صوت لوم لشخصى الضعيف!!! من منو و عشان شنو؟؟!! الشكيه

البعرفو على حسب فهمى (بكسر الفاء و الميم) و بكلام عام و بسيط ان الانضام لتنظيم سياسى معين يعنى ايمان الشخص اولا بالمشاركة كقيمه و باهمية تنظيمها مؤسسيا و بعدين يأتى انضمامه لحزب محدد لاقتناعه بالبرنامج الشامل للحزب كحل للمشاكل و رؤى مستقبليه للتنميه و .....و ... و
فى هذا ..و.تانى بشكل عام جدا جدا... يأتى دور الشخص كعضو ... فى العمل على تنفيذ الخط السياسى للحزب... توسيع القاعده الجماهيريه .. التجنيد... المساهمه فى التطوير النظرى و التنظيمى – و محاولات ذى دى فى بلدنا السمحه قاعد يطير فيها رقاب و تنشق فيها انشقاقات ...
و تالت بشكل عام شديد.. قد يصنف هذا الشخص ككادر جماهيرى طبعا مهمته العمل وسط الناس ...تبدأ من التنوير الى التجنيد ... او ككادر سرى...و طبعا ده نتاج لمحن الديمقراطيه فى بلدنا الممكون... و قد تكون كثير من الشعوب العالم اختبرت العمل السياسى السرى .. لكن فارقت دربه زمااااااان الا نحنا مرامى الله الما بنترفع!!!! طبعا الكادر السرى يشكل ال Back up system و يتم التصنيف بناء على شروط و تقديرات الحزب و العضو معا

لمن قلت بسم الله كدى و دخلت جامعة الخرطوم و كان عمى المعلم الفاضل خفيف الدم مصطفى المجمر يجى كل يوم جمعه يقول لى يا بت انتى متأكده انك بتقرى فى الجامعة الفى شارع النيل دى... اقول ليهو طبعا متأكده.. يقول لى و الله انا خايف بس تكونى ما عارفه الوصف .. تنط الحجه مالها ما بتعرف الوصف ..اخوانها و اختها قرو وين؟؟؟... ويلا الجمل الاسبوعيه دى تصل لهدفها الاساسى و هو تدوير الحجه

المهم دخلتى الجامعه كده اتلاحونى ليك بعض من عضوية الجبهة الديمقراطيه ... طبعا استقطاب و كده يعنى.. استفزتنى الحكايه دى شديد .. و اتغظت ان استهدف عشان اخوانى...فى مره واحده قالت لى ياخ انتى مشكلتك شنو ؟؟ هشام ما هسه ..اريتها تطلع من العدو هى عاد تمت جملتها..هبيت ليك فيها ياخ انا مالى و مال هشام ..ما يبقى..بالله عليك الله مهليها على شويه انا عارفه وقريت ..وقريت من مكتبة البيت العمرانه لمن ذيتى طلع عن برنامج الثوره الوطنيه الديمقراطيه الجايه تشرحيهو لى ده ..بس كدى انتى هسه ابعدى منى... طبعا زعلت او بلاحرى حمبكت عديل كدى .. و طوالى اشتكونى لهشام.. الذى لم يتوانى فى نقاشى عن ثقالتى وبياختى ....
قعدت سنه فى الجامعه ..استكشف .. ما خليت ركن ما حضرته ..كيزان.. انصار سنه.. جبهه ديمقراطيه..محايدين...ما خليت حفله ما حضرتها ... اتسكعت فى المين رود ذى وذى ناس سيستر سكول.. رغم الفرق كان واضح لكن ما اشتغلت بيهو..صاحبت ليك شلتى التى دامت حتى الان و اتمنى ان تدوم ما شأالله لنا ان نعيش..غنيينا فى ميداين الجامعه.. لعبنا ويست فى الداخليات ذينا و ذى ناس البركس واحد..عشان ما تفتكرو الحريق و الويست حق ناس البركس وبس—للاجيال الورانا فى الجامعة البركس زمننننننا كان حصريا حق الاولاد --- شاركت فى هجيج الداخليات وساهت فيهو مساهمة فاعلة ... ااااى كده بس ما خلينا كشف واحد ما كشفناهو.. فيها شنو ما عاااااااادى... الاطراف جميعا اديتها حقها من الزيارات..شمبات.. الطب...صيدله فى الكوره لم اتوانى عن دعم فريقنا الفاهم مجضم فرق الجامعه اجمع .. دفعت الشيرينغ بتاع الباسطه لناس وليد حامد و علاء خيراوى .. و حفظت ليهم نبايذ التشجيع و احتفلت و سيرت معاهم ناس الهندسه لى بلاعاتهم...

سهام ازيك
ليك طوله من المنبر مرحتين وانحنا متحكرين للحكى اصلها ايام جميلة تانى ما بتتعاد

تيسير النورانى سلام شديد وشوق و ذكرى مشاركه حميمه و دعم عاطفى لا محدود فى زمان الازمة الباقيه فينا
نورتى البوست ..بس انتى تابعى الجاى... العالم ده عجيب قدر ما تحاولى تشيلى الصبر الناس ما بتخليك
اللهم اجعله خير

Quote: وقريت من مكتبة البيت العمرانه لمن ذيتى طلع عن برنامج الثوره الوطنيه الديمقراطيه الجايه تشرحيهو لى ده

و في قرايتك المن مكتبة البيت العمرانة
ما صادفتك – أبداً – كلمة زيت مكتوبة صاح؟!!

اها شلنا الصبر

لكن دى عجبتني

Quote: رغم الفرق كان واضح لكن ما اشتغلت بيهو

انحنا زاتنا ـ انكلودينق مج ـ ما اشتغلنا بيهو

بعدين الصاح: شخصي الكان ضعيف

عصام يا حبيب ياخ الماسنجر حلف لى ... بس نقول شنو

التسوى بى ايدك قالو يغلب اجاويدك؟؟!!! و خليك معاى يا عزيز ..
ملاحظ الحنيه دى كيف؟؟؟ طبعا تمشيا مع نظريتك العمر ليهو دور؟؟؟!!!!!

ديدى فرحانه شديد انها اتكلمت معاك.. باعتبارك عمو صاحب ماما و بابا و كده... سألتنى الف سؤال عنك
عارفنى بموت فى الصدق لكن اليوم داك الله يغفر لى !!! يا زول خفت البت تخت راى فى والديها
و دمت يا قلب

ازيك يا سهام
والله حكيك طاعم ولذيذ وبرجعنا لايام حلوه - اها عشان انا ما ابوظ ليكي الحكي الجميل ده حنفوت ليكي بلاعات ناس الهندسه دي بس الله يسترك من ناس خليل
مره يا سهام كنت حاضر حفله بالبعيو في عرس اخت اولاد ابو عاقله بعدين لا قيتك تاني يوم في الجامعه وانا البعيو عاجبني عجب شديد و كنت بحكي ليك عن الحفله وببدي اعجابي بالبعيو يشويه تحفظ خايف انو الزميله تقوم تبستفني عن الغناء الهابط وما ادراك ما كلام المثقفاتيه داك و لدهشتي الشديده لقيتك معجبه بالبعيو اكثر مني , من ديك انا عرفتك انك شراميه كامله الدسم

عمر بوب يا زميل سلام و تحايا
اولا بتصدق الحكى ده كله مقدمه للرد على صوت لوم وجه لشخصى الضعيف رغم انف المرجف ود جبرالله

بعدين البعيو ده منو القال غناهو هابط؟؟؟ غايتو ده ما انا و كان ده انت حقو تعتذر تمشيا مع الحالة الاعتذارية السائده
همام مجمر عرسو كان بالبعيو ..ياخ حتيناهو حت مع الزول ده ..ياخ ده رقاص رقيص و هجاج هجيج .. عجاجة الحفله ديك لليله ناس البيئه عاملين فيها مؤتمرات
لكن تقلب و تغلب الزمان عليناهسه لو بشرنا ساكت نكون ما قصرنا

و دمت

نشاطى الاجتماعى مش كان حافل ساى ياخ انا كنت عايشه مش مع بل جووووووه الناس الحلوه.. اذا كان الطريق من كافتيريا اقتصاد و لباب النشاط الشخص الماشى عادى و من غير توقف يمكن يقطعو فى دقيقتين انا اصلو دى ما حصلت على... فى كل خطوه عرفه قديمه معاها عرفه جديدة..والدرب بقى ياخد من نص ساعه و لى فوق......وياما اتلفت لقيت رفيقاتى فى مشوار الداخليه فتحو لى و انا بين وقفه ووقفه و شتتو
قصرو... وهنا اقتبس كلام صديقه: والله الفتره بتاعة الجامعه دى انا اخطائى ما ندمانه عليها

درست فى كلية الاقتصاد خمس سنوات – ما فيها ربيت يا مرجفين/ات.. الخامسه سنة الشرف- اربعه سنوات منها كنت كادر جماهير ... و كنت نشطه لدرجة الارهاق... طوال هذه الفتره ... استمريت فى حضور الاركان ...كمان دخل فيها عامل تنظيمى... اشتركت فى كل المظاهرات التى قادها طلاب و طالبات جامعة الخرطوم الشرفاء.. اكتويت معاهم باغتيال بشير التايه سليم... حضرت معاهم رصاص الصادق "الديمقراطى؟!" فى مظاهرات السكر... تابعت تفاوض التحالفات ... التى فى معظمها لم اكن مقتنعه بيها تماما ... و لكن هكذا هو حال العمل الديقراطى ان تعمل على تنفيذ الخط السياسى طالما هذا رأى الاغلبيه...رغم المفارقات

كل هذا كان مقدمه للرد على صوت لوم (اعتقد انه طريقته كانت غير موفقه على الاقل بالنسبة لى) من المهندسه و الصحفيه رباح الصادق ...
عزيزتى رباح نحن بنات ( او نسوان) دفعه .. نعم لم يكن بينى و بينك سوى سلام الله و الرسول .. و هذا ايضا كان قليل جدا باعتبار انا ما كنت قاعده الاقيك فى اى من ملفاتى الكتيره التى ذكرتها اعلاه.... حتى و لو كنا على درجه من المعرفه فى الجامعه هذا لا يمنع ان ابارك ليك وابارك لى حزب الامه ظهور نجمك من ضمن طاقمه.... اعتقد ما فيها شىء ... و حتى و ان كانت مباركتى اخدت الطابع الساخر ... فهذا لايعنى عدم مصداقيتها

Quote: اذا كان الطريق من كافتيريا اقتصاد و لباب النشاط

وكافتريا الدراسات العليا...

ولا يزال الكلام عن المشي..




بتتذكري "نُقٌز؟"

Quote: "نُقٌز؟

سيف بشير اتنطر او اتنتر كان اتذكرت...الرسول كما ذكرتنى

ياخخخخخخ سلالالالالالام كتيييييييييييييير وشوووووووق

بروفايك بكتل عدييييييييييييييل كده ...عجبنى بالحيل

فى ذلك البوست الذى كان يتحدث عن بنات الصادق و ظهورهن الاعلامى ...
كتبت انا (هو زاتو بركه الرباح بقت حزب امه) التعليق ده جاب لى الهوا مع الحبيبه لنا مهدى ... ورأيت انا فى ذلك الوقت ان لا داعى فى المواصله النقاش باعتبار ان الموضوع فعلا ليس مهم بالنسبه لى كنتى و الا ما كنتى حزب امه فهذا لا يغير من امر الحزب شىء ... فانا رأى فى حزب الامه و امامه و تعاطيكم كأسره مع السياسه و مع الجماهير ..سلبى تماما و بصراحه كده قاعده ترفع لى ضغطى .. ولكننى لم اطلق اى احكام شخصية على اى فرد منكم... لسبب بسيط لان هذا ليس من شيمى و لاننى حقيقة لا تربطنى اى معرف شخصيه حقيقيه معكم .و لكن اظل سياسيا اختلف معكم جدا جدا جدا ... لومك وصلنى بدرى و لكننى ايضا تغاضيت عن الرد لنفس الاسباب التى دعتنى لعدم المواصله مع لنا و لكن ماتلى لومك و انا وانت نعلم تماما ما تلاه كان بايخ افتكر والا ما كده؟؟؟!!!!!!!! وأكد لى الكثير مما كان فقط انطباعات!!!!

Quote: لومك وصلنى بدرى

توقعت بوستاً يتعرض لتلك الفترة بالتشريح السياسي
و الاجتماعي؛ فإذا به يتحول إلى: لومك وصلنى بدرى

كيف يعلم الطالب/ة ان فلان/ة ت/ينتمى لتنظيم سياسى معين؟؟؟ هل تنشر التنظيمات السياسيه فى الجامعات قوائم عضويتها حتى يعلم الطلاب و الطالبات من ينتمى لها؟ و الا كيف؟ اذكر فى ذلك البوست ان طلب منى ان أأتى بأدله و براهين ان رباح لم تكن حزب امه... لم ارد على السؤال ما زوغه ... لكن لاننى فعلا لم أرى اى فايده من الموضوع من اساسه كما ذكرت قبلا و التعليق الجاب الهوا و الزعل ده كان فقط يعبر ويعكس ما اكن "لحزب الصادق"!!!! كان ممكن اسأل طيب انتو جيبو دليل انها كانت حزب امه... و نقعد نلف طاحونه... و تجينى اجوبه ذى البينه على من ادعى ... والله على ما اظن انها اتقالت مرفقه مع طلب الأدلة و البراهين الدامغه من شخصى الضعيف


تخريمة: شباب حزب الأمه و اخص لنا مهدى حزب الصادق دى ما تكون زعلتكم خليكم ديمقراطيين يا اخونا/تنا

Quote: تخريمة: شباب حزب الأمه و اخص لنا مهدى حزب الصادق دى ما تكون زعلتكم خليكم ديمقراطيين يا اخونا/تنا

يا حبيبة هو إسمو حزب الأمة والرئيس ذاتو زميل

Quote: كيف يعلم الطالب/ة ان فلان/ة ت/ينتمى لتنظيم سياسى معين؟؟؟ هل تنشر التنظيمات السياسيه فى الجامعات قوائم عضويتها حتى يعلم الطلاب و الطالبات من ينتمى لها؟ و الا كيف؟ اذكر فى ذلك البوست ان طلب منى ان أأتى بأدله و براهين ان رباح لم تكن حزب امه... لم ارد على السؤال ما زوغه ... لكن لاننى فعلا لم أرى اى فايده من الموضوع من اساسه كما ذكرت قبلا و التعليق الجاب الهوا و الزعل ده كان فقط يعبر ويعكس ما اكن "لحزب الصادق"!!!! كان ممكن اسأل طيب انتو جيبو دليل انها كانت حزب امه... و نقعد نلف طاحونه... و تجينى اجوبه ذى البينه على من ادعى ... والله على ما اظن انها اتقالت مرفقه مع طلب الأدلة و البراهين الدامغه من شخصى الضعيف

أنا وقتها ما زعلت منك لكن تعجبت لورود معلومات أن رباح بالجامعة لم تكن حزب أمة..ربما لم يكن لها نشاط أو ربما كان لها نشاط لم ندر به لكني طوال الوقت كان في بالي أنها كانت حزب أمة..لذلك طالبتك بالدليل وكنت أقصد بالدليل مثلاً أن تكون نزلت إنتخابات في قائمة تضم عضوية تنظيم آخر أو تحدثت رسمياً في ركن أو ندوة باسم طلاب تنظيم غير تنظيم حزب الأمة في الجامعة أو غيره و قطعاً ما طالبتك بإحضار صورة من بطاقة عضويتها في تنظيم ما
وانتي يا سهام مرقتيني بي شارع المعونة و دخلتيني بي نادي التحرير و ما جاوبتيني
والحقيقة كنت مفروض أسأل كوادرنا الطلابية الكانو في نفس الوقت في ج الخرطوم لأن بداية معرفتي بأعضاء التنظيم في ج الخرطوم كانت 89 يونيو ولا أدري عن الفترة قبلها إلا الكوادر التي كانت فاعلة جداً و قيادات التنظيم منذ تأسيسه و حتى 1989م

لنا

طيب وقت انت فهمت انو اتحول إلى: لومك وصلنى بدري

الحشرك شنو؟

تالتن و لا كيف؟


واصلي يا سهام .... ملاسي بحب الونسة و عدم اللوم


انا غايتو متابع

Quote: الحشرك شنو؟

حشرني الحشرك يا بوي.

تم اختزال:

Quote: مكتبة البيت العمرانه

و:

Quote: كمان دخل فيها عامل تنظيمى... اشتركت فى كل المظاهرات التى قادها طلاب و طالبات جامعة الخرطوم الشرفاء.. اكتويت معاهم باغتيال بشير التايه سليم... حضرت معاهم رصاص الصادق "الديمقراطى؟!" فى مظاهرات السكر... تابعت تفاوض التحالفات ...

ل:

Quote: لومك وصلنى بدرى

_____
عليكم النبي دي حالة دي

واصلي يا سهام ... اللايوق ملاسي فطيهو بس ..... قدر بس

أنا راضي ذمتك يا عصام .. عليك الله أصبت
بالإحباط من "لومك وصلني بدري" أم لم تصب ؟!!

غايتو جنس غايتو
انتي يا سهام تقول لي الفيك اتعرفت عشان جبت سيرة عقد الجلاد و صداح الغنا المكتوم


طيب انتي ما اهندا جبتي سيرة البحر كلووووووووووووووووو


كسرة :
جيراننا ديل مالك عليهم

Quote: حضرت معاهم رصاص الصادق "الديمقراطى؟!" فى مظاهرات السكر

سأعود لأحدثكم عنها في ذلك النهار ـ الديمقراطي الغاشم ـ وهي تتبخر بالبمبان رغم الأزمة التي تفتك بصدرها فتقترب من الموت وترفض التراجع

أمجد من ديك وعيييييك ..
ياخ تخلينى تانى يوم اقعد افتش المنبر ده حته حته افتش فى البوست الوعدت انك تنزل فيهو الاغنيه
ياخ ده كلام ده

عصام انت بس خليك متابع

يعني يا سهام تذكري الاقتصاد

لا تجيبي سيرة ندي الاسد ولا زلفي اختها

ولا اماني حسن ولا مها زكريا

اتلومتي واتكومتي

الصاااااااااااااااااااوى ويييييييييين ياخ
شوفت ونسة الجيران دى كيف؟؟!!!!!

بالمناسبه انت وعصام فى القائمة بتاعة المرجفين و المرجفات... وش ضاحك وغامز و اى حاجه ....بس مشتاقين
خليك قريب يا حبيب



لنا مهدى يا حبيبه ...سلام جاك و ما خلاك
اها بجيك راجعه بى مهله هسه انا انطردت من قدام الجهاز... طردنى منو؟؟ اسيادى التلاته طبعا
بعدين هو زاتو جهازهم ماوسو ضارب و متعب زيهم

يا خليل يا ....
مالك طنشتنى فى بوست اليوم الحار... والا وجعك كلامى... حىىىى انا ليت الزمان يعود يوما
كان ذى بوستيك ده حرمك من خلط جكس الاقتصاد شهور و دهور ... و لتلقتك ملائكة شداد غلاظ على الكافرين فى اللفه

يا شكر شديييييييييييييد على الاغنيه انا لى دشليون سنه ما سمعت عمر بانقا

أها .. بعد لومها وصلك .. حصل شنو ؟!
أوع تكون القصة انتهت على كدا

Quote: مالك طنشتنى فى بوست اليوم الحار... والا وجعك كلامى... حىىىى انا ليت الزمان يعود يوما كان ذى بوستيك ده حرمك من خلط جكس الاقتصاد شهور و دهور ... و لتلقتك ملائكة شداد غلاظ على الكافرين فى اللفه

سهام المجمر

والله رديت ليك رد جميل المخبر في اليوم الحار

اها كيف ولدنا محسي

العزيزه لنا سلام و تحايا

Quote: وانتي يا سهام مرقتيني بي شارع المعونة و دخلتيني بي نادي التحرير و ما جاوبتيني

الدنيا زايله و قصيره و العمر ما معروف
وانتى محتجه على المشوار على الكم كيلو ديل ... المعونه من التحرير ما تكله بس
لكن كدى بينى و بينك شوفى المفارقه السياسيه فى اسماء المكانين ديل
صحى بلد عجيب و السياسه فيهو اعجب؟؟!!!!!!!!!!!!!!

يا لنا يا حبيبه نحن مصابنا كبيييير... لكن راجعه
الله يمد فى ايامنا

*

اها انا يا عزيزتى طبعا لم تكن لدى قوائم التنظيمات .. و لكننى مثل بقيه الطلاب و الطالبات ... كنت اعلم من ينتمى لأى من التنظيمات من نشاطه السياسى ... كما كادر خطابى معروف ...نعرفو من مشاركته لصالح تنظيمه او تحالفاته فى انتخابات الروابط و الاتحاد ... و كمان بنعرفو من مشاركته فى الفعاليات السياسيه المختلفه الخاصه بتنظيمه..قولى مهرجانات ..احتفالات..ندوات .. انشألله كان بيساعد فى تثبيت الجرائد الحائطيه لتنظيمه ...و الا الملصقات...ثم لا تنسى انتخابات الاتحاد و السباق المحموم... كنا بنشوف كوادر الاحزاب المختلفه تعمل بهمه و نشط من اجل كسب اصوات الناخبين .. كانت معظم التنظيمات لا تعتمد على الدعاية الانتخابيه فقط و لكن ايضا على عمل عضويتها وسط الناخبين كافراد .. وقد تصل احيانا الى ان يصل مع الناخب/ة حتى غرفة التصويت للاطمئنان على اتمام المهمه.. كنا نرى كل ذلك و اكثر من ذلك نعرف من صوت من الناخبين لمن!!! الجامعة دى كانت دنيا يا دفعة
وللأذيدك اكثر الطلبه المنظمين احيانا كنا بعرفو الكوادر السريه لبعض التنظيمات!!!!!!!!!!!!!!

*

طوال لفى المدور فى دروب الجامعه يشهد الله يا رباح انى ما لاقيتك لا فى ركن سياسى مستمعة و الا متحدثة و الا معقبة... لا فى مظاهره (قد تكونى شاركتى و انا و الناس السألتهم قبل ما اكتب البوست ده ما شفناك) .. لا فى حملات التعبئه الانتخابيه ... لا فى مفاوضات التحالف.... كل ما اعرفه عن نشاط لك هو انك كنت تصدرين صحيفه حائطيه خاصه بك و بتعلقيها فى كافتيريا هندسه ... غير كده ما اظن بعرف حاجه...
اذا اتفقتى معاى على الكلام الذى جاء فى اول البوست عن تصنيفات العضوية الحزبية و دورها ....والله الا تكونى كنتى كادر سرى!!!!!!!!!!!!!!

Quote: كل ما اعرفه عن نشاط لك هو انك كنت تصدرين صحيفه حائطيه خاصه بك و بتعلقيها فى كافتيريا هندسه ... غير كده ما اظن بعرف حاجه...

هم:
وهم:


برضو سيرة ذاتية:
بعد أن شهد شاهد ما أهلها..





الشكية لغير الله مذلة..

عبدالرازق

Quote: هم: وهم: برضو سيرة ذاتية: بعد أن شهد شاهد ما أهلها..

ما فهمت ؟؟؟؟؟؟؟؟!!!!!!!!!!!!!!!
ممكن تشرح لى و الا ما عندك وقت

____________________________________________
صحى الشكية لغيرالله مذله و نعم بالله و لااله الا الله و الدوام لله

Quote: طوال لفى المدور فى دروب الجامعه يشهد الله يا رباح انى ما لاقيتك لا فى ركن سياسى مستمعة و الا متحدثة و الا معقبة... لا فى مظاهره (قد تكونى شاركتى و انا و الناس السألتهم قبل ما اكتب البوست ده ما شفناك) .. لا فى حملات التعبئه الانتخابيه ... لا فى مفاوضات التحالف....

ليت الزمان يعود القهقري؛ لتشارك السيدة رباح السيد الصادق في الأركان
السياسية و المظاهرات؛ لتراها سهام المجمر؛ على أن تستخرج منها شهادة بذلك!

_____
منها أو من الناس الممكن تسألهم!!

*

نظرية سهام المبنية على افتراض أن الممارسة السياسية لا تكتمل إلا بالوقوف
في أركان النقاش و المشاركة في المظاهرات الطلابية و غير ذلك من ترهات
المراهقة السياسية؛ نظرية يجب أن تدرس في كافة أقسام العلوم السياسية.

..
.
كدى انسانا من افتراضات سهام فى المممارسة السياسية
واركان النقاش ومنشورات توزع فى الخفاء
انت .. مالك بقيت لوام كدا ؟؟



______________

سهام دى _ لوسمحت _ أرخيها اصلا بتكره امدرمان

Quote: سهام دى _ لوسمحت _ أرخيها اصلا بتكره امدرمان

اتفاقنا في الثوابت - يا تبلدينا - لا يعني أن لا نختلف في التفاصيل

Quote: سهام دى _ لوسمحت _ أرخيها اصلا بتكره امدرمان

تبلدينا

بتعرفنى قدر ده

يازول مسموح ليك تعال اللمه