.. لم أخطيء ..

(وحدي )أتحمّل نتيجة ما حدث ..
ومن كان أكثر نوبيّةً مني ..
فليكن أكثر شجاعةً مني وينصفني ..
لنتعلم أن نحترم الآخر ..
وسأكون أنا أول المتعلمين ..

Quote: (وحدي )أتحمّل نتيجة ما حدث .. ومن كان أكثر نوبيّةً مني .. فليكن أكثر شجاعةً مني وينصفني .. لنتعلم أن نحترم الآخر .. وسأكون أنا أول المتعلمين ..

صابر،
سلامات ..

Quote: (وحدي )

وحدي من واحد من مفرد لا حزب بطوله و عرضه! إن أردت فعلا تحمل مسؤولية ما جرى لما زججت بحزبك في الأمر بادئ ذي بدء... أأردت ان تسبغ مصداقية ما على رأيك؟ أم تضخمت لتصبح انت (وحدك) حزبا بحاله؟

Quote: ومن كان أكثر نوبيّةً مني .. فليكن أكثر شجاعةً مني وينصفني ..

لسنا بصدد مسابقة من أكثر نوبية من من وكونك نوبيا لا يستثنيك من الاعتذار الواضح و الصريح عن ما رميت به عرقية كاملة بلا وجه حق. كونك نوبي قد يزيد الأمر سوء كما لا يخفيك فمن يرى في أهله ما رأيت يجعلنا ننتساءل عن مصداقيته ككل.

Quote: لنتعلم أن نحترم الآخر .. وسأكون أنا أول المتعلمين ..

احترام الآخر ليس شعارات نطلقها بظاهر ألسنتنا و نتوارى خلف لافتاتها متى ما أخطئنا...
انت أخطئت في القراءة لما دار في البوست
و اخطئت في التعامل مع الثقة المنوطة بك
و أخطئت في إصدار البيان
و أخطئت في لغة البيان
و اخطئت وقت تماديت في التكبر و إنكارك خطئك كما هو عنوان البوست...


ارجو ان تعترف بالخطأ في البدء و سنتأتي بعدها للاعتذار!

Quote: .. لم أخطيء ..

طيب سويت شنو؟؟؟

Quote: (وحدي )أتحمّل نتيجة ما حدث .. ومن كان أكثر نوبيّةً مني .. فليكن أكثر شجاعةً مني وينصفني .. لنتعلم أن نحترم الآخر .. وسأكون أنا أول المتعلمين ..

تتحملها وحدك يتحملها معاك الجماعة ...تتصرف يا صابر

اقفدتنا أخ عزيز
افقدتنا متعة بوست جميل

نعت اهلك بالضعة والانكسار
دخلت حزبك في جحر ضب
ودخلت النوبة في قزازة


وانت احكم بعد ده

ولائي الأوحد للإنسان الذي لا إنسان إلا هو ..
وليس لقبيلة أو إثنية عرقية مهما كانت حتى ولو كان عمرها 7 ألف سنة ..
الإنسان هو وحدة قياسي الوحيدة ..
وهذه هي الليبرالية .. وهذا هو ما يتحمله حزبي ..

Quote: ولائي الأوحد للإنسان الذي لا إنسان إلا هو .. وليس لقبيلة أو إثنية عرقية مهما كانت حتى ولو كان عمرها 7 ألف سنة .. الإنسان هو وحدة قياسي الوحيدة .. وهذه هي الليبرالية .. وهذا هو ما يتحمله حزبي ..

كلام جميل ... ان شاء الله تجارة رابحة

السؤال،

ليه تسيء لإثنية كاملة بناء على تصرف (انسان) فسرته انت كما تريد؟



__________________

أتعي فعلا ما تقول أم نغض البصر و نطلب الصبر كما هو الحال مؤخرا؟

Quote: وهذا هو ما يتحمله حزبي .

حزبك فقط يتحمل مغبة سوء إختيار من يتحدث بإسمه
و صمته على مذكرتك المخزية من بعد

شوف يا عمك

كلام كتير وتنظير ما بجيب فايدة



1 + 1 = 2

إنت استخدمت اسم حزبك في (كلام فارغ)


عاوز تعتذر عنو
باسمك أولا
وبأسم (فرع) حزبك ثانيا


أهلا وسهلا

عاوز تنظر تاني


تكون صفر على الشمال


أوكيه يا عمك

Quote: الإنسان هو وحدة قياسي الوحيدة .. وهذه هي الليبرالية .. وهذا هو ما يتحمله حزبي ..

انعم وبارك...عًلم

اللي بعده

أها يا سيد

لسع بتذاكر ولا شنو





خلصنا ورانا شغل بعديك

حمبرا الليبرالي،

مامعني تحمل المسؤولية في فهمك المحدود هذا؟

البنعرفو، في المجتمعات الاخضعت كوكب الارض، ثم ذهبت للكواكب الاخري كغازية، تحمل المسؤولة، يعني لدي بعضهم، الانتحار عديل كده، مش مجرد الاعتذار البسيط يا امي يا متخلف، كتكفير عن مجرد خطا بشري، بحق الناخبين.

مافي حاجة اسمها مسؤول وحدي هنا، والبيان بخصوص الونسة البرئية صدر باسم مؤسسة.

انت او اي طيرة ليبرالي، مسؤولين، مسؤولية مباشرة عن هذا القذف والتعريض بمجموعة بشرية كاملة.

لو كلامك كان باسمك انت لوحدك، لما اهرقت حرف واحد، لانو ده في الحالة دي، حقك الالهي في التعبير.

الاخ صابر
باصرارك علي عدم الاعتراف بالخطا و عدم اعتذارك
تضع الحزب الليبرالي في موقف لا يحسد عليه
ما ذنب زملائك في الحزب الذين اعتذروا بالنيابة عنك ؟

عندك حلين لا ثالث لهم
الاعتذار
او الاستقالة من الحزب لان الحزب رسميا لا يدعم موقفك

Quote: عندك حلين لا ثالث لهم الاعتذار او الاستقالة من الحزب لان الحزب رسميا لا يدعم موقفك

العزيز نبيلو
الحلين يعرفهم صابر ولم يسلك طريقهم
ا -الاعتذار: قال

Quote: .. لم أخطيء ..

2 -الحزب لم يدعم موقفه هذا صحيح ولكن حين تكالب العجم علي الحزب بحديث عربي لا ضعة فيه صار يبحث عن مخارج لصابر
يبدو ان صابر (زول واصل) في اللبرالي.

عموما السايقة واصلة يا اخوان اعطينا من الفرص ما يكفي ولم يتعذر الرجل ولم يأخذ الحزب اللبرالي موقف تجاه فرعه في امريكا وكان ما كان...وبقدرة قادر صار الصراع بين النوبيين واللبرالين وهذا ما لم اتمناه وقد حدث...فليقل اللبرالي كلامه االاخير في المداخلات اعلاه؟




معا لعودة ود المايقوما محمولا علي الاكتاف
وياخوانا تاني مافي زول يغلط علي زول
الغلط ساهل لكن تصحيحه اصعب مما نتخيل

المسكين بتخيل تحمل المسؤولية، معناه، ركوب الراس والاعتزاز بالاثم!

او مالو!

انت واصل والفاتورة حيدفعا تنظيمك النكتة، هذا!

في عصور الانحطاط، زي ديل يتصدرو قائمة العمل العام، تماما، زي اب بزاغ، رامبو، زينكو، العوقة البشير، او زينكو!

كيف ما كنتم يولي عليكم!

المداخلة رقم واحد:

Quote: (وحدي )أتحمّل نتيجة ما حدث ..

من قال لك ذلك؟

لو كان الأمر كذلك لفعلت الصواب

Quote: ومن كان أكثر نوبيّةً مني

هذا ادعاء

Quote: فليكن أكثر شجاعةً مني وينصفني ..

كن شجاعاً فالرجوع إلى الحق فضيلة

Quote: لنتعلم أن نحترم الآخر ..

كان أولى أن تخاطب نفسك بهذا الكلام قبل أن تفعل فعلتك؛ التي فعلت.

Quote: وسأكون أنا أول المتعلمين ..

لا لا لا
لن يحدث ذلك

لأنهم قالوا في المثل

اثنان لا يتعلمان

المستحيي والمستكبر

وأنت جمع مذكر سالم

لكليهما

Quote: .. لم أخطيء ..

أخطأت فى تعميم الخطاب ياصابر
وكذلك تسببت في سحب عضوية عضو
وهى عقوبة اكبر من حجم الخطأ


مودتى

عارف يا صابر،
الاعتذار بحد ذاته ميزة ليها مدلولات كثيرة ... قطع شك تعوزك!

البني آدم خطآء و الخطأ وارد ..
انت قريت حطأ
وفسرت خطأ
و ردة الفعل بالتأكيد خطأ
والآن تواصل one man show من الخطا و بعنجهية تحسد عليها!

كان ممكن نرجعك لبداية الشريط و نمشي معاك تاتا تاتا لغاية ما تصل لرد الفعل و ساعتها كنت بتلاقي أكتر من منفذ ..

ولعلمك اعتذارك ما بيغير حقائق التاريخ ولا اللي بنعرفه عن انفسنا بس بيهذبك انت و لقدام بيخليك تفكر مليون مرة قبل تنطق الكلام ..

كلامك اللي انت قلته ما بيهز حقيقتنا كنوبين ولا كرامتنا مطروحة في مزاد تزايد عليهو لا انت ولا مليون زول تاني ...

اعتذارك المفوض يكون لنفسك في الأول
اعتذارك انتصار لنفسك
انتصار على غرور شطب التاريخ بجرة قلم
انتصار لقيمك اللي انت بتظن انك بتؤمن بيها
للبرالية و التفكير الحر

اعتذارك هو ترجمة المسؤولية الحشرتها فوق ... موش تضرب رجلك في الأرض بعناد وتقول ما غلطان ...

لا ما بيحلك !

لانك ببساطة غلطان!

دي السما و دي الأرض ....غلطان!

تعمل اقواس

تنقط

تنون الكلام ...

تيتي تيتي محل ما رحتي جيتي ... برضو غلطان!



بيحلك شنو تفتكر؟


كلمة فصل

خط بين قيمتين سالبة وموجبة


(آســـــــــــــــــــــــــــــــــف)



لنفسك في المقام الأول

و لحضارة اتطاولت على اهلها ...

حضارة يا مؤمن علمت حضارات تانية الكتابة!

في حالة اصرار الاخ صابر علي عدم الاعتذاز
علي الحزب الليبرالي اتخاذ الاجراء المناسب

مع اعتذارنا للحزب لتدخلنا في شؤونها الداخلية

Quote: هذا السوء و هذا الازدراء الذي رفضتموه لأول خروج في مواجهة اللسان الفصيح ولا زلتم تشعرون امامه بالضعة و الانكسار...

هذا السوء الذي رفضتموه؛ طيب مالو؟

هذا الازدراء الذي رفضتموه؛ طيب مالو؟

لأول خروج في مواجهة اللسان الفصيح...

الكلام دا متين؛ أم أن هذا هو كلام الطير في الباقير؟

ممكن تشرح لي العبارة بتاعتك دي يا صابر؛ الما صابر.

معاه ممكن تجيب على هذا السؤال؟

من هم رواد المعلمين في السودان؟

هل تعلم أن جزيرة صاي وحدها أوائل الستينيات كان بها حوالي

470 معلم؛ قبل أن يولدوك؟ سيبك من حلفا مثلاً؛

يا أنت الذي لا تعرف عن اللغة العربية شيئاً؛ ومن باب أولى لا تعرف الرطانة؛ لأنك لو كنت تعرفها؛ كنت

فهمت ما قرأته.

ديل الناس الضعة والانكسار؟

بالمناسبة العبد لله واحد من الجماعة اللي كانوا بيتونّسوا ونسة عادية؛ انت ما ناقش منّها حاجة لا الرطانة

ولا العربي حتّى.

بعد كدا

اعتذارك ما بيفيدك

زي ما غنّى العملاق وردي؛

اللّي برضو كان بيعلم الناس اللغة العربية؛ وبيحفظهم الأناشيد

لكن للأسف انت ما حصّلت لا وردي

ولا البردي ذاته

بتعرف اتفاقية اسمها البقط

bagid معناها بالرطانة ؛ وبالعربي القسمة؛ وبسبب حضارة الناس ديل؛ أصحاب اللغة العربية ديل

اللغة اللي ما بتعرفها؛ هؤلاء الناس ادخلوا اللغةالعربية لي كل السودان؛ يعني أول ناس اتعلموا اللغة

هم الرطّانة ديل ذاتم.

اعتذارك ما بيفيدك؛ بس اللي حيفيدك بالجد؛ إنك تعمل بوست تطالب فيه الباشمهندس يرجّع ود المايقوما

وبوست تاني تشرح معنى العبارة الغريبة اللي أطلقتها؛ وما فيها جملة مفيدة صحيحة.

وبجيك تاني إن شاء الله.

Quote: معا لعودة ود المايقوما محمولا علي الاكتاف وياخوانا تاني مافي زول يغلط علي زول الغلط ساهل لكن تصحيحه اصعب مما نتخيل

كاد أن ينصفني ..

Quote: ليه تسيء لإثنية كاملة بناء على تصرف (انسان) فسرته انت كما تريد؟

الكلام حمال اوجه



صدر الحكم قبل المداولة

نخضع الحكم للمراجعة

Quote: ليه تسيء لإثنية كاملة بناء على تصرف (انسان) فسرته انت كما تريد؟

البوست المحذوف موجود مع الباشمهندس بكري وهو رطاني..
فهل هو أيضا أساء تفسيره ..
كفاية إستعباط ..
الزول كان عمل حاجة يبقى قدرها..
مش يجي ينكر ويستعبط ..

Quote: ولائي الأوحد للإنسان الذي لا إنسان إلا هو .. وليس لقبيلة أو إثنية عرقية مهما كانت حتى ولو كان عمرها 7 ألف سنة .. الإنسان هو وحدة قياسي الوحيدة .. وهذه هي الليبرالية .. وهذا هو ما يتحمله حزبي ..

العزيز صابر
أنا لا افهم تعبيراتك
من هو الإنسان الذي لا إنسان إلا هو ؟؟؟
ثم أن القبيلة أو العرقية التي عمرها 7 آلاف سنة تتكون في جملتها( من الإنسان الذي لا إنسان إلا هو)
وأنت الذي خاطبت القبيلة بصيغة الجمع فشملت في إساءتك كل افراد القبيلة الذين في مفردهم يتكونون من (الإنسان الذي لا إنسان إلا هو)
وأنت من حيث أنك تريد أن تدافع (للأنسان الذي لا إنسان إلا هو) وجهت إساءة (لا إساءة إلا هي) إلي إنسان آخر يعتبر هو أيضاً إنساناً (ولا إنسان إلا هو)

أما الجمل التي تحتها خط فسوف أعود إلي كل المراجع الليبرالية علني أفهمها

وإذا كنت تري أنك لم تخطئ بوصف قبيلة كاملة بالإنكسار ( الذي لا إنكسار إلا هو) أمام اللسان المبين (الذي لا مبين إلا هو) فهذا يدل ، فيما يدل ، علي خلل كبير في أحكامك ، أرجو أن تراجعها.

البيانات الحزبية يا سيدي سلاح خطير وذو حدين ، لابد من أن تنتبه فيها إلي ما يفيد حزبك أولاً ، ولا تكتبها وأنت منفعل ولا منحاز ، ثم أنها لا تتحمل اللغة الإبتكارية الممعنة في الحداثة ، تلك لغة يمكن أن تجربها في قصيدة أو قصة قصيرة ، ولكن البيانات الحزبية يجب أن تكون بلغة واضحة و(لسان مبين)

Quote: البوست المحذوف موجود مع الباشمهندس بكري وهو رطاني.. فهل هو أيضا أساء تفسيره .. كفاية إستعباط .. الزول كان عمل حاجة يبقى قدرها.. مش يجي ينكر ويستعبط ..

صباح (الأدب) و (التهذيب)

منو هو (الزول)؟
ود المايقوما و اتشال للصالح العام بتاع البورد
يبقى قدرها كيف؟
ما خلاص، حضرتك الحكم و الجلاد و هريدي بتاع المخابرات ..
الزول في الحالة دي منو؟ انحنا؟ اختزلتنا في زول؟
مجموعة في زول
وحزب كامل في (وحدي)
غايتو، قادر الله !!

وبالله بكري رطاني؟؟
وبالله بكري ابو بكر ما بقرى عربي؟
عميان من ساقط القول (الفصيح) اللي حايم في البورد؟
ولا الاساءةمومتر شغال بس في الرطانة لانو ممكن جدا كلمة سماقو تقلب الحكم!


اها،
دايرنا نبقى قدرها كيف؟
وضحنا
و فسرنا
و بينا انو ما بنقبل الخطأ على زول
برضو،
ولدنا لسه ما جا،
نعمل شنو يا جنابو؟
نورنا ما انحنا بعيد عنك ما بنفهم و ماسكانا خلعة من الكلام العربي!




_______________

Quote: فما معنى وجوه ضاحكة ومدخنة من الضحك في مقابل صورة لإنسان نشرت بالبوست..

يعني هسي انتا ساكت المدة دي كلها عشان تجي تقول لينا استفسارك الظِنين ده؟؟
بدل ماتجي تعتذر على مابدر منك من اساءة جاي تبرر ووضاعة النوبيين وانكسارهم بهذا التساؤل..
دي هسي يعني بينتك اللئيمة في الاساءة الى النوبيين؟؟


اها هاك امسك ..النوريك معنى استفسارك ..
انتا داير تعرف يعني شنو :

Quote: فما معنى وجوه ضاحكة ومدخنة من الضحك في مقابل صورة لإنسان نشرت بالبوست..

ذلك لايعني اكثر من وجود وجوه ضاحكة ومدخنة من الضحك وصورة زول منشورة..
فقط لاغير..

وهاك مني انا اعلمك ما قد يخفى عليك ..
وجود بشكير عليه وردة في حمام ليس به وررود لايعني اكثر من وجود بشكير عليه وردة في حمام ليس به ورود..
وجود صورة كلب على جدار في بيت انيق لايعني اكثر من كلب على جدار في بيت انيق..

انتا ياصابر مطرطش ولاكيف؟؟
عايز تحملنا تبعات ظنونك..

Quote: (وحدي )أتحمّل نتيجة ما حدث ..

بعدين انتا وكت موحد..
مالك محملنا مغبة ظنوك لينا نحنا النوبيين كلنا..
ما تمشي تحملا لي من تظن انو ضحك فيما تظن انه مثار للضحك..
حملا ليهو بصورة (وحدي)الجاي تتبرا بيها من كونك امين الليبرال في امريكا..
لانك لو ما شايف انو المضحوك يستحق الضحك ما كان جرى في ظنك انو هؤلاء القوم يتمسخرون لمجرد انهم ضحكو ..

..
.
عزيزى ريتشارد كمبل ..

Quote: حمبرا الليبرالي، مامعني تحمل المسؤولية في فهمك المحدود هذا؟ البنعرفو، في المجتمعات الاخضعت كوكب الارض، ثم ذهبت للكواكب الاخري كغازية، تحمل المسؤولة، يعني لدي بعضهم، الانتحار عديل كده، مش مجرد الاعتذار البسيط يا امي يا متخلف، كتكفير عن مجرد خطا بشري، بحق الناخبين. مافي حاجة اسمها مسؤول وحدي هنا، والبيان بخصوص الونسة البرئية صدر باسم مؤسسة. انت او اي طيرة ليبرالي، مسؤولين، مسؤولية مباشرة عن هذا القذف والتعريض بمجموعة بشرية كاملة. لو كلامك كان باسمك انت لوحدك، لما اهرقت حرف واحد، لانو ده في الحالة دي، حقك الالهي في التعبير.

شغال بنظرية :
انا واولاد الزرقة وناس تراجى ضد الشماليين والجلابة
وانا والشماليين وابناء المحس ضـد الحزب الليبرالي والليبراليون ..

وانا والحزب الليبرالي على منو ؟؟

يا زول ما تحدد موقفكـ !! المبادئ والقناعات المواقف لا تتجزاء
من اصابتك بالحالة النفسية وعقدة الاضهاد كنت تشن هجوما فظيعا عللى السودانيين
والشماليين والجلابة وولاد البحر والمسعلواتية حسي الجًد شنو؟؟
واقف مع اولاد اهلك ؟؟ ولا كرهاً فى الحزب الليبرالي
ما قلت ليك انت الشغلة دى غلبتك وما عارف تشووت ووين ؟؟
ولا بقيت مع مصلحتك تماما مثل ديدن الكيزان ..

وما تجى تقول تبلدينا مرحبتين بقيت جنك سلام
بالامس القريب قرأت لى عدد من التعليقات قلت فى نفسي والله المدعو كمال بشاشا
اتحسن بقي بوزن كلامو ويستخدم مصطلحات شقيقة واخى وبدون اساءة وبرد باخلاق ونفس عالى
ويتجنب الرد على اساءاته ضد الاخرين..
لكن ما ان ابلج الفجر الا اجد تخيرت سوء اللفظ مثل امى ومتخلف وطيره ..
ياااخ ما تعقل وتتحسن انت داخل على العقد الستين
وقول كلامك بهدوء وادب واحترام .. عشان يجى يرد ليك
باسلوب محترم ..
ودوما فكر عامل الناس بمثل ما تود ان يعاملوك ..

وبالمناسبة لو جيت رديت لى بكلمة كدا ولا كدا خاطية الدرب
ورب الكعبة المشرفة انبزك لحبويتك المئوية وجوه بيتك..

دا بس للعلم واعتبرو تحذير لانى عارف لسانك زفر وبنقط قيح وصديد
عشان كدا تعال بأدب ولا اقول ليك اقراء الكلام دا وطنش ..

اللهم اهدنا فمن هديت وعافينا فيمن عافيت ..
_________________

صابر عبدالهادى رغم الخلاف فى وجهة نظرك بأنك على حق او لا
الا اننى احيك على اعتذارك ( الجزئي ) وان لم يرض الكل ..
واعتبره فرض كفاية .. ان قبل به البعض سقط عن الباقيين ..



يا امة

Quote: البوست المحذوف موجود مع الباشمهندس بكري وهو رطاني.

يا صابر المعلومه دي غلط
بكري قد يكون له جذور نوبيه وقد لا يكون
ولكن الؤكد انه لا يعرف ا..ب...ث اللغه النوبيه ( اي منها دنقلاوي, محسي, سكوتاوي, حلفاوي: ....)
اقول هذا القول وانااعرف بكري لاكثر من خمس وعشرين سنه
سكنا فيها سويا لقرابه العام و تشاركنا فيها في العمل سويا
وبكري موجود ويقرأ البورد ممكن يجي يؤكد هذا الكلام
اعتذر يا اخي فهو اجدي لك ولحزبك الذي تنطنق باسمه
فانت اخطأت ما في ذلك شك