Post: #1
Title: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: Yasir Elsharif
Date: 06-04-2008, 08:54 AM
Parent: #0
عرفت من أحد السودانيين أن الخطوط الجوية السعودية تقوم بإعادة تفتيش الركاب المغادرين الخرطوم على سفرياتها قبيل ركوبهم الطائرة، وبعد أن يكون قد تم تفتيشهم بواسطة سلطات مطار الخرطوم..
فكم من الخطوط الجوية تفعل يا ترى مثلما تفعل الخطوط السعودية؟؟ أرجو ممن يعرف أن يخبرنا..
لقد أخبرني صديقي أن الخطوط السعودية لا تفعل ذلك مع الركاب المغادرين لمطار هيثرو في لندن.. ليس هناك سوى تفسير واحد هو أن الخطوط السعودية لا تثق في التفتيش الذي تجريه سلطات مطار الخرطوم..
ما رأيكم؟؟
|
Post: #2
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: حمزاوي
Date: 06-04-2008, 09:06 AM
Parent: #1
الاخ ياسر
مسكاقمي
تفتيش عادي وطبيعي ولا يوجد مضايقة ولا يحزنون معاملة ممتازة جداً وشركة تحترم مواعيدها وتعامل ركابها المسافرين احسن معاملة
| Quote: لقد أخبرني صديقي أن الخطوط السعودية لا تفعل ذلك مع الركاب المغادرين لمطار هيثرو في لندن.. ليس هناك سوى تفسير واحد هو أن الخطوط السعودية لا تثق في التفتيش الذي تجريه سلطات مطار الخرطوم |
خلي صاحبك يكتب ليك كلام مفهوم ...ًايه دخل مطار هيثرو بالتفتيش في مطار الخرطوم
|
Post: #3
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: اساسي
Date: 06-04-2008, 09:10 AM
Parent: #1
بدأت الخطوط السعودية اعادة التفتيش في رحلاتها المغادرة من مطار الخرطوم وذلك بعد تعرض الرحلة رقم 450 في العام 2002 لمحاولة اختطاف حيث قام الراكب عادل احمد فرج بمحاولة اختطاف الطائرة السعودية بسلاح ناري ( مسدس) عبر به نقاط التفتيش لمطار الخرطوم .
انت رايك شنو ؟
|
Post: #4
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: البشير دفع الله
Date: 06-04-2008, 09:15 AM
Parent: #1
الاخ ياسر الشريف
تحية وتقدير
عدت من الخرطوم على متن الخطوط السعودية بتاريخ 23 مايو الماضي وقد تم تفتيش كل الركان على سلم الطائرة
من قبل ملاحي الطائرة السعودية ( تفتيش الشنطة المصاحبة للراكب + تفتيش شخصي ) , وهذا بالطبع بعد أن أستوفت
السلطات السودانية التفتيش المتعارف عليه بالمطار لجميع الركاب المغادرين الى أي دولة .
كان ضمن الركاب مواطنون سعوديون وركاب من جنسيات أخرى , تم تفتيشهم بنفس الكيفية .
كل الود
|
Post: #6
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: tmbis
Date: 06-04-2008, 09:32 AM
Parent: #4
| Quote: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟ |
رائي أنو يكونوا خاتين احتمال واحد في المية أنو الرئيس القائد جعفر محمد نميري انقلب شنطه وجاي بصحبة راكب داخل الطيارة ..
والله حاجة مضحكة لكن ..
عليك الله نزل لينا جدول رحلات عالمية اسبوعية للوفتهانزا .. وللبحرينيه .. وللتونسية .. ولي طيران عزة .. وورينا بلاي سياستهم التفتيشية شنو المتبعة .. وبعداك ليك على ب%D
|
Post: #8
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: tmbis
Date: 06-04-2008, 09:39 AM
Parent: #4
| Quote: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟ |
رائي أنو يكونوا خاتين احتمال واحد في المية أنو الرئيس القائد جعفر محمد نميري انقلب شنطه وجاي بصحبة راكب داخل الطيارة ..
والله حاجة مضحكة لكن ..
عليك الله نزل لينا جدول رحلات عالمية اسبوعية للوفتهانزا .. وللبحرينيه .. وللتونسية .. ولي طيران عزة .. وورينا بلاي سياستهم التفتيشية شنو المتبعة .. وبعداك ليك على بفتح لي بوست بتاع توقيعات .. ونوقع فيهو كلنا ونمشي نوديهو لي الرئيس القائد جعفر محمد نميري .. برضو
كدي مثلا افترض انك ماشي من موقع الفكرة وعايز تدخل امدرمان وشايل ليك كيلو موز في جيوبك .. التذكرة مقطوعة على الخطوط البنغلاديشية .. وقاموا ركبوك التونسية ..
هل في الحالة دي لو جات المضيفة تفتشك في جيوبك .. بترفض بحجة انو المسالة دي بتتعارض بالبند الطلطاشر للقانون الدولي لحقوق الانسان السايبيري .. واللا بتخليها تفتشك وتكون متصالح مع نفسك ؟؟
انا لو في محلك ادخل اليوتيوب واجيب لي اي ملف بتاع فيديو ويظهر فيهو التفتيش دا ..
المهم
دا الراي بتاعي والخيره فيما اختارها الله ..
|
Post: #5
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: خضر الطيب
Date: 06-04-2008, 09:21 AM
Parent: #1
اخ ياسر
صباح الخير
| Quote: عرفت من أحد السودانيين أن الخطوط الجوية السعودية تقوم بإعادة تفتيش الركاب المغادرين الخرطوم على سفرياتها قبيل ركوبهم الطائرة، وبعد أن يكون قد تم تفتيشهم بواسطة سلطات مطار الخرطوم.. |
دا نوع من الافترا وقلة الادب اتعودناها من السعوديين , سافرت لفيت مطارات نص العالم وفي احلك
الظروف مع العلم انو مافي شركة طيران في العالم ما اتعرضت لي هاي جاك لكن ماشفنا ذي البتعملو
الخطوط السعوديه , وحتى في مطار الرياض انحنا والهنود الجاليتين الوحيدات البتم طردهم من
المطار لما يكونوا في وداع اهاليهم ,اتفق انو تجمهرنا ممكن يكون غير لائق لكن معاملة السلطات
السعوديه بتكون غير لائقه اطلاقا وشفت الحاجه دي اكثر من مره , دي السعوديه ياحبيب
كت اووت :
كمان ياياسر خليك معقول ماتحرج السودانيين الفي السعوديه ,صابرين ومقطعنو في حنانم 
اكيد حيقولوا ليك الرغيف كثير والمواصلات فاضيه والامن مستتب والبلد في غيبوبة تامه ..
|
Post: #9
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: tmbis
Date: 06-04-2008, 09:55 AM
Parent: #5
Quote: الخطوط السعوديه , وحتى في مطار الرياض انحنا والهنود الجاليتين الوحيدات البتم طردهم من
المطار لما يكونوا في وداع اهاليهم ,اتفق انو تجمهرنا ممكن يكون غير لائق لكن معاملة السلطات
السعوديه بتكون غير لائقه اطلاقا وشفت الحاجه دي اكثر من مره , دي السعوديه ياحبيب |
قلت لي الكبسة كيف معاكم في لندن ..؟
تقدر تعمل لينا حبة مع الرز واللا نعمل ليك (داون لود) من الكبسة بتاعت الخرج في البوست دا ..؟
Quote: دا نوع من الافترا وقلة الادب اتعودناها من السعوديين , سافرت لفيت مطارات نص العالم وفي احلك
الظروف مع العلم انو مافي شركة طيران في العالم ما اتعرضت لي هاي جاك لكن ماشفنا ذي البتعملو
الخطوط السعوديه , |
لكن مبالغة يا خواجة .. من ما انضميت لي العدل والمساواة وادوك (فلاش ميموري) خمسة قيقا الواحد بقى ما بيعرف يتكلم معاك زاتوووو...
Quote: كمان ياياسر خليك معقول ماتحرج السودانيين الفي السعوديه ,صابرين ومقطعنو في حنانم
اكيد حيقولوا ليك الرغيف كثير والمواصلات فاضيه والامن مستتب والبلد في غيبوبة تامه .. |
(كثير)..؟ 
كت اووت
يا خـدوري البطحاء الايامات دي حاجات السقط نزلت .. يا ابوي اخير ارسل ليك فنلتين تلاتة واللا (اكثرر ) ليك من الشرابات ..؟
غايتو يا عشاي الله يستر عليك من الزيفه..
والله تلقاك غاطس في البيتزا لي كوعك ..
هلالا . هلالالا .. بيتزا ساااكت
|
Post: #14
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: اساسي
Date: 06-04-2008, 10:38 AM
Parent: #9
|
Post: #7
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: Omar Bob
Date: 06-04-2008, 09:37 AM
Parent: #1
ان كان ما كتبه اساسي صحيحا - وانا لا اكذبه هنا لكن اساسي ده ما بتعرف جدو من هظاروا-
فللخطوط السعوديه الحق في ما تفعل
|
Post: #10
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: رشا سالم
Date: 06-04-2008, 10:10 AM
Parent: #7
جيت السعودية دي سنة 2005
وسافرت السودان خمسة مرات من الوكت داك..
اخر مرة جيت راجعة يوم 17 سبتمبر الفات..
يوم واحد ما شفت لي زول فتشوهو في سلم طيارة!
التفتيش بيتم عن طريق الامن السوداني بتاع المطار..
تفتيش بعصايات مدردمة كدا
والشنط بتمر عبر الجهاز...
غير كدا ما لاقاني..
|
Post: #13
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: حيدر حسن ميرغني
Date: 06-04-2008, 10:34 AM
Parent: #11
الاخ العزيز ياسر
لكل شركات الطيران العالمية سياسة مدروسة وغير مفتعلة تجاه تأمين سلامة الركاب الذين إرتضوا السفر على متنها
سمعة كل شركة مرهونة بتوفر شروط الأمان فيها
المثال الذي ساقه الأخ أساسي ممكن يكون وراء الاجراءات الأمنية الجديدة التي ذكرتها ياياسر
|
Post: #12
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: essam&amal
Date: 06-04-2008, 10:26 AM
Parent: #1
حقاريييييين
لكن يحقروا بنفسهم
ام وضاح
|
Post: #15
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: عبد اللطيف بكري أحمد
Date: 06-04-2008, 10:49 AM
Parent: #1
د. ياسر مراحب: عدم ثقة في أجهزة الكشف في مطار الخرطوم،،
Quote: كمان ياياسر خليك معقول ماتحرج السودانيين
الفي السعوديه ,صابرين ومقطعنو في حنانم اكيد حيقولوا
ليك الرغيف كثير والمواصلات فاضيه والامن مستتب والبلد
في غيبوبة تامه |
خضر والله نفسي أفهمك : إنت زعلان من السعوديين ولا
من السودانيين الفي السعودية،،
ياخ خضر روق شوية وأستهدى بالله ، وتأكد نحن أخوة في الحلوة
والمرة ، وبعدين يارجل ما تفتكر الخوف دا في طبعنا إحنا
كسودانيين ، وأنت فعلا كنت هنا وعارف الوضع ،، إنه إحترام
لقوانين البلد وإمتثال لضوابط العيش فيها وليس ثمة من عيب
في ذلك، بل بالعكس ، إنها محمدة لشعب نبيل ،، أرجو ألا تنسوا
هذا في كل المهاجر ،،ماحدث في بيرمنغهام نقطة سوداء ياخضر،،
|
Post: #16
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: ismeil abbas
Date: 06-04-2008, 10:53 AM
Parent: #1
ألأخ/ياسر
السلام عليكم ورحمة الله وبركاته
Quote: عرفت من أحد السودانيين أن الخطوط الجوية السعودية تقوم بإعادة تفتيش الركاب المغادرين الخرطوم على سفرياتها قبيل ركوبهم الطائرة، وبعد أن يكون قد تم تفتيشهم بواسطة سلطات مطار الخرطوم..
|
نعم هذه حقيقة...وليس فى ذلك حرج..وبقوموا بتفتيش الركاب عند سلم الطائرة تحوط أمنى...
ولقد اتانا أساسى الرجل ألأساسى بالخبر اليقين
آمل ان لايتحول هذا البوست من مجرد سؤال إلى ألذين يحملون على السعودية بالسب واللعن..
هذا تصرف طبيعى وعادى من ناحية أمنية........وليس فيه أى دونية ولا غير..
إسماعيل محمد أحمد عباس...
|
Post: #17
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: ismeil abbas
Date: 06-04-2008, 11:00 AM
Parent: #1
ألأخ/ياسر
من خلالك..اخى..عبداللطيف...الرجل الحكيم العاقل الرزين
Quote: خضر والله نفسي أفهمك : إنت زعلان من السعوديين ولا
من السودانيين الفي السعودية،،
ياخ خضر روق شوية وأستهدى بالله ، وتأكد نحن أخوة في الحلوة
والمرة ، وبعدين يارجل ما تفتكر الخوف دا في طبعنا إحنا
كسودانيين ، وأنت فعلا كنت هنا وعارف الوضع ،، إنه إحترام
لقوانين البلد وإمتثال لضوابط العيش فيها وليس ثمة من عيب
في ذلك، بل بالعكس ، إنها محمدة لشعب نبيل ،، أرجو ألا تنسوا
هذا في كل المهاجر ،،ماحدث في بيرمنغهام نقطة سوداء ياخضر،، |
وتحياتى للأخ/خضر الطيب.....
إسماعيل محمد احمد عباس....
|
Post: #19
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: azhary taha
Date: 06-04-2008, 11:15 AM
Parent: #17
اخونا ياسر الله يديك الصبر
|
Post: #18
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: haleem
Date: 06-04-2008, 11:14 AM
Parent: #1
نعم يتم التفتيش مرة أخرى في سلم الطائرة..وأضيف لما قاله أساسي فإن الراكب الذي حاول إختطاف الطائرة تم تمرير السلاح له بواسطة
أحد رجال الأمن بعد التفتيش في المطار...لقاء مبلغ مالي
|
Post: #20
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: رشا سالم
Date: 06-04-2008, 11:52 AM
Parent: #18
يا شباب هوي..
انتو التفتيش دا بيتم بالدس ولا شنو؟؟
انا متلببا شنطتي دي مالياها مصايب الدنيا والاخرة..
يوم واحد زول قال لي افتحيها في سلم الطيارة مافي..
يكونو خافو مني ولا شنو؟؟
|
Post: #21
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: البشير دفع الله
Date: 06-04-2008, 12:11 PM
Parent: #20
Quote: يا شباب هوي..
انتو التفتيش دا بيتم بالدس ولا شنو؟؟
انا متلببا شنطتي دي مالياها مصايب الدنيا والاخرة..
يوم واحد زول قال لي افتحيها في سلم الطيارة مافي..
يكونو خافو مني ولا شنو؟؟ |
د. رشا سالم
سلام وتحية
لا ما بالدس ولا حاجة , ولكن انا تم تفتيشي وتفتيش ما أحمله بيدي من قبل طاقم الطائرة
السعودية وقد عدت على متنها بتاريخ 23 مايو قبل عشرة أيام , حتى أنني كنت أحمل شنطة سامسونايت
صغيرة بيدي تم اعطائي استكر وشحنها بالقرب من سلم الطائرة أيضا وكذلك كل من كان يحمل بيده .
وقبلها عدت من الخرطوم بتاريخ 27 نوفمبر 2007 قبل سته أشهر تقريبا أيضا تم معي ومع كل الركاب
هذا الاجراء على سلم الطائرة .
ويتم التفتيش الشخصي بجهاز يحمله من يقوم بالتفتيش بيده ويمرره على جسد الراكب , ولم أرى أي تفتيش
شخصي لسيدات ولكن رأيت سيدات تفتح وتفتش شنط اليد التي بحوزتهن .
تقديري واحترامي
|
Post: #22
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: رشا سالم
Date: 06-04-2008, 12:26 PM
Parent: #21
Quote: ويتم التفتيش الشخصي بجهاز يحمله من يقوم بالتفتيش بيده ويمرره على جسد الراكب , ولم أرى أي تفتيش
شخصي لسيدات ولكن رأيت سيدات تفتح وتفتش شنط اليد التي بحوزتهن .
تقديري واحترامي |
كان كدي..يكونو خايفين مني..
لأني كل مرة بشيل في يدي شنطة زي حقت الدايات..
وحات الله زول واحد ما جا جمبها..
|
Post: #23
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: ABUHUSSEIN
Date: 06-04-2008, 01:26 PM
Parent: #1
Quote: عرفت من أحد السودانيين أن الخطوط الجوية السعودية تقوم بإعادة تفتيش الركاب المغادرين الخرطوم على سفرياتها قبيل ركوبهم الطائرة، وبعد أن يكون قد تم تفتيشهم بواسطة سلطات مطار الخرطوم..
فكم من الخطوط الجوية تفعل يا ترى مثلما تفعل الخطوط السعودية؟؟ أرجو ممن يعرف أن يخبرنا..
لقد أخبرني صديقي أن الخطوط السعودية لا تفعل ذلك مع الركاب المغادرين لمطار هيثرو في لندن.. ليس هناك سوى تفسير واحد هو أن الخطوط السعودية لا تثق في التفتيش الذي تجريه سلطات مطار الخرطوم..
ما رأيكم؟؟ |
لا قلت رأيك و لا شكرت الناس اللي ردوا عليك !!!!!!!!!!!!!
و لا حتى عبرت المشاركين
غايتو يا الجمهوريين السعودية بهدلتكم شديد خلاص
|
Post: #24
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: Yasir Elsharif
Date: 06-04-2008, 01:32 PM
Parent: #1
سلامات يا حمزاوي،
| Quote: خلي صاحبك يكتب ليك كلام مفهوم ...ًايه دخل مطار هيثرو بالتفتيش في مطار الخرطوم |
العلاقة أن صديقي جاء بالخطوط الجوية السعودية من لندن إلى الخرطوم ولم يتم تفتيشه على سلم الطائرة في لندن.. وعندما سافر بنفس الخطوط من الخرطوم إلى السعودية تم تفتيشه عدة مرات آخرها بواسطة طاقم الطائرة قبل الركوب .. وكما قلت يبدو أنهم لا يثقون بتفتيش سلطات مطار الخرطوم .. وقد جاء التأكيد من الخبر الذي أتى به أساسي.. وأنا أتفهم هذا الأمر وأجد العذر للشركة..
| Quote: تفتيش عادي وطبيعي ولا يوجد مضايقة ولا يحزنون معاملة ممتازة جداً وشركة تحترم مواعيدها وتعامل ركابها المسافرين احسن معاملة |
طريقة شعور الناس تختلف من إنسان لآخر.. وصديقي هذا قرر ألا يستخدم الخطوط السعودية مرة أخرى أبدا..
على كل حال العتب ليس على الخطوط بقدر ما هو على السلطات السودانية التي جعلت السودانيين ملطشة..
ـــ
شكرا يا أساسي على ما تفضلت به.. وهو أن محاولة الخطف حدثت من سعودي في الخرطوم عام 2002.. وأزيدك خبر آخر هو أنه بعد محاولة اغتيال حسني مبارك في إثيوبيا قام اثنين من أفراد الأمن السوداني باختطاف طائرة وأنزلوها في أسمرا.. هذان الشخصان كانا يخافان من أن تتم تصفيتهما مثل غيرهما الذين صفتهم السلطات السودانية لأنهم قد عرفوا أو اشتركوا في التخطيط والتنفيذ لعملية الإغتيال الفاشلة.. إذن من حق الخطوط السعودية ألا تثق حتى في تفتيش رجال الأمن.. خاصة أن جماعة بن لادن والظواهري كانوا في السودان ولا يستبعد أن يكون بعضهم لا يزال هناك..
قولك:
ليهم حق يجروا تفتيش بطريقتهم..
ـــــ
|
Post: #25
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: Yasir Elsharif
Date: 06-04-2008, 01:49 PM
Parent: #1
الأخ البشير دفع الله
تحياتي وأشكرك على ما تفضلت به.. يبدو أن الخوف من السعوديين أكثر من أي شخص آخر كما اتضح من الخبر بتاع أساسي..
ياسر
Quote: الاخ ياسر الشريف
تحية وتقدير
عدت من الخرطوم على متن الخطوط السعودية بتاريخ 23 مايو الماضي وقد تم تفتيش كل الركان على سلم الطائرة
من قبل ملاحي الطائرة السعودية ( تفتيش الشنطة المصاحبة للراكب + تفتيش شخصي ) , وهذا بالطبع بعد أن أستوفت
السلطات السودانية التفتيش المتعارف عليه بالمطار لجميع الركاب المغادرين الى أي دولة .
كان ضمن الركاب مواطنون سعوديون وركاب من جنسيات أخرى , تم تفتيشهم بنفس الكيفية .
كل الود |
|
Post: #26
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: Yasir Elsharif
Date: 06-04-2008, 02:17 PM
Parent: #1
تمبس،
ألم تلاحظ أنني وضعت السبب وقلت أنهم لا يثقون في تفتيش سلطات مطار الخرطوم؟؟
فعن من تريد أنت أن تدافع؟؟
أنا لا أرفض التفتيش أبدا.. وأعرف أن الأشرار هم السبب في التضييق على حرية الناس.. بسبب واحد قام بإخفاء مواد متفجرة في حذائه أصبح كل الناس يخلعون أحذيتهم في المطارات للتفتيش.. 15 من الذين اختطفوا طائرات 11 سبتمبر كانوا سعوديين.. في رأيي يحق للطيران السعودي أن لا يثق بتفتيش مطار الخرطوم خاصة أن البلد مليئة بالإرهابيين السعوديين والسعودية تعرف ذلك..
ياسر
|
Post: #27
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: ابو جهينة
Date: 06-04-2008, 02:31 PM
Parent: #26
عزيزي الأستاذ ياسر الشريف
تحية و مودة
الموضوع لا غبار عليه .. إلا أن العنوان يفتح الباب على مصراعيه لفش غباين أو إتخاذ الموضوع كهجمة على السعودية التي تستضيف أكثر من مليون سوداني ...
ببساطة مثل هذه المواضيع يمكنها أن تغلق المنبر هنا ... و لن يتضرر غير البورداب و المتصفحين هنا بالسعودية. و بذا يفقدون وطناً إسفيريا و رئة يتنفسون عبرها و يستنشقون خلالها عبق الوطن.
أخي ياسر ..
لسنوات مضتْ كنت أتمتع بمواضيع لك قراءة و ردوداً ... فأرجو أن لا تجعل أي خلاف مع إتجاه أو أشخاص معينين تحيد عن رسالتك و قضيتك التي أعرف أنك مقاتل شرس دونها ..
لك الود
|
Post: #28
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: Yasir Elsharif
Date: 06-04-2008, 02:52 PM
Parent: #1
خضر الطيب
سلامات،
قولك:
Quote: دا نوع من الافترا وقلة الادب اتعودناها من السعوديين , سافرت لفيت مطارات نص العالم وفي احلك
الظروف مع العلم انو مافي شركة طيران في العالم ما اتعرضت لي هاي جاك لكن ماشفنا ذي البتعملو
الخطوط السعوديه , |
الواضح أن التفتيش لا يتعرض له السودانيون وحدهم وإنما كل الركاب، بما فيهم السعوديون.. وربما يكون الخوف الأكثر من تكرار القصة التي أوردها أساسي..
وشكرا
ياسر
|
Post: #29
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: Yasir Elsharif
Date: 06-04-2008, 03:02 PM
Parent: #1
تحية لكل المتداخلين..
لقد سافرت أسرتي إلى السودان في عام 2004 وقد تم تفتيشهم بواسطة سلطات مطار الخرطوم ثم بواسطة الخطوط الأردنية التي كانوا يستقلونها إلى ألمانيا عبر الأردن..
أبو حسين
سلامات
قولك
Quote: لا قلت رأيك و لا شكرت الناس اللي ردوا عليك !!!!!!!!!!!!!
و لا حتى عبرت المشاركين
غايتو يا الجمهوريين السعودية بهدلتكم شديد خلاص |
عندما وجدت الوقت عدت وشكرت كل المتداخلين واستفدت من كل المداخلات خاصة المادة التي جاء بها أساسي.. بعدين المسألة دي ما عندها علاقة بالجمهوريين يا أخي..
ياسر
|
Post: #30
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: Hani Arabi Mohamed
Date: 06-04-2008, 03:05 PM
Parent: #1
تفتيش شخصي وبطريقة مستفزة.
لاحظ ان عنوان الخبر الذي أوردته جريدة الشرق الأوسط هو في سنة 2002
بينما التفتيش بدأ قبل ذلك.
حيث سافرت خلال الاعوام
1998 - 2004 وكان هناك تفتيش دائما.
|
Post: #31
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: Yasir Elsharif
Date: 06-04-2008, 03:13 PM
Parent: #1
أستاذنا العزيز جلال داؤود،
تحياتي وشكري
أظن أن العنوان محايد .. فصيغة التساؤل تفرض على القارئ ألا يقف عند العنوان.. وبقراءة المحتوى يتضح أن هذا البوست ينصف الخطوط السعودية ويعطيها العذر..
لو تابعت كل ردودي سوف تلاحظ أنني أعمل على التغاضي عن كل ما من شأنه أن يذهب بالبوست إلى اتجاهات غير التي أريدها له..
مع عظيم مودتي وامتناني
ياسر
Quote: عزيزي الأستاذ ياسر الشريف
تحية و مودة
الموضوع لا غبار عليه .. إلا أن العنوان يفتح الباب على مصراعيه لفش غباين أو إتخاذ الموضوع كهجمة على السعودية التي تستضيف أكثر من مليون سوداني ...
ببساطة مثل هذه المواضيع يمكنها أن تغلق المنبر هنا ... و لن يتضرر غير البورداب و المتصفحين هنا بالسعودية. و بذا يفقدون وطناً إسفيريا و رئة يتنفسون عبرها و يستنشقون خلالها عبق الوطن.
أخي ياسر ..
لسنوات مضتْ كنت أتمتع بمواضيع لك قراءة و ردوداً ... فأرجو أن لا تجعل أي خلاف مع إتجاه أو أشخاص معينين تحيد عن رسالتك و قضيتك التي أعرف أنك مقاتل شرس دونها ..
لك الود |
|
Post: #32
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: Ahmed Mohammed Osman
Date: 06-04-2008, 03:35 PM
Parent: #1
يوم 10 مايو 2008، الساعة الرابعة عصرا تقريبا
وفي مطار الخرطوم
رحلة الخطوط السعودية
اثناء تفتيش احد الركاب، علق الراكب علي التفتيش قائلا:
يعني تفتيشكم دا خلاااااااس؟؟ هسي ممكن اكون شايل لي قنبلة وما تلاقوها..
طبعا اتعطلت الطائرة لقرابة الساعتين بامر افراد الامن الي ان نزلو كل امتعة الراكب
وتم حظره من السفر علي الخطوط السعودية مرة اخري.
انتهي
لما سالو الراكب بعد كدا ليه قلت الكلام دا،، قال بهظر..
بالله شوف ظرافة الراكب دا كيف
وطيب لو خلوك تمشي وطلع ما هظار مش حتكون كارثة للشركة؟؟؟
المشكلة انو افراد الامن السوداني ح يفهمو كلامو هظار اكيد وممكن كمان يمرروهو
وزي ما قلت ليكم لو طلع الراجل جادي ح تبقي كارثة
عشان كدا الخطوط السعودية ما بتثق في تفتيش الامن السوداني
دا واحد
اتنين
افراد الشعب السوداني ما عندهم الحس الامني وبقولو كلام في اي مكان باعتبار حسن النية
بنتعامل بي بساطة او بلاهه، دا ممكن يكون سلوك مهضوم بيناتنا لكن للغرباء بياخدوهو جد
عشان كدا الزول البلهي دا اتظارف واتراشق وخفتو جابت ليو البلاوي
اكيد في زي الزول دا كميات بتهابلو قدام طاقم الامن، عشان كدا التفتيش دا ما اظنو يقيف
---
الخطوط السعودية شركة طيران زيها وزي اي خطوط تانية، ومن حقها تفرض السيستم البحافظ علي سمعتها وامن ركابها في
اي منطقة تراها بتشكل خطر،، زيها وزي باقي شركات الطيران..
الجميل في الموضوع انو السفر للسعودية ما محتكر للشركة دي، بمعني انو في خيارات، والزول الشايف انو الاجراءات دي
مهينة ممكن يغير لي شركة يتماشي سيستمها مع راحتو النفسية..
وله ما كدي؟؟
|
Post: #33
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: BADRELDIN MAHMOUD
Date: 06-04-2008, 04:13 PM
Parent: #1
الاخ ياسر ..... من مدة غادرت الخرطوم الى الولايات المتحدة...عبر الاردنية.....تم تفتيشى على سلم الطائرة..... FYI
|
Post: #34
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: Al-Shaygi
Date: 06-04-2008, 05:22 PM
Parent: #1
Quote: وحتى في مطار الرياض انحنا والهنود الجاليتين الوحيدات البتم طردهم من
المطار لما يكونوا في وداع اهاليهم ,اتفق انو تجمهرنا ممكن يكون غير لائق لكن معاملة السلطات
السعوديه بتكون غير لائقه اطلاقا وشفت الحاجه دي اكثر من مره , دي السعوديه ياحبيب |
والله يا أخ خضر ما عارف أقول شنو على كلامك ده؟؟؟
بالله أنت بتقول شفت...
في ذمتك الشفته ده بيشرف ليه زول؟؟؟
واحد مسافر تلقى مودعينوا 15 زول؟؟؟
أسرة مسافرة تلقى حارسنها 4 أسر بأطفالهم ونسائهم وحبوباتهم؟؟؟
الوقت الوحيد الذي تجد فيه كم هائل من الأطفال يلعبون على السلالم الكهربائية وزاحمين المحل وسادين الطريق هو يوم الرحلة القادمة أو المغادرة للخرطوم؟؟؟؟
حتى مكان الميزان تلقى كل مسافر معاه 3 أشخاص دون داعي سوى البحث عن واسطة وتحانيس عشان يفوتوا ليهم العفش الزائد دائماً وبكثرة؟؟؟
ده كلام
والله أنا شخصياً لو أدوني سلطة في مطار الرياض من الفتيش العند البوابة الخارجية أمنع دخول غير المسافرين وبالكتير مودع واحد؟؟؟
دي فوضى يا خضر.
الشايقي
http://alkatwah.com
www.Alshaygi.dubaimlm.com
.
|
Post: #35
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: ترهاقا
Date: 06-04-2008, 06:55 PM
Parent: #34
ياخونا خضر
اقرا كلام اساسي التحت ده
Quote: بدأت الخطوط السعودية اعادة التفتيش في رحلاتها المغادرة من مطار الخرطوم وذلك بعد تعرض الرحلة رقم 450 في العام 2002 لمحاولة اختطاف حيث قام الراكب عادل احمد فرج بمحاولة اختطاف الطائرة السعودية بسلاح ناري ( مسدس) عبر به نقاط التفتيش لمطار الخرطوم .
انت رايك شنو ؟
|
اها نسألك رايك شنو
Quote: وحتى في مطار الرياض انحنا والهنود الجاليتين الوحيدات البتم طردهم من
المطار لما يكونوا في وداع اهاليهم ,اتفق انو تجمهرنا ممكن يكون غير لائق لكن معاملة السلطات
السعوديه بتكون غير لائقه اطلاقا وشفت الحاجه دي اكثر من مره , دي السعوديه ياحبيب
|
اتفقت معاى إنو فى مسألة ما لايقة دى
لكن صراحة منظر السودانيين فى مطار الرياض مزرى وقبيح وغير حضارى إطلاقا
والخطوط السعودية لو رفضت تركب اى راكب سودانى والله عندهم حق لانهم بيعكسوا صورة
سيئة جدا عن السودانيين ، لدرجة إنهم بقوا زى الهنود، فى الاول نصلح الفينا
ونلوم الآخرين
|
Post: #36
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: خضر الطيب
Date: 06-04-2008, 09:10 PM
Parent: #1
الاخ ياسر
اسمح لي ان ارد على اخوه اعزاء من مغتربي السعوديه جمعتني بهم ظروف
طيبه , ابدأها باخونا تمبس الذي تعودت ادهاشه دائما وانا في نسختي
الجديده بعد الاب قريدنق كما يحلو له.
Quote: قلت لي الكبسة كيف معاكم في لندن ..؟
تقدر تعمل لينا حبة مع الرز واللا نعمل ليك (داون لود) من الكبسة بتاعت الخرج في البوست دا ..؟ |
كبسة شنو ياتمبس هو غير الكبسه دي كان في شئ كابس على امخاخنا ومقفل شرايينا ؟ انت شاهد انا
كنت بهرب من الكبسه لماما نوره , وما ادراك ماماما نوره .شايفك اليومين دي بقيت تاكل مع
العريس معتصم شئ سمك وبيض وحليب اخر غذا , والله لقيتا لكن , معتصم بي ظروفوا انت ظروفك شنو
ماتاكل كبسه ولاكوارع , ياها شبهك , اليوم داك كنت متخيل شكلك والسمك قدامك غايتو السمكه دي
اليوم داك بتكون قالت ليك بالغت , طبعا غالب قوت اهل البلد هنا خنزير وما ادراك
مالخنزير
Quote: كت اووت
يا خـدوري البطحاء الايامات دي حاجات السقط نزلت .. يا ابوي اخير ارسل ليك فنلتين تلاتة واللا (اكثرر ) ليك من الشرابات ..؟
غايتو يا عشاي الله يستر عليك من الزيفه..
والله تلقاك غاطس في البيتزا لي كوعك ..
هلالا . هلالالا .. بيتزا ساااكت
|
شايفك بقيت تستخدم مصطلحاتي يعني انا لو قعدت في السعوديه سنه واحده بس كنت انت بقيت نسخه
معدله مني , بس طريقي دائما وعر كان مشيت فيهو بالتايوتا بتاعتك دي اكيد حتحمل في الرمله
الدقاقه وبعد دا يحلك الحله بله , بطحة شنو ياتمبوسه, بطحا , لابتيخه
المهم ياصديق ما اطول عليك , ابشرك انا بخير .
|
Post: #37
Title: Re: ما رأيكم في هذا الذي يحدث للمسافرين المغادرين مطار الخرطوم على متن الخطوط السعودية؟؟
Author: خضر الطيب
Date: 06-04-2008, 09:24 PM
Parent: #1
الاخ الحبيب/عبد اللطيف بكري
لك التحيه والتقدير
Quote:
خضر والله نفسي أفهمك : إنت زعلان من السعوديين ولا
من السودانيين الفي السعودية،،
ياخ خضر روق شوية وأستهدى بالله ، وتأكد نحن أخوة في الحلوة
والمرة ، وبعدين يارجل ما تفتكر الخوف دا في طبعنا إحنا
كسودانيين ، وأنت فعلا كنت هنا وعارف الوضع ،، إنه إحترام
لقوانين البلد وإمتثال لضوابط العيش فيها وليس ثمة من عيب
في ذلك، بل بالعكس ، إنها محمدة لشعب نبيل ،، أرجو ألا تنسوا
هذا في كل المهاجر ،،ماحدث في بيرمنغهام نقطة سوداء ياخضر،، |
مستحيل اكون زعلان من السودانيين الفي السعوديه , وفيهم الكثيرين اعتز بمعرفتهم
ولم يحدث بيني وبينهم وخلال فترة تواجدي اي شئ لاسمح الله , ولله الحمد احفظ هذه العلاقه
اما من يدعي بانني اهاجم السعوديه لتقوم باغلاق الموقع بالسعوديه فهذا حديث غير صحيح
فاذا كانت السعوديه تستطيع اغلاق هذا الموقع فاولى بها ان تغلق موقع قناة الاصلاح المعارضه
والتي تنطلق من لندن ولديها موقع على النت , فلماذا تغلق موقع سوداني كل مواضيعه تتعلق
بالسودان ماعدا النذر اليسير كما في حالة هذا البوست .
ولكني تفاجأت عند قدومي للسعوديه باشياء لم اكن لاصدقها لولا انني عشتها حقيقة وشاهدتها بام
عيني , كما تعلم بان الدين الاسلامي ينادي فيما ينادي بالحريه والمساواه وغيرها من الصفات
الحميده ولكن كل ذلك لم اجده في السعوديه , وحتى اسلامنا ينظر له على انه ناقص , واشياء اخرى
لا اطيل عليك فيها انت تعلمها .
بالنسبه لموضوع بيرمنغهام لم احضر هذه الفعاليات ولاعلم لي بحقيقة التفاصيل ود. مهدي لديه
كامل التفاصيل عما حد.
مع خالص التحايا , ولك العتبى حتى ترضى اذا كان في مداخلتي ما ازعجكم .
|
|