن
Date: 06-10-2008, 12:03 PM
Parent: #1
أها أنا شريفي وجدي زين العابدين بن الحسين بن علي بن طالب وبعد دا كلو ازرق طيبة وعيني حمرة وشرارة وشعري مسامير نعلات بتعرفي مسامير النعلات اها رأيك شنو يابت النور
|
Post: #7
Title: Re: من المضحكات...سوداني جده الرسول ولاعلاقة له بابي لهب!!!
Author: محمد على النقرو
Date: 06-10-2008, 12:33 PM
Parent: #1
up
|
Post: #8
Title: Re: من المضحكات...سوداني جده الرسول ولاعلاقة له بابي لهب!!!
Author: ماجدة عوض خوجلى
Date: 06-10-2008, 01:18 PM
Parent: #1
الاخت شمايل تحياتى
حقيقة حكاية عرب ماعرب او افارقة وماافارقة او مختلطين مااظنها دى المشكلة
ببساطة لانو كلو انسان حر يعتقد ما يعتقده فى نفسه ولكى انتى مطلق الحريه انك تكتبى
رايك لكن بالتاكيد لمن يتعدى حدود الراى بيكون مامقبول
Quote: افارقة الدم والاصل والشكل والماعاجبو يشوف ليهو بلد عربي يتلم عليهو!!
|
يعنى الناس دى كلها ياتقبل بالكلام ده ولا تمشى تشوف ليها بلد تتلما عليهو
| Quote: بعد دراسة الـ DNA التى تكرم احد الاعضاء بعرضها والتى اكدت اننا غير عرب ، رفعت قناة الجزيرة تقريرا عن اصل وفصل السودان ، وطلعنا ماااااااااااااااااعرب |
وبعدين اختى العزيزة الدراسة قالت لا يوجد عرق عربى صافى وانو فى بعض القبائل ببتشارك مع بعضهاوأن هنالك مجموعات كبيرة من السودانيين في الوسط والشمال تتماثل جيناته وأشاروإلي تشابه بين جينات النوير والعركيين مع جينات سكان شرق افريقيا خاصة الأثيوبيين . وغير كده اصحاب الدراسة نفسهم قالو انهم اخدو 78 عينه فقط وبنو عليها هذه النتيجة وهذة ال78 مااظنها بتمثل كل السودان لكنهم لن يستطيعو هم ولا الجزيزة نفى وجود قبائل عربيه فى السودان ..
| Quote: والشرف افعال واخلاق وليس نسب |
فى دى انا تفق معاك تماما فعلا الشرف افعال واخلاق وتعامل ليس له علاقه بقبيلة ولا اصل
تسلمى يارب ...
|
Post: #9
Title: Re: من المضحكات...سوداني جده الرسول ولاعلاقة له بابي لهب!!!
Author: Shamael Elnoor
Date: 06-10-2008, 02:59 PM
Parent: #8
المتداخلون الافارقة منكم والعرب
والله ياخليل شروطك تعجيزية عديل كدا ، يازول عفيناك من الفحص ونمررها ليك عربي صنف ممتاز مستقيم الانف ومسبب الشعر
ماجدة خوجلي
المشكلة فى انو مافى عرب بيور فى السودان وطالما فى عملية هجين اذا فى نسب زنوج وعرب ، قصدك كدا صاح؟
طيب فى رايك وحسب ماتريه من ملامح ووجوه بحساب الغالبية نحن عرب ولا افارقة كدا خلينا من DNA وقناة الجزيرة ،فقط بقراية الشكل فى الشارع السوداني
| Quote: تشابه بين جينات النوير والعركيين مع جينات سكان شرق افريقيا خاصة الأثيوبيين |
طيب ياماجدة كدا بالمنطق الخلطة الفوق دي يتلموا مع العباس بياتو زاوية؟؟؟
وان وجدت القبائل العربية "pure" فهى نسبة ضئيلة لحد التلاشي
|
Post: #10
Title: Re: من المضحكات...سوداني جده الرسول ولاعلاقة له بابي لهب!!!
Author: nazar hussien
Date: 06-10-2008, 03:23 PM
Parent: #9
Quote: المشكلة فى انو مافى عرب بيور فى السودان وطالما فى عملية هجين اذا فى نسب زنوج وعرب ، قصدك كدا صاح؟
طيب فى رايك وحسب ماتريه من ملامح ووجوه بحساب الغالبية نحن عرب ولا افارقة كدا خلينا من DNA وقناة الجزيرة ،فقط بقراية الشكل فى الشارع السوداني |
وأين المشكلة؟
وأين يوجد في نظرك هؤلاء العرب البيور؟
وما هي خصائص وملامح العرب البيور؟
ومثلما ما قال صديقي خليل....أنا جدي ...آدم ابو البشر....ولن أفحص....والشاكي....يمشي يفحص آدم
|
Post: #15
Title: Re: من المضحكات...سوداني جده الرسول ولاعلاقة له بابي لهب!!!
Author: Shamael Elnoor
Date: 06-11-2008, 07:14 AM
Parent: #10
نزار حسين
عفوا
انا بسأل ماجدة خوجلي ، يعنى الجزء الاقتبستنو دا تساؤلات طارحاها انا على ماجدة خوجلي
شكرا
|
Post: #11
Title: Re: من المضحكات...سوداني جده الرسول ولاعلاقة له بابي لهب!!!
Author: Nasr
Date: 06-10-2008, 08:52 PM
Parent: #1
زي ما قالو زمان التركاوي ولا المتورك
العربي عديل ما عندنا معاه أي مشكلة
نحن في البقولوا عرب مخلوطة بدم الزنوج الحارة ديل أهلي
وبعد دا لامين في الزنوج (أسياد البلد الجد جد وما مخلوطين ولا ملخبطين) إحتقار وإهانة
(والذي يعني في ذات الوقت إحتقارهم لأنفسهم التي هي بعضها--إن لم نقل كلها--زنجية)
|
Post: #12
Title: Re: من المضحكات...سوداني جده الرسول ولاعلاقة له بابي لهب!!!
Author: mohmed khalail
Date: 06-10-2008, 09:07 PM
Parent: #11
يا شمائل
سودانيييييييييين نــــــــــــــــــــــــــــعم
عرب لالالالالالالالالالالالالالالالالالالالالالالالالالالالالالالالالالالالالالالالالا
|
Post: #13
Title: Re: من المضحكات...سوداني جده الرسول ولاعلاقة له بابي لهب!!!
Author: Tragie Mustafa
Date: 06-10-2008, 09:37 PM
Parent: #12
يلعم الله يا شمايل الناس ديل رايح لهم موضوع ساكت
وحاية خوتك ناسبت العرب شخصيا لم اسمع احد يتحدث عن هوية مشتركه ولا يحزنون.
بالعكس يضحكون على عروبتهم ويتعقدون انا الناس تصير اجمل كلما اختلتط انسابها.
وكمت قال اخونا ناصر مشكلتنا مع مع العرب وانما مع المتعروبين
والذين اشعلوا بلادنا بحريق ما له نهايو بحجة هذه الهوية المشكوك فيها.
Quote: وبعد دا لامين في الزنوج (أسياد البلد الجد جد وما مخلوطين ولا ملخبطين) إحتقار وإهانة
(والذي يعني في ذات الوقت إحتقارهم لأنفسهم التي هي بعضها--إن لم نقل كلها--زنجية) |
|
Post: #16
Title: Re: من المضحكات...سوداني جده الرسول ولاعلاقة له بابي لهب!!!
Author: Shamael Elnoor
Date: 06-11-2008, 07:19 AM
Parent: #13
ناصر
بالغت فى المتعوربين دي
والله ياتراجي مافى شيء رافع ضغطي الا قصة تلفيق العروبة دي ، والغايظني اكتر انو العرب ذااااااااتهم مابملو العين
|
Post: #14
Title: Re: من المضحكات...سوداني جده الرسول ولاعلاقة له بابي لهب!!!
Author: Elawad
Date: 06-10-2008, 10:00 PM
Parent: #1
الأخت شمائل
المؤسف في هذا المنبر أو في هذا الوسيط عموما تناول مواضيع جادة بصورة سطحية و هايفة. يعني لو جينا عاينا لي كلامك دا من الذي زعم إنو جده الرسول صلى الله عليه و سلم؟ و شجرة العائلة المنسوبة للعباس و عاملة stop دي لو ما عملت stop قايلاها ماشة تصل أبو لهب؟ و البدعي إنو جدو العباس رضي الله عنه معناها بدعي إنو الرسول صلى الله عليه و سلم جده؟ ما عارف الناس شاغلة نفسها بالموضوع دا ليه؟
|
Post: #17
Title: Re: من المضحكات...سوداني جده الرسول ولاعلاقة له بابي لهب!!!
Author: عبدالرحمن الحلاوي
Date: 06-11-2008, 09:38 AM
Parent: #14
ما فادر أعبر عن الفي رأسي .. لكن بقول : العروبة والإفرقة دي ما مشكلتنا ... مشكلتنا وطن واحد صالح للبقاء والتعايش
|
Post: #18
Title: Re: من المضحكات...سوداني جده الرسول ولاعلاقة له بابي لهب!!!
Author: Shamael Elnoor
Date: 06-11-2008, 03:48 PM
Parent: #17
| Quote: العروبة والإفرقة دي ما مشكلتنا |
طيب مشكلتنا شنو ،، زول ماعارف هويتو شنو فى مشكلة اكبر من كدا؟؟؟
تحياتي
|
Post: #19
Title: Re: من المضحكات...سوداني جده الرسول ولاعلاقة له بابي لهب!!!
Author: Zakaria Joseph
Date: 06-11-2008, 04:56 PM
Parent: #14
استاذ العوض
ال المهدى و ال الميرغنى و قبائل سودانية فى شمال السودان تدعى الإنتساب الى ال البيت النبوى و الاشراف عموما, هذا ليس الشغل الشاغل لكثيرين من السودانين, خاصة فى الجنوب. المشكلة هو ان هولاء يحتلوا مراكز القوة و يريدون ان يتبنى غالبية اهل السودان ثقافتهم و عاداتهم و دينهم بالقوة. هذا fact. التحسس الفائص من المواضيع كهذه لن تحل هذه المشكلة, الحل يا سيدى موجود somewhere فى الاعتراف بالاخر و احترام عاداته و معتقداته.
|
Post: #20
Title: Re: من المضحكات...سوداني جده الرسول ولاعلاقة له بابي لهب!!!
Author: Shamael Elnoor
Date: 06-12-2008, 08:21 AM
Parent: #14
Quote: الأخت شمائل
المؤسف في هذا المنبر أو في هذا الوسيط عموما تناول مواضيع جادة بصورة سطحية و هايفة. يعني لو جينا عاينا لي كلامك دا من الذي زعم إنو جده الرسول صلى الله عليه و سلم؟ و شجرة العائلة المنسوبة للعباس و عاملة stop دي لو ما عملت stop قايلاها ماشة تصل أبو لهب؟ و البدعي إنو جدو العباس رضي الله عنه معناها بدعي إنو الرسول صلى الله عليه و سلم جده؟ ما عارف الناس شاغلة نفسها بالموضوع دا ليه؟ [/
QUOTE]
لو ماعارف الناس شاغلها نفسها بالموضوع دا ليه؟؟ تبقي دي مشكلة حقيقية
شكرا ع المداخلة
|
|
|