Post: #1
Title: حرب الصور... والله يافصيل نوبي ومعتصم حيرتونا !!!!
Author: أبو عبيدة البصاص
Date: 06-09-2008, 10:59 AM
.
.
.
.
اها كده كويس يانوبي و معتصم
بعد ما كانت الصوره لتاكيد الخبر
الذي يورده معتصم نيستا او غيره
يانوبي
لقد اصبحت الصوره في هذا المنبر
اداه سمجه للاستمالات العاطفية
التي تبعد كل البعد عن الحقيقة
والكل يعلم ذلك
ما بين صور تروتسكي وود فرح تضيع حقيقه
من اشعل الحريق ؟
لكن هل يهم معرفة من ذاك ....؟
حقاً كم نحن اغبياء في تناولنا للاشياء وضدها
عذراً لقد اصبح نهر الكراهية بيننا اكبر من نهر النيل
اللعنة ....
البصاص
|
Post: #4
Title: Re: حرب الصور... والله يافصيل نوبي ومعتصم حيرتونا !!!!
Author: معتز تروتسكى
Date: 06-09-2008, 11:27 AM
Parent: #2
أبو عبيدة البصاص
ازيك وصحتك...
اول شى قبل ما اقعد اوضحك ليك ، انت بينك وبين نفسك محتاج عشان تعرف الكيزان شنو وبعملو شنو ..
ثم ناتى لاحقا لشخصي ، بتعرفنى قاعد اتاجر ولا شى من القلتو ده؟
يعنى اساسا حيرتك ماليها محل من الاعراب الا كان عندك وكت داير تضيعو ..
البقية الذكرتهم ماعندي بيهم علاقة امكن ارد نيابة عنهم..
لكن محمد فرح الختيتنى في مقارنة معاهو، لقيتو ممغيت في بوستو الكتبو ده...وما اظني وصلت مرحلتو انا واثق من نفسي...
يبقى حبيت اوضح ،بشكل ما اعتقد تاني محتاج لاجابة عشان تواصل الا من باب الحاجات القلتها ليك ..
لااكثر
ياخ شى يحير !!!!
واللعنة البتقول عنها دي ، واضحة وبينه ...
التحايا النواضر...
|
Post: #3
Title: Re: حرب الصور... والله يافصيل نوبي ومعتصم حيرتونا !!!!
Author: أبو عبيدة البصاص
Date: 06-09-2008, 11:22 AM
Parent: #1
.
.
.
حقائق بالصور لاعتداءات طلاب UPF علي طلاب المؤتمر الوطني...بجامعة الخرطوم (صور)
نموذج الاخر للاستمالات السمجه وكل يعرف الحقيقه ويتغابى عنها
في بوست ود فرح اتداخل احدهم مشككاً
بان الصور الوارده هي ليس لطلاب الوطني
انما لبعض ابناء دار فور حتى ظننا انه لطلاب الوطني
سمة وميزة
واشكى ان يتداخل أخر في بوست محمد حسين
لقول ان هولاء ان هذه الصور ليست لطلاب دارفور بجامعة الخرطوم
انما لبعض فلول حركة خليل المندحره في احد ملاجئهم داخل الخرطوم
ارايتهم كيف تنحرف الحقيقة عندما يكون السند ( صوره)
ولا ما كده يامعتز
يمكن نرجع
البصاص
|
Post: #5
Title: Re: حرب الصور... والله يافصيل نوبي ومعتصم حيرتونا !!!!
Author: Elsanosi Badr
Date: 06-09-2008, 11:37 AM
Parent: #3
Quote: انما لبعض ابناء دار فور حتى ظننا انه لطلاب الوطني
سمة وميزة .. |
ياسيد البصاص...
اكثر من شخص شهدوا علي ان المؤتمر الوطني وطلابه ومن خلفهم الاجهزه الامنيه قد استهدفوا طلاب دارفور عرقيا وهذا ليس بخافي علي احد لذا وجب التنويه...
|
Post: #6
Title: Re: حرب الصور... والله يافصيل نوبي ومعتصم حيرتونا !!!!
Author: معتصم محمد صالح
Date: 06-09-2008, 11:38 AM
Parent: #3
يا نوبي يا عمك الحق .. نحنا مافيشييين والبصاص مدور بينا ..
هسي يابصاص في ذمتك انا نزلت لي صورة ولا غالطت لي زول في صورة ؟
وذات السؤال ينسحب على حالةا(عمي ) المسكين فيصل نوبي ؟؟
يا اخي مالك داير تدخلنا في شهرا ما عندنا ليهو نفقة .. انت بس قول داير الصورة الفلانية ولا صورو لي الحاجة الفلانية واسألنا بعد ذلك .. وبرضو ممكن نقدم رأينا الفني ( كخبراء ) فيما يعرض علينا من صور لابداء رأينا ( مدفوع القيمة ) في الصورة أو الصور محل الخلاف دون ربط الامر بأي صراع سياسي ..
|
Post: #7
Title: Re: حرب الصور... والله يافصيل نوبي ومعتصم حيرتونا !!!!
Author: محمد عبد الماجد الصايم
Date: 06-09-2008, 12:46 PM
Parent: #1
باللاي نوبي عمل ليهو فصيل؟؟؟
الغابة يا عمك
|
Post: #8
Title: Re: حرب الصور... والله يافصيل نوبي ومعتصم حيرتونا !!!!
Author: عبد اللطيف بكري أحمد
Date: 06-09-2008, 12:51 PM
Parent: #1
Quote: ياسيد البصاص...
اكثر من شخص شهدوا علي ان المؤتمر الوطني وطلابه ومن خلفهم الاجهزه الامنيه قد استهدفوا طلاب دارفور عرقيا وهذا ليس بخافي علي احد لذا وجب التنويه... |
ياسنوسي ماقلت ليك انت بقيت زول شراني!!!
|
|