الطيفور والسنوسي راس لراس... الكيزان يمتنعون...

الاثنين بيقولوا عليهم (اولاد عرب)....
واحد فيهم بقولوا عليه جنجويد والتاني بقولوا عليه جلابي ...
واحد فيهم بيشرب من موية النيل والتاني بيشرب من موية الواحات في الصحراء

ده الكلام ولا بلاش يا البدر


______
أها سوقاكا

آالطيفور والله الواحد مشتاقلك شوق شديد خلاص...ومسرج القعود وطابق الزواده باقي ناس ناس الصباح ديل فيهم الكرم علا الطريق من العوينات للنيل طويل...

واحد محاميدي بيحلب ليهو في ناقه واثناء الحليب قامت الناقة سكته برجلها قام حلب الناقه لامن شطورها بقت حمر وورمن وقام كشح فيها اللبن وقال ليها انتي قايله لبنك ده نحنا عايزنه...




واحد جعلي اتسابق مع واحد...لامن قرب للمحطه الاخيره الواحد التاني سبق الجعلي قام الجعلي سل سكينو وقطع رجله جدعها في المحطه الاخيره...

الاتنين اي واحد فيهم احمق من التاني...خاصة لامن تكون في زغرودة حرمه...

حيرتونا والله
هسع أنا أقيف مع منو فيكم؟؟

Quote: واحد محاميدي بيحلب ليهو في ناقه واثناء الحليب قامت الناقة سكته برجلها قام حلب الناقه لامن شطورها بقت حمر وورمن وقام كشح فيها اللبن وقال ليها انتي قايله لبنك ده نحنا عايزنه...

لووووووووووووووووول
الحمد لله الما كان جعلي يا بدر



شمس الدين السنوسي

Quote: حيرتونا والله هسع أنا أقيف مع منو فيكم؟؟

أقيف معاهو، ما كلكم مهمشين

_____
يا شمس زول يقطع زيارتو من الخوف، لا بزيد كومي ولا كوم بدر...

Quote: يا شمس زول يقطع زيارتو

انت كمان يالطيفور هي ديك كعة نصاح...مالك فاضح الراجل...

شمس الدين الرجل الشفيف... انت خليك حكم...وكان شفته الطيفور قدر علي اخوك... اعمل الاتفقنا عليهو...(كلم الفزاعه) باقي اخوك جاي من سفر...

Quote: حيرتونا والله هسع أنا أقيف مع منو فيكم؟؟

طبعا تقيف مع بتاع الهامش الزيك.... ياسر طيفور. مش برضو كندا بالنسبة لبريطانيا هامش؟
تحياتي بدر و ياسر و شمس الدين.

العوض والله فاتحتك دي دايرنها تب...وان زدتها بياسين... الا اخلي ليك ود عمي الطيفور ده ريحة طير طير

يا العوض
شمس الدين قدر ما يلم فيني في حته يشبكني ليك :
أنا الشافوه خلوه..
أنا النوباوي الصعب
وانا أنا..
وكمان معاها (دقة سدر)..
لما خلاني فهمت حاجة..
وقلت: الله يكفينا شر البلا بالبلية والله لا شبكنا معاهو..
أها يغيب من السودان 15 سنة، يقوم يلاقيهو واحد شاويش صفتك نعك، يقطع زيارتو ويرجع كندا؟؟؟
أنا خلاص رميت طوبتو..
________
وخليهو يلاقيني تاني

انت عارف يا ياسر...زمان كان عندنا واحد كده اسمه حسب الله ده الزول الوحيد الكان بيخت السفه فوق يعني بيكون مشنقه... لانه قعد فتره علي جهة الخراطيم دي وكان عنده شنب زي شريط البوليس الزمان داك... الزول ده لامن بيكون مشنق سفته دي...ياخي انحنا كنا بنلاوز منو جدا...لانه شكلو كده كان مقدده وشنبو بيكبر لامن تكون السفه دي تحته...مره كده في جمل هاج ليك فيه... انقر صاحبك ما بلع السفه...ومن اليوم داك... طبعا صاحبك سردحنا بيهو وعملناه لنقيب مع انه هو اكبر مننا...
__________________________________________________________________
اللنقيب:هو الشافع الصغير يستخدمه الرعاة لقلب المواشي وهم مرتاحين تحت شدره
.

Quote: يا شمس زول يقطع زيارتو من الخوف، لا بزيد كومي ولا كوم بدر...

منو القال ليك كدا
علي الاقل ممكن أوريكم الانسحاب التكتيكي من ارض المعركة بتم كيف

وبعدين ياخي انا جيت راجع لامن انت نطيت من الاتفقنا عليه وخليت كبري امدرمان مكشوف من الناحية التانية وبي كدا فشلت ليناالخطة

ويا بدر السنوسي طيفور دا صحبي و جاري وانت ود أبوي والدم للدم رحمة

ويا العوض يا هامش الهامش طالما الحكاية لندن وتورنتو انت عليك لقيط الكور من الاوت بس

Quote: ويا بدر السنوسي طيفور دا صحبي و جاري وانت ود أبوي والدم للدم رحمة

شوف يا ود السنوسي هوي...نحنا جايين قاطعين الفيافي دي كلها وتخطينا كل الرباطيه والشرامه.... ومتحزمين بنصلي كل تلاته يوم مره...تجي انت تقول لي طيفور ده جاري...آزول انت غلبك تبقي حكم...امشي امسك الرايه الواقعه هناك ديك... وخلي جارك اللبقي مارق...

____________________________________
وانت بتاع رايه يا شمس ما تنسي الوصيه الاتفقنا عليها..

وبعدين بالله ما تكلفتونا معاكم ساكت وتقتلوا قلبنا بالضحك
هسع في شكلة والله نمشي ناكل باسطة؟؟

Quote: وبعدين بالله ما تكلفتونا معاكم ساكت وتقتلوا قلبنا بالضحك هسع في شكلة والله نمشي ناكل باسطة؟؟..

وبعدين معاك ياود ابوي شمس الدين...احنا كمان بتاعين باسطه ولا كمان عايزين تكتلوا قلبنا وتضوقونا الحاجات الحلوه دي من باسطه وايسكريم وخلاص هاك يا روحه...

الأخ بدر والله كلنا و معانا بلدنا محتاجين للدعوات. غايتو كلنا ندعو و ربنا يسهل إن شاء الله.
ياسر قلت لي صاحبك طلع أي كلام؟ أظنها كندا دي قتلت قلبو زمان ما كان كدا.
شمس الدين والله نحن فعلا هامش هامش. إنت عارف ريجاينا دي تقطعها من أقصاها لي أقصاها في أقل من ربع ساعة؟ مرة قالوا واحد من ناس المركز جا زارها قال ليهم دي شنو مدينتكم دي الـ (Rush hour) بتاعتها ما تامة ربع ساعة؟
و بيني و بينك يا أبو الشموس الواحد أحسن يشوف ليهو باسطة ياكلها ناس المنبر ديل شكلاتهم بقت ما بتخارج.

يا السنوسى نحن ولدنا دا ما بنلعب ليكم فيه


تجى انت تشاغل فيه كدا

يجى واحد جنجويد يطعنو من الخلف.















ـــــــــــــــــــــــــــــ


وبعدين انتو من طردتو ولدنا الطيب سيخة نحن مغبونين عليكم


يعنى اسكثرتو عليه بتكم ولولاه ما فى زول سمع بالمحاميد دى.










ـــــــــ
لزوم تسخين اللقاء

Quote: يا السنوسى نحن ولدنا دا ما بنلعب ليكم فيه تجى انت تشاغل فيه كدا يجى واحد جنجويد يطعنو من الخلف

ياود محجوب نحنا اصلنا ما بنطعن من ورا... نحنا شغلنا بره في السهله...وان غلبتنا بندرع الحويه وبندي البعير سوطين وبنتلبب ولدكم من فوق باقي نحنا صراع اليدين ما بنعرفه...

Quote: وبعدين انتو من طردتو ولدنا الطيب سيخة نحن مغبونين عليكم..

. ياخي ما اديناكم كتار...شبع هو... وبعدين انتو ما تجيبو ليكم زول كويس تجيبولكم كوز...وفي الكيزان كمان عسكري...ياخي بتنا دي نحنا ما قنعانين منها ياخي.. .