Post: #1
Title: ليه الفهم الخاطىء للعلاقة بين المرأة والرجل ومع الاسف { فى السودان بس } رايكم شنو ؟؟
Author: essam&amal
Date: 06-04-2008, 11:36 AM
Parent: #0
عاوزة اشوف رايكم فى موضوع شاقلنى شديد وما لاقيه ليهو حل
العلاقة بين المراة والرجل زميل فى المكتب زميل فى الجامعة
جار زوج صديقة اصدقاء الزوج { رجل عام } صحفى فنان شاعر طبيب
محامى هؤلاء على سبيل المثال لا الحصر كونت معاهم علاقة اجتماعية
يحتاجونى واحتاجهم فى عملى الطوعى او اى مجال آخر ما المانع
وما هو العيب فى نوع هذه العلاقات الاجتماعية .
مهما وصلنا الى مستوىمن الرقى والحضارة ما زلنا نتحدث فى كل من
رايناها بصحبة رجل ولاندرى نحن ماهى الصلة التى تجمعهم نبدأ بالنميمة
واشوف آرائكم كلكم وبكل صراحة .
لكن ؟؟؟
بعد ان كثرت شكاوى صديقاتى خاصة من تشارك منهن فى المنتديات الثقافية
التى عادة ما تبدا الساعة 8 مساء الى الساعة 12 بالليل .
المنتديات صارت الاماكن الوحيدة للترفيه بعد يوم طويل حافل بالاعباء اليومية
للحياة .
فاض الكيل وساروى لكم كم من الاحداث مرت على رجال ونساء ابرياء .
وطبعا الايام دى القطيعة والنميمة نخليها لاخوان البنات الراجين
منهم الكتير .
اوعى تجونى ناطين طوالى اسالوا روحكم ليه بتعملوا كده ؟؟؟
ابقوا معنا وتابعونى
ام وضاح
|
Post: #2
Title: Re: ليه الفهم الخاطىء للعلاقة بين المرأة والرجل ومع الاسف { فى السودان بس } رايكم شن
Author: essam&amal
Date: 06-04-2008, 01:29 PM
عشت فى الامارات { ابو ظبى } عشرون عاما تعاملت مع اكثر من 17 جنسية
بمكتبى { مركز رقابة الاغذية والبيئة بلدية ابو ظبى } كنا اخوة بل اكتر
رجعت السودان بنفس الفهم ولكنى صدمت من اول وهلة السودانيين يسيئون الظن
فى اى تصرف يصدر من شخص مافى حسن نية ابدا سمعت كلام كتير من اول يوم وصلت
ما تتعاملى مع اى زول ما تفترضى حسن النية الناس ديل كلهم نيتهم سوداء
قدامك شىء ومن وراك شىء تانى ..
والله السودانيين لو دى حالتهم كلهم ماشين جهنم
ام وضاح
|
Post: #3
Title: Re: ليه الفهم الخاطىء للعلاقة بين المرأة والرجل ومع الاسف { فى السودان بس } رايكم شن
Author: essam&amal
Date: 06-04-2008, 03:26 PM
اذا كنا متاخرين شوية فى الشغل وقرر احد الزملاء ان يذهب لمنزله
يسأل الخلص منو عشان اوصلوا معاى ممكن بكل بساطة تذهب معه الهندية
او المصرية او السودانية او او او
لماذا هذا التصرف يثير علامة استفهام فى السودان ؟؟؟؟
ام وضاح
|
|