Post: #1
Title: سماح يا وطن !!
Author: ست البنات
Date: 06-08-2008, 07:49 PM
سماح يا وطن
حملك تقيل فوق الكتوف
شوقك بيحرق كل جوف
ناسك تنوم مليانة خوف
************
نازية جوك
حرقوا الجروف
ساءت ظروف
نيلك شرد من الحروف
والمطرة خاصمت النزول
********
وات يا وطن
حالف تقيف
وسط الهزائم والمحن
صنديد عنيد
*******
ألمك يعذب فينا
زى عاشق المحال
لا يوم نضب دمعو البسيل
لا مرة جاد منو الوصال
لا يوم سمع خبرا يسر
من القتال للأقتتال
للفبركة
*******
أمراض وجوع
وانت الغنى بعزتك
ذلة ومهانة بين دول
كانت تهاب من طلعتك
**********
لا بينسمع منك كلام
لا احترام كلل خطاك
ناسك يقعدوا صغار صغار
زى النمل فى اجتماع
***********
يا حليل جلالك وهيبتك
أيام زمان
تقعد ملك وسط الخلوق
شالك نضيف زى عمتك
وهسع بقيت
تقعد ميسيكين منشكم
بين المنابر منعزل
خمة قفاطين السجم
لابساها ناس خالية ذمم
ماكنات جيوبهم
جاى تفيض
حق اليتامى المعدمين
دارفور بتشهد بالظلم
عرس الشهيد
موز الجهال
زاد الطريق
فضحونا قدام الأمم
ضابط كتوفوا مرصعة
والناس دموما
تسيل تسيل
قرض رغيفات الشهيد
***************
تبت يداكم يا صغار
تبت عقولكم يا غشم
لعبتوا بالوطن العزيز
ضيعوتوا من ايدو الحلم
**********
ست البنات .
|
Post: #2
Title: Re: سماح يا وطن !!
Author: شهاب الفاتح عثمان
Date: 06-08-2008, 10:24 PM
Parent: #1
حبـابك بمختلف الالــوان
ومليون حب نهديه لتراب غالي وعــزيز ..
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
|
Post: #3
Title: Re: سماح يا وطن !!
Author: عماد محمود علي
Date: 06-09-2008, 06:16 AM
Parent: #1
الأخت الفاضلة ست البنات
تقديري ومودتي وإحترامي سيدتي ...
Quote: أمراض وجوع
وانت الغنى بعزتك
ذلة ومهانة بين دول
كانت تهاب من طلعتك |
قصيدة رائعة ومعبرة وجميلة تحمل دواخلك النقية لبلد ترمل في عز شبابه ......
أأأأأأة وأأأأأة لقد أضاعوك وأي بلدٍ أضاعوا ....
مودتي
عماد
|
Post: #4
Title: Re: سماح يا وطن !!
Author: Elbagir Osman
Date: 06-09-2008, 06:47 AM
Parent: #1
up
|
|