Post: #1 Title: للمحتارين فقط ..!! Author: عمر الفاروق Date: 06-04-2008, 10:44 AM
كوّني أول المحتارين لذا فانا اول الداخلين .. وكما يغني ود اللمين : إدعينا وقلنا تاني ما حنشتاق في عمرنا .. وقبل ما تمر ليلة واحدة بي حرارة الشوق غمرنا .. كم لهينا وقلنا إمكن ندفن الحب في سهرنا .. الحياة صعبت علينا وبي أثر فقدك شعرنا ..
والله يا جماعة الشوق ده حاجة صعبة خلاص أتاريهو .. غايتو يا المحتارين في درب الشوق ..درب الشوق صعب ودّاااااااااااااااار.. تشوف الحيرة والألام ..ودنيا ملانة بي الأسرار .. وتلقى الشوق صعب ودّار..
لكن غايتو نتصبّر والفورة مليون
Post: #2 Title: Re: للمحتارين فقط ..!! Author: ismeil abbas Date: 06-04-2008, 11:11 AM Parent: #1
ألأخ/عمر الفاروق
Quote: لكن غايتو نتصبّر والفورة مليون
الله يصبرنا ....................بس أنا ما محتار دفع الله
إسماعيل محمد أحمد عباس...
Post: #3 Title: Re: للمحتارين فقط ..!! Author: عمر الفاروق Date: 06-04-2008, 01:53 PM Parent: #1
Post: #4 Title: Re: للمحتارين فقط ..!! Author: فيصل نوبي Date: 06-04-2008, 02:07 PM Parent: #3
للضمان كده ما عندي سماعات بس جيت أسالكـ عنوانكـ ده زي للمطرطشين فقط (حاكو حاكو يعني ) *
_ * لهجة حمودي العسل عشان هسي جاي من بوستهم
Post: #5 Title: Re: للمحتارين فقط ..!! Author: عمر الفاروق Date: 06-04-2008, 02:20 PM Parent: #4
Quote: للضمان كده ما عندي سماعات
ما عند سماعات ولا كرت الصوت ضارب ؟ حدد يا نوبي عشان نعمل ليك لمّة إنسانية نرسل ليك الفيها النصيب
Quote: بس جيت أسالكـ عنوانكـ ده زي للمطرطشين فقط (حاكو حاكو يعني ) *
تصدق لأ ..لكن زي ما قالت النكتة عجبتني طريقة تفكيرك بالمناسبة دي أغنية محترمة جداً بيغنيها معتز صباحي حاجة في الرايق بتريح الاعصاب .. الود غنّاي جداً وبدا يدخل قلبي من جوووووة وانا البدخل قلبي في الغنا ده مرقتو صعبة .. عندي فكرة دويتو بينو وبين نانسي بس منتظر بس دعواتك معاي نانسي تتصلح والإحتكار يخلص.. تخريمة : اضرب لي في صفرين تلاتة اصفر Zero Zero صفر
Post: #6 Title: Re: للمحتارين فقط ..!! Author: علاء الدين حيموره Date: 06-04-2008, 02:35 PM Parent: #5
انا برضو ما سمعت حاجة لكن حقو تهديها لبنت محتــــــــــار ..
مودتي يا فاروق
Post: #7 Title: Re: للمحتارين فقط ..!! Author: فيصل نوبي Date: 06-04-2008, 02:40 PM Parent: #5
Quote: ما عند سماعات ولا كرت الصوت ضارب ؟ حدد يا نوبي عشان نعمل ليك لمّة إنسانية نرسل ليك الفيها النصيب
اليومين ديل يا حاقد حارس لي سيرفا ( يا قول اب صلعة ) عشان أسمع الا أجيب (سماعات) أو أمشي البيت ..
طريقة تفكيري دي جبتها من الإنعكاس الناتج عن طريقة تفكيركـ في دخلتكـ لي بوست :: البرنس :: و انت واثق انه الطرطشة حتخليو عبدالحميد بدلا عن هيثم بخصوص الود زي ما سميتو انت ما ممكن يعمل دويتو مع الاستاذة زي ما بنسميها نحن شوف الفرق الواضح بين الاسمين ( نانسي و معتز ) .. ما جايين مع بعض خالس ..
عمر والله بطريقتكـ دي ح تخليني أقيف في صف طارق الامين .. ( لي هسي اخوكـ محايد ) " دي الحالة "
_ شكلكـ إشتريت موبايلكـ ده بعد دندونتي طوالي ؛ لانه رقمها صفرين اربعة اصفار Zero صفر
Post: #8 Title: Re: للمحتارين فقط ..!! Author: عمر الفاروق Date: 06-04-2008, 02:41 PM Parent: #1
علاء الدين يا حيمورة :
Quote: انا برضو ما سمعت حاجة لكن حقو تهديها لبنت محتــــــــــار ..
هاهاااااااااااااااي ...عوير ليك انا ؟ تلقاها عند الغافل ..
Post: #10 Title: Re: للمحتارين فقط ..!! Author: نادية عثمان Date: 06-04-2008, 02:48 PM Parent: #8
أبيخ حاجة في الدنيا تكون مشتاق لي زول شوق السنين وماقادر تصلو تسلم عليهو ياخ !!
والله يا قريبك بقيت تذكرني بي الفنان ابوداؤوود الله يرحمو
ياخ انت الأول.. شيل ليك صندوق ..
Post: #12 Title: Re: للمحتارين فقط ..!! Author: فيصل نوبي Date: 06-04-2008, 02:57 PM Parent: #9
Post: #13 Title: Re: للمحتارين فقط ..!! Author: عمر الفاروق Date: 06-04-2008, 03:03 PM Parent: #12
يا نادية :
Quote: أبيخ حاجة في الدنيا تكون مشتاق لي زول شوق السنين وماقادر تصلو تسلم عليهو ياخ !!
إنتي سلمي وصدقيني سلامك بيصل .. ولا شنو يا نادية عثمان محتار
Post: #14 Title: Re: للمحتارين فقط ..!! Author: عمر الفاروق Date: 06-04-2008, 03:16 PM Parent: #1
اميرة الشيخ :
Quote: اكتشفت قصة الشوق دى اسى ولا اتعصرت شديد ..
بيني وبينك أبرمت إتفاقية عدم شوق وفي النهاية خرخرت وقررت أنط
Quote: وبعدين كلمة الشوق دى اصلها شنو??دايرين شرح ياخ...
ذكرتيني ندى القلعة كان عندها أغنية طالعة جديدة الوقت داك بتقول: الشوق شاقاي شقانا ..الما شقنا شاقانا ..
قام حمزة عوض الله المذيع سألها في التلفزيون قال ليها يا سلللام يا ندى أغنية جميلة يا ريت تشرحي لينا معناها ؟ قالت ليهو : الشوق طبعاً ياهو الشوق العادي ده ..شاقاي اللي هي يعني الزول يكون شاقاي ..الما شقنا طبعا معروفة ..شاقانا اللي هي زي ما تقول كده قام شاقانا ..
اها شوفتي شرح ندى ده اخير من شرحي عشان كده أعفيني من الشرح ..
ياخي انت هسي عمر الفاروق ولا عمر "المحتار" حيرتنا معاك جينا نسمع وبس
شكرا لك على الحيرة
Post: #16 Title: Re: للمحتارين فقط ..!! Author: عمر الفاروق Date: 06-04-2008, 03:31 PM Parent: #1
عزوز:
Quote: ياخي انت هسي عمر الفاروق ولا عمر "المحتار" حيرتنا معاك
والله انا مكار فممكن عااادي ابقا ليك أنطوني كوين ووالله عشان طلتك الحلوة دي ما تطلع مني ساي وهاك النكتة دي: المسطول سمع الباب بدق ..مشى فتح الباب عاين يمين عاين شمال ما لقى زول ..كرووو قفل الباب وبقا يطنطن : ده Miss Door ولا شنو
عزوز فك الحيرة يا عمك ..
Post: #17 Title: Re: للمحتارين فقط ..!! Author: القلب النابض Date: 06-04-2008, 07:10 PM Parent: #16
الشوق ياعمر هو الشوق
بس بيحرق الزول في فشفاشو شديد
وبيعمل وحوحة في القلب
ما توعد تاني وعد زي دا
خليك محتار
Post: #18 Title: Re: للمحتارين فقط ..!! Author: عمر الفاروق Date: 06-04-2008, 07:42 PM Parent: #17
يا قلب: ياخ مشتاقون والله ..
Quote: الشوق ياعمر هو الشوق
بس بيحرق الزول في فشفاشو شديد
وبيعمل وحوحة في القلب
تعرفي انا شوقي ما بيوحوح قلبي قاعد يحرقني في كبدتي ولا معدتي ما عارف .. حاجة كده تسوي شحححححححححححححح تحت الحجاب الحاجز ..من تجيني بعرف إنو الليلة انا ماااااااااا براي .. تعرفي الإحساس ده جميل خلاص بالرغم من إنو بيدبرس بيك كونك فاقد الزول المشتاق ليهو لكن بيكون ألمو ممتع ..
Quote: ما توعد تاني وعد زي دا
أكون تيتل تف من لساني الكعب ده .. مذّقت فاتورة الوعد ده دون مشاورة الطرف الاخر وقررت ادفع الشرط الجزائي
Quote: خليك محتار
توبة حلووووف من الجروووووووووف..
Post: #19 Title: Re: للمحتارين فقط ..!! Author: ASHRAF TAHA Date: 06-04-2008, 08:11 PM Parent: #1
أأأأأأأأأه .. يا مُحتال في درب الشوك حتلقى الشوك صُبغ وحامض
يا ريت الحيرة حيرة شوق! افتينا يا شيخنا ... والمشتاق بمزاجه و هواه يعمل شنو؟
Post: #21 Title: Re: للمحتارين فقط ..!! Author: عمر الفاروق Date: 06-05-2008, 10:59 AM Parent: #20
عزاز ال شامي:
Quote: افتينا يا شيخنا ... والمشتاق بمزاجه و هواه يعمل شنو؟
فيها قولان .. الأول جائز مع الكراهة .. والثانية تستوجب الدم وإطعام ستين مسكين من قوت البلد .. المشتاق بي مزاجه يدخل في باب الشوق مع سبق الإصرار والترصد .. يتحبس على ذمة التحقيق شهرين ويتجلد ليهو ستين جلدة .. وشوقك شوقك .. ما من ذوقك .. إنت تجافي تسيب معشوقك ..
ويا الخليتنا وسبت الحلّة .. من نار شوقك كيف نتحلّ ..
Post: #22 Title: Re: للمحتارين فقط ..!! Author: محمد عبدالرحمن Date: 06-06-2008, 01:11 PM Parent: #21
ياعمر ..كيفك ..
نرفع البوست عملا لى الله .. يزنقوك فى نانسى تجى تدسا وراء معتز صباحى ..
Post: #23 Title: Re: للمحتارين فقط ..!! Author: عمر الفاروق Date: 06-07-2008, 08:20 AM Parent: #1
اشرف :
Quote: يا مُحتال
الموضوع عندو علاقة بي الثعلب؟
Post: #24 Title: Re: للمحتارين فقط ..!! Author: عمر الفاروق Date: 06-07-2008, 08:26 AM Parent: #1
محمد عبد الرحمن :
Quote: يزنقوك فى نانسى تجى تدسا وراء معتز صباحى
حاجاتك حا تصلك بي ال DHLعشان الواحد يقدر يرد عليك زي الناس..
Post: #25 Title: Re: للمحتارين فقط ..!! Author: عماد محمود علي Date: 06-07-2008, 08:48 AM Parent: #24
عمر الفاروق يا رايق
Quote: تعرفي انا شوقي ما بيوحوح قلبي قاعد يحرقني في كبدتي ولا معدتي ما عارف .. حاجة كده تسوي شحححححححححححححح تحت الحجاب الحاجز ..من تجيني بعرف إنو الليلة انا ماااااااااا براي .. تعرفي الإحساس ده جميل خلاص بالرغم من إنو بيدبرس بيك كونك فاقد الزول المشتاق ليهو لكن بيكون ألمو ممتع
التسوي كريت تلقا في جلدا ... إنت وكتين مهرووووس كده بتواعد مااااالك ... وبقولوا السيل بهد الجبال ، أها إنت قائل نفسك أقوى من الجبل ولا شنو يا صاحب ... كده روق المنقا . وقدم إعتذار تااااني وبلاش توعد تاااني .
الشوق بحر يا أخ وما عبرتنا برقم الهاتف ... مع تحياتي للعديم الهلال . هييي قصدي الزعيم الهلال .
مودتي
عماد
Post: #26 Title: Re: للمحتارين فقط ..!! Author: abuguta Date: 06-07-2008, 08:49 AM Parent: #24
هههههها هههها جيبوهن ان شاء الله عمرة
قال شوق قال اسى بجيك ابحراز
Post: #27 Title: Re: للمحتارين فقط ..!! Author: عمر الفاروق Date: 06-07-2008, 09:51 AM Parent: #26
عمدة يا حبوب:
Quote: التسوي كريت تلقا في جلدا ... إنت وكتين مهرووووس كده بتواعد مااااالك ... وبقولوا السيل بهد الجبال ، أها إنت قائل نفسك أقوى من الجبل ولا شنو يا صاحب ... كده روق المنقا . وقدم إعتذار تااااني وبلاش توعد تاااني .
مش بيقولوا وعد الحر دين عليه ؟ أسة الواحد إتورط وبقا يشك في حكاية الحرية دي احب التهميش واموووت في خليل ابراهيم انا.. يا زول وعد الشوق ده سمح خلاص زي وعد النوار .. اما بخصوص التلفون فياخي انا زول جني مس كولات والرصيد خلصان يا عوض دكام عشان كده بخجل اتورط في معرفة زي دي ونبقا في بند صرف جديد
Post: #29 Title: Re: للمحتارين فقط ..!! Author: عماد محمود علي Date: 06-07-2008, 10:00 AM Parent: #27
Quote: اما بخصوص التلفون فياخي انا زول جني مس كولات والرصيد خلصان يا عوض دكام عشان كده بخجل اتورط في معرفة زي دي ونبقا في بند صرف جديد
حالتك شلش ، هسه في واحد صاحبك أداني الرقم وقال أها سجله .. قمت خجلت منه وقلت ليه شكراً ،، أها سكرت منه ومسحت الرقم وقلت هو صاحبه ماعايز يديني ليهو أسجل لي شنو !!!! الله يعمر جوالك إنشاء الله .
مودتي
عماد
Post: #28 Title: Re: للمحتارين فقط ..!! Author: عمر الفاروق Date: 06-07-2008, 09:53 AM Parent: #1
ابقوتة :
Quote: جيبوهن ان شاء الله عمرة
يا زول نسوان الزمن ده بقن ينتظرن لمن يجيبوهن ؟ صاحبنا مرتو ضربت ليهو قالت ليهو يا هيثم تعال لي في جدة انا جيت عمرة .. هيثم زايغ من المرا معرسا ليهو 4 سنة ومتككل في الخرج .. مخلوع لحدي اسة ..
Post: #30 Title: Re: للمحتارين فقط ..!! Author: عمر الفاروق Date: 06-07-2008, 10:07 AM Parent: #1
يا عمدة :
Quote: الله يعمر جوالك إنشاء الله .
اللهم امين .. الله يرضى عليك يا عمدة لحقني العرض بتاع تشحن بي 300 ريال ويدوك 450 ريال .. رسل لي رقم الشحن بي المسنجر واببببشر الرقم يجيك بي اول مكالمة ..
زي ما بنسميها نحن 
