Post: #1
Title: صلاح شتات ، لو بتعز الله شتت .... كفاية ...
Author: عماد محمود علي
Date: 05-29-2008, 07:13 AM
Parent: #0
أخينا وصديقنا وحبيب الكل الرجل النقي السريرة الصافي القلب صلاح شتات ، رجل يحمل في طياته جمال وسماحة الشعر وروعة النثر وعبق الكلمة، تجذبك أسطره ، وتأخذك كلماته إلى عالم الجمال وتعطرك منه شذي الشعر وتفيح لك منه عطر المعنى ، لا تمل من تسطيره ولا تفارق تعبيرة تبحث دوماًعن مايكتبه فتغوص في حروفه وتنسى الزمن وتسبق أعينك الحروف وتسعد وينشرح صدرك بنسيمها . أديب بكل ما تحمله الكلمة من معانى وصفات ..
صلاح أفتقدناك كثيراً ونعلم أن تركك للمنبر لم يكن سوى لبشاعة ما يكتب هنا والاساءات التي تطول البعض حتى عند اختلاف الاراء ، ونعلم علم اليقين بأن الأدباء والشعراء يبحثون دوماً عن مكان الصافي لينثروا أريجهم . ولكن ياعزيزي كان هذا قدرنا أن نكون معهم فلما تتركنا نتملل من ما يكتب هنا ولا تشجينا بروعة كلماتك الصادقة الانيقة لتحمل عنا ومنا كل هذه السخافات والافتراءات والاساءات وتدعنا نأتي ونستريح في بستانك الوارف بالجمال والروعة والمتعة ونغلق الابواب من خلفنا ولا يجلس عندك غيرنا .
أتذكر عزيزي روعة كلماتك كلما رأيت صورة شخص ينثر الحبوب ويشتتها للعصافير والطيور والحمام فتتجمع الألوف من حوله وتأكل وتشبع وتتمتع وتعود هانئة سعيده وتطعم صغارهامن تلك لنثرات .
وأنت عزيزي تنثر وتشتت لنا هنا كل معاني الابداع والمتعة فتأكل منها أعيننا وتشبع منها أنفسنا وتمتلئ منهاصدورنا ونعود لأهلنا سعداء هنيئين فنتصدق عليهم بالبسمة الصافية المنتشية بروح المتعةالتي أوجدتها فينا( تبسمك في وجه أخيك صدقة ) .
صلاح شتات فضلاً لا أمراً هيا عود وشتت لنا الروعة هناك والجمال هناك .
تهديفة :
آسف أخي لأنني لم استطيع عن أعبر وأعطيك وأمنح حقك من الثناء وايفاء أحرفك ما يستحق أن يكتب عنهالأن قامتك أكبر من أن يكتب عنهاشخصك مثلي . لذا سأترك الباب مفتوحاً على مصرعية لكل محبيك ليعبروا عن أنفسهم وبالتالي عن نفسي بما يجدونه منك من متعة الكلمة وجمال الشعر وسلاسلة التعبير.
مودتي الكبيرة لشخصك الكبير .
عماد محمود علي
|
Post: #2
Title: Re: صلاح شتات ، لو بتعز الله شتت .... كفاية ...
Author: مجدي عبدالرحيم فضل
Date: 05-29-2008, 08:04 AM
Parent: #1
نحي عبر شتات أخي عماد
وفي أنتظاره أن يجمع شتاتنا ويوحد لنا شتات الحروف ويجمعها مداده قطرة جمال
لكما محبتي ،،،،
،،،،أبوقصى،،،،
|
Post: #3
Title: Re: صلاح شتات ، لو بتعز الله شتت .... كفاية ...
Author: عمر الفاروق
Date: 05-29-2008, 08:40 AM
Parent: #1
الليلة جاااااااااااااااااااااااااااااااااااااااااااكم ..
كتابة زرقاء اللون ..
مع نقاط بعد كل نهاية سطر..
مع ابيات شعر..
مع كلام دراب دراب لن يفهمه إلامن رحم ربي..
ثم إحتفاء ..
ثم ظهور مع كل شخص يكتب كلمة طيبة في حقه ..
ثم إختفاء..
ثمت يطول الاختفاء..
ثم يعود مرة أخرى بعد غيبة بسبب بوست جديد ورد فيه إسمه ..
الزول ده اااااااااااااااااااااااااااااادم ساااااااااااااااااااااااااااي ..
|
Post: #6
Title: Re: صلاح شتات ، لو بتعز الله شتت .... كفاية ...
Author: عماد محمود علي
Date: 05-29-2008, 11:21 AM
Parent: #3
عمر الفاروق الحبيب إزيك يا نبيل
ياخي والله مشتاقين جداً ، وبعدين عايزين رقم الموبايل علشان نتصل عليك يا جميل ولا خاص بس للجماعة ؟!!!
| Quote: ثم ظهور مع كل شخص يكتب كلمة طيبة في حقه .. |
غايتو جنس حسادتك دي ماشفتها حتى في عادل جبارة ، بس الله يديك العافية ، يعني بس عايز الزول ده مايجي بي جاي علشان ينشلنا من غثاء المبنر والمضاربات والمشاحنات التي فيه .
مع كلام دراب دراب لن يفهمه إلامن رحم ربي..
| Quote: ثمت يطول الاختفاء.. |
هسه بالله عليك الكلامه غير مفهوم منو ؟ إنت ولا الأديب شتات .
| Quote: ثم يعود مرة أخرى بعد غيبة بسبب بوست جديد ورد فيه إسمه .. |
غايتو الحسادة انشاء الله التولدك بنت .
مودتي ياضلالي هيي معليش قصدي ياهلالي .
عماد
|
Post: #11
Title: Re: صلاح شتات ، لو بتعز الله شتت .... كفاية ...
Author: عماد محمود علي
Date: 05-29-2008, 11:52 AM
Parent: #9
أبو اللول ياصديقي العزيز
والله ياأبو اللول غايتو تعبير أكثر من رائع ، الراجل ده فعلاً شلالات من المتعة والابداع والجمال والنقاء .
تسلم كثير يارب .
تسحيبة :
ياأخي إنت الحاجات دي بتعملها كيف ؟!! غايتو حيرتنا عديييل كده .
مودتي
عماد
|
Post: #4
Title: Re: صلاح شتات ، لو بتعز الله شتت .... كفاية ...
Author: Mayada
Date: 05-29-2008, 08:45 AM
Parent: #1
وييييييييييين ياصلاح...
اهة عملت لينا شنو؟؟؟
كدي قولي لي...
ما جا الوكت عشان ترجع؟؟؟
الجماعة ديل كلهم راجنك عشان تجي وتريحنا شويييية من ناس فلان وفرتكان البتشاكلو في... وفلانة وعلانة البتضاربن عشان...
بعدين ياخ عليك الله بطل الحركات بتاعة هناي دي وما تعملها لينا وتعال اطرش (عذراً للفظ) لينا كم حرف كدة
والله انت لسة حمى معتصم ضارباك  ...
عماد...
كيفنك، انشالله انت طيب...
تحياتنا للاسرة الكريمة...
ست البنيــــــــــــات
|
Post: #10
Title: Re: صلاح شتات ، لو بتعز الله شتت .... كفاية ...
Author: عماد محمود علي
Date: 05-29-2008, 11:38 AM
Parent: #4
الأخت الفاضلة ست البنات لي حدهن .
تحياتي وتقديري وإحترامي سيدتي ، ، ،
| Quote: وييييييييييين ياصلاح... |
ده المحيرنااااا زااااطو يا ميادة .
| Quote: ما جا الوكت عشان ترجع؟؟؟ |
مفروض مايغيب أصلاً ياست البنات بس تقولي شنو في ناس عمر الفاروق ديل .
| Quote: الجماعة ديل كلهم راجنك عشان تجي وتريحنا شويييية من ناس فلان وفرتكان البتشاكلو في... وفلانة وعلانة البتضاربن عشان... |
ده الكلام ياميادة ، أها شفت كيف ياعمر الفاروق ياحاسد .
| Quote: بعدين ياخ عليك الله بطل الحركات بتاعة هناي دي وما تعملها لينا وتعال اطرش (عذراً للفظ) لينا كم حرف كدة |
أها بعد ده كان ما جيييت تبقى إتلومت عدييييل كده .
| Quote: والله انت لسة حمى معتصم ضارباك |
ياساتر بالله هو الحمى ضربته خلاااص ، غايتو أول مرة أعرف ، الله يديك العافية ، وأنا أقول الزول ده ماله الايام دي !!!
Quote: عماد...
كيفنك، انشالله انت طيب... |
والله نحمد الله ونشكر فضيله في أحسن حال ، بس المنبر الايامات دي عامل للواحد قرفه كده ما عادية . تحول مجراه إلى وادي آخر .
| Quote: تحياتنا للاسرة الكريمة... |
أكرم الله في الدنيا والآخرة , وهم يغرونك السلام ويتشرفون بمزيد من المعرفة والتواصل مع شخكم النبيل .
إحترامي سيدتي .
عماد
|
Post: #5
Title: أبو قصي
Author: عماد محمود علي
Date: 05-29-2008, 11:05 AM
Parent: #1
أبو قصي يا جميل الدواخل
كيفك حبيبنا ...
شفت بالله الراجل ده كيف ؟ !!!! كلام زي العسل وحاجات حلوه خلااااص ، بس يجوك ناس عمر الفاورق الحاسدين ديل يقولوا ليك كلامة زي الدراب غايتو جنس حسادة عليه ، وحالته كتب ليهم باللون الآزرق أها هسه لو كان كتب ليهم بالأحمر ولا الأصفر كان عملوا شنو ؟!! أكيد كانوا قالوا عليه جلابي . 
تحياتي للأسرة الكريمة
مودتي
عماد
|
Post: #7
Title: Re: أبو قصي
Author: هاشم أحمد خلف الله
Date: 05-29-2008, 11:22 AM
Parent: #5
ومعاك ندعو يا ابو حسام عودة فارس الكلمة صلاح شتات
ليعبق منبرنا بكلماته التي لا يستطيع ان يخطها احد سواه
صلاح شتات يمتلك موهبة في الكتابة فريدة من نوعها وتلامس
الوجدان بسرعة البرق , لكنه كسلان كسلان او ربما يكون
ماخد شاكوش حار
عود يا شتات فكلنا في إنتظارك
|
Post: #8
Title: Re: أبو قصي
Author: علاء الدين حيموره
Date: 05-29-2008, 11:31 AM
Parent: #5
عماد أخوي حبابك
اخونا صلاح ده كان جائي بشعر حبابو لكن لو جائي بحاجات تانية تدخلنا في حيص بيص يشتت طوالي ..
كفاية السواها فينا قبل كده .... ( دي الا بالتلفون ) ..
مودتي
|
Post: #13
Title: Re: أبو قصي
Author: عماد شمت
Date: 05-29-2008, 07:49 PM
Parent: #8
حبيبنا العمدة ووزير دفاعنا ..
قلت عماد ده مالو الليله الزول ده رقيق الخلاه يشتت بالناس ده شي ما ساهل
... والله من اجل الفن نناشد الاخ صلاح بالعوده وكمان يجينا بالجديد
يزين لينا المكان عشان تحلو القعده ...
لك العمده حبي وللاخ صلاح ودي ومع دوام العافيه
|
|
