العبيد...العبيد (مصطلح كيزاني)

زمان السودانيين عندما يغضب احدهم من الاخر يقول ليهو له يا ابن (الكلب)...

السوداني في بلاد العربان ينادونه (عبيد) وبيدلعوة بيقولو ليهو يا (خال) والخال للذين لا يعرفونه هو الشئ الاسوااد او البقعه السوداء في جسم الانسان...

لكن في الفتره الاخيره الكيزان (المؤتمر الوطني) دخلو نبذه جديده (لنج) في اضابير السياسه

الزول الدكتور(نافع غير نافع) ده قال لخصومو في الحركات المسلحه... ياعبيد...



ا

يالسنونسي مالكم ياخي دايرين تشعلوها فتن تقضي على الأخضر واليابس ؟

ياخي نافع دا زول ثقيل ومتعجرف ومغرور وسايط الدنيا دي كلها فوق تحت .

لكن واضح جداً إنو نافع ما يقصد كلمة(عبيد) بالمعنى الجبته إنتا (الزول الأسود).

واضح جداً جداً إنها لاتعني المعنى الذي ذهبت إليه .

(عبيد سفارات) تعني رهن نفسه للغيروأصبح لا يملك امر نفسه وأصبح دمية تحركها الدول .

ياخي السودان كله سود إلا بعض المهاجرين مثلاً من ليبيا أوحضرموت الخ .

الناس ماعندها شغلة الأيام دي إلا تولع نيران العنصرية والفتن .

والله عيب الكلام دا .

يالسنونسي مالكم ياخي دايرين تشعلوها فتن تقضي على الأخضر واليابس ؟

Quote: ياخي نافع دا زول ثقيل ومتعجرف ومغرور وسايط الدنيا دي كلها فوق تحت . لكن واضح جداً إنو نافع ما يقصد كلمة(عبيد) بالمعنى الجبته إنتا (الزول الأسود). واضح جداً جداً إنها لاتعني المعنى الذي ذهبت إليه . (عبيد سفارات) تعني رهن نفسه للغيروأصبح لا يملك امر نفسه وأصبح دمية تحركها الدول . ياخي السودان كله سود إلا بعض المهاجرين مثلاً من ليبيا أوحضرموت الخ . الناس ماعندها شغلة الأيام دي إلا تولع نيران العنصرية والفتن

هل تمت ادانة هذا الدكتور لتفوهه بهذا اللفظ?

الازهري اخوي لك التحايا اولا...

Quote: لكن واضح جداً إنو نافع ما يقصد كلمة(عبيد) بالمعنى الجبته إنتا (الزول الأسود). واضح جداً جداً إنها لاتعني المعنى الذي ذهبت إليه

دكتور نافع امامه مئات من المصطلحات والالفاظ كان بامكانه ان يختار اي منها...ولكنه اختار هذا اللفظ علي اعتبار خلفيته الكيزانيه...وسقط في القاع ولا ينفعه تاويل القول...
فالرجل افرغ كل مافي جعبته من الكراهيه في خضم حماسه ونسي نفسه ان هناك الاف من الابرياء يتم اختطافهم من الشوارع ليس لهم ذنب سوي انهم دارفوريين وبشرتهم داكنه...فياسيدى الازهري اطلاق هكذا لفظ في هكذا ظرف يصب تلقائيا في الهدف وهو التقليل من شان الاخر المختلف...

الاخ الكريم د. السنوسى سلام من الله ورحمة ، اخى الفاضل .... سيرة طيبة بين الركبان وفى افواه الاخوان ، عليك الله يا السنوسى يا خوى خفف شوية ، اقلها عشان ما تحرق نفسك بكثرة الطلة ، اها ارقد بعافية.

الارباب هجو... ياخي شن حالك واحوال عقبك...
ياخي الزول الدكتور ده نسي نفسه وهو احد صناع القرار في الدوله الظالم اهلها ويصرح بمصطلح زي ده وفي ظرف زي ده...
ياهجو ياخي الناس ممكن تغير اسماءها وحتي ديانتها لكن اصلو ما بتستطيع تغير لونها او خلفيتها الاثنيه لانو ليس في مقدورها تغير ذلك... لذلك تصريحات هذا الرجل مفروض تلقي الادانه...والشجب...
ياخي مفردات اللغه العربيه دي انعدمت حتي يتفوه هذا الدكتور بهذا اللفظ...

الأخ السنوسي بدر:
* عملية امدرمان أزالت ورقة التوت التي كانت تغطي العورات العنصرية لقادة النظام وجعلتهم ينطقون بما هو مخزون في عقلهم الباطن.
* نافع كان يتحدث الى مواطني الولاية الشمالية، والمكان لا يخلو من دلالات!

الاخ الكريم ياسر..

Quote: عملية امدرمان أزالت ورقة التوت التي كانت تغطي العورات العنصرية لقادة النظام وجعلتهم ينطقون بما هو مخزون في عقلهم الباطن

.
الدوله واجهزتها الرسميه كلها مسخرنها للمسخ الاسمو العنصريه تلفزيون بيعرض في اطفال من جهه محدده ومذيع يتلفظ بالفاظ عنصريه ورجل امن يعتقل فرد لاسباب عنصريه وكتاب يكتبون علي الصحف والمنابر علي شاكلة مرتزقه واقتلوهم...ويجو يقولوا عايزين نبني بلد...
وهناك من ينفذ اجنده غربيه .

السنوسي
سلامات


مع احترامى .. انت كاذب وكذاب وان
واصلت .. تتحري الكذب
من الله خلقنا وشفنا خلقنا
كلمه عبيد دى طاقشه اضانا

(عب وعبيد ناس احمد طه و ودالخادم وفيهو عرق وفرخ وفرخه وامو فرخة فلان وحبوبته خادم ودى تربايه خدم الخ الخ ..


فلا هو مصطلح كيزانى ولا يحزنون .. ده مصطلح سودانى موغل فى تربتنا الاجتماعيه وتربيتنا الغلط
وتمتد جذورو للدين ذاتووووو
عاوز تناقشو من المنطلق ده مرحب بيك
عاوز تكذب وتتحري الكذب سنقف لك بمنطق لا قبل لك به
...

اما اذا ما كنت تشير لجديث نافع فالجمله كانت عبيد السفارات ولها مدلول سياسي لا عرقى لا اخاله يغيب عن فطنه
اى انسان سوى .. وان اساء اسنخدامهااذ تدخل من باب مقتضى حال المخاطب وهى بذاك اقرب من باب المهاترات السياسيه حسب تقييمى الشخصى
وقد اكون مخطئا ..

عموما اراك وقد اشتد اوار الفتنه لا تزيدها الا حطبا
اتقى وطنك ..
وبنو وطنك ..
ومليون ميل مربع
والله ..
ان كان يمثل لك شيئا ..
اذ اوحى لنبيه
الفتنه نائمه .. لعن الله من اوقظها

وما ينطق عن هوي اذ هو الا وحى يوحى

..................

سخف هو السخف الذى يمارس بهذا المنبر
وقد جاوز سقف السخف المعتاد


..............

لا اثر لفشلكم اظهر من استمرار النظام اكثر منعه وقوه .. افلا تتفكرون

وما عارف دى صورة ولدك ( الله يحفظو ) ولا لا
لكن ولدى اللونو اسود الشايفو دة فى الصوره
( خال كما ادعيت )اشرف من اى اى واحد عامل فيها عربى
لانو ببساطه سودانى ما ( عربى )
ونحن اولاد بلد تقعد نقوم على كيفنا
يا ...

عربى

...
ده كلو استفزاز ليك عشان نعرف غلط الصاح وين

تحياتى

سؤال مهم جدا


ليه فسرت كلمة عبيد باللون الاسود ؟؟؟
ان لم تكن تستبطن المعنى

اها يا السنوسي

انا لونى اسوووواد وجعلى ولا محسى ما عارف .. اها لمن نافع يقول كلمة عب قاصدنى اناحسب دلاله كلماتك

عبد= داكن البشره

دى لو كانت كده انت عنصري
( جمله شرطيه )

محمدالمشرف لك التحيه والسلام

Quote: فلا هو مصطلح كيزانى ولا يحزنون .. ده مصطلح سودانى موغل فى تربتنا الاجتماعيه وتربيتنا الغلط

انت هس موقفك من الدكتور ده شنو خلي كذبي انا وتبليني...الزول ده دكتور ومساعد للريس وكوز كمان...وبيعرف لغه عربيه...يبقي اختياره للمصطلح مقصود للدلاله الحرفيه...وبعدين قصدي من مصطلح كيزاني لانه هو اول من اطلقه كرجل سياسي... يعني لو في واحد مختلف مع واحد تاني ممكن طوالي يقول ليهو يا عبيد فلان..

اها يا السنوسي الابيض
بتفتكر انو شهادتك فى محكمه بتساوى شهادة اثنين ممن هم مثلى عبيدا سود

السنوسي
إذا كنت قد فهمت من خطاب نافع ماذمرته فأنت غبي

وإذا كنت قد فهمت قصدته وجايي تلعب لينا بالكلمات فأنت أحمق
لأنو القراء هنا ماطيور

ماتفعله ياأخي الكريم أنت وبعض الحمقى الذين ينفذون الأجندة الغربيه في شد الأطراف تجاه المركز بتغذية هذه العنصريه السخيفه وتعميق الخطاب العرقي وتغذية الإثنيه السياسيه لن يفيد بلادنا في شيء .

كن في صف وطنك

ختاماً (دعوها فإنها منتنه)

يا محمد فرح

Quote: ماتفعله ياأخي الكريم أنت وبعض الحمقى الذين ينفذون الأجندة الغربيه في شد الأطراف تجاه المركز بتغذية هذه العنصريه السخيفه وتعميق الخطاب العرقي وتغذية الإثنيه السياسيه لن يفيد بلادنا في شيء .

برضك انا اللبنفذ في سياسة الدول الغربيه... وبعتقل الناس علي اساس لونهم ولكنتهم وخلفيتهم الاثنيه... واصرح في وسائط الاعلام بمصطلح زي ده... يااخي بطلوا الغباء ده...البلد ماشه بسرعة مليون نحو الهاويه بفعايل ناسك الانت بتطبل ليهم ديل...زول سياسي وفي مركز مرموق وداس ليهو زول ابيض جواه ويقول للناس عبيد...دي يعني مش تفرتق زلط دي تفرتق بلد بحالها...
انت اقعد ادفن لي راسك في اقرب كوم رملة واول لي اي كلمه لمسؤل وقول لا والله ده ما قاصد كده وده كان قصدة شريف...لحدما البلد تكون في خبر كان ده اذا ما بقت...

Quote: برضك انا اللبنفذ في سياسة الدول الغربيه... وبعتقل الناس علي اساس لونهم ولكنتهم وخلفيتهم الاثنيه... واصرح في وسائط الاعلام بمصطلح زي ده... يااخي بطلوا الغباء ده...البلد ماشه بسرعة مليون نحو الهاويه بفعايل ناسك الانت بتطبل ليهم ديل...زول سياسي وفي مركز مرموق وداس ليهو زول ابيض جواه ويقول للناس عبيد...دي يعني مش تفرتق زلط دي تفرتق بلد بحالها...

ياأخينا باصك ده مكشوف جداً والغرض واضح لي درجه مبالغ فيها وأي أمي ممكن يفهم وبكل سهوله غرضك الخبيث من البوست ده .



عموماً أسأل الله لك الهدايه

الاخ السنوسي لك التحية..

من يتدافعون هنا للدفاع عن نافع واقواله القذرة ليسو باحسن منه
باي حال من الاحوال..

"عبيد سفارات !" ...دى لغة دى يا مساعد الرئيس ؟

المشرف قيافة وفايتة الناس مسافة
معارض واعي جدا محبا للوطن والشعب لا يزايد في الوطن
السنوسي
عايز يبقى مناضل عظيم بالولوة دي

لا دفاعا عن نافع ولا الانقاذ بل دفاع عن الحق
عبيد المقصودة في خطابه تعني من يرهن ارادته للغرب
عن طريق سفاراته,,,يفتشو اللجوء ولو بحرق الوطن
ديل هم العبيد حقا من مختلف السودان
من نمولي الى حلفا
كل الاعراق والاجناس ..
كلام نافع استخدام بلاغي لكملة عبيد..لوصف نوعية محددة من الناس
بالله ما تملونا قرف والغرض مرض
اتمنى الاخوة العقلاء من دارفور يتنبهوا الى هذه النوعية من الكتاب التي تحسب عليهم..
يا حليل زمان وايام زمان لما جرح دارفور المفتوح كان جرح كل الشعب السوداني
يحزن ويعمل من اجل اخوانه في دارفور الى ان حولها مناضلين الكيبورد
الى حرب خسوسي..فتفرق الناس عنها...
وين اولادنا اولاد دارفور الكانوا هنا؟
اختفوا وتركوا الساحة فاضية للمهرجين
لك الله يا دارفور لك الله يا وطن لك الله يا شعب..
مبتلى من المعارضة والحكومة ..

بيان في حملتها ضد الاكاذيب والمزايدة بالوطن..

Quote: كلام نافع استخدام بلاغي لكملة عبيد..لوصف نوعية محددة من الناس بالله ما تملونا قرف والغرض مرض

بلاغي ايضا اعتقال الابرياء في الشوارع...
بلاغي ايضا ضرب امراة بالرصاص عندما رفضت لابنها واخيها ان يعتقلوا ويخرجوا مشوهيين...
محزن ياحملة دكتوراه جامعة القران...لان ما يدرس هناك حتما يخرج مصاصا للدماء وبدون مشاعر...يهلل للعنصريه ويصفق لها
اذهبوا فهنالك كوم رمله كبير دسو روؤسكم فيه يا كيزان زمن الغفلة والتزوير والرشوة...
اعرف ان مبادئ الكوزنه قد تخرج مشوهي الدواخل ولكنني استدركت مؤخرا ان الكوز قد ياكل الاطفال احياء ويجد كوزا اخر يصفق له.

ابكوا واذرفوا حتي دمعه واحده لدارفور وسندفع لكم.

الاخ تاج الدين لك التحيه والاحترام...

Quote: من يتدافعون هنا للدفاع عن نافع واقواله القذرة ليسو باحسن منه باي حال من الاحوال...

هؤلاء والقتله ومطلقي الالفاظ العنصريه هم مله واحده لان ذلك In the back of their mind وهم جموعهم In the same boat لذلك تاتي دفوعاتهم متتابعة ويسعون الي التاويل والاستقراد... وعندما تغلبهم الحجه ياتونك بالمصطلح المعلب ان هناك اجنده غربيه...هو في اجنه او اجنده غربيه غير اعتقال الابرياء حسب لونهم ولكنتهم...موضوع العنصريه هو اخر مسمار في نعش الدوله الكيزانيه البوليسيه.

Quote: مع احترامى .. انت كاذب وكذاب وان واصلت .. تتحري الكذب من الله خلقنا وشفنا خلقنا كلمه عبيد دى طاقشه اضانا

طاقشة اضانك يا محمد حيدر في الشارع و في الحلة و في مجالس الناس
العاديين..لكنها دخلت كمصطلح سياسي يستخدمه من هم في السلطة في عهد
الكيزان..لم يكذب السنوسي و لم يتحر الكذب..قالها أهل النظام بأكثر
من طريقة و في أكثر من مناسبة.
و بعدين السنوسي ده كان ابيض و عربي ما يعلن عن موقفه من العنصرية
و الخطاب العنصري و للا شنو؟ هل المعركة ضد العنصرية هي معركة المكتوين
بنارها فقط أم هي معركة الجميع ممن يؤمنون بالاخاء و المساواة؟

Quote: هل المعركة ضد العنصرية هي معركة المكتوين بنارها فقط أم هي معركة الجميع ممن يؤمنون بالاخاء و المساواة؟

Thanks Dr.Saif

Quote: بلاغي ايضا اعتقال الابرياء في الشوارع... بلاغي ايضا ضرب امراة بالرصاص عندما رفضت لابنها واخيها ان يعتقلوا ويخرجوا مشوهيين... محزن ياحملة دكتوراه جامعة القران...لان ما يدرس هناك حتما يخرج مصاصا للدماء وبدون مشاعر...يهلل للعنصريه ويصفق لها اذهبوا فهنالك كوم رمله كبير دسو روؤسكم فيه يا كيزان زمن الغفلة والتزوير والرشوة... اعرف ان مبادئ الكوزنه قد تخرج مشوهي الدواخل ولكنني استدركت مؤخرا ان الكوز قد ياكل الاطفال احياء ويجد كوزا اخر يصفق له. ابكوا واذرفوا حتي دمعه واحده لدارفور وسندفع لكم.

اريلفنت للموضوع قيد النقاش..
المراهقة الفكرية دي مشكلة كبيرة
فمتى ترشد؟
لما كتبتا عن دارفور انت كان ما بتفرز بين الكموبيتر والمايكرويف
هل راجعت الارشيف؟
وذي كتابتكم دي اخير عدمها..
غير بوظت القضية وضيعت اترها ما حصل حاجة..

Quote: اذهبوا فهنالك كوم رمله كبير دسو روؤسكم فيه يا كيزان زمن الغفلة والتزوير والرشوة

لو الكلام دا موجهو لي عليك اثبات الحاجات دي علي
كيزان زمن غفلة وتزوير ورشوة والا تبقى كضاب كبير ..ذيكوذي معارضين الهبتالي الما يزنقو بالحقيقة يشتمو ويكضبو..

حليل دارفور واهلها في معسكرات الجوع والحزن,,

Quote: انت كاذب وكذاب وان واصلت .. تتحري الكذب من الله خلقنا وشفنا خلقنا كلمه عبيد دى طاقشه اضانا

كاذب و مدعي أخرق

شفاه الله ...........

Quote: كاذب و مدعي أخرق...

ده كل قدرتك آالهضيبي... ياها النبز والكلام الفارغ...الله يخيبك.

هو اصلا زي نوعك دة عايز ليه مروة...

و بالله في أخيب من الجعير البتكتب فيه دة... ولا تكون فاكر هترشتك البدون منطق دي براعة منك

Quote: فالرجل الذي يغفل عن نفسه، وأسرته، وعمله، وعن ما هو أعظم من ذلك كله، وهو ما خُلِقَ من أجله هذا الإنسان، ويشتغل عنها بجمع الدرهم والدينار، أو بالمنصب، أو بالوظيفة، أو بأي شيء من الدنيا، فهذا عبد للدرهم والدينار، وصدق رسول الله صَلَّى اللهُ عَلَيْهِ وَسَلَّمَ وهو الصادق المصدوق، ولا يمكن أن يقول إلا الحق، كما قال تعالى: وَمَا يَنْطِقُ عَنِ الْهَوَى [النجم:3]، فهو عبدٌ للدرهم والدينار، وعبدٌ للمنصب، وقد يكون عبداً للزوجة، وقد يكون عبداً لأي عبودية أخرى، والشرط الأخير أو المعيار الأخير هو أن يتملك قلبه، ولذلك قال في آخر الحديث: {إن أُعطيَ رضي، وإن لم يعطَ سخط } من تملك قلب الإنسان فهو عبدٌ له كما قال تعالى: أَرَأَيْتَ مَنِ اتَّخَذَ إِلَهَهُ هَوَاهُ أَفَأَنْتَ تَكُونُ عَلَيْهِ وَكِيلاً [الفرقان:43].

كل شيء شيء يابدر موجود في اللوح المحفوظ عند مليك
مقتدر،، كل شيء بحسبان ، فما نحن في إنتظارك كي تعلمنا
المعاني،،

أنت ونافع سيان وفي مركب واحد ،، بل أنت أسوأ لأنك تسعى
في الأرض لإفسادها ،،

دارفور وأهلها يحترقون وأنتم تؤججون نار الفتنة طلبا للمزيد
من الموت والخراب ،،
تباً لكل وغد يسعى لموت فرد من أهل السودان،،
وتباً لك تحديداً لأنك ومنذ حضورك هنا لم تدع إلا للحرب والموت،،

قاتلك الله يا وجه الفتنة،،

مثل هذه النبذة يجب ان تجد الشجب و الإدانة الواضحة والصريحة
حتى لو براءة اختراعها مسجلة باسم رجل الإنقاذ القوي مساعد الرئيس
د. نافع علي نافع
تعبير غير موفق ومرفوض خاصة في هذه الظرف الحرج من تاريخنا

Quote: واضح جداً إنو نافع ما يقصد كلمة(عبيد) بالمعنى الجبته إنتا (الزول الأسود(واضح جداً جداً إنها لاتعني المعنى الذي ذهبت إليه . (عبيد سفارات) تعني رهن نفسه للغيروأصبح لا يملك امر نفسه وأصبح دمية تحركها الدول ما داير اشعلل النار المولعة وأدعو الله صادقا إطفاء نار هذه الفتنة اليوم قبل الغد لكن حتى لا ننسى

الانقاذ مما جاءت تواجه معارضة مسلحة
عند ما كان الدباب د. خليل مجاهدا يدعو للجهاد ويبحث عن جنات الخلد والحور العين
عبر بوابة الجنوب كنا بنسمع من إخوان المجاهد خليل معارضة الفنادق وغيرها من النبذة
السياسية .انا شخصيا لمانسمع مطلقا بنبيذه العبيد السياسية إلا في وصف معارضة د. خليل !!!!!!!!!!!!
مع يقيني أن اللفظ جاء في سياق حديث سياسي لد نافع أي ممكن تقول العبيد هنا له مدلول سياسي اكثر من عرقي لكن ليه استعمال مفردة عبيد في حالة د. خليل فقط

Quote: نافع كان يتحدث الى مواطني الولاية الشمالية، والمكان لا يخلو من دلالات!

كده انت برضو وقعت في خطا اكبر
يا أخي العزيز الولاية الشمالية في السودان فيها المؤتمرجية و الاتحادي و الشيوعي و مناصري السودان الجديد و اعداد كبيرة من ناس لن نصادق غير الصادق في داعي لأخذ الأمور بالجملة كده
رفقا بهذا الوطن

Quote: دارفور وأهلها يحترقون وأنتم تؤججون نار الفتنة طلبا للمزيد من الموت والخراب ،، تباً لكل وغد يسعى لموت فرد من أهل السودان،،

دارفور لم يحرقها السنوسي ياعبداللطيف اخوي عشان ماتتبلي فيني ساي...
دارفور وكجبار يحرقونها من يسكنون القصر ويصرحون لوسائط الاعلام بهكذا مصطلحات...
انت لم تشجب المصطلح الذي يصم الاذان يتناوله رجل دوله...ولك مطلق الحريه فيما تعتقد ولكننا لم ولن نسكت علي مصطلحات كهذه ونجلس في بروجنا العاجيه...ونترك المعركه للذين لا حول لهم ولا قوه...
اتهامك لي بتاجيج الفتنه مردود ببساطه لانني لم اكن مسؤلا في السلطه او الحركات المناهضه لها...وللكننا لا ندس رؤوسنا في الرمال ونكتفي بالصمت...

ود السنوسي ...
أرجع لكل مداخلاتك وبوستاتك منذ دخولك المنبر ...
من النادر جداً أن يخلو لك بوست من كلام غريب ...
وكلام غريب حتى على الأخوة المناضلين ...
أوضحت موقفك بكل قوة من الكيزان من أول يوم دخلت البورد ...ok
دايماً كلامك فيهو (شتارة) عجيبة ... ودائماً (وحلان) في قصة اللون الأسود والأبيض ...
حقيقةً أنا ماعارف عندكم في البادية هناك الحاجة دي مهمة وأساسية قدر شنو ؟؟؟
صدقني ...إظهار إنتماءك لمعسكر المناضلين هو اللي حماك من سقطاتك دي !!!!
...
...
فتحت البوست ده عشان كلام سئ الذكر نافع ... ومع إتفاقنا التام على سؤ نافع ..
لكن معنى الكلام أوضح من الشمس ...
ولو تمت محاسبتك شخصياً بنوعية هذه الكلمات (إبتداءً من كلامك لعصام دهب ) ح يتم تصنيفك كعنصري برتبة مشير !!!!!
...
...
_____
بتعرف قصة لاعب الكورة اللي بيحرز أهداف في مرماهم ... أهو بالضبط ده حالك !!!!!!

----

كذاب يا السنوسي ..


اتفاقيه البقط من سنه حفرو البحر استخدمت عبيد فى بيان سياسي سياسي
محمد على باشا فى بيانو السياسي عن فتح السودان المغلف باكتشاف منابع النيل
كن بتكلم عن الذهب والعبيد
حسن بشير كان عاوز يضرب منو - فى اعتقاده - ويبيدهم وهو فى منصب سياسي
الزبير باشا حاكم وسياسي من الدرجه الاولى وتاجر عبيد ..
...

وعنوان بوستك غير صحيح ( العبيد .. العبيد مصطلح كيزانى )
وهو محاوله لتزييف حقائق تاريخيه
وهو هرجله فكريه تنم عن لاوعى عميق

ياخى ما اسمعت باسبارتكوس ..
وكونتا كونتى
ولا ما قريت تاريخ

..
ياخى العبيد ديل الدين الاسلامى رتب لهم معاملاتهم الدنيويه خلافا للاحرار
عارف دية العبد كم تمثل كنسبه مئويه من ديه الحر فى الفقه الاسلامى ؟؟

..

انت مشكلتك شنو .. محتواك الثقافى ضعيف ولا مافى


..
نافع لم يكن موفقا فى الاختيار لمقتضى الحال وليس هناك اى ادانه عنصريه له ان
كنا نتحدث حرفيا

..

ان كان قد استبطن شيئافلا نعلم سرائر الناس
اما انت فقد استبطنته بما خطته يداك
العبيد = اللون الداكن = انا وكل السودانيين
ايها
الابيض .. المنحاز لقضايا السود فى الافلام الامريكيه والتى تدور ابان حربهم الاهليه


...

ياخى اقول ليك كلام انت والاخ القال انك تتحدث عن المصطلح سياسيا
ماذا تعنى كلمه عبيد سياسيا ؟!! ...

+


أستاذ المشرف، تحية.
لا أدري كيف تقيس الأشياء؟
فاذا كنت أنت بنفسك أتيت لنا بمن أصل
مفهوم العبودية في الثقافة السودانية،
لم ترم الأستاذ سنوسي بالكذب؟
أتفق مع الرأي القائل بأن نافع دكتور
أي متعلم، أختار ألفظه بعناية ليؤصل
فهما هو موجود بمخيلة أحفاد الذين
أطروا لنا العبودية بأرض "السودان".
في أعتقادي أنك تجنيت علي الأخ السنوسي
بميزان مختل.







دنقس.

بدر السنوسي

Quote: أنت ونافع سيان وفي مركب واحد ،، بل أنت أسوأ لأنك تسعى في الأرض لإفسادها ،،

و الله المخلوق دة عشان يظهر كدة و يعلن عن نفسه ممكن يكتب أي شي و لا يكترث لعواقب ...


مجرد ...آفاق ...كاذب مدعي

Quote: أرجع لكل مداخلاتك وبوستاتك منذ دخولك المنبر ... من النادر جداً أن يخلو لك بوست من كلام غريب ... وكلام غريب حتى على الأخوة المناضلين ... أوضحت موقفك بكل قوة من الكيزان من أول يوم دخلت البورد ...ok دايماً كلامك فيهو (شتارة) عجيبة ... ودائماً (وحلان) في قصة اللون الأسود والأبيض

خلاص يا خي الناس شافوك اتعدل شوية

الدكتور نافع على نافع انسان متعلم و لا يحتاج لدرس عصر فى اللغة العربية.

اختياره كلمة عبيد اختيار مقصود. القصد منه اهانة المعارضين بهذه

الكلمات العنصرية الجارحة.

لماذا ينادى الكيزان بضبط الخطاب السياسى وعفة اللسان كان قادتهموانفسهم

غير منضبطين.

اذا كان رب البيت بالدف ضارب .....


تحياتى يا السنوسى

العرضة خارج الدارة
على المعارضة ان تضبط خطابها وتبقى قدر المسؤولية
وتبطل الهرجلة المضحكة دي
طبعا اي زول هنا بقول الحقيقة المرة بيطلع كوز
الحقيقة المرة انكم لا تختلفون عن الانقاذ عملة بوجه واحد ..
موش وشين لعملة..
الكذب والتدليس سلاح قذر..لهدف نبيل..

راجع الوصلة دي..يا السنوسي
المناضل المضاد.. لعناية الناظر هباني ظاتو

Quote: أستاذ المشرف، تحية. لا أدري كيف تقيس الأشياء؟ فاذا كنت أنت بنفسك أتيت لنا بمن أصل مفهوم العبودية في الثقافة السودانية، لم ترم الأستاذ سنوسي بالكذب؟ أتفق مع الرأي القائل بأن نافع دكتور أي متعلم، أختار ألفظه بعناية ليؤصل فهما هو موجود بمخيلة أحفاد الذين أطروا لنا العبودية بأرض "السودان". في أعتقادي أنك تجنيت علي الأخ السنوسي بميزان مختل.

تحيه طيبه..

قياس الاشياء واضح جدا
الى ان يقوم الاستاذ السنوسي باثبات ان كلمه عبيد مصطلح كيزانى
انا قلت ليهو الاسلام كدين رتب اوضاع العبيد فى المعاملات
وكلك فى الجاهليه والدوله والامبراطوريه الرومانيه الخ مرورا بانشاء الولايات المتحده الامريكيه
وقامت حروب اهليه ولم ينتزع العبيد حقوقهم الدستوريه الا فى الستينيات على ما اعتقد
العبيد ..
العبيد ..
نفس المصطلح
فهل الانقاذ سابقه الاسلام والدوله الرومانيه والفارسيه والبشريه حتى ينسب اليها المصطلح


...
خياراتنا مازالت مفتوحه , العاوز يعارض يعارض بمسؤوليه وحقايق
والحقايق الممكن نعارض بيها الانقاذ كتيره
قطعا ليس من بينها المعلومات المغلوطه خصوصا التاريخيه منها ..

..

ثم يأخذنا الاستاذ سنوسى لتخريج خاطى لمدخله المغلوط بالاستشهاد بكلمة نافع ( عبيد السفارات )
وهو واضح كاشاره سياسيه قلت له انه لم يوفق كسياسي فيها ابدا ..
لكن هذا لا يستدل به ان العبيد مصطلح كيزانى
واصلا لم يورد ماقاله نافع كاملا لعلمه خطل تخريجاته

..
نجى لى مسألة الكيزان (واصلا لم يعد هناك كيزان ) والوهم العايشنو ناس المعارضه ( واصلا لم يعد هناك من يعارض )
نقول ناس الحركات المسلحه ..

يا اخوانا البيحكموا السودان ده فورميولا جديده فيها جناح انشق من الكيزان وحركه شعبيه واحزاب التوافق ولا الوفاق الوطنى
وجبهة الشرق وجزء من الحركات المسلحه فى دارفور

وفى المؤسسه التشريعيه هنالك الشيوعيون والاتحادى وناس الامه داخلوا فى الخط

ديل كلهم جمعتهم المصالح ..
وانتخابات قادمه وقانون انتخاب هو مصب اهتمام اى كيان سياسي واعى فى الفتره القادمه وتقرير مصير

يجى السنوسي يقول لينا العبيد مصطلح كيزانى !!!!!!!!!!!!!!!!!!!!!!!

عارف العقليه المعارضه الزى دى هى جزء اصيل من محنة الوطن
اعلاه دى الصوره السياسيه فى السودان .. العاوز يعارضها يفهما اول حتين يكتب حرف

اخيرا نسأل الله العافيه للوطن ..

تحياتى .. وخلى السنوسي يأتى بالكلام منتظما كا رتبته انت .. قطعا لن يكون ردى كما رددت عليه
بمعنى ان نافع استدعى او استثار الذاكره الجمعيه لاهل السودان الشمالى باشاره فيها من المواراه الكثير
قد اتفق معك !
واصلا ذكرت ان نافع لم يوفق كسياسي فى اختيار الجمله وان كان هذا لا يصلح لاقامة الحجة عليه

واخيرا للذين همزونى بالكوزنه .. ما فى مشكله بس نفسى احكي نكته الهادى الضلالى لمن بتاع الامن اتهموا انو شيوعى
اقرؤا الكلام جيدا يا هؤلاء

Quote: طاقشة اضانك يا محمد حيدر في الشارع و في الحلة و في مجالس الناس العاديين..لكنها دخلت كمصطلح سياسي يستخدمه من هم في السلطة في عهد الكيزان..لم يكذب السنوسي و لم يتحر الكذب..قالها أهل النظام بأكثر من طريقة و في أكثر من مناسبة. و بعدين السنوسي ده كان ابيض و عربي ما يعلن عن موقفه من العنصرية و الخطاب العنصري و للا شنو؟ هل المعركة ضد العنصرية هي معركة المكتوين بنارها فقط أم هي معركة الجميع ممن يؤمنون بالاخاء و المساواة؟

تحياتى واحترامى ..

كذب السنوسي بادعائه ان المصطلح كيزانى .

قريت اتفاقيه البقط ؟
عارف محمد على باشا احتل السودان ليه ؟
عارف الحرب الاهليه الامريكيه الاهليه قامت ليه
عارف ديه العبد كم فى الاسلام
عارف الوضع السياسي للعبيد فى الجاهليه كيف ؟
عارف وضعهم الاجتماعى فى الامبراطوريه الرمانيه شنو ؟
عارف عنوان البوست بناع السنوسي ؟

اخى الكريم ..
نحن لا نتهم الناس كيفما اتفق ...


...

تأويلا
نافع عارف وقاصد المعنى المباشر انو ناس دارفور عبيد .. ؟
لم يقلها( قال عبيد سفارات ) والمعنى سياسي وليس عرقى

السنوسي اعتبر انو اى داكن البشره هو المقصود بكلمه عبيد ( موثقه)
يعنى انا وانت وكل السودانيين الا من رحم ربي بما فيهم نافع عبيد فى اللاوعى للسنوسي
فهمتنى ؟ ..
الا اذا كنت تعتبر نفسك ( قمحى ) مما ينفى عنك صفة العبوديه = اللون الداكن ( عتد السنوسي )
فما اتاه نافع تأويلا اثبته السنوسي صراحه وذلك عند حسن ظننا بالاستاذ السنوسي

اها قمحى دى ذاتها دلاله محليه وهى بمعناها عندنا تعنى للاعراب ( السنوسي ) العبيد = داكن البشره
وقع ليك كلامى

تحياتى

هل استخدم الكيزان مصطلح عبيد السفارات في وصف الصادق المهدي ومحمد عثمان الميرغني وعبد العزيز خالد ايام خلافهم معهم وقبل ان يعودوا لحضنهم ؟؟

كلا .. بل كانوا يسمونهم معارضة الفنادق ...

الاشارة العنصرية في حديث الدكتور الضار لا تخفي على فطن؛ وكلمة عبيد فعلا لم يخترعها الكيزان؛ ولكنهم هم من جعلوا العنصرية والقبلية قسما رئيسيا في قاموسهم السياسي وفي خطابهم وفي ممارستهم ؛ والدليل ما مارسوه قي الجنوب وجبال النوبة وغيرها من تقتيل عرقي وعنصري؛ وما يمارسوه اليوم في دارفور والخرطوم؛ والتنكيل بالناس على اساس السحنة واللكنة.

الكيزان ونظامهم القائم من اكبر عنصريي السودان.

شكرا لك يا بدر السنوسي ..

Quote: لكن في الفتره الاخيره الكيزان (المؤتمر الوطني) دخلو نبذه جديده (لنج)

بدر أخوي ازييك

ابدا و الله ما الكيزان بس , هنا في ناس في البورد ده استعملوا الكلمات دي


قبل كده يا عبد و يا اسود

عبد العاطى سلام ..

Quote: هل استخدم الكيزان مصطلح عبيد السفارات في وصف الصادق المهدي ومحمد عثمان الميرغني وعبد العزيز خالد ايام خلافهم معهم وقبل ان يعودوا لحضنهم ؟؟ كلا .. بل كانوا يسمونهم معارضة الفنادق ... الاشارة العنصرية في حديث الدكتور الضار لا تخفي على فطن؛ وكلمة عبيد فعلا لم يخترعها الكيزان؛ ولكنهم هم من جعلوا العنصرية والقبلية قسما رئيسيا في قاموسهم السياسي وفي خطابهم وفي ممارستهم ؛ والدليل ما مارسوه قي الجنوب وجبال النوبة وغيرها من تقتيل عرقي وعنصري؛ وما يمارسوه اليوم في دارفور والخرطوم؛ والتنكيل بالناس على اساس السحنة واللكنة. الكيزان ونظامهم القائم من اكبر عنصريي السودان. شكرا لك يا بدر السنوسي

لا لم يستخدم الكيزان مصطلح عبيد فى وصف من ذكرت واضف عليهم قرنق وكل قيادات الحركه الشعبيه
ده واحد

اتنين الكيزان الزمن داك كانوا ناس خليل ابراهيم يعنى كلامك ما عن المؤتمر الوطنى البحاربو خليل وبدعمو الترابى
والكانو بقتلوا الناس على اساس التمييز العرقى والدينى كانوا ناس خليل ابراهيم

اتفق معك ان التعبير غير موفق لكنه لا يقام دليل على عنصريه نافع ..
عاوز ادله تانيه بتلقاها انت والسنوسي
لكن السنوسي
قال العبيد مصطلح كيزانى
فعلام الشكر
على المعلومه الخاطئه؟

تحياتى

Quote: تحياتى واحترامى .. كذب السنوسي بادعائه ان المصطلح كيزانى . قريت اتفاقيه البقط ؟ عارف محمد على باشا احتل السودان ليه ؟ عارف الحرب الاهليه الامريكيه الاهليه قامت ليه عارف ديه العبد كم فى الاسلام عارف الوضع السياسي للعبيد فى الجاهليه كيف ؟ عارف وضعهم الاجتماعى فى الامبراطوريه الرمانيه شنو ؟ عارف عنوان البوست بناع السنوسي ؟

اذن اقترح على السنوسي أن يغير عنوان البوست ليصبح:
العبيد..العبيد(مصطلح كيزاني) في السودان ..في الفترة بين 1956-2008 .

محمد المشرف سلام

Quote: لا لم يستخدم الكيزان مصطلح عبيد فى وصف من ذكرت واضف عليهم قرنق وكل قيادات الحركه الشعبيه ده واحد

اذن ما الداعي لاستخدامه اليوم ؟؟ وهل يمكن ان يكون هذا بسبب نزعات عنصرية ؟؟

Quote: اتنين الكيزان الزمن داك كانوا ناس خليل ابراهيم يعنى كلامك ما عن المؤتمر الوطنى البحاربو خليل وبدعمو الترابى والكانو بقتلوا الناس على اساس التمييز العرقى والدينى كانوا ناس خليل ابراهيم

كلهعم كانوا ولا زالوا يمارسون قتل الناس على اساس عرقي وديني؛ ولا يفرق ان خرج منهم جزء؛ الا ان نافع لم يخرج؛ وكان معهم حينذاك ؛ وهو معهم الان ؛ فهل استخدم حينذاك هذا التعبير الغريب ؟؟ كلا ..

Quote: اتفق معك ان التعبير غير موفق لكنه لا يقام دليل على عنصريه نافع ..

اذا كنت تصف البعض بمعارضة الفنادق وتصف الاخرين بعبيد السفارات ؛ واذا كان في التراث لبعنصري وان عبيد السفارات استخدمت لوصف المعارضين من غرب السودان؛ اتضحت الصورة .. وعنصرية نافع ما بيضووا ليها النار وكذلك كل عنصرية الكيزان والنظام .

Quote: عاوز ادله تانيه بتلقاها انت والسنوسي لكن السنوسي قال العبيد مصطلح كيزانى

لم يخترعه الكيزان ولكنه يدخلونه اليوم الى دائرةة التداول السياسي
مثلا مصطلح سدنة هو مصطلح قديم (سدنة الكعبة) ولكن الشيوعيين هم من ادخلوه لدائرة التداول السياسيلوصف اتباع مايو والكيزان به بعد الانتفاضة .. كذلك كلمة كوز كلمة قديمة في السودان؛ ولكن دخولها في المصطلح السياسي جديد؛ وكذلك كلمة عبيد السفارات التي يراد به تسويق كلمة عبيد في اطار محاولة الكيزان لجعل لصرالع فيالسودان عنصريا .

Quote: فعلام الشكر على المعلومه الخاطئه؟

أشكره على اثارة الاهتمام بالموضوع وعلى اجتهاده في طرح الامر للنقاش
فان وفق له اجران وان اخطا في جزئية فله اجر واحد .

بهذا الفهم فان السيد السنوسي نفسه كان كوزا
عندما مارس العنصرية السوداء ضد بعض اعضاء هذا المنبر.



وكان متكئاً فأناخ وقال:
لا يقول العبد (عبداً) إلا وهو (كوز) .

تعود الكيزان بان يرموا الاخرين بتهم هم انفسهم مقترفوها

الكيزان تعودوا على الكذب والبهتان وقذارة اللسان

يبهتون الناس ثم يتباكون

انها دموع التماسيح

------------------------------------------------

من الذى صور للكيزان ان الناس ينتظرون منهم النصائح ?????????????





-----------------------

تحياتى للمعارضة الصامدة

Quote: اذن اقترح على السنوسي أن يغير عنوان البوست ليصبح: العبيد..العبيد(مصطلح كيزاني) في السودان ..في الفترة بين 1956-2008 .

سيف النصر ..
احترامى
لكن برضو العنوان الاقترحتو غلط ..

...

انا كان عندى عمى بستخدم المصطلح ده سنه 57 .. ونهائيا ما كان كوز

Quote: انت لم تشجب المصطلح الذي يصم الاذان يتناوله رجل دوله...ولك مطلق الحريه فيما تعتقد ولكننا لم ولن نسكت علي مصطلحات كهذه ونجلس في بروجنا العاجيه...ونترك المعركه للذين لا حول لهم ولا قوه... اتهامك لي بتاجيج الفتنه مردود ببساطه لانني لم اكن مسؤلا في السلطه او الحركات المناهضه لها...وللكننا لا ندس رؤوسنا في الرمال ونكتفي بالصمت...

أخي سنوسي ،،
نحن لسنا في عرض مصطلح أو كلمة يا أخي الكريم ،، نحن
نتمنى ألا تهدر مزيد من أرواح أهلنا ،،
إتهامي لك بتأجيج الفتنة لأنك تزيد النار إشتعالا ،،
التجاوزات والله حادثة من كل الأطراف ،، وهذا النزيف
لن يقف مالم ندعو الناس إلى العودة للعقل والحق ورفض
الأطماع والمناصب والحدود وآبار النفط وصون كرامة البشر،،

أدع إلى أقرب طريق يوقف هذه الحرب اللعينة،،
لا تتمسك بالنعرات العنصرية، ياسنوسي أبو بكر قالها في حضرة
النبي عليه السلام،، لن تزيلها فلا توغرن بها صدورنا أكثر
وأكثر ، وما العنصرية إلا مرآة للدواخل المريضة لمطلقها،،
أجنح للسلم وأدع المتحاربين من كل طرف لإعلان فوري لوقف
أطلاق النار ، ومن ثم التناحر بالحجج والمحاج لينعم طفل
واحد بالهدوء لليلة واحدة،،
لا يهمني نافع ولا خليل ولا كل سياسي الدنيا بقدر ما يدمي
فؤادي منظر طفل يهدر دمه هكذا في غباء،،

سلام أخي العزيز،،

عبد العاطى سلام

عموما النقاش معاك جميل ..

اولا :

العنوان ( العبيد العبيد , مصطلح كيزانى )

خطأ باين بينونه كبري

ثانيا :
ادخال المصطلح للغه السياسيه

متى كان المجتمع مفصولا عن السياسه ومتى كانت كلمة عبيد مفصوله عن السياسه .. ياخى جيوش الاستعمار ديك كلها حركها شنو
واصلا صراعاتنا المسلحه والسياسيه كلها اجتماعيه ولكلمة عبيد دى القدح المعلى فيها

ثالثا
لما الربط بين الكلمه واللون الداكن عند السنوسي بتفريعات السؤال الكتيره ان لم يكن يختزن المدلول
الاجتماعى لكلمه عبد من بيئه احاطت به .. ( ولا اعتقدها بيئه كيزانيه)

رابعا
للموضوع الف باب وباب للولوج اليه وقد اختار اسوأها

خامسا
فيم كان اجتهاد السنوسي كى ينال اجرا واحدا ( فضح النظام العنصري من خلال نافع وتصريحه )
يا عبد العاطى الليله دى لو فى اجتماع فى مجلس الوزراء حتلاقى مختلف اطياف اللون الداكن لكن المصطلح ما هبشم لانهم ما عبيد سفارات
وقد يردد ادكنهم لونا قول نافع ومالى خشمو لاقتناعه به ولا اقول ان خليل واتباعه عبيد سفارات فانا لا اوافق نافع الرأئ ولكن المدلول السياسي اقرب للفهم السليم

شكرا للاهتمام ..