أنا غايتو من الربرتاج الفوق دا فهمت أنو الجينة دي من زمن اللنغليز وكان بشرب منها اللمام المهدي مع الحيران وحبوبتو بت حسين الله يرحمها كانت بتسوي فيها القهوة للــلمام المهدي . والكلام الكان بين السيدة وصال وبين المذيعة النجاضة دي كان بعيد من السياسة وعرفت أنو ربما الترابي عرس المره دي عشان اسم أسرتها ... وعرفت من خلال كلام السيدة وصال أنو في واحدة "مره يعني " ركبت مع عمر ولدها وقالت ليه سمعت يا ولدي بود الترابي وقام عمر أتغابي العرفة "يعني عمل فيها مابعرفو" . وقال ليها لا ماسمعت بيه . والمسكينة ماعارفة الزول الركبت معاه دا منو . قامت المره الركبت مع عمر دي فتتوا ليك قرض وقالت ليه قالوا ود الترابي دا عندو عربات في الموقف بتاع بيتو كل مايلبس قميص لون يركب عربية بنفس لون القميص . وعرفت من السيدة وصال إنها كان لازم تمتحن المعادلة وعرفت كمان أنو اللقاء حيكون اجتماعي وثقافي .. بس ماعارفو متين والله . لكين أخواني اللعزاء الشئ الـ ماقادر يدخل لي في مخي التخين دا أنو المره الركبت مع عمر ولدا دا لاقاها وين وركبت معاه وقالت ليه الكلام دا . أما المزه الفي نهاية الفيديو دي ماعندكم بيها شغلة .
محمد عمر حسن الترابي .. (أدب , وإحترام وحياء العزارى ) زي مابقولوا ..
عانى منذ طفولته حيث أنه لم يتمتع بطفولة طبيعية (كانت أمه معتقلة من قبل نظام نميري وهو رضيع ) ..
ولا تبدو عليه آثار الثراء خالص ..
ومغترب في الإمارات زي حلاتنا كده ..
___________________________________
وهذا لا يمنع أنه أبيه هو المسئؤل عن كل جرائم النظام السابق منذ مقدمه , وهو أسوأ شخصية سياسية في تاريخ السودان المعاصر , وهو مسئؤل قبل البشير في كل معانته وتعانيه البلاد والعباد ..
أما (محمد عمر ) .. فهذا أمر آخر ..
عاطر تحياتي ..
___________________
التعديل لإستبدال كلمة (النظام السابق) بالنظام الحالي ..
كمال يالذيد .. مساء الخيرات والليرات ياريت لو إتمكنت من متابعة التسجيل .. وبلغ سلامي لي .. محمد عمر حسن البشير دا قول ليه عصام ود أم مريوم بسلم عليك
ــــــــــ وتحياتي لمعشر الغاووون ناس ود الصايم وأبارو وبالمرة أسال لي العوض قول ليه خليل لقيتوه ولا لسة
Post: #9 Title: Re: قالوا ود الترابي كلو قميص عندو ليه عربية Author: كمال علي الزين Date: 06-03-2008, 06:39 PM Parent: #8
Quote: كمال يالذيد .. مساء الخيرات والليرات ياريت لو إتمكنت من متابعة التسجيل .. وبلغ سلامي لي .. محمد عمر حسن البشير دا قول ليه عصام ود أم مريوم بسلم عليك
يوصل يا (عصام ود أمريوم) بس ما تختا لينا ده مع داك ..
(محمد عمر ود حسن الترابي) , إنشاء الله ولادة السرور , (أبوهو أبو الياباك طبعاً )
Quote: وتحياتي لمعشر الغاووون ناس ود الصايم وأبارو وبالمرة أسال لي العوض قول ليه خليل لقيتوه ولا لسة
الغاوون بجوك أسي براهم (بشم سيرتم الله يقطعهم) ..
أما (العوض) أخوي , فحا يرجع من خلا دارفور بعد ظهور خليل ..
مشى هناك عامل حملة بحث عن خليل كلفتو الشي الفلاني ..
طمعان في الجايزة , وعاوز يسكت (عمتك سارة عيسى) باقي شالت حالو
