Post: #1
Title: الكورة بدت .... لاشراقة مصطفي/الجندرية/خدر و من لف/لفت لفهم
Author: esam gabralla
Date: 06-08-2008, 01:00 PM
ترجمة:
اها.... عندك اى حاجة عاوزة تقوليها قبل كاس الامم الاوروبية يبدأ!!!!
بالله ساعدونا بالسكات الفترة الجاية
و معاكم قائد النوبيين الجديد دكين ... عامل كركبة شديدة الايام دى ....
نتلاقي بعد الكاس يترفع ...
العفو و العافية
|
Post: #2
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: tmbis
Date: 06-08-2008, 02:32 PM
Parent: #1
| Quote: نتلاقي بعد الكاس يترفع ... |
شفت انا علشان الشعارات الثورية بتاعتكم دي بطلت النظرية الشيوعية من تانية ثانوي ..
بعدين يا عصام إنت مالك ومال الكورة ..؟
والله انا اللقى زي راسك دا .. كان امشي اعمل لي راكوبة في اورانوس .. راكوبة للصيفيه بس واجدع فيها عنقريب هبابي ..
امشي ياخ الله يفتحه عليك .. عامل لينا وجع وش ..
|
Post: #3
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: Ishraga Mustafa
Date: 06-08-2008, 02:44 PM
Parent: #2
ساعدونا انتو بالسكات بالله
امس بلدكم كانت لاعبة ياعصام
بارك الله فى واصل ولدى واهتمامه وحبو المبكر للكورة
امس مشينا نص البلد
الشارع الرئيسى فى فيينا مقفول
كل عشرة خطوات فى شاشة عربضة
مظاهرة جميلة وبنات اجمل
فيينا لونها اتغيير وبقت اكثر نضارة على نضارتها
كميرتى بارت البنات - بنات الكورة- الشابة الروسية - الفرسة الروسية فى الحقيقة كانت تقف فى نص الميدان وترقص
واخرى تبكى وفريقها البتشجعوا انبطح احد لاعبيه ارضا بعد ان دقشه لاعب الفريق التانى
وثالثة حشرت راسها فى بطن حبيبها
بوليس فيينا استاند باى- بيحرسنا
وعربات الاسعاف ماليه الشارع
وناس...ناس...ناس من كل لون
ومرافىء لصقت على خدها علم النمسا
واصل قال حايشجع فرانكرايش- فرنسا
وزعلت انا رغم انى مابفهم فى الكورة
لكن يوم النمسا ناوية البس علمها فستان- شفت كيف حانصمت- مش عشان عيونكم لكن عشان
الكورة
اتذكرت امس كيكى وعمر الفاروق وخليل وناس تمبس ومن لفّ لفهم
اتخيلتهم هنا وبيتابعوا فى كأس اوربا وحاجات تانية نحنا ذاتنا عاجبنا
فابالله ساعدونا بالصمت المبين الى حين نجندر الكورة
|
Post: #7
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: Safia Mohamed
Date: 06-08-2008, 03:15 PM
Parent: #3
سيد البوست سلام
| Quote: فابالله ساعدونا بالصمت المبين الى حين نجندر الكورة |
دكتورة اشراقة ازيك
قلتي لي ننتظركم انتي ما سمعتي بالفيمنسميات الهولنديات االي طلعو بمظاهرات لما كاس العالم وقالو هم مقاطعين اي فعالية ليها علاقة بكرةالقدم وحيثياتهن للمقاطعة أ:
كرة القدم تاريخيا هي كانت حصريا على الرجالة (الا بضد الاندية حديثا عندها اتيام لكرة قدم نسائية\9 ووهي رياضة يصرف فيها من اسعار لاعبين ومرتبات مردبين وانشاء ميادين لكرة القدم ما يدفع فيها لو تم دفع 10% منه كان مشاكل نساء دول العالم النامي من انعدام خدمات صحية وتعليم وغيره انتهت
فهم بيفتكرو انه كرة القدم هي جزء من راس المال العالمي الذي يكرس كل فوائده للرجال والمصيبة في انشطة كرة القدم النساء لا يصيبهن نصيب سوى مشجعات وهنا هن بدفعن يعني القروض كلها بتمشي للرجال اللاعبين او المدربين او من لف لفهم شفتي جندرة كرة القدم دي كيف.
الغريبة انا غايتو اول مرة اكون مختلفة معاهن لاني مدمنة كرة قدم وكوتشينة من ما الله خلقني تعرفي انا بعرف العب حريق قبال ما اخش المدرسة وهلالابية على السكين وبتابع مباريات كاس العالم وامبارح طبعا ما فوت الكورة وانا بشاهد فيها اتذكرتك قلت بختها اشراقة حسع امكن تكون شتايفاها لايف بختلف مع الفيمنزيمات في مقاطعتهن للكرة واتقف مع الاتجاه نحو عمل فرق كرة قدم مختلطة يعني الفريق حمسة ونص رجالة وخمسة نص نسوان واذا كان الحكم رجل فرجل الخط لازم يكون مرة
ونواصل مع جندرة كرة القدم
صفية
|
Post: #12
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: doma
Date: 06-08-2008, 04:49 PM
Parent: #7
| Quote: مدمنة كرة قدم وكوتشينة من ما الله خلقني تعرفي انا بعرف العب حريق قبال ما اخش المدرسة وهلالابية على السكين وبتابع مباريات كاس العالم |
لول يعني ما براي يا صفصف
لكين انا ما بعرف حريق دي اول لعب كشتينه اتعلمتو كونكان 14 من رابعه اوليه وتاني اتعلمت الوست والهارت بريد اللعب والكره والغناء والهجيج رغم اني لا بعرف ارقص لا اغني .  
|
Post: #13
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: الجندرية
Date: 06-08-2008, 05:00 PM
Parent: #12
عارفة يا دومة
اكتر شي مكيفني في لعب (عروس الجنا) للكوتشينة شنو ؟
غلبت ليك عثمان تراث
والجعلي مو احمق
حلف تاني ما يلعب
وحاتك لي الليلة دي ما قعد فيها تاني
اقول الكلام دا كان متين يا صفو
ولا مافي داعي
ههههههههه
|
Post: #4
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: doma
Date: 06-08-2008, 02:46 PM
Parent: #1
انت معانا ولا مع الخيانه يا ود جبر الله ؟؟؟
Heute spielen unsere Jungs . Es wird sehr spaet hier , trotzdem werden wir dabei sein .
|
Post: #5
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: Ishraga Mustafa
Date: 06-08-2008, 02:51 PM
Parent: #4
| Quote: Heute spielen unsere Jungs . Es wird sehr spaet hier , trotzdem werden wir dabei sein |
عاد يابت امى مع الكورة النص الليل دى اقنع واصل كيف ينوم فى زمنه المحدد
بينى وبينك لقيت الكورة دى جنون تانى يادومة
النبى لو خلونا فى السودان شجعنا المورده مالو
|
Post: #6
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: doma
Date: 06-08-2008, 03:07 PM
Parent: #5
عارفه يا اشراقه انا بشجع كوره من عمري 10 سنين ا هلالابيه علي ا لسكين من زمن ناس قاقرين
ولدي سامي بيشجع Bayern Muenchen
وطبعا اليوم لاعبه المانيا ولازم نشجع ا ولادنا يا اختي
ه هنا ح تبدا عندنا تلاته صباحا الا ربع
وسامي عنده مدرسه باكر
|
Post: #8
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: Emad Abdulla
Date: 06-08-2008, 03:52 PM
Parent: #6
| Quote: Heute spielen unsere Jungs . Es wird sehr spaet hier , trotzdem werden wir dabei sein . |
هيتو سبيلين أنسيري جنقز . إس ويرد شير سبيت هييييير , تروتزديم ( دي شينة ) ويردن وير دابي سين .
أؤمن على القالتو دومه .. مع التحفظ على تروتزديم ..
أما ( dabei sein ) فقد أوضح تمبس رأيه فيها , و هو نفس رأيي :
دابي شين ( نسأل اللاهو السلامة ) .
.....
أنا بشجع منشينغلادباخ ..
( إسم يستاهل يكوركو عشانو .. يملا الخشم ) .
|
Post: #9
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: الجندرية
Date: 06-08-2008, 03:53 PM
Parent: #1
| Quote: نتلاقي بعد الكاس يترفع ... |
الكاس دا بعد يترفع برشو تحت البرش موية في الاركان الاربعة ؟
نسعل الله السلامة
هههههه
والله قصة البرش دي قاموس عون ما يفهمك ليها
الا تقطع تذكرة تمشي عديل للحاجة تشرح ليك
هههههههههه
****
يا تمبس
| Quote: كان امشي اعمل لي راكوبة في اورانوس |
بتسويها الراكوبة كان الله اداك العافية
شايفك شدة ما لقيتها ما بترد السلام زاتو
وتضحك لمن تاني رقبتك
غايتو الجنى العاصي قسمة الياباني
*****
شروق حبيبة القسا
والله مش كان لعب بلدي و
كان يا قول عمتي الرسالة : نزلت دساتر الظار دي من الراس في الواطة
ونقزت كدي تترب تترب في قدام وشي عشان اشوف الكورة ما شوفها
غايتو حب الناس مذاهب وفرق وشيع
لكن في فئة ناجية قالو
قرقرقرقر
شوق شديد والله
|
Post: #10
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: Emad Abdulla
Date: 06-08-2008, 04:20 PM
Parent: #9
| Quote: الكاس دا بعد يترفع برشو تحت البرش موية في الاركان الاربعة |
إنا لله ..
إشتغلي معانا كويس يا أماني ياخي .. هو بعد يترفع .. تاني قالوا ليك بينزل ؟؟؟
طوااااالي الموية تترش في الوش ..
بعدها زولك يقول : إش ش ش ش شش أأأأأأح .
......
إنتي رُشّي القِبَل الأربعة ..
يا .. بُخّيهم .
|
Post: #11
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: الجندرية
Date: 06-08-2008, 04:45 PM
Parent: #10
ابخهم؟!!!
سمح لمن اغير المهنة بتاعتي في الجواز
بشوف قصة البخ دي
اشتغل معانا انت كويس ياخ
غايتو بعد بقيت تقول أؤمن
تاني مابنقدر نجي في حلتكم
انت وتمبس
لقيتوها غايتو
|
Post: #14
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: doma
Date: 06-08-2008, 06:06 PM
Parent: #11
كوره سريعه جدا والنمسا اخدت واحد صفر لكرواتيا Croatia الي نهايه الشوط الاول الله يستر علينا نحن من البولنديين
.هي يا عماد انت من زمن كوره . ???Borussia Muenchengladbach
|
Post: #15
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: Amira Elsheikh
Date: 06-08-2008, 06:25 PM
Parent: #14
Quote: كوره سريعه جدا والنمسا اخدت واحد صفر لكرواتيا Croatia الي نهايه الشوط الاول الله يستر علينا نحن من البولنديين
.هي يا عماد انت من زمن كوره |
الجندريات..
لقيتكن ختريات تب..
ماما تنفعى مذيعة ...
غايتو الفريقين ماعندى فيهم نفقة لكن بشجع النمسا عشان اشراقة..
والمانيا عشان ماما دومة..شفتو المحبة دى كيف..
_____________________________________________________--
تمبس مشكلتى الوحيدة معاهو انو هلالابى..
وجيتى انتى ياماما دومة واشراقة بقيتو هلالابيات اسى انا ادق راسى بالحيطة?
|
Post: #16
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: Emad Abdulla
Date: 06-08-2008, 07:15 PM
Parent: #15
| Quote: Borussia Muenchengladbach |
دي منو كمان ؟؟
تشبه لي سلوبودان ميلوسوفيتش ..
تصدقي يا دومة بي منو ؟ ..
من الله خلقني ما دقيت كورة .. و لا شجعت فريق ..
و لا بعرف الأستوبر من السنترفيرود ( نطقناها صاح يا تمبس ؟ ) ..
و كذلك الكوتشينة .. ميحي .
.....
زمااااان .. أولاد الحلة لعبوني ( قونوباك ) ..
بعد القيم خلّص .. دقوني .
|
Post: #17
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: GamarBoBa
Date: 06-08-2008, 07:34 PM
Parent: #16
Quote: و معاكم قائد النوبيين الجديد دكين ... عامل كركبة شديدة الايام دى ....
|
يكركب زي ما هو عايز,,,بمثل وطنه ونوبيته كما ينبغي
دايرين حاجة من برة قبل دورة اليورو دي تبدا؟؟؟
__________________________________________________________
عصام جبرالله: اين ً اين الهلالابي خضر حسين؟؟؟ لاعب الموردة المشطوب قبل التسجيل
|
Post: #18
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: Ishraga Mustafa
Date: 06-08-2008, 08:20 PM
Parent: #17
| Quote: والنمسا اخدت واحد صفر لكرواتيا |
واصل قال لى نتيجة الكورة
النمسا اتغلبت
انا زعلانه رغم انى امس والليلة واقفة ومافاهمة حاجة لانى بصراحة كنت من ناحية تانية فرحانة ومكتيفة من فى الفوضى الجميلة الخلقوها {الاجانب} فى بلدنا- ديل بيغنوا وبيرفصوا بكل اللغات
وواصل بيفتكر مافى داعى لزعلى لانو
Sie können sowieso nicht gut spielen
يعرفوا مايعرفوا مافارقة كتير
الفارقة الجميلة وجود الناس الكتااااااااااااااااار ديل
فيينا بقى لونها تانى- بقى منقط بكل الالوان
لحدى منتصف يوليو حايكون البرنامج مجنون لحين ذلك ياعصام كلم ناس الديوان يسكتوا شوية
خلونا نركز فى ملامح الناس دى
|
Post: #22
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: tmbis
Date: 06-09-2008, 08:12 AM
Parent: #9
Quote: بتسويها الراكوبة كان الله اداك العافية
شايفك شدة ما لقيتها ما بترد السلام زاتو
وتضحك لمن تاني رقبتك
غايتو الجنى العاصي قسمة الياباني |
.. صباح الورد يا منقــة..
الوصية لقيته بعد كم يوم .. اصلي بعيد عنك لي تلاتة ايام خارج التغطية نهائي ..
معقولة انا كدا يا ســت الكل ..؟
البوست دا لذيذ يا اماني ..
وانا بشجع المغلوب دائما ..
بلاي ما تضيعوا لينا البوست دا .. الواحد يمشي يعمل حرب بره .. ويجي يمتع نفسو بالكتابة الطاعمة دي ..
|
Post: #19
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: ASHRAF TAHA
Date: 06-08-2008, 08:55 PM
Parent: #1
Quote: نتلاقي بعد الكاس يترفع ...
العفو و العافية |
والله إلا تبقى الصايم ديما إلا شوية
وبعد داك تجي تمدح
الأربعة × أربعة
بتاعت البرعي كفارة
مودتي
|
Post: #20
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: Ishraga Mustafa
Date: 06-09-2008, 07:27 AM
Parent: #19
دومة... كيف اصبحتى بعد سهر امس ومتابعة الكوره
Hura, Deutschland hat gewonnen
يابت امى عينى وعين الصباح
كدى فى الاول مبروك ليكم فوز المانيا
ومبروك لواصل ولدى
عاد يادومة من كأس اروبا ده بدأ والتجهيزات على المستوى المحلى قايمة وقاعدة
واصل امس ساهر عشان الكورة
ومرافىء قالت بتشجع الاحمر
قمت شربت لى {نسكافى} شفت ياعصام جبرالله - نسكافى عديييييييييييييل
ساهر بى {رأسى باين عليهو خفيف} ومابيقدر على الهباباى
Wo bist Du ya Esam
beleibe da
wir wollen beweisen, dass wir fähig sind, den Mund zu halten )
dont dream about it please
|
Post: #21
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: Safia Mohamed
Date: 06-09-2008, 07:58 AM
Parent: #1
استاذ عصام سلام
د اشراقة شايفة كلام جندرة الكورة ما عجبك
Quote: دكتورة اشراقة ازيك
قلتي لي ننتظركم انتي ما سمعتي بالفيمنسميات الهولنديات االي طلعو بمظاهرات لما كاس العالم وقالو هم مقاطعين اي فعالية ليها علاقة بكرةالقدم وحيثياتهن للمقاطعة أ:
كرة القدم تاريخيا هي كانت حصريا على الرجالة (الا بضد الاندية حديثا عندها اتيام لكرة قدم نسائية\9 ووهي رياضة يصرف فيها من اسعار لاعبين ومرتبات مردبين وانشاء ميادين لكرة القدم ما يدفع فيها لو تم دفع 10% منه كان مشاكل نساء دول العالم النامي من انعدام خدمات صحية وتعليم وغيره انتهت
فهم بيفتكرو انه كرة القدم هي جزء من راس المال العالمي الذي يكرس كل فوائده للرجال والمصيبة في انشطة كرة القدم النساء لا يصيبهن نصيب سوى مشجعات وهنا هن بدفعن يعني القروض كلها بتمشي للرجال اللاعبين او المدربين او من لف لفهم شفتي جندرة كرة القدم دي كيف.
الغريبة انا غايتو اول مرة اكون مختلفة معاهن لاني مدمنة كرة قدم وكوتشينة من ما الله خلقني تعرفي انا بعرف العب حريق قبال ما اخش المدرسة وهلالابية على السكين وبتابع مباريات كاس العالم وامبارح طبعا ما فوت الكورة وانا بشاهد فيها اتذكرتك قلت بختها اشراقة حسع امكن تكون شتايفاها لايف بختلف مع الفيمنزيمات في مقاطعتهن للكرة واتقف مع الاتجاه نحو عمل فرق كرة قدم مختلطة يعني الفريق حمسة ونص رجالة وخمسة نص نسوان واذا كان الحكم رجل فرجل الخط لازم يكون مرة
ونواصل مع جندرة كرة القدم
صفية |
|
Post: #23
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: خدر
Date: 06-09-2008, 10:41 AM
Parent: #21
| Quote: انبطح احد لاعبيه ارضا بعد ان دقشه لاعب الفريق التانى |
لوووووووووول
|
Post: #27
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: Ishraga Mustafa
Date: 06-09-2008, 12:34 PM
Parent: #23
خدر مالك ياود امى
دقشه دى فيها شنو كمان زول عتر لزول قام وقعو
| Quote: الكورة بدت .... لاشراقة مصطفي/الجندرية/خدر و من لف/لفت لفهم |
حسع ممكن تقول لى قصد عصام شنو
|
Post: #24
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: esam gabralla
Date: 06-09-2008, 11:06 AM
Parent: #1
سلام يا شعوب
العوارض اتلحتنا مرة تانية
اتصبرو بالصور دى لغاية ما نرجع
ابوسريع: الفارة تمبس
| Quote: بعدين يا عصام إنت مالك ومال الكورة ..؟ |
الما عارف يقول عدس.... انت شايفنى بقول كلمتين السياسة ديل قايلنى عماد عبدالله و لا الغراب النبيه بتاع كتاب المطالعة؟؟؟ بجيك امعط ليك رويشاتك القامن ليك اليومين ديل واحددا معاك من الصياد والوحدة و العاتى ... يا امنجى يا مخبرنجى ...
|
Post: #25
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: Emad Abdulla
Date: 06-09-2008, 12:19 PM
Parent: #24
| Quote: قايلنى عماد عبدالله و لا الغراب النبيه بتاع كتاب المطالعة ؟؟؟ |
يكون قايلك حسن و الصفارة ..!!!
.....
تمبس ظابطة معاهو حكاية الدجاجة الصغيرة الحمراء ..
|
Post: #26
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: Ishraga Mustafa
Date: 06-09-2008, 12:28 PM
Parent: #25
Quote: د اشراقة شايفة كلام جندرة الكورة ما عجبك
|
بجيهو ياصفيه وعندى فيهو تنظيرات كمان 0الايام دى فاكاها فى روحى بعيد عنك
الكورة وعلاقتها بالانوثة والذكورة
جندرة الرياضة عموما دايره قراية فى سياقاتنا اما الفمينيزم ده قصته تانية خلينا نتفرغ ليهو مرة
ارائى مابتعجب المتطرفات منهن
|
Post: #28
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: esam gabralla
Date: 06-10-2008, 04:09 PM
Parent: #1
السلام للجميع
اشراقة
شفتى مما الزول يبدا كده
تعرفي طوالى ما عنده علاقة بالقصة، جيبي لينا واصل عشان نتونس معاهو، انتى اتخارجى من هنا ...
واصل قال حايشجع فرانكرايش- فرنساوزعلت انا رغم انى مابفهم فى الكورة
لكن يوم النمسا ناوية البس علمها فستان- شفت كيف حانصمت- مش عشان عيونكم لكن عشان الكورة
اها الكورة زى الحب، لا فيها منطق لا عقل، زول عاوز يشجع فرنسا او حب بت الجيران ... حتقولى ليهو شنو؟ دخلت قصة الحب دى عشان اقرب ليكى الموضوع ...
فابالله ساعدونا بالصمت المبين الى حين نجندر الكورة
الكورة البلعبو بيها؟ احتمال كبير تقدرو "تجندروها" ( رغم انى ما فاهم بالضبط جندرتها تعنى شنو لكن حاولو) ... اما الكورة ـ رياضة كرة القدم بكل ما فيها و حولها ـ عشم ابليس في الجنة ...
اتفرجى في الصور دى ....
راجع للبقية
|
Post: #29
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: esam gabralla
Date: 06-10-2008, 04:14 PM
Parent: #1
الطليان بعد المرمطة
وااااااع نحن الاسود البياكلو البيتزا
التريقة بدت
|
Post: #30
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: خدر
Date: 06-10-2008, 06:08 PM
Parent: #29
ما بحب الكورة
كاس العالم ده لو جابوهو لي تحت البيت
بقول ليهم وطو صوتكم معانا راجل كبير مريض 
امس الشوارع كلها فاضية
و ان مستغرب العواليق ديل مشو ويين كلهم الليلة
سقت لقاء و لودا و نزلنا الحديقة تحت نلعب كورة في الشمس السمحة دي
لعبنا تمرين لذيذ و استمتعنا
رجعنا البيت كان القون الاول دخل
اتصلت بصديق هولندي مجاملا و خاطبته بلغة العارف
( الاول ده استهلال .. غالبا حا نغلب ايطاليا 2 صفر)
رد صديقي بهتافات من نوع سنسحقهم و سنعبر علي اكتافهم
انتهت المهاتفة نهايه سعيدة
مشيت عملت ايميلات مؤجلة و بعدها فتحت سودانيزاونلاين فعلافت انو هولندا غلبت
__
22 نفر عبيطين ساكين ليهم كورة صغيرونة و مسكينة .. انا دخلي شنو ؟؟
|
Post: #31
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: esam gabralla
Date: 06-10-2008, 10:15 PM
Parent: #1
سلام صفية
ده الكلام التمام
| Quote: الغريبة انا غايتو اول مرة اكون مختلفة معاهن لاني مدمنة كرة قدم وكوتشينة من ما الله خلقني تعرفي انا بعرف العب حريق قبال ما اخش المدرسة وهلالابية على السكين وبتابع مباريات كاس العالم وامبارح طبعا ما فوت الكورة |
و دومة
| Quote: لكين انا ما بعرف حريق دي اول لعب كشتينه اتعلمتو كونكان 14 من رابعه اوليه وتاني اتعلمت الوست والهارت بريد اللعب والكره والغناء والهجيج رغم اني لا بعرف ارقص لا اغني . |
ناس اشراقة ديل جايين للقصة دى بالغلط و معاهم عينة خدر و عماد دييل، الواحد لو بيقول: انا ما بحب الكورة و يسكت ( زى انا ما بحب الويكة مثلا) ما كان قلنا شئ ، لكن عاوزين يعملو ليها توم و شمار و تنظيرات ...
قومو لفو ....
|
Post: #32
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: esam gabralla
Date: 06-10-2008, 10:32 PM
Parent: #1
وين الصور
الاسبان قادمون .... الماتادور
والسويد كذلك ... مرمطو البطل
|
Post: #33
Title: Re: الكورة بدت .... لاشراقة مصطفي/الجندرية/خدر و من لف/لفت لفهم
Author: فارس موسى
Date: 06-11-2008, 01:58 AM
Parent: #1
والله انا حاسدكم عديل كده يا عصام وإشراقه
بالمناسبه يا خدر اخوك فريقو فى العكه الاوربيه دى الاورانج
ديل احلى ناس ومنك للخلاسيين .
يا عصام انحن مرمين جوه طاحونه مدوره 24 ساعه وسيدها واحد..... ما شفتا ولا قيم واحد لحدى هسه !!!
هولندا فوق .
|
|