Post: #1
Title: نجوم الغد .. برعاية تمبس
Author: النورس الحزين
Date: 06-05-2008, 09:23 PM
اخونا العزيز تمبس
تعودنا على تغطيتك المتميزة لحلقات نجوم الغد تلك المواهب الشابة التى تتلمس طريقها بكل طرب ....بصراحة الحلقات ما عندها طعم من غير بوستاتك فبالله إتصلح معانا و ما تكون منحاز لعبير صلاح و افراح عصام 
كان الاشتراك انتهى مستعدين نعمل شيرنق
|
Post: #2
Title: Re: نجوم الغد .. برعاية تمبس
Author: النورس الحزين
Date: 06-05-2008, 09:24 PM
Parent: #1
خليك بالله من نجوم ( القد ) الشاغلنك ديل
|
Post: #6
Title: Re: نجوم الغد .. برعاية تمبس
Author: tmbis
Date: 06-08-2008, 11:47 AM
Parent: #2
| Quote: خليك بالله من نجوم ( القد ) الشاغلنك ديل |
سلامات يا نورس .,
نشكرك على حسن الظن والاستماع ..
بعدين والله وبي صراحة .. الجماعة الفي بالك ديل ما يقدو قربه مقدودة .. بجانب انو بنعمل ليهم فرش متاع قاعدين ندخلهم في السستم ..
يعني يجيك واحد تلقاهو ليهو من السودان مية سنة .. لمن كان شارع الظلط الحركة فيهو باليمين والعربات البيبان حقته بتفتح غــرب .. يجيك واحد من النوعية دي زمن كان لما تمشي الاستديو تتصور إلا تكون لابس جلابية فيها عمود وتكون حالق جديد ولابس شبط ، نوعية زي دي تجي علشان تفتي ليك في السياسة بتاعت 2008 وغناء الفين وتمنية
اهـا
تفتكر زي ديل يعملوا معاهم شنـو يا نورس ..؟
جربنا معاهم كورة .. قالو لا نحن بتاعين كورة شراب .. وتيوة .
جربنا معاهم مزازيك .. قالو لا .. دا برنامج بتاع ترفيه .. وضياع زمن والبلد قاعده تحترق والعالم اصبح قرية صغيرة .. وهكذا مواضيع ولب لب لب .. إلخ.
قلنا نحاول نعمل فيها سياسيين .. شبكونا ليك إنتو العرفكم بالسياسة شنو .؟ فاضيين لي من المزازيك .. والونسة ؟
وبذلك يا نورس ابتدت القصة ..
علشان كدا الواحد بقي يجي مالي جيبو مزازيك .. ومناشير ملفوفه بماكينات الرونيو وشمع الطباعة ريحتو طاقة .. ويجي شايل كفرو .. ويجي شايل ليهو مطوة قرن غزال .. وساندوتشات طحنية احتماتل المسالة تجـر ..
هذا ما يتعلق بالقـد يا نورس .. قديتك مش كدا..؟
بعدين نجوم الغد الحضرتهم ديل في اكتر من حلقة كلهم ما وقعوا لي كدا .. ما عارف ليه .. علشان كدا لقيتني كارد ليك افراح وعبير ... وزي ما شايف مجهجه ليك جني بي هناك .. ومنتظر باقي المنافسة
لكن
عندي فكرة اعمل جرد ومنوعات من دجورات مختلفة للنجوم .. والحمد لله اخوك عندو كمية من الارشيف والمكتبة الخاصة بالشباب ديل .. بالاضافة لي جهود الاخوان الممكن تضيف للبوست ..
لذلك طلبك على العين والراس يا نورس .. ح اعمل على انتظار باقي الحلقات .. مع التجهيز للحلقات القديمة
بس ما تدرع فيني الشغلانة وتزوغ .. لو شعرت بيك بتاع توريط .. بجي بكب ليك الحاجات دي كلها في البوست بتاعك دا .. واعمل ما بعرفك .. 
|
Post: #3
Title: Re: نجوم الغد .. برعاية تمبس
Author: النورس الحزين
Date: 06-07-2008, 08:07 AM
Parent: #1
لم أجد يا تمبس توثيق لحلقات البرنامج الجديدة و قوقلت بكل المسميات الممكنةو طرقت كل ابواب المنتديات و كل من سألته قال لى طلبك عن تمبس
فى واحدة من الحلقات فى واحدة غنت بصورة رائعة لابو داود
ما متذكر الاسم
|
Post: #4
Title: Re: نجوم الغد .. برعاية تمبس
Author: خضر الطيب
Date: 06-07-2008, 08:42 AM
Parent: #1
النورس الحزين
صباح الخير
Quote:
خليك بالله من نجوم ( القد ) الشاغلنك ديل |
والله انحنا حزينين جدا لما آل اليه حال الاخ تمبس بعد ان كان يطربنا باختياراته
الرائعه صار يزعجنا بمطاردته (للشرفاء) من امثالي , ولم يراعي هذا الصديق(عشرة
الايام) ونسى حتى ماما نوره , كنا عشان ندورو بنجيب ليهو شاورما وعصير من ماما نوره
لكن الظاهر شغلو في حي السفارات دا اضف الى ذلك كبونات النفط التي يتحصل عليها المدعو
تمبس من الجماعه , فالرجل اصبح ينظر الينا نحن المهمشين من برج عالي , واخر اتصال لي
بالمذكور الاسبوع الفات علمت ان عشاءه اصبح سمكا مع العريس معتصم مع العلم
انو اقيم اكله كنا بناكلا سوا كانت فتة الكوارع , فلا اظنه سيعود القهقرى
فالرجل وبمطاردته للشرفاء من امثالنا قد اعتلى صهوة الحلم الجميل , فانسى ياصديق
كت اووت :
خضر الطيب في نسخته الجديده
|
Post: #7
Title: Re: نجوم الغد .. برعاية تمبس
Author: tmbis
Date: 06-09-2008, 08:25 AM
Parent: #4
| Quote: فالرجل اصبح ينظر الينا نحن المهمشين من برج عالي |
.. Quote: والله انحنا حزينين جدا لما آل اليه حال الاخ تمبس بعد ان كان يطربنا باختياراته
الرائعه صار يزعجنا بمطاردته ( للشرفاء) من امثالي |
.. والله يا خدر حيرتنا معاك ..
ياخي ما ممكن تكون مهمشين وتكون شرفاء في وكت واحد ..
إنت حاوي واللا شنـــو..؟
|
Post: #5
Title: Re: نجوم الغد .. برعاية تمبس
Author: طلحة عبدالله
Date: 06-07-2008, 12:25 PM
Parent: #1
إتفق مع الأخ النورس الحزين في كلامو
وين يا تامبا المسكين ..؟
|
|