Post: #1
Title: نداء لبورداب الدوحه
Author: Dania Elmaki
Date: 06-05-2008, 03:53 AM
سلام شباب و شابات
لو ممكن تساعدونا, ابحث عن صديق للوالد مقيم في قطر اسمه التجاني ابراهيم, و على حسب علمي هو اعلامي او صحفي, لو ممكن تلفونه, و لكم شكري.
|
Post: #2
Title: Re: نداء لبورداب الدوحه
Author: ودالعباسية
Date: 06-05-2008, 04:21 AM
Parent: #1
جابنى النداء ،،،
ازيك يا دانيا ولا دنيا ،،،
ان شالله الشباب فى الحقل الاعلامى ما بقصرو ،،
ناس اخونا فيصل الزبير وعامر تيتاوي ،،وودرمليه والجماعة ديل ،،
تحياتى ،،
|
Post: #3
Title: Re: نداء لبورداب الدوحه
Author: Dania Elmaki
Date: 06-05-2008, 04:34 AM
Parent: #2
دانيه.
شكرا لك و انشاء الله الشباب يساعدونا.
تحياتي
|
Post: #4
Title: Re: نداء لبورداب الدوحه
Author: محمد نور أحمد
Date: 06-05-2008, 05:08 AM
Parent: #3
ما من بورداب الدوحة.. لكن بريدهم..
قلت أسلم.. القحة ولا صمة الخشم..
--------
المثل دا عاجبني .. ما عارف سياق وروده الفوق دا مناسب ولا لا
|
Post: #5
Title: Re: نداء لبورداب الدوحه
Author: Dania Elmaki
Date: 06-05-2008, 05:13 AM
Parent: #4
انت امس مش كنت خاتي صوره و وراك حصان؟؟ بتين غيرتها ولا دي قلة الشغله؟؟؟
مثلك في محله يا أخوي, كدي جر لينا السبحه نلاقي الزول ده عشان الحاج يرضى عننا
|
Post: #6
Title: Re: نداء لبورداب الدوحه
Author: محمد نور أحمد
Date: 06-05-2008, 05:21 AM
Parent: #5
| Quote: انت امس مش كنت خاتي صوره و وراك حصان؟؟ بتين غيرتها ولا دي قلة الشغله؟؟؟ |
دا ما أنا يا بت أمي .. شوفي روحك كنت بتعايني في بروفايل منو؟
| Quote: كدي جر لينا السبحه نلاقي الزول ده عشان الحاج يرضى عننا |
زمنك دا كلو "عمك" كان ما راضي عنك .. الرماد كال حماد..
----------
بالله راجعي لينا المثل برضو
|
Post: #7
Title: Re: نداء لبورداب الدوحه
Author: محمد سنى دفع الله
Date: 06-05-2008, 05:48 AM
Parent: #2
التحايا النضرة
اختي دينااو دنيا
اخي الحبيب محمد نور عاشق الدوحة وبورداب الدوحةلكم جميعا
المحبة والسلام
اختي
التجاني ابراهيم علم في عالم الصحافة المسموعة ـ الأذاعة ـ
وهويعمل في عالم الأخبار يأذاعة قطر
وهورجل ننحني امامه لدوره الطليعي في الحقل الأعلامي
والآن في اجازة بوطنه السودان
وتلفونه هناك ـــ
+910955556
قصرنا معاك
وديل ناس الدوحة مع تحيات المذيع الامع
الأستاذ عمر عبد الكريم الذي نعول عليه كثيرا في المجال الأعلامي
مع مودتي
من يبحث عن اصدقاء ابوه زول فيهو خير كتير
|
Post: #8
Title: Re: نداء لبورداب الدوحه
Author: محمد نور أحمد
Date: 06-05-2008, 05:55 AM
Parent: #7
كثر خيرك يا أستاذ السني ..
| Quote: من يبحث عن اصدقاء ابوه زول فيهو خير كتير |
كلامك ما وقع الواطه .. أختنا دانيا تماما كما قلت ..
|
Post: #9
Title: Re: نداء لبورداب الدوحه
Author: haroon diyab
Date: 06-05-2008, 06:04 AM
Parent: #1
الاستاذ/ التجاني ابراهيم
الاعلامي ومعد نشرات الاخبار باذاعة قطر
متواجد هذه الايام بالسودان
هاتفه في الدوحة 009745982790
اما في السودان 910955556 0
|
Post: #10
Title: Re: نداء لبورداب الدوحه
Author: محمد سنى دفع الله
Date: 06-05-2008, 06:21 AM
Parent: #9
صديقي محمد نور العزيز وغالي
ياخوي نحن فينا حنين جارف
للصحبة والتأخي
وانا والله فرحت لي سؤاله الذي ينم عن روح طيبة
فيها برومحبة
والحديث الشريف بقول ــ
عن ابن عمر رضي الله عنهما :
أن النبي صلى الله عليه ةسلم :قال:
إن أبر البر أن يصل ـ الرجل ـود ابيه .
والحديث واضح وبين
ــــــــــــــ
نحن لو قعدنا في الواطة دي بنروب الموية
|
Post: #11
Title: Re: نداء لبورداب الدوحه
Author: Dania Elmaki
Date: 06-05-2008, 01:57 PM
Parent: #1
محمد السني الفنان المحترم, و هارون دياب الرجل الشهم
ما عارفه اشكركم كيف, انشاء الله يوم شكركم ما يجي زي ما بقولوا, والله انتو قدمتوا لي و للحاج خدمه العمر الليله حأتصل ليه بالتجاني ابراهيم و اديه التلفون من غير مقدمات, تتخيلوا ليهم 22 سنه فقدوا الاتصال ببعض؟؟
ياها المحريه فيكم,
محمد نور كثير خيرك يا عريس مع اني ما عارفه انت الجابك شنو. اتخيل شمار مش كده..؟؟؟ و لهسع ما عارف تكتب اسمي يا فرده.؟
شكرا كثير يا جماعه ما قصرتوا
تحياتي
دانيه المكي
|
Post: #12
Title: Re: نداء لبورداب الدوحه
Author: محمد سنى دفع الله
Date: 06-05-2008, 03:49 PM
Parent: #11
دانية مرحبا بك في بوستك
لانو بعد كتبت ليك
وجدت بوست ترحيبي
معذرة والف مرحب بيك بث
وريني محمد نور العريس بتاع شمار كيف
ياعريس تعالو رينا الحاصل
يارفيق الهجعة
ياظريف
مودة وسلام
|
Post: #13
Title: Re: نداء لبورداب الدوحه
Author: محمد فضل الله المكى
Date: 06-05-2008, 07:46 PM
Parent: #12
أبحث عن سمــــــــــــراء
قامتها هيفـــــــــــــاء
أوعى (كوندى) تسمع تفتكر الحكايه جد....بعدين أخوكم يتورط
ربنا يستر !!
|
|