ولا بتهم

ولا بتهم


06-08-2008, 06:42 PM


  » http://sudaneseonline.com/cgi-bin/sdb/2bb.cgi?seq=msg&board=160&msg=1212946952&rn=35

Post: #1
Title: ولا بتهم
Author: تماضر الخنساء حمزه
Date: 06-08-2008, 06:42 PM
Parent: #0

مدسوسة في نص الهموم
وهمومازاتا بلا هدوم
عريانة .. كاشفة ولابتهم
لو شاف هموما الليلة ..زول

الحزن جدول في عروقا
في قيفو واقف كم بلد
براهو سمى الموج ..نضال
مرة يغرق في بكاهو
ومرة بيشيلو الفرح
Post: #2
Title: Re: ولا بتهم
Author: لؤى
Date: 06-08-2008, 06:50 PM
Parent: #1

الدُّنيا تحلَى
صعابها ساهلة
بس روق وأحلَى





أنـا في البـعـيـد مُـشـتـاق لهـمـسـة من الوطن يا نـسـمـة

Post: #3
Title: Re: ولا بتهم
Author: تماضر الخنساء حمزه
Date: 06-08-2008, 06:54 PM
Parent: #2

Quote: بس روق وأحلَى


احنا رايقين


كلم الدنيا دي
Post: #5
Title: Re: ولا بتهم
Author: لؤى
Date: 06-08-2008, 07:06 PM
Parent: #3

ما تهتمّي للايّام
ظروف بتعدّي
طبيعة الدُّنيا زي الموج
تشيل وتودّي




ظروف بتعدّي


أنـا في البـعـيـد مُـشـتـاق لهـمـسـة من الوطن يا نـسـمـة

Post: #14
Title: Re: ولا بتهم
Author: تماضر الخنساء حمزه
Date: 06-08-2008, 07:26 PM
Parent: #5

لؤي

آآي آآي صاح
Post: #6
Title: Re: ولا بتهم
Author: لؤى
Date: 06-08-2008, 07:06 PM
Parent: #3







pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="true" showtracker="1" showdisplay="1" showstatusbar="1"
videoborder3d="-1" enabletracker="true"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="1" designtimesp="5311" loop="true">








أنـا في البـعـيـد مُـشـتـاق لهـمـسـة من الوطن يا نـسـمـة

Post: #15
Title: Re: ولا بتهم
Author: تماضر الخنساء حمزه
Date: 06-08-2008, 07:28 PM
Parent: #6

لؤي شكرا على اللحن
Post: #4
Title: Re: ولا بتهم
Author: مهند الجيلي بادي
Date: 06-08-2008, 06:56 PM
Parent: #1


تماااااااااااااضر ،،


مهمومة ليش ؟؟
والإتكاءات في حنياك يافعة
محزونة ليش ؟؟
والإلفة منِّك راضعة

دفق الكلام
مشدودة خطواتو القبيل
ممشوقة تشبح زي وطن
جاري بيحصل
من نيلو جرعات من محبة
ويشطح سماوات
شان يحصِّل منو نجمات ساطعة

يا فاضحة كل حرف الغزل
اللسة مدسوس في براحات القصائد
والكتابات الرويحات التكوسك
في عوينات الخلوق اللامعة

يابت من الزمن السمح
مهووسة بالدمع الخدار
الهو أكرم من غيوم
بتجود علي الأرض السحاح
خليهو دمّاعك يقيف
أديهو قلبك كوم سماح
واسيهو حزنك وضحكتين
كلماتي فاتحالك براح
غنواتي تترتل تجيك
نفّاحا بالليل والصباح


تماضر ،،

بتعرفي كيف تستفذي الحرف والروح
تسلمي ويسلم قلمك أخدر


مرفق :
حبي الكبير
بــــادي
Post: #7
Title: Re: ولا بتهم
Author: Amira Elsheikh
Date: 06-08-2008, 07:11 PM
Parent: #4

Quote: وهمومازاتا بلا هدوم
عريانة


يعنى ياطمطم الهموم زاتها حصل ليهاFade up

بركة بالشوفة..
Post: #11
Title: Re: ولا بتهم
Author: تماضر الخنساء حمزه
Date: 06-08-2008, 07:19 PM
Parent: #7

Quote: يعنى ياطمطم الهموم زاتها حصل ليهاFade up




Quote: بركة بالشوفة..


يابت والله واحشاني وحشة ياوحشة أكتر من البحر داك

شكلي براك الكيبورد مافيو بتاع
Post: #9
Title: Re: ولا بتهم
Author: تماضر الخنساء حمزه
Date: 06-08-2008, 07:17 PM
Parent: #4

مهند..


في المبتدا
مهما ظرفك قلبو يقسى
باقي لسه ولسه أخدر
ولسه مانسيت الكتابة
لسه عابد ولسه هايم
انت درويش في رحابا
مش كان كلامك ..
خوفي لو طولت أنسى؟؟
عدل منك؟؟
عدل برضك انت تنسى وعارفو حرفك لينا .. مرسا.
Post: #8
Title: Re: ولا بتهم
Author: محمد البشرى الخضر
Date: 06-08-2008, 07:13 PM
Parent: #1

Quote: مرة يغرق في بكاهو
ومرة بيشيلو الفرح
تقومي...
تضربي الهم بالفرح
و تضوي ليلك بالنجوم
وترمي كل الشين وراك
وشوفي حزنك كان يدوم

وكدا

مشتاقين والله
(بدون وردة الجماعة)
Post: #10
Title: Re: ولا بتهم
Author: salma subhi
Date: 06-08-2008, 07:18 PM
Parent: #8

تماضر
طبيعة الدنيا ذي الموج...

وبكرة أحلى!


كل الود
Post: #13
Title: Re: ولا بتهم
Author: تماضر الخنساء حمزه
Date: 06-08-2008, 07:25 PM
Parent: #10

سلمى أسي زاتو حلو
عشان مريت علينا ياحلو
Post: #12
Title: Re: ولا بتهم
Author: تماضر الخنساء حمزه
Date: 06-08-2008, 07:24 PM
Parent: #8

Quote: تضربي الهم بالفرح
و تضوي ليلك بالنجوم
وترمي كل الشين وراك
وشوفي حزنك كان يدوم


أديتو بالشلوت كمان
لقيتو راجع لي هموم
هاك ليلي دفعتو ليك
أريتو يعمر بالنجوم


النبي ماتزرزروني


ود البشرى وحاة الله واحد جنس شوق واحد هو؟
Post: #16
Title: Re: ولا بتهم
Author: Amira Elsheikh
Date: 06-08-2008, 07:35 PM
Parent: #12

Quote: يابت والله واحشاني وحشة ياوحشة أكتر من البحر داك



انت والبحر سواء واحشنى...

ياخ راجعة السودان متين??

عشان نوقت مع بعض....
Post: #21
Title: Re: ولا بتهم
Author: تماضر الخنساء حمزه
Date: 06-09-2008, 11:40 AM
Parent: #16

بت الشيخ غايتو السنة دي جلت
ياربي الجاية


وتاني مشتاقين
Post: #17
Title: Re: ولا بتهم
Author: abdelgadir mustafa
Date: 06-08-2008, 07:43 PM
Parent: #1

تماضر
والله غايتوانا بختلف مع الناس القالو ليك تروق وتحلى ماعارف ليه دايما قدر ما القى شاعر وكاتب متعذب وحارقاهو احاسيس ومشاعر كده بالذات لو الالم فى قلبو بقول يارب ما تحل ليهو مشكلتو زيدا يارب وخليهو مكوى بنارا عشان نستمتع نحن بالشعر والكتابه السمحه لان الشعراء اختى تماضر حامل مسك كلما اشتعلت مشاعرهم انتشر العبق والريح الحلو عشان كدى بقول ربنا يسهل عليك لكن دايما يخليك قلقانه قلق المحبي داك امين يارب
Post: #22
Title: Re: ولا بتهم
Author: تماضر الخنساء حمزه
Date: 06-09-2008, 11:43 AM
Parent: #17

عبد القادر ياحاقد



تسلم كتير على احساسك
Post: #18
Title: Re: ولا بتهم
Author: DKEEN
Date: 06-08-2008, 09:08 PM
Parent: #1

طمطم
ولا بتهم دي انا قريتا ولا بنديك بتهم ذاتو..
ياخي مشتاقين..



اميرة الشيخ
انتي ما تعالي وقتي معاي ..
Post: #19
Title: Re: ولا بتهم
Author: Amira Elsheikh
Date: 06-08-2008, 09:53 PM
Parent: #18

Quote: اميرة الشيخ
انتي ما تعالي وقتي معاي


دكين ..

اجيب وشوش من وين...

الوشوش الهنا دى بقت تجيب شبك مع ناس الليبرالى....

وينك ياود الصايم...
Post: #23
Title: Re: ولا بتهم
Author: تماضر الخنساء حمزه
Date: 06-09-2008, 11:45 AM
Parent: #18

ديكو
ال ب وال ت ديل حيجيبوا ليك سوء هضم تيك كير
Post: #20
Title: Re: ولا بتهم
Author: DKEEN
Date: 06-08-2008, 11:02 PM
Parent: #1

طمطم

شفتي معزوفات جيتار الفاتح حسين..
كلها ملمومة مع بعضها ومهداة ليك ..
حيث كنتي وكيفما كنتي..
Post: #24
Title: Re: ولا بتهم
Author: تماضر الخنساء حمزه
Date: 06-09-2008, 05:55 PM
Parent: #20

ديكو

انا وكت اخد هدية لازما ارد بي احسن منها

القى ليك الاحسن منها وين؟

غايتو الا شوفتي تاني مافي احسن
Post: #25
Title: Re: ولا بتهم
Author: ismeil abbas
Date: 06-09-2008, 08:10 PM
Parent: #1

ألف حمدآ لله على السلامة..

ما تهتمى..هذه هى الحياة.......

إسماعيل محمد أحمد عباس......
Post: #26
Title: Re: ولا بتهم
Author: mohmed khalail
Date: 06-09-2008, 08:37 PM
Parent: #25

تماضر

بركة الجيت بركة الجيت.






ياااخ وين حيك ؟؟؟؟

ما دام عدتِ

عدنا

جايييييييك راجع
Post: #27
Title: Re: ولا بتهم
Author: mohmed khalail
Date: 06-09-2008, 09:04 PM
Parent: #26

Quote: مدسوسة في نص الهموم
وهمومازاتا بلا هدوم
عريانة .. كاشفة ولابتهم
لو شاف هموما الليلة ..زول


يا زولة داري

الدمعة بالدمعة وخلاص

ما عيب بكانا

ولا الهموم اخر مناص

ادفقي قدر المشاعر

الفي جواك

يا زولة مترفه بي صفاك

بالحيل نسندك وما بنقيف

لي اخر المشوار معاك
Post: #29
Title: Re: ولا بتهم
Author: تماضر الخنساء حمزه
Date: 06-22-2008, 11:14 AM
Parent: #27

محمد خليل

Quote: ادفقي قدر المشاعر

الفي جواك


وأكان دفقتَ الهم عليك
تقدر تشيل حزنو المعاك؟
صدقني ببقالك تقييييل
والشيل بيكتر في حِداك.

انت خليك في الفرح
وماتشيل هموم زولا سواك
Post: #30
Title: Re: ولا بتهم
Author: تماضر الخنساء حمزه
Date: 06-22-2008, 11:16 AM
Parent: #25

سماعين
ربي يسلّمك

أنا في نعمة وبسط شديد
شكرا على الطلّة.
Post: #28
Title: Re: ولا بتهم
Author: مهند الجيلي بادي
Date: 06-11-2008, 07:55 PM
Parent: #1



Quote: مهند..


في المبتدا
مهما ظرفك قلبو يقسى
باقي لسه ولسه أخدر
ولسه مانسيت الكتابة
لسه عابد ولسه هايم
انت درويش في رحابا
مش كان كلامك ..
خوفي لو طولت أنسى؟؟
عدل منك؟؟
عدل برضك انت تنسى وعارفو حرفك لينا .. مرسا.




الخنساء تماضر ،،

هوس الحروف
جوانا أكبر من حنين الغيمة
لي حضن الأرض
مين اللي قال
إنو الغيوم شوقا تتدفق وبس
جوها فكرة تحضنا الأرض البتول

.. أو تقول الأرض في لحظات شبق ..

(يا غيمة يا حبلى بالوعد من الماضي
منتظرة إيش
إتدفقي)
وريني شوقك للخدار
شوف الوليدات الشجر
فرهيد فريعات الخريف
فعل المطر
مالك إذن .. ؟؟

هادا حال كل البيعرف
يوزن الحرف الأصيل
شوق الورق جواهو فعّال للقصيد

بس لسة ما وريتي مشتاقك سبب الحزن ؟؟
وليش الوجع ؟؟
تفتكري ممكن يتنسي ؟؟؟


مرفق:
إعتذاري الشديد علي تأخير الرد

وشوقي الشديد
بـــادي
Post: #31
Title: Re: ولا بتهم
Author: حسين محي الدين
Date: 06-22-2008, 11:20 AM
Parent: #28

يا سلام
كلام حلو
وموسيقي أحلى

تماضر شكرا جميلا
Post: #34
Title: Re: ولا بتهم
Author: تماضر الخنساء حمزه
Date: 06-22-2008, 11:39 AM
Parent: #31

مرحبتين حسين

حلو مرورك

مودتي
Post: #33
Title: Re: ولا بتهم
Author: تماضر الخنساء حمزه
Date: 06-22-2008, 11:34 AM
Parent: #28

بادي

أصلو الحروف بت الغُُنا
وانت خلاق الكلام.
يازول بخير.
الحالة جد نعمة وبَسِط
اشتياقك واللهفة لي جيتك ..كلامك
اقترابك
كل ماورد دايما عليو بسأل عليك.
بطمّنك لسه مشتاق
لسه ملهوف
وكل ماسبق يازول تمام.

أمّا بعد.

الأرض مابنلوم غرامها
لو مرّة غطّاهو الشبق
ماإنت حرّكت المشاعر
صِبحت مطيرتك في سَبَق
يومها توصل لي التراب
بيكون وفاك فعلا ..صَدَق.
Post: #32
Title: Re: ولا بتهم
Author: محمد عثمان
Date: 06-22-2008, 11:21 AM
Parent: #1

تمااضر..

عودا حميدا..

مشتااقين..
Post: #35
Title: Re: ولا بتهم
Author: تماضر الخنساء حمزه
Date: 06-22-2008, 11:40 AM
Parent: #32

محمد ليك شوق مضاعف

مودتي
Post: #36
Title: Re: ولا بتهم
Author: محمد البشرى الخضر
Date: 06-22-2008, 11:56 AM
Parent: #1

محمد خليل عن اذنك...
Quote:
وأكان دفقتَ الهم عليك
تقدر تشيل حزنو المعاك؟
صدقني ببقالك تقييييل
والشيل بيكتر في حِداك.

انت خليك في الفرح
وماتشيل هموم زولا سواك


طيب النفوس للهم بشيل

همك وهم زولك معاك

خاصةً إن كان صديق

مين البزيح حزنو سواك

شن فايدتو إذن الرفيق

لو ما بشيل همك معاك

لو ما بقى سند الطريق

لو ما لقيتو بي وراك

ما بستحق قولة صديق

الفي الفرح ساكن بلاك

 شفتي كيف؟
Post: #37
Title: Re: ولا بتهم
Author: زهير حيدر صديق
Date: 06-22-2008, 12:44 PM
Parent: #36

تماضر ..
يا سلااااااااااااااام
والله الواحد لما يشوف ليك بوست نفسه للدنيا تتفتح ..
ما شاء الله شوفي كم الناس الهنا البتريدك ..
تلاقي كل الهم نزل ..
كوني بخير يا وريفة ..
Post: #38
Title: Re: ولا بتهم
Author: محمد سنى دفع الله
Date: 06-22-2008, 12:48 PM
Parent: #37

همومك الشتره الماشه
بلا هدوم
اكسيها من تيبان
الفرح
خليها تنوم
سعيدة
ـــــــــــ
هموم بلا هدوم غايتو جنس حالة
Post: #39
Title: Re: ولا بتهم
Author: تماضر الخنساء حمزه
Date: 06-23-2008, 06:26 PM
Parent: #36

ود يابشرى:

طيب النفوس ..بتقول ..تشيل
وطيب الرويحة الكل يعيش دايما سعيد
ماني بفرح لو تجيك
مني الهموم وانا جد .. بخيل..
في همي مابديهو .. زول
إلا جوّاد في الفرح
اتقاسموهو الناس .. جميع
وألقاهو دايماً ليّ ..بِزيد.
Post: #40
Title: Re: ولا بتهم
Author: mohmed khalail
Date: 06-23-2008, 06:59 PM
Parent: #39

ابو حتحوت
Quote: محمد خليل عن اذنك...


أبييييييييت مـــــــــــا عافي ليك