سوف أفضحك على الملأ أيها الطرطور

سلمت سلمت ..
خايف كنت ما يسلم قلب مفصود
حلمت حلمت ..
قبلك كنت لا بحلم ولا موجود..
معاك بحلم
كأني علي فرس طاير
أغني علي وتر مشدود
وأطير عبر السماء المدود
سماء الوطن اللي مالو حدود
حمامة جناها لا خايف ولا مفقود..
وأفر الغيمة خيمة علي النجم و ارتاح
أصادف أجمل الغابات
وأصادق غصنك الفواح
واشرد من زوايا القلب جنبك آخر الأشباح
وتفتح كلمة من عينيك لي مجرى الغنا المسدود
وأخت أسمك علي باب الزمان أكليل
وردة صبية تلمع فوق صدير النيل
وباسمك أغني لعالم بسيط وجميل
وانادي عليك
ملاذا في شتا الأيام
وبرداً في الحياة وسلام
وفي شدة هجير وزحام
جزيرة حنينة
بين نهرين حنان ألقاك عليك اتلم
وهودج في صحاري الهم
وعالي نخيل عليك اتلم
وفي السكة اللي ما بتعود
معاك لآخر المشوار
أغني علي وتر مشدود..

وبينى وبينك الضحكة ورحيق الشاي
وطعم الخبز والسُتْرة ومساء النور
وعمق الإلفة بين النهر والنخلة وغناء الطمبور
وصدق العُشْرة بين الأرضِ والإنسان
وبيني وبينك الفكرة
وجمال الذكرى
والنسيان
وحسن الظنْ
ومشوار الحيا اليوماتى
ما بين الجبل والسهل..
ما بين الصعب والسهل
عزّ الليل..
وفى سكّة مطر بكّاي
فلا هماً تشيلى براكْ
ولا جرحاً أعانى براي
ولانا على بعض نمتنْْ
***
وتزعلى يوم.. وازعل
وننفعل مرات
تقبّلى منّى..
واتوسّد ضُراعى سكات
وفينا حنينة
تتشابك مودة..
تشابك الغابات
ونحن اذا اختلفنا سواء
بنطيع الصاح
ولو بتنا القوا بنرتاح
اذا تمن الملح والعيش..
رُضا الشمّاتْ
***
وتتكى سنبلاية على ضراعي واميل
كأني غناء الطفولة العذبْ
كأنّ الدنيا طي القلبِ والمنديل..

التحية الصادقة لشاعر الشعب محجوب شريف
ومثلها لفنان الأمة السودانية محمد وردي..

الطرطور الذي أعنيه
هو العشق الذي ظل يتبعني كظلي..
فأردت أن أفضحه على الملأ
أعتذر للذين خاب ظنهم ..
وأرحب بالجميع في هذه الواحة الوريفة..

تسلم يانصر الدين

انا قلت.. انت قاصد صاحبنا
الذى دائما قادينا الهلال وما ادراك ما الصفر الكبير
المريخ واما ادراك ما الصفاقص اللابس الحرير
عموما رفنا لك البوست

ليت كل الطراطير مثل طرطورك يا نصر الدين
والتحية عبرك لشاعر الشعب محجوب شريف
ولفنان الشعب محمد وردي ولاخونا ابو قوته عاشق
الهلال والشعب .. لقيتني كيف يا ابو قوته!!

Quote: ليت كل الطراطير مثل طرطورك يا نصر الدين والتحية عبرك لشاعر الشعب محجوب شريف ولفنان الشعب محمد وردي ولاخونا ابو قوته عاشق الهلال والشعب

عوداً حميداً يا هاشم ومرحباً بك
لو كان كل الطراطير مثل هذا الطرطور لكنا أوقفنا
حرب داحس والغبراء التي تسيطر على البورد وحلت
محلها ثقافة السلام والمحبة والجمال.
أحييك وأحي معك أبو قوتة عاشق الهلال والشعب.

Quote: تسلم يانصر الدين انا قلت.. انت قاصد صاحبنا الذى دائما قادينا الهلال وما ادراك ما الصفر الكبير المريخ واما ادراك ما الصفاقص اللابس الحرير عموما رفنا لك البوست

حبيبنا أحمد ود الصديق
صاحبنا العبيط ما بستاهل أكتب فيهو حرف
خليهو يموت بفوبيا اسمها الهلال..
ضحكتني بحكاية الصفاقس اللابس الحرير..

الحبوب ود التبخ
سلامات يا روعة
وشكرا لك يا حبيب على القصيدة الجميلة
انا غايتو مرات بتخيل انو محجوب شريف دا
بيكتب قصايدوا بي (الألتا) في رواية الألتي- يعني شدة ما طاعمة
ثم..
اها كيف حال الطرطور بعد ما فضحته..؟
ان شاء الله يكون اتلم..؟
غايتو جنس طراطير
الله يطراك بالخير يا هناية من الزمن الجميل..

حبيبنا نصر الدين
يسعد الله أوقاتك وأيامك
يا أيها المرهف






















يصرون على انها قصيدة محجوب شريف
وأصر غلى أنها لعمر الطيب الدوش

Quote: يصرون على انها قصيدة محجوب شريف وأصر غلى أنها لعمر الطيب الدوش

حبيبي في موضع الجمال بلاقيه
حبيبي في الله والوطن والهلال عمر القردابي
حبابك يا رجل يا نبيل..
وأرجو أن تكون استمتعت بهذا الكلام المعبر الجميل..
محجوب شريف والدوش شاعران لا يفرّق بينهما سوى الاسم
فكلاهما شاعر في مدرسة الشعب وكلاهما ندين له بالكثير
لكن قصيدة وردة صبية أو (وتر مشدود) من شعر م شريف..
التحية لك ولجميع المبدعين.

Quote: الحبوب ود التبخ سلامات يا روعة وشكرا لك يا حبيب على القصيدة الجميلة انا غايتو مرات بتخيل انو محجوب شريف دا بيكتب قصايدوا بي (الألتا) في رواية الألتي- يعني شدة ما طاعمة ثم.. اها كيف حال الطرطور بعد ما فضحته..؟ ان شاء الله يكون اتلم..؟ غايتو جنس طراطير الله يطراك بالخير يا هناية من الزمن الجميل

العزيز عادل فضل المولى
سلام وشوق شديد،،

يستمد شعر محجوب شريف حلاوته وجماله من صدق صاحبه،
فمحجوب شريف شاعر صادق لا يكتب لغير الوطن والشعب..
أقام أصدقاؤنا في منتدى نادوس بالشارقة ليلة ثقافية
استضيف فيها محجوب شريف عبر الهاتف من الخرطوم.
أول ما فعله أنه اعتذر للناس عن كتابته لقصيدة
يا حراسنا وفارسنا وعزاها أنه كتبها في مرحلة شباب
والشباب يصحبه الحماس وأنه نادم على كتابتها..
قلت في نفسي: سبحان الله.. محجوب شريف يعتذر عن قصيدة
وغيره يرتكب الجرائم والمحارق بقلب بارد.
سيكون شعر محجوب شريف غريباً إنْ يكن طاعماً يا عادل..
أجمل الشعر هو الذي يكتب بعرق الغلابة ويخلط
بنكهة طيبة وتلقائية الناس.
إن كان الله سلّط علينا من لا يخافونه ولا يرحموننا،
فإنه أيضاً أرسل إلينا محجوب شريف ومحمد وردي
وهذا لطفٌ منه في قضائه وقدره..

تخريمة:
شفت صورتك (ذات الصلعة) مع بورداب الخرطوم
فعشان كده بقيت اتحسس من مداخلاتك معاي..
ياخ نحن لسه شباب ما تجيب لينا كفوة ..

الحبوب نصر الدين
تحيات ياحبة

Quote: شفت صورتك (ذات الصلعة) مع بورداب الخرطوم فعشان كده بقيت اتحسس من مداخلاتك معاي.. ياخ نحن لسه شباب ما تجيب لينا كفوة ..

وين حنهرب منو وين...؟
هي الصلعة براها..
دا الشيب اشتعل برضو والدقن بقت بيضاااااااااء
والبركة في صورة العيال ديل، الواحد يقشر بيهم لحدي ما يلقى محل صبغة دقن وزراعة صلعة
وتسلم..
يا..
ابو الشباب..

Quote: هي الصلعة براها.. دا الشيب اشتعل برضو والدقن بقت بيضاااااااااء والبركة في صورة العيال ديل، الواحد يقشر بيهم لحدي ما يلقى محل صبغة دقن وزراعة صلعة

صلعة وشيب راس ودقن ده إنذار ليك بأن إلزم خشمك وعنقريبك.
بعد كده يا عادل فتش عن صورك القديمة وركز على أغاني الحقيبة..

نكتة لابد منها:
قبل أسبوعين أخدت حازم ولدي (سنتين ونص) إلى حلاق هندي
بعد الولد قعد في الكرسي عشان يحلق، الحلاق سألني: يريد قص شعر؟
قلت ليهو : نعم يريد قص شعر
فسألني الحلاق مرة تانية: لحية؟

والله انا جبت السكاكين وكل الاسلحة الهجومية
للدفاع عنك












الجاتك فى قصيدة سامحتك

Quote: والله انا جبت السكاكين وكل الاسلحة الهجومية للدفاع عنك

عصام علي يا اخ مشتاقين وسائلين عنك
وعوداً حميداً بالسلامة من بلاد التماسيح..
مشكور على الدعم وعارفك شيال تقيلة
وكاتال في الخلاء وعقباً كريم في البيت..
لك صادق المودة..

Quote: والتحية عبرك لشاعر الشعب محجوب شريف ولفنان الشعب محمد وردي

تعرف
يا نصر
اول بوست اقراهو اليوم هو البوست ده
وقلت صباح شنو ده البدا بي مشكله مع نصر

لكن لقيت حاجه جميله تانيه
سلام
ونتواصل

اكثر ما مس روحي فاتقدت بيت صغير لمحجوب شريف ... اراهن علي انه قاله كما لو انه يفعل شيئاً اخر!!!

"كل الجروح بتروح
الا التي في الروح"

**

Quote: اكثر ما مس روحي فاتقدت بيت صغير لمحجوب شريف ... اراهن علي انه قاله كما لو انه يفعل شيئاً اخر!!! "كل الجروح بتروح الا التي في الروح"

عندما تقرأ لمحجوب شريف تحس بأنه يكتب بالنيابة عنك،
وكما قال فجروح الجسد قد تندمل مع مرور الايام ولكن
جروح الروح ليس لها شفاء..
لك الشكر على المرور يا مدثر..

Quote: تعرف يا نصر اول بوست اقراهو اليوم هو البوست ده وقلت صباح شنو ده البدا بي مشكله مع نصر لكن لقيت حاجه جميله تانيه

تحياتي يا مهدي وعساك بخير
الحمد لله إنك لقيت حاجة تانية جميلة.
وتأكد بأنني لن أفتح بوست لأشتم إنسان
مهما كانت درجات الخلاف..
المنبر ما ناقص مشاكل يا دكتور..
في انتظار مفاجآتكم..