Post: #1 Title: البركل(شوفي الزمن يا يمه)اورغنيه ساوندايفكتس فقط .................. Author: ميسرة غاندي Date: 06-01-2008, 10:57 PM
يا يمه رسلي لي عفوكي ينجيني من جور الزمان
مودتي
غاندي
Post: #2 Title: Re: البركل(شوفي الزمن يا يمه)اورغنيه ساوندايفكتس فقط .................. Author: james Date: 06-01-2008, 11:36 PM Parent: #1
ابدااع، بس بيذكرني ببنات البندر البيعملولوا القراصة بي دقيق الفيتو، يفقدها طعمها،،، اليس كذلك يا صديقي. ......
Post: #3 Title: Re: البركل(شوفي الزمن يا يمه)اورغنيه ساوندايفكتس فقط .................. Author: ميسرة غاندي Date: 06-02-2008, 01:44 PM Parent: #2
الاخ جيمي
صباح الخير
القراصه زاااااااااااااااااته بقت (pan cake)
والعواسه خشم بيوت يا صديقي (احنا كمان بنستعمل مصطلح عواسه في المزيكا)
اشكرك علي المرور
مودتي
غاندي
Post: #4 Title: Re: البركل(شوفي الزمن يا يمه)اورغنيه ساوندايفكتس فقط .................. Author: محمد المرتضى حامد Date: 06-02-2008, 02:01 PM Parent: #3
جميل يا ميسره.
Quote: والعواسه خشم بيوت يا صديقي
سألتك بالله تخلينا في الجَمَال وأبعدنا عن الناس القالوا بتاعين سياسه.
مودتي.
Post: #9 Title: Re: البركل(شوفي الزمن يا يمه)اورغنيه ساوندايفكتس فقط .................. Author: ميسرة غاندي Date: 06-02-2008, 07:06 PM Parent: #4
الاخ محمد
التحيه لك
اشكرك علي المرور
التحيه الي اخي واستاذي ود جباره والتحيه الي اخي ودالبركل صاحب الصوت الجهور المميز.
كنا جالسين انا واخي الفنان البركل وكان يدندن بهذه الاغنيه وهو ما كان يعرف انو انا كنت بسجل في تراك بتاع صوت وطمبور
بعد ما خلصت التسجيل بدأت في فكره استعمل اصوات وهي معروفه ب(ساوندايفكتس) احترم واقدر فكره يا يمه الاولي وده نموزج اخر
لي نفس الفكرة .
راج ليكم اخوتي
كل الود
غاندي
Post: #5 Title: Re: البركل(شوفي الزمن يا يمه)اورغنيه ساوندايفكتس فقط .................. Author: omar altom Date: 06-02-2008, 04:24 PM Parent: #1
ميسرة يا فنان.......
مالك علينا من اول الصباح...... برآآآنا كاتلنا شوقنا لي اماتنا الله يسامحك!!!!!!!
عمل جميل وياريت لو عملت اي شغل للنعام آدم ........الزول الوسيم مثلا...........
الله يخضر ضراعك
Post: #6 Title: Re: البركل(شوفي الزمن يا يمه)اورغنيه ساوندايفكتس فقط .................. Author: سلمى الشيخ سلامة Date: 06-02-2008, 05:15 PM Parent: #5
يا ميسرة الفنان البركل وانت شكلتما نسيجا خاصا خاصة ان هذه الاغنية تحمل لى عبقا خاصا لكن النهايةال (finshing) محتاجة شغل لانها مبتورة شوية عدا ذلك يمكن لهذا اللحن والاداء ان يكون خلفية لسيناريو عن الاغنية كتر خيرك وايدك معانا زى ما قال ليك اخوناعمر التوم والنعام لان النعام فنان صاحب ديمومة ولا تنتهى اغنياته الا لتبدا محبتى
Post: #7 Title: Re: البركل(شوفي الزمن يا يمه)اورغنيه ساوندايفكتس فقط .................. Author: baha eassa Date: 06-02-2008, 05:43 PM Parent: #6
Quote: ابدااع، بس بيذكرني ببنات البندر البيعملولوا القراصة بي دقيق الفيتو، يفقدها طعمها،،، اليس كذلك يا صديقي. ......
التشبيه دة بليغ شديد .. والاغنية روعة .. وبنزل الاغنية بصوت اخر حتي تكتمل الروعة .. الفنان المبدع المدهش محمد جبارة :
Post: #8 Title: Re: البركل(شوفي الزمن يا يمه)اورغنيه ساوندايفكتس فقط .................. Author: baha eassa Date: 06-02-2008, 05:45 PM Parent: #7
Post: #10 Title: Re: البركل(شوفي الزمن يا يمه)اورغنيه ساوندايفكتس فقط .................. Author: noon Date: 06-02-2008, 08:37 PM Parent: #8
لا حولا
يا اللة
مع إنو الزول ما عاش الجو الحيمى دة في السودان
لكن ,,,,,اااااه
في الغربة بتلقى روحك مشتهي اي حاجة وكل حاجة
من قطعة الكهربة و الموية لى حمة الملاريا ام برد
اي واللة العظيم
Post: #13 Title: Re: البركل(شوفي الزمن يا يمه)اورغنيه ساوندايفكتس فقط .................. Author: ميسرة غاندي Date: 06-03-2008, 06:45 PM Parent: #10
up
Post: #23 Title: Re: البركل(شوفي الزمن يا يمه)اورغنيه ساوندايفكتس فقط .................. Author: ميسرة غاندي Date: 06-05-2008, 01:15 PM Parent: #10
اشكرك علي المرور
وتسلم يا نون
مودتي
غاندي
Post: #14 Title: Re: البركل(شوفي الزمن يا يمه)اورغنيه ساوندايفكتس فقط .................. Author: ميسرة غاندي Date: 06-04-2008, 02:36 AM Parent: #7
[B]بهاء يا راقي
مساك سعيد بي توقيت هنا
ما في شك بان التشبيه بليغ للغايه
حبيت اوضح شي وهو انو النموزج ده كان توضيح لي سؤال دايما بيطرح وهو
انو ما ممكن غناء الطمبور تصحبهو الاات حديثه؟ ودي كانت الاجابه
واتمني لو في انتاج الشرايط يكون في مساحه لي اشكل مختلفه لكي نتجنب رتابه الاعمال
واشكرك علي العمل الاصلي النزلته دي له تقدير واحترام كتير مني لنه هو الاصل
والتحيه لك والي اخي وصديقي الاستاذ محمد جباره
لك الود
غاندي
Post: #12 Title: Re: البركل(شوفي الزمن يا يمه)اورغنيه ساوندايفكتس فقط .................. Author: ميسرة غاندي Date: 06-03-2008, 01:42 PM Parent: #6
[B]الاستاذه سلمي
صباحك زين
اشكرك اولا علي المرور الدائم
فعلا النهايه عايزه شغل ولكن زي ما قلت
الفكرة كانت كنموزج لتغيير المفهوم بتاع انو غناء
الطمبور ما ممكن يكون الا بي الطمبور. يعني العمل لسه كفكره , والمسأله هنا
بتختلف ولي احنا دايما بنحدد انو الاغنيه السودانيه
ما بتكون سودانيه الا بتركيبه الايقاعات المعروفه لدينا(تمتم,او سيره, او دليب , او , او , او)
بعدين يا سلمي لي متين نواصل في السمع بي رجلينا والاورغن ده فيه حاجات كتير ممكن
الاستفاده منها غير(تاررت ترت) ولو ما فهمتي ده تكوني بالغتي
لكي كل الود والاحترام
غاندي
Post: #11 Title: Re: البركل(شوفي الزمن يا يمه)اورغنيه ساوندايفكتس فقط .................. Author: ميسرة غاندي Date: 06-03-2008, 00:50 AM Parent: #5
اخونا عمر
تحيه طيبه
والله ما كان القصد انو اوتر بي الحبيايب
ولو تعرف مدي حبي لهذه الاغنيه ولها اسباب .
و انا في الابتدائيه دخلت البيت لي الفطور
لقيت امي بتعوس وبتجهز لي في الفطور ودمعتها في خدها.
تصور انت هذا المشهد وفوق دي كلو في ابتسامه مصنعه في وشها.
سألت ؟ والرد كان بي نفس الابتسامه المصنعه ما في شي يا وليدي .
هنا انتبهته لي الراديو وكان الاستاذ محمد جباره بيغني في هذه الغنيه
وعشان اربط الاحدث لي الاخوه عند كان اخي الاكبر اغترب الي دول الخليج . (وده الجاب الهوا لي امهاتنا لي الليله)
وده السبب الوحيد لي حبي لهذا العمل الفريد .
فياخي سامحني والتحيه لك ولي كل امهاتنا والله يديهن الصحه والعافيه يا رب
وشاكر مرورك و اوعدك بان انظر في اعمال العملااق النعام ادم
لك ودي
Post: #15 Title: Re: البركل(شوفي الزمن يا يمه)اورغنيه ساوندايفكتس فقط .................. Author: mohamed elshiekh Date: 06-04-2008, 07:42 AM Parent: #11
ميسرة يا رائع
شكرا جزيلا
Post: #16 Title: Re: البركل(شوفي الزمن يا يمه)اورغنيه ساوندايفكتس فقط .................. Author: على محمد على بشير Date: 06-04-2008, 08:12 AM Parent: #15
Quote: استعمل اصوات وهي معروفه ب(ساوندايفكتس) احترم واقدر فكره يا يمه الاولي وده نموزج اخر
لي نفس الفكرة .
Quote: حبيت اوضح شي وهو انو النموزج ده كان توضيح لي سؤال دايما بيطرح وهو
انو ما ممكن غناء الطمبور تصحبهو الاات حديثه؟ ودي كانت الاجابه
واتمني لو في انتاج الشرايط يكون في مساحه لي اشكل مختلفه لكي نتجنب رتابه الاعمال
الاخ ميسره
ما سمعته يعتبر فى رايى المتواضع كمتلقى او مستع يعتبر تشويه لهذه الاغنيه الجميله بصوره خاصه وللاغنيه الشايقيه ان صح التعبير بصوره عامه
فمن غير الدلوكه التى تدخل بضرباتها المتواصله الى جوه الجوه فى الانسان الشايقى وتسرى مع الدم بين الاورده والشرايين والمسامات الصغيره ديك وتصل الى القلب فيهتز وتصل الى المخ فيغيب عن العمل ويهيم الشايقى كما درويش فى حضره صوفيه
والطمبور يتكلم براهو والالحان تنساب منه شجيه وحارقه تمس الروح قبل الوجدان ويضرب الكف بالكف والقدم بالارض فى ايقاع منتظم والبنيات كما الريل والوزين والروح تصل الحلقوم والزغاريد تشق عنان السماء
من غير كل ذلك او بعض ذلك يعتبر اى جهد موسيقى او تسجيلى تشويه للاصل والاغنيه الشايقيه من غير كل ذلك لا تعتبر اغنيه شايقيه ولان الايقاع والصفقه وضرب الارجل بالارض تعتبر فى عرفى الخاص هى من المكونات الاساسيه للاغنيه الشايقيه , بل هى كل جماليات الغناء الشايقى ومن غيرها يأتى غناء الطمبور مسيخ , لا طعم ولا لون ولا رائحه
ــــــــــــــــــــــــــــــ
راى شخصى جدا
Post: #17 Title: Re: البركل(شوفي الزمن يا يمه)اورغنيه ساوندايفكتس فقط .................. Author: سوسن عبد الله Date: 06-04-2008, 11:58 AM Parent: #16
تحياتنا أخ ميسرة شغل جميل نحفظ كيف ؟
Post: #25 Title: Re: البركل(شوفي الزمن يا يمه)اورغنيه ساوندايفكتس فقط .................. Author: ميسرة غاندي Date: 06-10-2008, 01:23 PM Parent: #17
الاخت سوسن
صباحك زين
اسف لو رجعت ليك وخري شويه لكن ظروف
وعلي بال ما رجعت لقيت البوست طشه
واخد مني زمن علي بال ما لقيته(واخد بال حضرتك)
عموما اشكر مرورك واوعدك بان ارسل لكي لنك الحفظ
لكي الود
غاندي
Post: #19 Title: Re: البركل(شوفي الزمن يا يمه)اورغنيه ساوندايفكتس فقط .................. Author: ميسرة غاندي Date: 06-04-2008, 01:13 PM Parent: #16
الاخ علي محمد
تحيه طيبه
اوافقك علي كل ما زكرت وانا اعلم تماما انو الفكرة دي
حتجد مساحه صقيره جده لكن هل كان القصد بان كل
غناء الطمبور بي شكل هذا النموزج ؟ طبعا لا
والغنيه دي تحديدا كانت بتتغني في الحفلاات والدلوكه ضاربه الصفقه فوق الكرعين يحفرفن في (اللرض) اجتهته غشان اكتبه كده
وبعد ده تلقي في ناس بترقص وناس بتبكي (تقول شنوفي ده)
وانا شايف في تعصب شديد بعدين يا اخ علي التشويه دي وين الماده دي لمان اسجلت كانت بحضور صاحبها زاتو (ود جباره)
يعني ده ما (RE MIX)
بعدين المزيكا دي ما عندها قاعده سابته يعني في شكل بتاع مزيكا زي ده بس ما كل الناس متعوده عليهو
تخريمه
يعني يا سيد علي المسعله طرح افكار ليس الا قد يلقي المساحه وقد لا
لك ودي
غاندي
Post: #20 Title: Re: البركل(شوفي الزمن يا يمه)اورغنيه ساوندايفكتس فقط .................. Author: على محمد على بشير Date: 06-04-2008, 03:00 PM Parent: #19
Quote: الاخ محمد
Quote: يعني يا ابو حميد
Quote: يا اخ محمد
عايز ارد واعقب لكن .....
جانى احساس انو المقصود بالرد ليس انا لذلك اثرت التريث ..
الى ان استبين الخيط الابيض من الاسود ..
Post: #21 Title: Re: البركل(شوفي الزمن يا يمه)اورغنيه ساوندايفكتس فقط .................. Author: ميسرة غاندي Date: 06-04-2008, 06:47 PM Parent: #20
الاخ علي محمدعلي بشير
اشكرك علي التنبيه
وحقيقه يمكن يكون عزري اقبح من زنبي
كنت متأخر علي الشغل وتضاربت الاشاء عندي
وقلت ارد عليك وامشي الشغل فيظهر علي
جهجهت اسمك ارجو المعزره ولقد تم التعديل
لك الود
غاندي
Post: #24 Title: Re: البركل(شوفي الزمن يا يمه)اورغنيه ساوندايفكتس فقط .................. Author: ميسرة غاندي Date: 06-05-2008, 06:55 PM Parent: #15
ود الشيح حبابك
واشكرك علي المرور
لك ودي
غاندي
Post: #18 Title: Re: البركل(شوفي الزمن يا يمه)اورغنيه ساوندايفكتس فقط .................. Author: Azhari Nurelhuda Date: 06-04-2008, 12:14 PM Parent: #1
السنجك الكندي
سلام عليك........
أنا بفتكر إنه (الكولاج) ده مابين الطمبور و الصوت البشري و المؤثرات الإلكترونية كان بكون أورع لو ترك بدون ما ذهبت إليه إنت من تبرير من نوع: تصحبو آلات حديثة السمع بالرجلين تاررت ترت.....إلخ
و لو كنت إكتفيت برسم اللوحة (الكولاج) و أطلقت عليها إسم (أورغنية ساوند إيفكتية) أو لم تطلقه و تركت لنا المساحة الكافية لنرى الأم بطريقتنا في مساحة غير محدودة....لكان أجمل. الفكرة جميلة جدا....و أحمد لك تقبلك لجميع الأفكار إختلفت أو إتفقت معك...
إحتراماتي....
Post: #22 Title: Re: البركل(شوفي الزمن يا يمه)اورغنيه ساوندايفكتس فقط .................. Author: ميسرة غاندي Date: 06-05-2008, 00:13 AM Parent: #18
الاخ ابو الزهور
التحيه لك
انا بطبعي بسيط وانت ادري بذلك تماما
قد يخوني التعبير احيننا في توصيل المعلومه
كل ما قصدت هو محاوله اضافه مؤثرات صوتيه كخلفيه لي صوت المبدع البركل
زمان كان في برنامج مدور وهو اغاني الحقيبه المضي عليها 25 سنه ممكن تكون
ملك لي مطرب معين لو تم واوفي شروط لجنه المصنفات وبعد داك الجماعه الطيبين
(شركات الانتاج) ماخلو غنيه حايمه ما قبلو عليها مقدمه بي هنا جلكسه بي هناك
تم تسجيل الغنيه والنتيجه لي المتلقي كانت نفس هوي يا ليلا هوووووووووووووووووووووووووووووووووي
يعني الحقيبه دي مش صعبه لكن ما بتقدر تعمل وتقير في اصلها لنه المتلقي عنيد وغيور في نفس الوقت
وما داير عديييييييييييييييييييييييييييييييييييييييييييييييييييييييييييل كده يقبل فكره من فوق او من اصل فكرة
لك ودي كما تعلم يا صديقي
تخريمه
نشوفك اكتر في البوست بتاع العاز..........
غاندي
Post: #26 Title: Re: البركل(شوفي الزمن يا يمه)اورغنيه ساوندايفكتس فقط .................. Author: ميسرة غاندي Date: 06-12-2008, 03:11 AM Parent: #22
