زمن الزهج...........

Post: #1
Title: زمن الزهج...........
Author: Rasha Hatim
Date: 06-10-2008, 08:13 AM

زمن الزهج

يكبس عليك من كل فج

من غير يدق بابك يلج

دستور مفكفك وأكرة كج

والصبر مفتاح الفرج

Post: #2
Title: Re: زمن الزهج...........
Author: بكري الخير
Date: 06-10-2008, 08:15 AM
Parent: #1

Quote: والصبر مفتاح الفرج

Post: #14
Title: Re: زمن الزهج...........
Author: Rasha Hatim
Date: 06-10-2008, 12:41 PM
Parent: #2

Quote: والصبر مفتاح الفرج

وبرضو الضيق حبابو لو الله جابو

Post: #3
Title: Re: زمن الزهج...........
Author: Rasha Hatim
Date: 06-10-2008, 08:19 AM
Parent: #1

لمن مشيت..

حفت الدروب البيك لبست حنتا..

لمن خطاويكَ غشتا..

اتكفكف الموج واتكفا..

وعيان صحي..

المرة دي..

ما شفتو كيف..

محتاج قعادك ليو شفا..

يا صاحبي في الزمن الكعب..

صاحبت بيك بحرا صعب..

امواجو بتجيك مرتين..

مرات هديرا يلخبتك..

ومرات سكون يشجيك طرب..

حسيتو جواها الحنين..

وسماحة الصلصال وطين..

والنطفة في رحم الزمان..

اتمخضت.. ولدت امان..

لكن خسارة لإنو كان..

وتعال شوية النحكي ليك..

عن اللي ضاع ولقيتو فيك..

عن نجمة عشقت وحدتا..

والصحبة قمرن مشتهيك..

وسماها متوسد يقين..

عارف دريباتا بتجيك..

ورغم الحكاوي السمحة ديك..

الكون فراغ..

والراس قِوى..

ما اصلو كان لان حبة بيك..

يا مطرة في ارضا يباس..

ما شفت كيف النخلتين..

يتشابوا ليك؟؟

وقََفنا ساعات الزمان..

شان نمسح المنقوصة كان..

ويا ريت.. حليلنا.. ولو كمان..

واحيييييييييييييا (بَس)..

كمل الكلام..

وتعبت معانا الكسرة (بِِِس)..

والزهجة (إس)

والحكمة انو الضمة (أُس)

مرفوعة كُج..

ومتين يفج؟؟؟

والحظ لزج..

دربك زلالق يا جبل..

انست فيك نارا تَوِج..

ومن غير هدى..

كست القبس..

ورجعت بي شعلة زهج..

وخوار جسد..

طاف في شقاوة الروح وحج..

Post: #4
Title: Re: زمن الزهج...........
Author: كمال علي الزين
Date: 06-10-2008, 08:30 AM
Parent: #3

(*)

سليكة والله حننتيني , إيه التشاؤم ده ..

ماعودتينا على كده ..

Quote: واحيييييييييييييا (بَس)..

وين الكلام اللابس بمبي داك ..

الليلة البجيك بي وردة حمراء لازم تكون (زابلة) ونعسانة كده ..

Post: #15
Title: Re: زمن الزهج...........
Author: Rasha Hatim
Date: 06-10-2008, 12:49 PM
Parent: #4

Quote: وين الكلام اللابس بمبي داك ..

سخسخ

Quote: (زابلة) ونعسانة كده

والعجب لو بقت (ذهرة) دقن الباشا

Post: #5
Title: Re: زمن الزهج...........
Author: Hussein Mallasi
Date: 06-10-2008, 08:32 AM
Parent: #3

تأخر حضور ود الصايم و محمد البشرى - حتى الآن - أقلقني عليهم!

Post: #6
Title: Re: زمن الزهج...........
Author: كمال علي الزين
Date: 06-10-2008, 08:39 AM
Parent: #5

Quote: تأخر حضور ود الصايم و محمد البشرى - حتى الآن - أقلقني عليهم!

وكمان ماتنسي حبايبنا (هاشم خلف الله)

وعماد

نحنا بوستات (رشا) بنجيها والزولة دي زولتنا وبنريدا ..

(مافيها حاجة ياملاسي بك)

___________________________________

كنتا عاوز أقول ليك (أميرة) كمان لكن خفتا تفهمني صاح

Post: #7
Title: Re: زمن الزهج...........
Author: اساسي
Date: 06-10-2008, 08:42 AM
Parent: #6

Quote: تأخر حضور ود الصايم و محمد البشرى - حتى الآن - أقلقني عليهم!

الله يعطيك العافية كان ريحتني في حناني

Post: #9
Title: Re: زمن الزهج...........
Author: كمال علي الزين
Date: 06-10-2008, 08:46 AM
Parent: #7

Quote: الله يعطيك العافية كان ريحتني في حناني

والله يديك العافية إنتا كمان ماخيبت ظني وجيت ورا (ملاسي بك) مشجعاً كالعادة ..

_____________________________________________

نحنا (رشا) دي زولتنا , زي ما أساسي ده زولك .. عادي ياخ

Post: #29
Title: Re: زمن الزهج...........
Author: Rasha Hatim
Date: 06-12-2008, 11:25 AM
Parent: #7

Quote: الله يعطيك العافية كان ريحتني في حناني

اساسي الاساسي

ما عارفة ليه كل ما اقرا مداخلاتك بتذكر ياسين (والا اسمو منو؟؟؟) المحمشاتي بتاع ساحات الفداء داك ياااااخ

Post: #13
Title: Re: زمن الزهج...........
Author: emad altaib
Date: 06-10-2008, 11:18 AM
Parent: #6

ــــــــــــ
Quote: وعماد

نحنا بوستات (رشا) بنجيها والزولة دي زولتنا وبنريدا ..
كمال سلامات ...
والله ما قلت إلا الحق ؟!

في الايام السمحة بنجيها ...وكمان نخليها براها في زمن الزهج

رشا تعالي أضحكي في الغاووون ديل

Post: #17
Title: Re: زمن الزهج...........
Author: Rasha Hatim
Date: 06-10-2008, 01:12 PM
Parent: #5

Quote: تأخر حضور ود الصايم و محمد البشرى - حتى الآن - أقلقني عليهم!

وانا كمان

Post: #8
Title: Re: زمن الزهج...........
Author: محمد عثمان
Date: 06-10-2008, 08:43 AM
Parent: #3

يا النفس ما حملتها تتحمل
و للدهر اياام تجور و تعدل
و عااقبة الصبر الجميل جميلة...

رشا...
رغما عن معاناة الحس ورهق البوح
حتما سينفذ الضوء ليمنحنا الحياة فى اشراقها الوضى
و تخضر الاحلاااام و نرجع نغنى مع الطيور الراحلة فى ضل المساء..

سلمت من كل شر...

Post: #10
Title: Re: زمن الزهج...........
Author: ابوبكر يوسف إبراهيم
Date: 06-10-2008, 08:53 AM
Parent: #8

أختي رشا

سلام على روحك الطيبة

وفي زمن الزهج حتماً هناك أشياء صغيرة جميلة تقابلنا تهون علينا كدر وزهج الزمن .. علينا أن نعيش الحياة ؛ حين نخلق فيها عوالمنا الخاصة يمكننا حينها أن نعيشها .. علينا أن لا نفكر في الحياة فقط بل في كيف نعيشها ونعشق من خلالها .. نبني لها أفاقاً حتى نتمتع بها وتستحق أن تعاش .. ليس صحيحاً أن كل ما فيها قبيح ؛ هناك جماليات نكتشفها حينما نزيل عصابة اليأس من أبصارنا .. بعض الغد أجمل من كثير اليوم ؛ علينا أن نتعلم كيف نحيل بعض علقمها إلى سكر !! .. أما إن ظللنا نندب حظوظنا ف وهذا أمر دونه الإحتمال فيجب أن لا نظل دوماً أسيري المرارة والزهج لأنها بعض من تركيبة الحياة.. علينا أن نشيد آفاقاً حالمة في حيواتنا حتى نعيش الحياة .. علينا أن نحلم .. نحلم فكثير من الأحلام تبني آمالاً مشرقة .. لك مودتي

Post: #32
Title: Re: زمن الزهج...........
Author: Rasha Hatim
Date: 06-12-2008, 11:54 AM
Parent: #10

Quote: علينا أن نشيد آفاقاً حالمة في حيواتنا حتى نعيش الحياة .. علينا أن نحلم .. نحلم فكثير من الأحلام تبني آمالاً مشرقة .. لك مودتي

ابوبكر!!!

ترى كم تبلغ المسافة بين مقدار ما ان ننفض من مجلسنا هذا ومقدار ما ان يرتد الينا طرفنا؟؟؟؟

ذات صحو..

صحبتُ حلمي على أن يعلمني مما اوتي رشدا..

فإذا به يخبرني الا عاصم اليوم من طوفان الواقع..

حينها.. استسلمتُ لسلطان اليأس.. فقد بلغ من لدُني زهجا..

فمن لي بزبُر الامل اجعلُ بيني وبين هذا الزمان سدا!!!!!!!

Post: #33
Title: Re: زمن الزهج...........
Author: Rasha Hatim
Date: 06-12-2008, 12:00 PM
Parent: #8

Quote: يا النفس ما حملتها تتحمل
و للدهر اياام تجور و تعدل
و عااقبة الصبر الجميل جميلة...

رشا...
رغما عن معاناة الحس ورهق البوح
حتما سينفذ الضوء ليمنحنا الحياة فى اشراقها الوضى
و تخضر الاحلاااام و نرجع نغنى مع الطيور الراحلة فى ضل المساء..

سلمت من كل شر...

تعرف فيك حاجة ناقصة المرة دي!!
ما شلت معانا كتف الغنى المّيل..

ذات حلم...

اكيد حنغني غنوة العيد والفرح

كل الود

Post: #11
Title: Re: زمن الزهج...........
Author: هند محمد
Date: 06-10-2008, 08:55 AM
Parent: #1

وتعال شوية النحكي ليك..

عن اللي ضاع ولقيتو فيك..

عن نجمة عشقت وحدتا..

والصحبة قمرن مشتهيك

ياسلام يارشا ..دائما احساسك جميل

تسلمى

Post: #27
Title: Re: زمن الزهج...........
Author: Rasha Hatim
Date: 06-12-2008, 11:17 AM
Parent: #11

Quote: ياسلام يارشا ..دائما احساسك جميل

تسلمى

ودايما مرورك بحس بيو زي النسمة يا هند

كل الود

Post: #12
Title: Re: زمن الزهج...........
Author: emad altaib
Date: 06-10-2008, 11:12 AM
Parent: #1

Quote: طاف في شقاوة الروح وحج..

كُنا بنحج ليكِ يا (أماسينا)
تعاليِ أحكي بعُدت مراسينا
حِناالدبرسه وحرفك بواسينا
والللليييلة إنتِ و الله أقلقتينا
فِكيها ؟! وأضحكي يا سِنيينة
آهو نحن جينا طُفُنا وسعينا
ومن زمزم حروفك ما وروينا
كفايا زهج وحزناً رِفقاً بنا
شحتفتِ روحناماوفرنادِمُوعنا
أزف ليك الخبر قطع اليقينا
الموجةجاتكِ تهدرعشقاًوحنينا
الزمن جميل عاوزضحكة ليالينا
في الختام الله ليكي والله لينا

رشا ياخي ازيك ..... مالو الزمن ده معاكِ وزهجك كدا؟!

Post: #26
Title: Re: زمن الزهج...........
Author: Rasha Hatim
Date: 06-12-2008, 11:15 AM
Parent: #12

Quote: كُنا بنحج ليكِ يا [B](أماسينا)[/B]
تعاليِ أحكي بعُدت مراسينا
حِناالدبرسه وحرفك بواسينا
والللليييلة إنتِ و الله أقلقتينا
فِكيها ؟! وأضحكي يا سِنيينة
آهو نحن جينا طُفُنا وسعينا
ومن زمزم حروفك ما وروينا
كفايا زهج وحزناً رِفقاً بنا
شحتفتِ روحناماوفرنادِمُوعنا
أزف ليك الخبر قطع اليقينا
الموجةجاتكِ تهدرعشقاًوحنينا
الزمن جميل عاوزضحكة ليالينا
في الختام الله ليكي والله لينا

والله لينا الما قرينا يا الانترنت سويتا فينا

وين يا زُمُل

Post: #48
Title: Re: زمن الزهج...........
Author: emad altaib
Date: 06-25-2008, 09:58 AM
Parent: #26

ـــــــــ
Quote: والله لينا الما قرينا يا الانترنت سويتا فينا

الإنترنت انتو السويتوها فيهو

Quote: وين يا زُمُل

موجود هنا ...............وهناك

Post: #16
Title: Re: زمن الزهج...........
Author: هاشم أحمد خلف الله
Date: 06-10-2008, 01:10 PM
Parent: #1

Quote: زمن الزهج

يكبس عليك من كل فج

من غير يدق بابك يلج

دستور مفكفك وأكرة كج

والصبر مفتاح الفرج

رشا مشتاقين كتير والله
وربنا يبعد عنك وعنا الزهج
قولي آمين.

Post: #25
Title: Re: زمن الزهج...........
Author: Rasha Hatim
Date: 06-12-2008, 11:13 AM
Parent: #16

Quote: رشا مشتاقين كتير والله
وربنا يبعد عنك وعنا الزهج
قولي آمين.

امييييييييين يا هاشم

وشوقنا احنا بالكوم والردوم

Post: #30
Title: Re: زمن الزهج...........
Author: هاشم أحمد خلف الله
Date: 06-12-2008, 11:46 AM
Parent: #25

رشا

قدر ما نجيك نبل شوقنا
نلاقي الشوق يشتاق ليك بالاكتر
وقدر ما نقول وصلنا الحد
نقابل زحفك الاخضر

غايتو دي جازفتا ليك عديل كده
اصلو المزاج اليومين ديل ما رائق
ما عارف الحاصل شنو ؟؟ تكونوا عاديتونا

Post: #34
Title: Re: زمن الزهج...........
Author: Rasha Hatim
Date: 06-12-2008, 12:06 PM
Parent: #30

Quote: قدر ما نجيك نبل شوقنا
نلاقي الشوق يشتاق ليك بالاكتر
وقدر ما نقول وصلنا الحد
نقابل زحفك الاخضر

وكل ما الروح تروح بترد
ونعجز نحن نكتب رد
نقول تكفينا كلمة ود
معاها اشواقنا تتجدد

اها هاك المجازفة دي

Post: #18
Title: Re: زمن الزهج...........
Author: محمد البشرى الخضر
Date: 06-10-2008, 01:55 PM
Parent: #1

يا عمك ...
Quote: تأخر حضور ود الصايم و محمد البشرى - حتى الآن - أقلقني عليهم!
يسال منك الخير ابوي
للامانة حلوة و ملعوبة بس لو كانت جات من واحد شفرة سيرته حسنة شوية
يعني ما فيها زي دا

وكدا

كان ناسي هاك راجع

حسـين ملاسـي

Post: #22
Title: Re: زمن الزهج...........
Author: كمال علي الزين
Date: 06-11-2008, 07:27 AM
Parent: #18

Quote: كان ناسي هاك راجع

يا(أبا حتوت) الفيلم بتاع ملاسي بك (مثنياً )

ده كان سنة كم ..

___________________________________________

يا (بك) لم تطاوعني نفسي على إستبدال ماتحته خط بكلمة (مراهقاً)

Post: #19
Title: Re: زمن الزهج...........
Author: محمد البشرى الخضر
Date: 06-10-2008, 01:58 PM
Parent: #1

لكن النصيحة ليك يا الله
عجبني ليك يا حموووووووودي

كااااااااااكـ

عشان تآمن قاليك

Post: #20
Title: Re: زمن الزهج...........
Author: azhary awad elkareem
Date: 06-10-2008, 02:25 PM
Parent: #19

Quote: المرة دي..

ما شفتو كيف..

رجعينا للمرات ديك...

رشا سلامات..وحمداً لله على سلامة العودة..
وعقبال عودة المزاج الرائق..

Post: #24
Title: Re: زمن الزهج...........
Author: Rasha Hatim
Date: 06-12-2008, 11:11 AM
Parent: #20

Quote: رجعينا للمرات ديك...

رشا سلامات..وحمداً لله على سلامة العودة..
وعقبال عودة المزاج الرائق

الله يسلمك يا ازهري..
واصلو المزاج بتقلب زي الطقس كدا..
يعني لا يدوم على حال له شان

Post: #21
Title: Re: زمن الزهج...........
Author: محمد البشرى الخضر
Date: 06-10-2008, 02:29 PM
Parent: #1

Quote: يكبس عليك من كل فج

من غير يدق بابك يلج

دستور مفكفك وأكرة كج

والصبر مفتاح الفرج

الصبر وحده ما كفى
لابد يُساعد بالصفا
باب الهموم ينسد عديل
بالبسمة ديك البعرفا

شنو حكايتكم يا سليكة
طمطم غابت جات راجعة مهمومة , وانتي رجعتي زهجانة
طيب ما تغيبوا

و مشتاقين ... طبعا

Post: #23
Title: Re: زمن الزهج...........
Author: Rasha Hatim
Date: 06-12-2008, 11:02 AM
Parent: #21

Quote: الصبر وحده ما كفى
لابد يُساعد بالصفا
باب الهموم ينسد عديل
بالبسمة ديك البعرفا

و مشتاقين ... طبعا

يا ود شاغلنا حنينك
وانت الريد معجون من طينك
وضفة طيبة ممددة فينا
واحنا الفينا اتشر حنينك
وجد واحشاني معاك الونسة
وضحكة موج في بحرن هيلك
طلعت شمس الريدة سمانا
تفتش فيكَ تهاتي حليلك
تفج في غيوم الواقع الشايل
من احزانو رعود تنهيدك
وانت قمرنا الكونو ملامحك
وكون ريدتنا في ليلو دليلك
نشيل أحلامنا قصص في صحوك
وكان يا ما كان بالشوق نحكيلك
نوسد دمعة رموش عينينا
وكل ما نشوف طيفك نبكيلك
ننقب جوف الصدق يقيننا
ويدفق ريدنا حنين من نيلك
وكم في الضفة هناك حرسنا
وعد القمرة في هجعة ليلك
واتكتفنا رجينا وصولنا
عشان عارفنو..
درب الالفة براااااهو بجيلك

بالاكتر يا عمك

Post: #28
Title: Re: زمن الزهج...........
Author: العوض المسلمي
Date: 06-12-2008, 11:21 AM
Parent: #1

العزيزه رشا حاتم سلام

Quote: من غير يدق بابك يلج

دستور مفكفك وأكرة كج

زهج جد !!!!!

Post: #31
Title: Re: زمن الزهج...........
Author: Ahmed Yousif Abu Harira
Date: 06-12-2008, 11:51 AM
Parent: #28

Quote: تأخر حضور ود الصايم - حتى الآن - أقلقني عليه

حسين ده ما بتأجر آآ جماعة؟؟
والله مغرود فيه بالحيل

ياكين(حقيقة)ً ودالصايم غيابو طال

ـــــ
ازيكـ يا دينا

Post: #36
Title: Re: زمن الزهج...........
Author: Rasha Hatim
Date: 06-12-2008, 12:15 PM
Parent: #31

Quote: حسين ده ما بتأجر آآ جماعة؟؟
والله مغرود فيه بالحيل

مسكو طرف الحبل بس, لكن اعمل حسابك ما بطلع في مهمات مطولة

_________
هلا وغلا

Post: #35
Title: Re: زمن الزهج...........
Author: Rasha Hatim
Date: 06-12-2008, 12:07 PM
Parent: #28

Quote: زهج جد !!!!!

شيل الصبر

Post: #37
Title: Re: زمن الزهج...........
Author: محمد عبد الماجد الصايم
Date: 06-12-2008, 12:21 PM
Parent: #1

والله يا ناس البورد دا ما فيهو حاجة بتدسا

يا أخوانا قلنا نوفر الباوندث دا بدل ما تاني
عمك كيمو يفتح (زمن زهجها .. من أول) وندخل
في قصة منتصف العمر وعييييييييييييييك

سليكة

زهجانين بالاكتر ياخ

كسرة لي ملاسي:

يا عمك .. شنو شابكنا
Quote: عليهم

ياخ نحن 2
أنا 1
ود البشرى 1

يبقى عليهما

ولو حاسب ود البشرى دا 2 دي تكون مشكلتك

المهم يا عمك
مشكور على القلق

Post: #38
Title: Re: زمن الزهج...........
Author: Rasha Hatim
Date: 06-12-2008, 12:33 PM
Parent: #37

Quote: والله يا ناس البورد دا ما فيهو حاجة بتدسا

يا أخوانا قلنا نوفر الباوندث دا بدل ما تاني
عمك كيمو يفتح (زمن زهجها .. من أول) وندخل
في قصة منتصف العمر وعييييييييييييييك

سليكة

زهجانين بالاكتر ياخ

ياخ وين انت ياااااخ؟

امانة ما اتلومت واتكومت معاي.. تجيني بعد زهجتي ما تعدي اسبوع ونيف

شنو يعني دي الحالة انا كنت من اوائل المازرين ليك في محنتك العسولية

لكن يسألني الله زهج لمن غلط زاااااتو

Post: #39
Title: Re: زمن الزهج...........
Author: محمد عبد الماجد الصايم
Date: 06-12-2008, 12:50 PM
Parent: #38

زهج جنس زهج

يا زهجها لما زهج

Post: #40
Title: Re: زمن الزهج...........
Author: Rasha Hatim
Date: 06-12-2008, 01:03 PM
Parent: #39

Quote: زهج جنس زهج

يا زهجها لما زهج

زهجان انا
انا زهجان

يا الزهجوك

- ايوووووووووة

بالزهج جابوك

- كا

Post: #41
Title: Re: زمن الزهج...........
Author: محمد عبد الماجد الصايم
Date: 06-12-2008, 01:17 PM
Parent: #1

زهجني وتفنن

Post: #42
Title: Re: زمن الزهج...........
Author: Rasha Hatim
Date: 06-12-2008, 01:33 PM
Parent: #41

لما تزهج بالسلامة

Post: #43
Title: Re: زمن الزهج...........
Author: محمد البشرى الخضر
Date: 06-12-2008, 01:54 PM
Parent: #1

Quote: درب الالفة براااااهو بجيلك

سبحان اللذي اسرى
بمزاجك من الزهجة
جابك على الإلفة
شايلك بُراق وحشة
بين لحظة و التانية
مزاجك على الهبشة
زي غيمة فجأة تشيل
لي بلدا بعيد تغشى
بي ترفا شديد بتصب
و ترش البيود رشة

الزاهجين فؤادي و عاملين رايحين
الزهج البيا خلو واديني اليقين

Post: #44
Title: Re: زمن الزهج...........
Author: حمد فتح الرحمن
Date: 06-12-2008, 02:00 PM
Parent: #1

موش على الاقل كنت تنتظر يتمو العشرين دقيقة
اوع تقول لي موش شغلك

ـــــــــــ
معليش يا رشا
موش آآدر اغمض عنيا

Post: #45
Title: Re: زمن الزهج...........
Author: محمد عبد الماجد الصايم
Date: 06-12-2008, 02:02 PM
Parent: #1

يا عمك .. دي ليك

زهجي السبب لي أزايا

سليكة ..
زهجتا
آآآآآآه
زهجتا

.. ألقا حروف ما سمعوا بيها الناس

النقدة النقدة

Post: #46
Title: Re: زمن الزهج...........
Author: محمد البشرى الخضر
Date: 06-12-2008, 02:08 PM
Parent: #1

كيمو يا جاهز...
Quote: يا(أبا حتوت) الفيلم بتاع ملاسي بك (مثنياً )

ده كان سنة كم ..
العهدة على الرواة
كان سنة الهكرة ام ضنب وعرفت عند القدماء بسنة التنين
حيث تكبكب المتكبكبون و تراجف المتراجفون و تجرلس المتجرلسون
جاؤوا من كل فج عميق ينشدون الظهور و سرعة الترحيب آملين ان ينالوا اجر التثنية
يحدوهم صاحبنا الملاسي حاملا شنبه امامه بلا خجل او وجل
مبادرا عاقدا عظيم آماله و كبير رجائه في ان ينال قصب السبق مثنيا و مرحبا
كيف لا و الأمر جلل
انها ربة الحسن و الجمال
وهو مقام لو تعلم عنده عظيم
فخلع عنه رداء الوقار المصطنع
و بدا كما هو - خفيفا لفيفا ذ باع طويل في الكبكبي - وهي حقيقته اللتي اجهد نفسه ايما جهد في اخفائها
و بطحته اللتي طالما حسس عليها في رؤوس الآخرين

اي سؤال يا عمك

الإهداء للمتصفح ابي بكر صالح

Post: #47
Title: Re: زمن الزهج...........
Author: محمد عبد الماجد الصايم
Date: 06-25-2008, 09:38 AM
Parent: #1

يا زهجها لما سرى عبر الإسفير معطرا

والله يا سليكة أمورك بقت جايطة وبوستاتك بقت نعمل ليها سيرش!!