|
Re: تضامنوا مع محمد حامد جمعه (Re: محمد حامد جمعه)
|
انتو فى دا ولا واحد من ناس حركة العدل والمساواة ماسك طابورى يوميا تلفون الساعة واحدة صباحا ، شوف يا صعلوك ، يا معفن و(حاجات تانية ) هليل دا فعلا جاتو حاجة انا بجى بضبحك ، وكل يوم كدا اها لمن ربنا فرج على الراجل ضرب لى بقى يضحك وبقى زول ظريف خالص طبعا طلع نكتة وزول ساخر وبتاع تدوير ، والله هسة اظنو ساكن فى المنبر سكنة وزولكم البيضحك والمتشنقل البتنزلوه فى البوستات ضدى بيكون عملو واجهة فى الكمبيوتر حقو التحايا له
| |
|
|
|
|
|
|
Re: تضامنوا مع محمد حامد جمعه (Re: مجاهد عبدالله)
|
Quote: على وزن تعاّردواااااااااااا |
بمناسبة كلمة عرد
هى عرد ، بمعنى جرى وفز فهو معرد اى فار وهارب فى لغة عرب دارفور ويقال ايضا كال التراب اى جرى فى خطوات واسعة وهو فعل شنيع هناك يزرى بمرتكبه و يحتقر اذ من الاكرم ان يموت المرء ولا يرى كعب قدميه احد والعرد شجرة ، تنتشر فى البادية هناك ومنها (العرادية ) وهى اسم يطلق على كثير من القرى مثل الحرازة والدوماية والسنطة ( من شجر السنط )
| |
|
|
|
|
|
|
Re: تضامنوا مع محمد حامد جمعه (Re: محمد حامد جمعه)
|
حبابك يا عم جمعة أيه الجديد النهاردا دا ؟؟ يلا نقول عشان نحرك المنبر شوية ..سمعت أنو قواتنا الباسلة من شرطة ، جيش ، و أمن وكذا وكذا ..تمكنت من القبض على مسؤول " الزي " العسكري داخل حركة العدل والمساواة وقد أدلى المتهم بإعترافات مثيرة من بينها أنه اشترى القماش من سوق أمدرمان ..بالتحديد من تاجر قبطي وهو أيضاً رهن التحقيق الآن ، وهذا التاجر القبطي يعكس أن هناك ايادي خارجية..فما الذي يجمع أبيض مع أسود .. وأن المخطط كان أبعد لولا يقظة جنودنا البواسل وقوات الأمن والشرطة وكذا وكذا ، المهم قام مسؤول الزي واسمه بالكامل آ (أبو الأنبياء )- ب( الاسم الأول لثاني الخلفاء الراشدين بس ينطق بطريقة أفريقية ) أٍح ( نبي من بني إسرائيل له ولد اسمه يعقوب ) ، لسلامة التحقيق نحتفظ باسمه وعرضناه بهذا الشكل ، فقد قام هذا المورد بشراء قماش خاص بطلاب المدرسة الثانوية ، وأستخدم ترزية متآمرين في سوق ابوزيد وام دفسو وقندهار ، وقد تم التمكن من إعتقالهم جميعاً وهم الآن في يد الأجهزة العدلية وسوف يقدمون لمحاكمات كما يتطلب الدستور .خبير القماش أكد تطابق زي حركة العدل والمساواة مع الزي الذي عُثر عليه في راكوبة الترزية . ممكن أكتب تحت SMC؟؟
| |
|
|
|
|
|
|
Re: تضامنوا مع محمد حامد جمعه (Re: محمد حامد جمعه)
|
.. . ان كان اساسي تضامن مع تراجى فكيف لا اتضامن معك .. ياخى انت مننا وفينا بس المحيرنى يا سعاتو ابراهيم الخليل دا ساب الكباش بتاعتو دا يفتدوهو ومرق فى صقط لقط كيف ؟؟
_________________
بالجد غايتو يا الخليل بالجد السبتو راك دا تجميعو صعب ..
| |
|
|
|
|
|
|
Re: تضامنوا مع محمد حامد جمعه (Re: A.Razek Althalib)
|
عرد ) عرودا طلع وقوي واشتد يقال عرد الناب وعرد الشجر والحجر عردا رماه بعيدا( عرد ) عردا هرب ( أعرد ) الشجر غلظ وكبر ( عرد ) النجم مال للغروب مجاوزا كبد السماء وفلان هرب ويقال عرد عن قرنه نكل وأحجم وعن الطريق حاد والسهم في الرمية نفذ منها وفلان بحاجة فلان لم يقضها ( العرادة ) الجرادة الأنثى (
| |
|
|
|
|
|
|
Re: تضامنوا مع محمد حامد جمعه (Re: Tabaldina)
|
Quote: بس المحيرنى يا سعاتو ابراهيم الخليل دا ساب الكباش بتاعتو دا يفتدوهو ومرق فى صقط لقط كيف ؟؟
|
دا تطبيق فعلي للعدل والمساوة في السراء والضراء ..
في المغرم والمغنم ..
في الدروب والهروب ..
..
| |
|
|
|
|
|
|
Re: تضامنوا مع محمد حامد جمعه (Re: محمد حامد جمعه)
|
Quote: جزاك الله خير يا عصام عارفك زول واجب وقلبك ابيض |
تشكر يا محج
كلك ذوق ... اخوك قلبو اخداااااار بياض ما معانا ..... سراير المستشفيات
تعرف واحدة من مصايبك الجماعة المبارنك ديل، انت شغلك بتعرف ليهو لكن المظليين المتلبين ليك محل ما ماشي ديل شوف زى ملاسي ده كفوة جاهزة والعجب رزقة قوقل ده؟ ده ساجور راكب فيك ... غايتو عدو عاقل اخير من صديق جاهل (و حرامى كمان)
اها لقيت ليك اليافطات ديل... على الحرام ما تقول حاجة، ما بيناتنا، ردها لى قدام الدنيا ما مضمونة، يمكن يقبضونا في كشه و لا "غزو تشادى" قادم
بس تانى ما تعرد من بوستاتك ... سمح؟
ولما يرسلوك تدردق زول قول ليهم دى ما شغلة اولاد ناس، قول لي قوش امشي براك ...سمح؟
| |
|
|
|
|
|
|
Re: تضامنوا مع محمد حامد جمعه (Re: محمد حامد جمعه)
|
السيد محمد حامد جمعة الساعة الان العاشرة بتوقيت هولندا انا الان اجلس في مقهي انترنت امام المحكمة الجنائية الدولية في لاهاي منتظر السيد لويس مورينو أوكمبو ينتهي من اجتماعه واجيبو ليك عشان يتضامن معاك اوكي انتظر اوعك تمشي الاجتماع قرب يخلص انشاءالله امس تكون نمتي كويس كان يوم ساخن .
| |
|
|
|
|
|
|
Re: تضامنوا مع محمد حامد جمعه (Re: ود محجوب)
|
محمد حامد جمعة
والله ما عارفين نتضامن مع منو ونخلى منو إنتوا خليتوها سلطة وما معروف الفالق من المفلوق .. وكلكم ضحايا
أديك سر ..
واحد إتصل بى بيؤكد لى محمد حامد جمعة هو ساره عيسى
وأدانى نمازج تشكك الزول فى روحو
الحلل الفضل واااااااحد
غايتو
| |
|
|
|
|
|
|
Re: تضامنوا مع محمد حامد جمعه (Re: محمد حامد جمعه)
|
Quote: بره المسالة انتو يا جماعة التسجيل الكامل لخليل مع الجزيرة وينو |
اقولك نكتة ..زميل دراسة وصديق شغال في قناة الجزيرة ..بس شغال في حتة بعيدة شوية ..طبعا هناك " الشوام " ما بدو " أولاد قرف " فرصة ..السودانيين دايماً في النسخ والمستودعات والأرشيف والزبير نايل بيقرا نشرة الساعة 4 صباحاً في الوقت دا بيكون جمال ريان وليلي الشيخلي وخديجة بنت قنة في الحلمة المية . المهم هذا الصديق أرسل لي رسالة وسالني بالحرف الواحد : في أي تغطية إخبارية تم بث هذا التسجيل ؟؟ ضحكت وأستغربت ورديت عليهو أنا قريت في المنبر انو اللقاء دا تم في الفجر ؟؟ وظهر د.خليل وهو لابس الزي العسكري ..تصدق قال يطرشني لا سمعت لا رأيت .. دي معاك فيها حق ..حتى في موقع قناة الجزيرة مافي ..بالفعل حاجة غريبة ..اخي مصطفي سري من غير زعل ..اين د.خليل إبراهيم ؟؟
| |
|
|
|
|
|
|
Re: تضامنوا مع محمد حامد جمعه (Re: Abureesh)
|
أبو الريش سلامQuote: عرد ورحل وحـوا والفنان يغنى.. قلت أرحل.. وحاة عمر الريــدة. |
على باليمين لسة ما فهمتها Quote: وبعـد دا تقولوا لينـا ما صوماليين! |
غايتو أنا فينى عرق أرتريين .. والصوماليين قالوا جدهم سودانى .. خلاس أنت يا العباسى .. تشرح لى أعرد دى هسة زى الناس .. ولا أجيب ناس الجلابة
| |
|
|
|
|
|
|
Re: تضامنوا مع محمد حامد جمعه (Re: رأفت ميلاد)
|
Quote: بمناسبة كلمة عرد
هى عرد ، بمعنى جرى وفز فهو معرد اى فار وهارب فى لغة عرب دارفور ويقال ايضا كال التراب اى جرى فى خطوات واسعة وهو فعل شنيع هناك يزرى بمرتكبه و يحتقر اذ من الاكرم ان يموت المرء ولا يرى كعب قدميه احد والعرد شجرة ، تنتشر فى البادية هناك ومنها (العرادية ) وهى اسم يطلق على كثير من القرى مثل الحرازة والدوماية والسنطة ( من شجر السنط ) |
ابوالريش ورافت ( كلام جادى خالص ) ياخ نفسى فى بوست يبحث فى عوالم اللغة ( عربية تقرنجية امهرية سواحلية ) بيكون بوست مفيد وممتع ممكن يدعم بالحكايات والشواهد انا ممكن ابتدر واحد بس بيجو يبوظو ليك يا سعادتك ويا جدادتك وليه مسكتونى وليه حرقتو شنو تقول انا طيار !
| |
|
|
|
|
|
|
Re: تضامنوا مع محمد حامد جمعه (Re: محمد حامد جمعه)
|
الشاويش ود جمعة
Quote: انا ممكن ابتدر واحد بس بيجو يبوظو ليك يا سعادتك ويا جدادتك وليه مسكتونى وليه حرقتو شنو تقول انا طيار ! |
اكان مشيت عديل مافي عوجة بتجيك تب بس تبطل الهباب البتسوي فيهو ده مع ودي ومحبتي
| |
|
|
|
|
|
|
Re: تضامنوا مع محمد حامد جمعه (Re: محمد حامد جمعه)
|
Quote: شكرا لكل المتضامنين ولا ارى متضامنات طبعا اخونا سارة محسوب .. كرجل وان تانث اسمه بره المسالة انتو يا جماعة التسجيل الكامل لخليل مع الجزيرة وينو |
يا أخي ... كامل تضامنا معاك .. (برضو برة المسألة) .. يمكن ناس الجزيرة راجيين حملة تضامن للتأكيد علي عدم التشكيك في (تسجيل خليل) ...(!!)
| |
|
|
|
|
|
|
Re: تضامنوا مع محمد حامد جمعه (Re: osman righeem)
|
Quote: انا الان اجلس في مقهي انترنت امام المحكمة الجنائية الدولية في لاهاي |
[B]شكلك كدا مادي ليك قرعة عاوز ليك يورو او اتنين.!! فهمك شنو انت في القانون الدولي عشان تتنظر فلان وعلان؟ بعدين ما تنسي انك دخلت هولندا لاجئ
| |
|
|
|
|
|
|
Re: تضامنوا مع محمد حامد جمعه (Re: محمد حامد جمعه)
|
وكيل عريف محمد فرح (درق سيدو)
Quote: شكلك كدا مادي ليك قرعة عاوز ليك يورو او اتنين.!! فهمك شنو انت في القانون الدولي عشان تتنظر فلان وعلان؟ بعدين ما تنسي انك دخلت هولندا لاجئ ] |
انا البعرفو سيدك قوش ما بعرفو من الواضح قعدتي هناك ربت ليكم الخفيف انتا شفت حاجة وفد مجلس الامن قاعد مع اسيادك وانتي في اضان طرش اللحق جيب ليك خبر خبرين وتعال لصق دي اياها شغلتك المكلفنك بيها
نخلص من الشاويش يجينا وكيل العريف
| |
|
|
|
|
|
|
Re: تضامنوا مع محمد حامد جمعه (Re: NGABY AJOOZ)
|
Quote: شكرا لكل المتضامنين ولا ارى متضامنات |
والله يا محمد حامد جمعة، وماك طالبني حليفة، عزوف النسوان عن بوستك دا.. وسؤالك عنهن بلحيل ووجعني.. وكنت حالفة ما ادخل ليك بوست عشان اتداخلت معاك قبل كدا في واحد من بوستاتك ودمستني.. كنت تشرق فوقي وتغرب تنزل وتطلع ترد على الجماعة كلهم.. وفاطيني .. وقلت في سري : خليهو باكر الفولة بتتملي والبقارة بتجي.. دحين هسع جيت اتضامن معاك، كان الله غايتو يجعلها في ميزان حسناتي.. تاني خليك شغال بالمثل البقول : الكراع الغبشا..بتجيب الممسحة.. اها انا هسع غبشا..ودي سبتي.. انشاء الله ما احتاج لاحد منك.. المهم..واحتياطا كدا..هاك الزغرودة دي شكلها زي ماك داير.. بس تاني ما تعرد كيف الـْجداد..
| |
|
|
|
|
|
|
Re: تضامنوا مع محمد حامد جمعه (Re: حليمة محمد عبد الرحمن)
|
Quote: حليمة محمد عبد الرحمن |
يا حليمة سلامات
والله جزى الله خليل دا خير الخلاك تعبرينا وتعبرى بحروفك فوق محيط حرفنا البئيس هذا (تضامنوا ) لكن صدقينى ما جليتك متعمد بس بتكون مداخلتك مانعة جامعة ووفت واكملت المعنى لم تحتاج منى لتعليق (انعل ابو البكى زاتو ) المهم العتبى لك حتى ترضين وبعد دا بصاقر بوستاتك بفهم ومنطق طبعا وبرؤى نقدية فاهمة لكن ارجى الراجيك من الجماعة الشايلين الدبابير متل تمر عمك حمودة فى سوق المملح ( حمودة حاكتب عن نص بمزاج بس نفضى من الوهمة بتاعة الجماعة ديل ) شكرا للتضامن وشكرا لحضورك
| |
|
|
|
|
|
|
Re: تضامنوا مع محمد حامد جمعه (Re: محمد حامد جمعه)
|
يا تراجي شريط خليل الجديد( بليه واشربي مويتو ) كل الظهر...ن الان في الخرطوم .
Quote: لان مراسل الجزيرة في انجمينا يخشي ان تنهي القناة خدماته بسبب ضعف ادائه المهني وبسبب فشله في
تغطية الاحداث في دارفور وشرق تشاد ( فنجر) كما يقول الصحفيون مادة لينال بها رضا رئيسه
لكنه وقع في شر اعلامه . وياللغباء رجع الي ارشيفه واستعاد شريطا قديما واحدث عليه بعض فنون القص
واللصق . وخاطب المسؤلين بالقناة بأنه انجز خبطة صحفية يتحدث بها الركبان. لكنه فات عليه ان الذين
يجلسون خلف القائد المتمرد هم الان في ضيافة ام درمان بعد ان جاؤوها غزاة . وللأسف مرت علي القناة
وعلي مراسلها الغبي هذه الملاحظة 0
ماذا قالت الحياة اللندنية بحسب ما نقل مراسلها النشط النور احمد النور
في تطور آخر، أكد وزيرالعدل عبدالباسط سبدرات أن وزارته وجهاز الأمن والاستخبارات يعكفان على درس مستندات جديدة تتعلق بخطة هجوم متمردي «حركة العدل والمساواة» على أم درمان الشهر الماضي، لافتاً إلى أن المستندات لم يكشف عنها من قبل.
كما كشف نائب رئيس جهاز الأمن والاستخبارات الفريق محمد عطا عباس أن السلطات استطاعت اعتقال كبار المسؤولين في «العدل والمساواة» الذين شاركوا في الهجوم على أم درمان وأبرزهم نائب رئيس الحركة محمد بحر، ومسؤول الأمن عبدالعزيز نور عشر وهو الاخ غير الشقيق لزعيم الحركة خليل ابراهيم، والأخ الآخر عوض نور عشر الذى اعتقل أول من أمس في مدينة القضارف مختبئاً داخل مسجد، ومسؤول الاستخبارات محمد بشارة، ومسؤول المدفعية المرضى بخيت سليمان.
الي ذلك اوضح مصدر أمني رفيع المستوى سألته «الحياة» بأن الشريط الذي ظهر فيه زعيم ما يسمي ب «حركة العدل والمساواة» خليل إبراهيم في قناة «الجزيرة» القطرية أمس قديم، مؤكدا إن بعض أفراد حراسة ابراهيم الذين ظهروا خلفه هم الان أسرى في الخرطوم. مشيرا الي ان التسجيل يتحدث عن مؤتمر حركته الذي عقد قبل شهور في منطقة باهاي في داخل الأراضي التشادية. |
| |
|
|
|
|
|
|
Re: تضامنوا مع محمد حامد جمعه (Re: Mohammed Ahmed Saeed)
|
أها كلام حليمة ده
والله يا محمد حامد جمعة، وماك طالبني حليفة، عزوف النسوان عن بوستك دا.. وسؤالك عنهن بلحيل ووجعني.. وكنت حالفة ما ادخل ليك بوست عشان اتداخلت معاك قبل كدا في واحد من بوستاتك ودمستني.. كنت تشرق فوقي وتغرب تنزل وتطلع ترد على الجماعة كلهم.. وفاطيني .. وقلت في سري : خليهو باكر الفولة بتتملي والبقارة بتجي.. دحين هسع جيت اتضامن معاك، كان الله غايتو يجعلها في ميزان حسناتي.. تاني خليك شغال بالمثل البقول : الكراع الغبشا..بتجيب الممسحة.. اها انا هسع غبشا..ودي سبتي.. انشاء الله ما احتاج لاحد منك.. المهم..واحتياطا كدا..هاك الزغرودة دي شكلها زي ماك داير.. بس تاني ما تعرد كيف الـْجداد..
المرة التانية بتلفون واحد بوديك ......، خلي لو تكون بقاري والله لو تكون آري!
| |
|
|
|
|
|
|
Re: تضامنوا مع محمد حامد جمعه (Re: Faisal Al Zubeir)
|
انا ذي اخيتي حليمة دي حلفت من التداخل معاك اولا جايب لي الهوا وتانيا اصلك ما بترد علي لا بتقول الشفيفة بيان ولا شكرا على المرور يا رائعة.. لكن حننتني وانا الايام دي عاملو حملة تضامن مع الاقليات الذيكم هنا ناس هامش البورد وكدا...
نتضامن معك للاخر..
| |
|
|
|
|
|
|
Re: تضامنوا مع محمد حامد جمعه (Re: محمد حامد جمعه)
|
ما ليكم حق! كوزكم خليل داير ناس ام در أمان يقابلوهو على مشارف ام در بطلع البدر علينا من ثنيات الوداع! ليهو حق الراجل ما بسمع حقيبة الفن! الراجل كان جانا فى المولد كنا قابلناهو بالبراطيش! براطيش المولد جنى
| |
|
|
|
|
|
|
Re: تضامنوا مع محمد حامد جمعه (Re: Marouf Sanad)
|
Quote: كامل التضامن مع محمد حامد جمعة وجميع طلقاء الضمير |
يا معروف ما تفول علينا شنو طلقاء وضمير عاوز تقطعنا الكوبرى وتلحقنا الهرشة الخشت فى عضو المنبر المحترم ( سين ) الشر غادى وبعيد
غايتو هرشة .. ما هرشة
| |
|
|
|
|
|
|
Re: تضامنوا مع محمد حامد جمعه (Re: Ashraf el-Halabi)
|
ياجماعة ادونا معاكم مداخلة مداخلتين ناصية في التضامن ده..!! واحد من اكبر خسائر الغزوة الخليلية وتداعيتها علي الاسافير السودانية العربية والافريقية هي (ام هلا هلا) التي اصابت عضو منبر سودانيز اونلان (م ح ج) الشهير بالامونجي .. واري الان (ام هلا هلا) تحولت وبدون احم احم ولا دستور الي جقلبة والجقلبة هي اعلي مراحل 0(كتلوك ولا جوك جوك)..!! مرة هاتفوني وهددوني ومرة تحليلات فطير عن بكان خليل(تحليلات لو عاسوها كسرة ما تلقي ليها زول ياكلها) ومرة تعريد من بوست المعرد ثم استجداء تضامن ومحاولة امتصاص خجولة للمحنة التي تعكس تماما حال اهل الموتمر الوطني..!! والمحنة التي ادخلهم فيها (ابو الخل) عبر شبال اللاندكروزر...!! وفعلا حالة ود جمعة مثال حي لدراما الجوك جوك..!!
| |
|
|
|
|
|
|
Re: تضامنوا مع محمد حامد جمعه (Re: محمد حامد جمعه)
|
الاخ محمد حامد جمعة شكلك ده يا فردة الظاهر حا تعيد الكرة تاني .... تضامنك ده ما فتحته هباً في شي جواك ياريت معرفته شايف عندك ثقة قوية ودائر تلف الناس ديل لكن اقول ليك انت واقع من السماء ده مائة مرة.... اها شايف في بوستك ده كثير من النحل لكن ما اتلم عليك يا ربي تكون جبت ليك عرق محبة ولى شنو من بوست اخونا كيكي ولى بوستك ده اكون فيه عرق محبة ونحن ما عارفين. كيكي مشهور في الحاجات دي لكن الظاهر وقعت معاه ... محمد حامد عليك الله عندي ليك كلام ياخي ناس عشر ديل ما قالوا شي عن اسراهم من القوات المسلحة ولى ما سالتهم منهم....
تحياتي اليك
الامين
| |
|
|
|
|
|
|
Re: تضامنوا مع محمد حامد جمعه (Re: محمد حامد جمعه)
|
الاخ اللذيذ/محمد حامد جمعة
تحياتي يارايق
انت عارف كلمة مـــــــــعرد دي انا فهمتها معرض علي وزن هليل.
كامل تضامني بس طابور البطانية ده حدو متين؟ ياخي أنا ماعارف ليه احساسي بيقول انو الراجل المعرد ده اتلحس زمان .
| |
|
|
|
|
|
|
Re: تضامنوا مع محمد حامد جمعه (Re: abuguta)
|
كامل تضامني مع أبو رزقة لأني والله بقيت أشفق عليهو من كترة الجري وراء بوستات محمد حامد جمعة.
سعادتو يأ خي اليومين ديل أخد راحة من البورد دا وخلي أبو رزقة يسترد بعض أنفاسه ولياقته (البدنية مش بتاعة قميصو الأحمر دا).
| |
|
|
|
|
|
|
Re: تضامنوا مع محمد حامد جمعه (Re: Imad Khalifa)
|
Quote: ابورزقه بقيت تسد خدمة تمام |
في شان خاطر عربنا السويتوهم وقود لمداد ثورة السودان الجديد والشرق الأوسط الجديد.. بسلبطتكم فوق خارطة الطريق.. فاكرين بتجردوهم من كل قيمة إنسانية فاضلة.. وما آليتم جُهد حذو النعل بالنعل مع اليهود وصفتوهم بالأسم الفسوق [جنجويد) طعناً في عقائدهم السمحة يا عماد بالحقد بهتوهم..
المشكلة إنو يا عمدة ما أول مرة.. ولا حتكون الأخيرة..
الإنكار لا يجدي.. مهما كابرتم..
الأمور بتحسب بخواتيهما..
وسعوها زيادة ونحن قدرها بنسدها..
| |
|
|
|
|
|
|
|