Post: #1 Title: لا جلابة ولا غرابة كلو زي دها Author: khaleel Date: 06-01-2008, 12:25 PM Parent: #0
طولن اجنن
object width="425" height="355">
Post: #2 Title: Re: لا جلابة ولا غرابة كلو زي دها Author: khaleel Date: 06-01-2008, 12:36 PM Parent: #1
ما عائزين نيفاشا
ولا ابوجا ولا طرابلس ولا اديس
خلونا كدة زي ابراهيم دينق والنعام ادم
Post: #3 Title: Re: لا جلابة ولا غرابة كلو زي دها Author: سلمى الشيخ سلامة Date: 06-01-2008, 12:59 PM Parent: #2
تعرف يا خليل واحد قال السودان دا سحروه فى سنه تلاته وتمانين قالوا والعهدة على الراوى سطر جديد الزول جاى من ليبيا فى مطار الخرطوم نزل يا معلم وقعد فى كاونتر (بار المطار ) وشرب لمن غلبو اليسويهو ولمن شرب الكاس التالت (طق الكاس فى الكاونتر وقال بصوت عالى (حرية ) تانى يوم كان اعلان قوانين سبتمبر القعدة الياها فى البؤس ياخليل زمان كان الناس بسافروا من والى اى حته فى السودان مافى زول قال تلت التلاته كم السكة حديد جابت ناس الشمالية وقعدتهم فى محطات الغرب وشالت ناس الغرب ختتهم فى محطات الشمال وشالت ناس الجنوب وختتهم فى الاتجاهات المختلفة كان الناظر فى المحطة من اى حته فى السودان ما ضرورى يكون من ناس المدينة او المحطة نفسها وكمية تعايش ما حصل نفس الامر ينطبق على العمل فى مصلحة البريد وكان مدير مكتب البريد وناظر المحطة بنزل عندهم الكبار من الزوار مافى حساب دا جنوبى ودا شمالى قوم يا نميرى السجم اعلن قوانين سبتمبر وقومى يا السكة حديد اتهاوت وقوم يا السودان ابقى فى حرابة ما ليها اول ولا اخر دا كله بسبب انهيار الخدمة المدنية والسكة حديد وقوانين سبتمبر وما تنسى المدرسين جميع المراحل وموظفى الخدمة المدنية العامة كلهم كانوا يتم نقلهم من مكان لمكان داخل السودان والنقل كمان منشور على الصفحات حقت الصحف وفى الاذاعة الكانت قومية عليك الله دى ما عين عديلة لعنة الله على نميرى اينما خت راسه المقودس دا ياخ السودان العشنا فيهو فى السبعينات والتمانينات قبل(غوانين )سبتمبر كان اجمل مكان فى الدنيا دحين يا خلى السودان دا داير ليهو (شكة وتوزيعة جديدة ) امكن (يفتح )
Post: #4 Title: Re: لا جلابة ولا غرابة كلو زي دها Author: doma Date: 06-01-2008, 01:19 PM Parent: #3
يا سلمي يا اختي قوانين سبتمبر دي ما كلها من تحت راس الترابي الله لا بارك في الكيزان مجتمعين منشقين حيين ميتين
Post: #6 Title: Re: لا جلابة ولا غرابة كلو زي دها Author: khaleel Date: 06-01-2008, 05:28 PM Parent: #4
Quote: يا سلمي يا اختي قوانين سبتمبر دي ما كلها من تحت راس الترابي الله لا بارك في الكيزان مجتمعين منشقين حيين ميتين
دومة امراة بلون الدواخل سمعتي الفنان قال شنو
دفقت البيرة في الشوارع يا حليل زمن الكوارع
Post: #5 Title: Re: لا جلابة ولا غرابة كلو زي دها Author: khaleel Date: 06-01-2008, 05:26 PM Parent: #3
Quote: ياخ السودان العشنا فيهو فى السبعينات والتمانينات قبل(غوانين )سبتمبر كان اجمل مكان فى الدنيا دحين يا خلى السودان دا داير ليهو (شكة وتوزيعة جديدة ) امكن (يفتح )
عارفة استاذة
سنة 1960 والدي عليه الرحمة كان استاذ في كتم
وكل اعمامي كانوا تجار في النيل الازرق بنزقة وجلقني وامدرمان فلاتة
ومعظم الخيلان في الجنوب لا كان في ثروة ولا سلطة ولا مهمش
غايتو الله ياذي الاذانا
Post: #7 Title: Re: لا جلابة ولا غرابة كلو زي دها Author: khaleel Date: 06-01-2008, 06:24 PM Parent: #5
الغناء هو الذي وحدنا
والهلال هو الذي وحدنا
والمريخ هو الذي وحدنا
Post: #8 Title: Re: لا جلابة ولا غرابة كلو زي دها Author: عبدالكريم الامين احمد Date: 06-01-2008, 06:29 PM Parent: #7
هلا يا ابوخليل ودايرين سودان واحد ومتجانسس ابكر يعانق سيد احمد وادروب مع دينق وبلاد سمحة ياخلي لو ختت اطماع الساسة والناس الكلامهم كبار ما بشبه كلام حليمة كرتونة وبت النفل وحسن مكاردة
Post: #10 Title: Re: لا جلابة ولا غرابة كلو زي دها Author: khaleel Date: 06-01-2008, 09:41 PM Parent: #8
Quote: ما بشبه كلام حليمة كرتونة وبت النفل وحسن مكاردة
ود تمبك مع قدوم الابريق وقبريال فورمان مع اشرف منير وكلنا اكوان
Post: #9 Title: Re: لا جلابة ولا غرابة كلو زي دها Author: Al-Shaygi Date: 06-01-2008, 06:36 PM Parent: #1
Quote: سنة 1960 والدي عليه الرحمة كان استاذ في كتم
وكل اعمامي كانوا تجار في النيل الازرق بنزقة وجلقني وامدرمان فلاتة
ومعظم الخيلان في الجنوب لا كان في ثروة ولا سلطة ولا مهمش
يعني يا خليل جلابي ذو نسب في الجلبنة عريق هاك القصة دي: أخونا معانا هنا في الغربة راجل مهندس قديم وزول بهجة من أيام شريعة الترابي المرروها عبر نميري ما مشى السودان، وبقى أجازاته يقضيها في عواصم أخرى غير شرعية. في أحدى سفراته ذهب ولأول مرة إلى أديس أبابا، رجع يحكي لينا عن أديس: داك يا جمال جو أديس ،،،، يا بارات أديس ،،،، ويا مراقص أديس ،،، ويا ،،،، ويا ،،،، ويا .... أخيراً تعب وما لقى وصف يقوله ،،، فجأة صاح بأعلى صوته: يا الشايقي ياخ بس الخرطوم سنة 60.