Post: #1
Title: بيان من الحزب الليبرالي السوداني فرع السعودية
Author: اساسي
Date: 06-07-2008, 06:42 AM
Parent: #0
بصفتي من قراء سودانيز اون لاين وبما اني من الذين زاملوا عادل عبد العاطي والاخت نور تاور والاخ الفاضلابي والاخ تروس في هذا المنبر سنوات طوالا وبما انه تجمعني علاقات انسانية فاضلة مع المذكورين فقد قررت اصدار بيان باسم الحزب الليبرالي السوداني بصفتي صاحب الجماعة ديل في السعودية و لعدم وجود امين اعلام وثقافة للحزب في السعودية فانا اولي من الغريب .
ان الذي حدث من امين الثقافة والاعلام لفرع الحزب في امريكا او كما جاء في عنوان البوست علي مستحقات ومكتسبات الاخ ود المايقوما التعبيرية او حقه الاول في الدستور الامريكي في حرية التعبير والاعتقاد واي حق بيكفله ليهو اي دستور لبرالي في اي مكان يدرك ما للبرالية من معان وبما ان الاخ صابر بتاع امريكا زيه وزي قد يكتب بيانا باسم الحزب ويأتي الحزب ويقول ان هذا البيان يمثل صابر براهو والحزب ما عنده اي شغلة بالكلام البيكتبه امينه الثقافي والاعلامي في امريكا ولا سقط لقط , وبما ان الحزب الليبرالي يتبع نظاما ليبراليا جدا في لائحته التنظيمية الداخلية وان من حق اي واحد يعمل الدايره , لذا وبصفتي من اصدقاء الليبرالي فانه ومن موقعي الحالي اعتذر للاخ ود المايقوما عن ما حاق به من تعدي سافر وظلم وسلبطة واكل حقه حنك من ممثلية الاعلام والثقافة في امريكا او كما جاء في عنوان البوست .
باسم الحزب الليبرالي السوداني اطالب بكري ان يستخدم ما يطلق عليه مجازا عقل وتحكيمه والرجوع اليه في التصرفات التي تطال الاخرين وان لا يكون لقيطا سميعا اضينة . فبالرغم من الحزب الليبرالي يولي كل من هب ودب ويكلفه باي امانة ارتضاها ويسلطه علي رقاب الفريجة والهتيفة الا ان الحزب يستنكر ويشجب ويدين افعال اعضائه واماناته المختلفة .
اطالب الجميع بالوقوف صفا واحدا من اجل عودة الاخ ود المايقوما والاعتذار له من قبل الحزب والاعتذار لنا نحن مجموعة اصدقائه المنبريون والمريخيين .
يطالب الحزب الليبرالي السوداني بعمل ايقونات ترجمة اللهجات السودانية تعمل تلقائيا مع ايقونه شاهده قبل نشره بكامل اللهجات السودانية حيث تعمل بمجرد الضغط عليها علي ترجمة النصوص المكتوبة اللي اللهجات و الرطانات السودانية المعروفة والتي تمثل الاثنيات السودانية التاريخية.
|
Post: #2
Title: Re: بيان من الحزب الليبرالي السوداني فرع السعودية
Author: حيدر حسن ميرغني
Date: 06-07-2008, 06:49 AM
Parent: #1
لا لتهديد اساسي
_
خلية نايمة
|
Post: #4
Title: Re: بيان من الحزب الليبرالي السوداني فرع السعودية
Author: اساسي
Date: 06-07-2008, 07:33 AM
Parent: #2
اصحي يا بريش
|
Post: #3
Title: Re: بيان من الحزب الليبرالي السوداني فرع السعودية
Author: Tabaldina
Date: 06-07-2008, 07:14 AM
Parent: #1
..
.
ولا يعبر هذا البيان عن الحزب اللليبرالي السودانى - القيادة العامة -
ونرجو من الصديق المحترم اضافة جملة : فرع السعودية
فى كل جملة تورد فيها الحزب اللليبرالي السودانى - فى شأن هذا الموضوع _
__________
اساسي وحنين مراحب
( رد على الطريقة البشاشية) 
|
Post: #5
Title: Re: بيان من الحزب الليبرالي السوداني فرع السعودية
Author: اساسي
Date: 06-07-2008, 07:36 AM
Parent: #3
Quote: ولا يعبر هذا البيان عن الحزب اللليبرالي السودانى - القيادة العامة -
ونرجو من الصديق المحترم اضافة جملة : فرع السعودية
فى كل جملة تورد فيها الحزب اللليبرالي السودانى - فى شأن هذا الموضوع _
|
المقترح اعلاه يجب ان يضاف للرؤية والتنقيح في مؤتمر الحزب الثاني , عليه وبما انك من قراء الحزب فانت مكلف بكتابة الورقة الثانية التي ستقدم في المؤتمر العام للحزب الليبرالي السوداني والحزب غير معني بالاضافة او التعديل .
ـــــــــــ
انت صحي بشاشا بقي زول سلام كدا ماله؟
|
Post: #6
Title: Re: بيان من الحزب الليبرالي السوداني فرع السعودية
Author: حمزاوي
Date: 06-07-2008, 07:40 AM
Parent: #1
ونحن في امانة الحزب الليبرالي فرع الرطانة
نشجب ونستنكر وندين
|
Post: #7
Title: Re: بيان من الحزب الليبرالي السوداني فرع السعودية
Author: اساسي
Date: 06-07-2008, 07:43 AM
Parent: #6
Quote: ونحن في امانة الحزب الليبرالي فرع الرطانة
نشجب ونستنكر وندين |
زعيم المعارضة ضد الحزب الليبرالي حمزاوي
صناديق الاقتراع بيننا والكلمة للشعب ايها الرطاني
ا س ي
7/6/2008 الساعة 9:35 صباحا
|
Post: #8
Title: Re: بيان من الحزب الليبرالي السوداني فرع السعودية
Author: Yassir Tayfour
Date: 06-07-2008, 07:51 AM
Parent: #1
بصفتي صديق لأعضاء المكتب السياسي للحزب الليبرالي
أنوه الي أن هذا البيان مدسوس ولا يمثل الحزب الليبرالي؛ حيث لا يوجد لدينا ممثل بالمملكة العربية السعودية؛ وممثلنا الوحيد في منطقة الخليج هو الأستاذ محمد البشرى الخضر رئيس المكتب السياسي المؤقت.
ع/ اللجنة المركزية للحزب الليبرالي
|
Post: #17
Title: Re: بيان من الحزب الليبرالي السوداني فرع السعودية
Author: اساسي
Date: 06-07-2008, 03:51 PM
Parent: #8
| Quote: أنوه الي أن هذا البيان مدسوس ولا يمثل الحزب الليبرالي؛ |
الرفيق طيفور
لا اريد الخوض جدالا معك في هذا الامر المسلم به وهو تكليفي من اللجنة التنفيذي المنتخبة في المؤتمر العام للحزب بالخرطوم والذي حضره ع ع الامين الاعلامي المكلف حينها والاخت ن ت الرئيسة المكلفة .
اعتقد ان هناك لبس وقعت فيه وهو لبس جوهري جدا في ان اللجنة المركزية للحزب قبل المؤتمر الجامع الاول كانت لجنة تسير مكلفة
الان اللجنة التنفيذية المركزية للحزب لجنة منتخبة ولو مغالطني اسال الاخت تيسير والاخ عمر وجيرانا في عطبرة والاخت حقت ناس حق كانت شاهدة علي تكوين اللجنة المركزية والدليل حادث الحركة الذي تندر به الاخ حسن زلابية
وان عدتم عدنا
|
Post: #9
Title: Re: بيان من الحزب الليبرالي السوداني فرع السعودية
Author: النورس الحزين
Date: 06-07-2008, 08:02 AM
Parent: #1
ليبراليون ..نعم
الاخ أساسي الرجاء الالتزام بالنطاق الجغرافي لفرعكم حيث أن الصحيح هو الحزب اليبرالي فرع الغربية
عزيزنا القارئ
توجد بالسعودية فروع اخري و أكبرها فرع الرياض ( غريبة ما يغشانا )
بعيد عن الهزل
حزبان ينمكن أن يهددا عرش الديناصورات
الحزب اليبرالي
حزب المؤتمر السوداني
|
Post: #10
Title: Re: بيان من الحزب الليبرالي السوداني فرع السعودية
Author: نيازي مصطفى
Date: 06-07-2008, 11:20 AM
Parent: #9
Quote: توجد بالسعودية فروع اخري و أكبرها فرع الرياض ( غريبة ما يغشانا )
|
|
Post: #18
Title: Re: بيان من الحزب الليبرالي السوداني فرع السعودية
Author: اساسي
Date: 06-07-2008, 03:54 PM
Parent: #9
| Quote: توجد بالسعودية فروع اخري و أكبرها فرع الرياض ( غريبة ما يغشانا ) |
اذن قد فعلها امين الاعلام والثقافة المكلف بالرياض وعقد تحالفا مع المؤتمر الوطني بقيادة غريبة ؟
ما راي اللجنة المركزية المنتخبة للحزب؟؟
اتوقع ان يصدر بيان استنكاري من امين المال بالحزب لجزر المالديف؟
|
Post: #11
Title: Re: بيان من الحزب الليبرالي السوداني فرع السعودية
Author: محمد عبد الماجد الصايم
Date: 06-07-2008, 11:46 AM
Parent: #1
| Quote: وممثلنا الوحيد في منطقة الخليج هو الأستاذ محمد البشرى الخضر رئيس المكتب السياسي المؤقت. |
أخير منو صابر عبد الهادي
بالعدم.. حمــ العسل ـودي
|
Post: #15
Title: Re: بيان من الحزب الليبرالي السوداني فرع السعودية
Author: محمد البشرى الخضر
Date: 06-07-2008, 01:52 PM
Parent: #11
Quote: أخير منو صابر عبد الهادي
بالعدم.. حمــ العسل ـودي |
كاااااااااااااااكـ
حرقو
(وشك ايامك الكنت بشنب)
|
Post: #12
Title: Re: بيان من الحزب الليبرالي السوداني فرع السعودية
Author: بشير أحمد
Date: 06-07-2008, 11:56 AM
Parent: #1
الاخ/اساسي
تحيات عطرات
يعني هسع اي فرع ينجر براهو ولا كيف ؟
دون الرجوع للحزب الرئيسي.
معناهو ليبرالي حتي في البيانات والاستنكارات.
نتضامن مع ود المايقوما.
|
Post: #13
Title: Re: بيان من الحزب الليبرالي السوداني فرع السعودية
Author: A.Razek Althalib
Date: 06-07-2008, 12:59 PM
Parent: #12
| Quote: صابر بتاع امريكا زيه وزي |
لفتة النظر للمساكين رحمة..
لفتة بارعة للعزيز والفاضل ود المايقوما..
|
Post: #14
Title: Re: بيان من الحزب الليبرالي السوداني فرع السعودية
Author: Abdel Aati
Date: 06-07-2008, 01:03 PM
very funny post
thanks asasi for making my day
|
Post: #16
Title: Re: بيان من الحزب الليبرالي السوداني فرع السعودية
Author: smart_ana2001
Date: 06-07-2008, 03:10 PM
Parent: #14
و الله يا جماعه Abdel Aati ده الايام دى صابر عليك و على مهاتراتكم صبر شديد
اعملوا حسابكم ..و كلام ليك يا اساسى
|
Post: #22
Title: Re: بيان من الحزب الليبرالي السوداني فرع السعودية
Author: اساسي
Date: 06-07-2008, 04:06 PM
Parent: #16
| Quote: و الله يا جماعه Abdel Aati ده الايام دى صاب |
من شتارة صابر
بالمناسبة يا عدل ما حصل اشتبكنا طيلة السنوات السابقة ؟ والله ضيعت علي نفسك فرصة ونقلة نوعية في ادب الاشتباكات
غايتو يوم الراضي عليك فيهو حزبك تشتبك معاي , هظار ناس بشاشا والحبايب بتاع ناس الامة تشوفو زي الشكر يومها
هييييييييييييييييييييع
|
Post: #24
Title: Re: بيان من الحزب الليبرالي السوداني فرع السعودية
Author: محمد حسن العمدة
Date: 06-07-2008, 04:23 PM
Parent: #16
.. بغوم ..
:
:
|
Post: #25
Title: Re: بيان من الحزب الليبرالي السوداني فرع السعودية
Author: اساسي
Date: 06-07-2008, 04:30 PM
Parent: #24
والله دي نظام المابدورك بحدر ليك في الضلمة زاته
|
Post: #21
Title: Re: بيان من الحزب الليبرالي السوداني فرع السعودية
Author: اساسي
Date: 06-07-2008, 04:02 PM
Parent: #14
Quote: very funny post
thanks asasi for making my day |
تضحك سن سن ان شاء الله قول امين , يعملوها الصغار ويزوغوا منها الكبار وين المسؤليات التاريخية يا ع ع , وين الحق الادبي والحنك البيش داك كله
زي ما قال المثل ياكل الاباء الحصرم ويتضرس الابناء .
اسع في داعي تضرسونا جنس الضرسة دي؟
اقعد اضحك لي انت الايام دي مكنتك خفت زاتو عامل حزبكم الكله امناء دا ؟
عضوية مافي ولا شنو؟
التهبشه كله يطلع ليك امين حاجة ولا سكرتير مفوض
|
Post: #20
Title: Re: بيان من الحزب الليبرالي السوداني فرع السعودية
Author: اساسي
Date: 06-07-2008, 03:57 PM
| Quote: لفتة النظر للمساكين رحمة.. |
كلك نظر ما تتلفت معانا يا الحبيب
طبعا انا بستشهد بيك دائما عند الحديث عن مقصلة بكري
|
Post: #19
Title: Re: بيان من الحزب الليبرالي السوداني فرع السعودية
Author: اساسي
Date: 06-07-2008, 03:55 PM
Parent: #12
Quote: يعني هسع اي فرع ينجر براهو ولا كيف ؟
دون الرجوع للحزب الرئيسي. |
يا بشير شعارنا ليبراليون جدا هذا حق مكفول بدستور الحزب
|
Post: #23
Title: Re: بيان من الحزب الليبرالي السوداني فرع السعودية
Author: عمر الفاروق
Date: 06-07-2008, 04:17 PM
Parent: #1
نحن في أمانة المرأة للحزب الليبرالي ندعو كل الأخوات الكريمات التضامن مع الأخ ود المايقوما وندين ونشجب نحن كأمانة للمرأة للحزب الليبرالي بمنطقة الخليج ما صدر من امانة الأعلام بمنطقة الأمريكتين ودول ما وراء البحار..
لك العذر يا اخي إبن المايقوما ولتعد للمنر ..
عمر الفاروق شيخ الدين / أمين أمانة المرأة بمنطقة الخليج ..
|
Post: #26
Title: Re: بيان من الحزب الليبرالي السوداني فرع السعودية
Author: اساسي
Date: 06-07-2008, 04:33 PM
Parent: #23
| Quote: عمر الفاروق شيخ الدين / أمين أمانة المرأة بمنطقة الخليج .. |
رايك في الحجاب من موقعك في الحزب؟ ومن منظور شخصي .؟
الرجل المناسب في المكان المناسب
|
Post: #27
Title: Re: بيان من الحزب الليبرالي السوداني فرع السعودية
Author: عمر الفاروق
Date: 06-07-2008, 05:15 PM
Parent: #1
| Quote: رايك في الحجاب من موقعك في الحزب؟ |
مناسب..
|
Post: #28
Title: Re: بيان من الحزب الليبرالي السوداني فرع السعودية
Author: Abdulrahman Eldaw
Date: 06-07-2008, 05:44 PM
Parent: #27
صديقي الجديد اساسي
باسم منظمة ليبراليون بلا حدود اعلن تضامني مع الاخ ود المايقوما وادين محاولات المسئول الاعلامي بامريكا لتبرئة نفسه مما
لا يتماشى مع اطروحات الليبرالية المتمثلة في الاعتراف بالخطا(مامشكلة انك تغلط كتير لكن تعتذر بعد ما تفور دم الناس
المختلف معاها(مسئول الثقافة نموذجا) )
عبدالرحمن الضو|المسئول الاعلامي لمنظمة ليبراليون بلاحدود بقرية ام الطيور
|
Post: #29
Title: Re: بيان من الحزب الليبرالي السوداني فرع السعودية
Author: اساسي
Date: 06-07-2008, 06:08 PM
Parent: #28
| Quote: عبدالرحمن الضو|المسئول الاعلامي لمنظمة ليبراليون بلاحدود بقرية ام الطيور |
الاخ امين الاعلام بام الطيور وين الاشتراكات التي كلفناكم بجمعها الحزب مفلس وعينه طالعة حق المواصلات ما عنده وانتو قاعدين للشجب والاستنكار
ادفعوا القروش العليكم اول بعدين طلعوا بيانات تهدد امريكا او ما جاء في عنوان البوست .
عموما بيانكم دا حنبلو ونشرب مويته كالعادة
|
|