شيوعيين وديمقراطيين المنتدى ...دعوة لإجتماع

الباب مفتوح للمهتمين من الباحثين وغيرهم

الاجندة :

تأمين : عدم المساس بحياة الحزب الداخلية او المركز او الفروع
الجند الأول
رفع تراث الحزب الشيوعي السوداني المكتوب وغير المنشور الى شبكة الانترنت
أمثلة :
وثيقة الماركسية وقضايا الثورة السودانية
إصلاح الخطأ بين الجماهير
بعض دورات اللجنة المركزية ( أغسطس 2001 كمثال )
بعض مقالات هامة من مجلة الشيوعي وقضايا
وغيرها من الوثائق الجديرة بالتوثيق والنشر الالكتروني

كلنا يقرأ المنتجات الفكرية وادب العديد من الاحزاب من حولنا عبر الشبكة
ما المانع من تقديم جهودنا الفكرية المتواضعة للباحثين والراغبين في الاطلاع
هل هو الكسل ام فرضية فرض الكفاية ام جرثومة التواضع
على كل وحتى لا يحدث تضارب بين العديد من الناشطين والمؤمنين بالفكرة ارى
ان يتم توزيع الوثائق كتكاليف على البعض تكون معلومة للاخرين حتى لا ينجزوا نفس الوثائق

الجند الثاني أ رفع مقترحات واقعية ومحددة لهيئة تحرير الميدان الالكتروني من اجل تطويرها مع ابداء
المبادرة في تنفيذ المقترحات وعدم الاكتفاء بالنقد ( إمكانية قيام منتدى نقاش في الموقع كمثال )

ب : التفاكر في اطلاق حملة منظمة لدعم الصحيفة وهي تتجه للصدور ثلاث مرات في الاسبوع
والكل يعلم مدى الخسائر التي تعرضت لها جراء مصادرات جهاز الامن بعد الطبع
اقترح تحديد رئيس للاجتماع ومقرر ( ابو ساندرا / طلال ) نسبة لعدم تواجدي اليومي
زمن الاجتماع اسبوع من تاريخ نشر البوست لمنح فرصة للغائبين عن المنبر من المؤمنين بالفكرة
تحياتي ،،،

أهلآ يا محمد صلاح
تغيب
وتشرق بالجديد
والمفيد

أوافق على حضور الإجتماع
ولكن بشأن :
اقترح تحديد رئيس للاجتماع ومقرر ( ابو ساندرا / طلال ) نسبة لعدم تواجدي اليومي
----------------------------------------------------------------------------
أشكرك على ترشيحي لرئاسة الإجتماع
وإعتذر ، عشان الرئاسة بتقيدني
وانا بحب أكون حر وطليق
وبقترح الرئاسة تكون للشباب زي
محمد حسبو ومعاوية كرفس ومعتز شم

وأقترح تسمية الإجتماع ب
دورة المتصفح خضر حسين خليل
والشهيد قدورة

العزيز محمد
تحياتي
تغيب وتجيب

حاضرين

الزميل محمد صلاح
حاضرين ومنفذين

Quote: اعتقد بأن موضوع الموقع مهم جداً ،،، ويجب أن يكون هم الناس اليومي
وسوف يكون هذا الموقع بمثابة (دار الاتحاد) يتجمع فيه الناس من كل أنحاء الدنيا
ويقدروا يعرفوا يعملوا شنو ،،،، ويتخيل لي كل الأقتراحات ممكن تجدها حظها من النقاش
ولا بد من تكليف زملاء لموضوع الموقع ،،،،
يعني زميلين لمتابعة جمع مالية الموقع
وزميلين لمتابعة التصميم والإشراف علي الموقع
لأنه التصميم محتاج لجهد كبير ومتابعة يومية من حيث تصميم الصفحة الأولي
وكيفية تقسيم الموقع لأقسام مختلفة ....الخ الأشياء الفنية ،،،،،
وبعداك كيفية متابعة الموقع وإدارته ودي برضها محتاجة لمجهود كبير
يلا يا جماعة اقتراحاتكم

لكم التحية
عدراً يا صاحب البوست الكود أعلاه من بوست عن تجربة الطلاب الديمقراطيين والشيوعيين في مصر
وفي طرح لفكرة قريبة من فكرة البوست الحالي
إدا ممكن يتم تنسيق

احنرامي ومحبتي

تحايا وود

إن كنتم جادون في ذلك
اقترح التنثيق مع ادارة موقع الحزب
لان هناك تجارب كثيرة لعمل مواقع لكنها دائما ما تكون مجرد احلام
دعم وتغير ورفد الموقع بافكار جديده ...

عزيزى محمد صلاح
تسلم يازميل على الفكرة ومن اسع تلفونى هو
0126259143
وايميلى [email protected]

العزيز خالد العبيد
هل انت فى السودان

الافكار هنا تذهب مع الرياح

الوميل محمد صلاح

عارف اللائحة بتسمي دا شنو ( اجتماع لشيوعيين برة القلات التنظيمية)
تكــــــــتل

لكن انا جاي غايتو
و حاضر
جلد جلد غرامة غرامة


و يا معتصم بطل كسيييير مجادييييف الناس

كسرة : سألت منك قالو رجعت

تعال بنعمل ليك تأبين تاني...

ده بوست ولا قلوبية??

ياهو دا,,,

أحمد الطيب/

جاهزين

وأقترح عمل قاعدة بيانات

او اي وسيلة اتصال لتبادل الأفكار تكون سريعه ومفيده
وماتنسوا انو في زملاء ماعندهم اشتراك في الموقع يعني
لازم نعرف كيف نلقي ليهم فرصه معاناللتواصل


ونتواصل

سلامات ابو ساندرا والتحيات
اوافق دون تحفظ على تسمية الاجتماع
دورة المتصفح خضر حسين خليل
والشهيد قدورة
ولا خلاف حول اي من المتواجدين باستمرار من الادارة والتلخيص

الوارف خالد العبيد
كل الاشواق تحضر ما تغيب زي
مابقولو حبوباتنا


نقابي عجوز الاستاذ خضر
دومًا في المقدمة والطليعة


عزيزي نور الدين بابكر
مرحب بك وبتجربة الطلاب الشيوعيين والديمقراطيين السودانيين بمصر
على فكرة لايوجد رابط
فيما يخص تطوير موقع الحزب 0 ( وليس الميدان فقط )
اؤيد كلام الاخ معتصم بضرورة التنسيق مع المسؤولين وذلك بعد التداول هنا
والخروج بالخلاصة .

عزيزي معتصم
سلامات ،، اعرف ما تقول والاسف مازال يعتصرني على تجربة لو كتب لها ان ترى
النور لصادفت النجاح بلا شك ، فقط تذكر ان المقترح أعلاه لا يهدف لاقامة موقع
للحزب فذلك شأن هيئات مختصة كل ما في الامر الدعم ، الدعم ثم الدعم
فثمة فروع لا تمتلك أجهزة كمبيوتر ولا ماسحات ضوئيةولا المال القليل الفايض
ان العديد من الزملاء هنا لديهم من الوقت ، المال ، الحواسيب ، الكتب ، الاسكنر
ما يمكنهم من عملية الدعم بل والدعم المتصل ومن هنا نبدأ العزيز زمرواي
تحياتي الحارة والاكيدة لك ، سأتواصل معك في القرييب

د. أمجد
والله انت شجاع عارف انو الاجتماع بر الاطر ممنوع وجاي
انا غايتو ما عارف انو اجتماعات زي كدا ممنوعة
بعدين ياخوي احنا الديمقراطيين ديل ما بنتحاسب بالجلد والغرامة

أحمد الطيب
سلامات يازول
ووضح شووووية


عزيزي د. مهدي
سلامات وتحية
جيد ما تقول فكل عمل مؤسس على قاعدة علمية يضيف لنفسه عامل الاستمرار والفائدة
سنبدأ بالمسجلين هنا واصدقائهم وقرائهم ، ايميلاتنا مفتوحة لتلقي الاقتراحات
اقتراحي هو :
زميل يتولى ملف رفع الكتب الى الشبكة
زميل يتولى جمع المقترحات والدراسات حول تطوير الموقع
زميل يتولى جمع التبرعات للموقع
يتم مخاطبة موقع الحزب او المركز بعد بلورة النقاش المبدئي هنا ومن ثم البدء في التنفيذ
تحياتي للجميع،،،

نحو فرع حزب إسفيري
يا أمجد
طال الزمن أم قصر
فإن الديناصورات سيأتيهم يوم
يعترفوا فيه بفرع الحزب الإسفيري
وبعقد الإجتماع عن طريق الماسينجر / كونفرانس
وتمليك كل خلية حزبية مفتاح دخول وكلمة سر
ما لازم الحزب ده يستجيب لمتغيرات العصر
وينسجم مع ثورة التكنولوجيا والإتصالات

وبذا نكون قد حسمنا مشكلة
افنقطاع
وضياع التوصيلات

يا زملاء دخلوا الموضوع ده في اجندة إجتماع
{ دورة المتصفح خضر حسي خليل والشهيد قدورة }

__________________

Quote: شيوعيين وديمقراطيين المنتدى ...دعوة لإجتماع

سؤالين على الهامش للأخوة الزملاء في الحزب الشيوعي السوداني ولأصدقاء الحزب: ما الفرق بين الشيوعي والديمقراطي؟ وهل الديمقراطية أيدولوجيا فكرية أم هي منهج لممارسة الأيدولوجيا؟

فكرة ممتازة ...

حيث إن النشر الالكتروني يفتح افاق وإمكانات متعددة للنقاش والنقد

احيي صاحب الطرح

____________________

سؤال خارج النص ...
هل انا كليبرالي مدعو؟ حيث ان الدعوة تشمل الديموقراطيين

Quote: وبذا نكون قد حسمنا مشكلة افنقطاع وضياع التوصيلات

دي اهم زول لانو نحن توصيلاتنا رايحة بعمر الانقاذ ومتعاطفين ساي الان

وفي ناس ما مقتنعين بينا

علي العموم موافقين ؟؟

واحسبونا معاكم
ربيع السماني

__________________

الأخ : أبو ساندرا

أأطمع أن أجد منك إجابة ؟!

Quote: أحمد الطيب سلامات يازول ووضح شووووية

أحمد الطيب قال ده بوست ولا قلوبية

ومحمد صلاح قال ليهو:

Quote: أحمد الطيب سلامات يازول ووضح شووووية

الظاهر محمد صلاح انت ماعشت في السودان

او مولود في حتات زي الرياض والطائف والمنشية وقاردن سيتي

القلوبية دي شرك الطير وهي هواية الغبش اولاد الحواري..يارفيق!!هيق هيق

فراكشن اسفيري يا ابوساندرا

الثنائي/ د.( محمد جعفر +الصادق حسن).. بجمهورية مصر في الثمانينيات...تجربة ثرة يجب أن لا ننساها

هنا عنوان البوست يا صديقي

لك ودي

من جانبى كنت عضوا ولكن تم تجميد عضويتى لاسباب لا اعرفها
مع ذلك لدى بعض مؤلفات للشهيد عبد الخالق محجوب
يمكن ان نرفدكم بها
تحياتى

Quote: من جانبى كنت عضوا ولكن تم تجميد عضويتى لاسباب لا اعرفها

عادي بالزبادي ..

الدكتورة خالدة زاهر اول امراة تنضم للحزب الشيوعي تم تجميد عضويتها في 1952 حتى اليوم لأن زوجها انقسم عن الحزب .
تشي قرايبك اصحابك يمكن واحد فيهم يكون انقسم او خرج من الحزب الشيوعي .


للحزب الشيوعي تراث سيئ في التعامل مع المرأة في صفوفه .

كتب محمد صلاح

Quote: الباب مفتوح للمهتمين من الباحثين وغيرهم

يعني لكل الناس مش الشيوعيين واليمقراطيين بس

Quote: تأمين : عدم المساس بحياة الحزب الداخلية او المركز او الفروع

وفي نفس الوقت عدم المساس بحياة الحزب.هل التنبيه موجه لعضوية الحزب ام للديمقراطيين ام

عامة الناس؟؟

ام ان عامة الناس من الباحثين والمهتمين لايعرفون شيئا عن حياة الحزب الداخليةوما فائدتهم

اذا؟؟

Quote: هل هو الكسل ام فرضية فرض الكفاية ام جرثومة التواضع

قد يكون من دواعي التأمين؟؟

بعدين مامكن تعملوا صفحة في مجلة الحوار المتمدن مثلا شايف قيادات الحزب بتكتب فيها؟

Quote: ان يتم توزيع الوثائق كتكاليف على البعض تكون معلومة للاخرين حتى لا ينجزوا نفس الوثائق

اظن الحكاية مبنية علي المعرفة الشخصية لبعض الشيوعيين في المنبر ودي بداية اللاديمقراطية

التي تدعون لها؟؟

Quote: اقترح تحديد رئيس للاجتماع ومقرر ( ابو ساندرا / طلال ) نسبة لعدم تواجدي اليومي

أها بدت الشللية؟؟

Quote: زمن الاجتماع اسبوع من تاريخ نشر البوست لمنح فرصة للغائبين عن المنبر من المؤمنين بالفكرة تحياتي ،،،

والله ده كلام عجيب؟؟ والبتأخر عن أسبوع يكون بره (الجك)!!وبعد داك تحتكروا الشغلة وتكون( حقوق

الملكية الفكرية)والحقوق المجاورة مملوكة لهؤلاء الذين كانوا موجودين بالصدفة!!

وكتب ابوساندرا:

Quote: أهلآ يا محمد صلاح تغيب وتشرق بالجديد والمفيد

غاب وجاب؟؟

Quote: وبقترح الرئاسة تكون للشباب زي محمد حسبو ومعاوية كرفس ومعتز شم

ما عندنا مشكلة ده الواقع كده نعمل معاه شنو؟؟لانه من الصعب اثبات ان الباقين من (الباحثين

والمهتمين) ليسوا أعداء او امنجية؟؟

Quote: وأقترح تسمية الإجتماع ب دورة المتصفح خضر حسين خليل والشهيد قدورة

الاقتراح ده من حق ابوساندرا مكتسب من ترشيحه للرئاسة التي تنازل عنها وفق ثوابت الديمقراطية

الواقعية في المنبر!!

وكتب NGABY :

Quote: الزميل محمد صلاح حاضرين ومنفذين

نحييك علي الثقة المتوارثة

وكتب نورالدين :

Quote: وسوف يكون هذا الموقع بمثابة (دار الاتحاد) يتجمع فيه الناس من كل أنحاء الدنيا

ياتو ناس يا نورالدين!!

Quote: ولا بد من تكليف زملاء لموضوع الموقع ،،،، يعني زميلين لمتابعة جمع مالية الموقع

أعذرونا جمع المالية عبر النت دي صعبة شوية بس ما تقولوا لينا credit card وvisa card

او حساب في بنك الخ من الحاجات المامفهومة وتستبعد( الطبقة العاملة من المشاركة)؟!

Quote: عن تجربة الطلاب الديمقراطيين والشيوعيين في مصر

ما نحن دايما قرود للمصريين(غاب وجاب)

وكتب معتصم الجمام:

Quote: إن كنتم جادون في ذلك اقترح التنثيق مع ادارة موقع الحزب لان هناك تجارب كثيرة لعمل مواقع لكنها دائما ما تكون مجرد احلام

الحزب عارف البير وغطاها

بعدين يا أخوي ما ننتظر المؤتمر ويناقش الموضوع ده ويملكه لكل العضوية عشان يكون ديمقراطي

شوية؟؟ الحزب انتظر ستين سنة تفرق شنو كم يوم ولا عشان المصريين عملو كده؟؟

وكنب زمراوي:

Quote: عزيزى محمد صلاح تسلم يازميل على الفكرة ومن اسع تلفونى هو 0126259143 وايميلى [email protected] العزيز خالد العبيد

شنو عدم التأمين ده طوالي فاكي آخرك!! تلفون وايميل عبر النت!!

وكتب معتصم

Quote: الافكار هنا تذهب مع الرياح

اصبر شوية!!

وكتب امجد

Quote: الوميل محمد صلاح عارف اللائحة بتسمي دا شنو ( اجتماع لشيوعيين برة القلات التنظيمية) تكــــــــتل

يا امجد ما تكسر قزازة السمن بتاعتك ساي!!

وكتب احمد الطيب

Quote: ده بوست ولا قلوبية??

اول حاجة كان تشرح معني قلوبية ده للشيوعيين المولودين في الطائف او برة السودان

وما بعرفوا ثقافة شفع الشوارع والاحياء الشعبية!!

وكتب مهدي الامين

Quote: وماتنسوا انو في زملاء ماعندهم اشتراك في الموقع يعني لازم نعرف كيف نلقي ليهم فرصه معاناللتواصل

كلام جميل لكن الزملاء ديل وين وكيف ووو..احسن تنتظروا المؤتمر وتمهدوا عن طريق اي منبر

آخر للمزيد من المشاركة؟

وكتب محمد صلاح مرة اخري:

Quote: سلامات ابو ساندرا والتحيات اوافق دون تحفظ على تسمية الاجتماع دورة المتصفح خضر حسين خليل والشهيد قدورةولا خلاف حول اي من المتواجدين باستمرار من الادارة والتلخيص

يعني عشان صاحب الفكرة ولا شنو!!

Quote: بضرورة التنسيق مع المسؤولين وذلك بعد التداول هنا والتنسيق لزومو شنو بعد التداول هنا...والله عجايب؟؟ كدي انتو ورونا الحزب ده ياتو البتتكلمو عنه وضامننو كده ومفوضين باسمو للدرجة دي!!! Quote: عزيزي معتصم سلامات ،، اعرف ما تقول والاسف مازال يعتصرني على تجربة لو كتب لها ان ترى النور لصادفت النجاح بلا شك ، فقط تذكر ان المقترح أعلاه لا يهدف لاقامة موقع للحزب فذلك شأن هيئات مختصة كل ما في الامر الدعم ، الدعم ثم الدعم والخروج بالخلاصة .

الدعم ياسيد دائما بجي في النهاية بعد اكتمال الجوانب التنظيمية والفنية وغيره

وبعد ماتقول الجمعية العمومية رايها ما كفاية ستون عاما والحزب تديره لجنة مركزية غير مفوضة

Quote: بعدين ياخوي احنا الديمقراطيين ديل ما بنتحاسب بالجلد والغرامة ماواضح انو ما في محاسبة والا ما كان بتشتغلو علي كيفكم؟؟ Quote: عزيزي د. مهدي سلامات وتحية جيد ما تقول فكل عمل مؤسس على قاعدة علمية يضيف لنفسه عامل الاستمرار والفائدة سنبدأ بالمسجلين هنا واصدقائهم وقرائهم ، ايميلاتنا مفتوحة لتلقي الاقتراحات

حتي لو كانو كيزان وامنجية!!

Quote: يتم مخاطبة موقع الحزب او المركز بعد بلورة النقاش المبدئي هنا ومن ثم البدء في التنفيذ

غايتو لو اللجنة المركزية وافقت ده يكون(سوء الخاتمة) حمانا الله!!

وكتب ابوساندرا مرة اخري:

Quote: فإن الديناصورات

مين الديناصورات البتاخدوا رايهم للعلم فقط !!

Quote: يعترفوا فيه بفرع الحزب الإسفيري وبعقد الإجتماع عن طريق الماسينجر / كونفرانس وتمليك كل خلية حزبية مفتاح دخول وكلمة سر

كما قال احد الشيوعيون الغربيون ليس معني شيوعي ان نتساوي في الفقر وانما معناها ان نتساوي

في الغني!!

وحتي ياتي ذلك اليوم نشوف لينا حزب آخر يعبر عن قضايانا الجديدة المرتبطة بالتقنية وثورة

الاتصالات!! ونخلي قضايا الفقر والفقارا..

Quote: يا زملاء دخلوا الموضوع ده في اجندة إجتماع { دورة المتصفح خضر حسي خليل والشهيد قدورة }

حاضر اوامرك جنابوا

وكتب هشام آدم:

Quote: سؤالين على الهامش للأخوة الزملاء في الحزب الشيوعي السوداني ولأصدقاء الحزب: ما الفرق بين الشيوعي والديمقراطي؟ وهل الديمقراطية أيدولوجيا فكرية أم هي منهج لممارسة الأيدولوجيا؟

غايتو انا بتخايلي انو ديمقراطي ده شيوعي ببص نص نص (مع الاعتذار لنانسي عجرم)

وخجول؟؟

وكتب شهاب كرار

Quote: فكرة ممتازة

!!

Quote: سؤال خارج النص ... هل انا كليبرالي مدعو؟ حيث ان الدعوة تشمل الديموقراطيين

ولما لا؟؟كل الباحثين والمهتمين والامنجية والكيزان وكلما كبر الكوم يكون افضل؟؟؟

وكتب عبداللطيف

Quote: علي العموم موافقين ؟؟

فهل تقبلوه؟؟؟؟؟؟

هشام مرة اخري

Quote: الأخ : أبو ساندرا أأطمع أن أجد منك إجابة ؟!

يا هشام الاجابة تعمل بيها شنو؟؟

غايتو جنس عجائب فوق هنا!!!

وبالله العاوز يرد اذا ما كان منطقي احسن يسكت لاني ما حأرد ويمكن ما ارجع للبوست المخستق

ده مرة تانية!!

_______________

عبد اللطيف حسن علي

Quote: ويمكن ما ارجع للبوست المخستق ده مرة تانية!!

المدعو عبداللطيف
لو رايك انو البوست ده مخستق
مالك و مالو خلينا في خستقتنا ومع بوستنا المخستق ده
-----------------------------


نتمنى من كل لديه نيه او غيرو للماهتره و ..........

يمارسها خارج هذا البوست

وياريت المتهاتيرين يقروا عنوان البوست ويعرفوا لي منو موجهه

بدل الفارغ البيحاولوا يعملوهو ده وبدون فائده

Quote: الكلاب تنبح والقافله تسير وذيل الكلب عمرو ما ينعدل

سلام

ونتواصل

الاخ عبد اللطيف حسن علي

Quote: نحييك علي الثقةالمتوارثة

الموروث لا يحيد

Quote: وبالله العاوز يرد اذا ما كان منطقي احسن يسكت لاني ما حأرد ويمكن ما ارجع للبوست المخستق ده مرة تانية

لا حول الله والله دي زهجة في شالا ما لاقتني

كتب هشام آدم :

Quote: الأخ : أبو ساندرا أأطمع أن أجد منك إجابة ؟!

ممكن نحول السؤال ده لزميل آخر
يكون مكث في الجامعات
وعاش صراعات الجبهة الديمقراطية
وعلاقتها بالحزب
على الطبيعة ؟
لو سمحت يعني

Quote: رفع تراث الحزب الشيوعي السوداني المكتوب وغير المنشور الى شبكة الانترنت

سلامات كلام ذي الورد

بالطريقة دي حتساعدوا الباحثين في تأريخ الحزب..بتوفير كل الوثائق في محل واحد

رغم انني التزمت عدم الرد علي كلام غير منطقي لكن

المدعو(دكتور مهدي) يجبرني علي الرد بسبب دكتوراة الاساءة التي يحملها

شوف الكوتيشن ده في البوست كلو ما في وجايبو مخصوص للاساءة التي يبدو

انه متخصص فيها!!

Quote: : الكلاب تنبح والقافله تسير وذيل الكلب عمرو ما ينعدل

الكلب هو الذي يحني زيله ويقبل كل ما يصدر عن الاسياد.

وكتب المدعو مهدي:

Quote: المدعو عبداللطيف لو رايك انو البوست ده مخستق مالك و مالو خلينا في خستقتنا ومع بوستنا المخستق ده

كلامك ده بيشبه كلام نقد في رده علي حيدر قاسم في بوست صدقي كبلو عن( ندوة نقد في لندن)

حيث قال انت خليك مع الرأسمالية بتاعتك وخلينا نحن مع قناعاتنا!!

وينو كلامك انت يا دكتور!!

والبوست مخستق جدا بعد مداخلتك الاخيرة!

وكتب

Quote: نتمنى من كل لديه نيه او غيرو للماهتره و .......... بتحاسب حتي علي النية!! Quote: وياريت المتهاتيرين يقروا عنوان البوست ويعرفوا لي منو موجهه انت شايف ده بوست جاد ونحن متهاترين؟ وعنوان البوست موجه للشيوعيين والديمقراطيين في المنتدي وديل عندهم بطاقات؟ وبتعرفهم كيف؟ وبعدين لو البوست موجه لهم فعلا شنو حكاية كل الباحثين والمهتمين دي الا ان يكون كل الباحثين شيوعيين!! Quote: بدل الفارغ البيحاولوا يعملوهو ده وبدون فائده الا تكون انت مصر علي المضي قدما في الطرح الاحادي الجانب وغير المؤسس ..كده حيكون الكلام بدون فائدة !! وآخيرا يا دكتور لفظة كلاب وما يماثلها في اطروحة الكتوراة بتاعتك دي ما حكر عليك وحدك..تذكر!! يمارسها خارج هذا البوست

في حالة واحدة بس!!

وهي منطقية الرد!!

كتبت سلمى الشيخ سلامة:

Quote: من جانبى كنت عضوا ولكن تم تجميد عضويتى لاسباب لا اعرفها

واحدة من حسنات هذا الفرع الأسفيري
انه يمكن توصيل الزميل بدون تعقيدات
وبنرفع أي تجميد أو ايقاف غير مسبب
عليه ، يمكنك مواصلة نشاطك عبر هذا الفرع

بس ما بنضمن ليك المشاركة في المؤتمر حتى يتم توفيق وضعك
وتسوية حالتك
ولو عايزة تلفون دكتور الشفيع خضر
هسع نديك ليهو

_________________________

Quote: عليه ، يمكنك مواصلة نشاطك عبر هذا الفرع بس ما بنضمن ليك المشاركة في المؤتمر حتى يتم توفيق وضعك وتسوية حالتك

عفواً أبو ساندرا .. عادتي ألا أتدخل فيما لا يعنيني
ولكن الكلام كان مستفز إلى حد الإضحاك ... عفواً مرة أخرى

ما دخل ابو ساندرا بوستا عظيما والا سربع به..

ليت الاخ دكتور بوب ودكتور حسن الجزولي يعبرون من هنا..
وعبدالعزيز عدلان الذي قال ان تقرير علوب معه..

للفائدة العامة يجب وضع كل الارواق التي تخص الحزب في السايبر..

سلامات..

الفكرة غريبة..بالنسبة لنا (رابطة محبى الحزب الشيوعى) فالحزب ماناقصاه عزلة عن جماهيره..التى تفرقت فى البلاد والأمصار فهو محتاج (لأاعادة بناء تواصله معها) من جديد وتأكيد انتماءه لقضاياها..لكن قصة فرع أسفيرى دى جديدة على مواطنى مرزوق وغرب الحارات وفرع (الجخيص) فقبل ان توجدوا فرعكم (ألأسفيرى) أجتهدوا فى بناء رؤية للحزب فى الأول (لهذا الفضاء) قبل ان (يخت) فيه فرع أو شدرة...من باب الحذر الطبقى أنتو (نسميكم كده برجوازية أسفيرية صغيرة)
وعلى كده نقول (ياعمال العلم وشعوبه الأسفيرية أتحدوا)

معليش يازملاء بس بنحبكم..لكن وحاتكم (دى مأولويات حزبكم) هسع

Quote: للفائدة العامة يجب وضع كل الارواق التي تخص الحزب في السايبر

عشان شنو يادكتورة

Quote: عشان شنو يادكتورة

اقرأ كلام محمد صلاح يا نقابي

Quote: عشان شنو يادكتورة

سلامات يا نقابي

انا عندي حلم انه يوم في كل جامعة يتعمل قسم للدراسات السودانية في كل المجالات
وانه كل المعلومات تكون سهلة في الحصول عليها حتى لا يهرب الناس من الكتابة في
الشأن السوداني خاصة كبحوث اكاديمية...
حيث انني اهتم جدا بالدراسات السودانية كاهتمام خاص ومتنمية يوم اكون مرجع
في الادب السوداني وفي مرحلة الستينات..
عشان الحاجة دي تحصل يجب ان تكون الوثائق والمراجع متوفرة للجميع
كلفني جمع معلومات بحث الدكتوراه 5 سنوات من عمري وكثير من الاموال..
كان ممكن افتش لي شاعر مصري ابحث عنه بكل سهولة
ولكن منذ 1981 ان اهتم بان تكون كل بحوثي في الدراسات السودانية..
فهمتا ليه؟
لغرض اكاديمي بحت منزه من اي غرض..غير التوثيق للثقافة السودانية..
غير انه لا ينكر احد الدور العظيم الذي لعبه الحزب في اثراء الحياة الثقافية




وشكرا للسؤال اتمنى الجماعة "الجمبي" تكون شعرة جلدهم رقدت

كتب هشام آدم :

Quote: عفواً أبو ساندرا .. عادتي ألا أتدخل فيما لا يعنيني ولكن الكلام كان مستفز إلى حد الإضحاك ... عفواً مرة أخرى

يا زول ولا يهمك
روحنا سلبة ومزاجنا صاف
وغير قابل للتعكير
او التكدير
تستفز
او تضحك

كيفك

خد راحتك ع الراخر

هو في حد شايل منها حاجة !

________________

الحزب الشيوعي السوداني .. فرع سودانيزأولاين
يعني حسي الزولة دي خلاس ممكن تمارس عملها السياسي أسفيرياً بدون أيّ مشكلة؟ والله يا أبو ساندرا فكرة ما سبقك عليها زول بالجد! زي ده اللي أنا بسميهو (أزمة اليسار السوداني)

أحييك وأحيي بالك السلبة

ابو ساندرا ايها العزيز في دي اختلف معاك فيها واتفق مع ماقاله الاخ حاتم
طول غربتنا غربتنا عن العمل اليومي في الداخل وسط شعبنا وهو الاساس
لا بأس مع توسع تواصل الحزب مع الشبكة مستقبلا وفي مواضيع لا تمس تأمينه او وحدته
فرع اسفيري وتوصيلات عبر شبكة مفتوحة على فضاء كل من هب من CIA ودب من جماعة صلاح قوش
والمهاترين والهكر فدي صعبة
اكرر بعض الموضوعات ومن بينها تطوير الموقع ونشر ادبيات الحزب والتواصل بمفوهمه السياسي الواسع وليس التظيمي الخاص
طبعا دا رأيي الشخصي


الاخ هشام ادم
كل ما في الامر ان للحزب تحالفات مع طلائع الديمقراطيين اللي فيهم نسبة من الالتزام التنظيمي والتوافق الفكري في عدة جبهات وسط الطلاب ( الجبهة الديمقراطيية للطلاب السودانيين ) ووسط فئات اخرى محاميين ، معلميين بعضها كتب له النجاح وبعضه يتعلم من اخطائه ز
كما انو الهدف هو اطار عمل مشترك للديمقراطيين غير الراغبين في العمل عبر الحزب بعد تخرجهم من الجامعات .
دا باختصار طبعا اتمنى ان لا يكون مخل بفكرة التحالف .
شهاب كرار
تحياتي ايها العزيز حبابك بشرط انو عضوية الحزب الفلاني الأول حرف فيه ع ع يخلونا في حالنا اذا ماعندهم اعمال مشتركة تخدم قضايا التقدم في بلادنا .

عبد اللطيف
مشكلة التوصيلات اللي اثارها الاخ ابو ساندرا اعتقد انو مجالا تنظيمي وليس اسفيري في منتدى سودانيزاونلاين ، اعرف معاتاتك وانت تعرف معاناة الحزب مع نفس المشكلة وكلنا امل انو تتعالج مرة والى الأبد مرة والى الجميع .
فيما يخص الحنكشة ، حقيقي ما اعرف معنى الكلمة ومافي ذلك عيب طبعا
اما فيما يخص التعليق على كل من يقال وعلى اي جملة فأرجو اذا ما مقتنع بالبوست انك تقول رأيك بشكل لائق من غير تجريح او اساءات

ربيع السماني
سلامات وسجلناك حاضر في المحضر اها بتاخد ياتو تكليف من الفوق ديل مساهمتك شنو ؟
الاستاذ فيصل
سلامات يازول يارايع
اكرر انا ضد الفراكشنات التنظيمية الاسفيرية

نور الدين
شكرًا للتوضيح ، اشكرك

سلمى الشيخ سلامة
تحياتي الحارة والاكيدة للانسانة المبدعة فيك
خسارة تنظيمية كبيرة للحزب انك تكوني خارج اروقته الداخلية لكن القال ليك انك برة الحزب منو ، انتاجك الادبي هو بالضبط في رأيي من برنامج الحزب الثقافي ،، اكرر احترمك وانتي تشكلي وجدان قرائك (
اما فيما يخص مؤلفات الشهيد عبد الخالق بتقدري تساهمي بيها عبر الاسكنر ولا HARD COPY

الدكتورة نجاة
تحياتي ،،،
شكرًا لمرورك ،
بالضبط هو واحد من اهداف الفكرة مساعدة الباحثين بس كل كل الاوراق دي مستحيلة لسبب بسيط
العديد من الاوراق لا تهم كل الناس انها تهم فقط العضوية

تحياتي للجميع ،،
خطوة الى الامام

ونحنا فطيتنا ليه يا محمد صلاح ؟؟

العزيزة بيان
تحياتي

Quote: بالطريقة دي حتساعدوا الباحثين في تأريخ الحزب..بتوفير كل الوثائق في محل واحد

من ناحيتي اي وثيقة بطرفي تحتاجينها برسله ليك هوا
مودتي

وكتبت د.نجاة محمود

Quote: بالطريقة دي حتساعدوا الباحثين في تأريخ الحزب..بتوفير كل الوثائق في محل واحد

يعني المشكلة في وثائق الحزب ؟دي ما راقدة واهو كل الناس مستعدين يجيبوها بالشوالات!!


لكن الجهة التي تبنت الموضوع ده وعايزة توضب ليهو في الاول بعدين مشورة الحزب الهينة دي

محلولة!!

خارج النص:

( والزول يعمل غمران دي ماحل)!!

كتب محمد صلاح

Quote: اما فيما يخص التعليق على كل من يقال وعلى اي جملة فأرجو اذا ما مقتنع بالبوست انك تقول رأيك بشكل لائق من غير تجريح او اساءات

وده الكيل بمكيالين

يا أخوي!!

انت بتوريني اللياقة! وما سبيت ولا من اخلاقي السب

السب الما شايفو عند المناصر ليك مهدي (كلاب دي كلها ما شايفها؟؟؟؟)

وريني انا سبيت وين؟؟؟؟؟؟؟ يلا فتش

ومن حقي ارد علي كلامكم الفارغ ده سطر سطر لغاية ما تخلو البوست

المخستق ده نهائيا؟؟

Quote: يعني المشكلة في وثائق الحزب ؟دي ما راقدة واهو كل الناس مستعدين يجيبوها بالشوالات!!

كدي اول وروني روق البوست دا
هل المشكلة هنا شيوعية شيوعية ولا لطيف دا عدو

عشان نرد باقى طولت من المحل دا وضاع لي الدرب في الموية..

بعدين يا لطيف انا عندي مشكلة حقيقية في ايجاد الوثائق
كل سنة بخسر لي ذي 2 الف دولار عشان امشى دار الوثائق وافتش الجرائد
صفحة صفحة..
لو بقت في النت بالجد بتكون حاجة كويسة..

فعلا ما ممكن يكون عنوانك الا من الواق واق

وعليك الله اشرح لينا لونك ده كيف؟؟؟؟؟
قال بنفسجي

الصديق عادل عبد العاطي

Quote: اقرأ كلام محمد صلاح يا نقابي

دكتورة نجاة زوجة ود حلتي وليها مكانة خاصه عندي

التحايا للزملاء والديمقراطيين والاصدقاء

المهام كثيرة التي يجب ان تنجز !

معآ من اجل نجاح المشروع والمقترح

وبعيدآ عنهم

وصدق المثل القائل
( الكلاب تنبح والقافله تسير )

والمتهاتيرين يشرفوا مكانهم وين في المثل ده

ولا شنو يا ...............


نتواصل

في جماعة ما صدقو قي اجتماع شيوعيين وديمقراطيين طوالي (طبقو) عكاكيزهم (المضببة) وجو توووووووووش

شكرآ محمد صلاح

ولو إنو الفكرة ماوقعت ليا لحدي حسع..قدر ما أقرا في البوست يخربني أكان فهت حاجة..يعني زي الأطرش في الزفة..همونا ياقماعة ..على قول الجندرية!

دكتورة بيان كيفك ياأختاه

وإنتي بتتكلمي عن شح المصادر,قادر أستوعب تمامآ ضجرك ده!..لأنو مصادر فترة الستينات روحك تنسل عشان تتحصلي على المعلومة العايزاها..خليك من السنوات الوراها,زرت دار الوثائق المركزية ووقفت على حقائق مذهلة جدآ,تعرفي إرشيف الصحف ضايعة منو الفترة الممتدة لسنوات طويلة ومابادي إلا بعام تلاتة وستين وإنتي نازلة ,, وبخوص وثائق بعينها فبعد إتمامك للإجراءات المتبعة في كيفية البحث للوصول ليها تكتشفي إنو مكتوب في الملف المفترض إنو بيحتويها كلمة ضاعت أوإختفت!..صدقي أو لاتصدقي.. ورصدت إنو الإهمال ده بيشمل وثائق محددة لها أهميتها وخطورتها من ناحية الندرة ,خاصة في مجالات البحوث البتتعلق بحركة اليسار عمومآ والحزب الشيوعي بشكل خاص!. وداير أتجاوز نظرية المؤامرة في الجزئية دي لأنو مافي يدي بينة مؤكدة وأتمنى ألا يكون الأمر كذلك!. بخصوص دار الوثائق نفسها فقد تم بالفعل تطويرها بعد نقلها لمبانيها الحديثة والأنيقة.. أكثر ما أعجبني همة الموظفات والموظفين لخدمة الباحث.. يخصصون لك مساعد متخصص في الحقل الذي يشمل موضوع بحثك ويظل ملازمآ أو ملازمة لك طيلة أيام أوشهور ترددك على الدار حتى تنتهي فترة بحثك .

بخصوص وثائق أحزابنا ومنظماتنا السودانية بما فيها دوائر المجتمع المدني فياريت إنو جميع وثائقها تتوفر إسفيريآ حتى التي إنقضت عليها فترة تلتين أو خمسة وعشرين سنة..داخلية كانت أم عامة إذا كانت لاتؤثر على أسرار الجهة المالكة وناشرة لها,تمامآ كما هي النظم المعمول بها في غالبية دور الوثائق العالمية..ليه لا والبمنع شنو?!.. وبالمناسبة لدى الحزب الشيوعي السوداني إرشيف ضخم يحوي كم هائل من وثائقه الحزبية مودع بأمستردام لدى مركز وثائقي هولندي وهو يوفر أي وثيقة من هذه الوثائق لمن يطلبها,كما أن الحزب بصدد تكملة أرشيفة بكل وثائقه المتبقية لتكون في خدمة أي باحث ,حاولت أن أرفد البوست برابط هذا الموقع الهولندي ولم أعثر عليه وأرجو من عزيزنا الصحفي محمد عبد الحميد أن يساعدنا لو حصل قرأ هذا البوست.
تحياتي

عزيزي د. حسن الجزولي
تحية واحتراما
الفكرة الاساسية التي دعالها البوست هي دعوة الزملاء والديمقراطيين والاصدقاء
اعضاء هذا المنبر حيثما كانوا ( حيث يفترض البوست) ان معظمهم يملك من الوقت والمال والاجهزة الحديثة والوثائق
ما يجعلهم ان ينسقوا مع بضهم بأي شكل يرون في دعم الحزب وموقعه على شبكة الانترنت
هذا بتنسيق تام مع الهيئة المسؤولة عن ذلك وشروحات اكثر للفكرة في رسالة وصلتني قبل قليل من
الزميل عثمان الشيخ عبر البريد الالكتروني
شكرًا عثمان :
ـــــــــــــــــــــ
لصديق العزيز \ محمد صلاح

تحية طيبة ارجو ان تكون بخير

ارجو ان تسمح لي ان اطل على سودنيزاونلاين عبر بريدك الالكتروني بعد ان حرمنا بكري من شرف الدخول مباشرة الي المنبر العام الا اننا لن نمل الانتظار .
اتابع البوست الخاص بدعوة (الشيوعين والديمقراطين بالمنبر لاجتماع ) وفي خاطري المحادثة الهاتفية التي تمت بيننا قبل اسابيع بخصوص بعض الامور من بينها بعض ما جاء بالبوست المشار اليه
الا انني الاحظ ان بعض المساهمات بدات في الانحراف عن فكرة البوست الاساسية الي امور اخري طبعا هنالك من يرغب في اغراق البوست في بحر من المهاترت بغرض تحويل اتجاة النقاش وصرف الانتباة عن الهدف الريئسي ارجو ان نلتفت اليهم والهدف الريئسي للبوست على حسب فهمي هو :-
- تطوير موقع صحيفة الميدان .
- المساهمة في تجميع أدبيات الحزب المكتوبة أو المسموعة ( الندوات ) وجعلة متاحا عبر الشبكة الالكترونية .
- التفاكر حول مقترحات واقعية لدعم صحيفة الميدان .
لذا فان الحديث حول فرع اسفيري او ماشابه ذلك من افكار يصبح خروجا عن الواقع الممكن وكذلك الشكوي من التوصيلات وغيرها من القضايا التنظيمية التي اعتقد ان مكانها الصحيح ليس شبكة الانترنت مع شديد احترامي وتقديري الي من قام بطرحها وخصوصا ان هنالك نداء من مركز الحزب بخصوص الحالات المشابهة للاتصال بالمركز لمعالجتها .
نعود الي موضوع البوست الريئسي
(1) بالنسبة الي دعم صحيفة الميدان دعني اكرر لك واشرح اقتراحي الذي سبق ان ناقشتة معك هاتفيا وهو
هنالك عدد مقدر من قراء الصحيفة واصدقائها يواظبون على الاطلاع عليها عبر شبكة الانترنت ومن بنهم عدد كبير من الشيوعين والديمقراطين داخل وخرج الوطن العزيز لذا فانني اقترح ان يتم تحديد مبغ وليكن مابين ( 50 - 100) دولار يتم سدادها سنويا لادارة موقع الصحيفة كاشتراك مقابل ان تقوم ادارة الموقع بارسال الصحيفة دوريا الي البريد الالكتروني الخاص بصاحب المساهمة المالية وذلك بصفة دورية وبمجرد اصدار النسخة الورقية وقبل انزالها بالموقع وجعلها متاحة للجميع ( بفارق يوم مثلا) طبعا هذا لا يمنع جعل الصحيفة متاحة مجانا بالموقع لمن لم يرغب في الشتراك الالكتروني علي ان تقوم ادارة الموقع بترتيب الامور المالية مثل
- تحديد طريقة تحصيل المبلغ
- تحديد الموعد للبدء بحملة الاشتراك
- فتح حساب بنكي لايداع الاشتراك
- تحديد طريقة الاشتراك ( سنوي - نصف سنوي)
وكذلك ترتيب الجانب التقني الخاص بارسال الصحيفة عبر البريد الالكتروني كذلك يمكن لصاحب الاشتراك الالكتروني الحصول علي التسجلات الصوتية للندوات الحزبية علي ان يتم استغلال المبالغ المجمعة في تطوير الموقع .
(2) اما بخصوص تراث الحزب فقد كنت قد اقترحت علي الدكتور عبدالماجد بوب وهو يدير موقعا خاص بالشهيد عبدالخالق محجوب ان يتم تطوير الموقع بتجميع كافة المساهمات الفكرية اوالادبية الخاصة بالشهيد عبدالخالق وجعلها متاحة بالموقع وذلك بعد الاتصال الذي تم معك والتشاور حول هذا الامر وماذلت في نتظار اتصال اخر من الدكتور بوب لمناقشة تفاصيل ذلك الاقتراح لذا لنطور الامر ونوسعة ليصبح دعوة الى تجميع كافة الارث الحزبي ( فكري او ثقافي – مكتوب مسموع ) وتحديد الية لتجميعة لكي صبح متاحا الكترونيا فور تطوير موقع لصحيفة فاذا استطعنا انجاز اقتراح الاشتراك الالكتروني يمككنا ان نسارع في تنفيذ جعل الارث الحزبي متاحا بالموقع .
(3) اما بخصوص دعم الميدان ( النسخة الورقية ) فان ذالك يحتاج الي مساهمة اخري ارجو ان اتمكن من ارسالها لك قريبا لكن دعنا نتفق ما امكن ذلك حول ما هو المقصود بدعم الميدان وفي تصوري فان المطلوب هو
- دعوة المهتمين الي المساهمة بالكتابة في الصحيفة .
- البحث حول افكار جديدة بخصوص جذب الاعلانات الي الصحيفة وكسر الحصار المفروض حولها في هذا الخصوص .
- البحث حول طرق جديدة لزيادة توزيع الصحيفة وتوسيع قاعد قرايئها مستندين علي دور الفروع في ذلك .


ختاما لك شكري وتقديري يارفيقي العزيز علي مبادرتك القيمة
عثمان الشيخ ( ود البوب )
[email protected]