Post: #1 Title: إهداء خاص لجميع الأمهات ( أسرار بابكر ) اٌمي اٌمة بحالة Author: هاشم أحمد خلف الله Date: 06-06-2008, 08:23 AM Parent: #0
Post: #2 Title: Re: إهداء خاص لجميع الأمهات ( أسرار بابكر ) اٌمي اٌمة بحالة Author: سامى عتبانى Date: 06-06-2008, 08:31 AM Parent: #1
يا امى كنتى امه بحاله
لك الود عزيزى هاشم
ولاسرار خالص التحايا
Post: #3 Title: Re: إهداء خاص لجميع الأمهات ( أسرار بابكر ) اٌمي اٌمة بحالة Author: الطيب شيقوق Date: 06-06-2008, 08:34 AM Parent: #2
تسلم يا هاشم على هذا الابداع - اسرار يا هاشم اخوى ابدعت في هذه الاغنية والله تبكي بالدموع لا سيما ان كنا بعيدين عن الامهات .
Post: #8 Title: Re: إهداء خاص لجميع الأمهات ( أسرار بابكر ) اٌمي اٌمة بحالة Author: هاشم أحمد خلف الله Date: 06-06-2008, 09:01 AM Parent: #3
Quote: تسلم يا هاشم على هذا الابداع - اسرار يا هاشم اخوى ابدعت في هذه الاغنية والله تبكي بالدموع لا سيما ان كنا بعيدين عن الامهات .
فعلاً والله يا شيقا وانا كمان عندي ملاحظة قوية جداً اذا نظرنا لاغاني الامهات عموماً تلاقي اللحن دائماً حنين مثلا عندك استاذنا الكبير الموصلي في اغنية بكتب ليك رسالة طويلة يا يمة وكمال ترباس في امي الله يسلمك وحنان الصغيرة في امي يا أجمل كلمة بقولا يا احلي نشيد وحتي في مصر ست الحبابيب يا حبيبة وعصام محمد نور في يمة والاغاني كثيرة ربنا يديم عليهن متعة الصحة والعافية ويمد في ايامهن مشكور علي المرور يا ود شيقوق
Post: #6 Title: Re: إهداء خاص لجميع الأمهات ( أسرار بابكر ) اٌمي اٌمة بحالة Author: هاشم أحمد خلف الله Date: 06-06-2008, 08:50 AM Parent: #2
Quote: يا امى كنتى امه بحاله
لك الود عزيزى هاشم
ولاسرار خالص التحايا
أخي الحبيب سامي عتباني
تخيل اليوم الجمعة ويو الجمعة يوم مميز تجتمع الاسرة كلها في حضرة الوالدة وهي تكون سعيدة جداً بإلتفافنا حولها وصباح هذا اليوم نزلت مني دموع غزيرة . كم اشتاقك يا امي وربنا يمد في ايامك
اخي سامي ربنا يرحم والدتك ان كانت حية ترزق أو إنتقلت إلي الرفيق الاعلي , ففي الحالتين ندعو لهن بالرحمة والمغفرة
Post: #4 Title: Re: إهداء خاص لجميع الأمهات ( أسرار بابكر ) اٌمي اٌمة بحالة Author: هاشم أحمد خلف الله Date: 06-06-2008, 08:40 AM Parent: #1
اٌمي اٌمة بحالة
زادا الخير
في حِلها وترحالا
اٌمي سودانية
بيضاء سنها دائماً
زي صفاء النية
بالقيم محمية
تندفع في الواجب
بحماس وحمية
عالي مقاما
امي طيبة حنينة
امي صافي حنانا
امي صادقة حنينة
ادعو ليها سلامة
في وقار ووسامة
امي صادقة امينة
امي خاتية ملائمة
Post: #5 Title: Re: إهداء خاص لجميع الأمهات ( أسرار بابكر ) اٌمي اٌمة بحالة Author: osman righeem Date: 06-06-2008, 08:41 AM Parent: #1
اخوي هاشم
جمعتك مباركة
و يديك الفي مرادك بي بركة رضا الوالدين
Post: #7 Title: Re: إهداء خاص لجميع الأمهات ( أسرار بابكر ) اٌمي اٌمة بحالة Author: محمد سنى دفع الله Date: 06-06-2008, 08:53 AM Parent: #5
تكلمت مع أمي قبل لحظات الحمدالله الماسمعتها قبل التلفون اديك الفي مرادك هاشم الشاعر الفنان والف تحية لكل الأمهات ومحبة دايمة
Post: #11 Title: Re: إهداء خاص لجميع الأمهات ( أسرار بابكر ) اٌمي اٌمة بحالة Author: هاشم أحمد خلف الله Date: 06-06-2008, 11:10 AM Parent: #7
Quote: تكلمت مع أمي قبل لحظات الحمدالله الماسمعتها قبل التلفون اديك الفي مرادك هاشم الشاعر الفنان والف تحية لكل الأمهات ومحبة دايمة
السني الحنين ربنا يخلي ليك امك ويطول ليك في عمرها ويخليك لينا نحنا كمان يا مبدع يا إنسان يا فنان
Post: #9 Title: Re: إهداء خاص لجميع الأمهات ( أسرار بابكر ) اٌمي اٌمة بحالة Author: هاشم أحمد خلف الله Date: 06-06-2008, 09:05 AM Parent: #5
Quote: اخوي هاشم
جمعتك مباركة
و يديك الفي مرادك بي بركة رضا الوالدين
يا سلالالالالالالام عليك يا عثمان اخوي والله دي أجمل دعوة في يوم الجمعة دي ويديك كمان الفي مرادك
Post: #10 Title: Re: إهداء خاص لجميع الأمهات ( أسرار بابكر ) اٌمي اٌمة بحالة Author: هند محمد Date: 06-06-2008, 10:43 AM Parent: #1
ربنا يحفظ امهاتنا وجميع امهات المسلمين مشكور شاعرنا هاشم على الاهداء الحنين جمعة مباركة التحايا والتقدير
Post: #12 Title: Re: إهداء خاص لجميع الأمهات ( أسرار بابكر ) اٌمي اٌمة بحالة Author: هاشم أحمد خلف الله Date: 06-06-2008, 11:12 AM Parent: #10
Quote: ربنا يحفظ امهاتنا وجميع امهات المسلمين مشكور شاعرنا هاشم على الاهداء الحنين جمعة مباركة التحايا والتقدير
هند الجميلة الحنينة ربنا يخلي لينا امهاتنا ويطول في عمرهم ويرحم الأموات منهن
Post: #13 Title: Re: إهداء خاص لجميع الأمهات ( أسرار بابكر ) اٌمي اٌمة بحالة Author: emad altaib Date: 06-06-2008, 11:50 AM Parent: #1
شكراً ..استاذنا وشاعرنا هاشم أحمد خلف الله
وعبرك نرسل كل زفرة .. وشهقة إلي أمتهاتنا
وقلوبنا صارخة بالدعوات الله يحفظهن من كل شرٍ ومكروه ...!
جمعة طيبة إن شاء الله
Post: #16 Title: Re: إهداء خاص لجميع الأمهات ( أسرار بابكر ) اٌمي اٌمة بحالة Author: هاشم أحمد خلف الله Date: 06-06-2008, 12:09 PM Parent: #13
Quote: شكراً ..استاذنا وشاعرنا هاشم أحمد خلف الله
وعبرك نرسل كل زفرة .. وشهقة إلي أمتهاتنا
وقلوبنا صارخة بالدعوات الله يحفظهن من كل شرٍ ومكروه ...!
جمعة طيبة إن شاء الله
عمدة الحنين الوجيه نقول معاك ربنا يحفظن لنا يا عماد ويطول في عمرهن ويديهن الصحة والعافية
Post: #14 Title: Re: إهداء خاص لجميع الأمهات ( أسرار بابكر ) اٌمي اٌمة بحالة Author: فدياس نجم الدين Date: 06-06-2008, 12:01 PM Parent: #1
يا الله !! يا لهذه العذوبية !!
أي سحر في النفوس تصنعه كلمة (أمي) ؟!
شكرا لك أستاذ هاشم على هذه الأغنية الجميلة ..
Post: #15 Title: Re: إهداء خاص لجميع الأمهات ( أسرار بابكر ) اٌمي اٌمة بحالة Author: جمال السنوسي Date: 06-06-2008, 12:08 PM Parent: #14
هاشم الظريف الجميل دائما
عارف الاغنية دي ما لقت حظها الاعلامي ولم تبث كثيرا (أنا شفتها مرتين في التلفزيون ) وحسب علمي فيها (إشكالية ما) مع ملحنها أحمد المك يا ريت تتحل الاشكالية وتنزل الاغنية في البوم للناس عشان الام دي هي اغلى زول في الدنيا ويكي ان الجنة التي نسعى لها هي تحت اقدام الامهات
جمال
Post: #20 Title: Re: إهداء خاص لجميع الأمهات ( أسرار بابكر ) اٌمي اٌمة بحالة Author: هاشم أحمد خلف الله Date: 06-06-2008, 03:30 PM Parent: #15
Quote: هاشم الظريف الجميل دائما
عارف الاغنية دي ما لقت حظها الاعلامي ولم تبث كثيرا (أنا شفتها مرتين في التلفزيون ) وحسب علمي فيها (إشكالية ما) مع ملحنها أحمد المك يا ريت تتحل الاشكالية وتنزل الاغنية في البوم للناس عشان الام دي هي اغلى زول في الدنيا ويكي ان الجنة التي نسعى لها هي تحت اقدام الامهات
الوجيه جمال السنوسي مشتاقين يا زول وين ايامك ؟؟ ربنا يحفظ لينا امهاتنا ونترحم علي كل الامهات اللاتي إختارهن رب العالمين إلي جواره اتمني ان تاخذ هذه الأغنية حظها من الإنتشار نسبة لكمية الحنان المتوفر فيها من كلمات ولحن وأداء .
رغم أنّي ليس من الأمّهات إلاّ إنّ الجّمال يجعل الجلوس في حضرته أمراً بديهيّاً
سلمت
أنـا في البـعـيـد مُـشـتـاق لهـمـسـة من الوطن يا نـسـمـة
Post: #22 Title: Re: إهداء خاص لجميع الأمهات ( أسرار بابكر ) اٌمي اٌمة بحالة Author: هاشم أحمد خلف الله Date: 06-06-2008, 03:54 PM Parent: #19
Quote: هاشم يا صديقي مساء الخير
رغم أنّي ليس من الأمّهات إلاّ إنّ الجّمال يجعل الجلوس في حضرته أمراً بديهيّاً
سلمت
لؤي الجميل نعم انت لست من الأمهات ولكنك من الأبناء والأباء وده في حد زاتو سبب كافي لدخولك لهذا البوست اللهم اسعدنهن وارحمهن ومتعهن بالصحة والعافية وارحم الأموات منهن .
Post: #23 Title: Re: إهداء خاص لجميع الأمهات ( أسرار بابكر ) اٌمي اٌمة بحالة Author: هاشم أحمد خلف الله Date: 06-06-2008, 05:21 PM Parent: #22
شــوف عـيـنـي ظــاهـــر زهـــر الـمــؤاســـم
Post: #24 Title: Re: إهداء خاص لجميع الأمهات ( أسرار بابكر ) اٌمي اٌمة بحالة Author: حسين محي الدين Date: 06-06-2008, 06:05 PM Parent: #1
تشكرات يا جميل على اللحن والله أسرار هذه رائعة جدا ومن الأصوات المحببة لنفسي
كل الود
Post: #25 Title: Re: إهداء خاص لجميع الأمهات ( أسرار بابكر ) اٌمي اٌمة بحالة Author: هاشم أحمد خلف الله Date: 06-06-2008, 07:48 PM Parent: #24
Quote: تشكرات يا جميل على اللحن والله أسرار هذه رائعة جدا ومن الأصوات المحببة لنفسي
كل الود
الجميل حسين فعلا والله اسرار دي صوتها متفرد شكرا للمرور
