حاجات تغير إتجاه الزول

ما مكن الجذمة تتباع من الفترينة والخضار إتباع في الشمش

2/ كمان ما معقولة برضو يكون إسمو "أبجداد" وهو ولا سوسيوة مافيهو

3/ والمو في محلو إنو تقولوا كبري الإنقاذ بودي للسجانة .

4/ ومرة كمان وقفت في الإشارة بتاعة تقاطع شارع 15 مع شارع شرق

أقصى اليسار وهي حمرا جا واحد من أقصي اليمين وتوووووش عمل

يوتيرن والشارع أربعة خطوط يعني بينو وبين اليوتيرن تلاتة خطوط

وقال الإشارة ديجتال قال"...

5/ مامكن كمان سيد الحافلة يقوم يشتغل كمساري براهو ويلم في السواق

نهير .. وين الهيكل الإداري ...

6/ والواحد كمان لامن يشوف إستاد المدينة الرياضية جنوب الخرطوم

الخيرصانة كلها تمت وفاضل التشطيب وهو إستاد بالضخامة دي ، طوالي

الواحد يمسكو طمام من المغصة السواها فينا هناي داك ..

تاني في شنو ؟ قولوا معاي آجماعة.

7/ ممنوع إضاءة الأنوار علي كبري القوات المسلحة

وحتي الأنوار المتقطعة "الإشارات والحذر" وهو ولا

لمبة أم كوز مامولعنها فيهو .

8/ إقولو حلايب سودانية هسي عليكُن الله حصل يوم سمعتو في نشرة 10

يقام المأتم بي حلايب ؟؟؟؟

اول ملاحظة انه دمك زى العسل
وللحقيقة كل القلتو دا صاح
لكن نحكى ليك عن حلايب قصة من تلفزيون مصر
مرة فى برنامج اسمه (حكاوى القهاوى)
وقصة حلايب دى مولعة نار بين السودان ومصر
المهم يا زول سامية الاتربى ودى الزولة البتقدم البرنامج
معاها ضيوف من حلايب
والكلام كان عن صناعة (سوط العنج)
قام الزول قال ليها
ـ نحن بنجيب الجلد دا من عندنا فى الجنوب من فرس النهر
قالت ليهو
ـ وين تقصد
ـ قال ليها من الجنوب عندنا
مش مفروض يقطعوا البرنامج او يتصرفو
المهم الموقف بقى صعب جدا
فاستدرك الراجل وقال ليها
ـ يعنى من جنوب السودان البلد المجاور
مش نكتة بايخة ؟
وبعدين حكاية السوق والمفروشات الفى الواطة بدل (الخضار ) فى الواطة مفروض تكون (النعلات )
لكن لانه النعلات غالية والخضار رخيص عشان كده قاعد فى الواطة
ومش الواطة بس
امشى السووق الشعبى امدرمان وشوف الخضار قاعد وين ؟
فى الخور البتم فيهو كل (المخارجات الانسانية )
وعليهو موية المطر وعليهو العوض ومنه العوض

سلمى حبابك ألف وشكرا ليك للإطراء
فالشغلانة دي أكبر من الناس يكتبو
ويحكوا فيها هني الناس أكان خلوها
الحاجات دي ماحايكونو مبسوطين
وزي ماقال لي واحد الجزمة في الفترينة
شان بتتكمش والخضار في الشمش شان
الناس كان ماشافتو بتفوت تمش