Post: #1
Title: اضحك مع ليبرالي ع.العاطي...Standup-Comedy!!!
Author: Bashasha
Date: 06-07-2008, 00:01 AM
Parent: #0
الدخول للبوست ده، بي تذاكر، هوووووي!
|
Post: #3
Title: Re: اضحك مع ليبرالي ع.العاطي...Standup-Comedy!!!
Author: Bashasha
Date: 06-07-2008, 00:24 AM
Parent: #1
يعني في الاساس، بوست ود المايقوما المسكين، الموقوف بي سبب "ليبرو"، كان بوست ونسة فارغة، لعدد من الجلابيات والجلابة الفارغين، باللغة النوبية!
اها قوم يا واحد من المبارين ع.العاطي، السبابي، وكعضو في تنظيم ع.العاطي، طوالي لصق واحد بيان او شكوي باسم تنظيم سياسي، كرد علي كلام ونسة، من فرد، مكفول ليهو حق التعبير، حتي بنصف دستور الانقاذ!
عمري خلقت وجدت، ما سمعت بي تنظيم سياسي، يصدر بيان، بخصوص كلام ونسة برئ او عادي، صدر من ناخب، بالغ، "حر" غير مملوك لفرد او هيئة!
|
Post: #4
Title: Re: اضحك مع ليبرالي ع.العاطي...Standup-Comedy!!!
Author: Bashasha
Date: 06-07-2008, 01:26 AM
Parent: #1
بيان حزب الرجل الواحد الاضحوكة، يبدا بالاتي:
|
Post: #5
Title: Re: اضحك مع ليبرالي ع.العاطي...Standup-Comedy!!!
Author: Bashasha
Date: 06-07-2008, 01:31 AM
Parent: #1
اعلاه، البيان بتكلم عن ونسة عادية، قائلا:
الحزب، يتابع بمزيد من الاحباط والقلق!
عييييييييك!
اها، بمزيد من الاحباط والقلق، حزب بي حالو، بتابع شنو؟
بتابع ونسة ناخبين، افراد، عادية!
تقولو لي صلاح قوش، ياخلق؟
|
Post: #6
Title: Re: اضحك مع ليبرالي ع.العاطي...Standup-Comedy!!!
Author: Bashasha
Date: 06-07-2008, 01:51 AM
Parent: #1
يا اعزائي، ماتنسو، الحزب البتابع ونسة عادية بالحزن والاسي، ده، حزب "ليبرالي" او مش طالبان الملا عمر، امير المؤمنين، يا خلق!
|
Post: #7
Title: Re: اضحك مع ليبرالي ع.العاطي...Standup-Comedy!!!
Author: Bashasha
Date: 06-07-2008, 01:53 AM
Parent: #1
نواصل نكتة تنظيم سياسي يصدر بيان حدادي مدادي، بخصوص ونسة اسفيرية!
عييييييييييك!
|
Post: #8
Title: Re: اضحك مع ليبرالي ع.العاطي...Standup-Comedy!!!
Author: Bashasha
Date: 06-07-2008, 02:07 AM
Parent: #1
بيان "ليبرو" قال هذا البوست "الوضيع" قال!
انا افهم انفعال زي ده من فرد عادي، ولكن ما من تنظيم سياسي، افتراضا! الشخصنة هنا، اطلاقا ما صدفة، ولهذا قنا علي الهباب ده، تنظيم الرجل الواحد!
الصاغ البيان، حقيقة بعبر عن هذا الجانب، في التنظيم الكرتوني ده، حيث مؤسس التنظيم ع.العاطي هو التنظيم، والتنظيم هو ع.العاطي! هذه صبغة وطابع عام لهذا المسخ الهلامي!
|
Post: #9
Title: Re: اضحك مع ليبرالي ع.العاطي...Standup-Comedy!!!
Author: Bashasha
Date: 06-07-2008, 02:29 AM
Parent: #1
طيب موضوع احتجاجات تنظيم الرجل الواحد شنو؟
"ليبرو" افتكر الونسة البريئة الكانت دايرة في بوست ود المايقوما الموقوف، باللغة النوبية، كانت "قطيعة" في "زعيمة" الحزب المفترضة، نور تاور، مع انو لاشئ من هذا، ورد هناك! ما مغذي هذا العبط؟ المغاذي متعددة وكبيرة جدا:
|
Post: #10
Title: Re: اضحك مع ليبرالي ع.العاطي...Standup-Comedy!!!
Author: Bashasha
Date: 06-07-2008, 02:47 AM
Parent: #1
مثل هذا التوجس من النطق بلسانا الافريقي الام، في محيط ناطق بي لغة استلابنا، الاجنبية، لغة الغازي العربي، متجذرة في وعينا الامبريالي، الحالي!
اذكر، وانا يافع اواخر الستينات اوائل السبعينات، في بصات الحلة الجديدة، لما اهلي يتكلمو بي لغتم الام، بصوت عالي، المرافق الخرطومي لنا، نحن القادمون من الاقاليم، كان يتصبب عرقا، من فرط الخجلة، من ما اسموه "رطانة" استعلاءا!
بل في احدي المرات، زولنا ده، هم بالنزول عديل من البص، من فرط الخجل! حيث الحديث، في مكان عام، ب"الرطانة" كان في وعي ذاك الزمان عيب ومنقصة كبيرة جدا!
الجيل الحالي قد لايصدق هذا، ولكن استلابنا العروبي عميق سحيق، ولاغرار له!
|
Post: #12
Title: Re: اضحك مع ليبرالي ع.العاطي...Standup-Comedy!!!
Author: doma
Date: 06-07-2008, 04:04 AM
Parent: #10
| Quote: اذكر، وانا يافع اواخر الستينات اوائل السبعينات، في بصات الحلة الجديدة، لما اهلي يتكلمو بي لغتم الام، بصوت عالي، المرافق الخرطومي لنا، نحن القادمون من الاقاليم، كان يتصبب عرقا، من فرط الخجلة، من ما اسموه "رطانة" استعلاءا! |
ذكرياتك دايما محض خيال وبتطنبجها مويه
اي رطاني في السودان برطن بلغته و للان والدتك بترطن ولا احد يتصبب عرقا ولا يحزنون
|
Post: #11
Title: Re: اضحك مع ليبرالي ع.العاطي...Standup-Comedy!!!
Author: Bashasha
Date: 06-07-2008, 03:00 AM
Parent: #1
فالسؤال، هل تناول الناخبين سيرة "زعيم" تنظيم، ليبرالي افتراضا، جريمة، تستدعي تدبيج البايانا، ام وراء هذا السلوك الساذج ما وراه؟
لاحظو صاحب الليبرالي، لايتورع قط حتي في قذف الامهات، ورميهم بالزني، فقط للانتقام من الابناء، الذين تجراو بالاختلاف في الراي مع صاحب ليبرو، السيد ع.العاطي، كما حدث لزميل هنا بالمنبر!
بل السيد ع.ع.العاطي لم يكتفي بالتعبير عن رايه عن رؤساء الاحزاب الاخري، بل بلغ به الفجور في الخصومة، الي هتك عرض وشرف والدة الصادق المهدي زعيم حزب الامة!
لهذا عندما نتحدث عن مهزلة الليبرالي، فمثل هذا التناقض وانفصام الشخصية، هو بعض ما نعني!
|
Post: #14
Title: Re: اضحك مع ليبرالي ع.العاطي...Standup-Comedy!!!
Author: Balla Musa
Date: 06-07-2008, 04:10 AM
Parent: #11
| Quote: اي رطاني في السودان برطن بلغته و للان والدتك بترطن ولا احد يتصبب عرقا ولا يحزنون |
غايتو يادومة تغالطو الزول فى أمو
|
Post: #13
Title: Re: اضحك مع ليبرالي ع.العاطي...Standup-Comedy!!!
Author: Bashasha
Date: 06-07-2008, 04:08 AM
Parent: #1
دوما شكرا للمرور او رفع البوست.
|
Post: #15
Title: Re: اضحك مع ليبرالي ع.العاطي...Standup-Comedy!!!
Author: Balla Musa
Date: 06-07-2008, 04:17 AM
Parent: #13
دومة
إنتى حق اللوج دا جبتى من وين؟
أوع يكون بقيتى مع الجماعة؟
|
Post: #16
Title: Re: اضحك مع ليبرالي ع.العاطي...Standup-Comedy!!!
Author: Yassir Tayfour
Date: 06-07-2008, 04:19 AM
Parent: #13
الجلابي بشاشا
كيفك!
| Quote: اذكر، وانا يافع اواخر الستينات اوائل السبعينات |
هل تقصد أواخر الخمسينات وأوائل الستينات!
ما تأكلنا حنك يا كيمو ياخ!
_____
have a good weekend
|
Post: #18
Title: Re: اضحك مع ليبرالي ع.العاطي...Standup-Comedy!!!
Author: Balla Musa
Date: 06-07-2008, 04:25 AM
Parent: #16
| Quote: ما تأكلنا حنك يا كيمو ياخ! |
يامك نمر
إنت ما تسأل أول حاجة اليافع فى اللغة الكوشية بيطلق على العمرو كم.
|
Post: #19
Title: Re: اضحك مع ليبرالي ع.العاطي...Standup-Comedy!!!
Author: Yassir Tayfour
Date: 06-07-2008, 04:33 AM
Parent: #18
| Quote: إنت ما تسأل أول حاجة اليافع فى اللغة الكوشية بيطلق على العمرو كم. |
لوووول يا بلة
يعني مُصِر تطلع كيمو صاح!
______
يافع = صبي
|
Post: #17
Title: Re: اضحك مع ليبرالي ع.العاطي...Standup-Comedy!!!
Author: Bashasha
Date: 06-07-2008, 04:23 AM
Parent: #1
دكتور بلة مرحبتين.
|
Post: #20
Title: Re: اضحك مع ليبرالي ع.العاطي...Standup-Comedy!!!
Author: سيف النصر محي الدين محمد أحمد
Date: 06-07-2008, 04:34 AM
Parent: #17
| Quote: إنت ما تسأل أول حاجة اليافع فى اللغة الكوشية بيطلق على العمرو كم. |
يعني يا بله قصدك أنو بشاشا بيفكر بالكوشي و بيكتب بالعربي و للا شنو؟؟
بعدين يا دومه كلام بشاشا ده صحيح نحن زمان لو واحد من قرايبنا جانا من البلد و رطن
قدام ناس الحلة كنا بنخجل و نتصبب عرقا..
|
Post: #25
Title: Re: اضحك مع ليبرالي ع.العاطي...Standup-Comedy!!!
Author: doma
Date: 06-07-2008, 04:57 AM
Parent: #20
Quote: بعدين يا دومه كلام بشاشا ده صحيح نحن زمان لو واحد من قرايبنا جانا من البلد و رطن
قدام ناس الحلة كنا بنخجل و نتصبب عرقا.. |
ا نحن غايتو اول ما يجوا اهلنا ناس البلد بنقلب معاهم رطانه ونخلي ناس الخرتوم يبحلقوا ونحن في قمه الزهو والفخار باننا نتميز بلغه خاصه بنا بعدين نترجم ليهم العايزنو بس .
اها الا يجئ دكين ويقول كدا حتي اثق انكم تتصببو ن عرقا من رطانه اهلكم
|
Post: #21
Title: Re: اضحك مع ليبرالي ع.العاطي...Standup-Comedy!!!
Author: Balla Musa
Date: 06-07-2008, 04:37 AM
Parent: #17
| Quote: دكتور بلة مرحبتين. |
معليش يابشاشا
قلنا نتونس مع الجلابة ديل شوية لحدى الفلم الكوميدى ما يبدا..
يا مك نمر
اليافع عند الكوشيين من تجاوز سن البلوغ بعشر سنوات.
|
Post: #23
Title: Re: اضحك مع ليبرالي ع.العاطي...Standup-Comedy!!!
Author: Yassir Tayfour
Date: 06-07-2008, 04:43 AM
Parent: #21
| Quote: اليافع عند الكوشيين من تجاوز سن البلوغ بعشر سنوات. |
بالمعنى ده يا بلة، الصادق المهدي لما أصبح رئيس وزراء -اول مرة- كان يافع!
|
Post: #26
Title: Re: اضحك مع ليبرالي ع.العاطي...Standup-Comedy!!!
Author: Balla Musa
Date: 06-07-2008, 04:58 AM
Parent: #23
| Quote: بالمعنى ده يا بلة، الصادق المهدي لما أصبح رئيس وزراء -اول مرة- كان يافع! |
أهااااااا يا مك نمر
بطل لخبتة
الصادق المهدى ماكوشى دا من الأشراف وحسابو براهو.
|
Post: #22
Title: Re: اضحك مع ليبرالي ع.العاطي...Standup-Comedy!!!
Author: Bashasha
Date: 06-07-2008, 04:42 AM
Parent: #1
ياسر طيفور، يا مراحب.
|
Post: #24
Title: Re: اضحك مع ليبرالي ع.العاطي...Standup-Comedy!!!
Author: Bashasha
Date: 06-07-2008, 04:44 AM
Parent: #1
سيف النصر يا مراحب.
|
Post: #27
Title: Re: اضحك مع ليبرالي ع.العاطي...Standup-Comedy!!!
Author: Balla Musa
Date: 06-07-2008, 05:14 AM
| Quote: ا نحن غايتو اول ما يجوا اهلنا ناس البلد بنقلب معاهم رطانه ونخلي ناس الخرتوم يبحلقوا ونحن في قمه الزهو والفخار باننا نتميز بلغه خاصه بنا بعدين نترجم ليهم العايزنو بس . |
يادومة
إنتى صح وهم صح..
موش إنتى أم ناس المنبر ديل.
|
Post: #28
Title: Re: اضحك مع ليبرالي ع.العاطي...Standup-Comedy!!!
Author: Bashasha
Date: 06-07-2008, 06:48 AM
Parent: #1
قبل المواصلة نؤكد حنجيب ردود صاحب الليبرالي المضحكة علي احتجاجات الناخبين، علي بلطجة وعشوائية الليبرالي الاضحوكة بحق وحقيقة!
|
Post: #29
Title: Re: اضحك مع ليبرالي ع.العاطي...Standup-Comedy!!!
Author: حمزاوي
Date: 06-07-2008, 07:28 AM
Parent: #1
الاخ بشاشا
سرن اقمندو
غايتو انا دخلت بدون ما ادفع حق التذكرة عشان رطاني
واصدقك القول يا اخوي بشاشا ذي ما انت شايف انا لي مدة طويلة ما قاعد اتداخل في بوستاتك وبصراحة بخاف من طولت لسانك ولكن عشان حشاي محروق من استعلاء الناطقين بالعربية علينا جيت داخل عشان كدا عليك الله ما تهاجمني وبس عندي سؤال صغير حاسألو وحامشي طوالي .
الحزب الليبرالي ... حد سمع بهذا الحزب في الشارع السوداني
وهل له وجود او دور في الخارطة السياسية السودانية
أنا غايتو يطرشني ما سمعت
غايتو في السودان في جنس حاجات
الله قادر
|
Post: #30
Title: Re: اضحك مع ليبرالي ع.العاطي...Standup-Comedy!!!
Author: عزاز شامي
Date: 06-07-2008, 08:12 AM
Parent: #1
| Quote: اضحك مع ليبرالي ع.العاطي |
على بشاشا.
_____________
بشاشا انا عندي سؤال خارج عدم الموضوع بتاعك ده، انت انسان طبيعي؟ يعني انت عندك دم و مشاعر زيك زي باقي خلق الله ديل؟ يعني لما تشتم الناس ساي كده من طرف و تتعلق في رقبتهم بتحس بشنو؟
انا عموما سمعت انو في ناس عدوانية وممكن تفلق حجار بس ما عمري شفت لي زول بيفلق نفسو بنفسو و يفلق أهلو ...
بالله افتيني وما تنسى تديني طلب (جلابية) و (مستلبة) مستعجل علشان انا ما فطرت لسه.
ارقد عافية و الله يشفيك وينزل السكينة على قلبك لانو بعد ده خلاص، الأجل قرب يتم...
|
Post: #31
Title: Re: اضحك مع ليبرالي ع.العاطي...Standup-Comedy!!!
Author: Tabaldina
Date: 06-07-2008, 10:30 AM
Parent: #30
..
.
وانى لاشهد بأنك اروع نوبية ...
لا يضاهيكـ روعة الا نادية واخرى يعرفها حيدر حنين 
(.) نقطة
سطر جديد
اسمحى لى اولا ان ارتب هذه التعابير والدواخل
فأنا أحب أن استنشق حديثك بنظام وطريقة معينة
Quote: بشاشا انا عندي سؤال خارج عدم الموضوع بتاعك ده، انت انسان طبيعي؟
يعني انت عندك دم و مشاعر زيك زي باقي خلق الله ديل؟
يعني لما تشتم الناس ساي كده من طرف و تتعلق في رقبتهم بتحس بشنو؟
انا عموما سمعت انو في ناس عدوانية وممكن تفلق حجار بس ما عمري شفت لي زول بيفلق نفسو بنفسو و يفلق أهلو ...
بالله افتيني وما تنسى تديني طلب (جلابية) و (مستلبة) مستعجل علشان انا ما فطرت لسه.
ارقد عافية و الله يشفيك وينزل السكينة على قلبك لانو بعد ده خلاص، الأجل قرب يتم... |
بلا شك هذا الكوشى ليس انساناً طبيعيا
ولا يمتلك مشاعر ولا اخلاق ولا احاسيس نجده يستمتع ويشعر بالمتعة
ويحصل على الفرح من خلال الإساءة للاخرين بقيحه وقبيح لفظه..
لا يدرى كيف يدير حواره ؟ يحمل عداءاً كامناً على نفسه واهله وشعبه وبلده
يستخدم مصطلحات الاستعلاء والاستلاب ليفرض رائياً بلا اسس ولا مرتكزات ..
يعيش فى عالم خيالي بعيد عن الواقع وكأنه فى نشوة من عقار منشط..
نتضرع بأيدينا للمولى ان يزيل محنته ويشفى عقله ويحسن سريرته
ويلين قلبه على اهله وبلده وشعبه ووطنه..
اللهم رب الناس اشفِه أنت الشافي لا شفاء إلا شفاؤك ؛ شفاء لا يغادر سقما
_______________
لك التجلة ودعينى انظر فى امر هذه الرائعة دوما
فأن حديثها قد استوقفنى لبرهة ..
|
Post: #32
Title: Re: اضحك مع ليبرالي ع.العاطي...Standup-Comedy!!!
Author: humida
Date: 06-07-2008, 01:30 PM
Parent: #31
تبلدينا ..
قريت كلامك دا لمن بكيت ..
هزيت مشاعري عديل .. !!
|
Post: #33
Title: Re: اضحك مع ليبرالي ع.العاطي...Standup-Comedy!!!
Author: Bashasha
Date: 06-07-2008, 05:53 PM
Parent: #1
| Quote: واصدقك القول يا اخوي بشاشا ذي ما انت شايف انا لي مدة طويلة ما قاعد اتداخل في بوستاتك وبصراحة بخاف من طولت لسانك |
حمزاوي ياالف مرحب،
نعم انا قاسي جدا بل عنيف مع عشيرتي النوبية، وذلك من العشم. سمعت بالTough Love؟
ده حالي معاكم!
ليه؟
لاننا بالفعل مهددين بالفناء من دون بقية اهلنا في افريقيا كلها!
مخرجنا الوحيد ان نرتمي في احضان اهلنا في الهامش، بالذاات الجنوب والغرب. دي مسالة موت او حياة.
هذا مافعله جدنا الامام محمد احمد لانو بالغريزة ادرك، نجاتو كنوبي مرهون بالتحامو باهلو في العمق.
اتمني القي فرصة، لادير حوار هنا، مع كل خصومي في اوساط عشيرتي النوبية. لاخوف علي الاطلاق من الصراع العلني، المباشر، الحاد القاسي الجارح.
هكذا يكون الصدق مع النفس، في سبيل الغايات النبيلة.
والتغيير الجذري بجي كده، او اطلاقا ما بي كلام المجاملة، والترضيات.
استحلفك بامون، خد راحتك للاخر مع بشاشا.
اديهو في التنك او ابدا لاتجامل، او هو حيديك في المليان!
هذا حالنا في حلبات الصراع الفكري، ناكل بونية، او ندي شلوت، من دون تافف من وحل المعارك، او تكبر، كما يفعل الكثيرين من مثقفاتية الجلابة، هنا، العاملين مهمين!
معزتي رغم اختلاف الموارد.
|
Post: #41
Title: Re: اضحك مع ليبرالي ع.العاطي...Standup-Comedy!!!
Author: Saber Abdelhadi
Date: 06-07-2008, 10:02 PM
Parent: #33
Quote: نعم انا قاسي جدا بل عنيف مع عشيرتي النوبية، وذلك من العشم. سمعت بالTough Love؟
ده حالي معاكم!
ليه؟
لاننا بالفعل مهددين بالفناء من دون بقية اهلنا في افريقيا كلها!
مخرجنا الوحيد ان نرتمي في احضان اهلنا في الهامش، بالذاات الجنوب والغرب. دي مسالة موت او حياة.
هذا مافعله جدنا الامام محمد احمد لانو بالغريزة ادرك، نجاتو كنوبي مرهون بالتحامو باهلو في العمق.
اتمني القي فرصة، لادير حوار هنا، مع كل خصومي في اوساط عشيرتي النوبية. لاخوف علي الاطلاق من الصراع العلني، المباشر، الحاد القاسي الجارح.
هكذا يكون الصدق مع النفس، في سبيل الغايات النبيلة.
والتغيير الجذري بجي كده، او اطلاقا ما بي كلام المجاملة، والترضيات.
|
|
Post: #34
Title: Re: اضحك مع ليبرالي ع.العاطي...Standup-Comedy!!!
Author: Bashasha
Date: 06-07-2008, 08:11 PM
Parent: #1
| Quote: بشاشا انا عندي سؤال خارج عدم الموضوع بتاعك ده، انت انسان طبيعي؟ |
الشقيقة عزاز مرحب.
سالتي، هل بشاشا، طبيعي؟
الاجابة it depends
قطعا بي معايير الوعي الحالي، البخلي ود قريتي المجاورة، "رومي البكري" د.مصطفي عثمان، هو عميل الخديوية الاول في السودان، القال عايز يسلم اهلنا لغزاتنا المصريين، اعداءنا منذ الاف السنين، ل"تحسين النسل" كما روي عنه، قطع شك، بشاشا، زول مكشكش عديل كده!
فلو بشاشا كان في معايير وعيك، كنوبية، مستلبة، ماطبيعي، فهذا طبيعي، او معاكي حق.
هل يعني هذا ان بشاشا تحرر من الاستلاب العروبي؟
قطعا لا!
اذن ما الفرق؟
الفرق، هو وعي بشاشا بواقع استلابو، واعترافو بواقع عبوديتو، لمئات السنين، بواسطة غزاة افريقيا، منذ هزيمة ترهاقا، وذلك بحكم الموقع الجغرافي، في مدخل افريقيا.
فلو وجعك كلامي عن الونسة والاهتمام بالفارغة، في زمن المطاردة للابرياء، من اهلنا، او دخرنا، في الغرب، ساعة الشدة، في شوارع كيغالي، فاعلمي، حرقتي علي غفلة اهلي في اقصي الشمال كانت اعظم واكبر!
بل عشان اكون صادق، مافي شئ بخوفني حقيقة، قدر خوفي، من لامبالاة، وعدم اكتراث افراد عشيرتي، للثور الاسود، يؤكل، مشوي الان!
ياما بعد فوات الاوان يا عزاز، حتقولو اكلنا، يوم ذبح واستبيح دماء الثور الاسود!
ياما لو تواصل هذا النمط الانتحاري من التفكير، حتذكرو كلام بشاشا، المكشكش ده، من بعد مافات الاوان، زي ماقال عبدالوهاب الصادق!
تفكيرك الانتي شايفاهو طبيعي، ماياهو المتداول الان، ودانا وين في اقصي الشمال؟
لا ابدا، وانا حي، ابدا ما حاورث اولادي، مصير اهلهم من نوبة مصر، يعاد انتاجو في السودان، ليصبحو ضيوف في ارض اجدادم، خدامين زي عمي عبدو، او بوابين في داخل السودان للبشوات الجايبنهم ناس اب بزاغ والطفل المعجزة، الحنو لي عصر كافور!
راجعي مواقفك يا عزاز، وتاملي الحولك!
من هم خصومك؟
من هم نصراكي؟
قال وردي، يالانت ما بتعرف صليحك من عدوك!
ضيعوك، ودروك!
|
Post: #36
Title: Re: اضحك مع ليبرالي ع.العاطي...Standup-Comedy!!!
Author: عزاز شامي
Date: 06-07-2008, 08:41 PM
Parent: #34
ما دام شفت الدم الانساني اللي بيربطني بيك و اناديتني بشقيقتك
فاسمح لي اناديك أخوي بشاشا ..
سلامات...
أولا، نثبت حقائق .. انا ما مستلبة ثقافيا لا للعرب ولا لأي ثقافة أخرى، قيمني كانسان global بعدين انزل بالتدريج لغاية ما توصل للعرق و اللون و خلافه...
راضيني حال أهلي؟ لا
راضيني حال السودان؟ لا
راضيني تعاملك مع الأمر؟ لا
في كلامك لي اعلاه ورد اكثر من تناقض و أقريته انت بـ it depends
(حسب) دي ما طريق من مسارين ليك وللـ الضد
انا يا بشاشا باختصار حاسة انو القضايا الحقيقية ضايعة وسط غمام الشتايم و الغباين و البطولات الدونكيشوتية
كل زول ماسك الموضوع من طرف
توصل لنهاية المطاف حاير
تعبان
كاره الضد و القرين
وفي النهاية عبد الرحيم حيدوسه القطر...
الثور الأسود ولا الأبيض و الأخضر حيتاكل حيتاكل لانو دورة المرحلة دي محتاجة كده
محتاج peak علشان حبكة الأحداث تمشي لقدام
مستحيل مستحيل الامور تنعدل بكلام
ناهيك هرج و مرج منتديات ولا منابر
كل اللي بيحصل انو بترسخوا قيم سالبة للاختلاف
وانو الغاية تبرر الوسيلة بالمعنى الحرفي!
انا داير اغير البلد، خلاص "!!By any means nessesary" وده خطاب ما بيخفيك نتائجه...
الافتراضي ده حده مربع X وتمشي تواصل يومك
لو عايز تخلق تغيير،
خليه ايجابي
اخلقه بالتدريج بالخطاب المعتدل
بعكس مثال حي لما تريده كما وصانا غاندي
بس نمرق للربا و التلاف و نأت بما ننهي عنه
ده غلط ...
وعلى الرغم من انو نوايا بتكون طيبة بس بترصف الطريق لجهنم ...
________
انا ما عارفة اللي ممكن يحصل شنو بعد ما تقرى المداخلة دي و احتمال كبير ارجع ابقى جلابية بيضاء مكوية
بس حقيقي كنت عايزة اوريك رأي زي ما هو ...
ان قبلت به حبا و كرامة وإن رددته لي، برضو كتر خيرك و في الأخير البتغرق دي بلدنا كلنا ما بلدي براي...
وشكرا،
|
Post: #35
Title: Re: اضحك مع ليبرالي ع.العاطي...Standup-Comedy!!!
Author: Hololy
Date: 06-07-2008, 08:37 PM
Parent: #1
Quote: ..هذا مافعله جدنا الامام محمد احمد لانو بالغريزة ادرك،
نجاتو كنوبي مرهون بالتحامو باهلو في العمق.
|
|
Post: #37
Title: Re: اضحك مع ليبرالي ع.العاطي...Standup-Comedy!!!
Author: Bashasha
Date: 06-07-2008, 08:56 PM
Parent: #1
تبلدينا مرحبتين.
|
Post: #38
Title: Re: اضحك مع ليبرالي ع.العاطي...Standup-Comedy!!!
Author: Osama Mohammed
Date: 06-07-2008, 09:20 PM
Parent: #1
| Quote: الحقيقية ضايعة وسط غمام الشتايم و الغباين |
|
Post: #39
Title: Re: اضحك مع ليبرالي ع.العاطي...Standup-Comedy!!!
Author: AMNA MUKHTAR
Date: 06-07-2008, 09:33 PM
Parent: #1
| Quote: لهذا عندما نتحدث عن مهزلة الليبرالي، فمثل هذا التناقض وانفصام الشخصية، هو بعض ما نعني! |
الحكيم بشاشا..ليتهم يعون..
|
Post: #40
Title: Re: اضحك مع ليبرالي ع.العاطي...Standup-Comedy!!!
Author: Bashasha
Date: 06-07-2008, 09:44 PM
Parent: #1
تعظيم سلام، لاميرة الشرق، سليلة الكنداكا، امنة مختار.
نفسي اتذكر، واجيب هنا، صورة حبوبتك، الاميرة المروية، لابسة، لبسة بناتنا البجاويات، مش الجلابيات!
عييييك!
او تاني مرحب بالصنديدة!
|
Post: #42
Title: Re: اضحك مع ليبرالي ع.العاطي...Standup-Comedy!!!
Author: Bashasha
Date: 06-08-2008, 03:48 AM
Parent: #1
Hololy يامراحب.
|
Post: #43
Title: Re: اضحك مع ليبرالي ع.العاطي...Standup-Comedy!!!
Author: Deng
Date: 06-08-2008, 04:52 AM
Parent: #1
بشاشا.
هذا الحزب "الليبرالي" يعتبر مهزلة حقيقية. والشئ الذي يدعوا فعلا للحيرة هو هنالك من يتبعون عادل عبد العاطي ونور ناور ويعتقدون بهم خيرا.
دينق.
|
Post: #44
Title: Re: اضحك مع ليبرالي ع.العاطي...Standup-Comedy!!!
Author: Bashasha
Date: 06-08-2008, 07:12 AM
Parent: #1
نتلاقي هنا الاسبوع الجاي، "ربما" كان ماتنا.
شلوم!
|
|