Post: #1 Title: نادية عثمان انتي جد ملاك Author: انعام حيمورة Date: 06-04-2008, 12:05 PM Parent: #0
Quote: وكلو بالحُب والضمير الأبيض ببقى حلو سمح ؟!
عجبتني شديد !!
نادية عثمان الله يخليك يارب
Post: #2 Title: Re: نادية عثمان انتي جد ملاك Author: عماد محمود علي Date: 06-04-2008, 12:16 PM Parent: #1
هي حقاً ملاك يمشي على الأرض وبدون أجنحة ...
ولا يذكر الملائكة إلا الطاهرين من أمثالك .
Quote: عجبتني شديد !!
أنا غايتو عاجباني البيتزا الوراك دي ...
مودتي لك ولها وللبيتزا كمان .
عماد
Post: #5 Title: Re: نادية عثمان انتي جد ملاك Author: انعام حيمورة Date: 06-04-2008, 12:37 PM Parent: #2
Quote: هي حقاً ملاك يمشي على الأرض وبدون أجنحة ...
عمدة انت برضو صافي النية !!
لما تجي الخرطوم ليك علي اعزمك في محل البيتزا دا ..
Post: #31 Title: Re: نادية عثمان انتي جد ملاك Author: عماد محمود علي Date: 06-05-2008, 07:04 AM Parent: #5
نعومة كيفك خيتي .....
Quote: عمدة انت برضو صافي النية !!
ده بس من أصلك الطيب ياطيبة القلب والوجدان ...
Quote: لما تجي الخرطوم ليك علي اعزمك في محل البيتزا دا ..
الله يعمر جيبك دائماً يارب .. عارفك ما بتقصري . أها بيتزا سينغل ولا فاميلي ذي بتاعت البشير ؟!!!
Quote: البشير دفع الله :
Quote: اهة ليك علي بيتزا فاميلي كمان ..
تعرف ياالبشير يا أخوي .. إنعام دي مخها يوزن بلد ، وبتعرف كيفن تلخبت الكيمان وتطلع منها ذي الشعره من العجينة .. فيا أخوي نقوم نتفق أنا وإنت طالما هي عازمانا نحن الاثنين ( الاثنين ولا الثلاثاء ... ) ، أها علشان نأكل أنا وإنت بيتزتين ( ده لو كفتنا الواحدة في العزومة ) لما تعزمني بقوم أنا إتصل عليك وأقول ليك تعال الساعة كده.. أها نقوم ننسق بالجوال .. إنت تدخل بعد ما نبدأ في الأكل علشان ماتقوم تقول ليك خلاص إنت جيت وتشملك في العزومة دي ... أها طبعاً ماح تقدر تعتبرها ليك عزومة لأنك جيت متأخر شوية وتقوم تأكل معانا وهي غصباً ح تزيدها .. أها يوم عزومتك إنت كمان تقوم تبرمجها معاي بنفس السيناريو مع بعض التعديلات البسيطة خوفاً من مفاجأتها .. أها شفت كيف . بس ما تقول ليها علشان ما تعمل حسابها في الحته دي .. سمح !!! ( سمح دي بتاعت نادية ) علشان ما تقول سرقتها منها ( حقوق الكلمة محفوظة )
مودتي للعزومة والبيتزا .
عماد
Post: #7 Title: Re: نادية عثمان انتي جد ملاك Author: البشير دفع الله Date: 06-04-2008, 01:02 PM Parent: #2
Quote: أنا غايتو عاجباني البيتزا الوراك دي ...
مودتي لك ولها وللبيتزا كمان .
عماد
أدام الله الود بينكما اختي انعام والتحية عبركم للمتألقة نادية عثمان .
عماد اخوي
سلام
والله ماسبقك عليها زول
من قبيل نقرأ في البوست ده ونشوف في الصورة الضاااااااااااااااحكة دي أصلو ما لاحظت للبيتزا دي .
على الرغم من عشقي للبيتزا علما بأنني بدأت أكلها وحبها على كبر .
لك ولانعام ولنادية وللبيتزا كل الود
Post: #16 Title: Re: نادية عثمان انتي جد ملاك Author: نادية عثمان Date: 06-04-2008, 01:59 PM Parent: #7
البشير دفع الله
Quote: وللبيتزا كل الود
مُبالغة !
Post: #35 Title: Re: نادية عثمان انتي جد ملاك Author: البشير دفع الله Date: 06-05-2008, 08:44 AM Parent: #16
Quote:
مُبالغة !
الاخت نادية عثمان تحية وسلام بسلم عليك أنا ما دام بخلتي علي بالتحية . طبعا ناس اللغة بقولوا انو حرف ( الواو ) حرف عطف ولا تفيد الترتيب .
كتبت مخاطبا الاخ عماد
Quote: لك ولانعام ولنادية وللبيتزا كل الود
والتحية أصلا ليكم أنتم ( عماد و انعام و نادية ) لكن البيتزا بس دخلناها معاكم ساكت لزوم المقبلات .
وقد حيا الاخ عماد قبلي البيتزا :
Quote: أنا غايتو عاجباني البيتزا الوراك دي ...
مودتي لك ولها وللبيتزا كمان .
عماد
Post: #40 Title: Re: نادية عثمان انتي جد ملاك Author: نادية عثمان Date: 06-05-2008, 11:45 AM Parent: #35
البشير دفع الله
سلامات وكيف الحال والأحوال
عساك بخير وصحة جيدة
كيف الأهل والوالد والوالدة وهل الإبنة سماح مازالت تواصل دراستها بشكل جيد
وماذا عن المنزل الذى لم يكتمل بنيانه في كافوري وهل أرسلت مبلغ الخمسة مليون لبناء الحديقة
البشير ياخ معقولة بس أنا أبخل عليك بالتحية
تسلم يازول ياراقي وحبابك مليون البيت بيتك
Post: #25 Title: Re: نادية عثمان انتي جد ملاك Author: انعام حيمورة Date: 06-04-2008, 08:50 PM Parent: #7
Quote: أدام الله الود بينكما اختي انعام والتحية عبركم للمتألقة نادية عثمان .
عماد اخوي
سلام
والله ماسبقك عليها زول
من قبيل نقرأ في البوست ده ونشوف في الصورة الضاااااااااااااااحكة دي أصلو ما لاحظت للبيتزا دي .
على الرغم من عشقي للبيتزا علما بأنني بدأت أكلها وحبها على كبر .
لك ولانعام ولنادية وللبيتزا كل الود
البشير اخوي
اهم شي انك تكون ما رجعت لاني خليتك جاي وخليت ليك تلفوني ..
اهة ليك علي بيتزا فاميلي كمان ..
لك التحية والتقدير والاحترام
Post: #33 Title: Re: نادية عثمان انتي جد ملاك Author: البشير دفع الله Date: 06-05-2008, 08:05 AM Parent: #25
Quote:
البشير اخوي
اهم شي انك تكون ما رجعت لاني خليتك جاي وخليت ليك تلفوني ..
اختي العزيزة انعام لك التحايا والود رجعت من الخرطوم يوم 23 مايو وقضيت اسبوعين بس في الخرطوم . أصاب أسرتي الصغيرة بعض الأمراض نتيجة لتغيير الجو والحرارة الشديدة , ولم يتماثلوا للشفاء وقتها فقطعت اجازتي وأخذتهم وعدت لأبها , والآن هم بخير , وقد كان بودي بالفعل أن أتصل عليك , ولكن قدر الله . وخيرها في غيرها . كل الود ولي عندك بيتزا متى ما عدت .
Post: #34 Title: Re: نادية عثمان انتي جد ملاك Author: انعام حيمورة Date: 06-05-2008, 08:30 AM Parent: #33
Quote: أصاب أسرتي الصغيرة بعض الأمراض نتيجة لتغيير الجو والحرارة الشديدة , ولم يتماثلوا للشفاء وقتها فقطعت اجازتي وأخذتهم وعدت لأبها
سلامتهم والله لكن دا شغل حنكشة شديد كان تخليهم يزيدوا مقاومتهم شوية
عودا حميدا
Post: #28 Title: Re: نادية عثمان انتي جد ملاك Author: عماد محمود علي Date: 06-05-2008, 06:39 AM Parent: #7
أخي الجميل البشير
Quote: عماد اخوي
نعم أخي وصديقي وشقيقي ...
Quote: سلام
تسلم يارب ...
Quote: والله ماسبقك عليها زول
الله يديك العافية ...
Quote: من قبيل نقرأ في البوست ده ونشوف في الصورة الضاااااااااااااااحكة دي أصلو ما لاحظت للبيتزا دي .
تعرف لفتتني ليها ضحكة نعومه دي ... إنعام دي دائماً بتكون مبتسمة حتى في زحمة المواصلات ... بس لما تلقاها ضاحكة كده وضروسها ظاااهرة فأعلم أن وراء تلك الضحكة ( وجبةدسمة ) ....
Quote: على الرغم من عشقي للبيتزا علما بأنني بدأت أكلها وحبها على كبر
يا أخوي الله يديك طولت العمر ويخلي ليك أسنانك وتأكلها كل يوم كمااااان .
Quote: لك ولانعام ولنادية وللبيتزا كل الود
هسه الفوق ديل كلهم جميلين مدخلني معاهم مالك ... لزوم حفظ من العين ولا شنو !!!
مودتي لك برااااك عزيزي ....
عماد
Post: #8 Title: Re: نادية عثمان انتي جد ملاك Author: نادية عثمان Date: 06-04-2008, 01:17 PM Parent: #2
Quote: هي حقاً ملاك يمشي على الأرض وبدون أجنحة ...
ياعمدة خليك محدد ياخ !!
لو أنا حقاً ملاك يبقى مستخسر فيني الأجنحة ليه ياحقار
Post: #15 Title: Re: نادية عثمان انتي جد ملاك Author: رشا سالم Date: 06-04-2008, 01:54 PM Parent: #8
عشان كدة خلوها بيضاء وحلوة زى ضحكة نادية عثمان لكم الود ام وضاح
Post: #14 Title: Re: نادية عثمان انتي جد ملاك Author: baha eassa Date: 06-04-2008, 01:53 PM Parent: #12
في هذا الزمن المترب بالكره والحقد وكل ماهو شين .. نفرح حينما نجد انسانا في طيبة الاخت نادية .. فهي تعطي الفرح لكل من حولها وهذا ماعرفته فيها من اول لحظة .. .. فلها التحايا ولك اخت انعام
Post: #37 Title: Re: نادية عثمان انتي جد ملاك Author: انعام حيمورة Date: 06-05-2008, 09:17 AM Parent: #14
Quote: نفرح حينما نجد انسانا في طيبة الاخت نادية .. فهي تعطي الفرح لكل من حولها
حقيقة الحبيبة نادية طيبة وقلبها ابييييض
بهاء .. كنت اتمنى ان نلقتي ولكن !!!
مودتي
Post: #41 Title: Re: نادية عثمان انتي جد ملاك Author: baha eassa Date: 06-05-2008, 12:01 PM Parent: #37
ظروف قوية جعلتني غير متواجد بالقاهرة .. وان شاء الله في فرصة تانية ..
Post: #36 Title: Re: نادية عثمان انتي جد ملاك Author: انعام حيمورة Date: 06-05-2008, 08:55 AM Parent: #12
ام وضااااح
Quote: وبهواكم جد انت ونادية
وحقيقة لكي معزة خاصة عندي وعند انعام حفيظ كمان
Quote: دى اجمل عبارة اقراها
انا برضو عجبتني جدا وحقيقة ما احسن من بياض النية ونقاء السريرة .. دعوة للجمال ..
عارفه يا انعام زي ناديه دي ما كتيرين فاعمال الخير دي ربنا بهيئ ليها ناس محددين "حببهم في الخير وحبب الخير اليهم " وبدون رياء يا انعام انتي وناديه فوله وانقسمت نصين
وما خايف علي ناديه دي الا من عيون ناس المنبر المفتحه دي ناديه دي ملاك برجلين .نزل من ياتو سماء وعاش بيننا فعاش في عالمنا ولكنه تميز بحب الخير وضيافة المريض يا اختي ناديه دي تخسر وتتصل وتسال من الناس المرضي وتزورهم كمان ياخي دي فترة وجودها في السودان زارت الملاجئ وشالت الايتام علي كتفها وجهزت برنامج للاطفال ولا اذيع سر انها كانت تنوي تميل البرنامج للاطفال من ماهيتها
Post: #48 Title: Re: نادية عثمان انتي جد ملاك Author: نادية عثمان Date: 06-06-2008, 03:52 PM Parent: #42
هديتك حلوة شددددددددديد ياخليل تسلم ياااااارب
Post: #52 Title: Re: نادية عثمان انتي جد ملاك Author: انعام حيمورة Date: 06-22-2008, 01:56 PM Parent: #42
Quote: نادية عثمان ممكن نهدي ليها الاغنية دي
جدا يا خليل
وشكرا على المرور
Post: #50 Title: Re: نادية عثمان انتي جد ملاك Author: انعام حيمورة Date: 06-06-2008, 08:16 PM Parent: #38
Quote: مفروض لمن تجى توصفى الملاك لزول تقولى ليهو الملاك دا بيشبه نادية عثمان كدا
احمد العماااار
كيفك يا ملك ..
تسلم ياخي وابقى عافية..
Post: #47 Title: Re: نادية عثمان انتي جد ملاك Author: عبد الغفار عبد الله المهدى Date: 06-06-2008, 03:40 PM Parent: #1
احيييييييييييييييييييييييييييييييييي انا منك يا (ندويه) العسوله مكسررررررررررررررررررررررررررررررررهم شيب وشباب (ابلات و انسات..) يا اريتنى اعرف كيف اتحبه زيك كده
Post: #67 Title: Re: نادية عثمان انتي جد ملاك Author: عبود عبد الرحيم Date: 06-23-2008, 01:28 PM Parent: #65
اسفين يا انعام ... مسألة أخونا العوض دي كانت تخريمة ... لكن نعود اليكما .. أنتي ونادية .. وأقول لكما .. مساكم الله بالخير يا وجوه الخير
Post: #68 Title: Re: نادية عثمان انتي جد ملاك Author: انعام حيمورة Date: 06-23-2008, 02:12 PM Parent: #1
عبود والعوض واحباء نادية
البوست بوستكم
العوض شكرا على انزال الفيدو وصحي بقيت حريف والله ..
التحية لنادية الحاضرة ..
Post: #69 Title: Re: نادية عثمان انتي جد ملاك Author: عماد محمود علي Date: 06-24-2008, 06:25 AM Parent: #68
العزيزة إنعام والاخوة المتداخلين ...
بعدإتصال هاتفي مع الملاك الطاهر ( نادية ) ، وجدت أنها والحمد لله شمت العافية .. كانت متوعكه شوية ... وكمان إمتحانات ( إيمو ) شغلتها زيادة إضافة إلى أرهاق العمل .. بس هي الحين بخير وبتبلغهم كثير سلامها وبتقول ليكم بأنها مشتاقه ليكم جميعاً وح تجيكم واحد واحد بعدما تخلص ( إيمو ) الامتحانات وهي تكون كمان بلغت كل العافية لأن الجلوس الكثير أمام الكمبيوتر برهقها زيادة ...... حمد لله على السلامة أيتها الملاك الطاهر .. وفي إنتظار عودتك .
مودتي لكم جميعاً .
عماد محمود
Post: #70 Title: Re: نادية عثمان انتي جد ملاك Author: انعام حيمورة Date: 06-24-2008, 07:29 AM Parent: #1
عمدة
شكرا للخبر اليقين ونحن في انتظار قلمها .. ويظهر بعد الارشفة بكون مسنون وجاهز ..
الف سلامة ليك يا ندوية ويارب توفق ايمان يارب
شكرا عمدة
Post: #71 Title: Re: نادية عثمان انتي جد ملاك Author: محمد عادل Date: 06-24-2008, 10:01 AM Parent: #70
الاخت انعام اجمل وارقاء وابيض من قلب ناديه عثمان مافى