Post: #1 Title: سلامات ... محسن خالد ... الف لاباس عليك !! Author: دينا خالد Date: 05-29-2008, 07:40 PM
محسن ياخى سلامتك وبعد الشر عليك !!
هاتفنى صديقك المجنون بعد ان خرج من عندك فتعذر على ان اقول ليك كفارة
مع انو على قول صديقتى اعرف انو ما عندك ذنوب تكفرها !!
وانشالله سليمة !! ياخى بالجد لو قاعد وبتقرا طمنا انا عرفت انو الحادث اليم وكبير
""""""""""""" للجميع """""""""""
الصديق محسن وفى هملته الضاربة اطنابها فى لندن ،،، واثناء ما كان يعد لنفسه
اللقمة طار عليه الزيت بصورة مفاجاءة (الاسبيلينق دا صاح يا محسن ؟) والله يا حليلك ايام بتصحح يابوى ....... فاتت عليك ....
وغذيره حقيقى علمت انو الحادث كبير رغم تطمينات الاطباء
فى هذا المقام نود فقط نقل مواساتنا لكن القصة دى مااااااا واقعة لى !!! تكون عرست ليك خواجية بالغصب ؟؟؟؟؟؟ وديل حريفات كمان قايلها المسيكتاب ؟؟؟ اهى اتغدت بيك !!
محسن طمنا ...... تكون دى سلطة الاسود ؟ مش كدا ؟؟
فى اسود ياكل اسود ؟؟ ياخ قالو الجنس للجنس رحمة ........
يا شباب لا يغرنكم في دينا خالد تطابق اسمها مع اخينا المُصاب محسن خالد ولا يغرنكم الفتاة اللابسه الفستان اللونو بصلي و مُحدقه نحو الافق التي تُزين بروفايلها.. فصديقتنا دينا دي رايحة ليها باقي مظاهرات من زمن الجامعة و اسألوا دكين لو ما مصدقين.
تحدثت مع محسن قبل قليل و الحالة مطمئنه الي حد كبير, لا توجد خسائر حقيقية. شلاقة منو ساكت حاول يبر روحو بشوية (محمر و مشمر) و محسن طبعا كما تعلمون يا اصدقاء لا بيعرف يطبخ ولا عندو طولة بال لاسامة السيد او نوال العالم الان بعض الضماضات تغطي وجهة لكنها لم تُلجم لسانو الفلقة ولم تنسيه ان يوصيني بتطمينكم.
محسن بخير او هكذا قال.
__ عزوز ما تخمي المواطنين .. 19 رجلاَ ماتو من اجل صندوق , موش 16
Post: #36 Title: Re: سلامات ... محسن خالد ... الف لاباس عليك !! Author: خضر الطيب Date: 05-30-2008, 00:47 AM Parent: #1
دا خبر شنو يادينا
اول امبارح كنت بتكلم معاهو بس وقتها جاني احساس انو في المطبخ
الظاهر دي بركة شيخ امين حسن عمر
اجر وعافيه ياصديق .
Post: #41 Title: Re: سلامات ... محسن خالد ... الف لاباس عليك !! Author: ودرملية Date: 05-30-2008, 01:26 AM Parent: #36
سلامات وعوافي "وسلامات وعوافي هذهافتتح بها مداخلتي كما درجت العادة عندي " مما يعني انها ليس سلامات وعوافي لي مقطوع الطاري محسن .. هذا للمعلومية وكدة .. اما بعد .. محسن بي شلاقتو دي يا دينا يعلم الله يكون شلهت الزيت وبهدل الحلة او كما قال "العارف عصام جبرالله" .. فلربما اشتهته "الاسرة" والاسرة المقصود بها جمع سرير .. لانه والعهد علي من شاهدوه يتطهم في شوارع عاصمة الضباب مبهور "وفاتح خشمو" من شدة ولضة بنات الفرنجة "تيراب" الحور العين .. فهن والعهد علي الروايات .. فاتنات ساحرات سمحات بالحيل لا يستقيم "ساق راجل" في حضرتهن لشدة سحرهن المسكر فيطيج الناظر والفراج علي اثرهن الباهر و"يتكعكع" الراجل الماشي كالذي اصابه مس.. ولربما السناريو المقصود من "القدر" ان يشج محسن "عينه اليمنى" بعد ان اطال النظر لحسناء لامعة بيضاء تسر الناظرين اطال النظر اليها حتى اصبحت في محاذاته ثم تجاوزته فاخذ "ُيقلب" عنقه ذات "الوراء" و"الوراء" فعندما اختفت "السمحة" التفت ليستقيم علي الطريق فاذا بعمود مكتوب علي صفحته "احبك ياسحر" يقابله مقابلة المحروق والمغبون فيصده كالكرة ليرجع ووجه ملتخ بالدم وعينه علي قلة سماحتها اضحت "معطوبة" .. ايا شفاك الله .. شفاك الله .. تقولي لي صاج طعمية وتحمير اسود .. اسود شنو وطعمية شنو يا دينا زولي دا انا بعرفو زول مكاباسات وجخانين يكون غير روايتي دي في رواية تاني" كأن ياخد علقة في نص اوكسفورد استريت"او يدرشو "عسكري شرطة شعبية" نواحي الهايد بارك والا يكابسوا ناس اللجنة الشعبية التابعة لعمدة لندن لكثرة زجاجات البيبيسي الفارغة امام باب منزله او اي حاجة يمكن "تودي لي دقة معتبرة" باقي انا مشتهيلو الحاجة دي عشان شلاقتو دي" التيك اوي مالا عيبا لي يامحسن ... قوم يا وهم انت "شاحد الله بنية سمحة غير الجو ما تجي خاشا بي جاية" دايما انت والمسنوح دا خاربين علينا السوق .. بعد العرس قلنا شوية كدا "نلفت النظر" تجي طاير لينا بي صاجك .. ياخ صاج مونة في نواحي شندي .. وكدة تسلمي يا دينا .. بعدين يا شباب انا بكرة داخل المطبخ اعمل لي كم حلة كدة .. اكان اتاخرتا قومو باللازم ويادينا خالد صورتي تلقوها عند محسن زاتو .. لكن اصلوا مابحمر لي اسود ولا برمي طعمية ..حلل بس ..
Post: #38 Title: Re: سلامات ... محسن خالد ... الف لاباس عليك !! Author: Sabri Elshareef Date: 05-30-2008, 01:14 AM Parent: #1
سلامتك صديقي محسن
وانت عارف دواك وين الله اديك ليهو وتقوم تواصل في حكايات تيمو الما عرفنا اخبارها شنو؟؟
الطباعة والتغليف ووو
سلام يا دينا الله يرفعو ويسلمك ويسلمو
Post: #39 Title: Re: سلامات ... محسن خالد ... الف لاباس عليك !! Author: حيدر حسن ميرغني Date: 05-30-2008, 01:18 AM Parent: #38
ماتشوف شر يامان
Post: #45 Title: Re: سلامات ... محسن خالد ... الف لاباس عليك !! Author: malamih Date: 05-30-2008, 01:57 AM Parent: #38
الأستاذ محسن خالد
ألف لابأس عليك ..
إنها الشلاقة بين ( القلم) و( البطن)
معادلة ماأنفك كاتب إيرلندا الساخر يشير برناردشو يشير إليها في معظم كتاباته.. قال له صديق يحدثه عن أبنائه( تصور يا سيد شو لدي أربعة أبناء ثلاثة منهم كتاب وشعراء .. وواحد فقط أصبح فني كهرباء ) فرد عليه برناردشو( من المجحف حقآ أن توكل أبناءك الثلاثة في أعالتهم على إبنك فني الكهرباء).
مع تمنياتي بالشفاء العاجل.. بالمناسبة حريق الزيت المقلي من أألم وأصعب أنواع الحروق .. كتر من الفاليوم والصبر وإنشاءالله حتكون بخير
Post: #40 Title: Re: سلامات ... محسن خالد ... الف لاباس عليك !! Author: Masoud Date: 05-30-2008, 01:20 AM Parent: #1
ألف بعد الشر عليك يا محسن..
Post: #43 Title: Re: سلامات ... محسن خالد ... الف لاباس عليك !! Author: HAYDER GASIM Date: 05-30-2008, 01:46 AM Parent: #40
كل شئ ولا الوش ده,
ربنا إلطف.
النسمة ... هبيتي لا جبت الحريق, عفيت منك ...
لسبب أتوخى أنه { الغربة } فأنا منذ أن خرجت من السودان أصبحت كثير الإرتباط بالزيوت, خاصة سلطة الأسود والتي تجبر شأنها عندي حتى أودعتها بروفايلي. أما الطعمية ... فلها ريحة ظننت أنها مما يربط أبنائي بالسودان { الطاعم } كما لها مزاق لذيذ ظننت أنه سوف يدلي بأفعاله في تربيتهم سودانيا.
... بعد الحصل ده ... حا أتعقد.
... وبارك الله فى الفول.
Post: #42 Title: Re: سلامات ... محسن خالد ... الف لاباس عليك !! Author: Ashraf el-Halabi Date: 05-30-2008, 01:46 AM Parent: #1
ألف لا بأس عليك يا مان طمنا عليك
ــــــــ عشان تاني ما تداقر الشيوخ الواصلين ديل بركاتك يا شيخ أمين قال يفرتك!!
Post: #44 Title: Re: سلامات ... محسن خالد ... الف لاباس عليك !! Author: Elawad Date: 05-30-2008, 01:57 AM Parent: #1
Quote: الف الف حمدأ لله علي سلامة الاستاذ محسن خالد
و اجر و عافية ..
Post: #46 Title: Re: سلامات ... محسن خالد ... الف لاباس عليك !! Author: doma Date: 05-30-2008, 03:34 AM Parent: #44
رماد خشمي وسجم زماني وانا قاعده مقهيه وفي ضان طرش
Post: #47 Title: Re: سلامات ... محسن خالد ... الف لاباس عليك !! Author: هشام المجمر Date: 05-30-2008, 03:45 AM Parent: #1
محسن
سلامتك وارجو ان تكون آخر الحوادث
انا مش قلتليك بلد الخواجات دى اخير منها ابوظبى؟
حسع عليك الله فى ابو ظبى دى حصل قدحت ليك زيت؟
ما بتحتاج مش؟
ارجع سالم
Post: #48 Title: Re: سلامات ... محسن خالد ... الف لاباس عليك !! Author: Khalid Kodi Date: 05-30-2008, 05:04 AM Parent: #1
تعرف يامحسن خالد،
أخيرا...
عندما أسمع بان أحد الرفاق من قبيلة المبدعين تمكنت منه وعكة ماء أشتاط غضبا...
بالله افتحي لي خط مع المصاب، السي محسن؟ كيف عيونك؟ كيف وجناتك؟ لعلك طيب؟ شديد؟ بقيت كيف؟ نمت؟ أكلت؟ اها الدكتور قال شنو؟ لا ياخ! خلاص نخليك ترتاح حسي
شكرا يا اخت دينا
Post: #60 Title: Re: سلامات ... محسن خالد ... الف لاباس عليك !! Author: Osman Musa Date: 05-30-2008, 02:46 PM Parent: #59
محسن ود عمى فى لندن قلب الكتشن تكل . اها العطرابة والكترابة قامن . يا زول شبرد بوش منك فركة كعب .. امش هناك اتناولك شوال طاعميه. يازول سلامتك وبعد الشر عليك الا تانى لا تهبش بتوجازات لندن ديل يولعن بلا سبب ابعد روحك اقع الجاهز .. تحياتى ..
Post: #61 Title: Re: سلامات ... محسن خالد ... الف لاباس عليك !! Author: دينا خالد Date: 05-30-2008, 02:58 PM Parent: #59
عوزاااااااز يابت
Quote: السي محسن؟ كيف عيونك؟ كيف وجناتك؟ لعلك طيب؟ شديد؟ بقيت كيف؟ نمت؟ أكلت؟ اها الدكتور قال شنو؟ لا ياخ! خلاص نخليك ترتاح حسي
معقول تعلقينا فى النص كدا ... الردود الردود !!!
اهم شى الردود على الاسئلة من 1-2 -4 - و5 و6 !!!!!!!!
محسن قال بحتاج لتمريض عاجل وخاتى مواصافات ... فمن يانس فى نفسه
الكفاءة ؟؟؟؟؟
Post: #67 Title: Re: سلامات ... محسن خالد ... الف لاباس عليك !! Author: عزاز شامي Date: 05-31-2008, 06:54 AM Parent: #66
Quote: محسن قال بحتاج لتمريض عاجل وخاتى مواصافات ... فمن يانس فى نفسه
الكفاءة ؟؟؟؟؟
أأنس من دكين ماف...
الزول أمين و صدّيق وداير يتخارج من البلد دي
يعني تمريض و زوغه ...
Post: #68 Title: Re: سلامات ... محسن خالد ... الف لاباس عليك !! Author: دينا خالد Date: 05-31-2008, 07:18 AM Parent: #67
يا عوزاز ؟؟؟؟
حولالالالالالالالا !
دكين دا ما اخير منو الحرق ؟؟؟؟
ـــــــــــــــ عل الاقل الحرق عندو دواء !!!
Post: #69 Title: Re: سلامات ... محسن خالد ... الف لاباس عليك !! Author: اساسي Date: 05-31-2008, 07:19 AM Parent: #67
وحات الخوة يا محسن دي ما خاتية عين حسن زلابية , حسدك في البيرة الساقطة والبنات السمحات
Post: #71 Title: Re: سلامات ... محسن خالد ... الف لاباس عليك !! Author: دينا خالد Date: 05-31-2008, 07:29 AM Parent: #69
اساسى ؟؟؟
Quote: والبنات السمحات
شوف عينك دى ؟؟؟
Post: #72 Title: Re: سلامات ... محسن خالد ... الف لاباس عليك !! Author: فضيلي جماع Date: 05-31-2008, 07:31 AM Parent: #69
الروائي الموهوب/ محسن خالد عساك تكون بخير وحكاية الزيت دي تكون فبركة ومكاواة من أختنا دينا. ولأنك لم تقل شيئا حتى الآن ‘ رجاء أن تطمئنا. ألف بعد الشر عليك.
Post: #70 Title: Re: سلامات ... محسن خالد ... الف لاباس عليك !! Author: Hussein Mallasi Date: 05-31-2008, 07:27 AM Parent: #67
يا ود قوم فز ؛ بلاش حرقتني طعمية و طعنتني شوكة.
Post: #73 Title: Re: سلامات ... محسن خالد ... الف لاباس عليك !! Author: Adil Osman Date: 05-31-2008, 07:48 AM Parent: #1
سلامتك يا محسن بن خالد آل لندن.. سلامتك يا دينا بنت خالد آل حريق آل..
Post: #74 Title: Re: سلامات ... محسن خالد ... الف لاباس عليك !! Author: DKEEN Date: 05-31-2008, 08:03 AM Parent: #1
انا الغايظني بصراحة انو نهال كرار دي غابت وغابت ثم غابت وجات ظهرت في بوست تحميد سلامة محسن..
موش حاجة تغيظ؟؟
Post: #75 Title: Re: سلامات ... محسن خالد ... الف لاباس عليك !! Author: معتصم دفع الله Date: 05-31-2008, 08:10 AM Parent: #1
ألف سلامة ليك يا حبيب ..
تحياتي دينا ..
Post: #76 Title: Re: سلامات ... محسن خالد ... الف لاباس عليك !! Author: الشيخ صاح محمد Date: 05-31-2008, 08:35 AM Parent: #1
أديبنا الرائع محسن سلامات وما تشوف شر (ياريت حاجة كده من ألحان زنقار!!) تحياتي دينا
Post: #77 Title: Re: سلامات ... محسن خالد ... الف لاباس عليك !! Author: حسين محي الدين Date: 05-31-2008, 09:32 AM Parent: #1
الف سلامة ليك أستاذنا محسن وزي مابقولوا أجر وعافية أن شاء الله
كسرة:
Quote: فى اسود ياكل اسود ؟؟ ياخ قالو الجنس للجنس رحمة ........
Post: #84 Title: Re: سلامات ... محسن خالد ... الف لاباس عليك !! Author: فيصل نوبي Date: 06-01-2008, 07:51 AM Parent: #1
أقترح إزالة أحد او كل الاعلانات في (صدر) المنبر و وضع هذا الاعلان كبديل دائم
_ دندونتي صباح الخير .. جميلة جداً صورة بروفايلكـ.
Post: #85 Title: Re: سلامات ... محسن خالد ... الف لاباس عليك !! Author: دينا خالد Date: 06-01-2008, 09:13 AM Parent: #84
نوبينا
صباحك رياحين ,,,,
ياخى انت الاجمل وقديما قال زلفو
يا ايليا ابو ماضى والذى نفسه بغير جمال لايرى فى الوجود شىء جميلا !!
عارف حاول اخد ليك صورة بى جاكت الجينز .. تكون القصة دى منو خلى بالك !!
ــــــــــــــ ما شفت اجمل صورة عندك كانت بالجاكيت الاسود ؟؟
Post: #86 Title: Re: سلامات ... محسن خالد ... الف لاباس عليك !! Author: عمر التاج Date: 06-01-2008, 11:11 AM Parent: #1
كفارة أخي محسن خالد والجاتك من زيتك سامحتك تاني كان داير تطبخ كلمني علشان أرسل ليك زيت خروع من خور وضبعة
Post: #87 Title: Re: سلامات ... محسن خالد ... الف لاباس عليك !! Author: عمر الفاروق Date: 06-01-2008, 11:34 AM Parent: #1
المشكلة حالياً ما في محسن وزيت محسن وما ادراك ما الكلسترول وزيت العربي بينزل الكلسترول زووووووووووووووووووووووووووت ..المشكلة في إنو ناس كتار بقوا بيتمنوا الزيت ده يطير ليهم هم عشان دينا خالد تفتح ليهم بوست بي إسمهم ... وكأني بدينا خالد هي دينا جونز (دينا جونز دي منو ؟ والله ما بعرفا).. دينا ياخ انا امبارح ود جيرانا فلقني بي قطنة خيطوا لي راسي سبعة فتل !!! أها دي كيف ما بتنفع تفتحي لي بيها بوست ؟ ياخ إن شاء الله مداخلة في بوست لي تراجي !!! غايتو الفيك إتعرفت ولندن دي بنساااااااافرا وبقووووووووم كده بمشي أشتري لي طوة من الهايد بارك ثم أدندن وانا داخل المطبخ مردداً: رباب ربّة البيت تصبّ الخل في الزيت ..
ويا محسن سلامتك وكل التيموليلات كرامتك .. تخريمة : وين الحي بيك كنتي مختفية من المنبر كده ..ليك وحشة والله ..
Post: #88 Title: Re: سلامات ... محسن خالد ... الف لاباس عليك !! Author: محسن خالد Date: 06-01-2008, 01:29 PM Parent: #87
الأصدقاء والصديقات تحياتي وتشكّراتي الخالصة جُزيتم وكُفيتم غايتو خُوَّة العدو، بعض المداخلات ما تعرفها شماتة وألا فرحة وألا ما مصدّقة! وشايف سيلفر، وغري مان، وربيكا، وجين إير، وببغاء هل دفقت الزيت، والقرد الأعمش –وما شاااء الله- الرايحة ليهو طفولة كلّو جاء تماها هنا. ودا ما واجعني، الواجعني إنهم ما عارفين نشيد البحارة ذاتو كان بقول شنو: fifteen men on a dead man's chest -yo hoo hoo- and a bottle of rum دي في زول بنساها دي!؟ غايتو جنس تقلة مخ عليكن يا عُزاز ودينا. شكر الله سعيكما، قلبكن بقى قاسي تضحكن ومسوياتنو عيد! وأخوكن في التعب الشديد. دكين بقى أحنّ منكن، تضحكن وأخوكما في الله، يعني تاني عرس مافي ليكن، البورة التكتلكن. أخوكما في الله مرة تانية، والله عينيه اللتنين مرقن من الودار بالجلالة. المهم، أخوكم بخير و-سوف لن*- يتراجع عن وسامته شبراً
-------------- * حقوق الأخطاء النحوية محفوظة لملاسي هو الوحيد الذي يستخدم (سوف) و(لن) أداتا المستقبل معاً، مع إنو واحدة بس بتكفي، لولا الركاكة المعشّشة في الحس والدماغ.
Post: #90 Title: Re: سلامات ... محسن خالد ... الف لاباس عليك !! Author: Emad Abdulla Date: 06-01-2008, 01:54 PM Parent: #89
Quote: حقوق الأخطاء النحوية محفوظة لملاسي هو الوحيد الذي يستخدم (سوف) و(لن) أداتا المستقبل معاً، مع إنو واحدة بس بتكفي، لولا الركاكة المعشّشة في الحس والدماغ.
يا زول أعيا عياك و بس .. عيان و محروق و دماغك مستعمل لما جاب زيت .. جايي تتفاصح مع ناس دماغاتا جدييييييييييدة لنج ؟؟؟
Post: #92 Title: Re: سلامات ... محسن خالد ... الف لاباس عليك !! Author: محسن خالد Date: 06-01-2008, 02:03 PM Parent: #89
Quote: في انتظار بوست: محسن خالد طعنتو شوكة .. سلامتو !!
ترقّب، وقريباً جداً، محسن خالد طعنتو شَفَّة خواجية، حالياً بالطواري، مستشفى هيدسون. عاد ياها قدر الحوادث المتوفرة عندنا، نسوي شنو؟ هنا لا يُوجد –(مرتزقة)- تاني جماعتك بنومو؟ قال مرتزقة قال! جنيات وبنيّات السودان جايين، تاني، وتالت، ورابع، ولامن تقوم قيامتكم، شدّوا حيلكم
Quote: fifteen men on a dead man's chest -yo hoo hoo- and a bottle of rum
ياحبة ما كانت كده وانما fifteen men dead on a dead man's chest -yo hoo hoo- and a bottle of rum انتا قايلو قرآن عايز تخمنا فوقو.. ده ياخوي كان تخصصنا..
هاك دي وراسك طيب يا غالي.. زمان لامن انفجرت محطة بري الحرارية لاسباب اغتمت على السيد وزير الداخلية قال في بيان رسمي: (البتاع طار في الهناي بوظ الشغلانة) هسي دينا قات لي في مسنجر: قالو الزيت سلخ البتاع بوظ الشغلانة..
كتاباتك وأسلوبك الشيق الذي حطم كثير من المسلمات جعل أصدقاءك يخلطون خلطاً رشيقاً بين المأساة والملهاة
لك تحياتي وأمنياتي بشفاء عاجل.
جمال الدين بلال
Post: #121 Title: Re: سلامات ... محسن خالد ... الف لاباس عليك !! Author: دينا خالد Date: 06-02-2008, 11:06 PM Parent: #120
خدر؟؟؟
قلت لى اخت الصورة دى فى البروفايل ؟؟
غايتو حساااااادة تولدك البنات !
Post: #122 Title: Re: سلامات ... محسن خالد ... الف لاباس عليك !! Author: خدر Date: 06-03-2008, 06:55 AM Parent: #121
Quote: خدر؟؟؟
قلت لى اخت الصورة دى فى البروفايل ؟؟
غايتو حساااااادة تولدك البنات !
غايتو .. بقيتي صعبة اسه السألكـ منو ؟ مواطن و بكاوي في اخوهو المواطن
__ لكن لو عاوزة تختيها ختيها
Post: #123 Title: Re: سلامات ... محسن خالد ... الف لاباس عليك !! Author: عبدالغني كرم الله بشير Date: 06-03-2008, 07:18 AM Parent: #122
العزيز محسن..
حفظك الله من كل شر، ومتع حواسك كلها بالصحة والصفاء والجمال، وقلوبنا معك، وندعو لك بعاجل الشفاء، كي نقطف ثمار ابداعك، ونطرب لصحة جسدك، ...
كن بخير، كما تختم مراسليك دوما..
وللعزيزة دينا... شكرا لاهتمامك الاصيل بأخ مريض، ومسافر، وبعيد، وفي هذا الثالوث ما يكفي من المحن..
دمت بخير، ولم ترجع بالسلامة، ترجع ايامنا الجميلة..
اخوك عبدالغني
Post: #124 Title: Re: سلامات ... محسن خالد ... الف لاباس عليك !! Author: Hawari Nimir Date: 06-03-2008, 08:03 AM Parent: #1
سلام يا دينا... عوافي ..كيفنك؟؟ الف لا باس و كفارة..سلامة اديبنا محسن خالد و ياخي بعد الشر عليك. هواري
Post: #125 Title: Re: سلامات ... محسن خالد ... الف لاباس عليك !! Author: دينا خالد Date: 06-03-2008, 08:36 AM Parent: #124
هوارى ازيك
وين انت جايى متاخر كدا ؟ لايمنك !
الاديب كرم الله ,,, شنو بس تشيل الرقم وتلبد !
خدر ؟ قصدك مواطن هولندى بكاوى فى مواطن انجليزى ( مع وقف التنفيذ) ؟؟
نمرق نحن منها؟ ،،،، سمح اتفسحوا
قربنا ،،، طلبنا ماشى كويس فى الاتحاد الاوربى وامكن نسبق تركيا ..
وهسه شغالين باليورو حتى اسال ناس بنك السودان !!
Post: #126 Title: Re: سلامات ... محسن خالد ... الف لاباس عليك !! Author: عزاز شامي Date: 06-03-2008, 08:48 AM Parent: #1
Quote: Quote: دينا ده موش قدامك شادي صورتك في البروفايل التقول دولاب مراهق في الثانوي؟
لقيتك ختاية والله !!!!
دندونة نوبي،
الموضوع ما ختاية ... انا بس من غيرالناطقين بها ولا تعامليني بما فعل (الكيتا) منا
دكين مالك انت مع دينا؟
ياخ ما صاح منك
____________ فاصل إعلاني
افاد مسؤول العلاقات العامة في مكتب السي محين بقوله ((نواصل استقبال المراجعين و نطمئنهم بأن السي محسن في اتم الصحة وان الصور الحديثة التي تناقلتها الصحف الصفراء غير صحيحة.)) ويقضي السي محسن حاليا فترة النقاهة حاليا في جزيرة ساردينا مع شخصية مقربة جدا رفض الكشف عن اسمها. و هناك أقاويل مفادها ان السي محين يفكر بشكل جاد في الاقتران بسيدة تجيد فنون المطبخ كيلا يتعرض لحادثة أخرى قد تتسبب في خسائر فادحة خالص ...
وكالات ع.إش تيمور الشرقية
Post: #127 Title: Re: سلامات ... محسن خالد ... الف لاباس عليك !! Author: عمر الفاروق Date: 06-03-2008, 04:01 PM Parent: #1
دينا وعزاز في بوست واحد ؟؟؟ يا جماعة إنتو ما سمعتوا المثل البيقول : لا تضع كل البيض في سلة واحدة !! وبالله ياديناو عزاز كلمة بيض ما تاخدوها بي معناها البعيد سمح ؟
تخريمة : يا دينا ياخ ممكن استغل البوست بتاعك ده عشان اقول لي زول مشتاقين ؟
Post: #128 Title: Re: سلامات ... محسن خالد ... الف لاباس عليك !! Author: دينا خالد Date: 06-03-2008, 04:33 PM Parent: #127
عوزاز وسلسلة من الختا المعلن ؟؟؟
الختا نمرة 2
Quote: دندونة نوبي،
دا بالاصالة ولا بالنيابة عن نوبى ؟
Quote: : Quote: دينا ده موش قدامك شادي صورتك في البروفايل التقول دولاب مراهق في الثانوي؟
الختا رقم واحد يبدو انك ما تعرفتى عليهو قبيل فى ردك ؟؟
Post: #129 Title: Re: سلامات ... محسن خالد ... الف لاباس عليك !! Author: دينا خالد Date: 06-03-2008, 04:36 PM Parent: #127
عمر الفاروق
ما تشتاق لى ناس من ورانا ،،،،،،،، سمح ؟؟؟
وقف الغنا دا وشغل الراديو .. ود شيخ زايد مات !
قالوا مصائب قوم ........الخ
Post: #130 Title: Re: سلامات ... محسن خالد ... الف لاباس عليك !! Author: دينا خالد Date: 06-03-2008, 09:50 PM Parent: #129
ياجماعة محسن اخبارو مقطوعة
فى زول عارف اى حاجة ؟؟؟؟
ــــــــــــــــــ محسن دا عرفنا محرق ؟؟ لكن فى ناس كدا مفروض تحصل ليهم مداهمة !!
Post: #132 Title: Re: سلامات ... محسن خالد ... الف لاباس عليك !! Author: خالد علي محجوب المنسي Date: 06-03-2008, 10:42 PM Parent: #130
دينا خالد لك السلام والتحايا طيبات وبلا عدد وانت في عيادة أخ حبيب على قلوبنا الجميل محسن خالد
ولك يا ودمسيك ( محسن خالد ) بنقول كفارة وسلامة وعافية .. وياربي ماتشوف شر وطهور بإذن الله .. واقعين في حواك نطلب طيب عفوك يا كريم بسبب تأخرنا في عيادتك .. ماتلومنا والعتب علي النظر الكبر دخل يا ودأخوي بقينا نشوف الحروف متشابكة ( أصلو اللوم بجي بالغفلات ). نرجو ان تخلق لنا عذرا. وحتى ترضى عنا نهديك بعض كلام قد يهيج أو يسكن ألآم الغربة ..
رحلة زولنا في قطار البوسطى من ( الداخلة لي الخرتوم )
مقاطع .. من الجبل أخد الأمر طوالي وقاعدات الحِسان الغيرن أحوالي ديل سِتات الكُجر فوقن بجر أقوالي في كبوشية جيت أنظر سعادة الوالي
من كبوشية قام كللاي بشوفو مشينا قام بينا الفرنساوي أب كلمتن شينا من ألم الفراق ظهر الغضب في وشينا خشينا التراجمة وفتنا خور دوشينا
من بعد المسيكتاب أصبحنا فيها حيارّه يجمع في القضيب عادمو التقول طياره نعمين يا نديم بابورنا راجيا غياره والجميزه بانت وشندي شوفنا دياره
من المسيكتاب أخد الأمر لي شندي والكمساري قال هاتو التذاكر عندي قولنا ليهو مهلك لا تضيق يا أفندي ماشين المدينة الفيها ودالهندي
غيرولو أنقليزي وحللا طالب القوز وداع ياالمك نمر سيد النحاس والفوز دا الطندب ظهر مترامي زي الموز وقال المبيت في شندي تب مايجوز
Post: #133 Title: Re: سلامات ... محسن خالد ... الف لاباس عليك !! Author: دينا خالد Date: 06-04-2008, 07:28 AM Parent: #132
ود المنسى ؟؟
انت الجيت بالفايدة ,,, وجبت سيرة البــــحر !!
ــــــــــــــــــ محسن ،،،، قوم،،، فقد اتاك المنسى باكسير الحياة !!
Post: #134 Title: Re: سلامات ... محسن خالد ... الف لاباس عليك !! Author: فيصل نوبي Date: 06-04-2008, 07:50 AM Parent: #1
شايفكـ معترضة علي كلام عوزاز في انكـ دندونتي .. دايره مشاكل انتي صاح !!
بس هسي ما فاضي ليكـ ..عندنا حداد و نكثنا الاعلام يا دندونتي
بعدين زولكـ الدايره تعملي ليو مداهمة ده مفروض تصلحي علاقاتكـ مع هوووووووه داااااااااااااااكـ عشان يجيب ليكـ الاخبار تاني
_ عوزاز دينا دي داير اخليها ترسم سجادة ( في طريقة ) ؟
Post: #135 Title: Re: سلامات ... محسن خالد ... الف لاباس عليك !! Author: Ahmed Yousif Abu Harira Date: 06-04-2008, 08:37 AM Parent: #134
ألف سلامة للزول الوسيم (قبل الزيت) في طبعو دايما هادي واعذر اطلاعنا المتأخر جدا على خيط الاستاذ دينا خالد.. ان شاء الله بسيطة وأكيد ركزت لها متمثلا قولهم:
شيل المحنة يا ام قرقد عليهو شداد والسفر اب مساويكاً حجر غير زاد الصبر العلي الكاينات بلا ميعاد والعطا من عدم ندي ونقول ما عاد
ثم اما بعد ، عهدنا بيك كنداب حربه ما بتتجرس .. وان كان الجرسة في مكانك الانت فيه ده غير محضورة وما فيها حاجه ، وقد سبقك عليها ود دودار شخصيا
ختاما نوصيك بالعرس العاجل عرس يا محسن ياخوي عرس... مكابسة المتابخ دي نتايجها كلها زي ده اسعل ناس اوروبا الغربية ديل..
Post: #136 Title: Re: سلامات ... محسن خالد ... الف لاباس عليك !! Author: دينا خالد Date: 06-04-2008, 10:17 PM Parent: #135
نوبيانى ,,,,
عارفة اميركم ميت وزيتكم طالع ,, عارفة
تصدق انا اعتراضى كان على (التريقة) على اللقب الذى اعتز به كثيرا !!
ــــــــــــــــــــــــ
بما انو فى حداد وقفيل دكاكين فهامات بتكون مافى برضو
ما عندك طريقة غير تجيب رهوم تقرا ليك !!
انت ما عارف هووووه اكل برضو يوم اكل الثور الابيض ؟؟؟
Post: #137 Title: Re: سلامات ... محسن خالد ... الف لاباس عليك !! Author: دينا خالد Date: 06-04-2008, 10:24 PM Parent: #135
يا سلام يا ابو حريرة كنت وين انت ؟
لو جيت من زمان كنا ذى ما قال الفاروق
رفعنا البوست دا من اول مداخلة ولمينا الكراسى !!
Quote: ختاما نوصيك بالعرس العاجل عرس يا محسن ياخوي عرس... مكابسة المتابخ دي نتايجها كلها زي ده اسعل ناس اوروبا الغربية ديل..
دا العقاد النافع !
ــــــــــــــــــــــــ
غايتو بنلقى ليك زولة داير الزكاة والاجر !!
Post: #138 Title: Re: سلامات ... محسن خالد ... الف لاباس عليك !! Author: دينا خالد Date: 06-05-2008, 06:02 AM Parent: #137
معتصم الطاهر
سلم ياخ !!
واحد كلوس اب لمحسن خالد سرييييييع وصلحو !!
ـــــــــــــــــ
بنوثق ليهو ,,,, يا حليل الوش بتاع زمان يا محسن !
يا حليل العيون يا حليل الوجنات يا حليل ويا حليل
او كما قالت عوزاز !!
Post: #139 Title: Re: سلامات ... محسن خالد ... الف لاباس عليك !! Author: دينا خالد Date: 06-05-2008, 06:07 AM Parent: #137
عماد عبدالله !!
Quote: بركة دعا الوالدين .. تكون طعنة في العضل ..
خلاص يا عمدة ! حندكـ خشيمك للوصف ؟؟
Post: #140 Title: Re: سلامات ... محسن خالد ... الف لاباس عليك !! Author: دينا خالد Date: 06-05-2008, 06:10 AM Parent: #137
سلامات ياسر الشريف ,,,
ما تشوف شر يا راقى ,,,
Post: #141 Title: Re: سلامات ... محسن خالد ... الف لاباس عليك !! Author: دينا خالد Date: 06-11-2008, 11:09 AM Parent: #140
اها نجى لى موضوع الكرامة وكدا ؟؟
فى اى اقتراحات ؟؟؟
Post: #142 Title: Re: سلامات ... محسن خالد ... الف لاباس عليك !! Author: فيصل نوبي Date: 06-11-2008, 11:34 AM Parent: #141
دندونتي
Quote: اها نجى لى موضوع الكرامة وكدا ؟؟
فى اى اقتراحات ؟؟؟
طبعا طبعا و انتي قاعده بتسوي في شنو ؟
_ نوبي ده عليو الضبح و السلخ و طبعاً عشان أسلخكـ لازم أعلقكـ من كراعكـ الشمال .
Post: #143 Title: Re: سلامات ... محسن خالد ... الف لاباس عليك !! Author: Gaafar Ismail Date: 06-11-2008, 11:47 AM Parent: #1
الحبيب محسن أنا طرفي باكي وحاس من قالو شاكي وحاس ما عليك من باس مقسم فينا نحن الباس نشوف العافية ليك لباس يزول ويبقى مساس يالإنت مابتنقاس في قلوبنا ماخد الكاس (إن شتء الله أجر وعافية) ************** ( مقتبس من كلمات خليل فــرح)
Post: #144 Title: Re: سلامات ... محسن خالد ... الف لاباس عليك !! Author: عمر صديق Date: 06-11-2008, 11:54 AM Parent: #1
الاخ محسن كفارة ليك وحمدا لله علس سلامتك دخلنا للكفارة وعرفنا انك من المسيكتاب ش ونحن من ج مع خالص الود
