Post: #1
Title: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-05-2008, 09:56 AM
Parent: #0
اولا سلام
بس دايرة انقل ليكم راي زول واحد فيكن اوكي خليكم معاي
طبعا القصة لازم نحكيها من اولها
يوم 10/5
شلت تلفوني وقلت اتصل اطمن على زملاء وزميلات من عيال غرب كما يحول لهم تسمية انفسهم/ن
المهم الزول دي اليوم الاول تلفونه مقفول
اها تاني يوم ردت مرتو
قالت نايم
واخير تاني يوم المساء لميت فيه
- سلام
- الله يسلمك
- اها خبرك شنو امبارح لقيت تلفونك مقفول قلقت شوية
- الحمد لله ، لكن امبارح دة كان جنس يوم ما بتوصف تعرف يا دكتورة لما الجماعة ديل جوا داخلين انا كنت في السوق الشعبي امدرمان ، بيني وبين نفسي قلت الحكاية دي لو فشلت امانة ما تعبنا بالحيل، هو ذاتو ان الوداني هناك شنو في اليوم داك ما عارف ساكن المنشية ومكتبي في نمرة اتين في حاجة واحدة بتوديني هناك تقولي شنو الشلاقة ، المهم حاولنا نمرق بالعربية ما قدرنا وقفتها في مكانها داك واتخارجنا كنا جماعة من الزغاوة المهم رسينا لينا في بيت واحد زغاوي صاحبنا وقاعدين ما بين متابعة الاخبار وو الساعة واحدة صباحا جونا ليك الجماعة ناطين بالحيطة وهاك يا ضرب ، والله يا دكتورة انا الضرب الضربوني ليه كان ضربوه لفيل كان مات لكن تقولي شنو ما زغاوي بسبعة ارواح
- اها قبضوك
- لا ما قبضوني لكن علقة في تاريخ حياتي ما شفت زيها
- اها وناوي تسوي شنو ما حتشتكي
- لا
- ليه
- خليها على الله
- ونعم بالله ، لكن معقول انت ما قادر تحصل على حقوقك امال الناس التانيين يسووا شنو، ولا انت خلاص اشتروك
- نحن الزغاوة ما في زول بشترينا ولا يبيعنا ، نحن اصحاب قضية ولو دايرين نحن البنشري ما زول تاني بشترينا انتي ما متابعة حركة الاقتصاد السوداني ولا شنو؟
- !!!!!!!
- والله لكن تعرفي يا دكتورة الجلابة ديل لو خلو السودان للنسوان يحكمنه عوجة واحدة بتجيه مافي
- كيف يعني
- حسع عليك الله شوفي كتبات سارة عيسئ أمانة ما زولة كتابة عندها داتا بيز وعقلية تحليلية قوية ياخي دي زولة ما ساهلة ولا تراجي وشجاعتها وجراتها في طرح افكارها والدفاع عنها اها في جلابي واحد عنده نص شجاعتها دي ويا سلام على اشراقة مصطفى تضج علما ومعرفة وادبا لما تكتب في العلم مافي زول بلحفها وكان لي الكتابة الادبية دي والله تقرا ليها تلاتة سطور تعيش عليه تلاتة سنين يبقوا ليك زاد يكفيك محن الزمن ، ولا اماني الجندرية المعرفة الحكمة والبساطة في انسان ياخي دي زوة ياه منها لها المقدرة على االاقناع ولا واحد من سياسيينا بيمتلك عشرها ما كان بتجي للسودان عوجة والله انا معجب بكتاباتها شدييد خلاص.
لحد هنا وانتهت المكالمة التلفونية ، ما على الرسول الا البلاغ انا وصلت راي الزول دي فيكن يا نسوان يا بنات او يا سياسيات ردكن شنو؟؟؟؟
اها رايكم شنو يا جماعة في الاقتراح دي نخلي السياسة للنسوان ونتبادل الأدوار يعني بدل رئيس رئيسة وبدل وزير وزيرة وهكذا دواليك ومافي مانع الرجالة نعينهم موظفين في المالية ولا سكرتيرين واحد فقط مسموح ليه انه يبقى مستشار رئيس جمهوريةواتينين وزراء. قلتو لي شنو
صفية
|
Post: #2
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Emad Abdulla
Date: 06-05-2008, 10:11 AM
Parent: #1
موافقين ..
|
Post: #5
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-05-2008, 10:53 AM
Parent: #2
استاذ عماد سلام
طوالي استسلمت كدة من غير اي اعتراض يبدو انك ضامن لجماعتك مناصب وكدة
شكرا على الراي
|
Post: #3
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: SARA ISSA
Date: 06-05-2008, 10:15 AM
Parent: #1
شكراً على الرسالة الكريمة
ونشر الأخت صفية على الإهتمام والتواصل
|
Post: #6
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-05-2008, 11:04 AM
Parent: #3
استاذة سارة
سلام
شكرا على الرد
Quote: شكراً على الرسالة الكريمة
ونشر الأخت صفية على الإهتمام والتواصل |
وما على الرسول الا البلاغ
نفر من نساء بلادي مبدعات لهن التحية
صفية
|
Post: #4
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Zoal Wahid
Date: 06-05-2008, 10:31 AM
Parent: #1
اول حاجة الحروب و العنتريات وحكاية على بالطلاق حتتوقف
بلقيس ملكة سبأ استشارت الرجال الحولها للرد على سيدنا سليمان
قاموا قالوا ليها: نحن اولوا قوة
قالت ليهم : الملوك اذا دخلوا قرية افسدوها
شوفي بعد النظر ( يجي واحد ناطي يقول ليك المرا كان فاس ما بتكسر الرأٍس / يعني عقلية هدم وتكسير)
رؤساؤنا عقولهم في بندقيتهم.
فعلا نحن نحتاج للمرأة - امثال من ذكرت - لتوقف حمامات الدم بعد عجز القائمون على الامور .
طبعا في نساء واقفات الى جنب سفاحي الدماء بالشعر و الزغرودة و الحماسة ( يا ربي جينات الذكورة فيهن
اكثر) ؟؟؟
التحية لكل من تساهم في رفع الظلم و الدفاع عن المظلومين و الضعفاء.
|
Post: #8
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-05-2008, 11:20 AM
Parent: #4
يا زول وحيد
مش ياهو اسمك كدة ولا انا غلطانة
لكن كدي قبال النرد ليك الخط الصغير دي شنو مالك علي انت وسهام المجمر مصرين توروني اني عمري فوق الاربعين ومافي طريقة الا اشتري نضارة نظر
غايتو كان ما رديت على كل نقاطك العتب على النظر.
وقبل ما ندخل سلام
| Quote: اول حاجة الحروب و العنتريات وحكاية على بالطلاق حتتوقف |
والله دي صدقت فيها
Quote: بلقيس ملكة سبأ استشارت الرجال الحولها للرد على سيدنا سليمان
قاموا قالوا ليها: نحن اولوا قوة
قالت ليهم : الملوك اذا دخلوا قرية افسدوها
شوفي بعد النظر ( يجي واحد ناطي يقول ليك المرا كان فاس ما بتكسر الرأٍس / يعني عقلية هدم وتكسير) |
أكيد هناك من يفكرون بمثل هذه العقلية الله يكون في العون وبرضو نقول عسى ولعل شغل الجندرية يساهم معانا في رفع الوعي
| Quote: رؤساؤنا عقولهم في بندقيتهم. |
وغالبية الرجال يفكرون بمنطق القوة مرتكزين على القوة الجسدية ويتناسون ان الابداع والانتاج في عصرنا هذا يحتاج لاذهان وليس عضلات
| Quote: فعلا نحن نحتاج للمرأة - امثال من ذكرت - لتوقف حمامات الدم بعد عجز القائمون على الامور . |
نحتاجهن كل يوم وكل ساعة نحتاج علمهن ابداعهن وقبلا نحتاج الشخص المناسب في المكان المناسب
| Quote: طبعا في نساء واقفات الى جنب سفاحي الدماء بالشعر و الزغرودة و الحماسة ( يا ربي جينات الذكورة فيهن اكثر) ؟؟؟ |
لا دي ضحكتني فيها شدييد لكن بقول ليك who knows
| Quote: التحية لكل من تساهم في رفع الظلم و الدفاع عن المظلومين و الضعفاء. |
واكرر التحية لكل من يساهم في رفع الظلم والدفاع عن المظلومين و الضعفاء والمظلومات والضعيفات رجلا كان او امراة
شكرا ليك مرة اخرى وفي انتظار عودتك
لكن عندي رجاء كبر الخط شوية مالك جبار كدة الفونت كمان بشتروه بقروش
سفية
|
Post: #7
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: العوض المسلمي
Date: 06-05-2008, 11:12 AM
Parent: #1
صفيه سلام
ده موضوع بخص النساء يعني
نطلع منه ولا شنو؟
صفيه بالجد قلب المواضيع ده ما كويس 
وكمان ياصفيه كلام التلفونات ده ما تنقليه
نقوم بكره عضو ولا عضوه تورطنا في مكالمه
|
Post: #9
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-05-2008, 11:38 AM
Parent: #7
استاذ عوض
ازيك
طبعا المرة دي بنكهة مختلفة بعد تركيب الصورة مع الكلام
| Quote: ده موضوع بخص النساء يعني |
وهل موضوع السودان يخص النساء فقط؟؟؟؟
ما في طريقة تزوغو جواها جواها انا غايتو كان علي داير ابادلك بشركة السيارات حقتك عندك مانع
| Quote: صفيه بالجد قلب المواضيع ده ما كويس |
ياتو مواضيع وضح قصدك تغيير الادوار ما نجرب ياخي في حد خسران حاجة الارضة جربت الحجر ولا تكون خايف على شركتك خلاص يا زول غيرت راي دة طرفي منها بس خليك معانا ولو بالاحلام نغير الادوار ونحكم بعد داك
| Quote: وكمان ياصفيه كلام التلفونات ده ما تنقليه |
حاضر يا سيدي انت تامر ليك علي
| Quote: نقوم بكره عضو ولا عضوه تورطنا في مكالمه |
انت ما تعمل حاسبك في المكالمات ساهلة ما دايرة ليها درس عصر
عموما شكرا على المتابعة والرد وفي انتظارك
صفية
|
Post: #10
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: مصطفي سري
Date: 06-05-2008, 12:59 PM
Parent: #9
الاستاذة صفية ، سلامات
انا موافق طالما عماد عبدالله وافق .
|
Post: #49
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: العوض المسلمي
Date: 06-12-2008, 11:34 AM
Parent: #9
دكتوره صفيه سلام
| Quote: طبعا المرة دي بنكهة مختلفة بعد تركيب الصورة مع الكلام |
عارفه دكتوره فعلا الانسان بعد تشوفوا تقدر تقدر شكل التعامل معاه شكله كيف
ومن هذا المنطلق :
فلا امانع من تتولين قيادة نساء المنبر بشريطة حيازتك علي ثقة العضوات
بعد انتخابات ديموقراطيه ونزيهه واشراف رجالي منبري محايد 
| Quote: ما في طريقة تزوغو جواها جواها انا غايتو كان علي داير ابادلك بشركة السيارات حقتك عندك مانع |
طيب انا عندي زي قولك شركة سيارات السؤال المبادله انتي بتديني شنو؟
| Quote: ياتو مواضيع وضح قصدك تغيير الادوار ما نجرب ياخي في حد خسران حاجة الارضة جربت الحجر ولا تكون خايف على شركتك خلاص يا زول غيرت راي دة طرفي منها بس خليك معانا ولو بالاحلام نغير الادوار ونحكم بعد داك |
برضو تقولي نجرب ظ والارضه جربت الحجر ؟
اها الارضه بعد جربت الحجر لقت شنو؟ ضاعت عليها عمرها وكسرت سنونها
| Quote: انت ما تعمل حاسبك في المكالمات ساهلة ما دايرة ليها درس عصر |
صفيه انتي ماعارفه نحن السودانيين الواحد يسرح ويمرح في التلفون
ومرات ينسي هو بدا بياتو موضوع
______________________________
غايتو حتتعبونا خلاص
|
Post: #11
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-05-2008, 01:05 PM
Parent: #1
استاذ سري
سلام
تتوفق في حياتك انشاء الله يا يومة
شكرا على المرور
صفية
|
Post: #12
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: عبود عبد الرحيم
Date: 06-05-2008, 01:08 PM
Parent: #1
ماما صفية ... حمدلله علي السلامة...
كدا ممكن نحضر لقاء بورداب الخرطوم الجااااي (ياعم) !!!
كلامك كلو سمح ...وبرشح ليكم (جماعتنا) وزير اعلام ...
بس الحتة دي عندي فيها راي ..
| Quote: ونتبادل الأدوار يعني بدل رئيس رئيسة |
طيب وحبيبك (رئيس الجمهورية) ؟؟؟
يعني حوارنا الصحفي الاول الحاجزنو معاهو راح ساكت ؟؟؟
|
Post: #13
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-05-2008, 01:15 PM
Parent: #12
اهلين استاذ عبود
| Quote: ماما صفية ... حمدلله علي السلامة... |
الله يسلمك ياخي
| Quote: كدا ممكن نحضر لقاء بورداب الخرطوم الجااااي (ياعم) !!! |
قلنا يا عمة ولا نجيب ليك الجندرية تديك حصة في الجندر واللغة
| Quote: كلامك كلو سمح ...وبرشح ليكم (جماعتنا) وزير اعلام ... |
جماعتكم منو هنا ولا في البيت؟؟؟؟
Quote: بس الحتة دي عندي فيها راي ..
Quote: ونتبادل الأدوار يعني بدل رئيس رئيسة
طيب وحبيبك (رئيس الجمهورية) ؟؟؟ |
اتخيل راحت علي لكن ملحوقة نعين اختو بدلو ووتسد لورحها وتدخله السجن
| Quote: يعني حوارنا الصحفي الاول الحاجزنو معاهو راح ساكت ؟؟؟ |
لا ما راح ساكت ما تعملوا مع الرئيسة وكلهم ابناء وبنات ماما صفية شنو ليك ما حلينا ليك القصة
في انتظارك
صفية
|
Post: #14
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: عبود عبد الرحيم
Date: 06-05-2008, 02:11 PM
Parent: #13
| Quote: لا ما راح ساكت ما تعملوا مع الرئيسة |
الكلام دخل الحوش ... حكايتكم دي شكلها (انقلاب) عدييييييييل
|
Post: #15
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Ishraga Mustafa
Date: 06-05-2008, 02:23 PM
Parent: #14
سلامات ياصفية
لحدى ما افضى- لانو الموضوع دلير ليهو فضاء وروقة بال
بسجل حضور
بس خلينا نفكك كلام صاحبنا حول رؤيته الايجابية عن النساء
ونشوف قصة تبادل الادوار دى؟ كيف ومتين وليه؟
-----
فى قلب الهامش: افرحتنى الايام بلقائك وبنتك الامورة واختك- صاحبتنا المحامية الجميلة
انشاءالله نتلاقى دائما فى ساعة خير
|
Post: #26
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-08-2008, 08:40 AM
Parent: #15
دكتورتنا العزيزة
حمد الله على سلامة الوصول
Quote: بس خلينا نفكك كلام صاحبنا حول رؤيته الايجابية عن النساء
ونشوف قصة تبادل الادوار دى؟ كيف ومتين وليه؟ |
بالتاكيد الفكفكة مهمة ، ولكني اناقش المبدا نعلم جيدا استحالته بالمعطيات الحالية وقد يستهجنه كثيرون وعلى راسهم نحن (اعني النساء) ولكن فلنقل انها دعوة لاعادة النظر والتفكير باتجاه منح النساء مساحات اوسع في العمل العام لما اثبتن من نجاحات في هذا الصدد.
| Quote: لحدى ما افضى- لانو الموضوع دلير ليهو فضاء وروقة بال |
في انتظارك
Quote: فى قلب الهامش: افرحتنى الايام بلقائك وبنتك الامورة واختك- صاحبتنا المحامية الجميلة
انشاءالله نتلاقى دائما فى ساعة خير |
في ما بعد قلب الهامش سعدنا برؤيتك والتدث اليك وجها لوجه والحديث معك ممتع ومتواصل ولا ينقطع
شكرا ليك مرة اخرى
صفية
|
Post: #16
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-05-2008, 02:38 PM
Parent: #14
| Quote: حكايتكم دي شكلها (انقلاب) عدييييييييل |
عمرك سمعت ليك بانقلاب بيعلنو عنه وكمان اسفيريا
ما اظن تحليلك ما في محلو
شكرا على المرور
|
Post: #17
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Sabri Elshareef
Date: 06-05-2008, 05:16 PM
Parent: #1
سلام اتابع معاكن
وللجميع تحياتي
|
Post: #25
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-08-2008, 08:30 AM
Parent: #17
استاذ صبري سلام
شكرا للمتابعة
لكن ما قلت لينا رايك نجرب ولا نفكك زي ما قالت اشراقة
صفية
|
Post: #18
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: الجندرية
Date: 06-06-2008, 09:02 AM
Parent: #1
صفو عروس الجنا
كتر خير صديقك على الظن الطيب
وكتر خيرك على نقلو
| Quote: اها رايكم شنو يا جماعة في الاقتراح دي نخلي السياسة للنسوان ونتبادل الأدوار يعني بدل رئيس رئيسة وبدل وزير وزيرة وهكذا دواليك ومافي مانع الرجالة نعينهم موظفين في المالية ولا سكرتيرين واحد فقط مسموح ليه انه يبقى مستشار رئيس جمهوريةواتينين وزراء. قلتو لي شنو |
يا بت امي
القصة ما اظنها ادوار وبس
القصة لازمها تفكيك وبنية جديدة
الكلام داير فاقة
والله يديها ونجي
تقديري وعميق مودتي
|
Post: #28
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-08-2008, 09:07 AM
الحبيبة اماني
سلام وشوق
| Quote: القصة لازمها تفكيك وبنية جديدة |
عين العقل
ولكن دعينا نفكر بجنون
عسى ولعل نريح رهق اعصابنا من هذا الالم
شكرا للمرورو وفي انتظارك
صفية
|
Post: #31
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Ishraga Mustafa
Date: 06-08-2008, 02:08 PM
Quote: القصة ما اظنها ادوار وبس
القصة لازمها تفكيك وبنية جديدة
|
بنية جديدة
تستند على اقتصاد جديد واللى بدوره بيولد وعى جديد
تفتكيك لاجل حراك اجتماعى مختلف
كل ده لازم قرايته بزاويا مختلفة- احدها النوع- ولكنه ليس كل شىء..
فى رجال ياصفية وعيهم الانسانى اعلى كثيرا من نساء بيدعن كدى
وفى نساء مستلباهن عقلية القهر ولايتوانن فى ممارسته على غيرهن وعلى الرجال ايضا
بقرأ فى كتاب لشيفا الكاتبة والعالمة الهندية
بتتناول فيهو قضايا النوع من زاوية وعى بئيىء
تدوير مقنع لقضايانا الانسانية
كيف نتبادل الادوار
متى
وليه؟
ده مقروض يكون موضوع تتناوله اقلام مختلفة وبزاويا مختلفة.... نحو بناء الوعى الجمعى
ومتابعة...
|
Post: #36
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-08-2008, 02:31 PM
Parent: #31
دكتورتنا الغالية
سلام
Quote: بنية جديدة
تستند على اقتصاد جديد واللى بدوره بيولد وعى جديد
تفتكيك لاجل حراك اجتماعى مختلف
كل ده لازم قرايته بزاويا مختلفة- احدها النوع- ولكنه ليس كل شىء..
فى رجال ياصفية وعيهم الانسانى اعلى كثيرا من نساء بيدعن كدى
وفى نساء مستلباهن عقلية القهر ولايتوانن فى ممارسته على غيرهن وعلى الرجال ايضا |
بالتاكيد اشرتي لعصب القضية الاقتصاد والاقتصاد ثم الاقتصاد ، بالتاكيد تشكيل الوعي عصب محوري ونت خير العالمين بان الجندر لا يعني نساءا اذا فه الوعي الجمعي لكل من يهمه الامر ولكن وعي النساء هام جدا لانه زي ما بقول المثل الايده في الموية ما وي الايده في النار بالتاكيد هناك نسوة يفكرن بعقلية الذكور وهؤلاء اشد ضراوة من الرجال على قضيتنا ولذا الوعي مهم ولكن اتفق معك ان القضية متشابكة وتتداخل فيها عوامل عديدة من اقتصادية اجتماعية سياسية اقتصادية بقت عليها زي حكاية اكلك منين يا بطة غايتو اضعف الايمان كتباتنا هذه.
Quote: كيف نتبادل الادوار
متى
وليه؟
ده مقروض يكون موضوع تتناوله اقلام مختلفة وبزاويا مختلفة.... نحو بناء الوعى الجمعى |
بالتاكيد اسئلتك جوهرية اضيفي اليهاكيف
ان شاء الله يا يومة تتابع نجاح وليداتك
صفية
|
Post: #19
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: أبو ساندرا
Date: 06-06-2008, 02:06 PM
Parent: #1
عماد عبدالله
و مصطفى سري
و زول وحيد
والمسلمي وشلتو ناس عبود وبتاع
الدخلكم اوضة البنات ديل شنو؟
شفت العنوان فتذكرت داخلية الإحتلال
أهلآ يا دكتورة صفية
اليومين ديل البلد ملينة صفيات و
صافنات
|
Post: #20
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: حيدر حسن ميرغني
Date: 06-06-2008, 02:20 PM
Parent: #19
صفيتنا
المشكلة تراجي خانت القضية وباعت هيلاري
كده حرقت ورقها..
__
لو عايزين مدراء حملات إنتخابية اللستة تحت الطاولة
|
Post: #21
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Tragie Mustafa
Date: 06-06-2008, 02:50 PM
Parent: #20
صفيه سلامات
وشكرا لصديقك الزغاوي
سلمي لي عليه وقولي له الف سلامة
ودي الحالة علقة وفي بيتكم لو شفته الجماعه الفي معتقلات بعملوا فيهم شنو
فانك ستكفر بكل شيئ صدقني:
Quote: - الحمد لله ، لكن امبارح دة كان جنس يوم ما بتوصف تعرف يا دكتورة لما الجماعة ديل جوا داخلين انا كنت في السوق الشعبي امدرمان ، بيني وبين نفسي قلت الحكاية دي لو فشلت امانة ما تعبنا بالحيل، هو ذاتو ان الوداني هناك شنو في اليوم داك ما عارف ساكن المنشية ومكتبي في نمرة اتين في حاجة واحدة بتوديني هناك تقولي شنو الشلاقة ، المهم حاولنا نمرق بالعربية ما قدرنا وقفتها في مكانها داك واتخارجنا كنا جماعة من الزغاوة المهم رسينا لينا في بيت واحد زغاوي صاحبنا وقاعدين ما بين متابعة الاخبار وو الساعة واحدة صباحا جونا ليك الجماعة ناطين بالحيطة وهاك يا ضرب ، والله يا دكتورة انا الضرب الضربوني ليه كان ضربوه لفيل كان مات لكن تقولي شنو ما زغاوي بسبعة ارواح
|
لاحول ولاقوة الا بالله ,يا اخي لست حيا لانك زغاوي بسبعة ارواح
ولكن لانك هنالك ربنا رحيم يعرف ان لك اسرة وابناء بانتظارك,الف حمد على سلامتك.
ولكن تذكر اخوتك الابرياء بالمعتقلات...وتذكر ان مثل حفلة الضرب التي اقاموها لك واعتقدتبانها افظع ما يمكن يحصل مثل هذه الحفلة يتعرض لها البعض مرتيني وثلاثه في اليوم الواحد داخل المتقلات!!
لقد روي لي احد الخارجين البارحة...ما جلعني افكر في الانتحار من عجزي وحزني على ما يحدث وما
حدث لبعض الابرياء.
هل تعلم يا اخي ان معدل الوفيات في اليوم داخل المعتقلات ما بين 2:4 يوميا من التعذيب؟؟!!
ولا نملك الا ان نقول اللهم رد كيدهم في نحرهم
اللهم سلط عليهم من يذيقهم ما اذاقوهوا لاخوتنا الابرياء.
اللهم شتت شملهم وفرق جمعهم واذلهم كما فعلوا باهل دارفور.
اللهم اذقهم ممافعلوهوا باهل دارفور.
Quote: ولا تراجي وشجاعتها وجراتها في طرح افكارها والدفاع عنها اه
ا في جلابي واحد عنده نص شجاعتها |
شكرا لك يا اخي على كلماتك
ولكني اعتقد فعلا باني اقول الحق ليس لاني امراة فقط وانما لاني منحازة للحق
وفي انحيازي هذا دعني اقول لك وجدت اخوة رجال وشمالين كثر اكثر انحازا للحق
مني...انتبه يا اخي
لكتابات هؤلاء:
1)الباقر عثمان
2)مرتضى جعفر(صار مقل لاحقا)
3)مصطفى سري
4)عمر علي (رغم اختفائه لا اعلم ان بكري لحقه امات طه ام مااذ حدث؟؟)
5)عبد الغني بريش فيوف(رغم انه ليس من اهل الشمال هو من جبال النوبة لكن انتبه لكتاباته)
6)آمنه مختار(والتي استغرب كيف لم تذكرها..كاميز من انحاز للحق وكتب عنه)؟؟؟
اذن يا اخي الموضوع ليس نساء ورجال
فبقدر ما هنالك اخوات مثل آمنه مختار محسوبات على الشمال السياسي
الا ان مقدراتهم للتصدي لمظالم الهامش فاقت الوصف ولا يمكن مقارنتهن
بجلابيات مثل القلب النابض فرغوا انفسهن وقدراتهن للتبرير لجرائم المؤتمر الوطني.
اذن نحن متخدنقات في خندق واحد مع اخوتنا الرجال
يجمعنا الوعي بهم. ويفرقنا
انكار الحق عن الظلاميات و المتجولبات
رغم وحدة النوع الا اننا لا نقف في خندق واحد معهن.
لك الود ومرة آخرى كن بخير.
استخدم المكمدات الباردة للرضوض واحتقانات الدم تحت الجلد,ومعافى باذن الله
وفي ميزان حسناتك ما دفعت ثمنه نتيجة لانتماءك الآثني بلا ذنب جنيته.
|
Post: #37
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-08-2008, 03:20 PM
Parent: #21
العزيزة تراجي
نورت الدار
جاياك لكن الدنيا بقت اخر نهار وماشة اشوف درب الغدا بوين
شكرا على المرور لمن اجيك برواقة
|
Post: #40
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-09-2008, 09:20 AM
Parent: #21
اهلين تراجي
Quote: سلمي لي عليه وقولي له الف سلامة
|
الله يسلمك
| Quote: ولكن لانك هنالك ربنا رحيم يعرف ان لك اسرة وابناء بانتظارك,الف حمد على سلامتك. |
ونعم بالله
| Quote: ولكن تذكر اخوتك الابرياء بالمعتقلات...وتذكر ان مثل حفلة الضرب التي اقاموها لك واعتقدتبانها افظع ما يمكن يحصل مثل هذه الحفلة يتعرض لها البعض مرتيني وثلاثه في اليوم الواحد داخل المتقلات!! |
بل يذكرهم جيدا
Quote: شكرا لك يا اخي على كلماتك
ولكني اعتقد فعلا باني اقول الحق ليس لاني امراة فقط وانما لاني منحازة للحق
وفي انحيازي هذا دعني اقول لك وجدت اخوة رجال وشمالين كثر اكثر انحازا للحق
مني...انتبه يا اخي
لكتابات هؤلاء:
1)الباقر عثمان
2)مرتضى جعفر(صار مقل لاحقا)
3)مصطفى سري
4)عمر علي (رغم اختفائه لا اعلم ان بكري لحقه امات طه ام مااذ حدث؟؟)
5)عبد الغني بريش فيوف(رغم انه ليس من اهل الشمال هو من جبال النوبة لكن انتبه لكتاباته)
6)آمنه مختار(والتي استغرب كيف لم تذكرها..كاميز من انحاز للحق وكتب عنه)؟؟؟ |
الامانة وصلت لصاحبها وهو من القراء المتابعين
ا| Quote: ذن يا اخي الموضوع ليس نساء ورجال |
Quote: اذن نحن متخدنقات في خندق واحد مع اخوتنا الرجال
يجمعنا الوعي بهم. ويفرقنا
انكار الحق عن الظلاميات و المتجولبات
رغم وحدة النوع الا اننا لا نقف في خندق واحد معهن.
لك الود ومرة آخرى كن بخير. |
بالتاكيد يوجد اختلاف بين كل مجموعة ولكننا كنساء يوجد الكثير مما يستوجب علينا الالتفاف نحوه
Quote: استخدم المكمدات الباردة للرضوض واحتقانات الدم تحت الجلد,ومعافى باذن الله
وفي ميزان حسناتك ما دفعت ثمنه نتيجة لانتماءك الآثني بلا ذنب جنيته. |
الوصايا وصلت
شكرا لك استاذة تراجي وقد اوفيتي وكفيتي في ردك شكرا ليك مرة اخرى
انتي تعالي مسعئولة من الخير كان في بوست اسمه تراجي مصطفى مشى وين يا ربى
سلام
|
Post: #30
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-08-2008, 01:57 PM
Parent: #20
ا
|
Post: #35
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Ishraga Mustafa
Date: 06-08-2008, 02:22 PM
Parent: #30
مافات علىّ ياصفية اقول شكرا لصاحبنا وانطباعاته الجميلة عنى وعن زميلاتى هنا
الانطباع ده مسئولية ربنا يقدرنى ويقدرن على تحملها
|
Post: #41
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-09-2008, 10:12 AM
Parent: #35
د. اشراقة
سلام
Quote: مافات علىّ ياصفية اقول شكرا لصاحبنا وانطباعاته الجميلة عنى وعن زميلاتى هنا
الانطباع ده مسئولية ربنا يقدرنى ويقدرن على تحملها |
لا شكر على واجب فهو ما اقل الا الحق في حقكن ( دي عشان لؤي)
أكيد قادرات طالما هناك عقل يفكر
صفية
|
Post: #32
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-08-2008, 02:09 PM
Parent: #20
استاذ حيدر سلام
Quote: صفيتنا
المشكلة تراجي خانت القضية وباعت هيلاري
كده حرقت ورقها..
__
لو عايزين مدراء حملات إنتخابية اللستة تحت الطاولة |
قلت لي تراجي باعت القضية ، لا اعتقد ذلك فحين تتقاطع الهوية الجندرية مع الهويات الاخرى من انتماءات سياسية او طبقية او غيره فهنا تصنف الاولويات على حسب احتياجات المرحلة والسياق التاريخي كلامك دي تعرف ذكرني بكاتبة ماركسية حيث كتب كتاب بعنوان Unhappy marriage between Marxism and Fenmiisnحيث تسائتل عن طبيعة الصراع هل هو صراع جندري بين النوعين ام صراع طبقي اتية بمثال انه يوجد نساء من طبقات عليا يهيمن على رجال من طبقات اقل ، اذا تراجي لم تبع قضيتنا ولكن متطلبات المرحلة تستوب هذا.
غايتو مديرات الحملات الانتخابية حيكونو من الجنس اللطيف عشان يقنوعا لينا الرجالة وممكن نستعين بالرجال في مواقع اخرى
شكرا على المرور
|
Post: #29
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-08-2008, 01:03 PM
Parent: #19
ابو ساندرا سلام
| Quote: الدخلكم اوضة البنات ديل شنو؟ |
المفروض اوضة ناس الحكومة ما تنسى
غايتو امكن داير يفتش ليه وظيفة ولا ...
| Quote: اليومين ديل البلد ملينة صفيات |
؟؟؟
|
Post: #34
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Ishraga Mustafa
Date: 06-08-2008, 02:17 PM
Parent: #22
| Quote: يجمعوا ؟ ولاّ يجمعن |
اللغة زول يالؤى
ينعكس عليها ماينعكس علينا
بنتأثر بواقعنا ومنتوجه المعرفى - وضع المرأة فى المجتمع والنظرة ليها
عشان كدى ممكن تلقى اعلامية متميزة ومع ذلك تخاطب ضيفاتها فى الاستديو بصيغة المذكر
ده بيتغيير لمن تتغير بينة اللاوعى الموجودة
-------
بعدين ياخال ولدى ماتحكها شديد
|
Post: #46
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-12-2008, 10:10 AM
Parent: #39
Quote: والله ما حاكّيها يا إشراقة
بس بمازح في دكتورة صفيّة
وعُذراً يا دكتورة صفيّة |
استاذ لؤي سلام
بجد ما محتاج اعتذار لانك صوبت فاصبت (كلام شعراشعرا كدة بقت)
شكرا ليك للتصحيح والمتابعة
|
Post: #43
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-10-2008, 10:01 AM
Parent: #34
| Quote: ده بيتغيير لمن تتغير بينة اللاوعى الموجودة |
100%
|
Post: #42
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-09-2008, 10:22 AM
Parent: #22
استاذ لؤي
سلام
| Quote: يجمعوا ؟ ولاّ يجمعن |
عاد ما قلت الا الحق
معليش سقط سهوا قالول في المثل ما يقعش الا الشاطر (ندلع روحنا برانا
لمن بجد زي ما قالت اشراقة مها الواحد حاول انه يكون واعي وصاحي ولكن الهيمنة الذكورية متجذرة في دواحلنا لا مفر منها نحاول وعموما شكرا ليك على لفت النظر والتصحيح
| Quote: ولو رجعتي من السّويد حمد الله على السّلامة |
الله يسلمك
هي نان بلد بتتفات الا الشديد القوي جابنا تاين لحر السودان شكرا على السؤال
|
Post: #23
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Hani Arabi Mohamed
Date: 06-06-2008, 03:15 PM
Parent: #1
أول حاجة أسجل تضامني مع أي بريء تعرض لأي نوع من أنواع المهانة والذلة والتصرف غير اللائق
لو جربنا حكم أخواتنا النساء
هل حيحكمو بالتي هي أحسن
ولا حيولعو الرجال في بعض ويتفرجن ؟؟؟؟       
|
Post: #47
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-12-2008, 10:33 AM
Parent: #23
استاذ هاني سلام
| Quote: أول حاجة أسجل تضامني مع أي بريء تعرض لأي نوع من أنواع المهانة والذلة والتصرف غير اللائق |
يا سلام لقد انتبهت لجزئية في البوست تجتوزها اخرون شكرا لك
| Quote: ولا حيولعو الرجال في بعض ويتفرجن ؟؟؟؟ |
غايتو ما معرفو نجرب وبعد داك نحكم ما بنقدر نتكهن
شكرا ليك مرة اخرى
صفية
|
Post: #24
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: طارق جبريل
Date: 06-06-2008, 03:41 PM
Parent: #1
يا دكترة كيفنك
ما عندنا مانع
بس عليك الله شغلوني مستشار
ياخي نفسي اشوف القصر الجمهوري دة بي جوة عامل كيف
ونفسي اسلم على الحرس المليانين ريش في رؤوسهم ديك
|
Post: #27
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Sabah Hussein
Date: 06-08-2008, 08:50 AM
Parent: #24
.
اعترض.
|
Post: #33
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Ishraga Mustafa
Date: 06-08-2008, 02:12 PM
Parent: #27
سلام ياصباح
يهمنى اعرف اسباب اعتراضك.... ممكن بعض اضاءة منك
لك الود
|
Post: #51
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-12-2008, 03:25 PM
Parent: #33
| Quote: يهمنى اعرف اسباب اعتراضك.... ممكن بعض اضاءة منك |
د اشراقة
صباح دي اظنها بتهظر ساي
|
Post: #50
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-12-2008, 12:49 PM
Parent: #27
ضباح نحن جادين خلي الهظار
تعترضي ليه في شان شنو وعشان منو؟؟؟؟؟
صفية
|
Post: #48
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-12-2008, 11:09 AM
Parent: #24
طارق ود جبرين
كيفنك لعلك طيب
Quote: ما عندنا مانع
بس عليك الله شغلوني مستشار
ياخي نفسي اشوف القصر الجمهوري دة بي جوة عامل كيف
ونفسي اسلم على الحرس المليانين ريش في رؤوسهم ديك
|
بختك ما قلنا عندنا واحد منصب مستشار خلاص انت اول زول حجز
خليك قريب
صفية
|
Post: #38
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Zoal Wahid
Date: 06-08-2008, 05:42 PM
Parent: #1
تخريمة: ( ما شايف رجوية بت العباسي)
واحد ماشي مع صاحبو، شافوا عربية جاية من بعيد
السواق ما متحكم في العربية
قال لصاحبو (تعرف سواقة النسوان دايما سيئة
محل السرعة مية تمشي ليك بي 45 ، سواقتهن دايما غلط.
احسن حاجة عملتها السعودية منعت النسوان من السواقة)
لما العربية قربت صاحبو قال ليهو ( السائق راجل )
رد بسرعة ( اكيد ربتو مرا).
زول واحد
|
Post: #44
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Siham Elmugammar
Date: 06-10-2008, 10:53 AM
Parent: #38
دى بس الجابت الهوا!!!!
منو القال الدور حق واحد/ه براهو/ا عشان نتبادل!!!!
|
Post: #45
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Siham Elmugammar
Date: 06-10-2008, 10:53 AM
Parent: #38
دى بس الجابت الهوا!!!!
منو القال الدور حق واحد/ه براهو/ا عشان نتبادل!!!!
|
Post: #54
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-24-2008, 07:19 AM
Parent: #45
استاذة سهام
سلام
Quote: دى بس الجابت الهوا!!!!
منو القال الدور حق واحد/ه براهو/ا عشان نتبادل!!!! |
ما هو صاح الدور ما حق زول
لكن بما انه في زول واحد مهيمن عليه طوال فترة الانسانية وفي حالتنا منذ الاستعمار
دايرين ناخد دورنا لمدة 52 سنة وبعد داك نتقاسم الادوار يعني اخذ حقوق يالآجلرايك شنو
شكرا ليك على المرور
صفية
|
Post: #52
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Safia Mohamed
Date: 06-12-2008, 03:47 PM
Parent: #38
استاذ زول واحد
كدي الترجمة صاح مش
| Quote: تخريمة: ( ما شايف رجوية بت العباسي) |
والله ما على الرسول الا البلاغ هو ياها دي الاسماء القاله
Quote: واحد ماشي مع صاحبو، شافوا عربية جاية من بعيد
السواق ما متحكم في العربية
قال لصاحبو (تعرف سواقة النسوان دايما سيئة
محل السرعة مية تمشي ليك بي 45 ، سواقتهن دايما غلط.
احسن حاجة عملتها السعودية منعت النسوان من السواقة)
لما العربية قربت صاحبو قال ليهو ( السائق راجل )
رد بسرعة ( اكيد ربتو مرا). |
شفت يا هو جنس التنميط دي الداير ليه فكفكة على راي دكتورة اشراقة
فعلا صور ذهنية كتييرة جدا محتاج انها تتغير وما بتتغير الا بعد الاحساس بانها مشكلة وتحليل اسبابها في محاولة لايجاد حلول
شكرا ليك مرة اخرى
وبرضو ما كبرت الخط
الفونت مجانا كان ما عارف اعرف
صفية
|
Post: #53
Title: Re: سارة عيسى تراجي مصطفى اشراقة مصطفى واماني الجندرية اجمعوا هنا
Author: Tragie Mustafa
Date: 06-23-2008, 02:54 PM
Parent: #52
فوق كمان لاجل اخونا الزغاوي المجلود بلا سبب غير زغاويته.
|
|
