هـواك مـلـك دُنـيـاي وفـي أعـمـاقـي إتـحـكّـر

أنـا في البـعـيـد مُـشـتـاق لهـمـسـة من الوطن يا نـسـمـة

خمسة سنين
ذى احلام صبية ذى ياسمين
ذى هله فرح دفاق
فى ضحكة عيون ناعسين

يا زينة الايام


شايف شلاقة اخوك شاف اللنك فى بوست مايو مفتكرو اغنية
راح طوالى عمل save as ta.....
جنس شلاقة ....

خمسة سنين وانت جميل كعادتك..

اتمني ليك تاني خمسين سنة

بعطاء أكتر وروح اجمل..

المنبر كسب قلم راقي يوم انضمامك ليهو..

دكتورة رشا
مساء الخير

ولّعتي قلبي ياخ





خمسين سنة أنا أبو القدح ؟

أنـا في البـعـيـد مُـشـتـاق لهـمـسـة من الوطن يا نـسـمـة

عبد الدّائم
سلامات

بطّل شلاقتك دي وجيب تورتة ولاّ حاجة





عُنّاب الحلوة كيف ؟

أنـا في البـعـيـد مُـشـتـاق لهـمـسـة من الوطن يا نـسـمـة

خمسة سنوات مضت وأنت تزرع الجمال والنقاء والحُب في هذا المكان !

خمسة سنوات وأنت تنثر رياحين التآلف والتعارف وتسعى بين الناس بالخير والمحبّة ..

خمسة سنوات وصوت عقلك لم ينخفض ولم تنساق وراء لحظة غضب ولم تنحدر إلى هوّة صراعات سحيقة !

خمسة سنوات وأنت تنثر الفرح والنغم وتوثّق للإبداع والمبدعين بكل الحُب والتقدير ..

خمسة سنوات ولم يُقرأ لك في هذا المكان الإ كل وطني .. ومفيد وجميل وخلاّق ..!


إذن حُق لنا أن نباهي بك عين الشمس ياصديقي العزيز .. وأن نفاخر بك ..وأن نتوُجك ملكاً على عروش سمو الأخلاق .. وبحور المعرفة .. وينابيع الإبداع ..

و

كُن كما أنت لكل الأعوام القادمات

لؤي ود زينب

لؤي شمّت

وكفى !!

يعني حسي يا أبو اللووول شمعة وخمسة سنين و(كمية حنان) ...
وتقول لي كل ده لـ ( Sudaneseonline ) ........
.
.
.
.
.
قالها أبو محمد وتحسس (فنبوره) ...
.
.
.
عمران مركب وش (خبيث) ...

عُمران ضحكتني والله أضحك الله سنك ..

Quote: يعني حسي يا أبو اللووول شمعة وخمسة سنين و(كمية حنان) ... وتقول لي كل ده لـ ( Sudaneseonline ) ........ . .

يعني باقي ليك ممكن يكون صديقي أبو اللول ده عامل البوست ده ( شرك) للحبيبة وهي التي بالإشارة تفهمُ ؟!!

حركة في شكل وردة يعني ؟

ماااااااااااااظنيت أقايتو لانو أبو اللووول ده بحب سودانيز أون لاين وبكري أبو بكر مافي إتنين تلاتة والبوست ده بكون حقيقي لسودانيز فقط لا غير فما تجيب للراجل تُهمة في صمّة خشمو ساى !!

هواك ملك دنياي
وفي أعماقي إتحكر
خمسة سنين
تزيد اشواقنا ليك اكتر
لؤي يا صانع الافراح
و باقي العمر ليك انضر
نشوفك ديمة متهني
ربيع دنيا ودرب اخضر
بنشتاق ليك يوم ما تغيب
ونفرح بطلتك اكتر
حبيب الكل بكل تاكيد
عالي مقام ونور يجهر

لك كل الحب يا راقي يا إنسان يا خلوق يا مهذب

أخي الحبيب هاشم
صباحك نور

إرتجالك هذا يؤكّد شاعريّتك ومقدراتك الإبداعيّة اللامعة
وليت المكان إزدهر بأمثالك
كلماتك ستعيد البوست لطريقه الذي أبعده عنه البعض
والبعضة ((هنا طبعاً المقصودة نادية))

بالله ما تغيب
وتعال فرّح ليالينا





سلمت يا هاشم

أنـا في البـعـيـد مُـشـتـاق لهـمـسـة من الوطن يا نـسـمـة

الجميلة نادية عثمان

Quote: حركة في شكل وردة يعني ؟

بيني وبينو 400 كيلو يا نادية ...
وشامي ريحتو من هنـــا !!!!
فكاها فينا يا نادية وعايز يمرر لينا الحاجات ويخلينا
ننزل ليهو غنية ( شنو كده ما عارف ) ونتم قافية البيت بـ (سوادنيز أون لاين ) ..
شفتي السويدي ده ؟؟ قايلنا هنود !!!!
.
.
.
.

عُمران

رأيك شنو (نعيث) في هذا البوست ( جغمسةً) قبل سيد اللبن مايجئ

Quote: بيني وبينو 400 كيلو يا نادية ... وشامي ريحتو من هنـــا !!!! فكاها فينا يا نادية وعايز يمرر لينا الحاجات ويخلينا ننزل ليهو غنية ( شنو كده ما عارف ) ونتم قافية البيت بـ (سوادنيز أون لاين )

..

عاين

رايك شنو تدور عربيتك الكامري الصفراء وتمشي تشوف ولدنا ده حاصل عليهو شنو وحق البنزين علي ؟

هو بيتهم من بيتكم زي المسافة من كادوقلي والحاج يوسف كده مثلا ؟!

Quote: شفتي السويدي ده ؟؟ قايلنا هنود !!!! .

مادي المشكلة زااااااتها .. لكن تعال نوريهو شغل الهنود الجد ونحول البوست لفيلم هندي قبال مايجئ سررررريع

ومن متين إن شاء الله بقيتي تعملي ضمّة في العين بتاعة عُمران ؟؟





بالفعل فيلم هندي

أنـا في البـعـيـد مُـشـتـاق لهـمـسـة من الوطن يا نـسـمـة

Quote: ومن متين إن شاء الله بقيتي تعملي ضمّة في العين بتاعة عُمران ؟؟

موش قلت ليك ( المِحن) و ( الإحن ) علمتني كتير ؟!!

أها وكمان إتعلمت أكتب ( لؤي) وليس ( لؤى) ولسسسسة في دربك كتير نتعلّم يامُعلم الأجيال


ثُم يعني إنت ماملاحظ للتقدم الملحوظ في مستوي التشكيل على مستوى القاعدة ولا شنو ؟!!

Quote: ثُم يعني إنت ماملاحظ للتقدم الملحوظ في مستوي التشكيل

ملاحظ شديد






بلادة شديدة

أنـا في البـعـيـد مُـشـتـاق لهـمـسـة من الوطن يا نـسـمـة

Quote: بلادة شديدة

فلتت مني والله ياأُستاذ سماح المرّة دي ماعايزين نرجع للمربع الأول عليك الله وبقبل تسعة من عشرة مؤقتا سمح ؟!!

Quote: سماح المرّة دي

طب غنّيها

أنـا في البـعـيـد مُـشـتـاق لهـمـسـة من الوطن يا نـسـمـة

الجّميلة ؟

بيني وبينو حكاية أصلو ما ليها نهاية

لا شمّام لكن

الفك لم يتم بعد .. المزيد قادم في فترة الفك التي إقتربت

(شنو كدا ما عارف) لم تتم إجازتها بعد

السّويدي ولا الغامدي ؟

وما الهنود إلاّ بشر يا أخي الكريم فعُد إلى رُشدك




حقّقنا أحلامنا والعاشق عُقبالو

أنـا في البـعـيـد مُـشـتـاق لهـمـسـة من الوطن يا نـسـمـة

نادية
إنتي القال ليكي منو تُهمة ؟







قال عُمران ضحّكتني قال
بختِك

أنـا في البـعـيـد مُـشـتـاق لهـمـسـة من الوطن يا نـسـمـة

Quote: نادية إنتي القال ليكي منو تُهمة ؟

وهي دي عايزة ليها قول ؟

ياولدي أنا بعرفك من المنبر ده كمان؟

دي عُشرة عمر وأكتر من خمسة سنوات المنبر بتاعتك دي .. يعني حافظاك صم

Quote: ياولدي أنا بعرفك من المنبر ده كمان؟

Quote: دي عُشرة عمر وأكتر من خمسة سنوات المنبر بتاعتك دي .. يعني حافظاك صم

إنتي أكيد قاصداني أنا يا نادية ؟
لؤي شمّت ؟؟

أنـا في البـعـيـد مُـشـتـاق لهـمـسـة من الوطن يا نـسـمـة

Quote: إنتي أكيد قاصداني أنا يا نادية ؟ لؤي شمّت ؟؟

أها كمان داير تنكُرني ياود زينب أُمّي ولا شنو ؟

ولا هسي أستعين بعمّك وردي

Quote: أها كمان داير تنكُرني ياود زينب أُمّي ولا شنو ؟

Quote: ولا هسي أستعين بعمّك وردي

هسّع وردي علاقتو شنو بالكلام دا ؟؟؟؟

أنـا في البـعـيـد مُـشـتـاق لهـمـسـة من الوطن يا نـسـمـة

الأخ عُمران حسن صالح
السّلام عليكم ورحمة الله تعالَىَ وبركاته

يا أخي الكريم كما ترَىَ فإنّ هذا البوست عامر بالجّنس اللطيف
وبنفرٍ كريم هُم في الواقع أكثر لُطفاً حتَّى من الجّنس اللطيف
وبصُوَر القلوب والشُّموع والورود
فبلا حرج أخي الكريم
أرجو أن تمارس لهوك هذا في مكان آخر
حتّى استطيع التّفرّغ لكُلّ هذه الرّقّة والرّومانسيّة بلا إزعاج ومضايقات
إنّه يومي يا عزيزي ، فهل استجبت ؟
أعشم في فهمك وسعة أفقك






هذا والله من وراء القصد

أنـا في البـعـيـد مُـشـتـاق لهـمـسـة من الوطن يا نـسـمـة

Quote: خمسة سنوات مضت وأنت تزرع الجمال والنقاء والحُب في هذا المكان ! خمسة سنوات وأنت تنثر رياحين التآلف والتعارف وتسعى بين الناس بالخير والمحبّة .. خمسة سنوات وصوت عقلك لم ينخفض ولم تنساق وراء لحظة غضب ولم تنحدر إلى هوّة صراعات سحيقة ! خمسة سنوات وأنت تنثر الفرح والنغم وتوثّق للإبداع والمبدعين بكل الحُب والتقدير .. خمسة سنوات ولم يُقرأ لك في هذا المكان الإ كل وطني .. ومفيد وجميل وخلاّق ..!

الحبيب لؤي
تستحق هذه الكلمات العطرات بل أكثر.
شــكرا نادية على الكلمة الحنينة ودفئ المشاعر.

مودتي وفائق احترامي

الحبيب أستاذ جعفر
تحيّة إحترام ومعزّة

ولتعذرني إن قلب البعضـ/ـة (( )) هذا الإحتفال لكنبة وراء
وأنا إن استحقّيت زيارتك هذه فقد شبعت إحتفالاً





محبّتي والوُد

أنـا في البـعـيـد مُـشـتـاق لهـمـسـة من الوطن يا نـسـمـة

أستاذة نادية
مساء الخير

إنتي جادّة ؟






لا دا كلام لازم يتردّ عليهو بمزاج تاني

أنـا في البـعـيـد مُـشـتـاق لهـمـسـة من الوطن يا نـسـمـة

كل 5 سنين وأنت بـ1000 خير يامبدع

وعقبال ال50 سنة

أخي السّمّاني
مساء الخير

وإنت والوطن بألف خير يا عزيزي






عميق تقديري ومعزّتي

أنـا في البـعـيـد مُـشـتـاق لهـمـسـة من الوطن يا نـسـمـة

Quote: إنتي جادّة ؟

آي نعم جادة جداً

Quote: لا دا كلام لازم يتردّ عليهو بمزاج تاني

الله يدينا ويديك طُولة العُمر بس !!


أدينا صابرين ونشووووووف

لمّا تشوفي حلمة ودنك







إنتي رايحة من ماسنجر المنبر ولاّ شنو ؟

أنـا في البـعـيـد مُـشـتـاق لهـمـسـة من الوطن يا نـسـمـة

Quote: إنتي رايحة من ماسنجر المنبر ولاّ شنو ؟

وين الحاجة دي ؟

وبعدين إنت بالذاااااااات لما الواحد يكتب إسمك صاح (لؤي) مابدخل ماسنجر ولا حاجة ياخ


يعني الإ نغلط ونكتب ( لؤى ) ودي مابكتبها أنا عشان توبّخني يا أُستاذ لؤي

بالله ؟






خير

أنـا في البـعـيـد مُـشـتـاق لهـمـسـة من الوطن يا نـسـمـة

يا لؤي

يا ريت الناس كل ما يتموا سنة مش خمسة سنين

من عمرهم بهذا المنبر يجلسوا مع أنفسهم

ويراجعون ما كتبوا هنا ويسألون أنفسهم هل أرضاهم ما كتبوا؟؟؟

وهل أفادوا به من حولهم من الناس وهل أضافوا شيئاً أم لا؟؟؟

شكراً لكل ما كتبت هنا فكتابتك لم تنطق يوماً بغير الحب والجمال والمعرفة

ودوماً ما كانت كتباتك برداً وسلاماً على من يقرأ ما تسطّره هنا

كل الود والتقدير

Quote: رايك شنو تدور عربيتك الكامري الصفراء

صفراء يا نادية ؟؟؟؟؟؟؟؟؟؟
.
.
ما تجقمسي شديد سيد اللبن ده لافي بي برة ...

Quote: صفراء يا نادية ؟؟؟؟؟؟؟؟؟؟ .

شنو ياعُمران إنت إشتريت الكوريلا الخضراء الكان نفسك فيها وبعت الكامري لتمبس ولا شنو

Quote: ما تجقمسي شديد سيد اللبن ده لافي بي برة ...

لا .. لا ماتخاف ياخ .. الزول ده لسة قدامو خمسة ست ساعات نكون نحنا صوطنا البوست صواطة

ابو اللول ..
انت بتعاني من ( الوحدة ) ولا شـنو ..
ما لاقي ليك زول يحتفل ليك بحاجاتك ..

..
..

علي العموم تحية لمزاجك الرايق هذه الايام ..

حُمّيدة
سلامات

Quote: ابو اللول .. انت بتعاني من ( الوحدة ) ولا شـنو ..

ألا يبدو ذلك جليّاً ؟

Quote: ما لاقي ليك زول يحتفل ليك بحاجاتك ..

لاقي
بس الزّول ما لاقيني





سلمت يا أبو مزاج أرْوَق

أنـا في البـعـيـد مُـشـتـاق لهـمـسـة من الوطن يا نـسـمـة

Quote: شنو ياعُمران إنت إشتريت الكوريلا الخضراء

عُذراً




كورولاّ COROLLA

أنـا في البـعـيـد مُـشـتـاق لهـمـسـة من الوطن يا نـسـمـة

Quote: عُذراً كورولاّ COROLLA

أقايتو الدِقّة اللامتناهية دي يوم بتكتلك ياود زينب أمي



ماتحكّها شديد كده ياصديقي يا أبو اللول ياخ ( وجه محنبك) .. أيقونة الوجوه مابتجيب الحنبوكات !!

Quote: أقايتو الدِقّة اللامتناهية دي يوم بتكتلك

غايتو .. أي غَايَتُهُ
والغاية بالغين
ولا مكان للقاية من الإعراب





والوقاية خيرٌ من الجّبَنَة

أنـا في البـعـيـد مُـشـتـاق لهـمـسـة من الوطن يا نـسـمـة

Quote: صفراء يا نادية ؟؟؟؟؟؟؟؟؟؟

وأقلقه إلباس سيّارته لوناً مرّيخيّاً






وكأنّه لم يلبس باصات أبو رجيلة يوماً ما

أنـا في البـعـيـد مُـشـتـاق لهـمـسـة من الوطن يا نـسـمـة

إنعام عبد الحفيظ
إزّيّك

ياريت يا إنعام
وعجبتني الشّدّة الفي "ما تسطّره" دي






جنس محاكاة

أنـا في البـعـيـد مُـشـتـاق لهـمـسـة من الوطن يا نـسـمـة

Quote: وعجبتني الشّدّة الفي "ما تسطّره" دي

تعجبك خمسة سنينك انشاء الله

Quote: جنس محاكاة

غايتو نادية وعمران ما خاتين عليك

اها نحنا بنتفرّج وبنشجّع اللعبة الحلوة

بس ما يغلبوك سمح؟

يا إنعام
صباح الخير

منو دا اليتغلب ؟
يا زولة أخطاء إملائيّة وعربي ساي النّتيجة في صالحي





قال أتغلب قال

أنـا في البـعـيـد مُـشـتـاق لهـمـسـة من الوطن يا نـسـمـة

Quote: غايتو نادية وعمران ما خاتين عليك اها نحنا بنتفرّج وبنشجّع اللعبة الحلوة بس ما يغلبوك سمح؟

وانا معاك ياانعام بشجع اللعبة الحلوةبس لحدى هسع لؤي متقدم وعمران مختفى ونادية الله يقدرة على الاملاء

نجمة ياغالية سلام

Quote: وانا معاك ياانعام بشجع اللعبة الحلوةبس لحدى هسع لؤي متقدم

يازولة ماتكوني مُجاملة ساى والله لؤي لا متقدم ولا حاجة بس هو ( عكليت) ورأسو قوي لكن لأنو ولدنا وفي غُربة وده عيد ميلادو مادايرين نزعلوا ساى بس

Quote: وعمران مختفى

عُمرا طفش من ( غتاتة) صحبو سيد اللبن لكن أكيييد برجع .. وآآآآآآآآآآ عُمرناااااااااه عُد يا رُجل ولا تخشى من ( سيد اللبن) ولا تَهَابهُ( وراك رجالة )

Quote: ونادية الله يقدرة على الاملاء

وحاتك ياغالية زول كتب ليهو جنس كتابتي المشكّلة المجيّهة دي مافي لكن تقولي شنو بس زي ماقالوا في المثل ( الخيل تجقلب زي الشرا في القندول) !!


وحاتك في الإملاء طوال سنوات المدرسة نادراً أجيب تسعة من عشرة وطوووالي عشرة من عشرة أحمد الله وأكون له من الشاكرين !!

Quote: يازولة ماتكوني مُجاملة ساى والله لؤي لا متقدم ولا حاجة

تحلفي ؟
أحسن تستسلمي يا هيلاري
عشان الموضوع ما يخرج عن السّيطرة

Quote: وحاتك في الإملاء طوال سنوات المدرسة نادراً أجيب تسعة من عشرة وطوووالي عشرة من عشرة

إنتي جادة ؟
زي ما قال أخونا عُمران
نحن أظنّنا هنود

أحسن السُّترة






سُترة النّجاة

أنـا في البـعـيـد مُـشـتـاق لهـمـسـة من الوطن يا نـسـمـة

نادية العزيزة

Quote: عُمرا طفش من ( غتاتة) صحبو سيد اللبن لكن أكيييد برجع .. وآآآآآآآآآآ عُمرناااااااااه عُد يا رُجل ولا تخشى من ( سيد اللبن) ولا تَهَابهُ( وراك رجالة )

ياديدى احسن ليك تطفشى دة بحسب ليك بالحرف وعلى فكرة عمران ناقصة نون كدى عاينى غير الضمة

Quote: وحاتك في الإملاء طوال سنوات المدرسة نادراً أجيب تسعة من عشرة وطوووالي عشرة من عشرة أحمد الله وأكون له من الشاكرين !!

وزى ماقالت انعام

Quote: عمران ونادية أحسن تقولوا الروووووووب

انعام ولؤي تحياتى ومتابعين

نجمة
عساك طيبة

إنتي المديدة دي لو حارقاك شديد كدا خُتّيها في الارض
وماشاء الله شايفِك بقيتي كمان تتابعي النُّونات والضّمّات
لا ، تطوُّر ملحوظ





تحاياي

أنـا في البـعـيـد مُـشـتـاق لهـمـسـة من الوطن يا نـسـمـة

نجمة
مساء الخير

شاكر لدعمك
وثورة حتّى النّصر المؤكّد





والهواء معاي

أنـا في البـعـيـد مُـشـتـاق لهـمـسـة من الوطن يا نـسـمـة

Quote: وانا معاك ياانعام بشجع اللعبة الحلوةبس لحدى هسع لؤي متقدم وعمران مختفى ونادية الله يقدرة على الاملاء

غايتو يا نجمة كان بقت على الإملاء راحت عليهم أكيد






ـــــــــــــ

عمران ونادية أحسن تقولوا الروووووووب

إنعام
مساء الخير

إنتي راحت عليك قبل كدا ولاّ شنو ؟






دعيهما يحاولان ففي الأمر مُتعة

أنـا في البـعـيـد مُـشـتـاق لهـمـسـة من الوطن يا نـسـمـة

Quote: إنتي راحت عليك قبل كدا ولاّ شنو ؟

لؤي مساءك نور

راحت على منو ؟

انا دي أبداً



ــــــــــــــــــــ

دي بس من باب أنصح أخاك

Quote: دي بس من باب أنصح أخاك

كويّس طيّب مادام أخاك







بس أختك الكانت بتجيب عشرة على عشرة دي
خلّيها ما تنصحيها عشان نشوف حدّها وين

أنـا في البـعـيـد مُـشـتـاق لهـمـسـة من الوطن يا نـسـمـة

Quote: خمسة سنوات مضت وأنت تزرع الجمال والنقاء والحُب في هذا المكان ! خمسة سنوات وأنت تنثر رياحين التآلف والتعارف وتسعى بين الناس بالخير والمحبّة .. خمسة سنوات وصوت عقلك لم ينخفض ولم تنساق وراء لحظة غضب ولم تنحدر إلى هوّة صراعات سحيقة ! خمسة سنوات وأنت تنثر الفرح والنغم وتوثّق للإبداع والمبدعين بكل الحُب والتقدير .. خمسة سنوات ولم يُقرأ لك في هذا المكان الإ كل وطني .. ومفيد وجميل وخلاّق ..! إذن حُق لنا أن نباهي بك عين الشمس ياصديقي العزيز .. وأن نفاخر بك ..وأن نتوُجك ملكاً على عروش سمو الأخلاق .. وبحور المعرفة .. وينابيع الإبداع .. و كُن كما أنت لكل الأعوام القادمات لؤي ود زينب لؤي شمّت وكفى !!

ما أعتقد أقدر أقول أفضل من هذه الكلمات التي خطتها نادية في هذه الاحتفالية الرائعة يا لؤي ...
كل سنة وانت طيب في العيد المنبري ... ...

أخي عبُّود
سلامات

والله بالعربي بتاعها الشّايفو فوق دا بتقدر






وكُلّ سنة وإنت بألف خير

أنـا في البـعـيـد مُـشـتـاق لهـمـسـة من الوطن يا نـسـمـة

Quote: خمسة سنوات مضت وأنت تزرع الجمال والنقاء والحُب في هذا المكان ! خمسة سنوات وأنت تنثر رياحين التآلف والتعارف وتسعى بين الناس بالخير والمحبّة .. خمسة سنوات وصوت عقلك لم ينخفض ولم تنساق وراء لحظة غضب ولم تنحدر إلى هوّة صراعات سحيقة ! خمسة سنوات وأنت تنثر الفرح والنغم وتوثّق للإبداع والمبدعين بكل الحُب والتقدير .. خمسة سنوات ولم يُقرأ لك في هذا المكان الإ كل وطني .. ومفيد وجميل وخلاّق ..! إذن حُق لنا أن نباهي بك عين الشمس ياصديقي العزيز .. وأن نفاخر بك ..وأن نتوُجك ملكاً على عروش سمو الأخلاق .. وبحور المعرفة .. وينابيع الإبداع .. و كُن كما أنت لكل الأعوام القادمات لؤي ود زينب لؤي شمّت وكفى !!

ما أعتقد أقدر أقول أفضل من هذه الكلمات التي خطتها نادية في هذه الاحتفالية الرائعة يا لؤي ...
كل سنة وانت طيب في العيد المنبري ... ...

لؤى خمس سنين أمل وفرح وسعادة وأبتسامة ونغم وحب وتقدير للجميع








كل سنة وانت بالف خير وشمعة منيره فى هذا الموقع

نجمة
مساء الخير

إنتي بتظهري في المنبر دا وتختفي وين ؟






شاكر أختي الكريمة جزيل الشُّكر

أنـا في البـعـيـد مُـشـتـاق لهـمـسـة من الوطن يا نـسـمـة

بالله ؟






لا خبّاز

أنـا في البـعـيـد مُـشـتـاق لهـمـسـة من الوطن يا نـسـمـة

تاني ؟






سلمت يا عزيزي

أنـا في البـعـيـد مُـشـتـاق لهـمـسـة من الوطن يا نـسـمـة

ياسلام اخي لؤي عليك وانت تمضي خمس سنوات بابداع شهد به الجميع
وما احلي من كلمات شجيات معبرات وجدت هوي في نفسي وذكتني بما احب وبمن احب
وفعلا درب الريد معاك اخضر
وياليت الحبيب يسمع ويشوف ما بقلبي تجاه
وياغالي ما احتاج اذكر
لانك مهما حصل ما بنساااال
والله ما بقدر والله ما بقدر

البوست بتاع الباشكاتب وعادل والغلاط مالاقيهو يالؤي هل تم حذفه نسبة لعدم الوصول لهوية المغني ولا شنو

نادية
موجود
إتفضّلي
(( الأستاذ محمّد الأمين وإحدَى روائع الأستاذ عُثمان حسين (...اتي النّادرة جدّاً)) ))





تحاياي

أنـا في البـعـيـد مُـشـتـاق لهـمـسـة من الوطن يا نـسـمـة

أخي العوض
مساء الخير

سلمت يا عزيزي
الإنتماء لهذا الوطن يلوّننا بأروع الألحان






دام الوُد

أنـا في البـعـيـد مُـشـتـاق لهـمـسـة من الوطن يا نـسـمـة

الاخ لؤى..

خمسة سنين و مشوار اخضر و مجهود مقدّر
واسهامات ثرّة اضافت الكثير فى هذا البورد..

تمنيات لك بعمر مديد زاخر و سنوات احلى هنا..

شكرا للحن الجميل المصاحب لهذا البوست..

يديك العاافية و يحفظك من كل شر...

كل لحظة وانت طيب يالؤي


وتعيش وتدوب تاني مية سنة

راوية
مساء الخير

أدوب ؟
ميّة سنة ؟؟






تُفّي من بؤِّك

أنـا في البـعـيـد مُـشـتـاق لهـمـسـة من الوطن يا نـسـمـة

أخي محمّد
مساء الخير

سلمت يا عزيزي
إسهاماتك في هذه الدّار
ومشاركاتك التّوثيقيّة
تنير كُلّ بُقعة مظلمة هنا
واصل تشجيرك لكُلّ المساحات القاحلة ولا تكل





وُدّي

أنـا في البـعـيـد مُـشـتـاق لهـمـسـة من الوطن يا نـسـمـة

كل سنة وانت طيب

شد حيلك السنة الجاية انت داخل المدرسة

صديقي أبو الزّفت
سلامات

وإنت طيّب يا رب
الله يقعّدنا للسّنة الجّاية





وُدّي

أنـا في البـعـيـد مُـشـتـاق لهـمـسـة من الوطن يا نـسـمـة

لؤي كل سنة وانت طيب وربنا يديك طول العمر لهذا الابداع والاشراق ..








____________________________________

Quote: ولتعذرني إن قلب البعضـ/ـة هذا الإحتفال لكنبة وراء

ياخ الجماعة محتفلين معاك وفرحانين ليك تقوم تديهم على راسهم كدة

إنعام
مساء الخير
وحمد الله على السّلامة

وإنتي طيبة عزيزتي
وبالنّسبة للجّماعة ديل فالبادئ أظلم





ما تقولي أنا فايق ورايق

أنـا في البـعـيـد مُـشـتـاق لهـمـسـة من الوطن يا نـسـمـة

وزي هلة فرح دفاااااااااااق في ضحكة عيون نعسان..
وعقبال ماتم 10000000000 سنة.( دبيب بس )

مودتي ياإنسان ياجميل..

نُهَىَ
مساء الخير

وين إنتي مُختفية ؟
إفتقدتك في موضوع الغُلاط في الباشكاتب





وعليك الله تاني ما تدعي علي وعلى الدّبايب

أنـا في البـعـيـد مُـشـتـاق لهـمـسـة من الوطن يا نـسـمـة

خمسُ سنينٍ مضت
كانت لها...
بدايات....صباحات...أمسيات...إنفعالات...نهايات...
كلها روايات تمثّل في مجملها....
مجموعة إنسان....
هي قصصٌ لمدنٍ في الذاكرة....
مدنٌٌ متعددة الطرق والأحلام
وكل محطةٍ تحكي ذكرياتها...
والزمن لا يتوقف بل يمضي
كي نواصل النشيد...ونغزل الأمنيات

أطيب الأماني
أخ لؤي

Quote: خمسُ سنينٍ مضت كانت لها... بدايات....صباحات...أمسيات...إنفعالات...نهايات... كلها روايات تمثّل في مجملها.... مجموعة إنسان.... هي قصصٌ لمدنٍ في الذاكرة.... مدنٌٌ متعددة الطرق والأحلام وكل محطةٍ تحكي ذكرياتها... والزمن لا يتوقف بل يمضي كي نواصل النشيد...ونغزل الأمنيات

أنـا في البـعـيـد مُـشـتـاق لهـمـسـة من الوطن يا نـسـمـة

حبيبو لووو.....

أربعة سنين + (سنة) عشتهم حب هنـا .... و الليلة عيد ميلادك يا قلب.....

و أتمنى لك خمسين ألف سنــة مما تعد لبقية حياتك....

و كل سنة .... كل سنة و إنت و المكان أجمل و الروعة بيك تستكمل زي روعة الفنان يا فنان....

كل الود.....

يااااااا هيثم
سلامات

إنت وين يا زول ؟

خمسين ألف سنة أنا مومياء توت عنخ آمون ؟






أظهر

أنـا في البـعـيـد مُـشـتـاق لهـمـسـة من الوطن يا نـسـمـة

لؤي ..
أحدث أصدقائي .. الذين خيَّل لي انهم أصدقاء الأزل ...
كل عام و أنت موفور الصحة و محاصر بالحب و الجمال من كل صوب ...
و ربنا يحكرك بجمالك في هذا المكان خمسة الف سنة ضوئية...
________________________________
عبد الدائم و هيثم عبد العزيز ...
يا رايعين .... إزيكم

غُباشي العزيز
سلامات

ولك الشُّكر على كلماتك الطّيّبة
وكما ترَى يا صديقي
أنا مُحاط ومُحاصر بالحُب والجّمال من كُلّ صوب
عدا بعض الشّوشرة الطّفيفة والتي أوكلت أمرها لجهاز الأمن






Sverige كيف ؟

أنـا في البـعـيـد مُـشـتـاق لهـمـسـة من الوطن يا نـسـمـة

ويييييييييييين البوست ده؟؟؟
معقول يكون في بوست وفيه غلاط في الإمبراطور وأنا ماأشوفوا؟؟؟!!!
معقول الشغل والقراية يلخموني من حاجة مهمة زي دي..


لالالالالالا
الليلة مابخليك الا توريني البوست ده وين..

أحي انا
مساكين أنا ونادية

وكما تقول الدّكتورة نجاة محمود
الله يطراها بالخير






IGNORED

أنـا في البـعـيـد مُـشـتـاق لهـمـسـة من الوطن يا نـسـمـة

سقط سهواً عن المُداخلة أعلاه
وجه باسم بعد العبارة باللغة الإنقليزيّة





بس ما باسم شديد

أنـا في البـعـيـد مُـشـتـاق لهـمـسـة من الوطن يا نـسـمـة

نُهَى العزيزة
سلامات

أنا ذاتي استغربتَ إنّك ما جيتي قُلتي رأيك
البوست أهو
(( الأستاذ محمّد الأمين وإحدَى روائع الأستاذ عُثمان حسين (...اتي النّادرة جدّاً)) ))






ورحمة الله على أبو عفّان

أنـا في البـعـيـد مُـشـتـاق لهـمـسـة من الوطن يا نـسـمـة

عزيزى لؤى
الف الف الف مبروك صديق
انها خمس سنين قضيناها عذوبة وهناء

كنت فيها مقاتلا وصنديدا صاحب راى سديد
رغم انك لم تتحيز لحزب الا انك اثرت الاسئلة
وهززت القناعات الراسخة
تسلم ياامير

ياااااا أبو اليُسر
معقول ياخي ؟

الواحد بقَى من طول المُدّة يتردّد
دا هو ولاّ ما هو ؟





وين الحي بيك ؟؟

أنـا في البـعـيـد مُـشـتـاق لهـمـسـة من الوطن يا نـسـمـة