Post: #1
Title: أفتح النار على الجميع.. كفاية ياخ
Author: fadlabi
Date: 05-31-2008, 04:21 PM
Parent: #0
على الحكومة الطلعت زيتنا
على المعارضة البايعة الناس و عاملة إتفاقيات مع الحكومة
على حزب الأمة الخذلنا كالمعتاد
على العنصرية المن كل الأطراف شمال على جنوب و جنوب على شمال
و غرب على مركز و مركز على غرب
على البتكلمو باسم الهامش و بكسبوا أعداء كل يوم بدل يكسبوا مؤيدين لأنهم مليانين عنصرية مضادة كرهت الناس فيهم و في الهامش
على مصر الدايرة تستعمرنا تاني
و على تشاد و على الحكومة و خططهم لحرب ستقتل الناس أكثر مما هم يقتلون و تجعل الأهل يقتلون بعضهم
على الحركة الشعبية العاملة نايمة من دارفور كأنه الما جنوبي ما سوداني
أنا أزهج زول في العالم في اللحظة دي
ياخ تف على دي حالة
تف
|
Post: #2
Title: Re: أفتح النار على الجميع.. كفاية ياخ
Author: fadlabi
Date: 05-31-2008, 04:58 PM
يعني
انا بما إني جعلي حلفاوي
بحب جدي محمد عثمان الكان جلابي في ملكال و للآن دكاكينه هناك
المفروض أكرهه و أمشي قبره أتف فيه عشان دارفور ترضى عني؟
ياخي ده خرا عديل كده
منو القال ليكم إنه العنصرية المضادة هي الحل؟
أنا أي شمالي زيي بقول كلمة غلط بقاطعه عديل.. لي شنو دايريني أنا ذاتي أحس بالذنب عن جريمة ما ارتكبتها
ياخي كرهتونا أي شي ذاتو
و بعدين ناس حزب الأمة الكانوا بقيفوا معانا في الجامعة زي الجبال أيام الإنتخابات .. هسي عادي بدافعوا عن معاهدات الإمام!!!
يعني المواقف لسمحة ديك و الذكريات الخلتني يكون عندي أمل إنو السودان ينصلح دي كلها فشنك؟
وا حسرتي عليك يا بلد
يا حليلك يا سودان..
و الله داير أبكي من المغصة
|
Post: #3
Title: Re: أفتح النار على الجميع.. كفاية ياخ
Author: fadlabi
Date: 05-31-2008, 05:08 PM
Parent: #2
يعني ما تتخيلوا كمية الإحباط الأنا فيه
ياخي نحنا ما ناس في النهاية
عندنا حد
و بنزهج
|
Post: #4
Title: Re: أفتح النار على الجميع.. كفاية ياخ
Author: سيف اليزل الماحي
Date: 05-31-2008, 05:10 PM
.
الفاضلابي كتب :
( وا حسرتي عليك يا بلد
يا حليلك يا سودان..
و الله داير أبكي من المغصة )
الفاضلابي أخونا
إنت ما تبكي منتظر شنو؟
حزبكم الجديد ده مافيهو حائط للمبكى، معقول!
ياخي أبكي الدموع بتغسل الحشا، وبتربت على الضمير الصاحي.
خليك بخير.
سيف اليزل
.
|
Post: #5
Title: Re: أفتح النار على الجميع.. كفاية ياخ
Author: fadlabi
Date: 05-31-2008, 05:16 PM
Parent: #4
سيف
| Quote: إنت ما تبكي منتظر شنو؟ |
دي مغصة تانية كمان يا سيف
أبكي كيف بالتربية الربونا ليها
في راجل ببكي؟
ياخي أنا الليلة كله قايم علي في نفس اللحظة..
بعدين حزبنا ده يا سيف
أقراه جد قبل ما تحكم عليه
إنت فنان و الفنان ما برضى الناس يكلموه .. شوف براك!!
|
Post: #6
Title: Re: أفتح النار على الجميع.. كفاية ياخ
Author: fadlabi
Date: 05-31-2008, 05:20 PM
و أي زول يخش البوست ده
بكلمو طوالي
أريته كان يجيب مريسة تام زين..
|
Post: #7
Title: Re: أفتح النار على الجميع.. كفاية ياخ
Author: رشا سالم
Date: 05-31-2008, 05:36 PM
Parent: #6
يا فاضلابي ..
دا لسان حال كمية محترمة من الشماليين العارفين
وفاهمين كم الظلم والغبن البيحسووهو ابناء السودان
في الاطراف البعيدة..بس المشكلة انو الكراهية الموجهة لينا
موجهة للجهة الغلط..انا ما مسئولة عن عنصريةx او y من البني
ادمين..كل شخص مسئول عن فكره وفهمه في الدنيا..
وحركات الشر يعم دي ما تودينا غير لحتفنا كلنا..
وما مقصود بس الموت المادي..الموت هنا بيشمل موت الروح
السودانية وموت الوطنية و بعد داك نرجع لزمن قبيلتي وقبيلتك..!
وختاما البكا ما عيب !
|
Post: #8
Title: Re: أفتح النار على الجميع.. كفاية ياخ
Author: بشير أحمد
Date: 05-31-2008, 08:49 PM
الاخ /فاضلابي
تحيات عطرات ومثلها للامورة الصغيرة
تقول شنو ياعزيزي
ناس الهامش يكرهوك السودان زاتو ؛
وناس المركز ماعارفين يقولوا شنو
ومافي مكان عشان تقيف فيهو (مافي عاصية زاتو عشان تمسك من النص)
المعانا معانا والمامعانا يشرب من الجردل .
الله يعين.
|
Post: #9
Title: Re: أفتح النار على الجميع.. كفاية ياخ
Author: Tragie Mustafa
Date: 05-31-2008, 09:19 PM
Parent: #8
فاضلابي لك فترة وقفت مكانك سر:
Quote: على البتكلمو باسم الهامش و بكسبوا أعداء كل يوم
بدل يكسبوا مؤيدين لأنهم مليانين عنصرية مضادة كرهت الناس
فيهم و في الهامش |
لاحظ عرفت كلمة الناس بالالف واللام.
يعني انتو بقيتوا الكل في الكل,مبروك عليكم.
|
Post: #11
Title: Re: أفتح النار على الجميع.. كفاية ياخ
Author: lana mahdi
Date: 06-01-2008, 08:05 AM
Quote: و بعدين ناس حزب الأمة الكانوا بقيفوا معانا في الجامعة زي الجبال أيام الإنتخابات .. هسي عادي بدافعوا عن معاهدات الإمام!!!
يعني المواقف لسمحة ديك و الذكريات الخلتني يكون عندي أمل إنو السودان ينصلح دي كلها فشنك؟ |
ما فشنك يا فاضلابي
معظم الشباب ضد الاتفاق العجيب دة
|
Post: #12
Title: Re: أفتح النار على الجميع.. كفاية ياخ
Author: Hussein Mallasi
Date: 06-01-2008, 08:39 AM
Parent: #11
| Quote: معظم الشباب ضد الاتفاق العجيب دة |
دا نوع الكلام الكان البيجنن محمد E الحبشي
معظم ديل كم في المية و ما هي الوسيلة الإحصائية التي استخدمت للقياس؟!
|
Post: #13
Title: Re: أفتح النار على الجميع.. كفاية ياخ
Author: Saber Abdelhadi
Date: 06-01-2008, 10:45 AM
Parent: #12
فاضلابي يا بلد..
قبل شوية كان راكبين معاي في التاكسي أربعة سواح إنجليز..
دار الكلام عن السودان وعن وجود الإنجليز فيه زمان ..
واحدة فيهم نطت وقالت (ده تاريخ نحن ما بنعتزّ بيهو)..
رديت عليها (لكن نحن بنعتزّ بيهو، كل تاريخنا بكل ما فيه من مرارات وإنتصارات نحن بنعتزّ بيهو، فهو كل لا يتجزأ)..
الجماعة وجموا من الدهشة .. طبعا كانوا عايزين يجاملوني بالكلام .. لكن لقوا إجابة أبعد ما تكون عن خيالهم ..
وصدقني يا فاضلابي أنا كنت أكثرهم دهشة..
ما كنت متخيّل إنو وسط كل الرماد النحن فيهو ده ممكن ألقى لي واحد ملليجرام من التفاؤل الإتكلمت بيهو عن تاريخنا ومستقبلنا..
خلي بالك الحزب الليبرالي ده صحّا فينا حاجات الواحد كان إتخيلها ماتت من زمان..
زعلتك دي ضرورية جدا وفي مكانها ووقتها الصحيح ، ومنها الواحد يقدر يتخيّل بكرة عامل كيف..!!
___________ _ _ _
إنت عامل كيف ..؟؟
|
Post: #14
Title: Re: أفتح النار على الجميع.. كفاية ياخ
Author: lana mahdi
Date: 06-01-2008, 10:54 AM
Quote: | Quote: Quote: معظم الشباب ضد الاتفاق العجيب دة |
دا نوع الكلام الكان البيجنن محمد E الحبشي
معظم ديل كم في المية و ما هي الوسيلة الإحصائية التي استخدمت للقياس؟! |
وقفتهم صف و عّديتهم
واحد اتنين تلاتة عشرة خمسمية دشليون
|
Post: #18
Title: Re: أفتح النار على الجميع.. كفاية ياخ
Author: Abdel Aati
Date: 06-01-2008, 05:26 PM
Parent: #14
Quote: وقفتهم صف و عّديتهم
واحد اتنين تلاتة عشرة خمسمية دشليون |
لا دي بالغتي فيها يا لنا
|
Post: #15
Title: Re: أفتح النار على الجميع.. كفاية ياخ
Author: Shihab Karrar
Date: 06-01-2008, 12:18 PM
وحياتك يا حبيبنا يا فنان ... فتحت الخانة بتاعت الرد وقعدت ربع ساعة ما عارف اكتب شنو ..
الحال يغني عن السؤال وطفح الكيل وفاض ...
لكن يا صديق ... ما تخلي اليأس يوم يتمكن من نفسك
نحن هنا عشان نحاول نفهم ونتعلم ونشكل رؤية صحيحة للكون والحياة والانسان ...
نحن هنا عشان نغيير من اساليب التفكير الخاطئة حسب رؤيتنا نحن، وفي نفس الوقت نختبر مدي صحة الافكار النحن قاعدين نؤمن بيها، لانه ايمانا بيها براهو مابخليها تبقي صحيحة كسر رقبة، نحن لازم نراجع موقفنا الفكري مرة مرة، لانه لاقداسة للإفكار وانت سيد العارفين...
افتح النار يا حبيب ... افتح وانا معاك للنهاية
حديد لاقي حديد ... ينبرش الطرور ويقيف الصنديد ... حديد افكار فقط
|
Post: #16
Title: Re: أفتح النار على الجميع.. كفاية ياخ
Author: Emad Abdulla
Date: 06-01-2008, 12:33 PM
Parent: #15
أفتح يا زول ..
أفتح .. فتحهم بلى يخمهم ..
......
و يخمنا نحنا زاتنا .
|
Post: #17
Title: Re: أفتح النار على الجميع.. كفاية ياخ
Author: إيمان أحمد
Date: 06-01-2008, 05:23 PM
Parent: #16
...
|
Post: #19
Title: Re: أفتح النار على الجميع.. كفاية ياخ
Author: soma
Date: 06-01-2008, 07:55 PM
Parent: #17
Quote: وا حسرتي عليك يا بلد
يا حليلك يا سودان..
و الله داير أبكي من المغصة |
الاخ فاضلابى سلام
يا ريت لو البكى بفش الوجعه يا خوى
لكن الوجع محكر وبارك فى الحشا
كل ماتشوف خلاف اتنين تفج الوجعه وتوكرها لى جوووة
وكل مايطل صباح الوطن تكبر آلآمناونقول حليل الزمن القبيل
البلد ليه الله
تحياتى اسماء الجنيد/ مسقط
|
Post: #20
Title: Re: أفتح النار على الجميع.. كفاية ياخ
Author: Tragie Mustafa
Date: 06-01-2008, 08:07 PM
Parent: #19
عماد عبد الله
مافي اي بلاء بيخمنا
بيخم الواقفين للفارغه مش الواقفين لحقو الغلابه:
Quote:
أفتح يا زول ..
أفتح .. فتحهم بلى يخمهم ..
......
و يخمنا نحنا زاتنا .
|
|
Post: #21
Title: Re: أفتح النار على الجميع.. كفاية ياخ
Author: Mohamed Suleiman
Date: 06-01-2008, 08:55 PM
Parent: #20
من كلمات الشاعرة الرقيقة أسماء الجنيد ( soma ) :
ء
Quote:
الاخ خالد كودى سلام
اى اسرى واى رحمه ورافة حركت دواخلك اخى؟؟
يا جماعه ما تستدهدوا بالله؟؟
الاسرى البتتكلم عليهم ديل جو داخلين ديارك
وبطون بيوتك وعرضك وشرفك وبى قوة عين
تقول ارحموهم!!!!!!
ياخى حريقة فيهم وفى الجندوهم
لا رحمة بهمة لا رافة بهم
هولاء المرتزقة صغار العقول
رغم اختلافى مع الانقاذ جملة وتفصيلا
لكن اليوم وغدا والى ما شاء الله مع بلدى واهله
على المسؤلين القصاص من هؤلاء الرعاع الرمم
وردعهم ليكونواعظة لغيرهم من المتسولين ضعاف النفوس
والتحية للسودان العزيز
اسماء الجنيد / مسقط
|
اليوم فقط تتباكون علي وطن شلعتوه من زمان؟؟!!
|
|