Post: #2
Title: Re: جيبوا لي حقي من ادم الهلباوي
Author: هويدا شرف الدين
Date: 06-02-2008, 07:11 AM
Parent: #1
اها ذي ما كلكم قريتو من امبارح لليله بفتش في محل حدق سنتر ما لاقياهو وهسع انا دايره تعويض عن التعب واللف وراضيه بي حكمكم عليه وعلي
|
Post: #3
Title: Re: جيبوا لي حقي من ادم الهلباوي
Author: عادل سهل
Date: 06-02-2008, 07:22 AM
Parent: #1
بت شرف الدين ســـلام
يأخى الهلباوى دا أكرم راجل وألطف راجل
إستضافك وفرش ليك الورود والرياحين وإستقبلك من السعودية فى نيالا
حق شنو تانى عايزاه منه
يا الهلباوى يأخى ما ضبحتوا للبت دى ولا شنو
هويدا فهمينا الموضوع بالأول واللنك الرافعاهو ما فيهو الا كل خير وترحاب بيك فى نيالا
التحية لكل أهل نيالا تحفة الغرب الحبيب
شيخ العرب
|
Post: #4
Title: Re: جيبوا لي حقي من ادم الهلباوي
Author: هويدا شرف الدين
Date: 06-02-2008, 07:27 AM
Parent: #3
أيوه بس دا العاوزه اصل ليهو انو ادم دا في نيالا
المهم الزول دا قال لي امشي حدق سنتر ووصف لي وانا امبارح اليوم كلو لافه وتعبانه لغاية ما حفيت وما لقيت المحل دا لكن طالما قلتو لي انو في نيالا خلاص إطمانيت شديد والليله بصلو ليكم وخلوه كدي ما يضبح لي
|
Post: #5
Title: Re: جيبوا لي حقي من ادم الهلباوي
Author: A.Razek Althalib
Date: 06-02-2008, 08:18 AM
Parent: #4
الأخت هويدا..
صباح الخير..
| Quote: بفتش في محل حدق سنتر ما لاقياهو |
بعد مسجد الأنصار بمسافة 500 متر على يدكـ اليمين وإنت متجه شرقاً وغرب معهد إحياء نار القرآن
أضغطي على الأسهم الظاهرة على الخريطة بالماوس للتحركـ ..
عموماً أنا شاهد على هذا.. Re: أنا الآن في دارفور في نيالا
Quote: ثانيا : أمسكى شارع الضعين وابتدى من بنك السودان متجه شرقا على الزلط
وعندما تصلى محل إسمه ( حدق سنتر ) ريحى شوية وقولى ليهم الهلباوى بسلم عليكم
وقال ليكم تدونى هدية والهدية هي الكنز .. صفارة تيت ياالله ابتدى ...... |
إلا إذا رحلوا وبرضو حقكـ في ذمة آدم الهلباوي ..
وعد مني ..
بجيبو ليكـ من الهلباوي كان من الرياض هنا..
ولا كان من نيالا..
عموماً إتصلت عليهو الآن لقيتو طالع مشوار خارج الرياض.. [في منطقة الخرج]..
وبيقول ليكي أبشري يا الغالية حقكـ محفوظ..
ولامن يجي راجع بعد الساعة السادسة مساء حيرد ليكي..
عموماً عشان تكسبي زمنكـ من هسعي وأنا شاهد..
أداكـ البديل التاني: Re: أنا الآن في دارفور في نيالا
Quote: بعد السنما وإنتى متجه شرقا على الظلط وعلى مسافة 500 متر
تلقى لوكاندة نيالا على شمالك خلفها وعلى مسافة 200 متر مدرسة التغذية والفلاح
أسالى من المديرة الأستاذة ( جميلة ) بس وقولى ليها آدم الهلباوى من الرياض
وصانى اجيك عشان تعرفينى على مدينة نيالا وما عليك ... لكن لازم تزورى ( حدق سنتر ) |
ودي خارطة الطريق التانية: مدرسة الفلاح للتغذية
أضغطي على الأسهم الظاهرة على الخريطة بالماوس للتحركـ ..
والبيسأل ما بيتوه..
يلا نشد ساعد على المجداف يا الغالية..
|
Post: #6
Title: Re: جيبوا لي حقي من ادم الهلباوي
Author: ادم الهلباوى
Date: 06-02-2008, 07:53 PM
Parent: #5
هويدا يا أختى ده إسمو كلام ده .. عفو أنا الشافو خلو
على اليمين حقك يصلك على كفوف الراحة لو ما من هناك من هناعلى هاالطلة
إنتى كده بتشتمى في كأنى ما من أولاد نيالا البحير .. المهم الجماعة منتظرنك !!
يا ضيفنا لو زرتنا لوجدنا نحن الضيوف وأنت رب المنزل
إنتى ما سمعت ناس نيالا بقولو شنو : جيدا جيتو .. هي بس مدلول ومعنى
عموما يا هلا ومسهلة إنتى بس ما تشيلى هم لأنك بين أهلك وأحبابك
|
Post: #7
Title: Re: جيبوا لي حقي من ادم الهلباوي
Author: عبدالفتاح أبوشيمة
Date: 06-02-2008, 09:13 PM
Parent: #6
Quote: يا ضيفنا لو زرتنا لوجدنا نحن الضيوف وأنت رب المنزل
|
شوف يا آدمو ياولدي
بطل شغل المحاسبين
والكلام بتاع الشعر واللغة العربية؛ خليه ودايرين شي عملى
انت على مدار الشهر دا والشهر الجاي
مفترض تضبح كذا تور عشان تفوق ولدك على الأقل
الظاهر يا بتّي انت ما باركت ليه موضوع الولد
انتي باركي ليه وإن شاء الله خاطرك يطيب
بعد داك نحن المحاسبين اللي بيحسبوها بالمللّي ديل بنعرفهم ليهم
بنعرف حنزرّه كيفن
تحياتي لكم جميعاً
ولد آدمو
عملي عملييييييييييييييييييييييييي.
|
Post: #8
Title: Re: جيبوا لي حقي من ادم الهلباوي
Author: ادم الهلباوى
Date: 06-03-2008, 05:20 AM
Parent: #3
| Quote: التحية لكل أهل نيالا تحفة الغرب الحبيب |
اخى الكريم شيخ العرب / عادل سهل .. تحياتى يا محبوب
أشكرك يا اصيل وإنت برضو مرحب بيك فى نيالا مدينة الجمال
وحيكون الترحاب بك ببرتكولا ت خاصة بين أهلك وأحبابك ويا مراحب ...
|
Post: #9
Title: Re: جيبوا لي حقي من ادم الهلباوي
Author: ادم الهلباوى
Date: 06-03-2008, 05:28 AM
Parent: #8
أخوى / ود الطالب العزيز وغالى إنت مابتنقال وراك يا تمام الناقصة
يا أخو الاخوان يا قدح الضيفان الديمة بالخير ولأهل الخير ملان
يا سيد الشورة وسيد الراى يا شوك الكداد الفى القليب شواى !!
|
Post: #10
Title: Re: جيبوا لي حقي من ادم الهلباوي
Author: ادم الهلباوى
Date: 06-03-2008, 05:48 AM
Parent: #9
يا ود ابو شيمة الريدة ليك ديمه
Quote: بعد داك نحن المحاسبين اللي بيحسبوها بالمللّي ديل بنعرف ليهم
بنعرف حنزرّهم كيفن
تحياتي لكم جميعاً |
يا اسد البرارى يا سفر الجفا يا السيف المسلول ... الله يرضى عليك السيف رجعه غمده !
نحن فى موقف سلام ومحنة ووئام .. يا ود أبو شيمة السيف خلى لليوم داك ..........
بعدين يا أخوى ما قلت إنت هاوى ( عمم ) بالله عليك الله شوف شيخ العرب ود سهل ده
طاوى ( العمة ) دي كيف ما شاء الله عليه !!
لكم عظيم التحايا وعظيم الود مشكورين .............
أخوك وإبنك ( آدمو ) يا ود أبو شيمة
|
Post: #12
Title: Re: جيبوا لي حقي من ادم الهلباوي
Author: ود الباوقة
Date: 06-03-2008, 06:27 AM
Parent: #10
الاخت هويدا..
الهلباوي دا حقاني وما حقاني لكن اتعهد ان اطلع ليك حقك من الجزء الحقاني فيهو والباقي تلقيهو في الاخرة بعون الله ..
ود الباوقة
|
Post: #13
Title: Re: جيبوا لي حقي من ادم الهلباوي
Author: هويدا شرف الدين
Date: 06-03-2008, 06:40 AM
Parent: #12
ود الباوقة صباح الخير
ما بتقصر إن شاء الله يوم شكرك ما يجي اها انا منتظراكم
|
Post: #11
Title: Re: جيبوا لي حقي من ادم الهلباوي
Author: هويدا شرف الدين
Date: 06-03-2008, 06:23 AM
Parent: #1
بالله هو معرس وجابو ليهو ولد كمان ما شاء الله طيب شابكني في الماسنجر امشي تلقي الشبكة وما عارف ان شاء الله تعجبك دا كلو غش ولا شنو ولا عاوز يدبل -
العزيز ادم مبروك البيبي يتربي في عذك إن شاء الله وشكرا ليك كتير علي الشاكوش
|
Post: #14
Title: Re: جيبوا لي حقي من ادم الهلباوي
Author: ادم الهلباوى
Date: 06-03-2008, 06:54 AM
Parent: #11
| Quote: العزيز ادم مبروك البيبي يتربي في عذك إن شاء الله وشكرا ليك كتير علي الشاكوش |
هويدا يا اختى كان كده إنتى ما جايبه خبر كده ادخلى بوست ود الباوقة عنوانه :
ختام دورة طلبة الثانويات بالرياض وإنتى تعرفى حاجة أو أسألى العم ود أبو شيمة
هذا العم دايما متعاض لى فى حلقى وبيقطع لي فى ارزاقى .. بعدين خليكى واضحة عشان
ما تظلمينى ايه حكاية الماسنجر دى تتصورى عملتى لي لخبطة شديده هنا وبرجلتينى جنس
برجله .... قال شاكوش قال !!
|
Post: #15
Title: Re: جيبوا لي حقي من ادم الهلباوي
Author: هويدا شرف الدين
Date: 06-03-2008, 07:15 AM
Parent: #14
الغالي ادم
دا بس لزوم تغطية كدا من الشاكوش وتبعاته - اوعدك اني حا اخش البوست
مشكور
|
Post: #16
Title: Re: جيبوا لي حقي من ادم الهلباوي
Author: A.Razek Althalib
Date: 06-03-2008, 09:42 AM
Parent: #15
| Quote: اوعدك اني حا اخش البوست |
Re: ختام رائع للدورة الرياضية الثانية لرابطة الطلبة الس...ياض ( صور ولا اروع )
Quote: Quote: 
نعم هذا اللاعب الفنان هو ابن اخونا المشاغب الهلباوي ... لقــــــد قدم عرضا رائعا يبشر بامكانية الاستفادة منه في الهلال او المريخ . او اي فريق هنا في السعودية .. |
Re: الهلباوي:... أيام زمان [توجد صورة]..
Quote: لا حولالآلآلآلآلآه..
ده ما الهلباوي ذاتو..
بشحمو ولحمو أيام كان بيلعب لفريق التاج..
مرة شات ليهو فاول برة خط تمنطاشر لحق القون الإسعاف.. |
هذا الشبل (فانتوماس الصغير) من ذاكـ الأسد (فانتوماس)..
تشرف بإختياره مرتين للعب في منتخب السودان للشباب..
أمامه المستقبل واعد..
ربنا يحفظو.. |
تعرفي يا أخت هويدا بصفتي صديق أدم الهلباوي..
لقيت أم وليداتو حنبكت جنس حنبكة..
لو لا تدخلنا كأجاويد..
وجبنا ليها البينة دي: Re: أنا الآن في دارفور في نيالا
| Quote: قلت ليها انا معرسة |
قلت الناس الدواخلها نضيفة زي الأخت هويدا دي..
الله راضي عليهم.. وسوقهم قايم من قولة تيت..
وما بيحتاجوا لدعاية..
وفي الآخر بتقول ليكـ العفو والعافية على سوء الظن..
هسعي..
خليتهم ليكـ بيجهزوا حالهم وبيرتبو في بيتم عشان قال قناة الشروق جاياهم يعملوا لقاء مع الأسرة بخصوص فوز ولد آدم الهلباوي بجائزة أحسن لاعب كدعاية لرفع أسهم اللاعب في بورصة الأسواق العالمية وقامو عزموني..
قلت ليهم 10% كشاهد على العقد من سعر البيع من هسعي..
الواضح ما فاضح .. وعشان الحلوين ناس نيالا البحير (نقصر عمر غربتنا)..
قاموا وافقوا بكل أريحية خليكـ شاهدة..
عشان بعدين ما يقولوا لي..
اليعملوها الصغار يقعوا فيها الكبار..
فوق..
لأجل إصلاح ذات البين..
|
Post: #17
Title: Re: جيبوا لي حقي من ادم الهلباوي
Author: هويدا شرف الدين
Date: 06-03-2008, 11:49 AM
Parent: #16
الأخ
عبد الرازق الطيب
مشكور يا غالي وتحياتي لزوجة ادو واولاده وانا الليله مشيت وقابلت اختو الاستاذة جميلة والله سررت جدا بي معرفته ووعدناها بالزيارة وكمان طلعت بتعرف الزول المشي معاي وهو كان ضابط سابق بالجيش وإسمو الدومه إسحاق وهو زميلي في المكتب ومن اعز اصدقائنا والله سعدت جدا بالتعرف بإخت أدم وان شاء الله وعدتها بتسجيل زريارة لأسرتهم
|
Post: #18
Title: Re: جيبوا لي حقي من ادم الهلباوي
Author: A.Razek Althalib
Date: 06-03-2008, 12:51 PM
Parent: #17
| Quote: مشكور يا غالي وتحياتي لزوجة ادو واولاده |
لا شكر على واجب يا الغالية..
وتحياتي عبركـ لسعادة الدومه إسحاق مع التقدير لكل أهلنا بنيالا البحير....
وللأخته (جميلة الروح) السيدة المدير الجليلة جميلة..
وللأسرة الكريمة..
تحياتكـ وصلت عبر صديقي آدم الهلباوي.. 
|
Post: #19
Title: Re: جيبوا لي حقي من ادم الهلباوي
Author: ادم الهلباوى
Date: 06-03-2008, 04:53 PM
Parent: #18
الأخت هويدا .. تحياتى وإحترامى
اها أختى أدتك الشيلا وله لا ؟
عشان ما يفوتك شئ من تراثنا قولى ليها أنا نفسى اشوف ( ابو قذه ) وأمشى معاهو ( فرنقبية)
وعشان بوستك ده تزداد قيمتو الآن ناقص صور عليه دايرك تمشى إذاعة نيالا وتسألى من المهندس
سعود اولا عرفيه بنفسك وقولى ليه آدم الهلباوى قال ليك تسلفنى كمرة تصوير عشان تنقلى لينا
صور خارطة الطريق الرسمتها ليك ن قبل وبعدين خليهم يدوك الجناين وكمان لازم تزورى غابة
النيم وخليهم يعملوا ليك الاحتفال ب ( أبو قذة ) فى صالة كبار الزوار بمنتزه غابة ( النيم )
وخلى المرة تكون صادقة زى صدقك ده ونحن فى إنتظارك يا طيبة .....
|
Post: #20
Title: Re: جيبوا لي حقي من ادم الهلباوي
Author: عبدالفتاح أبوشيمة
Date: 06-03-2008, 05:47 PM
Parent: #14
شاكوش قال
كدا يا ولدي يا آدمو ؛ وأنا ختيتك فوق عشان عمّتك دي حتى لو صفراء؛ وعشان محمد اللي حيرفع راسنا فوق؛
تقوم انت داير تزعل لي أم محمد؛
وبعدين تعال شنو لغة التهديد الجديدة دي؛ كدا انت حتخلينا نهتفا بي جلالات؛
اليوم الحار ما بندار ضرب النار دير لو رجال؛
ما تقعد تحسّب حساباتك؛ أنا ما بتكلّم في السياسة الشينة حقّتكم دي؛
حكاية الجلالة دي كانت قبل كم وعشرين سنة في ملعب رعاية الشباب في الملز؛ وهي الكورة الوحيدة اللي دخلتها في ملعب في السعودية؛ وكان البطل الوحيد فيها الجمهور السوداني اللي ما خلّى الجلالة دي مدة التسعين دقيقة على الرغم من إنو كان مهزوو وووم تلاتة صفر؛ والأهداف التلاتة جايبها ولد واحد سوداني؛ الولد اسمو ماجد عبدالله؛
ذلك يوم لا ينسى البتّة.
الجلالة دي بقولها لي محمد يشدّ حيلو وانت تشجعو لينا؛ عشان يسد
لينا التار؛ أما انت وأحلام ظلّوط الخلّية دي؛ فدا عشم ابليس في الجنّة.
عليك الله شجعنا لينا الولد دا؛ وكيّة ليك أها تاني مبروك.
وتحياتي لي ست البوست الظريفة.
|
Post: #21
Title: Re: جيبوا لي حقي من ادم الهلباوي
Author: حليمة محمد عبد الرحمن
Date: 06-04-2008, 10:05 AM
Parent: #20
هويدا كيف حالك؟
غايتو مادام وصلتي جميلة.. يبقي قررررربتي للميس..
وميس ناس اخوي الهلباوي دا.. ما نيالا بس..
ميسهم هناك عد الفرسان..
بالمناسبة الهلباوي دا ود شيوخ والده وكيل عموم نظارة بني هلبة،
اها يا هويدا عشان ما تفوتك عظمة الرجال..
خلي جميلة تكلم ليك الوكيل عشان يودوك عد الفرسان ، عشان تشوفي الخيل
والعز الما خمج.. دي وصيتي ليك ما ترجعي الخرطوم ساكت خالية الوفاض
ولا شنو؟؟
الوصىَ بالمهلة...كمان ما تنسي اختك..
|
Post: #22
Title: Re: جيبوا لي حقي من ادم الهلباوي
Author: A.Razek Althalib
Date: 06-05-2008, 09:28 AM
Parent: #21
Quote: لازم تزورى غابة
النيم |
ضاحية دوماية ..
السريف ..
رمالية ..
غابة كندوة..
وشديدة الشديدة.. 
|
Post: #23
Title: Re: جيبوا لي حقي من ادم الهلباوي
Author: ادم الهلباوى
Date: 06-05-2008, 09:57 AM
Parent: #22
العزيزة الغالية بنت الأصول
الأستاذة الصحفية النابغة / حليمة عبدالرحمن
وينك يا أستاذة ووين زوجك المحترم عندى الباشمهندس / مصدق
ووين أولادك الحلوين تحياتى لهم جميعا وأتمنى لك ولأسرتك الكريمة الصحة والعافية
إنتى أكثر من أخت وكم تمنيت لو سجلتى لينا زيارة فى نيالا البحير عشان تشوفى أهلك
وأحبابك ناس دارفور ولا زلنا نذكر لك مواقفك القوية الشجاعة والمثابرة أنت وأسرتك
الكريمة ورب الأسرة الباشمهندس / مصدق فى وقفتكم القوية مع حملة ( أنقذوا وليد دارفور )
وأبشرى بالخير خليها هي بس تاشر وبعدين عدالفرسان واهل عد الفرسان طوع بنانه :
بنى هلبة نحن عربا زينين أهل جود وقامات
أوتاد الشدائد البثبتوا الرايات
غياثين الملهوف وقت الدموع سايلات
ركابين سوارى الخيل البهبهبن طايرات
خيلنا عصارات خيلنا غوارات كضاب السبقهن فات
من زمن الجهاد لنا النصر عادات ..............
والغ الف مرحب بكم جميعا فى دارفور عموما وما عد الفرسان إلا جزء من ذلك الاقليم العظيم .
|
Post: #24
Title: Re: جيبوا لي حقي من ادم الهلباوي
Author: ادم الهلباوى
Date: 06-05-2008, 12:53 PM
Parent: #23
أخى الكريم / ود الطالب ... تحياتى وفائق إحترامى
يا شديد إنت وأندر كمان يا بتاع الرحلات يأ لذيذ يارايق !!
|
Post: #25
Title: Re: جيبوا لي حقي من ادم الهلباوي
Author: A.Razek Althalib
Date: 06-07-2008, 11:55 AM
Parent: #24
| Quote: يا شديد إنت وأندر كمان يا بتاع الرحلات يأ لذيذ يارايق !! |
>>
..
.
كانت لنا أيام..
سمحة العافية..
|
Post: #26
Title: Re: جيبوا لي حقي من ادم الهلباوي
Author: A.Razek Althalib
Date: 06-08-2008, 07:25 AM
Parent: #25
| Quote: وما عد الفرسان إلا جزء من ذلك الاقليم العظيم . |
وما الإقليم إلا جزء من هذا الوطن الغالي..
شد الضراع..
|
|